2. Хуурамч удирдагч, хуурамч хоньчин гэж юу болох, тэднийг хэрхэн ялган таних тухай

Холбогдох Бурханы үг:

Шалгуурт нийцсэн ажилчны ажил хүмүүсийг зөв замд аваачиж, үнэнд улам их орох боломж олгож чаддаг. Түүний ажил хүмүүсийг Бурханы өмнө авчирч чаддаг. Түүнчлэн, түүний хийдэг ажил нь хүнээс хүнд ялгаатай байж болдог, дүрэмд баригддаггүй бөгөөд хүмүүст чөлөөлөлт, эрх чөлөө, амиа алгуур өсгөх, үнэнд улам гүн орох чадавх олгодог. Харин шалгуурт нийцээгүй ажилчны ажил хамаагүй тааруухан байдаг. Бас ажил нь мунхаг байдаг. Тэрээр хүмүүсийг дүрэм рүү л аваачиж чаддаг ба хүмүүсээс шаарддаг зүйл нь хүнээс хүнд ялгаатай байдаггүй; тэрээр хүмүүсийн бодит хэрэгцээний дагуу ажилладаггүй. Ийм төрлийн ажилд, хэтэрхий олон дүрэм, хоосон сургаал байдаг бөгөөд хүмүүсийг бодит байдал руу ч, амийн өсөлтийн хэвийн хэрэгжүүлэлт рүү ч аваачиж чаддаггүй. Энэ нь хүмүүсээр үнэ цэнгүй цөөн хэдэн дүрэм журмыг баримтлуулдаг. Ийм удирдамж нь хүмүүсийг буруу замаар оруулж л чадна. Тэр чамайг өөртэйгөө адилхан болгож, өөрт нь юу байгаа, өөрөө юу болох руугаа л аваачиж чадна. Дагалдагчдын хувьд удирдагчид нь шалгуур хангадаг эсэхийг ялган таних гол түлхүүр бол тэдний удирдан чиглүүлдэг зам, ажлын үр дүнг харах, мөн дагалдагчид нь үнэнтэй нийцэлтэй зарчмыг хүлээн авдаг эсэх, өөрчлөгдөхөд нь тохирсон хэрэгжүүлэлтийн замыг хүлээн авдаг эсэхийг харах хэрэгтэй. Чи өөр өөр хүмүүсийн янз бүрийн ажлыг хооронд нь ялгах хэрэгтэй; чи мунхаг дагалдагч байх ёсгүй. Энэ нь хүмүүсийн оролтын хэрэг явдалд нөлөөлдөг. Хэрвээ чи аль хүний удирдлагад зам байгаа, алинд нь байхгүй болохыг ялган салгаж чадахгүй бол амархан мэхлэгдэнэ. Энэ бүгд чиний өөрийн амьтай шууд хамаатай.

Үг нь махбодоор илэрсэн номын “Бурханы ажил ба хүний ажил”-аас эш татав

Хүн оюун санаандаа байгаа ажлыг маш амархан гүйцэтгэдэг. Жишээлбэл, шашны ертөнцийн пастор, удирдагчид авьяас билиг, байр сууриндаа тулгуурлан ажлаа хийдэг. Удаан хугацаанд тэднийг дагасан хүмүүст тэдний авьяас билиг, оршихуйн зарим нь нөлөөлнө. Тэд хүмүүсийн авьяас билиг, ур чадвар, мэдлэгт анхаарч, мөн ер бусын зүйл, бодит бус гүн гүнзгий олон сургаалд (мэдээж, эдгээр гүн гүнзгий сургаалд хүрэхийн аргагүй) анхаарал хандуулдаг. Тэд хүмүүсийн зан чанарын өөрчлөлтөд анхаарлаа төвлөрүүлдэггүй, харин хүмүүсийг номлох, ажиллахад сургаж, тэдний мэдлэг болон элбэг арвин шашны сургаалыг сайжруулахад анхаардаг. Хүмүүсийн зан чанар хэр их өөрчлөгдсөнийг, хүмүүс үнэнийг хэр их ойлгож байгааг тэд анхаардаггүй. Тэд хүмүүсийн хэвийн болон хэвийн бус байдлын талаар мэдэх гэж оролдох нь байтугай, мөн чанарынх нь талаар ч хайхардаггүй. Хүмүүсийн үзлийг сөрдөггүй, үзлийг нь ч илчилдэггүй, дутагдал, завхралынх нь төлөө хүмүүсийг засаж бүр ч чаддаггүй. Тэднийг дагадаг ихэнх хүн авьяас билгээрээ үйлчилдэг ба илэрхийлдэг бүхэн нь бодит байдалтай хамааралгүй, хүмүүст амь өгч огт чадахгүй шашны үзэл, теологийн онол байдаг. Үнэндээ тэдний ажлын мөн чанар нь авьяасыг хөгжүүлж, юу ч үгүй хүнийг хөгжүүлээд, хожим нь ажиллаж, удирдахаар явах шашны сургуулийн авьяаслаг төгсөгч болгох явдал юм.

Үг нь махбодоор илэрсэн номын “Бурханы ажил ба хүний ажил”-аас эш татав

Чуулганы удирдагч, ажилчдын хувиар та нар Бурханы сонгосон хүмүүсийг үнэний бодит байдал руу хөтөлж, Бурханы гэрчлэгч болон үйлчлэхийг хүсвэл хамгийн гол нь хүмүүсийг аврах Бурханы зорилт, Бурханы ажлын зорилгын талаар илүү гүн гүнзгий ойлголттой байх ёстой. Бурханы хүсэл, хүмүүст тавьдаг янз бүрийн шаардлагыг нь ойлгох ёстой. Хичээл зүтгэл чинь бодитой байх ёстой; ойлгож байгаагийнхаа хэрээр л хэрэгжүүлж, мэддэг зүйлээ л ярь. Битгий онгир, бүү дэгсдүүл, хариуцлагагүй үг бүү хэл. Дэгсдүүлэх юм бол хүмүүс чамайг жигшиж, дараа нь чамд зэмлүүлсэн мэт санагдана; ингэх нь дэндүү зохисгүй юм. Чи бусдыг үнэнээр хангах үедээ үнэнийг хүртээхийн тулд заавал харьцаж, загнах албагүй. Чи өөрөө үнэнгүй бөгөөд бусадтай гагцхүү харьцаж, загнадаг бол тэд чамаас айх боловч тэглээ гээд тэд үнэнийг ойлгож байгаа гэсэн үг биш. Захиргааны зарим ажилд бусадтай тодорхой хэмжээнд харьцаж, тэднийг засаж, сахилгажуулж болно. Гэхдээ чи үнэнээр хангаж чаддаггүй, гагцхүү эзэрхэг аашилж, бусдыг загнахаа л мэддэг бол завхрал, муу муухай чинь илчлэгдэнэ. Цаг хугацаа өнгөрөхийн хэрээр хүмүүс чамаас амийн хангалт, бодитой зүйл олж авч чадахгүй болохоороо чамайг жигшиж, чамд ой гутдаг болно. Ялган таних чадваргүй хүмүүс чамаас сөрөг зүйл сурна; бусадтай харьцаж, засаж, уурлаж, уураа барьж чадахгүй байхыг сурна. Энэ нь бусдыг Паулын зам руу, мөхлийн зам руу хөтөлж байгаатай агаар нэгэн бус уу? Энэ ёрын муу үйл бус уу? Чиний ажил үнэнийг ярилцаж, бусдыг амиар хангахад төвлөрөх ёстой. Чи гагцхүү бусадтай сохроор харьцаж, сургаал айлддаг бол тэд ер нь яаж үнэнийг ойлгох юм бэ? Цаг хугацаа өнгөрөхийн хэрээр хүмүүс үнэхээр хэн болохыг чинь харж, чамайг орхино. Ийм маягаар чи яаж Бурханы өмнө бусдыг авчирна гэх хүлээлттэй байж чадна вэ? Үүнийг яаж ажил хийж байна гэх юм бэ? Энэ маягаар ажилласаар байвал чи бүх хүнийг алдана. Ер нь чи ямар ажил гүйцэлдүүлэх гэж найддаг юм бэ? Зарим удирдагч асуудал шийдвэрлэхийн тулд үнэнийг ярих чадваргүй байдаг. Оронд нь зүгээр л бусдыг айлган, өөрсдийг нь дуулгавартай дагадаг болгох гэж бусадтай сохроор харьцаж, эрх мэдлээ гайхуулдаг. Тийм хүмүүс бол хуурамч удирдагчид, антихристүүд юм. Зан чанар нь өөрчлөгдөөгүй хүмүүс чуулганы ажил хийх чадваргүй бөгөөд Бурханд үйлчилж чаддаггүй.

Эцсийн өдрүүдийн Христийн ярианы тэмдэглэл номын “Үнэний бодит байдалтай хүмүүс л удирдаж чадна”-аас эш татав

Миний ардуур олон хүн байр суурийн ерөөлд шунаж, ховдоглон идэж, нойронд шимтэж, махан биедээ бүх анхаарлаа хандуулан, махан бие нь гарах гарцгүй болохоос үргэлж айдаг. Тэд зүй ёсны чиг үүргээ чуулганд биелүүлдэггүй, харин чуулганыг сорон мөлжиж эсвэл ах эгч нараа Миний үгээр сургамжилж, эрх мэдлийн байр сууринаас бусдыг захирдаг. Энэ хүмүүс өөрсдийгөө Бурханы хүслийг биелүүлж байна гэж хэлсээр, үргэлж өөрсдийгөө Бурханы дотнын хүн гэж хэлдэг нь утгагүй хэрэг биш гэж үү? Хэрвээ санаа чинь зөв боловч Бурханы хүслийн дагуу үйлчлэх чадваргүй бол чи мунхаг байна; харин санаа чинь буруу атал өөрийгөө Бурханд үйлчилж байна гэж хэлсээр байвал чи Бурханыг эсэргүүцдэг нэгэн тул Бурханд шийтгүүлэх учиртай! Би ийм хүмүүсийг огт өрөвддөггүй! Бурханы гэрт тэд сорон мөлжиж, үргэлж махан биеийн тав тухад шунаж, Бурханы ашиг сонирхлыг хайхардаггүй; тэд үргэлж өөрсдөдөө сайн зүйлсийг эрж хайж, Бурханы хүсэлд ямар ч анхаарал хандуулдаггүй. Хийдэг бүхнийг нь Бурханы Сүнс шинжихийг тэд хүлээн зөвшөөрдөггүй. Тэд үргэлж ах эгч нараа залилж, мэхлэн, яг л усан үзмийн талбайг үргэлж гишгэчиж, усан үзэм хулгайлдаг үнэг шиг хоёр нүүртэй байдаг. Ийм хүмүүс Бурханы дотнын хүн байж чадах уу? Чи Бурханы ерөөлийг хүлээж авахад тохирно гэж үү? Өөрийн амь болон чуулганы төлөө ямар ч ачаа үүрдэггүй байж чи Бурханы даалгаврыг хүлээж авахад тохирно гэж үү? Чам шиг хүнд хэн итгэж зүрхлэх вэ? Чамайг ингэж үйлчилж байхад Бурхан чамд илүү их ажил даалгаж чадна гэж үү? Ажилд энэ нь садаа болох бус уу?

Үг нь махбодоор илэрсэн номын “Хэрхэн Бурханы хүсэлд нийцүүлэн үйлчлэх вэ”-ээс эш татав

Хэрвээ удирдагчаар ажилладаг хүн Бурханы үгийг ойлгох чадвартай, үнэнийг ойлгох хэв чанартай бол өөрөө Бурханы үгийг ойлгож, Түүний үгийн бодит байдалд орж чаддаг төдийгүй мөн өөрийнхөө удирддаг хүмүүст зөвлөж, тэднийг залж чиглүүлж, Бурханы үгийг ойлгож, Бурханы үгийн бодит байдалд ороход нь тусалж чадна. Гэхдээ ийм хэв чанар нь хуурамч удирдагчдад байдаггүй яг тэр зүйл юм. Тэд Бурханы үгийг ойлгодоггүй, Бурханы үг ямар байр байдлыг хэлээд байгааг, ямар байдлыг хүмүүс завхарсан зан чанараа харуулдаг байдал гэж илчлэхийг, эсвэл ямар байдлыг Бурханыг төрөлхөөсөө эсэргүүцэх, Бурханы эсрэг гомдоллох байдал гэж илчлэхийг, эсвэл хүний сэдэл гэх мэтийг мэддэггүй. Тэд аливааг Бурханы үгтэй жишин үзэх чадваргүй, Бурханы үгээс хэдхэн үг, дүрэм журам, давтагдсан хэллэгийг л өнгөц түвшинд ойлгодог төдий. Бусадтай нөхөрлөхдөө тэд Бурханы үгийн нэг хэсгийг цээжлээд, дараа нь тэдгээрийн өнгөц утгыг тайлбарладаг. Хуурамч удирдагчдын Бурханы үгийн талаарх ойлголт, мэдлэг, хүлээн авах байдал нь гагцхүү үүгээр хязгаарлагддаг. Тэдэнд Бурханы үгийг ойлгох чадвар байдаггүй. Тэд эдгээр үгийн үгчилсэн түвшинд хүн бүрд илэрхий байдаг томъёолол ба утга учрыг л ойлгодог, тэгээд өөрсдийгөө Бурханы үгийг ойлгож, ухаарсан гэж боддог. Иймээс тэд бас, өдөр тутмын амьдралд нь бусдыг сургаж, бусдад “туслахын” тулд Бурханы үгийн үгчилсэн утгыг ашиглан, ингэснээрээ ажлаа хийж байна, Бурханы үгийг идэж ууж, Бурханы үгийн бодит байдалд ороход нь хүмүүсийг залж чиглүүлж байна гэж боддог. Хуурамч удирдагчид үргэлж Бурханы үгийг бусдад нөхөрлөж, янз бүрийн арга замаар Бурханы үгийг дамжуулан, зарим асуудалтай тулгарахад нь Бурханы үгийн энэ хэсгийг идэж уу, өөр асуудалтай тулгарахад нь Бурханы үгийн тэр хэсгийг идэж уу гэдэг. Хүмүүст Бурханы тухай буруу ойлголт төрөх үед тэд “Хар даа, энэ тухай Бурханы үг тов тодорхой, ойлгомжтой байна. Чи яахаараа Бурханыг бас л буруу ойлгодог юм бэ? Энэ энийг даган мөрд гэж Бурханы үг биднээс шаарддаггүй гэж үү, бас тэр тэрийг даган мөрд гэж шаарддаггүй гэж үү?” хэмээн хэлдэг. Бурханы үгийг хэрхэн ойлгож, үүнд хэрхэн орох тухай хүмүүст ийнхүү зааж сургадаг. Тэдний удирдамж дор олон хүн Бурханы үгийг цээжээр уншиж чаддаг болж, асуудалтай тулгарах үедээ Бурханы зарим үгийг санаж чаддаг. Гэхдээ тэд хэчнээн ихийг уншиж, цээжээр ярьдаг ч бай хамаагүй, Бурханы үг юуг хэлж байгааг мэдэхгүй хэвээр үлддэг. Тэдэнд жинхэнэ гай дайрахад, эсвэл зарим эргэлзээ төрөхөд тэдний мэддэг, санадаг Бурханы үг бэрхшээлийг нь шийдвэрлэж чаддаггүй. Энэ нь нэг асуудлыг харуулдаг: Тэдний ойлгодог Бурханы үг бол ердөө хоосон сургаал, нэг төрлийн дүрэм журам төдий юм; тэдгээр нь бодит байдал биш, үнэн биш. Тиймээс Бурханы үгийг идэж ууж, Бурханы үгийн бодит байдалд ороход хуурамч удирдагчид хүмүүсийг залж чиглүүлэх явдал нь Бурханы үгийн үгчилсэн утгыг зааж сургахаар хязгаарлагддаг; энэ нь Түүний үгээс гэгээрэл хүртэх боломжийг тэдэнд олгох чадваргүй байдаг, мөн өөрсдийнх нь дотор ямар завхарсан зан чанар байгааг мэдэх боломж олгож чаддаггүй. Ямар нэг зүйл тохиолдох бүрд хүмүүст илчлэгддэг зан чанар, мөн чанар болон Бурханы үгийг ашиглан тэдгээрийг хэрхэн шийдвэрлэж болох, тиймэрхүү зүйл өөрсдөд нь тохиолдох бүрд хүмүүсийн байр байдал ямар байдаг, тийм байр байдлыг хэрхэн шийдвэрлэж болох, энэ талаар Бурханы үгэнд юу гэж хэлсэн байдаг, Түүний үг юу шаарддаг, зарчмууд нь юу болох, тэнд ямар үнэн оршдог—эдгээрийн алийг ч тэд ойлгодоггүй. Тэд гагцхүү хүмүүсийг ингэж ятгадаг: “Бурханы үгийг илүү их идэж уу. Бурханы үг үнэнийг агуулдаг, Түүний үгийг илүү их сонсох юм бол үнэнийг аажмаар ойлгоно. Бурханы үгийн гол чухал хэсгүүд нь чиний ойлгодоггүй яг тэр хэсэг юм, иймээс чи илүү их залбирч, илүү их хайж, илүү их сонсож, улам их тунгаан бодох ёстой.” Хуурамч удирдагчид тийм ятгалгаа үргэлжлүүлсээр байдаг. Тодорхой нэг төрлийн асуудал үүсэх бүрд тэд нэгэн адил зүйл хэлдэг бөгөөд дараа нь хүмүүс асуудлын мөн чанарыг ойлгоогүй хэвээр, Бурханы үгийг хэрхэн хэрэгжүүлэхээ мэдэхгүй хэвээр байдаг; тэд ердөө л Түүний үгийн үгчилсэн дүрэм журэм, утгыг даган мөрддөг, харин Бурханы үгийг хэрэгжүүлэх үнэн-зарчим болон үнэний шаарддаг бодит байдлыг бол тэд ойлгодоггүй.

Эцсийн өдрүүдийн Христийн ярианы тэмдэглэл номын “Хуурамч удирдагчдыг ялган таних нь (1)”-аас эш татав

Өөр өөр нөхцөл байдалд өөр өөр төрлийн хүмүүсээс харагддаг янз бүрийн байр байдал болон илрэлийн мөн чанарыг хуурамч удирдагчид хэзээ ч ухаарч чаддаггүй, үүнээс үүдэн гардаг асуудлуудыг хэзээ ч шийдвэрлэж чаддаггүй. Өөрсдөө үнэнийг ойлгодоггүй учраас тэд хүмүүсийг буруу таньж, хачин авирлаж, түр зуур сул дорой байгаа, эсвэл хааяа сөрөг байдаг хүмүүсийг урвагч, үүргээ гүйцэтгэхдээ биеэ оторлогч, үл итгэгч гэж үздэг; харин өнгөц авьяастай, багахан энгийн ажил хийх чадвартай, бага зэргийн хичээл чармайлт гаргаж чаддаг хүмүүс бол тэдний асар их дэмжиж, чуулганд байлгахаар хичээдэг хүмүүс юм. Энэ нь хачин авирлаж байгаа хэрэг бус уу? Хуурамч удирдагчид яаж хачин авирлах болдог вэ? Тэд Бурханы үгийг ухаарах чадалгүй, үнэнийг ойлгодоггүй тул янз бүрийн зүйл өөрсдөд нь тохиолдоход өөрсдийнхөө ойлгодог багахан, туйлын өнгөц үнэнийг хэрэглэдэг бөгөөд үүнийг хэрэглэхээр оролдох зуураа үймээн самуун тарьж орхидог. Аминд ороход нь хүмүүст тохиолддог бэрхшээлийг тэд шийдвэрлэдэггүйгээр үл барам, хүмүүсийг сул доройгоос хүчтэй болгон өргөж чаддаггүй, харин жинхэнэ итгэлтэй, Бурханы төлөө зарлагадах үнэмшилтэй зарим хүнийг сул дорой болгож, Бурханыг буруу тайлбарлахад хүргэхийн сацуу Бурханы гэрт үүргээ биелүүлэхийг хүсдэггүй үл итгэгчдийг Бурханы гэр өөрсдийг нь далимдуулан ашиглаж байна хэмээн буруугаар ойлгоход хүргэн, Бурханы гэрт авьяастай хүн нэг ч байхгүй мэт, тохиромжтой хүнийг олох боломжгүй мэт албан хүчээр тэднээр үйлчлэл хийлгэдэг. Энэ нь хуурамч удирдагчдын ажлын гаж нөлөө юм. Энэ бүхэн яаж бий болдог вэ? Тэд үнэнийг ойлгодоггүй, зөвхөн аятайхан үг, хэллэгийг санах чадвартайгаас болдог. Тэд өөрсдөө ямар ч бодит туршлага, мэдлэггүй, үнэнийг хүлээн зөвшөөрдөггүй, эцсийн эцэст асуудалтай тулгарах үедээ ердөө хэдхэн үгийг тоть шиг давтаж л чаддаг: “Бурханыг хайрла, үнэнч шударга бай, чамд ямар нэг зүйл тохиолдох үед дуулгавартай байж, захирагд, үүргээ сайн биелүүл; чи үнэнч зантай байх ёстой, махан биеэ хаях ёстой, өөрийгөө Бурханы төлөө зарлагадах ёстой!”. Тэд ихэд дэлгэрсэн хоосон ийм хэллэг ашиглан өөрсдийн амьдралыг баяжуулж, бас бусдад нөлөөлнө гэж найддаг. Гэхдээ энэ нь ямар үр нөлөөтэй вэ? Юу ч өөрчлөгдөхгүй. Тиймээс аминд ороход нь хүмүүст тохиолддог бэрхшээлийг шийдвэрлэх тухайд хуурамч удирдагчид амжилт олж чадахгүй. Хүмүүст тулгардаг тоо томшгүй олон асуудлыг шийдвэрлэж чаддаггүй.

Эцсийн өдрүүдийн Христийн ярианы тэмдэглэл номын “Хуурамч удирдагчдыг ялган таних нь (1)”-аас эш татав

Хуурамч удирдагчид хүмүүсийг будилуулж, төөрөлдүүлэхийн тулд өнгөн дээрээ зөв юм шиг санагдах зүйлс үргэлж хэлдэг бөгөөд энэ нь эргээд тэр хүмүүсийн амийн оролтод сөргөөр нөлөөлдөг. Мөн хэзээ ч тохиолдох ёсгүй зарим нэг үр дагаварт хөтөлдөг. Хуурамч удирдагчдын сүнслэг онч үг, уран яруу хэллэг гээчийг тэрс үзэл, ташаарал гэж нэрлэж болно. Өнгөн дээрээ тэдгээрт ямар ч буруу зүйл байхгүй мэт сонсогддог ч үнэндээ хүмүүсийн амийн оролт болон алхаж буй замд бартаа, садаа, төөрөгдөл болдог. Тэр ч байтугай, зарим хүнийг Бурханы тухай буруу ойлголттой болж, Бурханы үгэнд эргэлзэж, эсэргүүцдэг болоход хүргэдэг. Хуурамч удирдагчдын үгийн хүмүүст үзүүлэх нөлөө энэ юм. Хуурамч удирдагчид бусдыг залж чиглүүлэхдээ ийм тэрс үзэл, ташаарал ашигладаг болохоор энэ хүмүүс Бурханыг дагахын зэрэгцээ байнга Түүний тухай үзэл, сэргийлэлт, эргэлзээг бий болгож байдаг. Иймээс хуурамч удирдагчдын төөрөгдөл, нөлөөлөл дор шинэ шашин гарч ирдэг. Ийм төрлийн шинэ шашин бол яг л 2000 жилийн өмнөх Христийн шашинтай адил, Бурханы Өөрийнх нь замыг мөрдөлгүй Паул эсвэл бусад шавь нарын сургаал гэх мэт хүний хэлсэн үг, сургаалыг л баримталдаг. Хуурамч удирдагчдын хийдэг зүйл бол хүмүүсийг төөрөлдүүлэх явдал бөгөөд үнэнийг эрэлхийлэх хэвийн, зөв замд ороход нь садаа болдог. Тэдгээр нь хүмүүсийг үнэнийг эрэлхийлэх зөв замаас хуурамч-сүнслэг зам руу татан оруулдаг; тэднийг шашны хэв маягтай итгэл рүү аваачдаг. Хуурамч удирдагчид хүмүүсийг төөрөлдүүлж, удирдаж, залж чиглүүлж байх үедээ туйлын зөв мэт харагддаг ч үнэнтэй ямар ч хамааралгүй онол, онч үг, үйлдэл, үзэл бодлыг байнга бодож олж байдаг. Эдгээр зүйл үнэнээс тэс зөрөөтэй, үнэнтэй огт хамааралгүй байдаг. Гэвч хуурамч удирдагчдын удирдамж дор хүн бүр тэдгээрийг үнэн гэж үзэж, тэдгээр нь үнэхээр үнэн гэж бүгд эндүүрэн итгэдэг. Хүн сайхан ярьдаг, зүрх сэтгэлдээ итгэл үнэмшилтэй, амаараа итгэлийг тунхагладаг л бол тэр хүн үнэнийг олж авсан гэж тэд боддог. Эдгээр бодол, харах өнцөгт төөрөлдсөн хүмүүс үнэн-бодит байдал, эсвэл Бурханы үг рүү орж, тэдгээрийг хэрэгжүүлж, Түүний үгэн дотор амьдарч чаддаггүйгээр үл барам, харин ч Бурханы үгээс улам бүр холдож орхидог. Тэд бүгдийг Бурханы үгийн дагуу хийж байгаа мэт харагддаг ч энэ Бурханы үг гээч нь Бурханы шаардлага, хүсэлтэй ямар ч холбоогүй, үнэн-зарчимтай огт хамаагүй байдаг. Тэгвэл юутай хамаатай байдаг вэ? Хуурамч удирдагчдын сургаал, санаа зорилго, хувийн хүсэл, ойлголттой л хамаатай. Тэдний удирдаж байгаа байдал нь улам олон хүнийг шашны зан үйл, хатуу чанд дүрэм, хоосон сургаалын бичиг үсэг төдийхөн рүү, мөн мэдлэг, гүн ухаан руу аваачдаг. Антихристүүдээс ялгаатай нь, хэдийгээр хуурамч удирдагчид бусдыг өөрсдийнхөө өмнө, эсвэл Сатаны өмнө авчирдаггүй ч хүмүүсийн зүрх сэтгэл эдгээр тэрс үзэл, ташааралд ямар ч ялгаагүй эзэмдүүлдэг. Эдгээр тэрс үзэл, ташааралд автсан үедээ хүмүүс өөрсдийгөө амийг аль хэдийн олж авсан гэж эндүүрэн итгээд, засаршгүй нэгэн, үнэн, Бурханы үг, Бурханы шаарддаг зүйлийн илэрхий дайсан болдог.

Эцсийн өдрүүдийн Христийн ярианы тэмдэглэл номын “Хуурамч удирдагчдыг ялган таних нь (2)”-аас эш татав

Хуурамч удирдагч нар хэзээ ч үнэн-зарчмыг нөхөрлөдөггүй, бас хэзээ ч үнэн-зарчмыг эрж хайдаггүй; тэд ойлгодоггүй атлаа ойлгодог юм шиг, ухаардаггүй атлаа ухаардаг юм шиг дүр эсгэдэг. Удирдагчийн үүрэг гүйцэтгэх чадваргүй нь илэрхий, сүнсний хэрэг явдлыг ухаарч ойлгодоггүй, үнэнийг өнгөцхөн л ойлгодог, үнэн-зарчмыг ойлгох өндөрт хүрэх чадваргүй атлаа тэд ойлгодог юм шиг, ухаардаг юм шиг дүр эсгэдэг. Ажиллах үедээ тэд үргэлж сохроор дагуулах юм уу, зүгээр л дүрэм журам дагадаг; гаднаа тэд завгүй юм шиг харагддаг хэр нь ажилд нь яриуштай үр нөлөө байдаггүй. Учир нь, эдгээр хуурамч удирдагч үнэн-зарчмыг ойлгодоггүй, ердөө л үргэлж дүрэм журам дагаж, үзэл, төсөөлөлд найддаг, энэ нь хариуцсан төрөл бүрийн ажлын төсөл дээр нь хангалттай ахиц, олигтой үр дүн гаргахгүй байхад хүргэдэг; тэдний удирдлага доор байдаг ихэнх хүн Бурханы хүсэл болон ажлын дагах ёстой үнэн-зарчмыг ойлгодоггүй. Тэдний удирдлагад байдаг ихэнх хүний ойлгодог ганц зүйл нь “Бид Бурханы хүслийг бодолцох ёстой”, “Бид үүргээ гүйцэтгэхдээ үнэнч байх ёстой”, “Бидэнд ямар нэгэн зүйл тохиолдвол бид хэрхэн залбирахаа мэдэх ёстой”, “Бидэнд ямар нэгэн зүйл тохиолдоход бид үнэн-зарчмыг эрж хайх ёстой” гэх нь юм. Хүмүүс эдгээр амны уншлага, хоосон сургаалыг үргэлж хашхирдаг хэр нь үнэн-зарчмын талаар өчүүхэн ч ойлголтгүй байдаг. Олон хүн зарим нэг асуудалтай тулгарахаараа залбирч, үүргээ гүйцэтгэхдээ үнэнч байхыг хичээдэг, харин үнэхээр үнэнч байхын тулд тэд юу хийх ёстой вэ? Бурханы хүслийг үнэхээр ойлгохын тулд тэд хэрхэн залбирах ёстой вэ? Тэд асуудалтай тулгарахаараа үнэн-зарчмын талаарх ойлголтод хүрэхийн тулд хэр их хайх ёстой вэ? Ийм асуулттай нүүр тулахаараа тэдэнд хариулт байдаггүй. Тэд удирдагчаас асууж, удирдагч нь “Чамд ямар нэгэн зүйл тохиолдоход хэсэг хугацааг Бурханы үгийг уншихад зарцуул, илүү их залбирч, илүү их нөхөрлө, судалгаа хийхэд интернэт ашигла” гэж хэлдэг. Тэд “Тэгэхээр, энд ямар зарчим байна вэ?” “Чи энэ тухай онлайнаар хайвал олж мэднэ. Бурханы үгэнд мэргэжлийн ажлын асуудлын талаар юу ч өгүүлээгүй, би ч бас ойлгодоггүй. Хэрвээ чи ойлгохыг хүсвэл үүнийгээ онлайнаар хай—надаас бүү асуу. Би та нарыг үнэнийг ойлгоход хөтөлж байгаа болохоос биш мэргэжлийн ажлын асуудал дээр хөтлөөгүй” гэдэг. Хуурамч удирдагчид ийм бултаж зайлсан үг хэрэглэдэг. Тэгээд үр дүн нь ямар байдаг вэ? Хэдийгээр ихэнх хүн үүргээ гүйцэтгэх оргилсон хүсэл тэмүүлэлтэй байдаг боловч зарчмын хүрээнд хэрхэн үйлдэхээ, зарчмын хүрээнд үүргээ хэрхэн зөв зүйтэй гүйцэтгэхээ мэддэггүй. Тиймээс, хуурамч удирдагчийн хариуцсан төрөл бүрийн ажлын төслийн үр дүнгээр нь дүгнэвэл, ихэнх хүн ажлаа хийхдээ мэргэжлийн ур чадвар, эрдэм мэдлэг, өмнө нь сурсан ур чадвартаа түшиглэдэг; энэ хүмүүс Бурхан тусгайлан юу шаарддаг, Бурханд гэрчлэл хийж чаддаг болохын тулд юу хийх ёстой, Бурханд гэрчлэл хийх ажилд дөхөм болохын тулд юу хийх ёстой, илүү олон хүний анхаарлыг хэрхэн татах, хэрхэн илүү их сонирхол татах, мэргэжлийн ажлын хэсэг бүрийг нь илүү онцгой, илүү үлгэр жишээ, илүү нягт нямбай болгож, ингэснээр бишрэл төрүүлж, Бурханыг ичгүүртэй байдалд оруулахгүйн тулд юу хийх ёстойгоо мэддэггүй. Яагаад ийм байдаг вэ? Хариулт нь хуурамч удирдагчдын ажилтай шууд холбоотой; шууд шалтгаан нь хуурамч удирдагч нар үнэн-зарчим гэж юу болохыг өөрсдөө мэддэггүй, ямар зарчмыг нь хүмүүс ойлгож, дагах хэрэгтэй гэдгийг мэддэггүй. Тэд өөрсдөө ийм зүйлийг мэддэггүй, бас Бурханы үгэн дунд эрж хайхад хүмүүсийг хэзээ ч хөтөлж байгаагүй, Дээрхээс шууд эрж хайж байгаагүй. Энэ нь ажлын янз бүрийн хэсгийг дахиж хийх хэрэгтэй болох нөхцөл байдалд үргэлж хүргэдэг. Энэ нь санхүүгийн болон материаллаг нөөцийг үр ашиггүй зарлагаддаг төдийгүй, хүний асар их эрч хүч, цаг хугацааг бас үрдэг. Ийм нөхцөл байдал болон ийм ажлаас бий болсон үр уршиг нь хуурамч удирдагчдын ажилтай шууд холбоотой; энэ нь хуурамч удирдагчдын ажилладаг арга зам ба удирдлагатай нь шууд холбоотой. Хуурамч удирдагч нарыг увайгүй аашилдаг гэж хэлж хэдийгээр болохгүй боловч олон тохиолдолд тэдний хийдэг ажил Бурханы шаарддаг зарчим, стандарттай зөрчилддөг гэхэд буруудахгүй. Тэр тусмаа тэд үнэн-зарчмыг ойлгодоггүй, бусдад үнэн-зарчмыг тодорхой нөхөрлөж чаддаггүй, харин ч хөндлөнгөөс үл оролцох аргыг хэрэглэж, хүмүүст хүссэнээрээ хийх эрх чөлөө өгдөг учраас энэ нь яваандаа олон хүн мэргэжлийн ажилтай холбоотой үүрэг гүйцэтгэхдээ тогтсон стандартын дагуу ажлаа дуусгаж чадахгүй болоход хүргэдэг. Мөн түүнчлэн, энэ нь янз бүрийн хүмүүс хүссэнээ хийж, сайн хийдэг зүйлээ хийж, аливааг зөв гэж үзсэнээрээ л хийж болно гэж бодоход хүргэдэг. Ажил дээр үүсдэг нөхцөл, байдал нь ийм байхад хуурамч удирдагч нар энэ талаар юу ч хийж чаддаггүй. Нэг талаас хүчин мөхөстдөг бол нөгөө талаас эдгээр хуурамч удирдагчийн мэдлэггүй, чадваргүй, сүнслэг ойлголтгүй, сүнслэг байдал нь хуурамч байдгийн улмаас хүмүүсийг төөрөгдүүлж ийм маягаар үйлдэх нь зөв, тэдэнд хүсэл тэмүүлэл байхад л хангалттай, Бурханд гэрчилж, үүргээ гүйцэтгэхээр зорьж л байгаа цагт Бурханы гэрт хэн ч хүч чадлаа дуртай аргаараа ашиглаж болно гэж бодоход хүргэдэг. Янз бүрийн үүргийн хувьд ойлгох ёстой, үнэн-зарчимтай холбоотой хуурамч удирдагчдын хандлага, арга барил ийм байдаг, тэд ийм маягаар ажилладаг билээ.

Эцсийн өдрүүдийн Христийн ярианы тэмдэглэл номын “Хуурамч удирдагчдыг ялган таних нь (3)”-аас эш татав

Хуурамч удирдагч нар бүлгийн зааварлагчийн бодит нөхцөл байдлын талаар хэзээ ч мэдээлэлтэй болж, мэдэж байдаггүй, бас тэд амийн оролттой холбоотой нөхцөл байдлаас гадна бүлгийн зааварлагч ба чухал ажил хариуцсан ажилтнууд Бурханд янз бүрээр ханддаг хандлагын талаар мэдээлэлтэй болж, мэдэж байх, ойлгож авах гэж оролддоггүй; хуурамч удирдагч нар өөрсдийн өөрчлөлт, ахиц дэвшил, ажлынх нь үеэр гарч ирдэг янз бүрийн асуудал, ялангуяа ажлын хугацаа бүхэнд, ажлын үе шат болгонд ажилд нь бий болж, нөлөөлж, саад болж, хохирол учруулдаг янз бүрийн нөхцөл байдлын талаар мэдээлэлтэй болдоггүй. Хэрвээ тэд ийм зүйлийг ойлгож чадахгүй бол тэдгээрийг даруйхан шийдвэрлэж чадахгүй—тэгээд тэдгээрийг даруйхан шийдвэрлэж чадахгүй бол ажилд зааварлагчдын учруулсан сөрөг нөлөө, хохирлыг нэн даруй засаж чадахгүй болно. Энэ тал дээр хуурамч удирдагч нар хариуцлагаа ийнхүү биелүүлээгүй байна. Хариуцлагаа биелүүлэхгүй байх нь үүргээ хөсөрдүүлж байгаа хэрэг; тэд бусдыг харгалзах, бусад хүний талаар илүү ихийг мэдэх, нөхцөл байдлыг нь бүрэн дүүрэн ойлгож, тэднийг хянах үүргээ биелүүлэхгүй байна. Хүний зүрх сэтгэлийг шинжих хүч чадал Бурханд бий; хүнд байхгүй. Тиймээс хүн шаргуу ажиллах ёстой, залхуурах ёсгүй, ажлаа шалмаг дуусгах ёстой. Хуурамч удирдагч энэ ажлыг гүйцэтгэхдээ хариуцлагаа биелүүлж чадахгүй байх нь үүргээ ноцтой хөсөрдүүлж байгаа хэрэг бөгөөд энэ нь зарим нэг зааварлагч янз бүрийн асуудал гаргаж, чадваргүй атлаа албан тушаалдаа үлдэж, эцэст нь ажил олон удаа саатахад хүргэснээс гадна бүхий л төрлийн асуудал шийдвэрлэгдэхгүй хэвээр үлдэхэд хүргэжээ. Эдгээр нь хуурамч удирдагчид нь зааварлагчдын талаар мэдээлэлтэй болохгүй, тэднийг мэддэггүй байснаас үүддэг асуудлууд юм. Эдгээр нь зааварлагч нар цалгар назгай байгаа эсэх, тэд бодитой ажил хийж байгаа эсэх тухай асуудал билээ. Эдгээр асуудлын тухайд, хуурамч удирдагч нар үзлэг шалгалт явуулдаггүй, доор нь юу болж байгаа талаар үргэлж мэдээлэлтэй байдаггүй, нөхцөл байдлыг цаг тухайд нь ухаарч ойлгодоггүй болохоор зааварлагч нар хэр зэрэг сайн ажиллаж байгаа, ямар ахиц дэвшил гаргаж байгаа, бодитой ажил хийж байна уу, эсвэл зүгээр л амны уншлага хашхирч, Дээрхийг хааш яаш аргалахын тулд ямар нэг өнгөц үзэгдэл ашиглаж байна уу гэдгийг огт мэддэггүй. Ямар нэг зааварлагчийн ажлын талаар, мөн тэр хүн чухам ямар ажил хийж байгааг нь асуухад тэд “Мэдэхгүй ээ—ямар ч байсан, намайг тэдэнтэй ажлын талаар ярихад тэд өөр зүйлийн талаар огт дурдаагүй” гэж хариулдаг. Хуурамч удирдагч нарын мэдлэгийн цар хүрээ нь энэ; зааварлагч хариуцлагаасаа зайлсхийгээгүй, байнга бэлэн байдаг бол энэ нь тэдэнд ямар ч асуудал байхгүй гэдэг баримтыг бодитойгоор харуулж байна гэж андуурдаг. Хуурамч удирдагч нар ингэж ажилладаг; энэ нь хуурамч байдлын илэрхийлэл мөн үү? Тэд хариуцлагаа биелүүлж чадаж байна уу, чадахгүй байна уу? Энэ бол үүргээ ноцтойгоор хөсөрдүүлж буй хэрэг.

Эцсийн өдрүүдийн Христийн ярианы тэмдэглэл номын “Хуурамч удирдагчдыг ялган таних нь (3)”-аас эш татав

Хуурамч удирдагчдын ажлын гол онцлог шинж нь гэвэл, уриагаа хашхирч, тушаалаа гаргасны дараа, хэрэг явдалд зүгээр л оролцдоггүй. Тэд тухайн төсөл цаашид яаж явагдаж байгаа талаар огт асуудаггүй; ямар нэг асуудал, гажуудал, бэрхшээл гарсан эсэхийг асуудаггүй. Хүлээлгэж өгмөгц дууссан гэж үздэг. Үнэндээ, төслийн явцын талаар мэдэж байх нь удирдагч хүний хийж болдог зүйл юм. Ийм хэрэг явдалд чи шинэ түүхий байсан ч гэсэн—энэ талаар чамд мэдлэг байхгүй ч гэсэн—чи ийм ажлыг биелүүлж чадна; нөхцөл байдлыг шалгаж, санал зөвлөгөө өгөх мэдлэгтэй, тухайн ажлыг ойлгодог хүнийг ол. Тэдний саналаас чи зохих зарчмыг тодорхойлж, ингэснээрээ ажлын талаар мэдэж чадна. Тухайн ажлын төрлийг чи сайн мэддэг, эсвэл ойлгодог байсан ч, үгүй байсан ч ядаж л тэрхүү ажлыг даргалж, мэдэж, ойлгож, явцынх нь талаар мэдээлэлтэй болохын тулд лавлаж, асуулт асуу. Тийм хэрэг явдлын талаар чи ойлголттой байх ёстой; энэ бол чиний хариуцлага, гүйцэтгэх ёстой үүрэг чинь. Ажлын талаар мэдэхгүй—түүнд оролцохгүй—байх нь хуурамч удирдагчдын үйлдэл юм. Ажлын тодорхой нэг хэсгийн талаар мэдэж байх гэж тодорхой арга хэмжээ авахгүй, ажлын энэ тодорхой хэсгийн тодорхой явцыг ойлгож, ухаарахгүй байх нь мөн л хуурамч удирдагчийн илрэл билээ.

Хуурамч удирдагч нар ажлын явцын байр байдлыг ойлгодоггүйгээс болж ахин дахин саатахад байнга хүргэдэг. Зарим ажил дээр хүмүүс зарчмыг нь ойлгодоггүй, түүнчлэн тэр ажлыг удирдахад тохиромжтой хүн байхгүй учраас ажил явуулж буй хүмүүс тогтмол сөрөг, идэвхгүй, хүлээсэн байдалтай байдаг бөгөөд энэ нь ажлын явцад ноцтой нөлөөлдөг. Юуны түрүүнд удирдагч хариуцлагаа биелүүлсэн бол—тэд удирдлагыг гартаа авч, ажлыг урагшлуулж, яаравчлуулж, мөн тухайн төрлийн ажлыг ойлгож, удирдан чиглүүлэх хүн олсон бол ажил нь ахин дахин саатаж бүтэлгүйтэхийн оронд илүү хурдан ахих байсан. Тэгэхээр удирдагч нарын хувьд ажлын бодит нөхцөл байдлыг ухаарч ойлгох нь нэн чухал юм. Мэдээжийн хэрэг, удирдагч нар ажил хэрхэн ахиж байгааг ухаарч, ойлгох нэн шаардлагатай—учир нь, ажлын явц нь ажлын бүтээмж ба энэ ажлын хүрэхээр зорьж буй үр дүнтэй холбоотой байдаг. Хэрвээ удирдагч ажил ямар ахицтай байгааг хүртэл ухаараагүй бол ихэнх тохиолдолд ажлын явц удаан, идэвхгүй байна гэж хэлж болно. Ачаагаа ухамсарласан, тухайн төрлийн ажил дээр тодорхой хэмжээний чадвартай, өөрсдийг нь шавдуулдаг, хянаж, удирдан чиглүүлдэг хүн байхгүй л бол үүргээ гүйцэтгэж буй ихэнх хүн удаан, идэвхгүй ажиллах болно. Шүүмжлэл, сахилгажуулалт, засалт, харьцалт байхгүй бол бас л тийм байдаг. Удирдагч болон ажилчид ажлынхаа явцыг цаг тухайд нь ойлгож, ухаарах нь нэн чухал, учир нь, хүмүүс хойрго бөгөөд удирдагч нар удирдан чиглүүлж, шавдуулж, явцыг нь хянахгүй бол, ажлын явцын талаар цаг үеийн ойлголттой удирдагч байхгүй бол, хүмүүс назгайрч, залхуурч, хааш яаш болох хандлагатай байдаг—хэрвээ тэд ажилдаа ингэж ханддаг бол ажлын явц, бүтээмжид их ноцтой нөлөөлнө. Эдгээр нөхцөл байдлыг харгалзан удирдагч болон ажилчид ажлын хэсэг бүрийн талаар даруй мэдэж авах, ажилтнууд болон ажилтай холбоотой нөхцөл байдлын талаар мэдээлэлтэй байх хэрэгтэй. Мэдээжийн хэрэг, хуурамч удирдагч нар энэ ажил дээр хэнэггүй, хайхрамжгүй; хариуцлага хүлээх чадваргүй байдаг. Тиймээс ажлын одоогийн байдал, явцын тал дээр хуурамч удирдагч нар үргэлж “мориор хатируулах зуураа цэцэг биширдэг”; тэд хэнэггүй, хайхрамжгүйгээс гадна хааш яаш байдаг; тэд өндөр дуугаар, хоосон үгээр ярьж, хоосон сургаал номлож, оромддог. Ерөнхийдөө, хуурамч удирдагч нар ингэж ажилладаг. Тэднийг антихристүүдтэй харьцуулахад, хэдийгээр тэд илт муу зүйл хийдэггүй, санаатайгаар хор хөнөөлтэй байдаггүй боловч ажилдаа хандах хандлага нь ёрын мууг ч сүүдэрлэн дардаг бус уу? Хэдийгээр тэдний ажлыг төрөлхийн чанараар нь муу гэж тодорхойлж болохгүй боловч ажлын бүтээмжийн өнцгөөс харвал, төрөлхийн чанар нь хэнэггүй, хааш яаш бөгөөд ачаагаа огт ухамсарлаагүй байна гэхэд болно; тэд ажилдаа үнэнч биш байдаг.

Эцсийн өдрүүдийн Христийн ярианы тэмдэглэл номын “Хуурамч удирдагчдыг ялган таних нь (4)”-аас эш татав

Одоогийн нөхцөл байдал, ажлынхаа явцын хувьд, хуурамч удирдагч нар ажил дээр үүсэж болзошгүй эндүүрэл, гажуудлыг даруйхан таньж, шийдвэрлэн засаж залруулахын тулд мэдээлэлтэй болох, талбар дээрх бодит нөхцөл байдлын талаар мэдэж авах юм уу, тодорхой нэг нарийн ширийн зүйлийг зөв ойлгох гэж оролдохоор ажлын байран дээр хэзээ ч очдоггүй. Ажлын бодит агуулгатай холбоотойгоор тэдний хийдэг цорын ганц зүйл нь уриа хашхирч, оромдох л байдаг. Бүхий л төсөл дээр ажлын талаар нөхөрлөж байгаа нь ажлын байран дээр хаана ч харагддаггүй. Тэд тодорхой нэг асуудлыг шийдвэрлэх гэж хичээх юм уу, ажил дээрх тодорхой нэг асуудал, гажуудлыг олж тогтоодог чадвараа харуулах нь байтугай, ажил дээр гарсан асуудал, гажуудал, эндүүрлийг даруйхан шийдвэрлэж, засаж, залруулж байгаа нь огт харагддаггүй. Хуурамч удирдагчдын ажил дээр гардаг янз бүрийн асуудал нь ийм билээ. Хэдийгээр хуурамч удирдагч нар санаатайгаар хөндлөнгөөс оролцож, үймүүлдэггүй, өөрийн хаанчлалыг бий болгох гэж оролддоггүй, илт дарангуйлагч шиг авирлах юм уу, антихристэд байдаг зарим нэг үйлдэл, зан авир гаргадаггүй бөгөөд тэднийг антихрист гэж ангилж болохгүй ч гэсэн, хуурамч удирдагч нарын хүн чанар, янз бүрийн үйлдэл нь тэдний ажилд ихээхэн түвэг, саад учруулж, явц, үр ашиг, бүтээмжид нь нөлөөлдөг. Хэзээ ч дуусдаггүй, хэзээ ч шийдвэрлэгддэггүй асуудлууд бол хуурамч удирдагчдын ажлынх нь байнгын онцлог шинж нь билээ. Ямар ажил хийж байгаа нь хамаагүй, хуурамч удирдагч нарын үүрэг нь дүр үзүүлж, уриа хашхирч, хоосон сургаал номлохоос цаашгүй байдаг; тэд яг л Хятадын тосгоны олон нийтийн зарлалын чанга яригч шиг, олон нийтэд мэдээ дамжуулахаас өөр юм хийдэггүй. Энэ бол тэдний хийж чаддаг ганц ажил юм. Эдгээр хуурамч удирдагч доод хүмүүс нь юу хийж байгаа, хэр сайн хийж байгаа болон тодорхой нарийн ширийн зүйлтэй холбоотой өөр олон иймэрхүү асуултыг огт мэддэггүй. Тэд ажлын хэсэг бүрийн тодорхой явц, тодорхой хөгжил дэвшлийн талаар илүү ихийг олж мэдэж, ойлгож ухаарахын тулд олж мэдэх, эдгээрт оролцох, жирийн хүмүүсийн дунд гүнзгий хутгалдах, уг ажлын талбар дээр үнэндээ юу болж байгааг сайтар судалж мэдэх хүсэлгүй байдаг. Тиймээс хуурамч удирдагчийн ангилалд байдаг хүмүүс удирдагч байх хугацаандаа өөрийн хаанчлалыг байгуулж, санаатайгаар хөндлөнгөөс оролцож, тасалдуулахыг хичээдэггүй ч гэсэн бодит өнцгөөс харвал, тэд ажил ба ажлын явцыг хойш татдаг; тэд удирдагчийн гүйцэтгэх ёстой үүргийг гүйцэтгэж чаддаггүй, үнэнч хариуцлагатай байж чаддаггүй, бас ажлыг шат бүрд нь саадгүй явуулахын тулд хариуцах ёстой ажил дээрээ удирдан чиглүүлж, шавдуулж чаддаггүй. Тэгэхээр, хуурамч удирдагчийн ангилалд ордог хүмүүсийг үнэнч биш, ачаагаа ухамсарладаггүй гэж хэлэхэд зөв үү? Тэд ажлаас санаатайгаар зайлсхийдэг, эсвэл үнэхээр хийх чадваргүй юу гэдгээс үл хамааран, бүхнийг ерөнхийд нь аваад үзвэл, тэдгээр нь Бурханы гэрийн ажилд сөргөөр нөлөөлдөг; тэдгээр нь ажил хойш татахад хүргэж, хэвдээ ороход саад болж, ажлын үеэр гардаг асуудалд шийдэл олоход саад хийж, ажил саадгүй өрнөхөд саад бартаа болдог. Тиймээс ажилд оролцдог хүмүүс ч бас үнэн-зарчмыг ойлгодоггүй; энэ нь бас хуурамч удирдагчийн хариуцдаг ажлын хугацаанд шийдвэрлэгддэггүй асуудал юм.

Эцсийн өдрүүдийн Христийн ярианы тэмдэглэл номын “Хуурамч удирдагчдыг ялган таних нь (4)”-аас эш татав

Ажлын янз бүрийн хэсгийг хэрэгжүүлэх явцад үнэндээ хуурамч удирдагчийн шийдвэрлэж, засаж, залруулах ёстой олон асуудал, гажуудал, эндүүрэл байдаг—гэвч тэд ачаагаа ухамсарладаггүй, төрийн түшмэлийн үүргийг л гүйцэтгэж чаддаг, бодитой ажил хийдэггүйн улмаас сүйдтэй будилаан үүсгэх ба зарим бүлэг нь эв нэгдлээ хүртэл алдаж, бүлгийн гишүүд бие биеэ далдуур хорлон, нэг нэгнээ сэжиглэн болгоомжилж, бүр Бурханы гэрээс ч болгоомжлох хэмжээнд хүрдэг. Хуурамч удирдагч нар ийм нөхцөл байдалтай тулгарахаараа ямар ч тодорхой ажил хийдэггүй. Тэдний ажил саажсан байдалд үлддэг бөгөөд ажил нь хагас уналтын байдалд шигдсэнд хуурамч удирдагч нар огтхон ч шаналдаггүй; тэд ямар ч бодитой ажил хийхэд өөрийгөө хөдөлгөж чаддаггүй, харин ч ажлаа зөвхөн Дээрхийн төлөө хийдэг мэт Дээрх тушаал буулгаж өөрсдөд нь юу хийх, юу хийхгүйг хэлж өгөхийг хүлээдэг—тэгээд хэрвээ Дээрх тодорхой шаардлага хэлж, тодорхой тушаал юм уу, заавар өгөхгүй бол тэд хийх хэрэгтэй юм байгааг харсан ч гэсэн юу ч хийдэггүй. Эсвэл хэрвээ Дээрх зөвхөн зарчмаар хангасан бол тэд хөдлөхгүй байх бүр ч илүү шалтагтай болдог. Хуурамч удирдагч нар гэж юу вэ? Дүгнэж хэлбэл, тэд тодорхой ажил хийдэггүй, тодорхой ажилд оролцдоггүй, тодорхой асуудлыг олж тогтоон, шийдвэрлэх чадваргүй, ажлын чиглэл, зарчимд зориулсан стандарт тогтоохын тулд тодорхой ажилд зөв удирдамж, дэмжлэг, хангамж өгч чаддаггүй, тодорхой ажлын хэрэгжүүлэлтэд зориулан идэвх санаачилгатайгаар тодорхой шаардлага тавьж, тодорхой төлөвлөгөө санал болгож бүр ч чаддаггүй; Тэд ердөө л цуглаанд оролцож, уриа хашхирч, зорилгогүйгээр тэнүүчилдэг; тэд Бурханы гэрээс өөрсдөд нь даалгасан ажил болон биелүүлэх ёстой хариуцлагаа гүйцэтгэдэггүй, гүйцэтгэх чадваргүй. Энэ бол хуурамч удирдагч.

Эцсийн өдрүүдийн Христийн ярианы тэмдэглэл номын “Хуурамч удирдагчдыг ялган таних нь (4)”-аас эш татав

Хуурамч удирдагчдын хариуцдаг ажлын цар хүрээнд, үнэнийг үнэхээр эрэлхийлдэг, дэвшүүлж, сургахад тохиромжтой цөөхөн хүнийг байнга нухчин дардаг. Энэ хүмүүсийн зарим нь сайн мэдээ түгээж, зарим нь хоол хийх зохицуулалттай байдаг. Үнэндээ тэд ажил хийх чадвартай хэдий ч үүнийгээ харуулдаггүй байж магад—гэтэл хуурамч удирдагч үүнд нүдэн балай байж, тэр хүмүүстэй харилцдаггүй, тэдний талаар асууж лавладаг ч үгүй. Харин бага зэрэг онцгой авьяастай, зусарч, олны өмнө гарах дуртай, зулгуй үгтэй, албан тушаал, байр суурь хүсдэг хүмүүсийг зэрэг ахиулж, нийгэмд тосгоны ахлагч, нарийн бичгийн даргаар ажиллаж байсан хүмүүст, мөн корпорацийн захирал байсан хүмүүс болон бизнесийн удирдлагад суралцсан хүмүүст бүгдэд нь чухал байр суурь өгөхдөө тулдаг. Энэ хүмүүс жинхэнэ итгэгч эсэх нь, эсвэл үнэнийг эрэлхийлдэг эсэх нь хамаагүй—хуурамч удирдагчид ажил хариуцаж буй газар бүрд тийм хүмүүс дэвшиж, өндөр албан тушаалд очдог. Энэ нь яг л нийгэмд байдагтай адил бус уу? Хуурамч удирдагчид албан тушаалд байх хугацаанд, зовлонг үнэхээр тэсвэрлэж чаддаг, зөв шударга байдлын мэдрэмжтэй, эерэг зүйлсийг хайрладаг, үнэн хэрэгтээ дэвшүүлж, боловсруулах ёстой хэр нь тэгдэггүй тэр шаргуу ажилчид сургалтад хамрагдах бараг боломжгүй байдаг байхад дорд хэв чанартай, хүн чанар муутай, арга хэмжээ авахаар эрмэлздэг, онгирох дуртай, ямар ч бодитой авьяас чадваргүй хүмүүс Бурханы гэрт чухал ажил, хянагчийн албан тушаалыг хашдаг. Энэ нь Бурханы гэрийн ихээхэн ажил хойшлогдон, Бурханы гэрээс шаарддаг үр бүтээлтэйгээр, саадгүй урагшилж чадахгүй, зарчмуудын дагуу хийгдэхгүй, Бурханы гэрийн шаардлагыг хэрэгжүүлж чадахгүй байхад хүргэдэг. Энэ нь хуурамч удирдагчид хүмүүсийг буруу ажиллуулсны үр дагавар, үр нөлөө билээ.

Хуурамч удирдагчид дорд хэв чанартай, нүд болон зүрх сэтгэл нь харалган байдаг бөгөөд үнэн-зарчмыг ойлгодоггүй нь өөрөө маш ноцтой асуудал юм. Тэдэнд мөн өөр, илүү ноцтой асуудал байдаг бөгөөд хоосон сургаалын хэдхэн үсэг, үгийг ойлгож, эзэмшиж, цөөн хэдэн уриа лоозон хашхирч чаддаг болох үедээ тэд өөрсдийгөө үнэн-бодит байдлыг ойлгодог гэж боддог. Тэд ямар ч ажил хийлээ гэсэн, хэнийг ч ажиллуулахаар сонголоо гэсэн, эрж хайдаггүй, тунгаан боддоггүй, бусадтай нөхөрлөдөггүй бөгөөд Бурханы гэрийн ажлын зохицуулалт болон зарчмын нарийн ширийнийг бүр ч хардаггүй. Тэд өөрсдийнх нь боддог ямар ч зүйлийг хийх ёстой, өөрсдийнх нь итгэдэг юу ч бай үнэн зөв, энэ нь бүгд зарчимд нийцдэг хэмээн үзэж өөртөө сүрхий итгэлтэй байдаг. Түүнчлэн тэд, олон жил ажилласан болохоор Бурханы гэрт удирдагчаар ажиллах хангалттай туршлагатай, Бурханы гэрийн ажил хэрхэн явагдаж, хөгждөгийг мэднэ, энэ бүхэн зүрх сэтгэлд нь байдаг хэмээн эндүүрэн боддог. Тэд өөрсдийнхөө туршлагаар, өөрсдийнхөө үзэл, төсөөллөөр Бурханы гэрийн ажлыг хэмжиж, Бурханы гэрийн ажлыг хийснээр албан тушаал хаших хугацаандаа Бурханы гэрийн ажлыг замбараагүй, эмх цэгцгүй, дэг журамгүй болгодог. Хэрвээ бүлэг дотор цөөн хэдэн чадварлаг хүмүүс буюу зовж, төлөөс төлж чаддаг, үүргээ үнэнчээр гүйцэтгэж чаддаг хүмүүс байгаа бол тэдний хийдэг ажил сайн хийгдсээр байх боломжтой ч энэ нь хуурамч удирдагчтай ямар ч хамаагүй юм. Тийм хүмүүс байхгүй тохиолдолд хуурамч удирдагч ажил гүйцэтгэхэд өчүүхэн төдий ч нэмэр болж чадахгүй. Нэг талаар, хуурамч удирдагч тухайн ажлыг эмхэлж цэгцэлж, ахиц гаргаж, сайжруулахад санаа тавих зөв хүмүүсийг сонгохгүй; нөгөө талаар, ажилд сул тал байгаа тохиолдолд тэд нааштайгаар, санаачилгатай оролцдоггүй, тусгайлан зөвлөгөө өгдөггүй. Жишээлбэл, зарим багц ажлын хувьд тэр ажлыг хийж байгаа хэдэн хүн нэг их суурьгүй, үнэнийг сайн ойлгодоггүй, уг ажлыг нэг их сайн мэдэхгүй, ажлын зарчмуудыг төдийлөн сайн мэддэггүй шинэ итгэгчид байлаа гэж үзье. Хуурамч удирдагч харалган болохоор эдгээр асуудлыг олж харж чадахгүй. Хүн ажлаа хийж байгаа л бол сайн юм уу, муу хийх нь хамаагүй гэж боддог. Хүмүүс үнэнийг ойлгож, зөв замд орох хүртэл ажлын бүх сул талыг шалган лавлаж, байнга ажиглаж, байнга дэмжиж, тэр ч бүү хэл, биечлэн хянаж, оролцож, ажлын талаар хувийн зөвлөгөө өгч, тасралтгүй дэмжиж туслах шаардлагатай болж ч магадгүй гэдгийг хуурамч удирдагч мэддэггүй. Зөвхөн тохиромжтой зааварлагчид байвал л бухимдахаа больж болно. Гэтэл хуурамч удирдагчид ингэж ажилладаггүй. Үүнийг хийх нь өөрсдийнх нь ажил гэдгийг тэд ойлгодоггүй тул өөрсдийнхөө ажлын цар хүрээнд бүх ажил, бүх хүнд адилхан ханддаг. Тэд ажлын сул тал байгаа газарт, эсвэл тохиромжтой нэг ч хүн хариуцаагүй газруудаар илүү олонтоо очдоггүй, тодорхой даалгавар хийхэд ч зөвлөгөө өгч юм уу, биечлэн оролцдоггүй; мөн ажил хариуцахад тохиромжтой, чадвартай хүн зааварлаж байгаа газарт очдогггүй, тэр ажлыг шалгаж, удирдамж өгдөггүй, мөн ажлын нарийн ширийнд биечлэн оролцдоггүй, мэдээжийн хэрэг тэндхийн зааварлагчийн давуу талыг дуурайхаар оролддоггүй. Товчхондоо, хуурамч удирдагчид тодорхой ажил хийдэггүй. Ажил ямар ч байлаа гэсэн хамаагүй, боловсон хүчин байгаа, зааварлагчийг сонгосон байхад бүх юм давгүй гэж тэд итгэдэг. Тэнд хийгээд байх өөр юм тэдэнд байхгүй, тэдэнд одоо ямар ч хамаагүй, зүгээр л хааяа цуглаан хийж, асуудал гарвал утасдахад л болно гэж тэд боддог. Хуурамч удирдагчид ингэж ажиллаж байхдаа ч өөрсдийгөө сайн ажиллаж байна гэж боддог бөгөөд өөрсдөдөө ихэд сэтгэл ханаж, “Ажлын хөтөлбөрийн алинд нь ч асуудал алга. Боловсон хүчнийг бүгдийг нь сайтар зохицуулсан, бас зааварлагчид байгаа. Би энэ ажилд яаж ийм сайн, ийм авьяастай байдаг байна аа?” хэмээн боддог. Энэ нь ичгүүр сонжуургүй хэрэг бус уу? Тэдний нүд, зүрх сэтгэл маш харалган болохоор хийх ажлаа харж чаддаггүй, ямар ч асуудал олж чаддаггүй. Зарим газарт ажил нь удааширсаар таг зогсчихсон байхад ч гэсэн тэр газрын ах эгч нар бүгд нас залуу, цус шингэн учраас үүргээ гал цогтойгоор гүйцэтгэнэ, ажлаа гарцаагүй сайн хийж чадна гэж бодоод сэтгэл хангалуун байдаг боловч үнэн хэрэгтээ тэр залуучууд юу ч ойлгодоггүй, юу ч хийж чаддаггүй. Зарим ажлын талаар бага зэрэг мэддэг хүмүүс байдаг боловч юуг ч зохих ёсоор хийдэггүй. Тэдний хийдэг зүйлсийн юу ч зарчимч биш бөгөөд бүгдийг нь засаж залруулж, тасралтгүй дахин янзлах шаардлагатай болдог. Ажилд нь ийм том өө сэв байдаг; энэ хүмүүсийн ойлгодоггүй маш олон зүйл байдаг; тэдэнд нөхөрлөх ёстой маш олон зарчим, удирдамж өгөх ёстой маш олон хэрэг явдал, шийдвэрлэх шаардлагатай маш олон асуудал байдаг ... бөгөөд хуурамч удирдагч юу ч харж чаддаггүй, ямар ч асуудал олж чаддаггүй атлаа өөрийгөө зүв зүгээр гэж боддог. Тэгвэл тэд бүхэл өдөржингөө юу боддог вэ? Тэд албан тушаалтны хувиар байр суурийн жаргал цэнгэлийг яаж эдлэх тухай л бодож байгаа. Хуурамч удирдагч бол цэвдэг зүйл юм.

Эцсийн өдрүүдийн Христийн ярианы тэмдэглэл номын “Хуурамч удирдагчдыг ялган таних нь (5)”-аас эш татав

Удирдагч, ажилчид ажил хариуцахдаа тухайн ажлын үеэр гарч ирдэг асуудлуудыг нэн даруй тодорхойлж, шийдвэрлэх ёстой, мөн ажлын явцад тохиолддог асуудлуудыг нөхөрлөж, хэлэлцэж, мэтгэлцэх ёстой. Эдгээр асуудлын талаарх удаа дараагийн нөхөрлөл, хэлэлцүүлэг, мэтгэлцээн ямар нэг үр дүнд хүрч чадахгүй тохиолдолд, эсвэл үйл ажиллагааны зөв чиглэлийг хэн ч тодорхой хэлж чадахгүй тохиолдолд юмыг илүү ойлгомжгүй болгохын оронд удирдагч, ажилчид ийм үед хариуцлагаа үүрч, асуудлыг шийдвэрлэх шийдэл болон хандлагыг даруйхан санал болгох ёстой, түүнчлэн юмс хэрхэн өрнөж байгааг цаг алдалгүй ажиглаж, олж мэдэж, үнэлж байх ёстой. Үр дүнтэйгээр хэлэлцэж дийлэхгүй, ямар нэгэн дүгнэлтэд хүрч дийлэхгүй асуудлыг тодорхойлсныхоо дараа тэд цаг алдалгүй Дээрхэд мэдээлж, зөвлөгөө авах ёстой; тэд хүлээх юм уу асуудлыг зохицуулах зарчимч бус оролдлого хийх ёсгүй, хойш тавьж, үл ойшоож ч болохгүй. Та нарын одоогийн удирдагч, ажилчид ингэж ажилладаг уу? Тэд тухайн ажлыг даруйхан шалгаж, хянаж, хөдөлгөхийн сацуу бүх төрлийн зөрчилдөөн, жижиг сажиг асуудлыг тодорхойлох ёстой. Томоохон асуудал олж илрүүлэх үедээ удирдагч, ажилчид газар дээр нь байлцаж, асуудал хэрхэн үүссэн, үүнд холбогдсон янз бүрийн хүмүүс болон уг асуудлын талаар өөр өөр хүмүүсийн баримталж буй үзэл бодлыг гэхчлэн юу болсон талаар бүхэлд нь үнэн зөв, нарийн ойлголттой байх ёстой; мөн эдгээр асуудлыг нөхөрлөх, хэлэлцэх, бүр мэтгэлцэхэд ч оролцох ёстой—заавал оролцох шаардлагатай; оролцоо маш чухал. Оролцох нь ажилд гарах асуудлуудыг дүгнэж, шийдвэрлэхэд чинь тусалдаг. Хэрвээ чи зөвхөн сонсдог, харин оролцдоггүй бол, мөн үргэлж хажуугаас нь харж, зүгээр л хөндлөнгийн ажиглагч байж, ажлын явцад үүсэх ямар ч асуудал чамд огт хамаагүй гэж санагддаг, тэдгээрийн талаар ямар нэг үзэл бодол, хандлага баримталдаггүй бол чи гарцаагүй хуурамч удирдагч юм.

Эцсийн өдрүүдийн Христийн ярианы тэмдэглэл номын “Хуурамч удирдагчдыг ялган таних нь (7)”-аас эш татав

Хуурамч-сүнслэг төрлийн хуурамч удирдагчид нь ажиллах гэдгийг үг, хоосон сургаал номлож, уриа лоозон давтаж, хийсэн дүр эсгэж, Бурханы үгээс хэдэн хэллэг номлоно гэсэн үг гэж боддог; тэд ажлыг үнэндээ хэрхэн хийхийг, удирдагч, ажилчдын үүрэг үнэндээ юу болохыг мэддэггүй, мөн Бурханы гэр яагаад хувь хүнийг удирдагч юм уу ажилчин болгож сонгодгийг, энэ нь ямар асуудал шийдвэрлэх зорилготойг ч мэддэггүй. Тиймээс, шамдан ажиллах, ажлаа бүрэн хянах, үүн доторх асуудлуудыг таних хэрэгтэй гэх мэтийн тухай чи яаж ч нөхөрлөсөн бай, тэд үүнийг огт хүлээн авдаггүй, сонссон зүйлээсээ юу ч ойлгодоггүй. Тэд удирдагч, ажилчдаас Бурханы гэрийн шаарддаг зүйлийг хэрэгжүүлэх чадваргүй байдаг бөгөөд хэзээ ч үүнд хүрч чадахгүй. Тэд боловсон хүчний асуудал, зарчмын асуултууд, технологийн, эсвэл мэргэжлийн асуудлууд гэх мэт ажилтай холбоотой төрөл бүрийн асуудлыг таньж чаддаггүй. Иймээс тийм хуурамч-сүнслэг хүмүүсийн удирдлага дор боловсон хүчний асуудал болон ажлын бусад асуудал байнга гардаг; технологийн, эсвэл мэргэжлийн асуудал ч гарсаар, хуримтлагдсаар байдаг бөгөөд хуримтлагдах тусам илүү олон асуудал гардаг. Эдгээр хуурамч удирдагчийн хариуцлагын цар хүрээн дотор боловсон хүчин болон ажлын асуудал бүр ч замбараагүй болж, ажлын гүйцэтгэл, үр өгөөж улам бүр буурсаар байдаг. Хүмүүсийг удирдах тухайд бол, бага зэрэг ур чадвартай, зусар үгтэй хүмүүст хариуцуулдаг—тэд өөрсдийнхөө дураар хийж, ажлыг хянаж, хүмүүсийг хянаж чаддаг. Хорон муу хүмүүсийг хазаарладаггүй, хяналтдаа байлгадаггүй, эсвэл цэвэрлэдэггүй бөгөөд үүргээ үнэнчээр гүйцэтгэдэг зарим хүн маш их үймэрч, сөрөг, сул дорой болж, үүргээ гүйцэтгэх юм уу Бурханы үгийг идэж уух хүсэлгүй болдог. Тэд үүрэг гүйцэтгэх итгэлээ алдаж, Бурханд итгэх итгэлээ алдаж, үнэнийг эрэлхийлэх итгэлээ алддаг. Зарим ур чадвартай, технологид гаргууд хүмүүсийг зохих ёсоор ашигладаггүй. Хэн нь сайн, хэн нь муу, хэн нь хэв чанартай, хэн нь хэв чанаргүй, хэнийг боловсруулах хэрэгтэй, хэнийг боловсруулах хэрэггүй вэ гэдгийн хоорондох зааг балархай болж, зүгээр л тэр чигтээ замбараагүй байдаг. Гэхдээ хуурамч-сүнслэг хуурамч удирдагчид үүнийг огт анзаардаггүй; тэд үүнийг олж харж чаддаггүй. Боловсон хүчний асуудлын тухайд бол, хэнийг цэвэрлэх, хэнийг хөөх, хэнийг хазаарлах, хэнийг дэвшүүлэх зарчмуудын талаар Бурханы гэр юу ч нөхөрлөж, онцоллоо гэсэн, хуурамч-сүнслэг удирдагчид ухамсарладаггүй, сонссон зүйлээ ойлгодоггүй. Тэд өөрсдийн хуурамч-сүнслэг үзэл бодолтой эргэлзэх юмгүйгээр зууралддаг. Эдгээр хуурамч удирдагч өөрсдийнх нь тайлбар, сургаалаар хүн бүрд гүйцэтгэх үүрэг бий гэж боддог; эмх замбараагүй байдал байхгүй, хүн бүр сайн байгаа, бүгд итгэлтэй, бүгд үүргээ биелүүлэх хүсэлтэй гэж боддог. Бүгд зовлон туулах сэтгэлийн тэнхээтэй учраас шорон юм уу аюулаас хэн ч айдаггүй, хэн ч Иудас болохыг хүсдэггүй гэж тэд итгэдэг. Энэ удирдагчид бүх зүйл гайхалтай сайн байна гэж боддог. Ямар ч ноцтой асуудал гарсан, ямар ч муу хүмүүс гарч ирж болзошгүй байсан ч, асуудал хэчнээн хурц ширүүн байсан ч тэд үүнийг хардаггүй. Харлаа ч гэсэн энэ нь асуудал гэдгийг мэддэггүй, асуудал мөн гэдгийг нь мэдлээ ч гэсэн, яаж шийдвэрлэхээ мэддэггүй. Үүний адилаар, хуурамч-сүнслэг удирдагчид ажлын үеэр гарч ирдэг, зарчимд нийцдэггүй тэр үй олон асуудлыг бүр ч хардаггүй. Тэд: “Би дамжуулах ёстой ажлын зарчмаа дамжуулсан, тэдэнд ахин дахин сургасан, тэр ч байтугай хүмүүст бичүүлсэн” гэж хэлдэг. Гэсэн ч энэ бүхнийг зөв хүнд дамжуулсан эсэхийг, өөрсдийнх нь дамжуулсан зүйл зарчимд нийцсэн, Бурханы үгэнд нийцсэн зөв ба бодитой эсэхийг тэд мэддэггүй. Тэдний номлодог өчүүхэн жаахан тэр хоосон сургаалын тухайд гэвэл, ямар хүмүүс үүнийг шингээхдээ сэтгэл хангалуун байж чадах вэ? Мунхаг, мэдлэггүй, боловсролгүй, эргүү, мулгуу, тэнэг хүмүүс. Тийм хүмүүс энэ нь бүгд Бурханы үг, аль нь ч буруу байж таарахгүй гэж итгээд мунгинаж орхидог. Ийм хүмүүсийг л энэ хоосон сургаалаар хангаж болно. Ажлын явцад гарч ирдэг асуудлуудыг хуурамч-сүнслэг удирдагчид таних чадваргүй байдаг; тэд үүнийг хардаггүй. Мэдээж тэд технологи юм уу тусгай мэдлэгтэй холбоотой зүйлсийг бүр ч хардаггүй—эдгээр зүйл бүр ч хэрээс нь хэтэрсэн байдаг.

Эцсийн өдрүүдийн Христийн ярианы тэмдэглэл номын “Хуурамч удирдагчдыг ялган таних нь (8)”-аас эш татав

Хуурамч-сүнслэг хуурамч удирдагчдын гол шинж чанар юу вэ? Тэд номлохдоо гарамгай. Гэхдээ тэдний номлодог зүйл үнэн зам биш бөгөөд Бурханы номлодог зам биш юм. Энэ нь үнэний зам биш, харин зүгээр л үгчилсэн хоосон сургаал билээ. Тэд үгчилсэн хоосон сургаал номлохдоо сайн, цээжээр унших ч бай, эсвэл тунгаан бодох ч бай, Бурханы үгийн бичиг үсэг төдийд хичээл чармайлт гаргахдаа сайн байдаг. Дүгнэн хэлбэл, тэд хоосон сургаал номлохдоо нэн хичээнгүй, шаргуу байдаг. Гаднаа тэдний хийдэг юм бүхэн үнэнд хамаатай мэт харагддаг; тэд үймүүлж, хөндлөнгөөс оролцож, зүй бусаар авирлаж, буруу зүйл хэлэх юм уу хийж байгаа мэт харагддаггүй. Гэсэн ч тэд ямар нэг бодитой ажил хариуцах, хамгийн өчүүхэн бага үүрэг хариуцлагыг гүйцэтгэх чадваргүй байдаг тул эцэстээ ажлын ямар ч асуудлыг таньж чадахгүйд хүрдэг. Тэд сохор хүмүүс шиг ажилладаг; тэд сохор, асуудлыг харж чаддаггүй, үүнийг таньж чаддаггүй тул асуудлыг цаг тухайд нь мэдээлж, эрж хайж чадах уу? Яавч үгүй. Хуурамч-сүнслэг хуурамч удирдагчдын асуудал ноцтой юу? Тийм хүмүүс өөдгүй, жигшүүртэй бус уу? (Тэд жигшүүртэй.) Тэд өөрсдийгөө эрхэлсэн ажилдаа уран ухаантай, зарим нэг сургаал номлож, Бурханы олон үгийг цээжээр уншиж чаддаг, хүмүүст тавьдаг Бурханы шаардлагын бүх талыг нэгд нэггүй, үнэн зөв нэгтгэн дүгнэх чадвартай гэж боддог ч бодитой ажил хийж чаддаггүй. Тэдний өөрсдийгөө зэвсэглэдэг, ойлгодог, мэддэг үг, хоосон сургаал нь удирдагч юм уу ажилчны үүргийг гүйцэтгэхэд нь тэдэнд тусалж чадахгүй, ажил дээр тулгардаг асуудлуудыг олж илрүүлж, шийдвэрлэхэд нь тусалж бүр ч чадахгүй. Иймэрхүү удирдагч эсвэл ажилчин энэ байр сууринд тэнцэх үү? Мэдээж үгүй. Та нар шаардлага хангахгүй хуурамч-сүнслэг хуурамч удирдагчийг сонгох ёстой юу? (Үгүй.) Тэгвэл та нар ер нь тийм удирдагчдыг сонгож байсан уу? (Тэгсэн.) Та нар нэлээд хэдийг сонгосон гэж бодож байна. Бурхан олон жил итгэж, Бурханы үгийг их уншчихсан, олон номлол сонсчихсон, ажиллаж номлох баялаг туршлагатай, олон цаг номлож чадах хэн ч бай, тийм хүн ажиллах чадвартай байх ёстой гэж та нар боддог. Тэгээд үр дүн нь? Тэднийг сонгосныхоо дараа та нар ноцтой асуудал олж илрүүлдэг: Тэднийг хэзээ ч олох боломжгүй, хаалга нь үргэлж хаалттай байдаг, тэд ах эгч нараас бултсан. Гэхдээ бусад хүмүүс дотроо: “Тэрээр ийм олон жил итгэгч байсан, үнэнийг ойлгодог, суурьтай хүн. Тэр биеийн хэмжээтэй байж, асуудлыг шийдвэрлэж чаддаг байх ёстой—тэгвэл яагаад үргэлж хаалттай байдаг юм бэ? Түүнд асар их ачаа байгааг энэ нь харуулж байна! Удирдагчаар сонгогдсоноосоо хойш тэр үг дуу цөөнтэй болсон, тэр өөрөөр ярьдаг, бидэнтэй адилгүй болжээ. Ийм учраас тэр ихэнхдээ харагддаггүй” гэж боддог. Та нар ингэж боддог уу? Та нар ийм төрлийн хуурамч удирдагчийг дахиад сонгох уу? (Үгүй.) Яагаад үгүй гэж? Сохор хүнийг замчаар сонгохын үр дагаврыг та нар юу гэж хэлэх вэ? Сохор хүн чамайг сайн зам руу хөтөлж чадах уу? Тэр хүн сохор тул чамайг залж чиглүүлж яаж чадах юм бэ? Тэр хаашаа ч явсан, ямар ч ажил хийсэн бай, өөр хэн нэгэн түүнийг залж чиглүүлэх шаардлагатай байдаг; тэр өөрөө ямар ч чиглэл, зорилгогүй бөгөөд ойлгодог хоосон сургаалаа бусдад сонсгохоор номлодог—энэ нь ямар ч бодит үр нөлөө, үнэ цэнгүй. Хэрвээ үг, хоосон сургаал номлож чаддагийнх нь төлөө түүнийг хүндэлдэг бол чи ямар төрлийн хүн бэ? Чи сохор, мунхаг, эргүү хүн юм. Чи сохор хүнтэй уулзаад баярлаж, замчилж өгөөч гэж гуйдаг. Тэгэхээр чи ч бас сохор бус уу? Чамд нүд ямар хэрэгтэй юм бэ? Үл итгэгчдийн дунд, сохор нь сохроо хөтлөх гэсэн нэг онч үг байдаг. Хуурамч-сүнслэг хүмүүсийг удирдагчаар сонгох нь сохор нь сохроо хөтөлж буй хэрэг билээ.

Эцсийн өдрүүдийн Христийн ярианы тэмдэглэл номын “Хуурамч удирдагчдыг ялган таних нь (8)”-аас эш татав

Антихристүүдэд чуулган дотор эх захгүй авирлах боломж олгож, хүссэн уриа, дүгнэлтээ хашхиран ах эгч нарыг хянаж, заналхийлж, мэхэлж, төөрөгдүүлэх бүрэн эрх чөлөөг өгчхөөд, удирдагч нар нь ялган таних чадваргүй болохоороо эдгээр антихристийг даруй ил гаргаж, хяналтдаа авч чадаагүйн улмаас тэд ах эгч нарыг зоргоороо аргадаа оруулж, үймүүлэх болсон бол тэр чуулганы удирдагч нар хэрэггүй хог мөн. Хэрэв чуулган дахь антихрист, хорон муу санаатнуудыг ах эгч нар жигшин голж, зэвүүцэж, чуулган дотор дөнгөлж, хүн бүр тэднийг ялган таньдаг болохоор ах эгч нарыг төөрөгдүүлж, мэхэлдэг яриа, хоосон уриа нь чуулганд үйлчлэхгүй, тэгээд тэднийг шалгаж, хорьсон бол энэ чуулганы удирдагч нар жишигт нийцэж байна; тэд бол үнэн-бодит байдалд хүрсэн удирдагч нар ажээ. Хэрэв чуулганыг антихрист үймүүлж байсныг ах эгч нар илрүүлж, жигшин голсны дараа, өнөө антихрист чинь өшөө аван ах эгч нарыг дарангуйлж, хүчирхийлж байхад удирдагч нар нь юу ч хийхгүй байвал тэр чуулганы удирдагч нар хэрэггүй хог бөгөөд тэднийг таягдан хаях нь зүйтэй. Чуулганы удирдагч мөртөө үнэнийг ашиглан асуудлыг шийдвэрлэх чадваргүй, чуулган дотор дур зоргоороо авирлах антихристүүдийг ирлүүлж, хянаж, хориглож, ах эгч нарыг хамгаалж, тэгснээрээ тэдэнд үүргээ хэвийн гүйцэтгэх боломж бүрдүүлж чадахгүй, Бурханы гэрийн ажлын хэвийн гүйцэтгэлийг хангаж чадахгүй бол тэр чуулганы удирдагч нар хэрэггүй хог бөгөөд тэднийг таягдан хаях нь зүйтэй. Хэрэв чуулганы удирдагч нар антихристыг хэрцгий догшин болохоор нь түүнд халдаж, өдөөн хатгахаас айсандаа чуулган дотор хяналтаас гарч, дарангуйлагч болж, хүссэн болгоноо хийж, Бурханы гэрийн ихэнх ажлыг саатуулж, зогсонги байдалд оруулах боломжийг антихристэд олгосон бол тэр чуулганы удирдагч нар хэрэггүй хог бөгөөд тэднийг таягдан хаях нь зүйтэй. Хэрэв чуулганы удирдагч нар цээрлэл хүлээхээс айсандаа антихристыг хэзээ ч зориг гарган ил болгоогүй, антихристын муу үйлийг хориглох гэж огт оролдоогүй, улмаар чуулганы амьдралд саад учруулж, ах эгч нарын амийн оролтод ихээхэн садаа болж, хор хүргэсэн бол тэр чуулганы удирдагч нар хэрэггүй хог бөгөөд тэднийг таягдан хаях нь зүйтэй.

Антихристүүдийг илчлэх нь номын “Тэд өөрсдөө ялгарч… тулд л үүргээ биелүүлдэг… (VIII)”-аас эш татав

Удирдагч хүн үүрэг хариуцлагаа биелүүлж байгаа эсэхийг, хуурамч удирдагч мөн эсэхийг хэрхэн шүүн үзэж болох вэ? Хамгийн гол нь бодитой ажил хийж чаддаг эсэхийг нь, ийм ур чадвартай эсэхийг нь харах явдал юм. Хоёрдугаарт, энэ бодитой ажлыг үнэхээр хийдэг эсэхийг нь хар. Түүний амнаас гарах үгийг, үнэнийг хэр сайн ойлгодгийг нь, гадна талын ажил юм уу өөр ямар нэг зүйл хийхдээ тодорхой хэмжээний хэв чанар, оюун ухаан, авьяас билиг, ур чадвартай байдаг эсэхийг бүү тоо—энэ бүхнийг үл тоож, бодитой ажил хийдэг эсэхийг нь л хар; хэрвээ хийдэггүй бол хэчнээн чадвартай байх нь хамаагүй, тэр бол хуурамч удирдагч юм. Зарим хүн: “Түүний хийх, үгүй нь хэнд хамаатай юм бэ? Тэрээр асар их авьяастай, ур чадвартай; ажлаа хийхдээ ихэнх хүнээс дээр байдаг. Үүнээс гадна, тэрээр бодитой ажил хийдэггүй, ихээхэн цагийг дэмий өнгөрүүлдэг хэдий ч ямар ч муу зүйл хийгээгүй, ёрын мууг үйлдээгүй, саад тотгор, үймээн самуун учруулаагүй. Ах эгч нарт, эсвэл чуулганд ямар нэг хохирол учруулаагүй, муу үр нөлөө үзүүлээгүй. Тэгтэл Та яаж түүнийг хуурамч удирдагч гэж хэлж чадаж байна вэ?” гэдэг. Үүнийг хэрхэн тайлбарлах вэ? Яг одоо, хэчнээн авьяастай, хэчнээн сайн хэв чанартай, хэр боловсрол сайтай гэдгээ мартаж үз; харин бодитой ажил хийдэг эсэх, удирдагчийн үүрэг хариуцлагаа биелүүлдэг эсэх чинь хамгийн чухал. Удирдагчаар ажиллах хугацаандаа чи хариуцлагынхаа хүрээнд ажлын тодорхой хэсэг бүрд оролцсон уу, ажлын үеэр гарч ирсэн хэдэн асуудлыг үр ашигтайгаар шийдвэрлэсэн, чиний ажил, удирдлага, удирдамжаас үүдэн хэдэн хүн үнэн-зарчмыг ойлгож авсан, Бурханы гэрийн хэр их ажилд ахиц гарч, урагшилсан бэ? Эдгээр нь чухал юм. Чи хэчнээн уриа лоозон хашхирч чадахаа, хэдэн үг, хоосон сургаал эзэмшсэнээ март, өдөр бүр хэдэн цаг шаргуу хөдөлмөрлөснөө, хэр их ядарснаа март, зам дээр хэр их цагийг өнгөрүүлснээ, хэдэн чуулганд очсоноо, хэр их эрсдэл үүрснээ, хэдэн хоол идээгүйгээ март—энэ бүхнийг мартаад гагцхүү хариуцсан бүх ажлынхаа биелэлтийг л хар. Бурханы гэрээс шаарддаг цар хүрээнд, хүний нөөц ч бай, удирдлагын ажил ч бай, эсвэл мэргэжлийн ажилтай холбоотой ч бай, чиний хариуцдаг хэр их ажил хэрэгжсэн; энэ нь хэр сайн хэрэгжсэн, хэр сайн хянагдсан, зарчимтай холбоотой хэчнээн хайнга явдал, гажуудал, асуудал, алдаа эндлийг засаж залруулахад чи тусалсан, хэдэн асуудлыг шийдвэрлэхэд тусалсан, тэдгээрийг зарчмын дагуу, Бурханы гэрийн шаардлагын дагуу шийдвэрлэсэн эсэх гэх мэт—эдгээр нь бүгд удирдагч хүн үүрэг хариуцлагаа гүйцэтгэж байгаа эсэхийг үнэлэх шалгуур юм.

Эцсийн өдрүүдийн Христийн ярианы тэмдэглэл номын “Хуурамч удирдагчдыг ялган таних нь (9)”-аас эш татав

Өмнөх: 1. Антихрист гэж юу болох, тэднийг хэрхэн таних тухай

Дараах: 3. Хоёр нүүр гаргах гэж юу вэ?

Одоо үед гай гамшиг ойр ойрхон тохиолдож, Эзэн эргэн ирэх тухай зөгнөлүүд үндсэндээ биелсэн. Бид Эзэнийг хэрхэн угтан авч болох вэ?

Холбогдох контент

Тохиргоо

  • Текст
  • Загвар

Цулгуй өнгө

Загвар

Үсгийн хэв

Үсгийн хэмжээ

Мөр хоорондын зай

Мөр хоорондын зай

Хуудасны өргөн

Гарчиг

Хайх

  • Энэ текстийг хайх
  • Энэ номоос хайх