3. Ов мэхтэй хүмүүс яагаад аврал хүртэж чаддаггүй тухай

Холбогдох Бурханы үг:

Бурхан итгэмжит мөн чанартай болохоор Түүний үгэнд үргэлж итгэж болно; түүнчлэн, Түүний үйлдэл алдаа мадаггүй агаад маргаангүй байдаг. Ийм учраас Өөрт нь туйлын үнэнч хүмүүст Бурхан дуртай. Үнэнч байдал гэдэг нь Бурханд зүрх сэтгэлээ өгөх, бүх зүйл дээр Бурханд үнэн сэтгэлээсээ хандаж, бүх зүйл дээр Түүнтэй илэн далангүй байж, бодит баримтыг хэзээ ч нуухгүй байж, дээд, доод хүмүүсээ мэхлэхээр оролдохгүй байж, Бурханд бялдуучлах зүйл хэзээ ч хийхгүй байна гэсэн үг юм. Товчхондоо үнэнч байна гэдэг нь өөрийн үйлдэл болон үгийг цэвэр байлгаж, Бурханыг ч, хүнийг ч мэхлэхгүй байх явдал билээ. Миний хэлдэг зүйл маш энгийн боловч та бүхний хувьд хоёр дахин хэцүү бэрх байдаг. Олон хүн үнэнч шударгаар ярьж, үйлдсэний оронд тамд яллагдахыг илүүд үздэг. Иймээс үнэнч бус хүмүүст өөрөөр ханддагт минь гайхах юмгүй. Мэдээж үнэнч байхад хэчнээн хэцүү байдгийг чинь Би сайн мэднэ. Та нар бүгд маш ухаантай, юмыг өөрсдийн өчүүхэн жаахан хэмжүүрээр хэмжихдээ дадамгай учраас Миний ажлыг хавьгүй илүү амархан болгодог. Та нар дор бүрнээ өөрсдийн нууцыг дотроо хадгалж байдаг тул Би та нарыг галаар “хүмүүжүүлэхийн” тулд нэг нэгээр чинь гай гамшигт оруулна, ингэснээр тэр цагаас хойш та нар Миний үгэнд бүрэн итгэлтэй болж магад юм. Эцэст нь Би “Бурхан бол итгэмжит Бурхан” гэх үгийг амнаас чинь гарган авна, тэгэхэд та нар цээжээ дэлдэн “Хүний зүрх сэтгэл зальтай юм!” хэмээн халаглана. Тэр үед та нарын сэтгэл санааны байдал ямар байх вэ? Та нар одоогийнх шигээ бардам байхгүй гэж Би төсөөлж байна. Тэр ч бүү хэл, одоогийнх шигээ “гүн гүнзгий, ойлгомжгүй” байхгүй. Зарим хүн Бурханы өмнө ёсорхуу, зүй зохистой байж, “хүмүүжилтэй” байхаар хүч чадлаа дайчилдаг ч Сүнсний өмнө хамаг эрээ цээрээ алддаг. Та нар ийм хүмүүсийг үнэнч хүмүүсийн тоонд оруулах уу? Хэрвээ чи хоёр нүүртэй, мөн “хүн хоорондын харилцаанд” чадварлаг бол Би чамайг гарцаагүй Бурханаар даажигнадаг хүн гэж хэлнэ. Хэрвээ үг чинь шалтаг болон хэрэггүй зөвтгөлөөр дүүрэн бол Би чамайг үнэнийг хэрэгжүүлэх дургүй хүн гэж хэлнэ. Хэрвээ чамд хуваалцахыг хүсдэггүй олон нууц байдаг бол, хэрвээ чи өөрийнхөө нууцыг буюу өөрийнхөө бэрхшээлийг бусдын өмнө дэлгэж, гэрлийн замыг эрж хайх маш дургүй бол чи авралыг амархан хүртэж, харанхуйгаас хялбархан гарч ирж чадахгүй хүн юм гэж Би хэлнэ. Хэрвээ үнэний замыг эрж хайх нь чамд тун таалагддаг бол чи үргэлж гэрэлд амьдардаг хүн юм. Хэрвээ чи Бурханы гэрт үйлчлэл үзүүлэхдээ тун их баяртай байж, нэрд гаралгүйгээр хичээнгүйлэн, чин сэтгэлээсээ ажиллаж, үргэлж өгч, хэзээ ч авдаггүй бол Би чамайг үнэнч ариун хүн гэж хэлнэ, учир нь чи шагнал эрэлхийлдэггүй, зүгээр л үнэнч шударга хүн байдаг. Хэрвээ чи илэн далангүй байхыг хүсдэг бол, байгаа бүхнээ зарлагадахыг хүсдэг бол, Бурханы төлөө амиа золиосолж, гэрчлэлдээ бат зогсож чаддаг бол, мөн Бурханыг хангалуун байлгахыг л мэддэг, өөрийгөө боддоггүй, өөрийнхөө төлөө юм авдаггүй байх хэмжээнд үнэнч шударга бол ийм хүмүүс гэрлээр тэтгэгддэг, хаанчлалд үүрд амьдрах хүмүүс юм гэж Би хэлнэ. Чиний дотор жинхэнэ итгэл, жинхэнэ үнэнч зан байгаа эсэхийг, Бурханы төлөө зовсон баримт чамд байгаа эсэхийг болон Бурханд бүрэн захирагдсан эсэхээ чи мэдэх ёстой. Хэрвээ чамд эдгээр зүйл байдаггүй бол чиний дотор дуулгаваргүй байдал, заль мэх, шунал, гомдол үлдсэн байдаг. Зүрх сэтгэл чинь огт үнэнч шударга биш учраас чи Бурханд хэзээ ч эерэгээр хүлээн зөвшөөрөгдөөгүй бөгөөд хэзээ ч гэрэлд амьдраагүй. Хүний хувь заяа эцэстээ яах нь түүнд үнэнч шударга, халуун сэтгэл байгаа эсэхээс болон цэвэр ариун сүнс байгаа эсэхээс хамаардаг. Хэрвээ чи маш үнэнч бус, хорлонт сэтгэлтэй, бохир сүнстэй хүн бол хувь заяаны чинь бүртгэлд бичигдсэнээр хүнийг шийтгэдэг газар очиж таарах нь гарцаагүй. Чи өөрийгөө маш үнэнч шударга гэж хэлдэг атлаа үнэний дагуу үйлдэж, үнэн үг хэлж хэзээ ч амждаггүй бол Бурхан чамайг шагнахыг хүлээсээр л байна уу? Бурхан чамайг Өөрийнхөө нүдний цэцгий мэт үзнэ гэж найдсаар л байна уу? Ийм бодол утгагүй бус уу? Чи бүх зүйл дээр Бурханыг мэхэлдэг; тэгвэл чам шиг бохир гартай хүнийг яаж Бурханы гэрт байлгаж болох юм бэ?

Үг нь махбодоор илэрсэн номын “Гурван сануулга”-аас эш татав

Миний төлөө өөрсдийгөө чин сэтгэлээсээ зарлагаддаг болон Надад өөрсдийгөө зориулдаг бүх хүнийг Би хайрладаг. Надаас төрсөн мөртөө Намайг мэддэггүй, бүр Намайг эсэргүүцдэг хүмүүсийг Би үзэн яддаг. Миний төлөө чин сэтгэлээсээ байдаг хүмүүсийг Би орхихгүй, харин ч тэднийг хоёр дахин их ерөөнө. Ач санадаггүй, Миний сайхан сэтгэлийг гутаадаг хүмүүсийг Би хоёр дахин илүү шийтгэж, амархан тавьж явуулахгүй. Миний хаанчлалд шударга бус байдал, эсвэл хууран мэхлэлт, дэлхийн зүйл буюу үхэгсдийн үнэр байдаггүй. Харин ч бүгд шударга зан, зөвт байдал; бүгд нууж, далдлах зүйлгүй, ариун, нээлттэй байдал; бүгд шинэлэг, бүгд баяр цэнгэл, бүгд босгон байгуулалт юм. Хэн нэгэн үхсэн хүний өмхий үнэрийг ханхлуулсаар байвал яагаад ч Миний хаанчлалд үлдэж чадахгүй, харин Миний төмөр саваанд захирагдах болно.

“Үг нь махбодоор илэрсэн” номын Христийн эхэн үеийн айлдваруудын “70-р бүлэг”-ээс эш татав

Надаас төрсөн атлаа Намайг мэддэггүй бүх хүнд Өөрийн уур хилэн, агуу хүч, бүх мэргэн ухааныг харуулахын тулд Би тэднийг гэсгээнэ. Миний дотор бүх зүйл зөвт бөгөөд зөвт бус, шударга бус байдал, заль мэх огт байхгүй; шударга бус, зальхай хэн боловч Үхэгсдийн оронд төрсөн тамын хүү байж таарна. Миний дотор бүх зүйл ил тод; Миний гүйцэлдэнэ гэж хэлсэн бүхэн гүйцэлдэж, бий болно гэж хэлсэн бүхэн бий болдог бөгөөд Би цорын ганц Бурхан Өөрөө тул эдгээр зүйлийг хэн ч өөрчилж, дуурайж чадахгүй.

“Үг нь махбодоор илэрсэн” номын Христийн эхэн үеийн айлдваруудын “96-р бүлэг”-ээс эш татав

Бурханд итгэдэг атлаа үнэнийг эрэлхийлдэггүй бүх хүн Сатаны нөлөөнөөс ангижрах аргагүй байдаг. Үнэнч шударгаар амьдардаггүй, бусдын өмнө нэг янзаар аашилж, харин ар хударгаар нь өөрөөр авирладаг, гаднаа даруу төлөв, тэвчээртэй, хайр энэрэлтэй мөртөө мөн чанартаа зусар зальхай, ов мэхтэй, Бурханд үнэнч биш хүмүүс бол харанхуйн нөлөөн дор амьдарч буй хүмүүсийн нийтлэг төлөөлөл юм. Тэд бол хорт могойн төрлийн хүмүүс мөн. Зөвхөн өөрсдийн ашиг тусын төлөө Бурханд итгэдэг, өөрсдийгөө зөвтгөдөг, их зантай, онгироо сагсуу, байр сууриа хамгаалдаг хүмүүс бол Сатаныг хайрлаж, үнэнийг эсэргүүцдэг хүмүүс билээ. Тэд бол Бурханыг эсэргүүцдэг, Сатанд бүрэн харьяалагддаг хүмүүс юм. Бурханы ачааг боддоггүй, Бурханд үнэн сэтгэлээсээ үйлчилдэггүй, өөрсдийн ашиг сонирхол болон гэр бүлийнхээ ашиг сонирхолд байнга санаа тавьдаг, Бурханы төлөө өөрсдийгөө зарлагадахын тулд бүхнийг орхих чадваргүй, Түүний үгээр хэзээ ч амьдардаггүй хүмүүс Бурханы үгийн гадна амьдарч байгаа юм. Тийм хүмүүс Бурханы сайшаалыг хүртэж чадахгүй.

Үг нь махбодоор илэрсэн номын “Харанхуйн нөлөөнөөс ангижир, тэгвэл чи Бурханаар авхуулна”-аас эш татав

Бурхан хүмүүсээс үнэнч бай гэж шаарддаг нь ов мэхтэй хүмүүсийг үнэхээр үзэн ядаж, ов мэхтэй хүмүүст дургүйцдэг гэдгийг нь нотолдог. Бурхан ов мэхтэй хүмүүст дургүй гэдэг нь тэдний үйлдэл, зан чанар, сэдэлд дургүй гэсэн үг юм; өөрөөр хэлбэл, Тэр аливааг хийдэг тэдний арга замд дургүй байдаг. Тиймээс Бурханд таалагдъя гэвэл бид өөрсдийн үйлдэл, оршин тогтнох арга замыг эхлээд өөрчлөх ёстой. Урьд нь бид хүмүүсийн дунд амьдрахын тулд худал хуурмаг болон дүр эсгэлтэд найдаж, эдгээрийг өөрсдийн хөрөнгө, оршин тогтнолын үндэс, амь, биеэ авч явах суурь болгон ашигласан. Энэ нь Бурханы жигшдэг зүйл байв. Дэлхий ертөнцийн үл итгэгчдийн дунд чи яаж зальхай, ов мэхтэй байхаа мэдэхгүй бол бат зогсоход хэцүү байж болох юм. Чи худал хэлж, хууран мэхэлж, сайхан амьдрал олж авахын тулд өөрийгөө хамгаалж, өнгөлөн далдлах гэж хуйвалдаанч, дотуур тамиртай арга барил ашиглаж л чадна. Бурханы гэрт энэ нь яг эсрэгээрээ байдаг: Чи ов мэх гаргаж, дүр эсгэх, өөрийгөө өнгөлөн далдлахын тулд нарийн заль ашиглах тусмаа бат зогсож бүр чаддаггүй бөгөөд Бурхан ийм хүмүүсийг төдий чинээ их жигшиж, голдог. Үнэнч хүмүүс л тэнгэрийн хаанчлалаас хувь хүртэнэ гэдгийг Бурхан урьдчилан тогтоосон юм. Хэрэв чи үнэнч биш бөгөөд амьдрал дахь хэрэгжүүлэлт чинь үнэнч байхад чиглээгүй, чи үнэн царайгаа илчилдэггүй бол Бурханы ажлыг олж авч, Бурханы магтаалыг хүртэх боломж хэзээ ч олдохгүй.

Эцсийн өдрүүдийн Христийн ярианы тэмдэглэл номын “Үнэнч хүн байх хамгийн үндсэн хэрэгжүүлэлт”-ээс эш татав

Овжин зальхай хүмүүс бол хамгийн мунхаг нь юм. Зальжин бүү бай. Үл итгэгчдийн ертөнцөд зальтай байх үедээ чи өөрийгөө хамгаалж байгаа; хэн ч чамайг нэвт харж чадахгүй, хэн ч чамайг шоглож зүрхэлдэггүй. Гэхдээ хэрвээ чи Бурханы гэрт ч бас тийм байдаг бол Бурхан чамайг ухаалаг бус гэж хэлнэ; чи зальхай тэнэг хүн бөгөөд Бурхан чамд анхаарал хандуулахгүй. Үргэлж явуулга хийдэг, уран яриатай, гүйлгээ ухаантай, овжин зальхай хүмүүст Бурхан дуртай гэж Бурханы үгэнд ер нь хэлсэн байдаг уу? (Үгүй.) Бурхан үнэнч шударга хүмүүсийг хүсдэг; чи бага зэрэг мунхаг байх нь хамаагүй, харин үнэнч шударга байх ёстой. Үнэнч шударга хүмүүс хариуцлага үүрч чаддаг, өөрсдийгөө боддоггүй, бодол нь цэвэр ариун байдаг бөгөөд зүрх сэтгэл нь үнэнч, зөөлөн байдаг. Тэд аягатай ус адил—ёроол нь тодорхой харагдаж байдаг. Хэрвээ чи үргэлж юм нууж, далдалж, дотроо хадгалдаг бол зүрх сэтгэлийн чинь гүнд үнэндээ юу байгааг хүмүүс хэлж мэдэхгүй боловч Бурхан зүрх сэтгэлийн чинь хамгийн гүнийг харж чадна. Бурхан юу болохыг чинь хардаг бөгөөд чамайг хүсдэггүй, чамд дургүй. Үл итгэгчдийн ертөнцөд, гүйлгээ ухаантай, хэлэмгий доломгой хүмүүст чөтгөрүүд, диаволын хаад дуртай байдаг; тэдний хамгаалагчид, дагагчид нь хурц нүдтэй, сонсгол сайтай, ам хэл нь нялуун байдаг. Тэд удирдагчийнхаа сонсохыг хүссэн зүйлийг хэлж, удирдагчийнхаа юу хүссэнийг хийдэг. Тэд удирдагчийнхаа ганц харцаар л юмыг зохицуулдаг. Гэхдээ зүрх сэтгэлдээ юу бодож байгааг нь, удирдагчдаа дуртай эсэхийг нь, эсвэл ямар төлөвлөгөөтэй байгааг нь удирдагч тэднээс хэзээ ч асуудаггүй, мэдэхийг ч хүсдэггүй. Тэд ч бас эдгээр зүйлийг хэзээ ч хэлдэггүй, илчилдэггүй. Удирдагчид тийм хүнд дуртай байдаг. Харин Бурхан дуртай юу? (Үгүй.) Чөтгөрүүд тийм хүнд дуртай байдаг, харин тэд бол Бурханы хамгийн их үзэн яддаг хүмүүс юм. Та нар юу ч хийлээ гэсэн, тийм хүн байж болохгүй. Нялуун яриатай, авхаалжтай, хурц нүдтэй, сонсгол сайтай, хашир, юмны аясыг дагадаг, хийдэг зүйлээ асар их гайхуулдаг ийм хүмүүс Бурханы өмнө гологддог гэдгийг Би чамд хэлье; Бурхан тийм хүмүүст дургүй бөгөөд тэднийг жигшдэг. Тэгвэл Бурхан тэднийг нигүүлсэж, гэгээрүүлж чадах уу? Тийм хүмүүсийг ерөөж чадах уу? Үгүй. Тэд зальхай бөгөөд Бурхан тэднийг амьтадтай адил ангилалд оруулдаг. Тэрээр тэднийг хүн биш, харин амьтан гэж үздэг. Бурханы нүдээр бол энэ хүмүүс ердөө л хүний арьс нөмөрч байгаа боловч дотоод мөн чанар нь диавол Сатаных байдаг. Тэд амьтадтай, эсвэл алхаж буй үхдлүүдтэй адилхан бөгөөд Бурхан тэднийг хэзээ ч аврахгүй. Тэгвэл Бурхан юу хийх вэ? Энэ хүмүүст ямар нэг зүйл тохиолдох үед тэдэнд хэзээ ч гэгээрэл, гэрэлтүүлэлт өгөхгүй; тэд жинхэнэ итгэлгүй, Бурханд үнэхээр найдаж чадахгүй. Ийм учраас тэд өөрсдийнхөө дотор жинхэнэ ачаа бий болгож чадахгүй. Энэ бүхэн байхгүй байхад энэ хүмүүс үнэнийг ойлгож, олж авч чадах уу? (Үгүй.) Тэгвэл та нар юу гэх вэ—энэ хүмүүс ухаалаг уу, мунхаг уу? Тэд өөрсдийгөө овсгоотой гэж боддог боловч үнэн хэрэгтээ овсгоотой биш, зальтай бөгөөд энэ зальтай байдал нь тэднийг сүйрүүлсэн. Бурхан тэднийг хүсдэггүй, тэднийг ялладаг. Хэрвээ Бурхан чамайг хүсэхгүй бол Бурханд итгэх итгэлд чинь ямар найдвар байна вэ? Бурханд итгэх итгэлийн чинь ач холбогдол алдагдсан тул ер нь итгэх хэрэг байна уу? Эцсийн эцэст чи юу ч олж авахгүй байх тавилантай юм.

Эцсийн өдрүүдийн Христийн ярианы тэмдэглэл номын “Хуурамч удирдагчдыг ялган таних нь (8)”-аас эш татав

Ов мэхтэй хүн зальхай, худал хэлэх дуртай, үнэнийг ярих дургүй, хийж байгаа зүйлээ бусад хүмүүсээс нуухаар үргэлж оролддог гэдгээ мэддэг байж магадгүй боловч үүнийгээ өөгшүүлж, “Ингэж амьдрах гайхалтай. Би байнга хүмүүсийн нүдийг хуурч байгаа, харин тэд намайг тэгж чадахгүй. Хувийн ашиг сонирхол, бардамнал, байр суурь, нэрэлхүү зангийнхаа тухайд би бараг үргэлж сэтгэл хангалуун байдаг. Юмс миний төлөвлөгөөний дагуу өөгүй, цэмбэгэр явагддаг, хэн ч үүнийг нэвт харж чадахгүй” гэж дотроо боддог. Ийм төрлийн хүн үнэнч шударга байхыг хүсдэг үү? Хүсдэггүй. Тэд овжин, зальхай зангаа эерэг зүйл гэж үздэг. Тэдгээрийг нандигнадаг ба хаях дургүй байдаг. “Энэ бол тав тухтай амьдрах цорын ганц зам, амьдралын зөв зам юм. Ингэж амьдрах нь л намайг жинхэнэ хүн болгодог, намайг төгс төгөлдөр, үнэ цэнтэй, алдартай болгож, бусдын атаархлыг төрүүлж, бусдаар хүндлүүлэхэд хүргэдэг. Хэрвээ би үнэнч шударга хүн байсан бол Эзэн Есүсийн ‘Харин үг чинь за бол за; үгүй бол үгүй байг’ (Матай 5:37) гэж хэлсэнчлэн бүхнийг хүмүүст хэлэх ёстой байсан. Тийм хүмүүс бол шил мэт тунгалаг байдаг; тэд өөрсдийгөө бусдад нэвт шувт харуулж, бүх зүйл дээр бусдад хууртдаг, харин өөрсдөө бусдыг хууран мэхлэх чадваргүй байдаг. Би яавч тийм байхгүй!” гэж тэд боддог. Тийм хүн зальжин байдлаа орхиж чадах уу? Тэд хэчнээн удаан Бурханд итгэсэн нь хамаагүй, хэчнээн олон үнэнийг сонссон нь хамаагүй, хэчнээн их үнэний замыг ойлгосон нь хамаагүй, тийм хүмүүс Бурханыг хэзээ ч үнэнээсээ дагахгүй. Тэд Бурханыг хэзээ ч баяртайяа дагахгүй, учир нь тэгэхийн тулд маш ихийг хаях хэрэгтэй болно. Бурханд итгэлтэй байна гэдэг нь зүгээр л шашинд итгэж, нэр төдий итгэгч байж, цөөн хэдэн сайн үйл хийж, өөрсдөд нь сүнслэг тэжээл өгөх зүйлтэй байна гэсэн үг, тэгээд л тэр гэж тэд боддог. Өөрсдийнх нь ашиг сонирхолд ямар нэгэн байдлаар нөлөөлж болох төлөөс төлөх хэрэгтэй, эсвэл ямар нэгэн зүйлийг орхих хэрэгтэй гэж тэд боддоггүй. Энэ байгаа байдал нь тэдэнд хангалттай сайн, үүндээ сэтгэл хангалуун байдаг бөгөөд ийм төрлийн итгэл зүгээр л гайхалтай. Тийм хүмүүс эцэст нь үнэнийг олж авч чадах уу? (Чадахгүй.) Яагаад тэр вэ? Тэд эерэг зүйлийг хайрладаггүй, гэрлийг хүсэн эрмэлздэггүй, Бурханы замыг юм уу үнэнийг хайрладаггүй. Тэд ёрын мууг хайрлаж, хүндэлж, нандигнадаг—сөрөг зүйлсийг нандигнадаг. Зүрх сэтгэлдээ хүндэлж, биширч, эрэлхийлж, хүсэн эрмэлздэг зүйл нь үнэнийг эзэмшсэн хүн болох явдал биш, Бурханы хайрладаг хүн болох бүр ч биш, харин гаднаа сайн үйл хийдэг хүн болж харагдах явдал билээ. Тэд санаанаасаа зохиосон зүйл, өөрсдийнхөө ямар нэг хүсэл, явуулгаар хууран мэхлэлтээ нууцаар амжилттай биелүүлж, уулзсан хүн бүрийнхээ нүдийг хуурч чаддаг байхыг хүсдэг, ингэснээр хэн ч тэднийг нэвт харж чадахгүй. Тэд ямар ч хүмүүсийн дунд тун амархан шургалж, элдэв янзын башир арга, заль мэх, маш чадварлаг тактик ашиглаж чаддаг байхыг хүсэж, хаа явсан газар нь өөрсдийг нь бишрэн мэндчилж, угтан авч байгаасай гэж хүсдэг. Тэд тийм хүн байхыг хүсдэг. Энэ нь ямархуу зам бэ? Энэ бол чөтгөрүүдийн зам юм. Энэ нь жинхэнэ хүний явдаггүй зам билээ. Хүмүүсийн хувийн итгэл үнэмшлийг луйвардаж, сайхан мэдрэмж, бүтэшгүй санаа өгөхийн тулд тэд Сатаны ертөнцийн гүн ухаан, түүний логик, түүний үйлдлийг чиглүүлдэг чиглэл, үйлдлийг нь удирддаг зарчмуудыг ашигладаг; тэд нөхцөл байдал бүрд явуулга, башир заль болгоныг ашигладаг. Энэ нь Бурханд итгэдэг хүмүүсийн алхах учиртай зам биш юм; эцсийн дүндээ тэд аврагдахгүйгээр үл барам, шийтгэлтэй тулгарна. Энэ нь ийм төрлийн хүрэх газар байх болно—үүнд өчүүхэн төдий ч эргэлзэж болохгүй.

Эцсийн өдрүүдийн Христийн ярианы тэмдэглэл номын “Шашны итгэл хэзээ ч аврал руу хөтлөхгүй”-ээс эш татав

Өмнөх: 2. Ов мэхтэй хүн гэж юу болох, тэдний илрэл юу вэ?

Дараах: 4. Үнэнч хүн байх хэрэгжүүлэлтийн зарчим юу вэ?

Одоо үед гай гамшиг ойр ойрхон тохиолдож, Эзэн эргэн ирэх тухай зөгнөлүүд үндсэндээ биелсэн. Бид Эзэнийг хэрхэн угтан авч болох вэ?

Холбогдох контент

Тохиргоо

  • Текст
  • Загвар

Цулгуй өнгө

Загвар

Үсгийн хэв

Үсгийн хэмжээ

Мөр хоорондын зай

Мөр хоорондын зай

Хуудасны өргөн

Гарчиг

Хайх

  • Энэ текстийг хайх
  • Энэ номоос хайх