Бүх үнэнийг эрэлхийлэгчдийг бидэнтэй холбогдохыг урьж байна.

Христийн ярианы тэмдэглэлүүд

Цулгуй өнгө

Загвар

Үсгийн хэв

Үсгийн хэмжээ

Мөр хоорондын зай

Хуудасны өргөн

Хайлтын үр дүн 0

Ямар ч үр дүн олдсонгүй.

`

Хүмүүсийн гүйцэтгэл нь тэдний үр дүнг тодорхойлдгийн утга учир

1. Хэрэв Бурхан зөвхөн хүмүүсийн уг чанарын илэрхийллийг харсан бол хэн ч аврагдахгүй байх байсан

Өнөө үед хүмүүсийн гүйцэтгэл нь тэдний үр дүнг тодорхойлдог, гэхдээ энэ гүцэтгэл гэдэг нь юу вэ? Чи мэдэх үү? Та нар магадгүй үүнийг хүмүүсийн ялзармал зан чанар нь тэдний ажил дээр илрэн гарч ирж байгаа гэж бодож болох ч үнэндээ яг ингэсэн утгатай биш. Энэ гүйцэтгэл нь чи үнэнийг хэрэгжүүлж чадаж байгаа эсэх, чи өөрийн үүргээ гүйцэтгэж байх үедээ үнэнч, тууштай байж чадаж буй эсэх, мөн түүнчлэн Бурханд итгэх талаарх чиний өнцөг, Бурханд хандах чиний хандлага, хэцүү бэрхийг тэвчих гэсэн чиний шийдвэр, шүүлт болон засалтыг хүлээн авч буй чиний хандлага, чиний өөрчлөлтийн түвшин болон чиний ноцтой гэм буруугийн тоо зэргийг хэлдэг. Эдгээр нь бүгд чиний гүйцэтгэлд оролцоно. Энэ гүйцэтгэл нь ялзармал зан чанараа хамгийн их хэмжээгээр илчлэн харуулахтай чинь хамаагүй, харин чи Бурханд итгэх итгэлээрээ ямар хэмжээнд хүрснийг харуулдаг. Хэрэв хүмүүсийн үр дүн нь тэдний уг чанарын илэрхийллээр тодорхойлогддог бол хэн ч аврагдаж чадахгүй. Энэ нь яаж Бурханы зөвт байдал байж чадах юм бэ? Хэрэв чи удирдагч бол чиний уг чанар өөрийгөө илүү их илэрхийлэх бөгөөд хэн ч байсан илүү илэрхийлэх тусам үлдэх баталгаа улам бага болно. Хэрэв энэ нь хүмүүсийн үр дүнг тодорхойлдог бол хүмүүс удирдагч эсвэл ажилчин болж ажиллах тусам тэд илүү хурдан илчлэгдэх болно. Хэрэв үнэхээр ийм байсан бол хэн үүргээ биелүүлж зүрхлэх юм бэ? Хэрвээ хэн ч үүргээ гүйцэтгэхгүй бол хэн аврагдах юм бэ?

Хүмүүсийн гүйцэтгэл үр дүнг нь тодорхойлдог. Энэ гүйцэтгэл нь чи Бурханд өөрийгөө зориулсан хийгээд үнэнч эсэх, Түүнийг гэсэн хайр чамд бий эсэх, чи үнэнийг хэрэгжүүлдэг эсэх, мөн түүнчлэн чиний хэр өөрчлөгдсөн зэрэгтэй хамаатай. Энэхүү гүйцэтгэлийн дагуу чиний үр дүн тодорхойлогдоно; харин хэр зэрэг ялзармал зан чанарыг илэрхийлснээр чинь тодорхойлогдохгүй. Хэрэв чи ингэж бодож байгаа бол Бурханы хүслийг буруу тайлбарласан байна. Бүх хүний уг чанар нь адил бөгөөд хүн чанарт нь л сайн, муу талууд гэж бий. Хэдий чи үүнийгээ илэрхийлэхгүй байсан ч уг чанар чинь үүнийгээ илэрхийлж байгаа хэн нэгнийхтэй адил хэвээр л байна. Хүн төрөлхтний дотоод сэтгэлийн гүнд юу байгааг Бурхан хамгийн сайн мэднэ. Чи юуг ч нуух хэрэггүй. Бурхан хүмүүсийн зүрх сэтгэл болон оюун санааг хардаг. Чамайг ажиллаж байх үед хэрэв ихээхэн ялзрал чинь илчлэгдсэн бол Бурхан үүнийг харах болно; хэрэв чи ажил хийгээгүй бөгөөд энэ нь илчлэгдээгүй бол Бурхан үүнийг мэдэхгүй байна гэж үү? Энэ нь чи өөрийн худал хуурмагт итгэж байгаа явдал биш гэж үү? Бурхан чамайг хаана байсан ч гэсэн чиний уг чанарыг дотроос нь гадагш нэвт мэддэг нь бодит үнэн. Бурхан өөрсдийн ажлаа хийж буй хүмүүсийг сайн мэддэг боловч Тэр бас хийхгүй байгаа хүмүүсийг ч сайн мэддэггүй гэж үү? Удирдагч нарын ихээхэн ялзрал нь гарцаагүй илчлэгдэх бөгөөд Бурхан тэднийг харах учраас тэд зүгээр л өөрсдөдөө гай тарьж байна гэж зарим хүмүүс боддог. Хэрэв тэд ажил хийгээгүй бол ийм ихийг илчлэх байсан уу? Иймэрхүү байдлаар бодох нь шал утгагүй! Хэрэв Бурхан үүнийг харахгүй бол Тэр үүнийг яллаж чадахгүй юу? Хэрэв тийм байсан бол ажил хийхгүй байгаа хүмүүс бүгд л үлдэж хоцрохгүй гэж үү? Хүний ойлголтын дагуу харвал, ажил хийж байгаа хүмүүсийн өөрчлөлт нь хэчнээн агуу байсан ч Бурхан өөрчлөлтийг нь харахгүй; Бурхан тэднийг зөвхөн өөрсдийнх нь ялзралын илэрхийллийн дагуу л яллах болно. Эсрэгээр нь бага өөрчлөгдсөн боловч багыг илэрхийлдэг хүмүүсийг Бурхан яллахгүй. Энэ нь Бурханы зөвт байдал мөн гэж чи итгэж байна уу? Хэрэв Бурхан ингэдэг байсан бол Тэр бол зөвт гэж хэн нэгэн хэлж чадах уу? Чи Бурханы санаа зорилгыг буруу тайлбарлаж, тэгснээрээ Бурханыг буруу ойлгож байгаа юм биш үү? Тэгвэл Бурханд итгэх итгэл чинь хуурамч болохгүй гэж үү? Энэ чинь Бурхан хэзээ ч зөвт биш гэж итгэж буй хэрэг биш үү? Ийм итгэл нь Бурханыг доромжилсон хэрэг биш үү? Хэрэв чамд эерэг зүйл юу ч байхгүй бас дэндүү сөрөг зүйлийг илчлэхгүй байсан ч чи аврагдаж чадахгүй. Хүмүүсийн үр дүнг тодорхойлдог гол зүйл нь тэдний эерэг гүйцэтгэл юм. Хэдий тийм ч бас дэндүү сөрөг зүйл байж болохгүй—хэрэв энэ нь ноцтой сүйрэл эсвэл шийтгэлд хүргэх зүйл байвал тэд тэгээд л сүйрэх болно. Хэрэв энэ нь та бүхний төсөөлж буй шиг бол дагалдагсад нь эцэстээ авралыг олж авах бөгөөд харин удирдагчдыг таягдан хаях болно. Чамд өөрийн гэсэн гүйцэтгэх ёстой үүрэг байдаг; харин чи тэр үүргээ гүйцэтгэх үедээ өөрөө хичээсэн ч гэсэн ялзралаа илчлэх бөгөөд яг л цаазын тавцан руу явж байгаа мэт байна. Хэрэв хүмүүсийн үр дүн нь уг чанараар нь тодорхойлогддог байсан бол хэн ч аврагдахгүй—хэрэв үнэхээр ийм байсан бол Бурханы зөвт байдал хаана байх юм бэ? Хаана ч харагдахгүй байх байсан. Та нар бүгд Бурханы хүслийг буруу ойлгосон.

2. Энэ гүйцэтгэл бол хүмүүст хийсэн Бурханы ажлын үр дүн юм

Одоо Би та нарт нэг жишээ хэлье: Жимсний цэцэрлэгт эзэн нь усалж, бордоо цацаад дараа нь жимс ургахыг хүлээдэг. Жимсэлдэг мод нь сайн бөгөөд тэднийг хэвээр үлдээнэ; харин жимслэхгүй нь сайн модод биш бөгөөд тэднийг хадгалахгүй. Энэ нөхцлийг бодоод үз: Модонд жимс ургадаг боловч өвчилсөн бол зарим муу мөчрийг нь тайрч засах хэрэгтэй. Энэ модыг хадгалах хэрэгтэй юу? Хадгалах хэрэгтэй бөгөөд нэгэнт тайрч засан, эмчлэнгүүт энэ нь зүгээр болно. Өөр нэг нөхцлийг бодоод үз: Мод өвчингүй боловч ямар ч жимсгүй—ийм модыг хадгалах хэрэггүй. Энэ “жимслэнэ” гэдэг нь ямар утгатай вэ? Энэ нь Бурханы ажил үр нөлөө үзүүлж буй тухай юм. Бурхан хүмүүс дээр ажиллаж байх үед тэдний уг чанар илэрхийлэгдэхээс өөр аргагүй бөгөөд Сатаны ялзралын улмаас тэд зайлшгүй зарим нэг гэм бурууг үйлддэг боловч тэдний доторх Бурханы ажил тодорхой үр жимс гаргах болно. Хэрэв Бурхан үүнийг харахгүй, харин зөвхөн хүний илэрхийлэгдэж буй уг чанарыг харвал үүнийг хүн төрөлхтний аврал гэж нэрлэж болохгүй. Аврагдаж буй хүмүүсийн үр жимс нь үндсэндээ өөрсдийн үүргийг гүйцэтгэж байгаа болон үнэнийг хэрэгжүүлж байгаагаар нь харагддаг. Бурхан энэ талбарууд дахь хүмүүсийн амжилтын түвшин, мөн түүнчлэн тэдний гэм буруугийн цар хүрээг хардаг. Энэ хоёр хүчин зүйл тэдний үр дүнг тодорхойлоход болон тэдний үлдэх эсэхэд нөлөөлнө. Жишээлбэл, зарим хүн маш их ялзарсан, махан биеийнхээ төлөө бүрэн зүтгэдэг бөгөөд Бурханы гэр бүлд огтхон ч хамаагүй байдаг байсан. Тэд Бурханы төлөө өөрсдийгөө огтхон ч зарцуулдаггүй байсан боловч одоо тэд өөрсдийн үүргийг идэвхтэйгээр гүйцэтгэж, Бурхантай нэг зүрх сэтгэлтэй байна—энэ өнцгөөс харвал, ямар нэг өөрчлөлт гарсан уу? Энэ бол өөрчлөлт мөн. Энэ бол Бурханы хүсдэг өөрчлөлт мөн. Бас зарим хүмүүс ямар нэг үзэлтэй байхдаа тэднийгээ бусдад түгээхдээ дуртай байсан боловч харин одоо тэд ямар нэг үзэлтэй байвал дуулгавартай байж, үнэнийг хайж, тэднийгээ бусдад тараахгүй, эсвэл Бурханы эсрэг юмс хийхгүй байж чаддаг. Ямар нэг өөрчлөлт байна уу? Тийм ээ! Зарим хүмүүстэй харьцаж, засах үед тэд нэгэнтээ эсэргүүцэж байсан байж болох ч харин одоо тэдэнтэй дахин харьцаж, засах үед тэд өөрсдөө мэдэж, хүлээн зөвшөөрч чадна. Дараа нь тэдэнд жинхэнэ өөрчлөлт гардаг—энэ нь үр нөлөө биш гэж үү? Мөн! Гэхдээ чиний өөрчлөлт хэчнээн мундаг байсан ч уг чанар чинь тэр даруй бүрмөсөн өөрчлөгдөж чадахгүй. Ямар нэг гэм буруугүй байх боломжгүй. Гэхдээ хэрвээ чиний оролт чинь хэвийн болбол зарим нэг дуулгаваргүй байдал байсан ч гэсэн чи үүнийгээ тухайн үед ухаарах болно. Энэ ухаарал нь чамайг шууд өөрчлөлтөнд хүргэж, нөхцөл байдал чинь улам бүр сайжирсаар байх болно. Чи гэм бурууг нэг эсвэл хоёр удаа үйлдэж болох боловч дахин дахин хийхгүй. Энэ бол өөрчлөлт. Хэн нэгэн тодорхой нэг талбарт өөрчлөгдсөн бол дахиж ямар ч гэм буруу үйлдэхгүй гэсэн үг биш. Ийм төрлийн өөрчлөлт нь хэн нэгэн Бурханы ажлыг амсаж мэдэрсэн бол илүү их үнэнийг хэрэгжүүлж, Бурханы шаарддаг зүйлсийн заримыг хэрэгжүүлж чадна гэсэн утгатай. Тэдний гэм буруу нь улам л цөөхөн болж, дуулгаваргүй байх тохиолдол нь улам л ноцтой бус болох болно. Чи үүнээс Бурханы ажил нь үр нөлөө үзүүлж байгааг харж болно; Бурханы хүсэж буй зүйл нь эдгээр үр нөлөө хүмүүст гарсан ийм илэрхийлэл юм. Ийнхүү хүмүүсийн үр дүнг зохицуулдаг Бурханы арга зам болон Тэр хэн нэгэнд хэрхэн хандаж буй нь бүхэлдээ зөвт, үндэслэлтэй болоод шударга юм. Чи зөвхөн өөрийгөө Бурханы төлөө зарцуулахад бүх зүтгэлээ гаргаж, өөрийн хийх хэрэгтэй үнэнийг хэрэгжүүлэхэд бүх зүрх сэтгэлээ эргэлзээгүй зориулах л хэрэгтэй бөгөөд Бурхан чамд шударга бусаар хандахгүй. Үүний тухай бодоод үз: Үнэнийг хэрэгжүүлдэг хүмүүс Бурханаар шийтгэгдэж болох уу? Олон хүн Бурханы зөвт зан чанарт үргэлж эргэлзэж, үнэнийг хэрэгжүүлсэн ч гэсэн шийтгэгдэх л болно гэж айцгаадаг; Бурхан тэдний үнэнч байдал болон, зориулалтыг харахгүй гэж тэд айдаг. Зарим хүмүүстэй харьцаж, зассаны дараа идэвхгүй болдог; өөрсдийн үүргийг гүйцэтгэхэд тэдэнд хэтэрхий сул дорой санагддаг ба үнэнч сэтгэл, зориулалтаа алддаг. Яагаад тэр вэ? Энэ нь зарим талаар хүмүүс өөрсдийнхөө үйлдлүүдийн мөн чанарыг ухамсарлах нь дутмаг байдагтай холбоотой ба энэ нь, харьцаж, засахыг хүлээн зөвшөөрөхгүй байхад хүргэдэг. Энэ нь бас зарим талаар хүмүүс, өөрсөдтэй нь харьцаж, засаж байгаагийн ач холбогдлыг ойлгодоггүй бөгөөд энэ нь тэдний үр дүнг тодорхойлох тэмдэг гэж итгэдэггүйгээс болдог. Үүний үр дүнд хүмүүс, хэрэв тэдэнд Бурханыг гэсэн үнэнч байдал болоод зориулалт байх юм бол тэдэнтэй харьцаж, засаж болохгүй; хэрэв тэдэнтэй харьцвал энэ нь Бурханы зөвт байдал байж чадахгүй гэж ташаа итгэдэг. Ийм буруу ойлголт нь олон хүмүүсийг Бурханд зориулж, үнэнч байж чадахгүйд хүргэдэг. Үнэндээ энэ нь бүгд, хүмүүс дэндүү зальжин байгаагаас болж байгаа; тэд зовлон бэрхшээл туулахыг хүсдэггүй—тэд ерөөлийг хялбар арга замаар олж авахыг хүсдэг. Тэд Бурханы зөвт байдлыг ухамсарладаггүй. Бурхан ямар нэг зөвт зүйл хийгээгүйд эсвэл Бурхан ямар ч зөвт зүйл хийхгүйд байгаа биш, зүгээр л хүмүүс Бурханы хийдэг зүйл бол зөвт гэж хэзээ ч боддоггүй. Хүний нүдээр, хэрвээ Бурханы ажил нь хүний хүсэлтэй нийцэхгүй эсвэл тэдний хүсэн найдаж буй зүйлсэд нь хүрэхгүй бол Бурхан нь зөвт бус болдог. Өөрсдийнх нь хийж буй зүйлс тохиромжгүй эсвэл үнэнд нийцэхгүй байна гэдгийг хүмүүс хэзээ ч ухаардаггүй; тэд Бурханыг эсэргүүцэж байгаагаа хэзээ ч ухаардаггүй. Хэрэв Бурхан гэм буруугийнх нь төлөө хүмүүстэй хэзээ ч харьцаж эсвэл засахгүй бөгөөд алдаа дутагдлынх нь төлөө тэднийг хэзээ ч зэмлэхгүй харин үргэлж тайван байж хэзээ ч тэднийг уурлуулахгүй, тэднийг гомдоохгүй, тэдний шархыг хэзээ ч ил гаргахгүй, харин Өөртэй нь хамт цагийг сайхан өнгөрүүлж, идэж уухыг тэдэнд зөвшөөрсөн бол хүмүүс хэзээ ч Бурхан зөвт бус байна гэж гомдоллохгүй байх байсан. Тэд хоёр нүүр гарган Бурхан бол маш зөвт гэж хэлэх болно. Тийм болохоор Бурхан тэдний өөрчлөлтийн дараагаар тэднээс гүйцэтгэл шаарддаг гэдэгт хүмүүс итгэхгүй байсаар байна. Хэрэв тэд үүнийгээ үргэлжлүүлсээр байвал Бурхан яаж тайван байж чадах вэ? Хэрэв Бурхан хүмүүсийн талаар илүү зэмлэнгүй байсан бол тэд, Бурхан тэдний өөрчлөлтийн дараах тэдний гүйцэтгэлийг хардаг гэдэгт итгэхээ болих байсан. Тэд Бурхан бол зөвт гэдэгт итгэхээ больж, өөрчлөлтийг эрэлхийлэх хүсэлгүй байх байв. Хэрэв хүмүүс ийм нөхцөл байдал дор үргэлжлүүлсэн бол тэд өөрсдийн үзэлдээ хууртагдах байсан юм.

Өмнөх:Бурханы хүсэл бол хамгийн дээд боломжит хэрээр хүмүүсийг аврах

Дараах:Үнэний эрэл хайгуул л Бурханд итгэх жинхэнэ итгэл юм

Танд таалагдаж магадгүй