Бүх үнэнийг эрэлхийлэгчдийг бидэнтэй холбогдохыг урьж байна.

Үнэн замыг судлах тухай зуун асуулт хариулт

Цулгуй өнгө

Загвар

Үсгийн хэв

Үсгийн хэмжээ

Мөр хоорондын зай

Хуудасны өргөн

Хайлтын үр дүн 0

Ямар ч үр дүн олдсонгүй.

`

Гамшгийн үед би Бурханы хамгаалалтыг харсан

Жан Мин, Бээжин

2012.08.06

2012 оны 7-р сарын 21-ны өглөө бороо ширүүн орж эхэлсэн. Үдээс хойш цуглаанд очих ёстой байсан ч гадаа орж байгаа бороог хараад явахыг хүсээгүй. Гэхдээ 7 хоногт нэг л удаа болдог цуглаанд явахгүй бол сүмийн ажил хийх ямар ч боломжгүй байлаа. Гадаа юу ч болж бай, би гарч тэдэнтэй нөхөрлөл хийх хэрэгтэй гэж бодоод цуглаан руу яарав. Үдээс хойш 16:00 цагийн дараа цуглаанд хамт явдаг ах гэрээсээ ирээд: “Та нар цугласаар байна уу, гэртээ харьцгаа, тэндээс маш их ус ирж байна“ гэж хэлэв. Би гадагш гүйн гарч харвал гол үерлэн маш их ус урсан ирж байлаа. Би урьд өмнө тийм их ус харж байгаагүй. Би гэртээ харих замгүй болов. (Уг нь манайх тосгоноос 30 ли зайд байдаг) Би маш их санаа зовж байлаа. Би юу ч хийж чадахгүй нь, эргэж цуглаандаа очсон нь дээр, учир нь тэр газар өндөр, аюулгүй байсан. Хэсэг хугацааны дараа хүмүүсийн сандран ярих дуу сонсдов. Би гарч ирж харвал манай тосгоны том хүн, хүүхэд бүгд олс, шон дээгүүр явж байлаа. Би байшингаа юу болсныг асуухад хэн нэг нь над байшин чинь урсаагүй гэж хэлсэн ч хашааны гаднах усны түвшин өндөр байв. Би дотроо бодов: Бүх зүйл Бурханы гарт байдаг. Байшин минь урсчихсан байсан ч Бурханд илүү сайн зорилго бий.

Дараа өдөр нь үүрээр би бусад оршин суугчидтай хамт тосгондоо эргэж ирэв. Бид тосгондоо очоод мэл гайхсан. Борооны ус тосгон дундуур эмх замбараагүй байдал үүсгэн урсан өнгөрснийг хараад нүдэндээ ч итгэсэнгүй. Гэхдээ хамгийн их гайхсан зүйл бол энэ юм: Манай тосгонд 18 байшин байсан ба зөвхөн 4 нь нам дор хэсэгт, харин манай байшин хамгийн аюултай хэсэгт байв. Хэрэв ус шуудууг даган урссан бол бүх ус манай байшингийн ард цуглаж, байшинг хэзээд урсгаж орхих байсан. Би үерийн ус яг байшинг дайран өнгөрнө гэж төсөөлөхгүй байсан бөгөөд хашаандаа ороод бүр ч гайхашрав. Манай дээхнэ байдаг айлын хашаанаас урссан элс, шавар хашааны гаднах сувгаас гарч урд талын айлын хашаа руу урссан учраас манай байшин бүрэн бүтэн үлджээ. Хэдийгээр манай байшингийн ард чулуу овоолсон жижиг далан байсан, чулуунууд нь маш жижиг байсан боловч үерт угаагдсангүй. Харин ч эсрэгээрээ, хүмүүсийн бөх бат, аюулгүй гэж бодож байсан байшингуудын хана усанд урсаж, эсвэл элсээр дүүрч, зарим нь усаар дүүрсэн байсан. Нийт арван найман өрхөөс тав нь гамшигт өртөөгүй, бусад нь эвдрэлд орсон байлаа. Энэ дүр зургийг хараад зүрх минь дэлсэв. Би сэтгэл хөдлөлөө яаж илэрхийлэхээ мэдэхгүй байсан. Гэхдээ сэтгэл хөдлөл минь өнгөрсний дараа урьд нь би Бурханы зүрх сэтгэлийг үргэлж шархлуулж, Бурханыг эсэргүүцэн тэрсэлж, байснаа жигшин санав. Бурханаас надад өгсөн энэ нигүүлсэл, хамгаалалтыг би үнэхээр авах гавьяагүй байсан юм.

Үс босмоор аймшигт энэ үерийн усыг үзсэний дараа л Бурханы үгсийн утгыг би бүрэн мэдрэх болсон юм: “хүн яаж ч чармайн тэмцэх нь хамаагүй Бурханы анхаарал халамж, хамгаалалт, хангалтгүйгээр хүн хүлээн авах учиртай байсан бүхнээ хүлээн авч чадахгүй гэдгийг ойлгох явдал юм.” ( Үг нь махбодоор илэрсэн номоын “Бурхан бол хүний амийн эх сурвалж юм”-аас) “Хүмүүс мянган төлөвлөгө, бүр арван мянган төлөвлөгөө ч хийж чадна, гэхдээ эцэст нь тэд Миний гарын алганаас зугтаж чадахгүй. Бүх зүйл, үйл явдлууд миний гараар хэрэгждэг” (Эхлэл дэх Христийн Илэрхийлсэн Үгс ба Гэрчлэлүүд). Бурханы үгэнд Бурхан бүгдийг харж хамгаална, Бурхан бүгдийг удирдана гэж хүмүүст амласан нь надад хэзээ ч дахин ердийн нэг хэллэг шиг санагдахгүй. Энэ гамшгийн дунд би гүн гүнзгий гэгээрсэн юм. Хэрэв бид өөртөө зориулж сонголт төлөвлөгөө хийлгүй, Бурханы гарт ирээдүй, хувь тавилангаа өгвөл, чин сэтгэлээсээ үнэнийг эрэлхийлж, Бурханыг сэтгэл ханамжтай байлгах юм бол нөхцөл байдлаас үл шалтгаалан Бурхан биднийг ивээж, хамгаалж, ямар ч хямралыг даван туулахад туслана гэдгийг би мэдэрсэн. Учир нь Бурхан хүн болгонд зөв шударга ханддаг.

Өмнөх:Бурхан бидний гамшигт нэрвэгдсэн гэр бүлийг хамгаалдаг

Дараах:Гай Гамшигаас Аврагдсан Хүн Бурханы Анхаарал Халамжийг Мэдэрдэг

Танд таалагдаж магадгүй