3. Хүн яагаад өөрийгөө мэдэхгүйгээр зан чанарын өөрчлөлт болон авралд хүрч чадахгүй тухай

Холбогдох Бурханы үг:

Өөрийн мөн чанарыг мэдэхээс эхлээд үзэл санаа, уг чанар, оюун санааны төлөв гэх үндсэн өөрчлөлтөөр дамжин хүний зан чанар өөрчлөгддөг. Ийм маягаар л хүний зан чанарт жинхэнэ өөрчлөлт гарна. Сатанд хорлогдож, дэвслүүлэн, үзэл санаа, ёс суртахуун, мэдлэг ухаан, эрүүл ухаанд нь Сатан ноцтой хор хүргэсний улмаас хүнд ялзарсан зан чанар үүсдэг. Суурь зүйлийг нь Сатан завхруулж, Бурханы анх бүтээсэнтэй огт адилгүй болгосон учраас л хүн Бурханыг эсэргүүцэж, үнэнийг ойлгодоггүй. Тиймээс Бурханы талаарх мэдлэг, үнэний талаарх мэдлэгийг нь өөрчлөх үзэл санаа, мэдлэг ухаан, эрүүл ухааны өөрчлөлтөөс нь хүний зан чанарын өөрчлөлт эхлэх ёстой. Хамгийн гүн завхарсан газар нутагт төрсөн хүмүүс Бурхан юу болохыг, Бурханд итгэх гэж юу гэсэн үг болохыг бүр ч мэддэггүй. Хүмүүс хэдий чинээ их завхарсан байна, Бурханы оршин тогтнолыг төдий чинээ мэддэггүй, эрүүл ухаан, мэдлэг ухаанаар төдий чинээ дульхан байдаг. Бурханд тэрсэлж, эсэргүүцдэг нь Сатан хүнийг завхруулснаас эхтэй. Сатан завхруулсан учраас хүний мөс чанар хөшүүн болсны дээр хүн ёс суртахуунгүй, үзэл бодол нь доройтсон, хоцрогдмол сэтгэлгээтэй байдаг. Сатанд завхруулагдахаасаа өмнө хүн Бурханыг аяндаа дагаж, үгийг нь сонсоод Түүнийг дуулгавартай дагадаг байсан. Тэр угийн эрүүл ухаан, мөс чанар сайтай, хэвийн хүн чанартай байсан. Сатан завхруулсны дараа хүний төрөлх эрүүл ухаан, мөс чанар, хүн чанар үлбэгэр болж, Сатанд эрэмдэглүүлсэн. Тиймээс түүний дуулгавартай байдал болоод Бурханыг гэх хайр нь үгүй болсон. Хүний эрүүл ухаан хэвийн бус болж, зан чанар нь амьтныхтай адил болсон. Бурханд тэрслэх нь улам бүр олширч, ноцтой болсон. Гэсэн ч хүн үүнийгээ мэддэггүй, ухамсарладаг ч үгүй, ердөө л сохроор эсэргүүцэж, тэрсэлж байдаг. Хүний зан чанар эрүүл ухаан, мэдлэг ухаан, мөс чанараар нь илэрдэг; эрүүл ухаан, мэдлэг ухаан нь эрүүл саруул биш, мөс чанар нь туйлын үлбэгэр болсон учраас хүний зан чанар Бурханы эсрэг тэрсэлдэг. Хүн эрүүл ухаан, мэдлэг ухаанаа өөрчилж чадахгүй бол зан чанараа өөрчилж, бас Бурханы хүсэлд нийцүүлнэ гэж санахын ч хэрэггүй. Ухаан нь эрүүл саруул биш бол хүн Бурханд үйлчилж чадахгүйн дээр Бурханд ашиглуулахад тохирохгүй. “Хэвийн эрүүл ухаан” гэдэг нь Бурханд дуулгавартай, үнэнч байж, Бурханыг хүсэн эрмэлзэж, Бурханы талаар огт эргэлзэхгүй, Бурханыг гэсэн мөс чанартай байхыг хэлдэг. Бурханд нэгэн санаа сэтгэлээр зүтгэж, Бурханыг зориуд эсэргүүцэхгүй байхыг хэлдэг. Хэвийн бус ухаантай хүмүүс ийм байдаггүй. Сатан ялзруулснаас хойш хүн Бурханы талаар үзэлтэй болж, Бурханыг гэсэн хүсэл эрмэлзэл, Түүнд үнэнч байдлаа гээж, Бурханыг гэх мөс чанар гэж бүр юу ч үгүй болсон. Хүн Бурханыг санаатайгаар эсэргүүцэж, шүүмжилдэг, тэр ч бүү хэл ар хударгаар нь Түүн рүү хараал зүхэл урсгадаг. Түүнийг Бурхан гэдгийг хүн сайн мэддэг атлаа ар хударгаар нь Түүнийг шүүмжилж, Бурханыг дуулгавартай дагах ямар ч бодолгүй, ердөө л Түүнээс утга учиргүй юм нэхэж, Түүнд шаардлага тавьдаг. Хэвийн бус ухаантай ийм хүмүүс жигшүүрт зан авираа мэдэж, тэрслүү байдалдаа харамсах чадваргүй юм. Хэрвээ хүмүүс өөрсдийгөө мэдэх чадвартай бол эрүүл ухаан нь бага зэрэг сэргэсэн байна; өөрсдийгөө хараахан мэдэж чадаагүй хүмүүс хэдий чинээ Бурханы эсрэг тэрсэлж байна, төдий чинээ ухаан нь эрүүл саруул бус байдаг.

Үг нь махбодоор илэрсэн номын “Зан чанар чинь өөрчлөгдөхгүй байх нь Бурханд дайсагнаж буй хэрэг”-ээс эш татав

Зүрх сэтгэлд маань байгаа юм бүхэн Бурхантай дайсагнадаг. Үүнд бидний сайн гэж боддог, тэр ч бүү хэл эерэг гэж итгэдэг зүйлс багтдаг. Бид эдгээр зүйлийг үнэн, хэвийн хүн чанарын нэг хэсэг, эерэг зүйлс хэмээн жагсааж ирсэн; гэвч Бурханы өнцгөөс бол тэдгээр нь Түүний зэвүүцдэг зүйлс юм. Бидний боддог зүйл болон Бурханы хэлсэн үнэн хоёрын хоорондох зөрүү хэмжээлшгүй. Үүнийг хэмжихийн аргагүй. Иймээс бид өөрсдийгөө мэдэх ёстой. Бидний үзэл санаа, үзэл бодол, үйлдлээс эхлээд хүлээн авсан соёлын боловсрол хүртэлх юм бүхнийг гүнзгий ухаж, нэвт шувт задлан шинжлүүштэй. Эдгээр зүйлийн зарим нь нийгмийн орчноос гардаг бол зарим нь гэр бүл, сургуулийн боловсролоос, бусад нь номоос гардаг. Мөн зарим нь бидний үзэл, төсөөллөөс гардаг. Эдгээр зүйл бидний үг, үйлдлийг хүлж, хянаж, оюун ухааныг маань ноёрхож, хийдэг зүйлсийн маань сэдэл, санаа, зорилгыг залж чиглүүлдэг учраас хамгийн аймшигтай. Хэрвээ бид эдгээр зүйлийг ухан гаргахгүй бол Бурханы үгийг өөрсдөдөө хэзээ ч бүрэн хүлээн авахгүй бөгөөд хэзээ ч Бурханы шаардлагыг бүрмөсөн хүлээн зөвшөөрч, хэрэгжүүлэхгүй. Чи өөрийн үзэл санаа, үзэл бодол, зөв гэж итгэдэг зүйлсийг өвөрлөсөөр байгаа цагт Бурханы үгийг хэзээ ч бүхэлд нь бүрэн дүүрэн хүлээн зөвшөөрөхгүй бөгөөд тэдгээрийг анхдагч хэлбэрээр нь хэрэгжүүлэхгүй; чи тэдгээрийг эхлээд оюун ухаандаа боловсруулсны дараа л хэрэгжүүлэх нь лавтай. Чи аливааг ингэж хийх бөгөөд бусдад ч бас ийм маягаар тусална: Чи Бурханы үгийн талаар нөхөрлөж магад хэдий ч үргэлж өөрийн хольцыг хольж, үнэнийг хэрэгжүүлэх гэдэг нь энэ бөгөөд чи үнэнийг ойлгосон, бүх зүйлийг эзэмшдэг гэж бодно. Хүн төрөлхтний байр байдал өрөвдөлтэй биш гэж үү? Аймшигтай биш гэж үү? Эдгээр зүйлийг бүхэлд нь хэлж, илэрхий болгоход ганц хоёр үг хангалтгүй. Мэдээжийн хэрэг, түрүүн дурдсан Сатаны зуу гаруй хор гэх мэт өөр олон зүйл амьдралд бий. Чи энэ үгийг ойлгосон ч өөрийгөө үүнтэй хэрхэн харьцуулдаг вэ? Чи өөрөө өөрийгөө эргэцүүлж байсан уу? Чи ч бас эдгээр хоронд хувь нэмэр оруулдаггүй гэж үү? Тэдгээр нь боддог зүйлийг чинь харуулдаг биз дээ? Чи аливаа зүйлийг хийхдээ бас эдгээр хоронд түшиглэдэг бус уу? Хувийн туршлагаа гүн гүнзгий ухаж ойлгон, эдгээр үгтэй жиших ёстой. Бид Сатаны хорын тэрхүү жагсаалтыг хайнга байдлаар унших юм уу, хальт харчхаад буцааж тавиад өөрсдийгөө үнэнийг хэрэгжүүлж байна гэж итгэн, Бурханы үгийг утга учиргүй уншиж, бодит байдалтай холбох юм уу өөрийн жинхэнэ байдлыг харж чадахгүй, хэрэгжүүлэлтдээ Бурханы үгийн бичиг үсэг, дүрэм журмыг л баримталдаг бол энэ тийм энгийн зүйл гэж үү? Хүмүүс бол амьд зүйлс: Тэд бүгд бодолтой бөгөөд бодлоос нь үүссэн зүйлс зүрх сэтгэлд нь үндэс сууриа тавьдаг. Хүн үйлдэл хийхэд эдгээр үүссэн зүйл гарч ирэх нь лавтай, учир нь эдгээр нь аль хэдийн тухайн хүний амь болсон байдаг. Иймээс чиний хийдэг зүйл болгонд яаж хийхийг чинь захирч, явцыг чинь жолооддог үзэл бодол, зарчим гэж бий. Чи үйлдэх үедээ иймэрхүү зүйл дотор чинь оршдог эсэхийг мэднэ. Одоо чи мэдээж үзэл бодлоо шинжихдээ Бурханд дайсагнах юу ч байхгүй гэж чамд санагддаг. Чи өөрийгөө үнэнч шударга, үнэнч, үүргээ биелүүлэхэд бэлэн, Бурханы төлөө золиос гаргаж, өөрийгөө зарлагадах чадвартай, бүхий л талаар нэлээд мундаг гэж боддог. Гэхдээ Бурхан эр зоригийг чинь туршиж, чамаар даалгавар гүйцэтгүүлэх юм уу, аль эсвэл Бурхан чамд тохиолдох ямар нэг зүйлийг хийсэн бол үүнийг чи яаж зохицуулах вэ? Тиймэрхүү цаг үед үзэл бодол чинь үерийн далан сэтэрсэн мэт гадагшаа өршөөлгүйгээр түрэн гарах болно. Тэдгээр нь чиний хяналтаас гарч, хянах боломжгүй болох бөгөөд чи хэчнээн үзэн ядлаа ч тэдгээр нь өнөөх янзаараа түрэн гарч, Бурханыг бүхэлдээ эсэргүүцдэг зүйлс гарч ирнэ. “Яагаад би үүнийг яаж ч чадаагүй юм бэ? Би Бурханыг эсэргүүцэхийг хүсдэггүй хэр нь юунд эсэргүүцнэ вэ? Би Бурханыг шүүж, Түүний хийдэг зүйлийн талаар үзэлтэй байхыг хүсэхгүй байгаа хэр нь тийм үзэлтэй байж яаж болох юм бэ?” гэж хэлэх үедээ чи өөрийгөө мэдэхээр, Бурханыг эсэргүүцэж, Түүний одоо хийж буй ажилд дайсагнаж, эсэргүүцдэг юу чиний дотор байгааг ажиглахаар чармайх ёстой.

Эцсийн өдрүүдийн Христийн ярианы тэмдэглэл номын “Эндүү ташаа үзэл бодлоо танин мэдсэнээр л чи өөрийгөө мэдэж чадна”-аас эш татав

Хэрвээ хүмүүс өөрсдийнхөө дотор байдаг зарим байр байдлыг ойлгохгүй бол, буруу гэдгийг нь мэдрэхгүй бол хэчнээн чин сэтгэлээсээ эрэлхийллээ ч гэсэн, хэчнээн урам зоригтой байлаа ч гэсэн нэг л өдөр унаж магадгүй юм. Эцсийн эцэст, хүмүүсийн цөөнх нь л үнэнийг олж авч чадна. Үнэнийг ойлгоно гэдэг энгийн зүйл биш. Үүний жаахан хэсгийг ойлгоход хүртэл урт хугацаа ордог бөгөөд багахан туршлагын мэдлэг олж авахад, мөн цэвэр ойлголтод хүрч, бага зэрэг гэрэл олж авахад урт хугацаа ордог. Хэрвээ чи өөрийнхөө доторх бүх хольцыг шийдвэрлэхгүй бол тэрхүү өчүүхэн жаахан гэрэл хэдийд ч, хаана ч бөхөх боломжтой. Одоо хүний гол бэрхшээл бол хүн бүрийн дотор өөрсдөө олж илрүүлж чадахааргүй зарим нэг төсөөлөл, үзэл, хүсэл, хоосон мөрөөдөл байдаг. Эдгээр зүйл хүмүүсийн доторх хольц болж байнга дагалддаг. Энэ нь үнэндээ маш аюултай бөгөөд хүмүүс хэдийд ч гомдоллох магадлалтай. Хүний дотор маш олон хольц байдаг. Хүмүүс хэдийгээр сайн хүсэл эрмэлзэлтэй байж, үнэнийг эрэлхийлж, Бурханд үнэн сэтгэлээсээ итгэхийг хүсдэг ч үүнд хүрч хараахан чаддаггүй. Хүн бүрийн туршлагад иймэрхүү зүйл олон тохиолддог: Тэдэнд жижиг асуудал тулгардаг ба үүнийг амархан орхиж чадах учиртай гэж бусад нь боддог. Яагаад тэд чаддаггүй вэ? Ихэвчлэн харьцангуй туршлагатай, бусдад харьцангуй хүчтэй харагддаг, эрүүл саруул ухаантай тэр хүмүүс жаахан асуудалтай тулгарахаараа яагаад тийм хурдан унадаг юм бэ? Хүн үнэхээр хувь тавилангийн хувирамтгай байдлын эрхшээлд байдаг; ер нь үүнийг таамаглаж яаж чадах юм бэ? Хүн бүрийн дотор эрэлхийлж, олж авахыг хүсдэг зарим зүйл байдаг бөгөөд хүн бүрд өөрийн гэсэн шилэлт сонголт байдаг. Ихэнхдээ хүмүүс үүнийг өөрсдөө ухамсарлаж чаддаггүй, эсвэл тэд эдгээр зүйл дажгүй, тэнд ямар ч буруу юм байхгүй гэж боддог. Тэгээд нэг л өдөр иймэрхүү зүйл тохиолдож, тэд бүдэрдэг; тэд сөрөг, сул дорой болдог ба буцаад босож чаддаггүй. Тэд өөрсдийгөө зөвтгөж, тэднийг Бурхан л хэлмэгдүүлчихсэн юм шиг санаж, асуудал юу болохыг өөрсдөө мэдэхгүй байж магадгүй. Хэрвээ хүмүүс өөрсдийгөө ойлгохгүй бол өөрсдийнх нь бэрхшээл хаана оршдогийг, эсвэл ямар талбарт бүтэлгүйтэж, унах магадлалтай байдгаа хэзээ ч мэдэж чадахгүй. Тэд өрөвдөлтэй. Тиймээс өөрсдийгөө ойлгодоггүй хүмүүс хэдийд ч унаж, бүтэлгүйтэж, өөрсдийгөө сүйдэлж магадгүй.

Эцсийн өдрүүдийн Христийн ярианы тэмдэглэл номын “Өөрийн байдлыг ойлгосноор л зөв замд орж чадна”-аас эш татав

Одоогийн байдлаар, ихэнх хүний доторх байдал, биеийн хэмжээний үе шат ийм байна: Тэд аливааг хийх арга барилаа алдаа мадагтай, өөрсдийгөө муу хүн, диавол, Сатан гэдгийг хүлээн зөвшөөрдөг. Гэхдээ дорд хэв чанартай, ташаа ойлголттой гэдгээ, эсвэл төрөлхийн чанар, мөн чанарынх нь аль тал нь Бурханы илчилсэнтэй тохирч байгааг хүлээх нь ховор. Энэ бол өөрийн тухай жинхэнэ мэдлэг дутагдаж байгаа хэрэг. Тэгвэл өөрсдийгөө жинхэнээсээ мэддэггүй хүмүүс завхарсан гэдгээ хүлээн зөвшөөрч чадах уу? (Үгүй.) Завхарсан гэдгийг нь хүмүүст хүлээн зөвшөөрүүлнэ гэдэг амаргүй ажил. Хүмүүсийн байнга гаргадаг зан авир бол ямар нэг буруу зүйл хийснийхээ дараа, алдаа гаргаснаа мэдэж байдаг боловч, хэрэв чи тэднээс завхарсан зан чанарынх нь ойлголтын тухай асуувал энэ хоёр холбоо хамааралгүй гэж тэд хэлдэг. Тэд үүнийг зүгээр л хоромхон зуурын алдаа байсан, нөхцөл байдлыг сайн бодож үзээгүй, сэтгэл хөдлөлөөрөө үйлдэл гаргасан, санаатай байгаагүй гэж хэлээд байдаг. Хоромхон зуурын алдаа, санаандгүй зүйл байсан гэх мэтээр өөр бусад обьектив шалтгаан хэлж байгаа нь голдуу завхарсан зан чанараа хүлээн зөвшөөрөхгүй байх халхавч, шалтаг байдаг. Ингэх нь завхралаа жинхэнээсээ хүлээн зөвшөөрч байгаа хэрэг мөн үү? Завхарсан зан чанар харуулж байгаадаа үргэлж шалтаг хэлж, зайлсхийх арга зам хайдаг бол чи завхарсан зан чанартайгаа жинхэнээсээ нүүр тулж, хүлээн зөвшөөрч чаддаггүй, үүнийгээ мэдэж авч бүр ч чаддаггүй… Чамд ямар нэг зүйл тохиолдоод чи завхарсан зан чанар харуулдаг хэр нь хийсэн зүйл чинь ямар буруу байсныг хүмүүс чамд хэлээд, эсвэл ноцтой үр дагавар гарчхаад байхад чи зөвхөн алдаа гаргаснаа хүлээхээс өөр зүйл хийдэггүй. Энэ бол завхарсан зан чанараа харуулснаас болж үүссэн үр дагавар гэдгийг чи хүлээн зөвшөөрөх дургүй байна. Чи зөвхөн алдааг засахыг л хүсэж байгаа ч завхарсан зан чанар байгаа гэдгээ хүлээн зөвшөөрөхийг хэзээ ч хүсдэггүй. Тиймээс чи адил асуудалтай дахин тулгарах үедээ хэдийгээр зан байдал, аливаад хандах хандлага чинь өөрчлөгдсөн хэдий ч зан чанар чинь огт өөрчлөгдөөгүй хэвээр байдаг. Энэ бол хүний зан чанарыг өөрчлөхийн хүндрэл бэрхшээл. Харуулсан зүйл чинь завхарсан зан чанараас чинь болсон, энэ нь чамайг дураараа аашилж, хууль дүрмийг уландаа гишгэж, бусадтай сайн хамтарч ажиллаж чаддаггүй, сайрхуу болгодог гэдгийг хүлээн зөвшөөрвөл, биеэ тоосон зан чанараас болж ийм зүйл болсон гэдгийг хүлээвэл чамд ямар ашиг тустай байх вэ? Цаашид чи эдгээр баримтыг ил болгож, өөртөө илрээд байгаа завхарсан зан чанарыг шийдвэрлэхийн тулд хүчин чармайлт гаргана. Харин буруу зүйл хийснээ хүлээх төдий болбол үр дагавар нь ямар байх вэ? Чи зөвхөн гаргаж байгаа үйлдэлдээ л анхаарч, хүчин чармайлт гаргана; аливааг хийх арга барилаа засаж залруулах бөгөөд гаднаа чи зүй ёсоор хийж байгаа юм шиг харагдана. Чи зан чанараа илчлэх явдлыг баллана. Ингэснээр чи улам их заль мэхтэй болж, бусдыг мэхлэх арга барил чинь улам боловсронгуй болно. Чи “Энэ удаад хүн болгон миний алдааг харсан нь би хангалттай болгоомжтой байгаагүйгээс болсон; миний хэлсэн зүйл хэтэрхий тодорхой байсан болохоор би тэдэнд сул талаа харуулж, миний эсрэг ашиглах зүйлийг олох боломж олгосон. Би ийм алдаа дахиж гаргахгүй—улам учир битүүлэг байж, өөртөө бултаж зайлах боломж үлдээнэ” гэж боддог. Чи гаргах үйлдлээ өөрчилж, зан чанараа нуун далдалж улам зальхай, зальжин, Фарисайтай улам төстэй болдог. Чи аливааг хийх, хэлэх арга барил дээрээ төвлөрч, ажилладаг; өнгөн дээрээ ямар ч асуудал илэрдэггүй, хэн ч алдаа мадаг олж чаддаггүй, өө сэвгүй байдаг. Гэхдээ дотоод зан чанарт чинь өчүүхэн төдий ч өөрчлөлт гараагүй байдаг. Үүнийг хүлээн авч, хүлээн зөвшөөрөхгүйгээр завхарсан зан чанар чинь өөрчлөгдөх боломжгүй юм.

Бурханы нөхөрлөлөөс эш татав

Завхарсан зан чанарыг шийдвэрлэхэд амархан уу? Үүнд хүний уг мөн чанар хамаарна. Хүмүүст ийм мөн чанар, ийм уг үндэс байдаг бөгөөд үүнийг бага багаар ухаж гаргах ёстой. Үүнийг байдал бүрээс, хэлдэг үг бүрийн чинь цаад утга учраас ухаж гаргах ёстой. Хэлдэг үгээс чинь задлан шинжилж, ойлгох ёстой. Ийм ухаарал бүр ч илүү тодорхой болж, сүнс чинь бүр ч илүү овсгоотой болоход чи өөрчлөлтөд хүрч чадна. Завхарсан зан чанарыг шийдвэрлэхэд анхаарал, хичээнгүй байдал шаардлагатай. Чи асар их анхаарал хандуулж, санаа зорилго, байдлаа бага багаар шинжих ёстой. Ийм зүйлийг байнга шинжих үед байнга ярьдаг хэв маягаа гэнэтхэн ухаарах өдөр ирнэ: “Энэ бол ёрын муу агаад хэвийн хүн чанарын илэрхийлэл биш. Энэ нь үнэнтэй нийцдэггүй, би ярьдаг байдлаа өөрчлөх ёстой.” Ийнхүү мэддэг болсон өдрөөс эхлэн чи энэхүү ёрын муу зан чанарын туйлын ноцтой байдлыг улам тодорхой мэдэрнэ. Тэгвэл дараа нь чи юу хийх ёстой вэ? Яг тэр ярьж байгаа байдалд чинь оршиж байгаа санаа зорилгыг тасралтгүй шинжиж, тасралтгүй ил болгох явцаар дамжуулан чамд ийм мөн чанар, зан чанар байдаг гэдгийг чин сэтгэлээсээ, үнэн зөв тодорхойлж улам сайн чадна. Өөрт чинь ёрын муу зан чанар үнэхээр байдаг гэдгийг чи өөрөө чин сэтгэлээсээ хүлээн зөвшөөрч чадах өдөр ирэхэд эцэст нь үүнийг үзэн ядаж, жигшин голж, зэвүүцэж чаддаг болно. Хүн өөрийгөө сайн хүн, шулуун шударга, үнэнээр үйлддэг, шударга ёсны мэдрэмжтэй, ноён нуруутай, гэм зэмгүй гэж итгэдэг байснаа уг чанар-мөн чанар нь биеэ тоосон, хатуу, ов мэхтэй, хорон муу, үнэнийг хайрладаггүй гэдгийг таньсан цагт л өөрийн байр суурийг үнэн зөв мэдэж, өөрсдөө яг юу болохоо мэдэж чадна. Өөрсдөд нь ийм илрэл, байдал байдаг гэдгийг зүгээр нэг хүлээн зөвшөөрөх юм уу хэнэггүйхэн танин мэдвэл тэд жинхэнээсээ үзэн ядаж чадахгүй; өөрсдөд нь эдгээр зан чанар, мөн чанар байдаг гэдгийг үйлдлээсээ таньсан цагт л жинхэнээсээ үзэж яддаг болно…

Хүмүүс янз бүрийн зан чанараас үүдсэн янз бүрийн байдлыг таньж чаддаг болох үед зан чанар нь өөрчлөгдөж эхэлнэ. Хэрвээ хүмүүс эдгээр байдлыг танихгүй бол, тэдгээрийг өөрийн болгож, өөрсдөдөө хэрэгжүүлж чадахгүй бол зан чанар нь өөрчлөгдөж чадах уу? (Үгүй.) Зан чанарын өөрчлөлт нь янз бүрийн зан чанараас үүдсэн янз бүрийн байдлыг танихаас эхэлдэг. Хэрэв хүн үүнийг таньж эхлээгүй, бодит байдлын энэ талд ороогүй бол зан чанар нь өөрчлөгдөх боломжгүй. Тэгэхээр, зан чанарын өөрчлөлт боломжгүй юм бол хүмүүсийн олонх нь үүргээ гүйцэтгэх явцдаа ямар дүрд тоглодог юм бэ? Тэд хүчин чармайлт гаргаж, даалгавар гүйцэтгээд завгүй байдаг. Тэд үүргээ гүйцэтгэж байгаа боловч ихэнх нь махран хөдөлмөрлөж байгаа. Заримдаа тэд сайхан зантай байхаараа илүү их хүчин чармайлт гаргаж, харин тийм ч сайхан зантай биш байвал бага хүчин чармайлт гаргадаг. Ингэснийхээ дараа тэд үүнийгээ эргэцүүлэн бодоод бага зэрэг харамсах сэтгэл төрдөг учраас арай илүү их эрч хүч зарцуулан, гэмшсэн юм шиг санагддаг. Үнэндээ энэ бол жинхэнэ өөрчлөлт биш; энэ бол жинхэнэ гэмшил биш. Жинхэнэ гэмшил зан авираас чинь эхэлдэг. Хэрвээ зан авирт чинь өөрчлөлт гарч, чи өөрийгөө хаяж чаддаг болоод, юмыг тэгж хийхээ больж, үйлдэл чинь зарчимтай нийцдэг болсон харагдаж, үг, үйлдлээ бага багаар зарчимтай болгож дөнгөвөл энэ нь зан чанарын өөрчлөлтийн эхлэл юм.

Эцсийн өдрүүдийн Христийн ярианы тэмдэглэл номын “Өөрийгөө мэдсэнээр л үнэнийг эрэлхийлж чадна”-аас эш татав

Өөрийнхөө завхралыг олж илрүүлэх чадвартай байх тусам чинь энэ нь илүү үнэн зөв байж, мөн чанараа чи илүү их мэдэж чадах бөгөөд тэгснээр аврагдах магадлал чинь нэмэгдэж, авралд чи илүү ойртоно; асуудлаа олж мэдэх чадваргүй, өөрийгөө сайн хүн, нэлээд мундаг хүн гэж боддог байх тусам чи авралын замаас улам холдож, асар их аюулд байсаар байдаг. Өдөржин таахалзаж, амжилт ололтоо гайхуулж, өөрсдийгөө уран цэцэн үгтэй, ухаалаг, үнэнийг ойлгодог, үнэнийг хэрэгжүүлэхдээ золиос гаргах чадвартай гэж хэлдэг хэн бүхний биеийн хэмжээ нэн өчүүхэн байдаг. Ямар төрлийн хүн аврагдах найдлага өндөртэй, авралын замаар алхах чадвартай байдаг вэ? Өөрсдийнхөө завхарсан зан чанарыг үнэхээр мэддэг хүмүүс тийм байдаг. Мэдлэг нь гүн гүнзгий байх тусам тэд авралд улам ойртдог. Завхарсан зан чанараа мэдэж, юу ч биш, хэнд ч хэрэггүй, амьд Сатан гэдгээ мэдэж—мөн чанараа үнэхээр мэдэх үед энэ нь ноцтой асуудал байхаа больдог. Энэ муу зүйл биш, сайн зүйл. Өөрсдийгөө мэдэх тусмаа улам сөрөг болж, “Бүгд өнгөрлөө, Бурханы шүүлт, гэсгээлт над дээр буулаа, энэ бол шийтгэл, залхаан цээрлүүлэлт, Бурхан намайг хүсдэггүй юм байна, надад аврагдах найдлага алга” гэж дотроо боддог хүн бий юу? Энэ хүмүүс ийм төөрөгдөлтэй байх уу? Үнэн хэрэгтээ, хүмүүс хэр найдлагагүй гэдгээ таньж мэдэх тусам тэдний хувьд илүү их найдлага байдаг; тэд сөрөг байх ёсгүй, мөн бууж өгөх ёсгүй. Өөрийгөө мэднэ гэдэг сайн зүйл—энэ бол авралд хүрэхийн тулд алхах ёстой зам юм. Хэрвээ чи Бурханыг олон янзаар эсэргүүцдэг завхарсан зан чанар, мөн чанараа огт мэдэрдэггүй бол, мөн өөрчлөгдөх ямар ч төлөвлөгөөгүй байгаа бол асуудалд орсон байна; тийм хүмүүс аль хэдийн мэдрэлгүй болж, үхсэн байдаг. Үхэгсдийг эргэн амилуулж болох уу? Аль хэдийн үхсэн учраас болохгүй.

Эцсийн өдрүүдийн Христийн ярианы тэмдэглэл номын “Өөрийгөө мэдсэнээр л үнэнийг эрэлхийлж чадна”-аас эш татав

Амийг эрж хайдаг хүмүүсийн дундаас Паул өөрийнхөө мөн чанарыг мэддэггүй хүн байсан. Тэрээр огтхон ч даруухан, дуулгавартай байгаагүй, Бурханыг эсэргүүцдэг мөн чанараа ч мэддэг байгаагүй. Иймээс тэрээр нарийн ширийн туршлага туулаагүй хүн байсан бөгөөд үнэнийг хэрэгжүүлдэггүй хүн байлаа. Харин Петр өөр байжээ. Тэр өөрийн дутагдал, сул талыг болон Бурханы бүтээлийн хувиар өөрийн завхарсан зан чанарыг мэддэг байсан тул зан чанараа өөрчилж чадах хэрэгжүүлэлтийн замтай байв; тэрээр зөвхөн хоосон сургаалтай ч бодит байдалгүй хүмүүсийн нэг байгаагүй юм. Өөрчлөгддөг хүмүүс бол аврагдсан шинэ хүмүүс бөгөөд үнэнийг эрэлхийлэхэд тэнцдэг хүмүүс юм. Өөрчлөгддөггүй хүмүүс нь төрөлхийн хоцрогдмол хүмүүст харьяалагддаг; тэд бол аврагдаагүй хүмүүс, өөрөөр хэлбэл, Бурханы жигшин голдог хүмүүс билээ. Тэдний ажил хэчнээн их байсан ч тэднийг Бурхан санахгүй. Чи үүнийг өөрийнхөө эрэл хайгуултай харьцуулах үед эцсийн эцэст Петр шиг хүн үү, Паул шиг хүн үү гэдэг чинь илэрхий байх учиртай. Хэрвээ чиний эрэл хайгуулд ямар ч үнэн байхгүй хэвээр бол, мөн өнөөдөр ч гэсэн чи Паул шиг биеэ тоосон, эрээ цээргүй, уран ярьж, бардамнадаг хэвээр бол бүтэлгүй өөдгүй хүн гэдэг чинь эргэлзээгүй юм. Хэрвээ чи Петр шиг эрж хайж, хэрэгжүүлэлт болон жинхэнэ өөрчлөлтийг эрэлхийлж, биеэ тоосон юм уу эрх дураараа биш, харин үүргээ биелүүлэхээр зорьдог бол ялалтад хүрч чадах Бурханы бүтээл байх болно. Паул өөрийн мөн чанарыг, эсвэл завхралыг мэдээгүй, дуулгаваргүй байдлаа бүр ч мэдээгүй. Тэрээр Христийг жигшүүртэйгээр эсэргүүцэж байснаа хэзээ ч дурдаагүй, мөн тийм ч их харамсаагүй. Тэрээр зөвхөн товч тайлбар тавьсан ба зүрх сэтгэлийнхээ гүнд Бурханд бүрэн захирагдаагүй. Хэдий тэр Дамаскийн замд хөсөр унасан боловч зүрх сэтгэлийн гүнээс өөрийгөө шинжлээгүй. Тэр ажиллаж байгаа төдийдөө л сэтгэл ханаж байсан бөгөөд өөрийгөө мэдэж, хуучин зан чанараа өөрчлөх нь хамгийн чухал асуудал гэдгийг анхаарч үзээгүй. Тэр ердөө үнэнийг ярьж байгаадаа, мөс чанараа тайтгаруулахын тулд бусдыг хангаж байгаадаа, өөрийгөө тайвшруулж, урьдын нүглээ уучлахын тулд Есүсийн шавь нарыг хавчихаа больсондоо сэтгэл хангалуун байсан. Түүний зорьсон зорилго нь ирээдүйн титэм болон түр зуурын ажлаас цаашгүй байсан, түүний зорьсон зорилго нь үлэмж элбэг нигүүлсэл байсан. Тэрээр хангалттай үнэнийг эрж хайгаагүй, урьд нь ойлгоогүй байсан үнэн рүү илүү гүнзгий орохоор ч эрэлхийлээгүй. Иймээс өөрийнх нь талаарх түүний мэдлэгийг худлаа байсан гэж хэлж болох бөгөөд тэрээр гэсгээлт, шүүлтийг хүлээн зөвшөөрөөгүй. Тэр ажиллаж чаддаг байсан гэдэг нь өөрийн уг чанар, эсвэл мөн чанарыг мэдэж байсан гэсэн үг биш; тэрээр гадна талын хэрэгжүүлэлтэд л анхаарлаа төвлөрүүлж байв. Түүнчлэн, түүний зорьж байсан зүйл нь өөрчлөлт биш, харин мэдлэг байсан юм. Түүний ажил бүхэлдээ Дамаскийн замд Есүс харагдсаны үр дүн байлаа. Энэ нь анхнаасаа түүний хийхээр шийдсэн зүйл байгаагүй, мөн хуучин зан чанар нь засалтыг хүлээн зөвшөөрсний дараа тохиолдсон ажил ч байгаагүй. Тэр яаж ч ажилласан бай, хуучин зан чанар нь өөрчлөгдөөгүй, иймээс түүний ажил урьдын нүглийг нь цайруулж чадаагүй, харин тухайн үеийн чуулгануудад тодорхой үүрэг гүйцэтгэсэн төдий юм. Хуучин зан чанар нь өөрчлөгдөөгүй ийм хүн—өөрөөр хэлбэл, аврал хүртээгүй хүн бол бүр ч үнэнгүй хүн бөгөөд Эзэн Есүсээр хүлээн зөвшөөрөгдөх хүмүүсийн нэг болж яасан ч чадаагүй.

Үг нь махбодоор илэрсэн номын “Амжилт эсвэл бүтэлгүйтэл нь хүний алхдаг замаас хамаардаг”-аас эш татав

Өмнөх: 2. Хэрхэн өөрийгөө үнэхээр мэддэг болох вэ?

Дараах: 1. Жинхэнэ гэмшил гэж юу болох, үүний илрэлүүд нь юу вэ?

Одоо үед гай гамшиг ойр ойрхон тохиолдож, Эзэн эргэн ирэх тухай зөгнөлүүд үндсэндээ биелсэн. Бид Эзэнийг хэрхэн угтан авч болох вэ?

Холбогдох контент

Тохиргоо

  • Текст
  • Загвар

Цулгуй өнгө

Загвар

Үсгийн хэв

Үсгийн хэмжээ

Мөр хоорондын зай

Мөр хоорондын зай

Хуудасны өргөн

Гарчиг

Хайх

  • Энэ текстийг хайх
  • Энэ номоос хайх