Би бусад хүнд хэрхэн зохистой хандахыг сурлаа

Сиюань, Франц

Нэг өдөр чуулганы маань Чэнь ах над дээр ирлээ. Тэрээр чөлөөт цагаараа гэрчлэл танилцуулах хэрэгжүүлэлт хийж, сайн мэдээний ажилд зарим нэг хувь нэмэр оруулахыг хүсэж байна гэсэн юм. Чэнь ах маш биеэ тоосон зан чанартай гэдгийг би урьдын харилцаа холбооноосоо үүдэн мэддэг болсон тул түүний талаар урьдчилан тогтсон санал, бодолтой байлаа. Түүнчлэн гэрчлэл танилцуулах хүмүүс Библийн тодорхой түвшний мэдлэгтэй байх ёстой. Тэд үнэнийг тодорхой хэлэлцэж, сайн мэдээ номлож байгаа хүмүүсийнхээ асуусан асуултад хариулж чаддаг байх ёстой гэж бодов. Тэр ах эдгээр чанарыг эзэмшээгүй мэт санагдсан тул би зөвшөөрсөнгүй. Үүнийг хараад тэр ах, “Миний чадварт үндэслээд, гэрчлэл танилцуулах хэрэгжүүлэлт хийж болно гэж та бодохгүй байна уу? Би гэрчлэл танилцуулахгүй бол авьяасаа үрж байгаа хэрэг болох биш үү?” гэлээ. Ингэж хэлэхийг нь сонсоод, би бүр залхаж, “Гэрчлэл танилцуулна гэдэг хийхэд амархан зүйл гэж бодоо юу? Жинхэнэ авьяасгүй бол энэ үүргийг сайн биелүүлж чадна гэж бодоо юу? Өөрийгөө хэтэрхий их юманд бодох юм. Та өөрийгөө ер үнэн зөвөөр үнэлдэггүй юм байна!” хэмээн бодлоо. Дараа нь би Чэнь ахын нөхцөл байдлыг ялган танихын тулд хэдэн ах эгчтэй нөхөрлөв. Зарим ах эгч хэлсэн зүйлийг минь сонссоныхоо дараа Чэнь ах ааш авиртаа хэрхэн биеэ тоосон зан харуулсан талаар мөн ярилаа. Чэнь ахын талаарх бодол маань үнэхээр зөв байсан нь үүгээр батлагдав. Би Чэнь ахыг зөв ойлгохын тулд үнэнийг эрж хайлгүй, түүний талаар хамаагүй дүгнэх үедээ түүнийг үндсэндээ шүүж, бусадтай хуйвалдаж байсан гэдгээ огт мэдээгүй юм.

Нэг удаа би Чэнь ахтай хамт цуглаанд оролцож байлаа. Бид чуулганы амьдралаар амьдарч байхдаа Бурханы гэр бүлийн кинонуудыг хэрхэн үзэж болох тухай ажлын зохицуулалтыг уншиж байх үед Чэнь ах “Миний бодлоор, удирдагч, хамтран зүтгэгчид үнэний бодит байдлыг эзэмшдэггүй. Тэд цуглаан дээр ердөө л бичиг үсэг, хоосон сургаал номлоод, ах эгч нарт маань нүүрлэдэг бодитой саад бэрхшээлийг шийдвэрлэж чадахгүй байна. Одоо бид цуглаан дээрээ кино үзэж болдог нь сайхан хэрэг. Ингэх нь үнэнийг ойлгоход маань тус болно” гэлээ. Тэгээд цааш үргэлжлүүлэн “Би анх энэ үүргийг биелүүлж байхдаа зарчмыг ойлгодоггүй байсан учраас олон хүндрэл бэрхшээлтэй тулгарсан. Гэвч одоо зарчмыг ухаарсан болохоор энэ үүргээ хавьгүй илүү саадгүй биелүүлж, ажилдаа гойд сайн үр дүн гаргаж байгаа…” гэлээ. Ингэж хэлэхийг нь сонсоод, зүрх сэтгэлд минь дургүйцэл, эсэргүүцэл төрлөө. “Та боломжийг ашиглахдаа үнэхээр сайн юм. Удирдагч, хамтран зүтгэгч биднийг дорд үзэхдээ Ариун Сүнсний ашигладаг хүний нөхөрлөлийг хэрэглэж байх шив. Бас дээр нь өөртөө гэрчлэл хийж, онгирохоо ч мартсангүй. Та үнэхээр хэтэрхий биеэ тоосон, эрүүл ухаангүй юм байна…” гэж би бодов. Тэгээд бид дараагийн цуглаан дээр хэлэлцэх таван асуултын талаар хэрхэн хамтран ажиллахаа ярилцаж эхэллээ. Тэр үед Чэнь ах гурван асуултыг хариуцах санал тавьж, тэр ч бүү хэл үлдсэн хоёр асуултыг хариуцах хүмүүсийг санал болгов. Дараагийн уулзалтыг би бүлгийн удирдагчид хариуцуулах үед, тэр ах даруйхан бүлгийн ахлагчаас “Та хариуцаж чадна гэж бодож байна уу? Хийж чадах юм уу?” гэж эргэлзэнгүй байдлаар асуулаа. Дууных нь өнгөнөөс үзэхэд, тэр өөрөө л цуглааныг хариуцаж чадна гэж бодож байгаа мэт сонсогдож байв. Би түүний ааш авиртай нүүр тулаад, “Та маш эрүүл ухаангүй юм. Та үүнийг хийж чадах юм уу? Та зүгээр л ах эгч нарт онгирох индэр болгон энэ боломжийг ашиглах хүсэлтэй байна. Та бүх анхаарлыг татмаар байгаа юм байна, гэвч би үүнийг чинь зөвшөөрөхгүй” гэж бодлоо. Ахыг зорилгодоо хүрэхээс нь сэргийлэхийн тулд би эрх мэдлээ ашиглан, түүнд хариуцуулахгүй байхаар зохицуулсан билээ. Чэнь ахын бүх зан авирын талаар бодоод, зүрх сэтгэлдээ би түүнд маш дургүй байсан бөгөөд түүнийг алагчлах сэтгэл минь улам хүчээ авлаа. Ялангуяа би тэр ахтай биеэ тоосон зангийнх нь талаар хэд хэдэн удаа хэлэлцсэн боловч тэр амаараа л хүлээн зөвшөөрсөн бөгөөд би дараа нь тодорхой өөрчлөлт огт харсангүй. Иймээс би тэр ахыг гойд их биеэ тоосон зантай юм байна гэж бодлоо. Тэрээр дэндүү биеэ тоосон зантай байсан бөгөөд бүр хэзээ ч засарч чадахааргүй, ямар ч найдлагагүй гэж би бодсон юм. Тэгээд заримдаа тэр ахыг ийм их биеэ тоосон зантай болохоор одоогийн үүргээ биелүүлэхэд ерөнхийдөө тохирохгүй. Түүнийг зүгээр л өөр хүнээр сольчихъё гэж хүртэл боддог байв.

Цуглаан дуусаж, цуглаан дээр илчилсэн бодол, санаа болгоноо эргэцүүлснийхээ дараа зүрх сэтгэл минь зэмлэл болон ихээхэн таагүй байдлыг мэдэрлээ. “Өө Бурхан минь! Чэнь ахын талаар олон бодол, туйлшрал надад байна. Би Түүнийг маш биеэ тоосон гэж боддог. Одоо түүний ярихыг сонсох болгонд зүрх сэтгэлд минь дургүйцэл, эсэргүүцэл төрдөг. Тэр ч бүү хэл би түүнийг солихыг хүсдэг. Өө Бурхан минь! Би буруу байдалд байгаагаа мэднэ. Гэвч би Таны хүслийг ойлгохгүй, бас үнэний ямар талд орох ёстойгоо мэдэхгүй байна. Өө Бурхан минь, намайг гэгээрүүлж, залж чиглүүлээч” хэмээн Бурханд залбирлаа. Залбирч дууссаныхаа дараа нэг номлолын хэсгээс бодов: “Зүрх сэтгэлд чинь ийм бодол байдаг уу? Та хэн нэгний талаар бодох үедээ тэдний сул талыг эхлээд боддог, мөн ямаршуу байдлаар завхарсан талаар нь эхлээд боддог. Тийм үү? Хэрэв чи ингэж бодсоор байвал бусадтай хэвийн байдлаар эвтэй байж хэзээ ч чадахгүй… Харин тэр хүн Бурханд чин сэтгэлээсээ итгэн, үнэнийг эрэлхийлэхээр хүсдэг учраас удалгүй түүний доторх энэ завхрал өөрчлөгдөж, алга болж эхэлнэ. Бид энэ асуудлыг ийм маягаар харах ёстой бөгөөд асуудлуудыг өсөж дэвжих үзэгдлээр харах ёстой. Бид хүний сул тал дээр төвлөрөөд, түүнийг бүх насаараа ийм байх болно, тэр бол ийм хүн хэмээн үүрд яллах ёсгүй. Ингэх нь түүнийг шүүж, хязгаарлаж байгаа хэрэг мөн! Хүмүүсийг аврахдаа Бурхан ийм маягаар ярьж, хүн төрөлхтөн ийм хэмжээнд хүртлээ завхарсан тул тэднийг аварна гэдэг утгагүй, энэ бол хүн төрөлхтний төгсгөл гэж хэлээгүй. Бурхан огт ийм маягаар хардаггүй. Иймээс одоо бид бүгд үнэнийг эрэлхийлж байна. Бид бүгд үнэнийг эрэлхийлэхийг хүсдэг, мөн эрэл хайгуулаа үргэлжлүүлсээр байвал наад зах нь цөөн хэдэн жилийн дараа ямар нэг байдлаар лавтай өөрчлөгдөж, эцэст нь зан чанартаа өөрчлөлт хийж, Бурханаар төгс болгуулж бүрэн чадна гэдэгт итгэдэг. Та бүгд ингэж итгэдэг биз дээ? Чамд ийм итгэл байдаг тул бусад хүнд ч бас ийм итгэл бий гэдэгт итгэх учиртай” (Амийн оролтын тухай номлол ба нөхөрлөл I дэх “Хүмүүстэй хэрхэн хэвийн харилцаа тогтоох тухай”-аас). Нөхөрлөлийн энэ хэсэг миний байдлыг тодорхой харуулсан бөгөөд би ичлээ. Уг чанар маань хэчнээн биеэ тоосон, ихэрхүү байсан нь харагдав. Би үнэнийг эзэмшсэн мэт, бас хүнийг нэг хараад л үнэн зөвөөр шүүж, мөн чанарыг нь бүрэн ойлгох чадвартай мэтээр аашилж байжээ. Би нөхөрлөл дэх үгийг өөртөө тусгаж авснаар дараах зүйлийг ухаарлаа: Би Чэнь ахтай харилцах үедээ, хэлж байгаа үг, хийж байгаа зүйлдээ биеэ тоосон зан чанар илэрхийлж байгааг нь хараад түүнийг бага залуу, бардам гэж бодсон юм байна. Тэгээд түүнийг өөрийнхөө талаар ямар ч мэдлэггүй гэж боджээ. Би бүр түүнийг ямар ч бодлогогүй, засрах ямар ч найдлагагүй биеэ тоосон хүн байна хэмээн шүүсэн юм. Иймээс түүнд шударга, ялгаваргүй байдлаар хандаж огт чадаагүй билээ. Бурхан хүмүүсийг байж болох хамгийн дээд хэмжээнд авардаг бол би Чэнь ахыг бүх талаар хязгаарлаж байж. Одоо Бурхан намайг ил болгож, биеэ тоосон, ихэрхүү байдлыг минь тодорхой харууллаа. Би өөрийн бодол, итгэл үнэмшлийг билээ. Бурхан хүмүүсийг байж болох хамгийн дээд эрүүл ухаангүй байж. Би бусдыг зарчим, стандартаар харж, хэмжиж байсан биш үү? Хүмүүсийг харж, хязгаарлах миний арга барил үнэнтэй нийцэх үү? Би өт хорхойноос ч долоон дор байж. Бусад хүнийг шүүж, яллахад би яаж тэнцэх билээ. Бурханы үгэнд ингэж хэлдэг: “Бурханы авардаг хүмүүс нь Сатаны завхралаас үүдсэн завхарсан зан чанартай хүмүүс байдаг; тэд өндөг шиг өөгүй төгс хүмүүс юм уу вакуум орчинд амьдардаг хүмүүс биш” (Христийн ярианы тэмдэглэл номын “Бурханд итгэхэд амийн оролт хамгийн чухал”-аас). Бид хараахан төгс болгуулаагүй бөгөөд Бурханы ажлын туршлагаараа дамжуулан аажмаар өөрчлөгдөх үйл явцад байсаар байна. Бид үүргээ биелүүлж байхдаа завхарсан зан чанараа илэрхийлж, зарим нэг гэм бурууг үйлдэж болох ч Бурханд чин сэтгэлээсээ итгэн, үнэнийг эрэлхийлж байгаа цагт өөрчлөгдөж чадна. Гэвч би бусдыг өсөлтөд чиглэсэн үзэл бодлоор харахгүй байжээ. Оронд нь өөрийн өнцөг, завхарсан зан чанараар бусдыг хязгаарлаж байлаа. Би үнэхээр л тун их биеэ тоосон байв.

Дараа нь би Бурханы үгийн бас нэг хэсгийг уншлаа: “Бурханы гэр бүлийн гишүүдэд ямар зарчмын дагуу хандах ёстой вэ? (Ах эгч нэг бүрд шударгаар хандах ёстой.) Тэдэнд яаж шударга хандах вэ? Хүн бүрд бага сага алдаа, дутагдал, тодорхой онцлог шинж бий; хүмүүс бүгд өөрийгөө зөвтгөдөг, сул дорой, дутагдалтай талуудтай. Чи хайрын сэтгэлээр тэдэнд тусалж, хүлээцтэй, тэвчээртэй байх ёстой бөгөөд хэтэрхий хатуурхаж, өчүүхэн жижиг зүйл дээр сүржигнэхгүй байх хэрэгтэй. Бага залуу, Бурханд төдийлөн удаан итгээгүй юм уу үүргээ саяхнаас биелүүлж эхэлсэн, зарим нэг онцгой хүсэлттэй хүмүүсийг үсдэж аваад тавихгүй байвал үүнийгы гэр бүлийн гишүүдэд ямар зарчмын дагуу хандах ёстой вэ? (Ах эгч нэг бүрд шударгаар хандах ёстой.) Тэдэнд яаж шударга хандах вэ? Хүыг олж харан, тэдэнд туслахаас татгалзаж, оронд нь тэдгээр зүйлээс үүдэн сүржигнэж, ар хударгаар нь тэднийг шүүж, улмаар илүү олон хүн тэднийг эсэргүүцэж, гадуурхаж, тусгаарлахад хүргэдэг. Энэ ямар гээч зан авир вэ? Энэ бол ердөө л хувийн сонирхолдоо үндэслэн аливааг хийж, хүмүүст шударгаар хандаж чадахгүй байгаа явдал юм; энэ нь завхарсан сатанлаг зан чанарыг харуулдаг! Энэ бол гэм буруу мөн! Хүмүүс аливааг хийх үед Бурхан харж байдаг; чиний хийж байгаа, бодож байгаа бүхнийг Тэр хардаг! Хэрэв чи зарчмыг ухаарахыг хүсвэл эхлээд үнэнийг ойлгох ёстой. Үнэнийг ойлгомогцоо чи Бурханы хүслийг ухаарч чадна; үнэнийг ойлгохгүй бол Бурханы хүслийг ойлгохгүй нь лавтай. Хүмүүст хэрхэн хандахыг үнэн чамд хэлж өгдөг бөгөөд үүнийг ойлгомогцоо чи Бурханы хүсэлд нийцтэйгээр хүмүүст хэрхэн хандахаа мэдэх болно. Бусдад хэрхэн хандах вэ гэдгийг Бурханы үгэнд тодорхой харуулж, зааж өгсөн байдаг; хүн төрөлхтөнд ханддаг Бурханы хандлага бол хүмүүс нэг нэгэндээ хандахдаа баримтлах ёстой хандлага юм. Бурхан хүн нэг бүрд хэрхэн ханддаг вэ? Зарим хүн боловсорч гүйцээгүй биеийн хэмжээтэй, бага залуу, эсвэл богино хугацаанд л Бурханд итгэсэн байдаг. Зарим хүний уг чанар болон мөн чанар муу, хорлонтой байдаггүй; тэд ердөө л жаахан мэдлэггүй, хэв чанараар дулимаг юм уу нийгмээс болж хэтэрхий их бохирдсон байдаг. Тэгээд үнэний бодит байдалд ороогүй тул зарим нэг мунхаг зүйл хийхгүй, мэдлэггүй үйл үйлдэхгүй байхад хэцүү байдаг. Гэвч Бурханы өнцгөөс бол ийм асуудлууд чухал биш; Бурхан хүмүүсийн зүрх сэтгэлийг л хардаг. Хэрэв тэд үнэний бодит байдалд орохоор сэтгэл шулуудан, зөв чиглэлд явж байгаа бөгөөд ийм зорилготой байвал Бурхан тэднийг ажиглаж, хүлээж, орох цаг хугацаа, боломж бололцоог тэдэнд олгож байдаг. Бурхан тэднийг эрсдэл хүлээмэгц нь ганц цохилтоор унагаж, дэлсдэг юм биш; Бурхан хүмүүст хэзээ ч ингэж хандаж байгаагүй. Тийм болохоор, хэрэв хүмүүс бие биедээ ийм маягаар хандвал энэ нь завхарсан зан чанарыг нь харуулдаг бус уу? Энэ бол тэдний завхарсан зан чанар яриангүй мөн. Бурхан мэдлэггүй, мунхаг хүмүүст хэрхэн ханддаг, боловсроогүй биеийн хэмжээтэй хүмүүст хэрхэн ханддаг, хүн төрөлхтний завхарсан зан чанарын хэвийн илрэлд хэрхэн ханддаг, мөн хорлонтой хүмүүст хэрхэн ханддагийг чи харах учиртай. Өөр өөр хүмүүст хандах янз бүрийн арга Бурханд байдаг бөгөөд өөр өөр хүмүүсийн тоймгүй олон нөхцөл байдлыг зохицуулах төрөл бүрийн арга байдаг. Чи эдгээр зүйлийн үнэнийг ойлгох ёстой. Эдгээр үнэнийг ойлгомогцоо чи тэднийг хэрхэн туулахаа мэдэж чадна” (Христийн ярианы тэмдэглэл номын “Үнэнийг олж авахын тулд эргэн тойрныхоо хүмүүс, юмс, зүйлсээс суралцах ёстой”-оос). Хүмүүст хэрхэн хандах зарчим болон замыг Бурханы үг маш тодорхой дүрсэлдэг. Мөн антихрист, муу ёрын хүмүүст хандах Бурханы хандлага нь үзэн ядалт, хараал, шийтгэлээр дүүрэн байдгийг тайлбарладаг билээ. Биеийн хэмжээгээр өчүүхэн, хэв чанар муутай, элдэв янзын завхарсан зан чанар болон дутагдалтай хүмүүс Бурханд үнэхээр итгэж, үнэнийг эрэлхийлэхэд бэлэн байж, үнэнийг хүлээн зөвшөөрч, хэрэгжүүлж чадаж байгаа цагт Бурхан тэдэнд хайр, өршөөл, авралын хандлагаар ханддаг. Хүн бүрд хэрхэн хандах тухай зарчим, стандарт Бурханд байдаг гэдгийг би Бурханы үгээс харсан юм. Бурхан биднээс Өөрийнх нь хайртай хүмүүсийг хайрлаж, Өөрийнх нь үзэн яддаг хүмүүсийг үзэн ядахыг шаарддаг. Бид Бурханд үнэхээр итгэдэг ах эгч нарт хүлээцтэй, өршөөнгүй байж, тэдэнд гэмшиж, өөрчлөгдөх боломж олгох ёстой. Тэднийг завхарсан зан чанараа илэрхийлэх үед нь зүгээр л ганцхан цохилтоор түлхэн унагаж болохгүй. Учир нь, ингэх нь хүмүүст хандах Бурханы зарчим, арга барилтай нийцдэггүй бөгөөд Бурханы хүсэлтэй бүр ч нийцдэггүй. Чэнь ах хэрхэн үүрэгтээ ачаа үүрч, хариуцлагатай байж, зарим бодитой ажил хийж чадсан тухай би бодож эхэллээ. Би түүний давуу, сайн талыг бүрэн бодолцож огт үзээгүй байжээ. Харин завхрал дээр нь л төвлөрөн, үүнийг нь зүгээр өнгөрөөлгүйгээр ахыг шүүж, ялласан байлаа. Миний уг чанар үнэхээр хорон муу байж!

Яг тэр үед Бурханы үгийн нэг хэсэг бодогдлоо: “Бурханы Адам, Ева хоёрт хандсан хандлага болон арга зам нь хүний эцэг эх хүүхдүүддээ анхаарал тавьдагтай адил билээ. Энэ нь мөн хүний эцэг эх хөвгүүд, охидоо хэрхэн хайрлаж, халамжилж, санаа тавьдагтай адилхан үнэн бодитой, харагдахуйц, мэдрэгдэхүйц байдаг. Өөрийгөө өндөр, агуу байр сууринд тавихын оронд Бурхан арьс ашиглан хүнд Өөрийн гараар хувцас хийж өгсөн. Энэ арьсан дээл нь тэдний ичгүүрийг далдлах, эсвэл тэднийг хүйтнээс хамгаалахад зориулсан эсэх нь огт хамаагүй. Товчхондоо, Бурхан үүнийг Өөрийн гараар биечлэн хийсэн юм, харин хүмүүсийн төсөөлдөг шигээр бодлын хүчээр, эсвэл ид шидийн хүчээр хувцас хийж хүнд нөмөргөөгүй, харин оронд нь Бурхан хийж чадахгүй, хийх ёсгүй гэж хүн төрөлхтний боддог зүйлийг жинхэнээсээ хийсэн байна. Зарим хүн үүнийг дурдах шаардлагагүй энгийн зүйл гэж үздэг боловч энэ нь Бурханыг дагадаг хэрнээ урьд нь Түүний талаар тодорхойгүй төсөөллөөр дүүрсэн бүх хүнд Түүний үнэн бодитой, хайр татам байдлыг ойлгох, мөн Түүний үнэнч, даруу байдлыг харах боломж олгодог юм. Энэ нь өөрсдийгөө өндөр бөгөөд агуу гэж боддог тэвчихийн аргагүй биеэ тоосон хүмүүсийг Бурханы үнэн бодитой агаад даруу байдлын өмнө ичгүүрийг мэдэрч, бардам толгойгоо гудайлгахад хүргэдэг” (Үг нь махбодоор илэрсэн номын “Бурханы ажил, Бурханы зан чанар ба Бурхан Өөрөө i”-ээс). Бурханы үг болгон зүрх сэтгэлийг минь дулаацуулсан юм. Хүмүүсийн төлөөх Түүний анхаарал, энэрэл, халамж, санаа зовнил нь бодитой гэдгийг би мэдэрч чадсан билээ. Адам Ева хоёр Бурханы тушаалд дуулгаваргүй байж, сайн мууг мэдүүлэгч модноос жимс идэх үед Бурхан тэднээс нуугдаж, тэднийг Еден цэцэрлэгээс хөөсөн хэдий ч тэднийг өрөвдсөн хэвээр байсан бөгөөд тэдэнд биечлэн арьсан хувцас хийж өгсөн билээ. Бурхан үнэхээр хайр татам бөгөөд зан чанар нь үнэхээр үзэсгэлэнтэй сайхан, сайн юм. Тэрээр завхарсан хүмүүс болон гэм бурууг үйлддэг хүмүүст тэвчээртэй ханддаг. Энэхүү энэрлээсээ үүдэн хүний мэдлэггүй, сул дорой, томоогүй байдлыг уучилж чаддаг билээ. Тэгээд хүнд гэмших цаг хугацаа, боломж олгодог. Хүлээж байх зуураа Тэрээр хүнийг оролт хийх үнэнээр тасралтгүй хангадаг. Хүнийг аврах Бурханы аврал тун бодитой. Бурхан итгэмжит, мөн хүнийг хайрлах хайр нь бодитой байдаг бөгөөд хуурамч, дүр эсгэсэн огт биш, харин мэдэрч, хүрч болохуйц байдаг. Энэ тухай бодох үед нүдэнд нулимс цийлгэнэн, урсаж эхэллээ. Би бүх туршлагаа эргэцүүлж эхлэв. Удирдагч, ажилчдыг зохицуулах ажилдаа би зарчимд ороогүй учраас чуулганы ажилд саад болж, үймүүлэх зарим зүйлийг хийсэн юм. Гэвч Бурхан намайг таягдан хаяж, шийтгээгүй билээ. Үүний оронд Тэрээр намайг үүргээ зарчмын дагуу гүйцэтгэж чаддаг болгохын тулд ах эгч нарын минь бичсэн илчлэлийг ашиглан, өөрийгөө эргэцүүлж, гэмшиж, өөрчлөхөд намайг хүргэсэн юм. Сөрөг, сул дорой байхад минь Бурхан үгээ ашиглан намайг тайтгаруулж, дэмжсэн. Түүнчлэн хажууд минь байсан ах эгч нарыг хөдөлгөн, Өөрийн хүслийг надтай хэлэлцүүлснээр надад асар их хүч оруулсан билээ. Намайг гэм бурууг үйлдэж, ажилдаа алдаа гаргах үед, Бурханы талаар буруу ойлголт өвөрлөн, Түүнд сэрэмж болгоомжтой хандаж, ажилдаа сөрөг, үлбэгэр болох үед Бурхан хүслээ ойлгуулахын тулд үгээрээ намайг гэгээрүүлж, залж чиглүүлэн, хайр, авралаа надад харуулсан юм. Тэгээд би сөрөг байдал, буруу ойлголтоо орхиж чадсан… Бурхан аль эрт миний төлөө үүнийг хийсэн биш үү? Намайг гэх Бурханы хязгааргүй хайрыг хараад, муйхар, хөшүүн зүрх сэтгэл минь Бурханы чин сэтгэлийн хайранд хайлан уярсан юм. Би Бурханд гэмшлийн залбирал хийлээ: “Өө Бурхан минь! Би Танд удаа дараа дуулгаваргүй байж, Таныг эсэргүүцлээ. Гэвч Та надад хайр, хүлээцтэй байдлаар хандаж, сул талыг минь ойлгосоор байна. Намайг гэгээрүүлж, залж чиглүүлж, дэмжиж, хангахын тулд Та үгээ удаа дараа ашигласан. Тэгээд өнөөдөр лүү намайг алхам алхмаар хөтөлжээ. Намайг аврахын тулд гаргасан ийм их халамж, хүчин чармайлтыг тань би хүртэх эрхгүй билээ. Өө, Бурхан минь! Намайг гэх хайр тань үгээр илэрхийлэхийн аргагүй юм. Та өөрчлөгдөхийг минь тэвчээртэйгээр хүлээж байхдаа гэмших боломж бас олгодог. Одоогоос би Таны хүсэл, шаардлагын дагуу хэрэгжүүлэхийг л хүсэж байна. Тэгээд Танд үнэхээр итгэдэг ах эгч болгонд хандахдаа үнэний зарчимд түшиглэх хүсэлтэй байна.”

Дараа нь би номлол дахь бас ийм нэгэн хэсгийг уншсан юм: “Жишээ нь, чи удирдагч бөгөөд ах эгч нарыг хариуцах ёстой байлаа. Тэгээд үнэнийг эрэлхийлэхгүй, зөв замыг дагахгүй байгаа ах юм уу эгч байна гэе. Тэгвэл чи яах вэ? Тэр хүнд туслах ёстой. Энэхүү тусламжид тэднийг засах, харьцах явдал багтдаг. Мөн донгодож, шүүмжлэх явдал ч багтдаг. Энэ бол туслах арга зам юм. Энэ бүхэн нь хайр билээ. Тэднийг ятгаж, зөвлөсөн өнгөөр ярих шаардлагатай юу? Тэгэх албагүй. Шаардлагатай гэвэл засаж, харьц. Ил болгох учиртай зүйлийг ил болго. Учир нь чи бол удирдагч, ажилчин юм. Чи туслахгүй бол өөр хэн туслах билээ? Энэ бол чиний гүйцэтгэх ёстой үүрэг” (Амийн оролтын тухай номлол ба нөхөрлөл VI дахь “Авралд хүрч, төгс болгуулахын тулд Бурханы ажлыг хэрхэн туулах ёстой вэ”-ээс). Үнэхээр үнэний бодит байдалтай удирдагч, ажилчин нь ах эгч нартаа зарчимтайгаар ханддаг гэдгийг би энэ нөхөрлөлөөс сурч авлаа. Тийм хүн хариуцлага, даалгавар нь юу болохыг мэддэг. Тэгээд уг чанар, мөн чанарынх нь дагуу хүмүүстэй харьцахын тулд үнэний зарчимд түшиглэж чаддаг. Мөн завхрал, дутагдалд нь үндэслэн хүмүүст бодитоор тусалж чаддаг бөгөөд хэдийд нь хайрлах сэтгэлээр тусалж, хэдийд нь хатуу харьцаж, засаж, зэмлэх ёстойгоо мэддэг. Тэрээр завхралаа илэрхийлсэн ах эгч нарт дайсан мэт дураараа хандалгүй, зүй зохистой авирлаж, зарчимтай байж чаддаг. Би Чэнь ахад хэрхэн хандсанаа дахин бодож эхлэв. Биеэ тоосон зан чанараа илчлэхийг нь хараад, ахад би бодитой тусламж, дэмжлэг үзүүлээгүй. Уг чанарынх нь мөн чанарыг мэдүүлэх, биеэ тоосон зан чанараа өөрчлөхгүй бол учрах аюултай үр дагаврыг тодорхой ойлгуулахын тулд ахын биеэ тоосон уг чанарыг задлан шинжлээгүй. Үүний оронд би ахыг дур зоргоороо шүүж, гадуурхаж, ялласан билээ. Тэгээд бүр ахын тухай туйлшралаа ар хударгаар нь түгээсэн юм. Би ахад хайрлах сэтгэлээр хандах нь байтугай ямар ч тэвчээр, хүлээцтэй байдал гаргаагүй. Тэр ахад хандаж байсан арга зам маань үнэний зарчимгүй байсан, мөн би үүрэг, даалгавраа биелүүлэхгүй байсан гэдгээ тухайн мөчид олж харлаа. Тэгээд Бурханы хүслийг ойлгож, хэрэгжүүлэх замыг олов. Үүний дүнд би явж, Чэнь ахыг олж уулзлаа. Түүнд асуудлыг нь хэлж өгч, дэмжлэг, туслалцаа үзүүлэхээр санал болгов. Үүний зэрэгцээ би ахыг засаж, харьцав. Эрэл хайгуулын талаарх ахын буруу үзэл бодол болон явж байгаа буруу замыг нь задлан шинжиллээ. Мөн Бурханы ариун мөн чанар болон ямар ч зөрчлийг хүлцдэггүй зан чанарын тухай ахтай нөхөрлөсөн юм… Удирдамжийнх нь төлөө Бурханд талархъя. Хэлэлцүүлгээр минь дамжуулан Чэнь ах биеэ тоосон уг чанар болон илэрхийлсэн завхралынхаа талаар зарим ойлголттой болжээ. Тэгээд ах ингэж хэллээ: “Би маш биеэ тоосон гэдгээ мэддэг боловч үүнийгээ зүгээр л үргэлж аман дээрээ хүлээн зөвшөөрдөг байлаа. Өөрийнхөө биеэ тоосон уг чанарыг үнэхээр үзэн ядах нь бүү хэл, үүнийгээ хэзээ ч гүн гүнзгий задлан шинжилж байсангүй. Өнөөдөр та эдгээр зүйлийг хэлж өгснөөр л би нөхцөл байдал минь маш аймшигтай, аюултай байгааг олж мэдлээ. Зүрх сэтгэлд минь Бурхан байдаггүй, бас би хэнийг ч хүндэлдэггүй юм байна. Би үргэлж өөрийгөө чадвартай гэж боддог. Тэгээд ялангуяа ажлаас үр дүн гарах үед би Бурханы алдрыг хулгайлаад зогсохгүй өөрийгөө гайхалтай хүн гэж мэдрэн, улам бүр биеэ тоож, ихэрхүү болдог. Би антихристийн замаар орж, муу үйл хийн, Бурханыг эсэргүүцэж байна. Өнөөдрийн таны анхааруулга, туслалцаа надад өөрийгөө эргэцүүлж, гэмшиж, өөрчлөгдөх боломж олголоо…” Ахын ингэж хэлэхийг сонсоод зүрх сэтгэл минь үнэхээр их хөдөллөө. Би үүргээ сайн биелүүлээгүй, мөн энэрэнгүй зүрх сэтгэлтэй байгаагүй гэдгээ гүнээ мэдрэв. Би ахдаа дэмжлэг, туслалцаа үзүүлээгүй. Үүний оронд завхралыг нь шүүрч аваад, ахыг яллажээ. Бурханы үгийн шүүлт, гэсгээлт л намайг аварч, биеэ тоосон, хорон уг чанартайг минь тодорхой харуулан, утгагүй үзэл бодлыг минь залруулсан юм. Дээрх номлолын хэсгээс би ийнхүү уншлаа: “Үнэнийг үнэхээр хайрладаг, төгс болгуулахыг эрэлхийлэх хүсэлтэй хүмүүс бүгд биеэ тоож, өөрийгөө зөвтгөх зан чанартай байдаг гэж хэлж болно. Үнэнийг болон засалт, харьцалтыг хүлээн зөвшөөрч, ямар ч нөхцөлд үнэнийг гарцаагүй дуулгавартай дагаж чадсан цагт ийм хүмүүс аврагдан, төгс болгуулж чадна. Үнэндээ үнэхээр сайн хэв чанартай, үнэхээр хүсэлтэй, биеэ тоосон зангүй нэг ч хүн байдаггүй. Энэ бол баримт. Бурханы сонгосон хүмүүс ялган салгаж чаддаг байх ёстой. Харин хүмүүсийг зүгээр л дэндүү их биеэ тоож, өөрийгөө зөвтгөдөг болохоор нь сайн хүн биш, аврагдаж, төгс болгуулж чадахгүй хүн хэмээн хязгаарлах ёсгүй. Хүн хэчнээн их биеэ тоосон байлаа ч гэсэн сайн хэв чанартай, үнэнийг эрэлхийлж чаддаг байвал Бурханы төгс болгохыг хүсдэг хүмүүс мөн. Хүмүүсийг төгс болгохдоо Бурхан сайн хүн байх, сайн хэв чанартай, үнэнийг эрэлхийлдэг байх явдлыг ерөнхийдөө шалгуур болгодог. Хэрэв хүн хэтэрхий дорой муу хэв чанартай, үнэнийг цаг ямагт ойлгож чадахгүй байвал зан чанар нь огт биеэ тоосон бус, туйлын даруу төлөв байлаа ч гэсэн ямар ч нэмэргүй, мөн төгс болгуулах үнэ цэнгүй. Энэ асуудлаар Бурханы хүслийг ойлгох хэрэгтэй. Хэрэв хүн биеэ тоодоггүй, өөрийгөө зөвтгөдөггүй, сайн хэв чанартай, хүсэлтэй байвал энэ нь яах аргагүй дүр эсгэлт, хуурмаг гадаад төрх юм, учир нь тийм хүн гэж огт үгүй. Завхарсан хүн төрөлхтөн биеэ тоосон, өөрийгөө зөвтгөдөг уг чанартай гэдгийг хүн мэдэх ёстой. Энэ бол үгүйсгэх аргагүй баримт юм” (Амийн хангалт—Номлолуудын эмхэтгэл дэх “Бурханы шүүлт, гэсгээлтийг үнэхээр хүлээн зөвшөөрч, дуулгавартай дагадаг хүмүүс л үнэнийг үнэхээр эрэлхийлж байгаа”). Биеэ тоосон зан чанартай хүмүүстэй хэрхэн харьцах талаар тодорхой ойлгоход минь энэ нөхөрлөл тус боллоо. Биеэ тоосон зан чанартай хүмүүс өөрчлөгдөх боломжтой бөгөөд үүний гол түлхүүр нь үнэнийг эрэлхийлж, хүлээн зөвшөөрч чадаж байгаа эсэхэд оршдог гэдгийг би мэдэж авлаа. Хэрэв тэд үнэнийг болон Бурханы шүүлт, гэсгээлтийг хүлээн зөвшөөрч, мөн засалт, харьцалтыг хүлээн зөвшөөрч чадвал өөрчлөгдөж, Бурханаар төгс болгуулж гарцаагүй чадна. Чэнь ах залуу хүн бөгөөд Бурханд төдийлөн удаан итгээгүй, мөн Бурханы шүүлт, гэсгээлтийг их туулаагүй тул биеэ тоосон, ихэрхүү зан чанар илэрхийлэх нь нэлээд хэвийн зүйл гэдгийг би ахын нөхцөл байдлыг дахин хараад ухаарлаа. Сатан биднийг завхруулсан бөгөөд бид биеэ тоосон зан чанарынхаа хяналт дор байдаг тул анхаарлын төвд байхыг эрэлхийлж, гайхуулах дуртай. Энэ нь завхарсан хүмүүсийн нийтлэг шинж юм. Би ч гэсэн биеэ тоосон, ихэрхүү байдлаа байнга илэрхийлдэг байсан бус уу? Би яагаад өөрийгөө өөрчлөгдөж чадна, харин ахыг чадахгүй гэж боддог юм бэ? Өөртөө тавьсан стандарт минь түүнд тавьсан стандартаас яагаад доогуур байгаа юм бэ? Тэгэхээр би ахаас ч илүү биеэ тоосон гэсэн үг биш үү? Ахад ингэж хандах нь шударга бус. Би үүнийг ухаараад, Чэнь ахын эсрэг өвөрлөж явсан туйлшрал болон алагчлах сэтгэлээ орхиж чадлаа. Түүний уг чанарын мөн чанар муу биш гэдгийг би мэдэрсэн юм. Биеэ тоосон зан чанар нь л арай ноцтой байсан болохоос биш ах үнэнийг эрэлхийлэх шийдвэртэй байсан бөгөөд би түүнд хайрлах сэтгэлээр тусалж, хариуцлагаа биелүүлэх ёстой гэдгээ ойлгов.

Гэгээрэл, удирдамжийнх нь төлөө Бурханд талархъя. Завхарсан зан чанар дотроо амьдарч, Бурханы үгийн зарчмын дагуу бусдад ханддаггүй, бусад хүний давуу болон сул талын тухайд зөв хандлага баримталж чаддаггүй хүмүүс нь бусдад шударгаар хандаж чаддаггүй гэдгийг би энэ туршлагаас сурч авлаа. Тэд ах эгч нартаа бие, сэтгэлийн хор хөнөөл учруулаад зогсохгүй тэдний амийн оролтыг саатуулах болно. Тэр ч бүү хэл бусдыг зовоож, шийтгэж, антихристийн замаар орж ч болно. Энэ хугацаанд над дээр хийсэн шүүлт, гэсгээлтийн ажилд нь Бурханд талархъя. Тэрслүү зан чанар дотроо амьдраад, үнэний зарчмын дагуу ахдаа хандаж чадахгүй байх үед маань намайг аврахын тулд Бурхан цаг тухайд нь шүүлт, гэсгээлтээ явуулж, биеэ тоосон, хорлонт зан чанарыг минь таниуллаа. Би Бурхан руу эргэж, өөрийгөө хойш тавин, үнэнийг эрэлхийлэх үедээ Бурханы удирдамж, удирдлагыг олж авсан бөгөөд хүмүүстэй хэрхэн зарчимтай харьцахыг Бурханы үгээс ойлгосон юм. Чэнь ахад Бурханы үгийн дагуу хандах үедээ би сүнслэг амар амгалан, тогтвортой байдлыг үнэхээр мэдэрсэн билээ. Түүнчлэн би ахын давуу талыг олж илрүүлж, үүнээс нь суралцан, өөрийнхөө дутагдлыг нөхөж чадсан юм. Мөн Бурханы үгийг хэрэгжүүлэхийн сайхныг мэдэрлээ. Бурханы ажил болон удирдамж л надад зарим үнэнийг ойлгуулж, өөрийн минь завхрал, дутагдлын талаар ойлгуулсан юм. Үүний зэрэгцээ бусад хүнтэй үнэний зарчмын дагуу харьцах нь маш чухал гэдгийг би үнэхээр мэдэрч байна. Би үүргээ биелүүлэх үедээ Бурханы үгийг үргэлжлүүлэн хэрэгжүүлж, ах эгч болгондоо Бурханы үгийн үнэний дагуу хандахыг л хүснэ.

Өмнөх: Бурханы зүрх сэтгэлийг ойлгосноор буруу ойлголтыг арилгаж болно

Дараах: Үнэнийг ойлгож байж л өөрийгөө жинхэнээсээ мэддэг

Одоо үед гай гамшиг ойр ойрхон тохиолдож, Эзэн эргэн ирэх тухай зөгнөлүүд үндсэндээ биелсэн. Бид Эзэнийг хэрхэн угтан авч болох вэ?
Холбоо барих
Messenger дээр бидэнтэй холбоо барих

Холбогдох контент

Өөрийгөө үнэнхүү мэднэ гэдэг амар зүйл биш

Бурханы үгсийн гэгээрлээр дамжуулан би миний өөрийн талаарх мэдлэг хэтэрхий өнгөц болохыг харсан—Би өөрийн завхарсан чанарыг Бурханы үгсээс танилгүй, Бурханы үгстэй ч харьцуулалт хийлгүйгээр, харин өөрийнхөө үзэл, бодлын хүрээнд өөрийгөө таних гэж хичээж байлаа.

Доройтсон хүний өөрчлөлт

Тон Шинь, Фужянь муж Би хөдөө төрсөн юм. Би үнэнч тариачдын удмаас гаралтайн дээр манай гэр бүлийнхэн цөөхүүлээ байсан болохоор үргэлж...

Тохиргоо

  • Текст
  • Загвар

Цулгуй өнгө

Загвар

Үсгийн хэв

Үсгийн хэмжээ

Мөр хоорондын зай

Мөр хоорондын зай

Хуудасны өргөн

Гарчиг

Хайх

  • Энэ текстийг хайх
  • Энэ номоос хайх