1. Антихрист гэж юу болох, тэднийг хэрхэн таних тухай

Холбогдох Бурханы үг:

Антихристийг Бурхан юу гэж тодорхойлдог вэ? Бурханд дайсагнадаг хүн. Энэ бол Бурханы дайсан мөн! Бурханд дайсагнаж, үнэнд дайсагнадаг, үнэнийг жигшдэг, Бурханыг жигшдэг бөгөөд эерэг юм бүхнийг жигшдэг нэгэн гэж тодорхойлдог. Энэ бол агшин зуур сул дорой, мунхаг болж, бага зэрэг үзэл бодолдоо бага зэрэг ташаарсан эгэл хүн биш, мөн үнэнд нийцдэггүй жаахан этгээд ойлголттой хүн ч биш. Иймэрхүү хүн биш ээ. Энэ бол Бурханы дайсан антихрист юм! Түүний дүр бол эерэг юм бүхнийг үзэн ядаж, бүх үнэнийг үзэн яддаг, Бурханы зан чанар болон мөн чанарыг бүгдийг нь үзэн яддаг нэгэн юм. Бурхан ийм дүртэй хүнд хэрхэн ханддаг вэ? Бурхан тэднийг аврахгүй! Тийм хүмүүс төрөлхийн чанараараа үнэнийг жигшиж, зэвүүцдэг. Энд ёрын муу, харгис догшин байдал, үнэнийг жигшин голох байдал илчлэгддэг—эдгээр нь завхарсан зан чанаруудын дундаас хамгийн ноцтой илрэл, зан чанар бөгөөд Сатанд хамгийн нийтлэг, салшгүй байдаг зүйлс юм. Энэ нь жирийн завхарсан хүмүүсийн завхарсан зан чанарын багахан илчлэл биш—энэ бол Бурханд дайсагнагч хүчин юм. Тэд чуулганыг үймүүлж, хянаж чаддаг, тэд Бурханы удирдлагын ажлыг сүйрүүлж, саатуулж чаддаг. Жирийн завхарсан хүмүүс ийм зүйл хийдэг үү? Огт үгүй, иймээс чи үүнийг дутуу үнэлэх ёсгүй. Жирийн хүмүүс бас ёрын муу зан чанартай байдаг; зарим нь хувиа хичээж, зэвүүцмээр авирладаг ба зарим нь хүнд дээрэлхүүлэхгүй, “Хүн намайг гомдоохгүй бол би хүн гомдоохгүй” гэж бодон догшин ширүүн аашилдаг. Харин антихристүүд үүнээс юугаараа өөр вэ? Тэдний үндсэн зан чанар бол биеэ тоосон байдал бус, боловсорч гүйцсэн ёрын муу байдал юм. Энэ ёрын муу байдал гол төлөв хэрхэн илэрдэг вэ? Үүнийг тэдний аливааг хийх этгээд арга барилаас харж болдог, үүнийг жаахан ухаантай, жаахан мэдлэг, нийгмийн туршлага бүхий жирийн хүмүүс олж тогтооход бэрх байдаг; энэ нь ёрын муу болчихсон, энэ бол ов мэх биш. Тэд далд явуулга, заль мэх хэрэглэж чаддаг бөгөөд эдгээрийг ихэнх хүнээс илүү “сайн” хэрэглэдэг; ихэнх эгэл хүн тэдэнтэй өрсөлдөж, харьцаж чаддаггүй. Энэ бол антихрист юм. Яагаад эгэл хүмүүс тэдэнтэй харьцаж чаддаггүй гэдэг вэ? Яагаад гэвэл, тэд туйлын ёрын муу учраас хүмүүсийг хуурах үлэмж их хүч чадал эзэмшдэг. Яагаад бид антихристийн илрэлийн талаар нөхөрлөж байна вэ? Яагаад гэвэл, антихристүүд бүгдээрээ хүмүүсийг хуурах дэндүү их чадвартай. Тэд ганц дэгдэлтээр халдварлан олон хүнд хор учруулж, амийг нь хөнөөж чадах хөнөөлт тахал мэтээр хүмүүсийг өдий төдийгөөр нь нэг дор хуурдаг; энэ нь өргөн цар хүрээтэй, мөн ердийн өвчнөөс илүү халдвар, эндэгдлийн хувьтай байдаг. Эдгээр нь ноцтой үр дагавар бус уу?

Антихристүүдийг илчлэх нь номын “Тэд сэмхэн үйлдэж, зоргоороо, дарангуй авирлаж, хүмүүстэй хэзээ ч нөхөрлөдөггүй, хүмүүсийг албадаж дуулгавартай байлгадаг”-аас эш татав

Бурханыг хараахан махбод болоогүй байх үед хүн Бурханыг эсэргүүцдэг эсэх нь тэнгэр дэх үл үзэгдэх Бурханд шүтэн мөргөж, Түүнийг хүндэлдэг эсэхэд нь үндэслэн хэмжигддэг байлаа. Тухайн үед Бурханыг эсэргүүцэх арга замыг төдийлөн бодитой тодорхойлоогүй, учир нь тэр үед хүн Бурханыг харж чадаагүй, Бурханы дүр ямархуу болохыг ч, Тэр хэрхэн ажиллаж, ярьдгийг ч мэдээгүй байсан юм. Бурхан хүнд хараахан харагдаагүй байсан учраас хүнд Бурханы талаар ямар ч үзэл байгаагүй ба тодорхойгүй байдлаар Бурханд итгэж байлаа. Тиймээс, хүн төсөөлөлдөө Бурханд яаж ч итгэж байсан бай, Бурхан хүнийг яллаагүй, хүнд хэтэрхий их шаардлага ч тавиагүй, учир нь хүн Бурханыг огтхон ч харж чадахгүй байв. Бурханыг махбод болж, хүмүүсийн дунд ажиллахаар ирэх үед бүгд Бурханыг харж, үгийг нь сонсож, махбодоороо Бурханы хийдэг бүх үйл хэргийг хардаг. Тэр үед хүний бүх үзэл хөөс болдог. Бурхан махбодоор гарч ирэхийг харсан хүмүүсийн хувьд, хэрвээ тэд Түүнийг дуртайяа дуулгавартай дагадаг бол яллагдахгүй, харин зориуд Түүний эсрэг зогсдог хүмүүсийг Бурханыг эсэргүүцэгч гэж үзэх болно. Тийм хүмүүс бол антихристүүд, Бурханыг зориуд эсэргүүцдэг дайснууд юм.

Үг нь махбодоор илэрсэн номын “Бурханыг мэддэггүй бүх хүн бол Бурханыг эсэргүүцдэг хүмүүс юм”-аас эш татав

Бурханы ажлын зорилгыг ойлгодоггүй хүмүүс бол Бурханыг эсэргүүцдэг хүмүүс бөгөөд Бурханы ажлын зорилгыг ойлгож авсан атлаа Бурханыг сэтгэл хангалуун байлгахаар эрж хайдаггүй хүмүүс бол Бурханыг бүр ч их эсэргүүцдэг хүмүүс юм. Том сүмд Библи уншиж, үүнийг бүхэл өдөржингөө цээжээр уншдаг хүмүүс байдаг атал тэдний дундаас нэг нь ч Бурханы ажлын зорилгыг ойлгодоггүй. Тэдний дундаас нэг нь ч Бурханыг мэдэж чаддаггүй; тэдний дундаас бүр нэг ч хүн Бурханы хүсэлд нийцэж чаддаггүй. Тэд бүгдээрээ үнэ цэнгүй, өөдгүй хүмүүс бөгөөд Бурханд зааж сургахын тулд дор бүрнээ өндөрт зогсдог. Тэд Бурханы нэрээр далайлгадаг атлаа Түүнийг дур зоргоороо эсэргүүцдэг. Бурханд итгэдэг гэх атлаа тэд хүний махыг идэж, цусыг уусаар байдаг. Ийм хүмүүс бүгд хүний сүнсийг залгидаг диаволууд, зөв замд орохоор хичээж буй хүмүүст зориуд саад учруулдаг толгойлогч чөтгөрүүд, мөн Бурханыг эрж хайдаг хүмүүст садаа болдог бул хар чулуу билээ. Тэд “эрүүл чийрэг бие махбодтой” харагдаж болох ч Бурханыг эсэргүүцэхэд хүмүүсийг хөтөлдөг антихристүүдээс цаашгүй гэдгийг дагагчид нь яаж мэдэх юм бэ? Хүний сүнсийг залгидаг амьд диаволууд гэдгийг дагагчид нь яаж мэдэх юм бэ?

Үг нь махбодоор илэрсэн номын “Бурханыг мэддэггүй бүх хүн бол Бурханыг эсэргүүцдэг хүмүүс юм”-аас эш татав

Чи Бурханд итгэдэг учраас Бурханы бүх үг, Түүний бүх ажилд итгэлээ өгөх ёстой. Өөрөөр хэлбэл, чи Бурханд итгэдэг учраас Түүнийг дуулгавартай дагах ёстой. Хэрвээ чи ингэж чадахгүй бол Бурханд итгэдэг эсэх чинь хамаагүй. Бурханд олон жил итгэсэн атлаа Түүнийг хэзээ ч дуулгавартай дагаагүй, Түүний бүх үгийг хүлээн аваагүй, харин ч чамд захирагдаж, чиний үзлийн дагуу үйлдэхийг Бурханаас шаарддаг бол чи хамгийн тэрслүү бөгөөд үл итгэгч мөн. Хүний үзэлтэй нийцдэггүй Бурханы ажил болон үгийг ийм хүмүүс яаж дуулгавартай дагаж чадах юм бэ? Хамгийн тэрслүү хүн бол Бурханаас санаатайгаар зөрж, эсэргүүцдэг нэгэн юм. Тэд бол Бурханы дайсан, антихрист мөн. Ийм хүмүүс Бурханы шинэ ажилд үргэлж дайсагнасан хандлагатай байдаг, захирагдах өчүүхэн ч дур сонирхол хэзээ ч байгаагүй бөгөөд дуртайяа захирагдаж, өөрийгөө даруу болгосон удаа огт байхгүй. Тэд бусдын өмнө өөрсдийгөө өргөмжилж, хэнд ч хэзээ ч захирагддаггүй. Бурханы өмнө тэд үг номлоход хамгийн шилдэг нь бөгөөд бусад дээр ажиллахдаа хамгийн чадамгай гэж өөрсдийгөө үздэг. Тэд эзэмшсэн “эрдэнэсээ” хэзээ ч хаядаггүй, харин тэдгээрийг шүтэн мөргөх, бусдад номлох гэр бүлийн удам дамжсан эд зүйл мэт үздэг ба өөрсдийг нь шүтдэг тэр мунхгуудад сургаал айлдахдаа тэдгээрийг ашигладаг. Чуулганд үнэндээ иймэрхүү хэдэн хүн байдаг. Тэднийг үеэс үед Бурханы гэрт түр оршин суудаг “мохошгүй баатрууд” гэж хэлж болох юм. Тэд үг (хоосон сургаал) номлохыг өөрсдийн хамгийн эрхэм үүрэг болгодог. Тэд “ариун агаад халдашгүй дархан” үүргээ жилээс жилд, үеэс үед идэвхтэй хэрэгжүүлж явдаг. Тэдэнд хэн ч хүрч зүрхэлдэггүй, ганц ч хүн тэднийг илт зэмлэж зүрхэлдэггүй. Эрин үеэс эрин үед тэд эрээгүй аашлан бусдыг эзэрхэж, Бурханы гэрт “хаан” болдог. Энэ сүрэг чөтгөр гар нийлэн, Миний ажлыг нураах гэж оролддог; энэ амьд диаволууд Миний нүдний өмнө оршин тогтнохыг Би хэрхэн зөвшөөрч чадах билээ? Хагас дутуу дуулгавартай хүмүүс ч эцсийг нь хүртэл үргэлжлүүлж чаддаггүй байхад зүрх сэтгэлдээ өчүүхэн төдий ч дуулгавартай байдалгүй эдгээр эзэрхэг этгээд бүр ч чадахгүй! Бурханы ажлыг хүн олж авахад хялбар биш. Хүмүүс хамаг хүч чадлаа хэрэглээд ч жаахан хэсгийг л олж авч, эцэстээ төгс болгуулж чадна. Тэгэхээр Бурханы ажлыг сүйрүүлэх гэж оролддог тэргүүн тэнгэрэлчийн үр удмын тухайд ямар вэ? Бурханаар авхуулах найдвар тэдэнд бүр ч бага байх бус уу?

Үг нь махбодоор илэрсэн номын “Бурханд үнэнч зүрх сэтгэлээр дуулгавартай байдаг хүмүүсийг Бурхан гарцаагүй олж авна”-аас эш татав

Зүгээр л урсгал болгоны удирдагчдыг харцгаа—тэд бүгд биеэ тоож, өөрсдийгөө зөвтгөдөг бөгөөд Библийг агуулгаас нь гажуудуулж, өөрсдийн төсөөллөөр тайлбарладаг. Ажлаа хийхдээ тэд бүгд билиг авьяас, эрдэм мэдлэгт түшиглэдэг. Хэрэв тэд юу ч номлох чадваргүй байсан бол энэ хүмүүс тэднийг дагана гэж үү? Эцсийн эцэст тэд жаахан мэдлэгтэй бөгөөд зарим нэг хоосон сургаалын тухай номлож чаддаг, эсвэл бусдыг хэрхэн өөрийн талд оруулах, заль мэх хэрхэн ашиглахаа мэддэг. Тэд хүмүүсийг өөрсдийнхөө өмнө авчирч, хуурахдаа эдгээрийг ашигладаг. Тэд Бурханд нэр төдий итгэдэг боловч бодит байдал дээр удирдагчдаа дагадаг. Хэрэв үнэн замыг номлож байгаа хүнтэй таарах юм бол зарим нь, “Бид итгэлийнхээ талаар удирдагчтайгаа зөвлөлдөх ёстой” гэцгээдэг. Тэдний итгэл хүнээр дамжих ёстой байна гэдэг чинь асуудал бус уу? Тэгвэл тэрхүү удирдагчид юу болсон бэ? Фарисайчууд, хуурамч хоньчид, антихристүүд, мөн үнэн замыг хүлээн зөвшөөрөхөд нь хүмүүсийг бүдрээх бул хар чулуу болсон бус уу?

Эцсийн өдрүүдийн Христийн ярианы тэмдэглэл номын “Үнэний эрэл хайгуул л Бурханд итгэх жинхэнэ итгэл юм”-аас эш татав

Дээрхийн ажлын зохицуулалтад хэтэрхий хайнга ханддаг зарим хүн байдаг. “Ажлын зохицуулалтыг Дээрх хийдэг, бид тэр ажлыг хийгээд энэ доор байна. Хэлсэн зүйлийнх нь заримыг, ажлын заримыг нь уян хатан гүйцэтгэж болно—бидэн дээр ирэхэд нь тэдгээрийг өөрчилж болно. Эцсийн эцэст Дээрх зүгээр л үг хэлдэг, бодитой ажил хийж байгаа хүмүүс нь бид юм. Бид чуулганы нөхцөл байдлыг ойлгодог, харин Дээрх ойлгодоггүй учраас бидэнд өгсөн хүмүүс болон чуулганы ажлыг бид тохиромжтой гэж үзсэнээрээ хийнэ. Бид хүссэнээрээ хийж болно, хэн ч хөндлөнгөөс оролцох эрхгүй” гэж тэд боддог. Тийм хүмүүсийн Бурханд үйлчлэх зарчим энэ: “Хэрвээ би ямар нэг зүйлийг зөв гэж бодож байвал үүнд анхаарал хандуулна; ямар нэгэн зүйлийг хийх боломжгүй гэж бодвол үүнийг үл ойшооно. Дураа хүрвэл би чамайг эсэргүүцэж, чиний эсрэг явж чадна, хиймээргүй байгаа ямар ч юмыг би хэрэгжүүлж, биелүүлэх албагүй. Хэрвээ чиний хэлсэн ямар нэг зүйл тохиромжгүй гэж санагдвал би чамд засаж өгнө, тэгээд шүүж тунгаачихаад доош нь дамжуулна. Миний зөвшөөрөөгүй юуг ч хэвлэж болохгүй.” Өөр бусад бүх газар Дээрхийн зохицуулалтыг анхдагч байдлаар нь тараадаг боловч энэ хүн өөрийнхөө хянан засварласан ажлын зохицуулалтын хувилбарыг өөрийн удирдаж байгаа газрын хүмүүст илгээдэг. Ийм хүн Бурханыг үргэлж хойш тавихыг хүсдэг бөгөөд хүн бүр өөрийг нь дагаж, өөрт нь итгээсэй гэж хүсдэг. Тэдний харж байгаагаар, Бурхан зарим талаар тэдэнтэй эн тэнцүү биш—тэд ч бас Бурхан байх ёстой бөгөөд хүн бүр өөрсдөд нь итгэх ёстой байдаг. Энэ нь тэдний хийдэг зүйлийн уг чанар юм. Хэрвээ та нар үүнийг ойлгосон бол ийм хүнийг халж солиход бас л уйлах байсан уу? Тэднийг мөн л өрөвдөх үү? “Дээрхийн хийсэн зүйл ямар ч хэрэггүй, шударга бус юм—Дээрх ийм их зовсон хүнийг халж яаж чадаж байна аа?” гэж бас л бодох уу? Тэд хэний төлөө зовсон бэ? Тэд өөрсдийнхөө байр суурийн төлөө зовсон. Тэд Бурханд үйлчилж байгаа юу? Үүргээ биелүүлж байгаа юу? Бурханд үнэнч, дуулгавартай юу? Тэд бол Сатаны зарцаас өөр юу ч биш, тэдний ажил бол диаволын эзэмшил юм; энэ нь Бурханы удирдлагын төлөвлөгөөг сүйтгэж, Түүний ажлыг үймүүлдэг. Энэ нь ямар гээчийн итгэл вэ? Тэд бол ердөө диавол, антихрист мөн!

Эцсийн өдрүүдийн Христийн ярианы тэмдэглэл номын “Бурханд халдах гэж юу вэ?”-ээс эш татав

Антихристүүд үнэнд, мөн Бурханд илт дайсагнадаг. Тэд сонгогдсон хүмүүсийг булаалдан Бурхантай өрсөлдөж, байр суурь, хүмүүсийн зүрх сэтгэлийг булаалдан Түүнтэй өрсөлдөж, хүмүүсийн зүрх сэтгэлийг эзэмдэж, төөрөгдүүлж, хөшүүн болгохын тулд есөн шидээр оролддог. Товчоор хэлбэл, тэдний ил, далд хийдэг бүхэн уг чанартаа Бурханд дайсагнадаг. Би яагаад үүнийг Бурханд дайсагнадаг гэж хэлж байна вэ? Яагаад гэвэл, энэ бол үнэн, энэ бол Бурхан гэдгийг илэрхий мэддэг байхдаа ч гэсэн тэд бас л эсэргүүцэн босож ирдэг. Нэг жишээ өгье: Зарим чуулганд антихристүүд хүмүүсийг өөрсдийн талд оруулж, урхидаж аваад эрхэндээ оруулж, дараа нь өөрсдийн чуулганыг тусад нь байгуулахын тулд Бурханы гэрээс бүхий л төрлийн ном, бусад материалыг сүрдүүлж авна. Энэ хүмүүс антихристүүдэд шүтэн мөргөж, тэднийг дагадаг, антихристүүд тэднийг хяналтдаа ягштал байлгадаг. Ингэж авирлахдаа тэд сонгогдсон хүмүүсийг булаалдан Бурхантай илэрхий өрсөлдөж байна. Энэ нь антихристийн нэг шинж мөн үү, биш үү? Тэднийг ийм илэрхий шинж дээр нь үндэслэн антихрист гэж ангилах нь тэдэнд шударга бус хандаж байгаа хэрэг огт биш, харин ч яг зөв билээ! Тэгтэл бас чуулган дотор өөрийн гэсэн хаанчлалаа бүтээж, өөрийн гэсэн эрх мэдэл, нөлөөг бий болгож, бие даасан хүчнийг бүрэлдүүлж, хүмүүсийг эрхэндээ байлгахын тулд таарахгүй байгаа хэнийг ч болов зайлуулж, өөрсдийг нь дагаж, дуулгавартай байдаг хүмүүсийг дэргэдээ үлдээдэг зарим нэг антихристүүд байдаг. Дээрхээс ямар ч ажлын зохицуулалт, эсвэл шаардлага ирсэн, эдгээр антихрист нь биеэ даасан цогц арга хэмжээ авч, доод хүмүүсээ Дээрхийн ажлын зохицуулалтыг илэрхий үл тоомсорлоход хүргэдэг. Жишээ нь, Дээрхээс ирсэн шаардлагаар бол, таарч тохирохгүй удирдагч, ажилчдыг хэдийд ч сольж болно гэдэг боловч антихристийн өнцгөөс бол, хэдийгээр эдгээр удирдагч, ажилчид таарч тохирохгүй байж магадгүй ч, антихристүүд тэднийг хөгжүүлсэн болохоор антихристүүдийг өөрсдийг нь эхлээд зайлуулахгүй л бол ямар ч тохиолдолд тэднийг Дээрхээс ирсэн захирамжийн дагуу сольж чадахгүй. Тэд энэ чуулганы хяналтыг гартаа авсан байна уу, үгүй юу? Тэд гартаа авмагц, Бурханы гэрийн ажлын зохицуулалт тохиромжтой байхаа больж, хэрэгжүүлэх боломжгүй болдог. Ажлын зохицуулалт нь аль эрт гарсан бөгөөд чуулган болгон хэрэгжүүлэлтийнхээ талаар—жишээ нь, зарим нэг нөхцөл байдлын улмаас хэний үүргийг өөрчилсөн, эсвэл хурааж авсан гэх мэт—явцын тайлан явуулсан боловч антихристүүдийн хариуцдаг газруудад тийм хүмүүс байхгүй, хэний ч үүрэг өөрчлөгдөөгүй байдаг. Тухайн газарт нэг ч таарч тохирохгүй хүн байхгүй байна гэж байх уу? Зарим боловсон хүчин таарч тохирохгүй байгаа бөгөөд тэднийг солихыг Дээрхээс антихристүүдэд шууд тушаасан боловч урт хугацааны дараа ч хариу өгөхгүй байх тохиолдол хүртэл байдаг. Энд асуудал байна уу, үгүй юу? Энэ бол чуулган антихристүүдийн гарт орсон нөхцөл байдал юм. Ажлын зохицуулалтыг хэрэгжүүлэх тушаал Дээрхээс ирдэг боловч тэрхүү тушаал антихристүүдэд очоод саатаж, доогуур байдаг хүмүүст нэг ч үг хүрдэггүй, ингэснээр тэд Дээрхтэй ямар ч холбоогүй болж, антихристүүд бүхнийг хянадаг. Тэд ийм зүйл хийхэд төрөлхийн чанар нь ямар байдаг вэ? Энэ бол антихристүүд үнэн төрхөө харуулж буй хэрэг юм.

Антихристүүдийг илчлэх нь номын “Тэд ёрын муу, хар санаатай, ов мэхтэй (I)”-ээс эш татав

Ямар төрлийн хүн өөрийнхөө хаанчлалыг байгуулдаг вэ? (Антихрист.) Яагаад тийм хүнийг “антихрист” гэдэг вэ? Нэгдүгээрт, “анти” гэдэг нь эсэргүүцэж, дайсагнах гэсэн үг бөгөөд Христийг, Бурханыг, мөн үнэнийг эсэргүүцэж, дайсагнах явдлыг хамардаг. “Эсэргүүцэж, дайсагнах” гэж юу гэсэн үг вэ? (Шууд эсэргүүцэн зогсоно гэсэн үг.) (Үзэн ядна гэсэн үг.) Бурханыг үзэн ядаж, шууд эсэргүүцдэг хүмүүс үнэнийг хүлээн зөвшөөрч чадах уу? Үнэнийг хайрлаж чадах уу? Яавч чадахгүй. Өөрсдийгөө илэрхийлдэг эн тэргүүний арга зам нь үнэнийг хайрлахгүй байх явдал. Хэн нэгэн үнэнийг ярих бүрд нүүрэн дээр нь тэд юу ч илэрхийлэхгүй хэрнээ үнэнийг зүрх сэтгэлдээ хүлээн зөвшөөрдөггүй бөгөөд сэтгэлийнхээ угт эсэргүүцдэг. Эсэргүүцэж байхдаа Бурханд захирагдах, үүргээ үнэнчээр биелүүлэх, үнэнч шударга хүн байх, бүх зүйл дээр үнэнийг эрж хайх гэх мэт бүх эерэг зүйл, энэ бүх үнэнийг тэд бага ч болов хүсэн мөрөөсөж, хайрладаг уу? Үгүй, огтхон ч тэгдэггүй. Иймээс тэд тийм уг чанар, мөн чанартай болохоор Бурханыг, бас үнэнийг аль хэдийн шууд эсэргүүцэж байдаг. Иймд сэтгэлийнхээ угт тийм хүмүүс үнэнийг ч, ямар нэг эерэг зүйлийг ч хайрладаггүй байх нь гарцаагүй. Жишээлбэл, удирдагчийн албан тушаалтай хүмүүс ах эгч нарынхаа янз бүрийн саналыг хүлээн зөвшөөрч чаддаг байх ёстой, ах эгч нартаа сэтгэлээ уудалж, ах эгч нарынхаа зэмлэлийг хүлээн авах ёстой, мөн байр суурь эзлэх ёсгүй. Хэрэгжүүлэх энэ бүх зөв арга замын талаар антихрист юу гэж бодох вэ? “Хэрвээ би ах эгч нарын саналыг сонссон бол удирдагч хэвээр байх уу? Байр суурь, нэр төртэй хэвээр байх уу? Хүмүүсийг айлгаж чадах уу? Хэрвээ би хүмүүсийг айлгаж чадахгүй, нэр төргүй байх юм бол ямар ажил хийж чадах юм бэ?” гэж хэлж магад. Антихрист яг ийм зан чанартай байдаг; үнэнийг өчүүхэн төдий ч хүлээн зөвшөөрдөггүй бөгөөд хэрэгжүүлэх арга барил зүй зохистой байх тусам эсэргүүцдэг. Хэрэгжүүлэх эдгээр зөв арга барил нь үнэнийг хэрэгжүүлэх арга зам гэдгийг тэр хүлээн зөвшөөрдөггүй. Түүний боддогоор үнэн ямар байдаг вэ? Хэнтэй ч харьцах үедээ үргэлж төмөр нударга, ёрын муу үйл, харгис арга барил, зальхай арга мэх ашиглах ёстой; үнэн, хайр, Бурханы үгийг хүн хэзээ ч ашиглах ёсгүй гэж боддог. Түүний зам бол ёрын муу зам юм. Антихристийн төрлийн хүний уг чанар болон мөн чанар ийм байдаг бөгөөд аливааг хийдэг арга зам, үйлдлийнх нь цаад сэдэл, үүсдэг эх сурвалж нь бас энэ юм. Тэдний урам зориг, санаа зорилго ийм байдаг. Тэдний үргэлж илчилдэг урам зориг, санаа зорилгын мөн чанар нь яг антихристийн мөн чанар буюу үнэнд хорсож, үнэнийг үзэн ядах явдал юм. Энэ тэдний мөн чанар юм. Тэгвэл үнэнийг болон Бурханыг эсэргүүцнэ гэж юу гэсэн үг вэ? Энэ нь үнэнийг болон эерэг зүйлсийг үзэн ядахыг хэлдэг. Жишээлбэл, бүтээлийн объектын хувиар хүн бүтээгдсэн зүйлийн үүрэг биелүүлэх ёстой; хүмүүс бүтээлийн объект учраас Бурхан юу ч гэж хэлсэн, захирагдах ёстой. Гэхдээ антихрист юу гэж боддог вэ? “Би бүтээлийн объект гэдэг нь үнэн, гэхдээ захирагдах тухайд гэвэл нөхцөл байдлаас шалтгаална. Эн түрүүнд надад үр өгөөжтэй байх ёстой; би хохирол амсах ёсгүй, мөн өөрийнхөө ашиг сонирхлыг нэгдүгээрт тавих ёстой. Хэрвээ олж авах шагнал, агуу ерөөл байгаад, Та надаас захирагд гэж хүсвэл захирагдаж болж байна, гэхдээ шагнал, хүрэх газар байхгүй бол би захирагдаж чадахгүй”. Антихрист үүнийг ингэж үздэг. Өөр нэг жишээ гэвэл, Бурхан хүмүүсийг үнэнч байлгахыг хүсдэг, гэхдээ антихрист энэ тухайд юу гэж боддог вэ? “Тэнэгүүд л үнэнч байдаг; ухаалаг хүмүүс үнэнч байдаггүй юм”. Эдгээр санал бодол үнэнийг хүлээн зөвшөөрөхгүй байгаа хандлага мөн үү? Иймэрхүү хандлагын мөн чанар юу вэ? Үүний мөн чанар нь үнэнийг үзэн ядах явдал юм. Энэ нь яг тийм антихристийн мөн чанар бөгөөд мөн чанар нь тэдний ямар замаар алхахыг тодорхойлж, улмаар иймэрхүү үүрэг гүйцэтгэж байхдаа ямар зүйл хийхийг алхдаг зам нь тодорхойлдог.

Антихристүүдийг илчлэх нь номын “Тэд хүмүүсийн сэтгэлийг татахаар оролддог”-оос эш татав

Зарим хүн антихристийн зарим нэг илрэл, антихристийн зан чанарын зарим нэг огцом илрэлтэй байдаг боловч үнэнийг хүлээн авч, зөвшөөрч, хайрладаг. Тэд авралын боломжит бай юм. Гаднах төрхөөсөө үл хамааран төрөлхийн мөн чанараасаа үнэнд дайсагнаж, үнэнийг үзэн яддаг зарим хүн бий. Үнэний тухай ярьж, номлол хиймэгц чинь тэд залхаж, эсэргүүцдэг. Тэгээд зүүрмэглэж эхэлдэг, унтдаг, уйддаг бөгөөд ойлголоо ч гэсэн үл сонирхдог; эсвэл тэд гаднаа мэрийлттэй харагдаж болох ч үнэнийг өөр хандлага, аль эсвэл нэг салбарын мэдлэг, онолоор хэмждэг. Хэрвээ ийм байвал Бурханы хэчнээн олон үгийг уншиж, хэдий олон номлол сонссон байлаа ч эцсийн эцэст байр суурь, хорвоогийн юм хөөцөлдөж, Бурханд дайсагнаж, үнэнд хонзогнодог хандлагад нь хэзээ ч өчүүхэн ч өөрчлөлт гарахгүй. Энэ нь антихристийн нийтлэг чанар юм. Тиймээс, тэдний үйлдэл бол хүмүүсийг талдаа оруулах зорилготой байдаг, тэд Бурханы байр суурь булаалдан үзэлцэх, хүмүүсийг хуурахын тулд өөрсдийгөө өргөмжилж гэрчилдэг, мөн тэдний үйлдэл бол Сатан, антихристийнх байдаг гэж чамайг хэлбэл тэд ийм зэмлэлийг хүлээн авдаг уу? Авдаггүй. “Ийм маягаар аашлах нь зөв, зүйтэй. Би аливааг ингэж хийдэг юм. Чи намайг хүссэнээрээ л зэмлэж, шүүмжилж болно—би энэ эрэл хайгуул, энэ хүсэл, аливааг хийдэг энэ аргаа орхихгүй” гэж боддог. Энэ шийдэгдсэн: Тэд бол антихристүүд. Чи юу ч гэж хэллээ гэсэн тэдний бодлыг өөрчилж чадахгүй, мөн тэдний сэдэл, санаа зорилго, санаархал, хүслийг өөрчилж чадахгүй. Ердийн антихристийн төрөлхийн чанар ийм байдаг. Тэдний нөхцөл байдал яаж ч өөрчлөгдсөн бай, эргэн тойрных нь хүмүүс, эд юмс, зүйлс яаж ч өөрчлөгдсөн бай, цаг үе яаж ч өөрчлөгдсөн бай, Бурхан ямар ч тэмдэг гайхамшиг үзүүлсэн бай, өөрсдөд нь Бурхан хэчнээн ч их нигүүлсэл олгож, тэр ч бүү хэл, Бурхан тэднийг шийтгэлээ ч гэсэн санаа зорилго нь хэзээ ч өөрчлөгдөхгүй. Хүн байх байдал нь, аливааг хийдэг арга нь ч, үнэнд дайсагнах хандлага нь ч хэзээ ч өөрчлөгдөхгүй. Тэдний хийж байгаа зүйл бол өөрсдийгөө өргөмжилж, гэрчилж, хүмүүсийг хуурах гэж оролдож байгаа явдал гэдгийг бусад хүн хэлбэл тэд ярих маягаа бусад хүн өө олж чадахааргүй, хэн ч ялган таньж чадахааргүй болгон өөрчилдөг. Тэд удирдлагаа үргэлжлүүлж, нууц зорилгодоо хүрэхийн тулд бүр ч их зальхай арга хэрэглэдэг. Энэ нь антихристэд илэрдэг зүйл бөгөөд антихристийн мөн чанараас үүссэн байдаг. Тэд шийтгүүлнэ, тэдний төгсгөл ирсэн, тэд хараагдаж, зүхэгдсэн гэж Бурхан тэдэнд хэлсэн байлаа ч гэсэн энэ нь тэдний мөн чанарыг өөрчилж чадах уу? Тэдний үнэнд хандах хандлагыг өөрчилж чадах уу? Байр суурь, эд хөрөнгө, нэр хүндэд дурладгийг нь өөрчилж чадах уу? Чадахгүй. Сатаны завхруулсан хүмүүсийг Бурханыг шүтэн мөргөдөг хэвийн хүн чанартай хүмүүс болгон хувиргах нь Бурханы ажил бөгөөд энэ нь биелж болно. Харин чөтгөрүүдийг, хүний арьс нөмөрсөн боловч мөн чанар нь сатанлаг бөгөөд Сатаны бүлэгт Сатаныг шүтэж, Бурханд дайсагнадаг хүмүүсийг хэвийн хүн болгох боломжтой гэж үү? Тэгэх боломжгүй. Бурхан тийм ажил хийдэггүй; Бурханы авардаг хүмүүсийн дунд энэ хүмүүс багтдаггүй. Тэгвэл Бурхан тийм хүмүүсийг хэрхэн тодорхойлдог юм бэ? Тэд Сатанд харьяалагддаг. Тэгээд Бурханы сонголт, авралын бай биш байдаг. Бурхан тийм хүмүүсийг хүсдэггүй. Бурханы гэрт хэр удаан байж, хэдий их зовж, юунд ч хүрсэн байлаа гэсэн тэдний санаа зорилго өөрчлөгддөггүй. Тэд санаархал, хүслээ хойш тавихгүй, мөн байр суурь, хүмүүсийг булаалдан Бурхантай арцалдах сэдэл, хорхойгоо дарж бүр ч чадахгүй. Тийм хүмүүс амилсан антихрист байдаг.

Антихристүүдийг илчлэх нь номын “Тэд өөрсдийгөө өргөмжилж, гэрчилдэг”-аас эш татав

Бүх антихрист гэмшсэнээс үхсэн нь дээр гэж үзнэ. Тэд үхэн үхтлээ Бурханыг эсэргүүцэхээр тангараглаж, эцсээ хүртэл тэмцдэг. Хэдийгээр тэд Бурхан байдаг, Бурхан хүнийг бүтээсэн, Бурхан хүн төрөлхтнийг аварч чадна гэдгийг сэтгэлийнхээ гүнд хүлээн зөвшөөрдөг ч уг чанараасаа үүдэн сонгосон замаа өөрчлөх чадваргүй, Бурханд дайсагнадаг баримтаа өөрчлөх чадавхгүй болдог. Иймээс антихристүүдийн ааш авирын мөн чанар нь байр суурьтай болж, хүмүүсийг талдаа оруулж, өөрийг нь дагаж, хүндэлдэг болгох зорилгодоо хүрэхийн тулд цаг ямагт янз бүрийн арга, барил ашиглах явдал байдаг. Тэд зүрх сэтгэлийнхээ гүнд бол хүн төрөлхтнийг булаалдаж Бурхантай зориуд тэмцэлдээгүй байж болзошгүй хэдий ч нэг зүйл баттай: Тэд хүмүүсийг булаалдаж Бурхантай тэмцэлдэхгүй байхдаа ч гэсэн тэдний дунд байр суурь, эрх мэдэлтэй байхыг мөн л хүсдэг. Байр суурийн төлөө Бурхантай тэмцэлдэж байгаагаа ухаарах өдөр ирж, өөрсдийгөө хяналтад авлаа ч гэсэн л хүмүүсийн дунд байр суурь олж, өөрсдийгөө батлах өөр бусад арга ашигласаар байдаг. Товчхондоо, антихристүүдийн хийдэг бүх зүйл нь үүргээ үнэнчээр гүйцэтгэдгээс бүрддэг юм шиг харагддаг бөгөөд тэд Бурханы жинхэнэ дагалдагчид мэт санагдуулдаг боловч хүмүүсийг хянаж, тэдний дунд байр суурь, эрх мэдэл олж авах гэсэн санаархал нь хэзээ ч өөрчлөгдөхгүй. Бурхан юу ч хэлж, юу ч хийлээ гэсэн, хүмүүсээс юу ч гэж гуйлаа гэсэн тэд Бурханы үг, шаардлагад таарсан байдлаар хийх ёстой зүйлээ хийж, үүргээ биелүүлдэггүй, мөн Бурханы айлдвар болон үнэнийг ойлгосныхоо үр дүнд эрх мэдэл, байр суурийн эрэл хайгуулаа орхидоггүй; тэд санаархалдаа тувт автаж, энэ нь тэдний ааш авир, бодлыг хянан удирдаж, алхдаг замыг нь тодорхойлдог. Энэ нь антихристийн төгс жишээ мөн. Антихристийн ялгарах онцлог юу вэ? “Антихрист гэж хүмүүсийг олж авахын тулд Бурхантай тэмцэлдэж, Бурханыг хүлээн зөвшөөрдөггүй хүмүүс биш үү?” гэж зарим хүн асуудаг. Тэд Бурханыг хүлээн зөвшөөрдөг байж магадгүй, Бурханы оршин тогтнолыг чин үнэнээсээ хүлээн зөвшөөрдөг, итгэдэг байж магадгүй, мөн Бурханыг дагаж үнэнийг эрэлхийлэх хүсэлтэй байж болох ч нэг зүйл хэзээ ч өөрчлөгдөхгүй: тэд эрх мэдэл, байр суурийн төлөөх санаархлаа хэзээ ч орхихгүйба өөрсдийн орчин, өөрсдөд нь хандах Бурханы хандлагаас үүдэн тэдгээр зүйлийн эрэл хайгуулаа орхихгүй. Эдгээр нь антихристүүдийн онцлог шинж юм. Хэдий их зовсон байвч, хэчнээн их үнэнийг ойлгосон байвч, үнэний хэчнээн олон бодит байдалд орсон байвч, Бурханы талаар хэчнээн их мэдлэг эзэмшсэн байлаа ч гэсэн эдгээр гадаад үзэгдэл, илрэлтийн цаана тэд байр суурь, эрх мэдлийн төлөөх санаархал, эрэл хайгуулаа хэзээ ч хазаарлахгүй, эсвэл орхихгүй бөгөөд энэ нь тэдний уг чанар, мөн чанарыг яг таг тодорхойлдог. Бурхан ийм хүмүүсийг антихристүүд гэж тодорхойлдогт өчүүхэн ч алдаа мадаг байхгүй; энэ нь тэдний чухамхүү уг чанар болон мөн чанараар тодорхойлогдсон. Хүн төрөлхтнийг булаалдаж Бурхантай тэмцэлдэх гэж оролдсон ямар ч хүн бол антхрист гэж зарим хүн итгэдэг байсан байх. Гэхдээ зарим үед антихристүүд заавал Бурхантай тэмцэлдэх албагүй; мэдлэг, ойлголт болон байр суурь, эрх мэдлийн хэрэгцээ нь хэвийн хүмүүсийнхээс өөр байдаг л хүмүүс байж таардаг. Хэвийн хүмүүс хийрхүү байж болно; тэд бусдаас хүндлэл магтаал хүртэж, тэдэнд сайхан сэтгэгдэл үлдээх гэж хичээж болох бөгөөд сайн алба тушаалын төлөө тэмцэлдэх гэж оролдож болох юм. Энэ бол хэвийн хүмүүсийн санаархал. Тэд удирдагчаас халагдаж, албан тушаалаа алдахаараа үүнтэй эвлэрдэг; орчноо өөрчилж, биеийн хэмжээ нь бага зэрэг өсөж, үнэн рүү орж, үнэний талаар илүү гүн гүнзгий ойлголт олж авах үед тэдний санаархал аажмаар буурдаг. Тэдний явдаг зам, замнадаг чиглэлд өөрчлөлт гарч, байр суурь, эрх мэдлийн эрэл хайгуул нь замхардаг. Тэдний хүсэл ч мөн аажмаар багасдаг. Харин антихристүүд бол өөр: Тэд байр суурь, эрх мэдлийн төлөөх эрэл хайгуулаа хэзээ ч орхиж чадахгүй. Ямар ч цаг үе, ямар ч орчинд, ямар ч хүмүүсээр хүрээлүүлж, хэдэн ч настай байлаа гэсэн тэдний санаархал хэзээ ч өөрчлөгдөхгүй. Тэдний санаархал хэзээ ч өөрчлөгдөхгүй гэдэг нь юуг заадаг вэ? Тэд чуулганы удирдагч байлаа гэж бодъё: Тэд чуулган дахь хүн болгоныг хянахыг хүснэ. Тэгээд өөр чуулганд очиж болзошгүй, тэнд удирдагч болоогүй атлаа мөн л тэр байр суурийг хүсэн мөрөөсдөг. Тийм хүмүүс хаана ч очсон эрх барихыг хүсдэг. Тэдний зүрх сэтгэл санаархлаар сагадаг бус уу? Тэдний үзүүлдэг зүйл хэвийн хүн чанарын хүрээнээс хальдаг. Үүнд хэвийн бус зүйл байгаа биз дээ? Юу нь хэвийн бус байна вэ? Тэдний үзүүлдэг зүйл хэвийн хүн чанарын үзүүлэх учиртай зүйл биш байдаг. Тэд юу үзүүлдэг вэ? Үүнийг үзүүлэхэд хүргэдэг юм нь юу вэ? Тэдний уг чанар. Тэд муу ёрын сүнснүүд байдаг. Энэ бол ердийн завхралтай адилгүй; үүнд ялгаа бий. Антихристүүд байр суурь, эрх мэдлийн эрэл хайгуулдаа яахаас ч буцахгүй; тэд үүнд бүрмөсөн эзэмдүүлсэн байдаг. Энэ нь тэдний уг чанар болон мөн чанар; энэ нь тэдний анхдагч хэлбэр, үнэн царай юм. Тэд байр суурийн төлөө гагцхүү Бурхантай өрсөлддөггүй, харин байр суурийн төлөө хүмүүстэй ч бас өрсөлддөг. Бусад хүн хүсэж, зөвшөөрч байгаа, үгүй нь хамаагүй, антихристүүд тэдний хүслийг үл харгалзан тэднийг хянаж, удирдагч нь байхаар идэвхийлэн хичээдэг. Антихристүүд хаана ч явлаа гэсэн хариуцагч байж, эцсийн шийдвэр гаргахыг хүсдэг. Энэ тэдний уг чанар уу? Хүмүүс чамайг сонсохыг хүсдэг үү? Тэд чамайг шилсэн үү? Тэд чамайг сонгосон уу? Эцсийн шийдвэр гаргахыг чинь тэд зөвшөөрдөг үү? Энэ хүмүүсийг эцсийн шийдвэр гаргаасай гэж хэн ч хүсдэггүй бөгөөд тэднийг хэн ч сонсдоггүй боловч тэд мөн л тэгж байхыг хүсдэг. Энэ нь асуудал мөн үү? Тэд туйлын ичгүүргүй, цагаандаа гарсан байдаг. Тийм хүмүүс удирдагч байхдаа антихрист байдаг; удирдагч биш байхдаа ч бас антихрист байдаг.

Антихристүүдийг илчлэх нь номын “Тэд хүмүүсийг будилуулж, татан оролцуулж, сүрдүүлж, хянадаг”-аас эш татав

Антихристүүд хэвийн хүмүүсээс илүүтэйгээр байр суурь, нэр хүндээ дээдэлдэг бөгөөд энэ нь тэдний зан чанар, мөн чанарт байдаг зүйл юм; энэ бол түр зуурын сонирхол, эсвэл орчин тойрных нь түр зуурын нөлөө биш—тэдний амь болон ясанд байдаг тул энэ нь тэдний мөс чанарт байдаг. Өөрөөр хэлбэл, антихрист хийж байгаа бүх юмандаа өөр юуг ч биш, байр суурь, нэр хүндээ л хамгийн түрүүнд бодолцдог. Антихристийн хувьд байр суурь, нэр хүнд бол тэдний амь, насан туршийн зорилго нь байдаг. Тэд хийж байгаа бүхэндээ хамгийн түрүүнд “Миний байр суурь яах бол? Бас миний нэр хүнд яах бол? Үүнийг хийгээд надад нэр хүн ирэх болов уу? Хүмүүсийн сэтгэлд эзлэх байр суурийг минь өргөх болов уу?” гэж боддог. Тэдний хамгийн түрүүнд боддог зүйл нь тэр бөгөөд антихристийн зан чанар, мөн чанартай гэдгийг нь хангалттай баталдаг; эс бөгөөс тэд ингэж шамдахгүй байсан. Антихристийн хувьд байр суурь, нэр хүнд бол зүгээр нэг нэмэлт шаардлага биш, тэргүйгээр байж чадахаар хэрэггүй зүйл бүр ч биш. Тэдгээр нь антихристүүдийн уг чанарын нэг хэсэг, яс цусанд нь байдаг, төрөлхийн зүйл юм. Антихристүүд байр суурь, нэр хүндтэй болох эсэх талаар хайхардаггүй биш; тэдний хандлага ийм биш. Тэгвэл тэдний хандлага ямар байдаг вэ? Байр суурь, нэр хүнд тэдний өдөр тутмын амьдрал, өдөр тутмын байдал, өдөр тутамдаа эрмэлзэж байдаг зүйлтэй нь нягт холбоотой байдаг. Тиймээс антихристүүдийн хувьд байр суурь, нэр хүнд бол тэдний амь юм. Тэд яаж ч амьдарч, ямар ч орчинд амьдарч, ямар ч ажил хийж, юуг ч эрмэлзэж, ямар ч зорилготой байсан, амьдралын чиглэл нь ямар ч байсан, байр суурь, нэр хүнд бол тэдний эрэлхийлэх зорилго, зүрх сэтгэлдээ орхиж чадахгүй эрэлхийлдэг зорилт юм. Энэ бол антихристүүдийн жинхэнэ нүүр царай, тэдний мөн чанар билээ. Тэднийг ууланд балар харанхуй ойн гүнд тавьсан ч гэсэн байр суурь, нэр хүндээ хаяхгүй; эгэл жирийн бүлэг хүний дунд тэднийг тавьсан ч гэсэн, байр суурь, нэр хүндээс өөр зүйл бодохгүй. Тиймээс тэд итгэлтэй болмогцоо байр суурь, нэр хүндээ Бурханд итгэх итгэлийг эрэлхийлэхтэй адилхан гэж үздэг; өөрөөр хэлбэл, Бурханд итгэх итгэлийн замаар алхахдаа тэд бас өөрийн гэсэн байр суурь, нэр хүндийг эрэлхийлдэг. Зүрх сэтгэлдээ тэд Бурханд итгэх итгэл болон үнэний эрэл хайгуул нь байр суурь, нэр хүндийг эрэлхийлэх явдал; байр суурь, нэр хүндийг эрэлхийлэх нь бас үнэнийг эрэлхийлэх явдал бөгөөд байр суурь, нэр хүндийг олж авах нь үнэн болон амийг олж авах явдал юм гэж боддог. Бурханд итгэх итгэлийн зам дээр байхдаа дорвитойхон байр суурийг олж авсангүй гэж санагдвал—хэн ч өөрийг нь хүндэтгэж, үнэлдэггүй бол, бусдын дунд өргөмжлөгддөггүй, бодит хүч чадалгүй бол—тэдний урам ихэд хугарч, Бурханд итгээд ямар ч ач холбогдолгүй, үнэ цэнгүй гэж боддог. “Миний итгэж байгаа байдлыг Бурхан сайшаадаггүй юу? Би амийг олж авсан уу?” Тэд оюун санаандаа эдгээр зүйлийг үргэлж тооцоолдог; тэд Бурханы гэр юм уу байгаа орчиндоо хэрхэн байр суурь олж авч болох, дээгүүр нэр төр, тодорхой хэмжээний эрх мэдлийг хэрхэн олж авч болох, ярих үедээ хүмүүсийг яаж өөрийг нь сонсож, магтдаг болгож болох, хүмүүсийг үгэндээ оруулж, бүлэг дотор аливаа зүйлийг нэгэн дугаар шийддэг болгож, байр байдлаа хэрхэн баталгаажуулж болох талаар төлөвлөдөг. Оюун санаандаа үүнийг л тэд байнга бодож байдаг. Ийм хүмүүс үүнийг л эрмэлзэж байдаг. Тэд яагаад үргэлж ийм зүйлийн талаар бодож байдаг вэ? Үнэнийг сонсож, номлол сонсож, Бурханы үгийг уншсаныхаа дараа тэд энэ бүхнийг үнэхээр ойлгодоггүй гэж үү? Бурханы үг хийгээд үнэн үнэхээр тэдний үзэл, санаа, санал бодлыг өөрчилж чаддаггүй гэж үү? Энэ бол хүмүүсийн уг чанар, мөн чанарын асуудал юм.

Антихристүүдийг илчлэх нь номын “Тэд өөрсдөө ялгарч… тулд л үүргээ биелүүлдэг… (III)”-аас эш татав

Антихристүүд ямар ч бүлэгт байсан, уриа лоозон нь юу байдаг вэ? “Би өрсөлдөх ёстой! Өрсөлд! Өрсөлд! Хамгийн өндөрт, хамгийн хүчирхэг нь болохын тулд би өрсөлдөх ёстой!” Энэ бол антихристийн зан чанар юм; тэд хаа явсан газраа өрсөлдөж, зорилгодоо хүрэхийг хичээдэг. Тэд бол Сатаны боол бөгөөд Бурханы гэрийн ажлыг үймүүлдэг. Антихристүүдийн зан чанар ийм байдаг: Мэргэжлийн ажилдаа давамгай байдлаа харуулдаг, удаан хугацаанд Бурханд итгэсэн, зарим нэг тусгай ур чадвартай, ах эгч нарын амийн оролтод ач тустай байсан, сайнаар хүндлэгддэг, ах эгч нарын дунд сайнаар яригддаг, илүү их эерэг зүйлтэй хэнтэй ч хамаагүй тэд өрсөлддөг. Ерөнхийд нь хэлбэл, антихристүүд бүлэг хүмүүсийн дунд байх болгондоо үргэлж ийм зүйл хийдэг. Тэд байр суурь, өндөр дээд нэр төр, асуудлын талаар эцсийн шийд гаргах, бүлэг дотор шийдвэр гаргах туйлын эрх мэдлийн төлөө өрсөлддөг бөгөөд үүнийг олж авмагцаа баяртай болдог. Гэхдээ ийм зүйлсийг олж авсныхаа дараа тэд ямар нэг бодитой ажил хийдэг үү? (Үгүй.) Тэд бодитой ажил хийх гэж эдгээр зүйлийн төлөө өрсөлддөггүй. Тэдний зорилго бол бусад бүх хүнийг доош нь дарах явдал: “Чиний итгэсэн эсэх хэнд хамаатай юм бэ? Эд хөрөнгийн хувьд надад хамгийн их нь байна; ярианы хувьд би хамгийн уран цэцэн үгтэй; бэлээхэн мэргэжлийн ажил дээрх ур чадварын тухайд би бүхнээс шилдэг нь.” Тэд бүх зүйл дээр өрсөлддөг. Ах эгч нар өөрсдийг нь зааварлагч болгохоор сонгох үед тэд эцсийн шийдвэрийн төлөө, шийдвэр гаргах эрх мэдлийн төлөө хамтрагчидтайгаа өрсөлддөг; чуулган өөрсдөд нь зарим нэг ажил хариуцуулбал тэрхүү ажлыг хэрхэн хэрэгжүүлэх талаар эцсийн шийдвэр гаргахыг хүсэж, хэлэх зүйлийнхээ төлөө, санаа болон шийдвэрээ хүлээн зөвшөөрүүлж, бодитой болгохын төлөө тэмцдэг. Хэрэв ах эгч нар өөр хэн нэгний санааг авч хэрэгжүүлбэл тэд үүнийг зүгээр өнгөрөөхгүй. Хэрвээ чи тэдний хэлснээр хийхгүй бол, хэн босс болохыг чамд харуулна, ингэснээр тэдэнгүйгээр хийж чадахгүй юм шиг чамд санагдаж, хэлснээр нь хийхгүй бол үр дагаврыг нь мэдэрч үлдэнэ. Антихристүүдийн зан чанар ийм л биеэ тоосон, жигшмээр, ухаангүй байдаг. Тэдэнд хүн чанар, түүнчлэн эрүүл ухаан огт байхгүй байгаа нь харагддаг. Зан авир дахь бүх зүйл нь тэдний үйлдэлд ухаалаг байдал огт байхгүй байгааг харуулдаг. Тэд хэлэх зүйлийг чинь хүлээж авахгүй; хэлэх үг чинь хэчнээн зөв байсан ч хайхрахгүй бөгөөд чи мухардалд орох болно. Тэдний хүлээн авч чадах цорын ганц зарчим нь, ямар бүлэгт байхаас үл хамааран, зүй ёсны байр суурь, нэр хүндийг олж авч чадвал зүрх сэтгэл нь тайвшрах явдал юм: Энэ л оршин тогтнолынх нь үнэ цэн гэж тэд итгэдэг. Ямар бүлэг хүний дунд байхаас үл хамааран, өгдөг “гэрэл”, “дулаан”, онцгой авьяас, ер бусын байдлаа тэд хүмүүст харуулах ёстой байдаг. Тэд өөрийгөө онцгой гэж итгэдэг учраас өөрт нь бусдаас илүү дээр хандах ёстой, хүмүүсийн дэмжлэг, бишрэлийг хүртэх ёстой, хүмүүс өөрийг нь үнэлж, өөрт нь шүтэн мөргөх ёстой гэж аяндаа боддог—энэ бүхэн тэдний хувьд зүй ёсны зүйл гэж боддог. Ийм хүмүүс маш их төвөгтэй бус уу? Эрүүл ухаанаар бол, ямар нэгэн зүйл тохиолдох үед хүмүүс зөв хүнийг сонсох ёстой, Бурханы гэрт ашиг тустай хүний үгийг дуулгавартай дагах ёстой, үнэн-зарчимтай нийцэж байгаа хүний санааг авч хэрэгжүүлэх ёстой—харин эрүүл ухаан дийлбэл, хүмүүс тэдний санааг хүлээн авахгүй байж магадгүй, тэгвэл тэд яах вэ? Тэд сандарч, өөрсдийн санаа, саналыг хамгаалж, зөвтгөх гэж оролдсоор, бусдыг ятгаж, ах эгч нарыг үгэндээ оруулж, өөрсдийнх нь санааг хүлээн авахад хүргэхийн тулд чадах бүхнээ хийсээр байдаг. Саналыг нь хүлээн авбал Бурханы гэрийн ажилд хэрхэн нөлөөлөхийг тэд бодолцдоггүй; тэр нь бодолцох зүйлийнх нь хүрээнд байдаггүй. Тэд “Миний саналыг энэ удаад хүлээж авахгүй бол би нүүрээ яаж харуулах билээ? Тиймээс би өрсөлдөх ёстой—саналыг минь хүлээн авахад хүргэхийн тулд өрсөлдөх ёстой” гэж л боддог. Тэд тухай бүр ингэж бодож, хийдэг бөгөөд антихристийн зан чанар яг ийм байдаг.

Антихристүүдийг илчлэх нь номын “Тэд өөрсдөө ялгарч… тулд л үүргээ биелүүлдэг… (III)”-аас эш татав

Өөрсдийн дарангуйллыг хэрэгжүүлж буй дарангуйлагч мэт байдаг нь антихристийн мөн чанарын хамгийн илэрхий шинжүүдийн нэг юм. Антихристүүд хэнийг ч сонсдоггүй, хүн бүрийг дорд үздэг бөгөөд өөр хэний ч хэлдэг үг, хийдэг үйл, ойлголт, үзэл бодол, хүч чадал нь тэдний үзэхэд бүгд өөрсдийнхөөс нь дор байдаг. Тэд энэ хүмүүсийг өөрсдийнх нь хийх гэсэн зүйлд оролцоход тохирохгүй, зөвлөлдөж, санал хэлэх эрхгүй гэж боддог—тэд иймэрхүү зан чанартай. Антихристийн онцлог шинжийн нэг тал энэ бус уу? Зарим хүн үүнийг тааруухан зан араншин уу гэж асуудаг. Үүнийг зан араншинтай холбох нь дэндүү өнгөцхөн—энэ нь тааруу зан араншинтай ямар ч холбоогүй. Энэ бол тэдний зан чанар, төрөлхийн чанар; тэдний төрөлхийн чанар хэт ширүүн. Яагаад Би тэдний уг чанарыг хэт ширүүн гэж хэлж байна вэ? Тэд Бурханы гэрийн ажил, чуулганы ашиг сонирхлыг өөрийн юм, хувийн өмч мэтээр боддог тул Бурханы гэрийн ажлыг хийж байхдаа боддог ганц зүйл нь өөрсдийн ашиг сонирхол, байр суурь, нэр төр байдаг. Тэд байр суурь, нэр хүндэд нь аюул занал болж байна гэж үзсэн хэнийг ч жигшдэг. Тэднийг дарлаж, хяхаж хавчдаг; тэр ч бүү хэл, чуулганд хэрэгтэй, зарим тусгай үүрэг гүйцэтгэхэд тохирсон хүмүүсийг ч гадуурхаж, дарладаг. Тэд Бурханы гэрийн ажил, Бурханы гэрийн ашиг сонирхлыг өчүүхэн ч харгалзаж үздэггүй. Чи тэдний байр сууринд заналхийлж, тэдэнд дуулгавартай байхгүй, хүндэтгэхгүй бол чамайг гадуурхаж, зай барьж, хамтран ажиллахыг үл зөвшөөрч, өөрсдийн хариуцсан ажлын хүрээнд чамаар ямар ч чухал үүрэг гүйцэтгүүлдэггүй, ямар ч чухал юманд ашигладаггүй. Тэд тийм хүмүүсийг гадуурхдаг. Хэрвээ тэр хүмүүсийн нэг нь сайн юм хийж, Бурханы гэрт ашиг тустай зүйл үйлдэх юм бол антихристүүд үүнийг ах эгч нарт харуулдаггүй, өөр хэнд ч мэдэгддэггүй. Энэ хүний үйл хэрэг хэчнээн их гавьяа хүртүүштэй байлаа ч, Бурханы гэрт хэчнээн агуу зүйл хийсэн байлаа ч гэсэн антихристүүд үүнийг нуун далдалж, дарагдуулж, ах эгч нарт мэдэгддэггүй. Түүнчлэн антихристүүд энэ хүмүүсийн бүтэлгүйтэл, завхралыг ах эгч нарын дунд байнга гаргаж ирэн тэднийг биеэ тоодог, ялихгүй юмаар хөөцөлдөж, хүмүүс болон асуудал дээр сүржигнэдэг, Бурханы гэрийн ашиг сонирхлоос урвах магадлалтай, Бурханы гэрт биш гаднынханд туслах гээд байдаг, мэдлэггүй гэх мэтээр ярьдаг. Энэ хүмүүсийг гадуурхаж, дарлахын тулд байж болох бүх дутагдлыг эрж олдог. Үнэндээ Бурханы гэрийн олон хүнээс зарим нь гойд авьяастай, зарим нь ялимгүй дутагдалтай байвч тодорхой үүрэг гүйцэтгэж чаддаг. Тэд үүрэг гүйцэтгэхэд тохиромжтой, үүрэг гүйцэтгэх хүмүүст зориулсан зарчимд нийцэлтэй—гэхдээ антихристүүдийн нүдэнд ямар байдаг вэ? Тэд юу гэж боддог вэ? “Би өөрийгөө хорлох гэж үү? Чи манай бүлэгт үүрэг авч, надтай өрсөлдөх санаатай байна. Тэгнэ гэж байхгүй, санасны гарз. Чи надаас чадварлаг, надаас илүү хэлэмгий, надаас илүү боловсролтой, надаас илүү зартай. Миний ололт амжилтыг булаавал би яах юм бэ? Чи надтай зэрэгцэн ажилламаар байна уу? Тэгнэ гэж санасны чинь гарз!” гэж боддог. Тэд Бурханы гэрийн ашиг сонирхлыг бодож байна уу? Үгүй. Тэд гагцхүү байр сууриа хэвээр хадгалж чадах эсэхээ л бодож байгаа тул тэр хүмүүсийг ашиглаж байснаас Бурханы гэрийн ашиг сонирхлыг хохироохыг илүүд үзнэ. Энэ бол гадуурхал. Түүнээс гадна, тэд ямар ч чадваргүй мулгуу, чадах юмгүй, зараалд явуулахад амар, нөлөөнд автамтгай, ойлголт дулимаг, өөрийн гэсэн бодолгүй, үнэнийг ойлгодоггүй хүмүүсийг хөгжүүлж, ийм л хүмүүсийг боловсруулдаг. “Залхуу хүний өвөг байснаас хүн шиг хүний морийг хөтөлж, дөрөөг нь барьж явсан нь дээр” гэсэн үл итгэгчдийн нэг мэргэн үг бий. Гэтэл антихристүүд яг эсрэгээр, ийм залхуу хүмүүсийн өвөг байхыг хүсдэг. Энэ нь чадваргүй байдлын илрэл бус уу? Жишээ нь, тэд биеэ тоогоогүй, тус нэмэр болох чадвартай хүний талаар дурдлаа. Энэ хүн үнэнийг хэр зэрэг ойлгодог вэ гэж асуувал тэд “Боломжийн сайн ойлгодог, бага зэрэг хэв чанартай” гэж хариулдаг. Үнэн хэрэгтээ тэдний дурдсан энэ хүн өчүүхэн асуудалтай тулгараад нуугддаг, ямар ч итгэлгүй байдаг. Тийм хүмүүсийн дунд үнэнийг ойлгодоггүй, сүнсний асуудлыг ойлгодоггүй, нууцхан байнга гомдоллодог, үргэлж алдаа гаргадаг хүмүүс бий. Тэд баахан мулгуу улс байдаг бөгөөд антихристүүд тэдний өвөг болж, тэднийг хөгжүүлдэг. Антихристүүд Бурханы гэрт “удирдагчид” болохоороо иймэрхүү хүмүүсийг хөгжүүлэх эрсдэлтэй, үүний улмаас Бурханы гэрийн ажил саатдаг бус уу? Тэд багахан зэрэг хэв чанартай, үнэнийг үл ялиг ойлгодог, үнэнийг эрэлхийлж, зарим үнэнийг хэрэгжүүлдэг, Бурханы гэрийн ажлыг хийж чаддаг хүмүүсийг юман чинээ тоодоггүй. Яагаад тэр вэ? Тийм хүмүүс хэзээ ч тэдний боол, дагалдагч болохгүй, хэзээ ч тэдэнд дуулгавартай байхгүй тул тэд мунхаг, номхон, мэдлэггүй, тэнэг, удаан хойрго, өөрийн гэсэн бодолгүй баахан хүнийг хөгжүүлдэг. Тэд ийм л хог шаарнуудыг хөгжүүлдэг. Ингэх нь Бурханы гэрийн ажилд ашигтай юу? Үгүй. Тэд энэ талаар ер нь бодож үздэг үү? Тэд юун тухай бодож байдаг вэ? “Би хамт ажиллаж, таарамжтай байж чадах, чухал хүн гэдгийг минь мэдрүүлж, үнэ цэнийг минь дөвийлгөж чадах ямар ч хамаагүй хүн хайж байна” гэж боддог. Тэдний бүлгийнхэн гэж сүнсний асуудал ойлгодоггүй баахан мулгуу этгээд байдаг. Тэдний хэн нь ч асуудалтай тулгараад үнэнийг эрж хайдаггүй, үнэнийг ойлгодоггүй, аливаа зүйлийг үнэн-зарчмын дагуу зохицуулдаггүй. Гэхдээ антихристүүдэд тэдний нэг зүйл таалагддаг юм: Тийм хүмүүс асуудалтай тулгарахаараа антихристийг олж уулзаад тэдний хэлснээр хийдэг. Антихристүүд хамт ажиллах хүмүүсээ ийм зарчмаар олдог. Тэд ажиллаж, өөрсдөд нь тал засах баахан мулгуу этгээд, хог шааруудыг олдог бөгөөд эцэстээ Бурханы гэрийн зарим ажил саатдаг. Чуулганы ашиг сонирхол хохирч, ажлын эрч саардаг ч энэ хүмүүс үүнийг огт мэдэрдэггүй бөгөөд тэр ч бүү хэл, “Наадах чинь ганц миний хариуцлага биш” гэцгээдэг. Хэрвээ хүн болгон үүнийг өөрсдийн хариуцлага биш гэвэл энэ яг хэний хариуцлага юм бэ? Асуудал гарахад хэн ч хариуцлага хүлээхгүй юм бол энэ олон жил номлол сонсох ямар хэрэг байсан юм бэ? Баримт яг нүднийх нь өмнө байвч тэд үүнийг мөн л таньдаггүй. Энэ ямар төрлийн хүмүүс вэ? Антихристүүдийн сонгодог хүмүүс сайн биш гэдгийг энэ баримт нотолдог; тэд үнэнийг хүлээн зөвшөөрдөггүй. Антихристүүд мулгуу, жигшүүрт этгээдүүд, үнэнийг хүлээн зөвшөөрч, хайрладаггүй танаггүй новшнуудтай зориуд эвсдэг. Тэднийг татан оролцуулж, тал зассаар таарамжтай, ойр дотнын харилцаатай болж, хоорондоо эв найртай байдаг. Энэ юу вэ? Антихристийн бүлэглэл бус уу? “Өвөг дээдэс”, итгэмжит үр сад болох объектыг нь халбал чамайг антихристүүд шүүмжилж, Дээрх шударга бус байна гэцгээж, нөгөөдүүлээ хамгаалахаар нэгдэн нийлдэг. Антихристүүд зүгээр л ёрын муу хүмүүс үү? Зарим антихрист ямар ч онцлох авьяасгүй унхиагүй хүмүүс боловч тэдэнд байдаг нэг зүйл нь байр сууринд гойд дурладаг явдал юм. Тэд авьяас, боловсролгүй болохоороо байр сууринд дурладаггүй гэж бүү бод; энэ буруу бөгөөд антихристийн мөн чанарыг бүрэн ойлгоогүй чинь эндээс харагддаг. Антихрист хүн бүхэн байр сууринд дуртай. Антихристүүд хэнтэй ч хамтран ажиллах чадваргүй байж ямар ч нэмэргүй баахан этгээд, ул долоогчдыг хөгжүүлж яаж чаддаг юм бэ? Тэд тийм хүмүүстэй хамт ажиллахыг хүсдэг үү? Хэрвээ тэд үнэхээр энэ хүмүүстэй хамтран ажиллаж чаддаг байсан бол тийм үг үндэслэлгүй байх байлаа. Тэд хэнтэй ч хамтран ажиллах чадваргүй—“хэнтэй ч” гэдэгт тэдний хөгжүүлдэг хүмүүс бас багтдаг. Тэгвэл тэднийг хөгжүүлснээр юу хийж байгаа хэрэг вэ? Зараалд явуулж, аргалахад амархан, өөрийн гэсэн бодолгүй, хий гэснээр хийдэг, байр сууриа хамгаалахын тулд антихристүүдтэй хамтран ажилладаг бүлгийг хөгжүүлдэг. Туслалцаагүйгээр байр сууриа хамгаалах жаахан хэцүү, арай бэрх тул тэд өөрсдийнх нь нүдэнд “сүнслэг” гэгдэх, дуртайяа бэрхшээл туулж, “Бурханы гэрийн ашиг сонирхлыг” хамгаалах чадвартай иймэрхүү бүлэг хүмүүсийг хөгжүүлдэг. Тэд дор бүрнээ олон өөр даалгавар биелүүлдэг бөгөөд асуудал тулгарах тутам асуулт асууж, зөвлөлдөх гээд антихристийг зорьдог. Хүмүүстэй хамт ажиллах гэж үүнийг хэлдэг гэж боддог. Гэхдээ тийм гэж үү? Тэд тушаал өгч, ажлаа хийлгэж, байр сууриа бэхжүүлэх гэж баахан хүн олдог. Энэ нь хамтран ажиллаж буй явдал бус, хувийнхаа үйл ажиллагааг явуулж буй хэрэг.

Антихристүүдийг илчлэх нь номын “Тэд бусдыг үнэнд эсвэл Бурханд биш, харин өөрсдөдөө дуулгавартай байлгадаг (I)”-аас эш татав

Антихристүүд зоргоороо, дарангуй авирлаж, бусадтай хэзээ ч нөхөрлөхгүй, хүмүүсийг албадаж өөртөө дуулгавартай байлгадаг. Эдгээр нь тодорхой төрлийн зан авир, нэг ижил төрөлхийн чанартай хэд хэдэн зан авир юм. Антихристүүд юу ч хийдэг, ямар ч шийдвэр гаргаж, зохицуулалт хийдэг байлаа гэсэн, тэд хэзээ ч бусадтай нөхөрлөдөггүй, бусадтай хэзээ ч зөвшилцөлд хүрдэггүй, ажил ба хэрэгжүүлэлтэд зориулсан зарчмыг хэзээ ч эрж хайдаггүй гэхэд болно. Түүнчлэн тэд яагаад ийм маягаар үйлддэг талаараа хүмүүсийг гэгээрүүлдэггүй; хүмүүс төөрөгдлийн намагт шигдсэн боловч антихристүүдийн хэлснээр хийх ёстой байдаг. Хэрвээ хүн асуулт асуувал антихристүүд нөхөрлөж, тайлбарлахыг хүсдэггүй, харин ч эдгээр асуудлыг тодорхой нэг байдал дотор бүрэн хяналтдаа байлгадаг—тэр нь ямар байдал вэ? Энэхүү байдалд байгаа хэн ч мэдлэг олж авах эрхгүй; антихристүүд хүссэнээрээ хийдэг бөгөөд өөрсдийнх нь зөв гэж итгэдэг зүйлийг бүрэн хэрэгжүүлэх ёстой, өөр хэн ч асуулт асуух юм уу, мэдэх, тэр ч байтугай тэдэнтэй хамтарч ажиллах эрхгүй. Хүмүүс зөвхөн хэлснээр нь л хийж болно. Энэ талаарх антихристүүдийн үзэл бодол ямар байдаг вэ? “Та нар намайг нэгэнт удирдагчаар сонгосон, тийм болохоор та нар миний удирдлага дор байна, та нар миний хэлснээр хийх ёстой. Хэрвээ та нар хэлснээр минь хийхгүй л юм бол намайг бүү сонго—хэрвээ намайг сонговол миний хэлснээр хийх ёстой! Бид юу хийх талаар би ганцаараа эцсийн шийдвэрийг гаргана”. Тэгэхээр, тэдний үзлээр тэд болон доор нь байгаа дагагчдынх нь хоорондын харилцаа ямар байдаг вэ? Өөрсдөө бол тушаал өгдөг хүмүүс бөгөөд доод хүмүүс нь тэдний зөв, буруугаа задлан шинжилж, эсвэл зэмлэж, ялган таньж, тэдэнд эргэлзэж тээнэгэлзэж, юу ч асууж лавлаж болохгүй—эдгээрийн алийг нь ч болохгүй. Антихрист шинэ төлөвлөгөө, мэдэгдэл, аливааг хийх арга замыг дэвшүүлэх болгонд хүн бүр өөрийг нь дэмжиж алга таших ёстой; ямар ч эргэлзээ байж болохгүй. Ингэх нь албадаж байгаа хэрэг бус уу? Энэ ямар арга барил вэ? Зоргоороо, дарангуй авирлах. Энэ ямар зан чанар вэ? (Хорлонтой байдал.) “Зоргоороо, дарангуй авирлах” гэдэг хэллэгийн өнгөц утгынх нь өнцгөөс бол, “зоргоороо” гэдэг нь өөрсдийнх нь үг хэрэгждэг, “дарангуй” гэдэг нь тэд дангаараа шүүж, шийдвэр гаргасны дараа хүн бүр түүнийг нь хэрэгжүүлэх ёстой, өөр хэн ч өөр бодол, санаатай байж, эсвэл бүр асуулт асууж ч болохгүй гэсэн үг юм. Тэд зоргоороо, дарангуй авирладаг гэдэг нь тэд асуудалтай тулгарахдаа багахан бодож үзээд юу хийхээ шийддэг гэсэн үг юм; тэд ийм шийдвэрийг дангаараа, хэнийг ч тоолгүйгээр аминчлан гаргадаг. Өөр хэн ч, тэдний хамтрагч, эсвэл дээд удирдагч нар нь хүртэл юу хийх ёстой талаар үг хэлэх эрхгүй байдаг. Энэ л “зоргоороо, дарангуй авирлах” гэсэн үг юм. Тэгээд ийм хүмүүс ямар мөнхийн зарчим, арга барилаар үйлддэг вэ? Тэд асуудалтай тулгарахаараа оюун санаандаа тунгаан бодож, толгойдоо эргүүлж тойруулан эргэцүүлдэг—харин тэдний чухам юу бодож байгааг хэн ч мэддэггүй. Яагаад хэн ч мэддэггүй вэ? Яагаад гэвэл, тэд юу ч хэлдэггүй. Зарим хүн өөрсдийгөө ярих дургүй учраас тэр гэж хэлдэг. Тийм гэж үү? Энэ бол зан төлвийн асуудал биш; тэд чамд зориуд хэлэхгүй байгаа учраас юу ч хэлдэггүй. Тэд ганцаараа үйлдэхийг хүсдэг; тэд юу хийх хэрэгтэйгээ өөрсдөө л тооцоолдог. Тэд юу тооцоолж байна вэ? Үүнд тэдний ашиг сонирхол, байр суурь, нэр төр, нэр хүнд хамаардаг; тэд энэ бүхнийг тооцоолдог бөгөөд өөртөө “Би байр сууриа хадгалж, доод хүмүүс намайг нэвт шувт харахгүй болгох, хамгийн чухал нь, Дээрхээс үүнийг нуух арга зам яаж олж болох вэ? Энэ бол амаргүй ажил. Надад асуудал тулгарахад би сайн бодолгүйгээр доороо байгаа ах эгч нартай нөхөрлөх юм бол хүн бүр намайг нэвт харах болно, тэгээд харсныхаа дараа хэн нь ч ам алдаж, Дээрхэд энэ тухай мэдээлж болох ба Дээрх намайг гарцаагүй халж мэднэ, тэгвэл би байр сууриа хадгалж чадахгүй болно. Түүнээс гадна, хэрвээ би бусадтай байнга нөхөрлөвөл миний энэ өчүүхэн авьяас хүн бүхэнд илчлэгдэх бус уу? Тэгэх аваас хүмүүс намайг дорд үзэх бус уу?” гэдэг. Хүмүүс тэднийг үнэхээр нэвт шувт харвал үүнийг та нар муу зүйл гэх үү, сайн зүйл гэх үү? Үнэндээ, үнэнийг эрэлхийлдэг, үнэнч шударга хүмүүсийн хувьд бага зэрэг нэр нүүр, нэр хүндээ алдах, хүмүүст өөрийгөө нэвт шувт харуулах нь юу ч биш; тэд ийм зүйл мэдэрдэггүй, бас энэ талаар нэг их анзаардаггүй юм шиг байдаг; тэд үүнийг гойд чухал гэж үздэггүй. Харин антихристүүдийн хувьд шал эсрэг байдаг: Тэд үнэнийг эрэлхийлдэггүй, өөрсдийн байр суурь, өөрсдийнх талаарх бусад хүний үзэл бодол, хандлагыг аминаасаа илүү чухалд үздэг. Хэрвээ тэдэнд алт амлаад хариуд нь үнэнийг хэлж, бодит нөхцөл байдал, амин хувийн зүйлийн талаар ярих ёстой гэвэл тэд энэ саналыг хүлээж авах уу? Тэдэнд бага хэмжээний л алт санал болговол яриад ашиггүй гэж бодно; тэд наймааг хүлээж авахгүй харин ч дүр эсгэсэн хэвээр, “Бурханд итгэгч бид мөнгөнд дургүй, үнэнд дуртай” гэж хэлнэ. Хэрвээ их хэмжээний алт санал болговол мөнгө луйвардаж олохын тулд өнгөн дээрээ жинхэнэ байх хэдхэн зүйлийг хэлээд дараа нь өчүүхэн ч өөрчлөгдөлгүй ердийнхөөрөө явж магадгүй. “Ирвэс хэдий өтлөвч цоохроороо” гэж үүнийг хэлдэг юм.

Антихристүүдийг илчлэх нь номын “Тэд сэмхэн үйлдэж, зоргоороо, дарангуй авирлаж, хүмүүстэй хэзээ ч нөхөрлөдөггүй, хүмүүсийг албадаж дуулгавартай байлгадаг”-аас эш татав

Антихристүүд тэргүүн тэнгэрэлчтэй адил зан чанартай байдаг. Тэргүүн тэнгэрэлч “Тэнгэр, газар, бүх зүйлийг би бүтээсэн, хүн төрөлхтөн миний хяналтад байдаг” гэж хэлсэн бөгөөд тийм ч учраас хүн төрөлхтнийг хүссэнээрээ эвдэж, завхруулсан. Антихристүүд эрх мэдэлд хүрэнгүүтээ “Та нар бүгд надад итгэж, намайг дагах ёстой. Надад эрх мэдэл байна, би эцсийн шийдийг гаргах учраас ямар нэг зүйл гарч ирвэл над дээр ир, надад чуулганыг мөнгийг авчир” гэж хэлдэг. Бусад хүн: “Бид яагаад чамд үүнийг өгөх ёстой гэж?” хэмээн хэлэхэд нь “Яагаад гэвэл би удирдагч—эдгээр асуудлыг зохицуулах эрх мэдэл надад байна, юм болгоныг би шийдэж зохицуулна!” гэдэг. Тэгээд тэд юм болгоныг зохицуулдаг. Ах эгч нарт идэж уух Бурханы үг байхгүй байх, номлол, ном байхгүй байх нь хамаагүй. Харин тэд хэн мөнгө барьж байгаа, хэр их мөнгө байгаа, тэр мөнгийг хэрхэн зарцуулахад санаа тавьдаг. Хэрвээ чуулганы санхүүгийн байдлыг Дээрх асуувал тэд чуулганы мөнгийг хүлээлгэж өгөхгүйгээр үл барам бас үнэнийг Дээрхэд мэдэгдэхгүй. Тэд яагаад үнэнийг Дээрхээс нууна гэж? Тэд шамшигдуулж, ноёрхохыг хүсдэг—энэ шалтгаан мөн үү? Антихристүүд материаллаг эд зүйл, мөнгө, байр суурийг туйлын ихээр сонирхдог бөгөөд “Би одоо Бурханд итгэдэг, хорвоогийн юмсыг эрэлхийлэхээ больж, мөнгөний хойноос шунахаа больсон” гэж хэлэхдээ огтхон ч тийм харагддаггүй. Тэд харагддаг шигээ энгийн байдаггүй нь гарцаагүй. Тэд яагаад байр суурийг эрэлхийлж, түүнийгээ хадгалахын тулд чадах бүхнээ хийдэг вэ? Яагаад гэвэл, тэд байр суурийн авчирдаг бүхнийг өөртөө авах юм уу хяналтдаа байлгаж, ноёрхохыг хүсдэг. Тэд бол тэргүүн тэнгэрэлчийн жинхэнэ үр сад бөгөөд тэргүүн тэнгэрэлчийн уг чанар, мөн чанарын хувьд нэрээ хөсөрдүүлдэггүй. Байр суурийг эрэлхийлж, эд хөрөнгө, мөнгөнд анхаардаг хэн ч байсан, зан чанарын асуудалтай. Энэ нь зүгээр нэг антихристийн зан чанартай байх явдал биш, тэгвэл энэ нь юу юм бэ? Юуны түрүүнд, даалгавар хариуцаж авах боломжийг тэдэнд олговол тэд хөндлөнгөөс оролцохыг бусдад зөвшөөрөхгүй; түүнчлэн, аливаа даалгаврын зааварлагч болмогцоо гайхуулах, өөрийгөө өмөөрөх, өөрийгөө өргөх, өөрийгөө олноос онцгой болгож, хамгийн өндөрт гарч, байр сууриа хадгалж үлдэх, байр суурийн төлөө тэмцэх арга замыг эрж хайх болно; цаашлаад эд хөрөнгийн бараанаар харц нь шуналын харц болон хувирч, тархиа байнга шаргуу ажиллуулж, мөнгө бодож, мөнгөний төлөө хүчин зүтгэл гаргадаг. Эдгээр нь бүгд антихристийн шинж юм. Үнэнийг ярилцах талаар юу ч хэлсэн, ах эгч нарын байдлыг, тэдний хэд нь сул дорой, сөрөг байгаа, хүн болгон үүргээ хэр зэрэг сайн гүйцэтгэж байгааг асуух тэдэнд сонин биш; харин мөнгөний тухайд бол, хэн хандивлаж чадах, мөнгөний хэмжээ, хаана хадгалдаг гээд ийм зүйлд л тэд хамгийн их санаа тавьдаг. Энэ бол антихристийн шинж, тэмдэг билээ.

Антихристүүдийг илчлэх нь номын “Тэд бусдыг үнэнд эсвэл Бурханд биш, харин өөрсдөдөө дуулгавартай байлгадаг (II)”-аас эш татав

Антихристүүдийн ёрын муу нь нэг үндсэн онцлог шинжтэй байдаг—үүнийг хэрхэн ялган таних нууцыг Би та нартай хуваалцъя. Нууц нь гэвэл,—нэгдүгээрт, тэдний үг нь ч, үйлдэл нь ч ойлгохын аргагүй байдаг; чи тэднийг ойлгож чаддаггүй. Чамтай ярьж байхдаа үргэлж ийш тийш гөлөлздөг бөгөөд ямар явуулга сэдээд байгааг нь чи тааж чаддаггүй. Маш “чин сэтгэлээсээ”, “үнэнч шударга” харагдахад нь хүртэл чи тэднийг таньж чаддаггүй. Зүрх сэтгэлд чинь онцгой мэдрэмж төрж, тэдний бодол санаанд тун учир битүүлэг байдал, ойлгогдошгүй гүн байгааг чи мэдэрдэг. Тэд нууцгай, хачин санагддаг. Энэ нь эхний онцлог шинж бөгөөд энэ нь дангаараа ёрын муугийн онцлог шинж юм. Антихристүүдийн ёрын муугийн хоёр дахь онцлог шинж нь гэвэл, тэд маш төөрөгдүүлсэн байдлаар ярьж, авирладаг. Энэхүү төөрөгдүүлсэн байдлыг хаанаас харж болох вэ? Тэд бусдын сэтгэл зүйг ойлгохдоо онцгой чадварлаг, үг нь чихэнд чимэгтэй, зөв сонсогддог гэдэг баримтаас үүнийг харж болно; тэд гүн гүнзгий онолыг нарийвчлан тайлбарлаж, зөв зүйлийг, сэтгэл хөдлөл, мөс чанар, эрүүл ухаан, үзэл суртлын үүднээс харвал бусад хүн хүлээн зөвшөөрмөөр зүйлийг хэлдэг. Гэхдээ чи ялган таних хэрэгтэй нэг зүйл бий: Тэд тэр бүх чихэнд чимэгтэй зүйлсээ өөрсдөө бол хэзээ ч биелүүлдэггүй. Жишээ нь, тэд чамд хэрхэн үнэнч шударга хүн байх, асуудалтай тулгарахаараа хэрхэн залбирах, амьдралаа хэрхэн Бурханы мэдэлд өгөх тухай ярилаа гэж бодъё—тэд асуудалтай тулгарахаараа юу хийдгийг нь л харчих. Тэд өөрийн санаа, бодолд түшиглэж, өөрийн чадварт найдаж, тархиа гашилгаж, энэ тэрийг хийдэг. Өөрийнхөө төлөө бусад хүнээр үйлчлэл хийлгүүлж, өөрийн асуудлыг зохицуулахын тулд тэд чадах бүхнээ хийдэг. Тэдний хийдэггүй зүйл нь юу гэвэл, Бурханд залбирах. Мөн хүмүүс Бурханы зохион байгуулалт, зохицуулалтыг хэрхэн хүлээн авч, захирагдах хэрэгтэй талаар өнгөн дээрээ дэмждэг боловч тэд асуудалтай тулгарахаараа хамгийн түрүүнд хийдэг зүйл нь гарах гарц хайх байдаг. Тэд Бурханы зохион байгуулалт, зохицуулалтыг хүлээн авдаггүй—тэд үйлдэл дээрээ захирагддаггүй, харин өөрөө гарах гарц олох гэж л оролдохыг нь хүмүүс хардаг. Энэ бол антихристийн ёрын муу тал нь агаад төөрөгдүүлдэг талынх нь цаана байдаг. Заримдаа тэд ажилдаа шөнө болтол хөдөлмөрлөж, бүр идэж, унтахыг ч тэвчдэг боловч Бурханы гэрийн хийсэн зохицуулалттай нүүр тулахаараа түүнийг нь гүйцэтгэж, хэрэгжүүлдэггүй, үнэнийг хүлээн авдаггүй. Тэдний харуулдаг өөр нэг зан авир бол ах эгч нар санал бодлоо илэрхийлэхэд тэд санаа нийлдэггүй, тойруулж ярьсаар, маш тойруу байдлаар татгалздаг. Энэ нь тэд нар санааг чинь маш нухацтай хүлээж авч байгаа юм шиг санагдуулдаг; тэд нөхөрлөл хуваалцаж, хүн бүртэй хэлэлцдэг боловч бүгдийг хэлж, хийсний дараа чи тэдний хэлснээр л хийх ёстой хэвээр байдаг. Тэд бусад хүний санааг няцааж, бусдыг дагалдуулж, хэлснээрээ хийлгэхийн тулд бүхнийг хийдэг. Энэ нь үнэн-зарчмыг эрж хайж байгаа хэрэг үү? Тэдний хэрэгжүүлж буй зарчим нь юу вэ? Энэ бол хүн бүрийг өөрийг нь сонсож, өөрт нь дуулгавартай байлгахын тулд бусад хүнийг сонсох нь өөрийг нь сонсож байгаа шиг сайхан байж хэзээ ч чадахгүй, өөрийнх нь санаа л хамгийн шилдэг нь, хамгийн дээгүүр, тэд өөрөө үнэн, өөрийнхөө хэлдэг зүйлийг туйлын зөв болгох явдал юм. Энэ нь ёрын муу бус уу? Антихристийн ёрын муугийн гурав дахь онцлог шинж гэвэл, тэд өөрийн гавьяа, төлсөн төлөөс, хүн бүрд харагдахуйцаар өнгөн дээрээ сайн хийсэн зарим зүйл, эсвэл бусад хүний хамт өөрөө ч ашиг тус хүртэх зарим зүйлийг гэрчлэх зэргээр өөртөө гэрчлэл хийх болгондоо, энэ бүх зүйлийг хэлж дуусах болгондоо “Бурханд талархъя; Тэр л энэ бүхнийг хийсэн” гэх мэт нэн сүнслэг зүйл хэлж төгсгөн өөрийгөө маш чадварлаг хэр нь Бурханд гэрчлэл хийж чаддаг гэж чамд харагддаг, гэтэл үнэн хэрэгтээ тэд өөрөө л гэрчлэл хийж, Бурханыг дагавар болгож байна. Тэд Бурханд огтхон ч гэрчлэл хийгээгүй, харин ч үүнийг дан өөртөө гэрчлэл хийх боломж болгон ашиглаж байна. Энэ нь антихристийн хувьд зальжин арга заль бус уу? Энэ нь ёрын муу бус уу? Энэхүү гурван зүйлийг үндэс болговол антихристийг амархан ялган таньж болно.

Антихристийн өөр нэг үндсэн онцлог шинж байдаг нь ёрын муу зан чанар ба мөн чанарыг нь голлон илэрхийлдэг бас нэг зүйл болдог. Тэд номлол, нөхөрлөл сонсож байхдаа ч, эсвэл цуглаанд оролцож байхдаа ч бусад ах эгч нар өөрийнхөө талаарх мэдлэг, шүүлт, гэсгээлт, харьцалт, засалт туулахыг хүлээн зөвшөөрөх тухай, үүргээ зөв гүйцэтгэх, бүтээгдсэн зүйлд таарсан байранд зогсох талаар, ерөөл хүсэн хүлээдгээ болих талаар хэрхэн нөхөрлөхөөс үл хамааран антихристүүд үүнд ямар хандлагатай байдаг вэ? Бусад хүн яаж ч нөхөрлөж, хэчнээн ч хүн нөхөрлөлөө хуваалцдаг байсан, антихристүүд байр суурь, ерөөл эрэлхийлэх сэдлээ хэзээ ч өөрчилдөггүй. Тийм ч учраас, тодорхой хугацаанд ажиллах болгондоо хийсэн зүйлээ, Бурханы гэрт ямар хувь нэмэр оруулснаа, ах эгч нарт ямар асуудлыг нь зохицуулж өгснөө бүртгэдэг. Тэд үргэлж нууцаар тооцоо хийж, зүрх сэтгэлдээ аливааг бүртгэж, Бурхантай наймаацаж байдаг. Тэд яагаад ийм зүйл дээр наймаацах болдог вэ? Яагаад гэвэл, зүрх сэтгэлийнхээ гүнд тэдний эрэлхийлэл, итгэлийн зорилго нь эхнээсээ л хэзээд ерөөлийн хойноос хөөцөлдөх явдал байсан. Тэд хэчнээн олон жил номлол сонссон, эсвэл Бурханы үгийг хэчнээн их идэж уусан ч байсан, ерөөл хүртэх хүсэл, сэдлээ хэзээ ч орхихгүй. Хэрвээ чи тэднээс үүргээ сайн ухамсарласан бүтээгдсэн зүйл байж, Бурханы захиралт, зохицуулалтыг хүлээн ав гэж гуйвал тэд “Тэр бол зөв зам биш, энэ бол миний эрэлхийлэх ёстой зүйл биш. Миний хайж байгаа зүйл бол: би тулаанд тулалдаж, шаардлагатай хүчин чармайлт гаргаж, шаардлагатай зовлон бэрхшээл туулчихсан байхад, бүхнийг Бурханы стандартын дагуу хийчихсэн үед Бурхан надад ямар шагнал өгөх бол? Үлдээх хүмүүсийн нэг нь би байх болов уу? Бурханы хаанчлалд би ямар байр суурьтай байх бол? Миний эцсийн хүрэх газар ямар байх бол?” гэж хэлдэг. Чи яаж ч нөхөрлөсөн байсан, тэдний тээдэг энэхүү сэдэл, тэмүүллийг хэзээ ч алга болгож чадахгүй. Тэд бол Паултай ижил төрлийнхөн. Ийм ёрын муу дотроо зарим нэг төрлийн догшин зан чанар өвөрлөдөг бус уу?

Антихристүүдийг илчлэх нь номын “Тэд ёрын муу, хар санаатай, ов мэхтэй (II)”-ээс эш татав

Харьцалт, засалтад хандах антихристүүдийн анхдагч хандлага нь хүлээн авч, хүлээн зөвшөөрөхийг эрс эсэргүүцэх байдаг; тэд ах эгч нарт, Бурханы гэрт хэчнээн их хор хөнөөл учруулсан ч гэсэн, өчүүхэн ч харуусал төрдөггүй, ямар нэг өртэй юм шиг санагддаггүй. Энэ өнцгөөс нь харвал антихристүүдэд хүн чанар байна уу? (Үгүй.) Тэд ах эгч нарын аминд, Бурханы гэрийн ашиг сонирхлын бүхий л талд маш их хор хөнөөл учруулсан гэдгийг хэн ч харж чадах бөгөөд үүнийг харж байгаа хүн болгон тийм гэдгийг нь хэлнэ—гэвч антихристүүд энэхүү бодит үнэнийг хүлээн авч, хүлээн зөвшөөрдөггүй, итгэл үнэмшилдээ гөжүүдлэн зогсож, энэ асуудал дээр алдаа гаргасан бөгөөд хариуцлага хүлээнэ гэдгээ хүлээн зөвшөөрдөггүй. Тэд үнэнийг жигшдэгийн илрэл энэ бус уу? Антихристүүдийн үнэнийг жигшдэг байдал ийм, эдгээр асуудалд ханддаг байдал нь ийм билээ. Ингэх нь Бурханы гэр, чуулган, ах эгч нарын ашиг сонирхлыг нухацтай авч үзэхгүй байгаа хэрэг бус уу? Хэрвээ тэд ах эгч нар болон Бурханы гэрийн ашиг сонирхлыг хохироосон гэдгээ хүлээн зөвшөөрвөл хариуцлага хүлээх ёстойн зэрэгцээ байр суурь, нэр хүндэд нь ноцтой асуудал гарах байсан—тиймээс ч тэд үүнийг хүлээн зөвшөөрөхийг тууштай эсэргүүцдэг; үүнийг огт хүлээн зөвшөөрч чадахгүй, зүрх сэтгэлдээ хүлээн зөвшөөрсөн ч гэсэн гаднаа хүлээн зөвшөөрөхгүй. Тэдний үгүйсгэж байгаа нь санаатай ч бай, үгүй ч бай, товчхондоо, нэг талаар ийм зүйлс нь антихристүүдийн үнэнийг жигшиж, үнэнд дайсагнадаг мөн чанарыг тодорхой илтгэдэг; нөгөө талаар антихристүүд Бурханы гэр болон чуулганы ашиг сонирхолд хандах хариуцлагыг басамжилсан, үгүйсгэсэн хандлагатай байдаг мөртөө өөрсдийн ашиг сонирхлыг хэр их нандигнадгийг тэдгээр нь харуулдаг. Тэдэнд хүн чанар байдаггүй. Антихристүүд хариуцлагаас зайлсхийж байгаа нь эдгээр асуудлыг харуулдаг уу? (Тийм ээ.) Нэг талаар, хариуцлагаас зайлсхийж байгаа нь үнэнд дайсагнадаг хандлагыг нь илэрхийлдэг; нөгөө талаар, хүн чанаргүй гэдгийг нь харуулдаг. Өөрсдөөс нь болж бусад хүний ашиг сонирхол хэчнээн ч хохирсон байсан, үүнээс болж өөрсдийгөө буруушаах сэтгэл огт төрөхгүй, хэзээ ч сэтгэл зовохгүй. Энэ ямар гээч амьтан бэ? Тэд “Энэ үнэхээр надад хамаатай, гэхдээ бүгд миний буруу биш” гэж хэлээд бага зэрэг буулт хийсэн ч гэсэн, үүнийг нь бага зэрэг хүн чанар, бага зэрэг мөс чанар, ёс суртахууны суурьтай байна гэж үзэж болно—гэхдээ антихристүүдэд тийм багахан хэмжээний хүн чанар ч байдаггүй. Тэгэхээр та нар тэднийг юу гэж хэлэх вэ? (Диавол.) Ийм хүмүүсийн мөн чанар нь диавол байдаг. Тэд Бурханы гэрийн ашиг сонирхолд учруулсан үлэмж их хор хөнөөлөө олж хардаггүй, зүрх сэтгэл нь өчүүхэн ч зовдоггүй, өөрсдийгөө ч зэмлэдэггүй, тэр ч байтугай өртэй санагддаггүй. Тэд хүн мөн гэж үү? Энэ бол хэвийн хүмүүсээс харагдах ёстой зүйл огт биш. Энэ бол диавол. Тэднээс хийсэн зүйлдээ хариуцлага хүлээхийг гуйхгүйгээр, харин алдаагаа хүлээн зөвшөөрөхийг л гуйсан ч гэсэн, тэд тэгж чаддаггүй, хүлээн зөвшөөрч чаддаггүй. Тэд “Хэрвээ би үүнийг хүлээн зөвшөөрвөл миний буруу байсан гэж хэлэхтэй ижил бус уу? Би буруу юм хийдэг хүн байж болох уу? Үргэлж миний зөв байдаг, би бол агуу; алдаагаа хүлээн зөвшөөр гэж надаас гуйх нь ёс жудгийг минь дорд үзэж байгаа хэрэг бус уу? Би хэзээ ч буруу зүйл хийхгүй. Энэ асуудал надтай хамаатай байж магадгүй байсан ч гэсэн, би ингээгүй, бас үүнд гол хариуцлагыг ч хүлээхгүй; хүссэн хүнээ чи явж хай, гэхдээ над дээр битгий ир. Ямар ч байсан би үүнд хариуцлага хүлээж чадахгүй, би энэ алдааг хүлээн зөвшөөрч чадахгүй” гэж боддог. Тэднээс үгээрээ л алдаагаа хүлээн зөвшөөрөөч гэж гуйвал тэд тэгж чадахгүй; тэднээс үхэхийг шаардаж байгаа юм шиг л байна—хэрэв тэд алдаагаа хүлээн зөвшөөрвөл яллагдаж, там руу явж, гал, хүхэрт нуурт живэх юм шиг л байдаг. Дүгнэж хэлбэл, бусад хүн юу ч ярьж, нөхөрлөдөг байсан, антихристүүд биеэ хүчлэн дуугүй байж, гаднаа маргалдахгүй байсан ч гэсэн, зүрх сэтгэлийнхээ гүнд өрсөлдөж, санал зөрж, эсэргүүцэж байдаг. Тэд ямар хэмжээнд эсэргүүцдэг вэ? Арван жилийн өмнө буруу зүйл хийсэн учраас харьцалт туулсан зарим антихрист байдаг; арван жилийн дараа энэ талаар сөхсөн ч өөрийнх нь алдаа байсныг хүлээн зөвшөөрөх юм уу хариуцлагаа хүлээдэггүй; хорин жилийн дараа энэ талаар дахин сөхсөн ч тэд өөрийгөө өмөөрөх гэж оролддог; гучин жилийн дараа энэ талаар дахин нэгэнтээ сөхсөн ч эргэж буцахгүй хэвээр байдаг: Тэр өөрийгөө зөвтгөж, хамгаалж, өмгөөлөхийг оролдсоор байдаг. Гучин жилийн дараа ч гэсэн тэд Бурханы өмнө очиж энэ асуудлын талаар залбирдаггүй, энэхүү бодит үнэнийг хүлээн авч, алдаагаа хүлээн зөвшөөрдөггүй; энэ асуудал дээр хэрэгжүүлэх ёстой үнэн, дагах ёстой зарчмыг эрж хайдаггүй; зүрх сэтгэл нь эгдүүцлээр дүүрэн хэвээр байдаг: Ах эгч нар өөрсдийг нь хэлмэгдүүлсэн юм шиг, Бурхан өөрсдийг ойлгодоггүй юм шиг тэдэнд санагддаг; Бурханы гэр өөрийг өрөвдөх ёстой, өөрийг нь хэцүү байдалд оруулсан, санаатайгаар өөрийг нь асуудалд оруулж, золигт гаргах хүн болгосон гэж тэд боддог. Ийм хүмүүс өөрчлөгдөж чадах уу? Тэдний зүрх сэтгэл дайсагнал, эсэргүүцэл, эерэг зүйлсийг жигших сэтгэлээр дүүрэн байдаг; бусад хүн үүнийх нь төлөө өөртэй нь харьцаж, засаж байгаа нь ёс жудгийг нь доромжилж байгаа хэрэг, энэ нь нэр хүндийг нь шившиглэж, байр сууринд нь дээд зэргээр сэв суулгадаг гэж тэд итгэдэг; энэ асуудал дээр тэд хэзээ ч Бурханы өмнө очиж залбирч, эрж хайж, эсвэл алдаагаа таньдаггүй, тэдэнд гэмших, алдаагаа хүлээн зөвшөөрөх хандлага ч байдаггүй, Бурханы өмнө очиж энэхүү бодит баримтыг хүлээн зөвшөөрдөггүй—тэд Бурханы өмнө очиж энэ асуудлын талаар залбирсан бол хүслийнхээ эсрэг, гомдолтойгоор залбирах байсан бөгөөд үүнийгээ тэд Бурханд илэрхийлж, ингэснээр Тэр тэднийг цагаатгана. Бурхан юу болсон талаар тодруулж, хэнийх нь зөв, хэнийх нь буруу байсныг шүүгээсэй гэж тэд хүсдэг. Түүгээр ч барахгүй, энэ асуудлын улмаас тэд бүр Бурханы зөвт байдалд ч эргэлзэж, эсвэл үгүйсгэдэг; Бурханы гэрт, чуулганд үнэн болон Бурхан хамгийн дээр ноёрхож байдаг бодит баримтад эргэлзэж, үгүйсгэдэг. Антихристүүдтэй харьцаж, засах үед эцсийн үр дүн нь ийм байдаг; тэд зүгээр л үнэнийг хүлээн авдаггүй.

Антихристүүдийг илчлэх нь номын “Тэд өөрсдөө ялгарч… тулд л үүргээ биелүүлдэг… (III)”-аас эш татав

Нөхцөл байдал нь ямар байхаас үл хамааран антихристүүдэд Бурханы махбод болсон бие болох энэ жирийн нэг хүн илүүц, мөн Бурханыг мэдэж авахад нь садаа болдог мэт санагддаг. Тэд дотроо “Хүмүүс Христтэй уулзмагц Түүнтэй харьцуулахад бид үнэхээр шалихгүй, маш завхарсан харагддаг. Христтэй уулзаагүй байгаа цагт бид маш ариун байдаг, харин Христтэй уулзсан дариуд тун учир дутагдалтай гэдгээ мэдэрдэг. Христтэй уулзахаас өмнө бид овоо олон зүйлийг ойлгодог, биеийн хэмжээ маань том байдаг. Энэ Христ ерөөсөө дэндүү төвөгтэй юм” гэж боддог. Тиймээс тэд чөлөөт цагаараа Үг нь махбодоор илэрсэн номыг аль болох их унших нь хамгийн зөв гэж итгэдэг. Ямар арга барил ашигладаг, ямар нөхцөл байдалд байгаагаас үл хамааран, антихристүүдийн гол илрэл бол тэд Бурхан бие махбодтой болсон баримтыг болон Христийн амнаас гардаг үг бол үнэн гэдэг баримтыг үгүйсгэхээр хичээдэг явдал юм. Энэ нь яг л бие махбодтой болсон Бурханы мөн чанарыг болон Христийн амнаас гарах үг бол авралын найдвар өгдөг үнэн хэмээх баримтыг үгүйсгэхтэй адил билээ. Төрөлх уг чанараараа антихристүүд болон Бурханы махбод болсон бие нь гал ус хоёр шиг туйлын харш бөгөөд хэзээ ч зохицон нийцэж чадахгүй. Эдгээр антихрист “Христ оршсоор байгаа цагт миний өдөр ирэх найдвар үгүй бөгөөд би яллагдаж, таягдан хаягдах, устгагдаж, шийтгэгдэх аюулд орших болно. Харин Христ айлдвар айлдахгүй, ажлаа хийхгүй байж, хүмүүс Түүнийг бишрэхгүй, бүр мартаад бодлынхоо мухарт хийхдээ тулах л юм бол надад боломж гарна” гэж итгэдэг. Антихристүүдийн уг чанар, мөн чанар нь Христийг өөрийн эрхгүй үзэн ядаж, зэвүүцдэг; тэд авьяас чадварынхаа хэмжээ, ур чадварынхаа түвшнээр Христтэй өөрсдийгөө жишиж, хэнийх нь үг илүү хүчирхэг, хэн нь илүү чадварлаг вэ гэдгээ харахаар Христтэй өрсөлддөг. Христтэй ижил зүйл хийж байхдаа тэд, Христ хэдийгээр хүнтэй адил боловч жирийн хүний ур чадвар, эрдэм мэдлэг ч Түүнд байдаггүй гэдгийг хүмүүст харуулахыг хичээдэг. Антихристүүд бүх талаар Христийн эсрэг тэмцэлдэж, Түүнтэй өрсөлддөг. Христ бол Бурхан, Бурханы Сүнсний биелэл, үнэний махбод болсон бие гэдэг бодит баримтыг тэд бүхий л талаар үгүйсгэхийг оролддог. Тэд Христийг ах эгч нарын дунд эрх мэдэлтэй болохыг зогсоож, үг нь тэдний дунд үр жимсээ өгөхөөс сэргийлж, цаашлаад хүмүүсийн дунд Христийн хийдэг зүйл, хэлдэг үг, хүмүүст тавьдаг шаардлага, тэднээс хүлээдэг хүлээлт биеллээ олоход саад хийх арга зам олохын тулд бүх талаар тархиа гашилгадаг. Христийг байгаа цагт эдгээр антихрист яг л хөсөр хаягдан, чуулган доторх яллагдаж, хаягдаж, харанхуй буланд орхигдсон хүмүүсийн бүрэлдэхүүнд орох гэж байгаа мэт байдаг. Янз бүрийн илрэлээс нь харахад антихристүүд мөн чанартаа Христэд туйлын их дайсагнадаг тул тэд эвлэршгүй юм. Антихристүүд өөрсдийгөө Христээс салгаж, Түүнийг сөрөн зогсох, Христийг ялж, цохин унагах, Христийн хийсэн ажлыг үгүй хийж, хамгаалалтгүй болгож, Бурханы сонгосон хүмүүсийн дунд үр дүнгээ өгөх боломжгүй болгох хүсэлтэй төрдөг; Христ ямар ч ажил хийж, хаана ч ажиллаж байсан хамаагүй, тэд үүнийг нь ямар ч үр дүнгүйгээр, бүрмөсөн сүйдэхийг нь харахыг хүсдэг. Харин аль нь ч тэдний хүссэнээр болохгүй үед зүрх сэтгэл нь харанхуйлж, гутардаг; энэ нь хар бараан өдрүүд бөгөөд тэдний өдөр хэзээ ч ирэхгүй юм шиг санагддаг. Тэдэнд хөсөр хаягдсан мэт санагддаг. Антихристүүдийн эдгээр илрэлээс харахад Бурханыг эсэргүүцэж, дайсагнадаг мөн чанар нь ямар нэг олдмол зүйл мөн үү? (Үгүй.) Энэ тохиолдолд, энэ нь төрөлхийн юм. Тиймээс антихрист хүмүүсийн хувьд үнэнийг хүлээн авч, Христийг хүлцэнэ гэдэг боломжгүй. Гаднаас нь харахад, тэд юм хэлж, хийж харагддаггүй бөгөөд бас амьдралд ойр байдлаар жаахан хувь нэмрээ оруулж, төлөөс төлөх чадвартай мэт байдаг. Гэхдээ боломж олдмогц, цаг нь ирмэгц л антихристүүд Христтэй үндсэндээ нийцэхгүй гэдгийг харуулах дүр зургууд гарч ирж эхлэх бөгөөд Бурханы эсрэг дайсагнадаг, Бурхантай түнжин муутай гэдэг нь илэрхий харагдана. Антихристүүд оршин байгаа газруудад энэ бүх зүйл өмнө нь тохиолдож байсан бөгөөд Бурханы эцсийн өдрүүдийн ажлын эдгээр жилд тун олон тохиолдох болж, олон хүн үүнийг биеэрээ туулсан юм.

Антихристүүдийг илчлэх нь номын “Тэд үнэнийг үл тоож, зарчмуудыг илт зөрчиж, Бурханы гэрийн зохицуулалтыг үл ойшоодог (IV)”-оос эш татав

Антихристүүд Бурханы цор ганц байдлыг үгүйсгэдэг нь үндсэндээ тэд ч бас Бурхан болохыг хүсдэгээс үүддэг. “Миний хувьд амьдрах нь Христ, миний хувьд амьдрах нь Бурхан, Бурханы амьтай байхад би бол Бурхан” хэмээх Паулын үгэнд тэд гойд дуртай. Хэрвээ энэ үзэл бодол үнэн бол тэдэнд Бурхан болох, хаан болж хаанчлах, хүмүүсийг хянах найдвар бий гэж тэд үздэг; хэрвээ тийм биш бол хаан болон хаанчилж, Бурхан болох гэсэн тэдний найдвар нурна. Товчхондоо, Сатан үргэлж Бурхантай нэг зиндаанд байхыг хүсдэг—антихристүүд ч мөн адил: Тэд ч бас ийм мөн чанартай. Жишээлбэл, Бурханыг дагадаг хүмүүсийн дунд байнга Бурханыг өргөмжилж, гэрчилж, Түүний ажлыг болон Түүний үгийн шүүлт, гэсгээлтийн хүнд үзүүлэх үр нөлөөг гэрчилдэг хүмүүс байдаг. Тэд хүнийг аврахын тулд Бурханы хийдэг бүх ажлыг магтдаг, мөн Бурханы төлсөн төлөөсийг магтдаг. Антихристүүд ч бас энэ бүхнийг эдлэхийг хүсдэг, тийм биз дээ? Тэд хүмүүсийн дэмжлэг, зусардалт, өргөмжлөл, бүр магтаалыг ч хүртэхийг хүсдэг. Тэд өөр ямар ичгүүртэй санаа бодож олдог вэ? Хүмүүс өөрсдөд нь итгэж, бүх зүйл дээр өөрсдөд нь найдаасай гэж хүсдэг; хүмүүс Бурханд ч бас найдах нь зүгээр—гэхдээ Бурханд найдахын зэрэгцээ, антихристүүдэд найдах нь бүр ч бодит, бүр ч жинхэнэ байх юм бол антихристүүд жигтэйхэн их баярлана. Хэрвээ чи Бурханыг магтаж, Бурханы чамд өгсөн нигүүлслийг тоолохын зэрэгцээ антихристүүдийн гавьяа зүтгэлийг бүгдийг нь нэгтгэн тоолж, тэднийг ах эгч нарынхаа дунд магтан дуулж, тэдний хийдэг бүхнийг хаа сайгүй зарлах юм бол тэд дотроо онц их баярлаж, сэтгэл хангалуун байх болно. Тиймээс антихристийн уг чанар болон мөн чанарын үзэл бодлын үүднээс ярих юм бол, Бурхан эрх мэдэлтэй, Бурхан зөвт, Тэрээр хүмүүсийг аварч чадна гэж хэлэхэд чинь, мөн Бурхан л ийм мөн чанартай, Бурхан л ийм ажил хийж чадна, эдгээр зүйлийг хийхэд хэн ч Түүний оронд зогсож чадахгүй, эсвэл хэн ч Түүнийг төлөөлж чадахгүй, өөр хэн ч ийм мөн чанартай байж, эдгээр зүйлийг хийж чадахгүй гэж хэлэхэд чинь антихристүүд эдгээр үгийг зүрх сэтгэлдээ хүлээн авдаггүй бөгөөд эдгээрийг хүлээн зөвшөөрөхөөс татгалздаг. Тэд яагаад үүнийг хүлээн зөвшөөрдөггүй вэ? Учир нь тэдэнд амбиц бий—тэр нь асуудлын нэг тал юм. Нөгөө талаар, Бурханы махбод болсон бие бол Бурхан мөн гэдэгт тэд итгэдэггүй, хүлээн зөвшөөрдөг ч үгүй. Бурхан цор ганц, зөвхөн Бурхан л зөвт гэж хэн нэгнийг хэлэх бүрд тэд зүрх сэтгэлдээ дургүйцэж, “Буруу—би ч гэсэн зөв шударга!” гэж дотроо эсэргүүцдэг. Бурхан л ариун гэж хэлэхэд чинь тэд: “Буруу—би ч гэсэн ариун!” гэж хэлнэ. Паул бол үүний жишээ юм: Хүмүүс Эзэн Есүс Христийн үгийг түгээж, Эзэн Есүс Христ эрхэм нандин цусаа хүн төрөлхтний төлөө өгч, нүглийн тахил болж, бүх хүн төрөлхтнийг аварч, бүх хүн төрөлхтнийг нүглээс золин аварсан гэж хэлэхийг сонсоод Паулд ямар санагдсан бэ? Энэ бүхэн нь Бурханы ажил гэдгийг тэр хүлээн зөвшөөрсөн үү? Энэ бүхнийг хийж чадсан Нэгэн бол Христ бөгөөд зөвхөн Христ л энэ бүхнийг хийж чадах боломжтой гэдгийг хүлээн зөвшөөрсөн үү? Энэ бүхнийг хийж чадсан Нэгэн л Бурханыг төлөөлж чадна гэдгийг тэр хүлээн зөвшөөрсөн үү? Тэгээгүй. “Хэрвээ Есүс цовдлогдож чадсан бол хүмүүс ч бас цовдлогдож чадна! Хэрвээ Тэр эрхэм нандин цусаа өгч чадсан юм бол хүмүүс ч бас чадна! Үүнээс гадна, би ч бас замыг номлож чадна, би Түүнээс илүү мэдлэгтэй, бас зовлон тэсвэрлэж чадна! Хэрвээ чи Түүнийг Христ мөн гэж хэлж байгаа юм бол намайг ч гэсэн Христ гэх ёстой биш үү? Хэрвээ чи Түүний ариун нэрийг шагшин магтаж байгаа бол би ч гэсэн үүнийг хүртэх ёстой биш үү? Хэрвээ Түүнийг Христ гэж нэрлэхэд зохистой юм бол, хэрвээ Тэр Бурханыг төлөөлж чаддаг юм бол, хэрвээ Тэр Бурханы Хүү юм бол бид ч бас тийм биш гэж үү? Зовж, төлөөс төлөх чадвартай, Бурханы төлөө хөдөлмөрлөж, ажиллах чадвартай бид ч бас Христ болж чадах бус уу? Бид ч бас Бурханаар магтуулж, Христ гэж нэрлэгдэж чадах бус уу? Энэ нь Христээс ямар ялгаатай юм бэ?” гэж тэр хэлсэн. Товчхондоо, тэд Бурханы цор ганц байдлыг ухаарч чадаагүй бөгөөд эцсийн дүндээ Бурханы цор ганц байдал гэж юу болохыг ойлгоогүй. Христ байх буюу Бурхан байх нь хүн энэ дэлхий дээр хөлс хүч, хөдөлмөрөөрөө байр эзэлдэг шиг л хүний авьяас, чадварын хүчээр олж авдаг зүйл гэж тэд итгэдэг. Чи Христийн мөн чанартай байснаар Христ гэж нэрлэгдэхгүй; энэ нь хүний өөрийн хөлс, хөдөлмөр, өөрийнх нь чадвараас хамаарна: Илүү авьяастай, илүү чадвартай хэн ч бай, өндөр албан тушаалтан болж, эцсийн шийд гаргадаг. Энэ бол тэдний логик юм. Бурханы үг бол үнэн гэдгийг антихристүүд хүлээн зөвшөөрдөггүй. Бурханы үгэнд дурдсан Бурханы мөн чанар болон зан чанар нь тэдний хувьд ойлгохын аргагүй байдаг; тэд мэргэжлийн бус, сонирхогч, юу ч мэддэггүй хүмүүс учраас яриа нь бүхэлдээ сүнслэг ойлголтгүй үг буюу сонирхогчдын үгээс бүрддэг. Хэрвээ тэд хэдэн жил ажилласан бол өөрсдийгөө аль хэдийн зовох, төлөөс төлөх чадвартай, мөн номлох зуураа ихээхэн дэмий юм ярьж чадна, яаж хоёр нүүр гаргахыг сурч авсан, бусдыг мэхэлж чадна, зарим хүний сайшаалыг хүртсэн гэж боддог—иймээс тэд өөрсдийгөө мэдээж Христ болох, Бурхан болох чадвартай гэж үздэг.

Антихристүүдийг илчлэх нь номын “Тэд үнэнийг үл тоож, зарчмуудыг илт зөрчиж, Бурханы гэрийн зохицуулалтыг үл ойшоодог (I)”-оос эш татав

Өмнөх: 5. Муу ёрын сүнсний ажилтай, эсвэл чөтгөрт эзэмдүүлсэн хүмүүсийг Бурхан яагаад авардаггүй тухай

Дараах: 2. Хуурамч удирдагч, хуурамч хоньчин гэж юу болох, тэднийг хэрхэн ялган таних тухай

Одоо үед гай гамшиг ойр ойрхон тохиолдож, Эзэн эргэн ирэх тухай зөгнөлүүд үндсэндээ биелсэн. Бид Эзэнийг хэрхэн угтан авч болох вэ?

Холбогдох контент

Тохиргоо

  • Текст
  • Загвар

Цулгуй өнгө

Загвар

Үсгийн хэв

Үсгийн хэмжээ

Мөр хоорондын зай

Мөр хоорондын зай

Хуудасны өргөн

Гарчиг

Хайх

  • Энэ текстийг хайх
  • Энэ номоос хайх