27. Муу ёрын сүнсний ажил гэж юу вэ? Муу ёрын сүнсний ажил хэрхэн илэрхийлэгддэг вэ?

Холбогдох Бурханы үг:

Сатанаас гардаг ажил гэж юу вэ? Сатанаас гардаг ажилд хүмүүсийн доторх үзэгдэл тодорхойгүй байдаг; хүмүүс хэвийн хүн чанаргүй, үйлдлийнх нь цаад сэдэл буруу байдаг бөгөөд хэдийгээр Бурханыг хайрлахыг хүсдэг ч дотор нь үргэлж буруутгал байдаг, эдгээр буруутгал болон бодол тэдний дотор байнга саад болж, амийнх нь өсөлтийг хязгаарлаж, Бурханы өмнө хэвийн нөхцөл байдалтай байхад нь саад хийдэг. Өөрөөр хэлбэл, Сатаны ажил хүмүүсийн дотор ормогц зүрх сэтгэл нь Бурханы өмнө тайван байж чаддаггүй. Тийм хүмүүс өөрсдийгөө яахаа мэддэггүй—хүмүүс цугларч байгааг харах үедээ зугтахыг хүсэж, бусдыг залбирч байхад нүдээ аньж чаддаггүй. Муу ёрын сүнсний ажил нь Бурхан, хүн хоёрын хоорондох хэвийн харилцааг сүйтгэж, хүмүүсийн урьдын үзэгдэл болон амийн оролтын замыг самууруулдаг; зүрх сэтгэлдээ тэд хэзээ ч Бурханд ойртож чаддаггүй ба тэднийг үймүүлж, дөнгөлөх зүйлс үргэлж тохиолддог. Тэдний зүрх сэтгэл амар тайван байж чаддаггүй бөгөөд тэдэнд Бурханыг хайрлах ямар ч хүч чадал үлдэлгүй, сүнсээрээ унасан байдаг. Энэ нь Сатаны ажлын илрэл юм. Сатаны ажлын илрэл нь: үзэл бодолдоо бат зогсож, гэрчлэлд зогсож чадахгүй байх, чамайг Бурханы өмнө буруутай, Бурханд үнэнч бус нэгэн болгох зэрэг юм. Сатан хөндлөнгөөс оролцох үед чи өөрийн доторх Бурханыг гэх хайр болон үнэнч байдлаа алдаж, Бурхантай харилцах хэвийн харилцаагаа үгүй хийдэг бөгөөд үнэнийг юм уу өөрийгөө сайжруулахаар эрэлхийлдэггүй; харин доройтож, идэвхгүй болж, өөрийгөө өөгшүүлж, нүглийн тархалтыг зоргоор нь тавьдаг ба нүглийг үзэн яддаггүй; түүнчлэн Сатаны хөндлөнгийн оролцоо нь чамайг замбараагүй болгодог; чиний дотор Бурхан сэтгэлийг чинь хөдөлгөдөг байдлыг алга болгон, Бурханы талаар гомдоллож, Бурханыг эсэргүүцэж, сэжиглэхэд чамайг хүргэдэг; тэр ч бүү хэл, чи Бурханыг орхих эрсдэлд ордог. Энэ бүхэн Сатанаас гардаг.

Үг нь махбодоор илэрсэн номын “Ариун Сүнсний ажил ба Сатаны ажил”-aaс эш татав

Өнөөдөр хүнийг ер бусын зүйлсээр мэхэлдэг зарим муу ёрын сүнс бий; өнөө үед Ариун Сүнсний хийдэггүй ажлаар дамжуулан хүнийг мэхлэх нь тэдний хувьд дуурайж байгаа явдал төдийхөн юм. Олон хүн гайхамшиг үйлдэж, өвчтэйг эдгээж, чөтгөрүүдийг хөөн зайлуулдаг; эдгээр нь муу ёрын сүнсний ажлаас өөр юу ч биш, учир нь Ариун Сүнс өнөө үед тийм ажил хийхээ больсон бөгөөд Ариун Сүнсний тухайн үеийн ажлыг дараа нь дуурайсан бүх хүн бол үнэндээ муу ёрын сүнснүүд юм. Тухайн үед Израильд хийгдсэн бүх ажил ер бусын байсан хэдий ч Ариун Сүнс одоо тийм байдлаар ажилладаггүй бөгөөд одоогийн тийм ямар ч ажил бол Сатан дуурайж, дүр үзүүлж байгаа хэрэг, мөн түүний үймээн самуун юм. Гэхдээ ямар ч ер бусын зүйл муу ёрын сүнснээс гардаг гэж чи хэлж болохгүй—энэ нь Бурханы ажлын эрин үеэс хамаарна.

Үг нь махбодоор илэрсэн номын “Бие махбодтой болохын нууц (1)”-ээс эш татав

Өнөө үед тэмдэг, гайхамшиг үзүүлж, чөтгөрүүдийг хөөн зайлуулж, өвчтэйг эдгээж, олон ид шид үзүүлж чадах хүн гарч ирээд, Есүс ирлээ хэмээн өөрийгөө зарлавал энэ нь Есүсийг дуурайсан муу ёрын сүнснүүдийн дүр эсгэлт байх болно. Үүнийг санаж яв! Бурхан нэг ажлаа давтдаггүй. Есүсийн ажлын үе шат аль хэдийн биелсэн ба ажлын тэрхүү үе шатыг Бурхан дахин хэзээ ч хийхгүй.

Үг нь махбодоор илэрсэн номын “Бурханы өнөөдрийн ажлыг мэдэх нь”-ээс эш татав

Хүмүүс Бурханы талаар зарим нэг ойлголттой болох үедээ Түүний төлөө дуртайяа зовж, амьдралаа зориулж чадна. Гэхдээ Сатан тэдний доторх сул талыг хянасаар байдаг бөгөөд тэднийг зовоож мөн л чаддаг. Муу ёрын сүнснүүд хүмүүс дээр ажиллаж, тэдэнд саад болж, оюун санааг нь будилуу байдалтай болгож, эрүүл ухааныг нь алдуулж, амархан өвчлүүлж, бүх талаар саад учруулж бас л чаддаг. Хүмүүсийн дотор Сатаны хянаж, зохицуулж болох оюун санаа, сэтгэлийн зүйл байсаар байдаг. Иймээс чи өвдөж, хүндрэл бэрхшээлтэй тулгардаг ба амиа хорлох боломжтой байдаг, заримдаа бас дэлхий ертөнцийн эзгүйрлийг мэдрэх юм уу амьдрал утга учиргүй санагддаг. Өөрөөр хэлбэл, хүмүүний энэ зовлон одоо ч Сатаны удирдлага дор байдаг; энэ нь хүний аминд халтай сул талуудын нэгийг бүрдүүлдэг. Сатан өөрийнхөө завхруулж, дэвсэлсэн зүйлсийг ашиглах чадвартай хэвээр байдаг; эдгээр нь хүн төрөлхтний эсрэг Сатаны ашиглаж чадах зэвсэг юм… Муу ёрын сүнснүүд ажлаа хийхийн тулд боломж бүрийг шүүрэн авдаг; тэд дотроос чинь ярьж, чихэнд чинь шивнэж, эсвэл бодол санааг чинь замбараагүй болгож чадна. Тэр ч бүү хэл, Ариун Сүнс сэтгэлийг чинь хөдөлгөхийг мэдрэхгүй болтол чинь дарангуйлж чаддаг. Үүний дараа тэд бодлыг чинь будилуулж, уураг тархийг чинь самууруулснаар чамд саад хийж эхлэн, чамайг тайван бус болгож, үймрүүлж орхидог. Энэ нь муу ёрын сүнснүүдийн хүмүүс дээр хийдэг ажил юм. Үүнийг ялган таньж чадахгүй бол тэд асар их аюулд орно.

Христийн ярианы тэмдэглэл номын “Бурхан дэлхий ертөнцийн зовлонг амсахын ач холбогдол”-оос эш татав

Ариун Сүнс цаг ямагт өөрсөд дээр нь ажиллаж байгаа гэж зарим хүн хэлдэг. Тэгэх боломжгүй. Ариун Сүнс үргэлж өөрсөдтэй нь хамт байдаг гэж хэлэх юм бол бодитой байна. Өөрсдийнх нь сэтгэхүй, эрүүл ухаан нь цаг үргэлж хэвийн байдаг гэж хэлэх юм бол тэр нь ч бас бодитой байж, Ариун Сүнс тэдэнтэй хамт байгааг харуулах байсан. Хэрвээ тэд, Ариун Сүнс үргэлж дотор нь ажиллаж, хором бүрд өөрсдийг нь Бурхан гэгээрүүлж, Ариун Сүнс сэтгэлийг нь хөдөлгөдөг, тэгээд тэд цаг ямагт шинэ мэдлэг олж авдаг гэж хэлэх юм бол энэ нь яавч хэвийн биш! Энэ нь тэр чигтээ ер бусын хэрэг юм! Тийм хүмүүс бол муу ёрын сүнс гэдэг нь өчүүхэн ч эргэлзээгүй! Бурханы Сүнс махбодод ирэх үедээ ч гэсэн Түүнд хооллох ёстой, амрах ёстой цаг гэж бий—хүмүүсийн тухайд бол ярихын ч хэрэггүй. Муу ёрын сүнсэнд эзэмдүүлсэн хүмүүст махан биеийн сул тал байдаггүй мэт санагддаг. Тэд бүх зүйлийг хаяж, орхиж чаддаг, сэтгэл хөдлөлөөс ангид, тарчлааныг тэсвэрлэх чадвартай бөгөөд махан биеийг даван гарсан мэт өчүүхэн ч ядардаггүй. Ингэх нь туйлын ер бусын биш үү? Муу ёрын сүнсний ажил ер бусын байдаг—нэг ч хүн ийм зүйлд хүрч чадахгүй! Ялган таних чадваргүй хүмүүс тийм хүмүүсийг харахаараа атаархаж, тэд бол Бурханд итгэхдээ маш эрч хүчтэй, асар их итгэлтэй, сул дорой байдлын өчүүхэн ч шинж тэмдгийг харуулдаггүй гэж хэлдэг! Үнэндээ эдгээр нь муу ёрын сүнсний ажлын илрэл юм. Учир нь, хэвийн хүмүүст хүний сул тал зайлшгүй байдаг; энэ бол Ариун Сүнстэй хамт байгаа хүмүүсийн хэвийн байр байдал юм.

Үг нь махбодоор илэрсэн номын “Хэрэгжүүлэлт (4)”-өөс эш татав

Лавлагаанд зориулсан номлол, нөхөрлөлийн эшлэлүүд:

Муу ёрын сүнснүүдийн ажлын хамгийн илэрхий шинж гэвэл энэ нь ер бусын байдаг бөгөөд муу ёрын сүнснүүдийн хэлдэг үг, хүмүүсээр хийлгэх гэж хүсдэг зүйл нь хэвийн бус, логикгүй байж, тэр ч бүү хэл хэвийн хүн чанарын үндсэн ёс суртахуун болон хүний харилцааг зөрчиж, хүмүүсийг хуурах, үймүүлэх, завхруулахад л чиглэсэн байдаг. Муу ёрын сүнснүүд хүмүүсийг эзэмдэх үед зарим хүн асар их айдас мэдэрч, зарим нь хэвийн бус болдог, эсвэл гөлөрч, бас зарим нь юм хийхдээ яаруу бачуу болж, зүгээр сууж чадахаа байдаг. Ямартай ч, муу ёрын сүнснүүдэд эзэмдүүлэх үедээ хүмүүс өөрчлөгдөж, хүн ч биш, чөтгөр ч биш болдог бөгөөд хэвийн хүн чанараа алддаг. Муу ёрын сүнснүүдийн мөн чанар нь ёрын муу, бузар булай бөгөөд эдгээр нь яг нарийндаа Сатаны мөн чанар юм гэдгийг нотлоход энэ хангалттай. Муу ёрын сүнснүүд хүмүүсээр өөрсдийг нь жигшүүлж, зэвүүцүүлдэг бөгөөд хүмүүст ямар ч ашиг тус, туслалцаа үзүүлдэггүй. Сатан болон элдэв янзын муу ёрын сүнснүүдийн хийж чаддаг цорын ганц зүйл гэвэл хүмүүсийг завхруулж, хорлож, залгих явдал билээ.

Муу ёрын сүнснүүдийн ажилтай (чөтгөрт эзэмдүүлсэн) хүмүүсийн үндсэн илрэл нь:

Эхний төрөл нь гэвэл, муу ёрын сүнснүүд хүмүүст үргэлж ингэ тэг гэж хэлж, хүнд ямар нэг зүйл хэлэх юм уу хүмүүсийг худал зөгнөл хэлэхэд залж чиглүүлдэг.

Хоёр дахь төрөл нь, хүмүүс хэний ч ойлгодоггүй, тэр ч бүү хэл ярьж байгаа хүмүүс нь өөрсдөө ч ойлгодоггүй “хэл ярихуй” гэгчээр үргэлж залбирдаг. Ярьдаг зарим хүн нь өөрсдөө “хэл ярихуйг тайлбарлаж” ч чаддаг.

Гурав дахь төрөл нь гэвэл, тэд маш өндөр давтамжтайгаар байнга илчлэл хүлээн авч, муу ёрын сүнснүүдээр энэ мөчид ийм маягаар хөтлөгдөж, дараагийн мөчид тийм маягаар хөтлөгдөн, байнгын айдас, түгшүүртэй байдалд амьдардаг.

Дөрөв дэх төрөл нь гэвэл, муу ёрын сүнснүүдийн ажилтай хүмүүс хэтэрхий хүлээцгүй байж, даруйхан ийм, тийм юм хийхийг хүсдэг бөгөөд нөхцөл байдал тохиромжтой байгаа эсэхийг харгалзан үзэлгүй, бүр шөнө дүлээр ч гарч гүйдэг, зан авир нь тун хэвийн бус байдаг.

Тав дахь төрөл нь гэвэл, муу ёрын сүнснүүдийн ажилтай хүмүүс хэтэрхий биеэ тоосон, эрүүл ухаан дутмаг байдаг бөгөөд хэлдэг бүхэн нь ихэрхүү, тушаасан байр сууринаас ирдэг. Тэд хүмүүсийг яахаа мэдэхгүй болгож, чөтгөрүүд шиг аливаа зүйлийг хүмүүсээр албадан хийлгэдэг.

Зургаа дахь төрөл нь гэвэл, муу ёрын сүнснүүдийн ажилтай хүмүүс үнэний талаар нөхөрлөж чаддаггүй, Бурханы ажилд анхаарал тавьж бүр ч чаддаггүй бөгөөд Бурханыг үл ойшоон, дур зоргоороо авирлаж, чуулганы хэвийн дэг журмыг алдагдуулах элдэв янзын харгис догшин үйлдэл хийдэг.

Долоо дахь төрөл нь гэвэл, муу ёрын сүнснүүдийн ажилтай хүмүүс ямар ч шалтгаангүйгээр өөр хүний дүр эсгэдэг, эсвэл өөрийг нь хэн нэгэн илгээсэн агаад үгийг нь хүмүүс сонсох ёстой гэж хэлдэг. Түүний хаанаас ирснийг нь хэн ч олж мэдэж чаддаггүй.

Найм дахь төрөл нь гэвэл, муу ёрын сүнснүүдийн ажилтай хүмүүст ихэвчлэн хэвийн эрүүл ухаан байдаггүй бөгөөд ямар ч үнэнийг ойлгодоггүй; тэд хүлээн авах ямар ч чадваргүй, бас Ариун Сүнсний гэгээрэлгүй байдаг бөгөөд энэ хүмүүс аливааг хүлээн авахдаа тун гажууд, огтхон ч зөв зүйтэй биш байгаа нь хүмүүст харагддаг.

Ес дэх төрөл нь гэвэл, муу ёрын сүнснүүдийн ажилтай хүмүүс ажлын үеэр бусдад зааж сургахад онцгой анхаарал хандуулдаг бөгөөд үргэлж догшин авирлаж, үймээн шуугиан дэгдээдэг; тэдний хэлж, хийдэг бүхэн бусад хүмүүсийг дайрч давшлан, хүлж, завхруулдаг бөгөөд хүмүүсийг эргээд босох чадваргүй болтол нь шийдэмгий байдлыг нь алдагдуулж, сөрөг болгохдоо ч хүрдэг. Тэд бол бусдыг хорлож, тоглоом тохуу хийн, залгидаг диаволууд яриангүй мөн бөгөөд дураараа аашлах үедээ тэд нууцхан баярлаж байдаг. Энэ бол муу ёрын сүнснүүдийн ажлын үндсэн зорилго юм.

Арав дахь төрөл нь гэвэл, муу ёрын сүнснүүдийн ажилтай хүмүүс туйлын хэвийн бус амьдралтай байдаг. Тэдний нүднээс хөнөөлт оч гялбадаг бөгөөд хэлдэг үг нь чөтгөр дэлхий дээр буусан мэт туйлын муухай байдаг. Ийм хүний амьдрал ямар ч эмх замбараагүй байдаг бөгөөд тэд маш тогтворгүй, сургуульгүй зэрлэг амьтан мэт яах нь мэдэгдэхгүй байдаг. Тэд бусдад асар ой гутам, ёозгүй ханддаг. Чөтгөрүүдэд хүлүүлсэн хүн яг ингэж харагддаг билээ.

Дээрх арван төрөл нь муу ёрын сүнснүүдийн ажлын үндсэн илэрхийлэл юм. Эдгээр илэрхийллийн нэгийг харуулдаг ямар ч хүнд муу ёрын сүнснүүдийн ажил гарцаагүй байх болно. Нарийндаа бол муу ёрын сүнснүүдийн ажлын дээрх илэрхийллүүдийг харуулдаг бүх хүн аль төрлийг нь агуулдаг эсэхээсээ үл хамааран муу ёрын сүнснүүдийн ажилтай хүмүүс байдаг. Муу ёрын сүнсний ажилтай хүн нь Ариун Сүнсний ажилтай, үнэний талаар нөхөрлөж чаддаг хүмүүсийг үргэлж үзэн ядаж, тэднээс зайгаа барьдаг. Хүнийг сайн байх тусам нь улам дайрч давшилж, яллахыг хүсдэг. Хүнийг мунхаг байх тусам нь улам зусардаж, бялдуучлахыг хичээдэг бөгөөд түүнтэй холбогдохыг онцгойлон хүсдэг. Муу ёрын сүнс ажиллах үедээ үнэнийг худал хуурмагтай байнга хольж хутгаж, эерэг зүйлийг сөрөг, сөрөг зүйлийг эерэг гэдэг. Энэ бол муу ёрын сүнсний үйл гарцаагүй мөн.

Ажлын зохицуулалтаас эш татав

Ажил нь харваас ер бусын байгаа ямар ч сүнс нь муу ёрын сүнс бөгөөд хүмүүс дээр явуулж байгаа ямар ч сүнсний ер бусын ажил, үг бол муу ёрын сүнсний ажил юм; муу ёрын сүнснүүдийн ажилладаг бүх арга хэвийн бус, ер бусын байдаг бөгөөд үндсэндээ дараах зургаан арга замаар илэрдэг:

1. Хүмүүсийн яриаг шууд хянах нь хүмүүс өөрсдөө хэвийн байдлаар ярьж байгаа бус, муу ёрын сүнс ярьж байгааг тодорхой харуулдаг;

2. Муу ёрын сүнс ингэ тэг гэж хүмүүст зааварчлан, тушааж байгаа гэх мэдрэмж;

3. Өрөөнд байхдаа хэн нэгний орж ирэх гэж байгааг хэлж чаддаг хүмүүс;

4. Бусдын сонсож чадахгүй дуу хоолой өөрсөдтэй нь ярьж буйг байнга сонсдог хүмүүс;

5. Бусдын харж, сонсож чадахгүй зүйлийг харж, сонсож чаддаг хүмүүс;

6. Үргэлж хямран, өөртэйгөө ярьж байдаг бөгөөд хүмүүстэй хэвийн ярилцаж, харилцаж чаддаггүй хүмүүс.

Муу ёрын сүнс дотор нь ажиллаж байгаа бүх хүнд энэ зургаан илрэл байх нь зайлшгүй юм. Тэд бол ухаангүй, байж сууж чаддаггүй, хүмүүстэй хэвийн харилцах чадваргүй, эрүүл ухаанд захирагддаггүй мэт байдаг бөгөөд хол хөндий, нөгөө ертөнцийнх гэмээр байдаг. Ийм хүмүүс муу ёрын сүнсэнд эзэмдүүлсэн, эсвэл муу ёрын сүнс дотор нь ажиллаж байгаа бөгөөд муу ёрын сүнснүүдийн бүх ажил нь илэрхий, ер бусын байдаг. Энэ бол муу ёрын сүнснүүдийн хамгийн амархан ялгаж болохуйц ажил билээ. Муу ёрын сүнс хүнийг эзэмдэх үедээ бүрэн сүйртэл нь тоглоом тохуу хийдэг. Хүмүүс амилсан үхдэл шиг эрүүл ухаангүй болдог бөгөөд муу ёрын сүнснүүд бол мөн чанартаа хүмүүсийг завхруулж, залгидаг хорон муу сүнснүүд гэдгийг энэ нь нотолдог. Муу ёрын сүнснүүдийн үгийг ялгахад амархан байдаг: Тэдний үг хорон муу мөн чанарыг нь бүрэн илэрхийлдэг бөгөөд зогсонги, булингартай, өмхий байж, үхлийн үнэр ханхлуулдаг. Сайн хэв чанартай хүмүүст муу ёрын сүнснүүдийн үг нь хий хоосон, сонирхолгүй, босгон байгуулалтгүй агаад худал хуурмаг, дэмий ярианаас цаашгүй санагддаг бөгөөд тэр чигтээ утга учиргүй үг мэт будилуу, гажуудсан санагддаг. Муу ёрын сүнснүүдийн утга учиргүй үгээс хамгийн амархан ялган таньж болох зарим нэг зүйл нь энэ юм. Илүү дээгүүр зэрэглэлийн зарим муу ёрын сүнс хүмүүсийг төөрөгдүүлэхийн тулд үг хэлэх үедээ Бурхан юм уу Христийн дүр эсгэдэг бол бусад нь тэнгэрэлч юм уу алдартай хүмүүсийн дүр үзүүлдэг. Эдгээр муу ёрын сүнс үг хэлэхдээ Бурханы зарим үг, хэллэг, ярианы өнгийг дуурайхдаа гарамгай бөгөөд үнэнийг ойлгодоггүй хүмүүс иймэрхүү дээгүүр зэрэглэлийн муу ёрын сүнснүүдэд амархан хууртдаг билээ. Муу ёрын сүнснүүд нь мөн чанартаа хорон муу, ичгүүргүй агаад дээд зэрэглэлийн муу ёрын сүнснүүд байлаа ч гэсэн огт үнэнгүй байдаг гэдгийг Бурханы сонгосон хүмүүс тодорхой мэддэг байх ёстой. Эцсийн эцэст муу ёрын сүнснүүд бол муу ёрын сүнснүүд л бөгөөд тэдний мөн чанар нь Сатаны төрлийн, хорон муу байдаг.

Ажлын зохицуулалтаас эш татав

Өмнөх: 31. Ухаалаг охид гэж юу вэ? Мунхаг охид гэж юу вэ?

Дараах: 28. Ариун Сүнсний ажил болон муу ёрын сүнсний ажлын хоорондох ялгаа юу вэ?

Одоо үед гай гамшиг ойр ойрхон тохиолдож, Эзэн эргэн ирэх тухай зөгнөлүүд үндсэндээ биелсэн. Бид Эзэнийг хэрхэн угтан авч болох вэ?
Холбоо барих
Messenger дээр бидэнтэй холбоо барих

Холбогдох контент

Тохиргоо

  • Текст
  • Загвар

Цулгуй өнгө

Загвар

Үсгийн хэв

Үсгийн хэмжээ

Мөр хоорондын зай

Мөр хоорондын зай

Хуудасны өргөн

Гарчиг

Хайх

  • Энэ текстийг хайх
  • Энэ номоос хайх