I

Дуу хөгжим, сайхан бүжгээр дүүрэн

орчлон ертөнц оргилж буй магтаалын далай боллоо.

Одод дэвхрэн, сар инээмсэглэнэ;

огторгуй магтаалаар бялхаж, бид баярлан бүжнэ!

Төгс Хүчит Бурхан, эцсийн өдрүүдийн Христ

газар дээр гарч ирж, үнэнийг илэрхийлээд

улс үндэстэн, урсгал бүрийг доргионо.

Улс орон, газар бүрээс сонгогдсон хүмүүс

Бурханы дуу хоолойг сонсож, Бурханы сэнтий рүү эргэж шүтэн мөргөнө.

Сионд Бурхан орчлон ертөнцтэй нүүр тулж,

зөвт ба ариун байдлаа илчилж байна.

Бурханы ардууд дүүрэн баяртайгаар Бурханыг зогсолтгүй магтана.

II

Бурханыг хайрлахын тулд бид чин сэтгэлээ өргөн барьж,

үүргээ үнэнчээр биелүүлж, Бурханы санаа зорилгод хайхрамжтай хандах ёстой.

Бүх ах эгч нарын маань зүрх сэтгэл дотно холбогдсон.

Эрэгтэй эмэгтэй, хөгшин залуугүй бүгд Бурханыг хамтдаа магтдаг.

Чи дуугаа дуулж, би бүжгээ бүжнэ;

чи Бурханд гэрчлэл хийж, би хамтран ажиллана.

Чөтгөрлөг агуу улаан лууг бид шившиглэж,

төгс хүчит жинхэнэ Бурханы нэрийг алдаршуулна.

Бид Бурханы ажлаас зөвт зан чанарыг нь харсан.

Төгс Хүчит Бурхан бол зөвт Бурхан.

Бурханы ардууд алдар суут төрхийг нь хараад,

бүгд Түүнийг хайрлаж, сэтгэл хангалуун байлгахаар чармайна.

Бурханы ардууд Бурханд үүрд үнэнч байх хүсэлтэй.

III

Бурхан газар дээр алдрыг олж авч,

бүх улс орон, ард түмэн аз жаргалтай байдаг.

Хаанчлалын амьдрал үнэхээр сайхан!

Шинэ тэнгэр, шинэ газар, шинэ хаанчлал,

бид Бурханд зориулж бүжиглэн дуулдаг, юутай баясгалантай.

Хамгийн гоё дууг Бурханд зориулж дуулж,

хамгийн сайхан бүжгийг Бурханд зориулж бүждэг.

Бид Бурханд үнэн сэтгэлээ өргөж, Бурханыг цэвэр, үнэнчээр хайрладаг.

Бурханы ардууд бүх бүтээлийн хамтаар Бурханыг магтаж,

Бурханыг үүрд зогсолтгүй магтана!

Өө Сион, үнэхээр алдартай!

Бурханы орон байр туяаран гэрэлтэж,

алдар суутай гэрэл бүх огторгуй даяар түгдэг.

Төгс Хүчит Бурхан сэнтий дээрээсээ

орчлон ертөнцийн шинэчлэлтийг харан инээмсэглэдэг.

“Хургыг дагаж шинэ дуу дуулъя”-аас