Үг нь махбодоор илэрсэн

Агуулга

Дөчин хоёр дахь айлдварын тайлбар

Хүмүүс өнөөдрийн айлдвараас ямар нэгэн өөрчлөлт олж харсан эсэхийг Би мэдэхгүй. Зарим хүмүүс багахныг харсан байж болох боловч тэд итгэлтэйгээр хэлж зүрхэлдэггүй. Магадгүй бусад нь юу ч ухаараагүй. Сарын арван хоёр дахь болон арван тав дахь өдрийн хооронд яагаад тийм их ялгаа байна вэ? Та нар үүнийг тунгаан бодож үзсэн үү? Та нарын үзэл бодол юу вэ? Бурханы бүх айлдваруудаас та нар ямар нэгэн зүйл ухаарсан уу? Дөрөвдүгээр сарын хоёрны өдөр болон тавдугаар сарын арван тавны хооронд хийгдсэн үндсэн ажил юу байсан бэ? Хүмүүс өнөөдөр яагаад толгой руугаа бороохойгоор цохиулсан мэт учраа олохоо байсан байдаг вэ? “Хаанчлалын хүмүүсийн шившигт явдал” гэсэн гарчигтай ямар ч булан өнөөдөр байдаггүй вэ? Дөрөвдүгээр сарын хоёрны өдөр болон дөрөвний өдөр Бурхан хүний байдлыг зааж үзүүлээгүй; үүний адилаар өнөөдрөөс хойших хэдэн өдөр Тэр хүмүүсийн байдлыг зааж үзүүлээгүй – яагаад энэ вэ? Энэ тухай таавар гарцаагүй бий – яагаад 180 градусын эргэлт байсан бэ? Эхлээд Бурхан яагаад тэгж хэлсэн талаар бага зэрэг ярилцацгаая. “Шинэ ажил эхэлмэгц” хэмээн хэлэхдээ цагийг огт дэмий үрээгүй Бурханы эхний үгийг харцгаая. Тус өгүүлбэр нь чамд, Бурханы ажил шинэ эхлэлд орсон ба Тэр дахин нэгэнтээ шинэ ажил эхэлсэн гэсэн анхны таамаглалыг өгдөг. Гэсгээлт дуусаж байгааг энэ нь харуулдаг; гэсгээлтийн оргил үед аль хэдийн орсон гэж хэлж болох бөгөөд иймээс хүмүүс ард хоцорч эсвэл тэнцвэрээ алдахаас зайлсхийхийн тулд гэсгээлтийн энэ эриний ажлыг гүйцэлдүүлэхэд ихэнх цагаа сайтар ашиглах ёстой. Энэ нь бүгд хүний ажил бөгөөд хамтран ажиллахын тулд чадах бүхнээ хийхийг хүнээс шаарддаг, гэсгээлтийг бүрмөсөн хөөн явуулсны дараа Бурхан Өөрийн ажлын дараагийн хэсгийг хийж эхэлдэг, учир нь Бурхан “... Би Өөрийн ажлыг хүмүүсийн дунд үргэлжлүүлэн гүйцэтгэсэн ... Энэ мөчид Миний зүрх сэтгэл асар их баяр хөөрөөр дүүрэн байна, учир нь Би хэсэг хүмүүсийг олж авсан бөгөөд иймээс Миний “бизнес” уналтанд байхаа больж, хий хоосон үгс байхаа больсон” гэсэн билээ. Өнгөрсөн үед хүмүүс Бурханы үгнээс Түүний яаралтай чухал хүслийг харсан – үүнд ямар ч худал хуурмаг байгаагүй – өнөөдөр Бурхан асар их хурдаар Өөрийнхөө ажлыг хийдэг. Хүний хувьд энэ нь Бурханы шаардлагуудтай бүхэлдээ нийцдэггүй мэт санагддаг – гэхдээ Бурханы хувьд Өөрийнх нь ажил аль хэдийн дууссан. Хүмүүсийн бодол хэтэрхий ээдрээтэй учраас аливааг үзэх тэдний үзэл бодол дэндүү түвэгтэй байдаг. Хүмүүс хүмүүсээс хэтэрхий ихийг шаарддаг боловч Бурхан хүнд асар их шаардлага тавьдаггүй учраас Бурхан болон хүний хоорондын ялгаа хэр их болохыг энэ нь харуулдаг. Хүмүүсийн үзэл Бурханы хийдэг бүхэнд ил болдог. Бурхан хүмүүст асар их шаардлага тавиад, хүмүүс тэдгээрийг нь биелүүлэх чадваргүй байдаг биш харин хүмүүс Бурханд асар их шаардлага тавьдаг ба Бурхан тэдгээрийг биелүүлж чаддаггүй. Учир нь эмчилгээний дараа, хэдэн мянган жилийн туршид Сатанаар завхруулагдсан хүн төрөлхтөнд үр дагавар нь оршин байдаг бөгөөд хүмүүс Бурханд үргэлж тийм “өндөр” шаардлага тавьж, өчүүхэн төдий ч зөөлөн ханддаггүй, мөн Бурханд тааламжгүй байгаа гэдгээс гүнээ айдаг. Тиймээс олон зүйл дээр хүмүүс үүргээ биелүүлж чадахгүй байх үедээ тэд өөрсдийгөө гэсгээж, өөрсдийн үйлдлийнхээ үр дагаврыг үүрдэг бөгөөд энэ нь жинхэнэ зовлон юм. Хүмүүсийн амссан зовлон бэрхшээлийн 99-өөс дээш хувийг нь Бурхан зэвүүцдэг. Шулуухан хэлэхэд хэн ч Бурханы төлөө үнэхээр зовоогүй. Тэд бүгд өөрсдийн үйлдлүүдийнхээ үр дагаврыг үүрсэн – гэсгээлтийн энэ алхам нь мэдээж бүгд адилхан, энэ нь хүний хандалсан гашуун аяга бөгөөд өөрөө уухын тулд тэр үүнийг өргөдөг. Бурхан Өөрийн гэсгээлтийн анхдагч зорилгыг илчлээгүй учраас хэдийгээр хараагдсан хэсэг хүмүүс байдаг боловч энэ нь гэсгээлтийг төлөөлдөггүй. Хүмүүсийн зарим хэсэг нь ерөөгдсөн, гэхдээ энэ нь, тэд ирээдүйд ерөөгдөх болно гэсэн утгатай биш юм. Хүмүүсийн хувьд Бурхан бол хэлсэн амандаа хүрдэггүй Бурхан юм шиг санагддаг. Бүү санаа зов. Эдгээр нь бага зэрэг хэтрүүлэгтэй байж болох боловч сөрөг бүү бай; Миний хэлдэг зүйл хүний зовлонтой зарим талаар хамаатай байдаг ч чи Бурхантай сайн харилцааг бий болгох ёстой гэж Би бодож байна. Чи Түүнд илүү их “бэлэг” өгөх ёстой, тэр нь Түүнийг гарцаагүй баярлуулах болно. Өөрт нь “бэлэг” өгдөг хүмүүсийг Бурхан хайрладаг гэж Би итгэдэг. Эдгээр үг зөв үү, чи юу гэж хэлэх вэ?

Одоогийн байдлаар та нар хэтийн төлвийнхөө хэр ихийг хойш тавьсан бэ? Бурханы ажил удахгүй дуусах болно – иймээс та нар өөрсдийнхөө бүх хэтийн төлвийг зарим талаар хойш тавьсан байх ёстой, тийм үү? Та нар мөн өөрсдийгөө шалган шинжилсэн байх: Та нар үргэлж өндөрт зогсож, өөрсдийгөө дөвийлгөж, сайрхах дуртай – энэ чинь юу вэ? Өнөөдөр хүмүүсийн хэтийн төлөв юу болохыг Би мэдэхгүй хэвээр л байгаа. Хэрвээ хүмүүс үнэхээр шаналлын далайд залгигдан амьдардаг бол, тэд зовлон бэрхшээлийн цэвэршүүлэлт дунд эсвэл тамлалын янз бүрийн хэрэгслийн заналхийлэл дор амьдарч эсвэл бүх хүмүүсээр гологдох цаг үед амьдарч, тэнгэр өөд харж, гүнээ санаа алдах үедээ тэд магадгүй өөрсдийн бодол санаандаа хэтийн төлвөө хойш тавьж болох юм. Учир нь хүмүүс мухардмал байдал дунд Шангри-Лаг эрж хайж байдаг бөгөөд тав тухтай нөхцөл байдалд байгаа нэг ч хүн сайхан мөрөөдлийн төлөөх эрэл хайгуулаа орхиж байгаагүй юм. Энэ нь бодит бус байж болох боловч энэ нь хүмүүсийн зүрх сэтгэлд байдаг зүйл биш гэж Би хэлнэ. Та нар амьдаараа тэнгэрт өргөгдөхийг хүссээр байна уу? Та нар махан бие дэх хэлбэр дүрсээ өөрчлөхийг хүссээр байна уу? Та нар адилхан саналтай байгаа юу гэдгийг Би мэдэхгүй, гэхдээ Надад энэ нь бодит бус гэж үргэлж санагддаг – тийм бодлууд хэтэрхий туйлширсан санагддаг. Хүмүүс иймэрхүү зүйл хэлдэг: Хэтийн төлвөө хойш тавь, илүү бодитой бай. Ерөөгдөх бодлоосоо салахыг чи хүмүүсээс шаарддаг – тэгвэл чиний хувьд ямар вэ? Чи хүмүүсийн ерөөгдөх санаа бодлыг няцааж, өөрөө ерөөлийг эрж хайдаг уу? Бусад хүмүүс ерөөлүүд хүлээн авахыг чи зөвшөөрдөггүй боловч өөрөө тэдгээрийн талаар нууцаар боддог – тэр нь чамайг юу болгож байна вэ? Залилан мэхлэгч! Тийнхүү үйлдэх үедээ мөс чанар чинь буруушаагдахгүй байна уу? Зүрх сэтгэлд чинь өртэй мэт санагдахгүй байна уу? Чи хууран мэхлэгч биш гэж үү? Чи бусдын зүрх сэтгэл дэх үгийг ухаж гаргадаг боловч өөртөө байгаа зүйлийн талаар юу ч хэлдэггүй – чи ямар хэрэггүй хог вэ! Ярих үедээ та нар зүрх сэтгэлдээ юу бодож байгааг чинь Би гайхаж байна – та нар Ариун Сүнсээр зэмлүүлдэггүй юу? Энэ нь нэр хүндийг чинь муутгадаггүй юу? Өөрсдөд чинь юу сайн болохыг та нар үнэхээр мэддэггүй! Та нар бүгдээрээ Ноён Нангуотай адилхан болж таардаг – та нар бол тоо гүйцээж байгаа дүр үзүүлэгчид. “Тэд бүгд ‘өөрсдийгөө зориулахад’ бэлэн байгаа” гэдэгт Бурхан “өөрсдийгөө зориулах” гэдгийг хашилтанд хийсэнд гайхах юмгүй. Бурхан хүнийг арван хуруу шигээ мэддэг бөгөөд хүний заль мэх хэчнээн овжин байх нь хамаагүй – тэр санаагаа ил гаргахгүй, нүүр нь улайхгүй, зүрх нь хурдан цохилохгүй байсан ч гэсэн – Бурханы мэлмий хурц юм, иймээс хүний хувьд Бурханы харцнаас зугтах нь үргэлж түвэгтэй байдаг. Бурхан рентген хараатай бөгөөд хүний дотоод эрхтнүүдийг харж чаддаг юм шиг байдаг, Тэр шинжилгээ хийлгүйгээр хүний цусны бүлэг ямар болохыг харж чаддаг юм шиг байдаг. Тэр нь Бурханы мэргэн ухаан бөгөөд үүнийг хүн дуурайж чадахгүй. Бурханы хэлснээр, “Би маш их ажил хийсэн ч яагаад үүний баталгаа хүмүүст байдаггүй юм бэ? Би хангалттай хичээл чармайлт гаргаагүй юу?” Хүний Бурхантай хамтрах хамтын ажиллагаа хэтэрхий дутмаг байдаг, хүний дотор хэтэрхий их сөрөг зүйл байдаг гэж хэлж болох ба хүмүүст эерэг байдал тун ховор байдаг, тэдэнд хааяа л бага зэрэг байдаг боловч энэ нь хэт бохирдсон байдаг. Хүмүүс Бурханыг яг хэр их хайрладгийг энэ нь харуулдаг; тэдний зүрх сэтгэлд Бурханы төлөө гэсэн хайр ердөө зуун саяны нэг байдаг бөгөөд үүний 50% нь бохирдсон байдаг учраас Тэр хүнээс ямар ч баталгаа олж аваагүй гэж Бурхан хэлсэн. Хүний дуулгаваргүй байдлын улмаас л Бурханы айлдваруудын өнгө аяс маш хатуу, цэвдэг байдаг. Хэдийгээр Бурхан хүнтэй өнгөрсөн цаг хугацааны талаар ярьдаггүй ч хүмүүс үргэлж дурсан санахыг хүсдэг, Бурханы өмнө өөрсдийгөө харуулахын тулд тэд үргэлж өнгөрсөн цаг үеийн тухай ярихыг хүсдэг – гэсэн ч Бурхан хэзээ ч хүний өчигдрийг өнөөдөр мэт авч үзээгүй; үүний оронд Тэр өнөөдрийн хүмүүст өнөөдрийг ашиглан ханддаг. Энэ бол Бурханы хандлага бөгөөд хожим хүмүүс Бурхан хэтэрхий үндэслэлгүй гэж хэлэхээс сэргийлэхийн тулд Бурхан энд эдгээр үгсийг тодорхой хэлсэн, учир нь Бурхан мөс чанаргүй зүйл хийдэггүй, харин хүмүүст баримтуудын үнэн төрхийн талаар хэлдэг, хүмүүс бат зогсож чадахгүй байх вий – хүн бол эцсийн эцэст сул дорой юм. Эдгээр үгийг сонсчихоод ингэвэл ямар вэ: Та нар сонсож, захирагдаад энэ талаар дахиж бодохгүй байхад бэлэн үү?

Дээрх зүйл нь сэдвээс гадуурх зүйл, үүнийг ярьсан уу эсвэл үгүй юү гэдэг нь хамаагүй. Та нар буруу гэж үзэхгүй гэж Би найдаж байна, учир нь Бурхан энэхүү үгний ажлыг хийдэг бөгөөд Тэр наран доорх бүхний тухай ярилцах дуртай. Гэхдээ та нар тэдгээрийг уншсан хэвээр байж, тэдгээр үгийг үл ойшоохгүй гэж Би найдаж байна, за юу? Та нар тэгж чадах уу? Өнөөдрийн үгэнд Бурхан шинэ мэдээллийг илчилсэн гэж дөнгөж сая хэлсэн: Бурханы ажилладаг арга барил өөрчлөгдөх гэж байгаа. Тиймээс энэ халуун сэдэв дээр төвлөрсөн нь дээр. Өнөөдрийн бүх айлдварууд нь ирээдүйн хэрэг явдлуудыг зөгнөсөн гэж хэлж болох ба тэдгээр нь Бурхан Өөрийн ажлын дараагийн алхамдаа зохицуулалт хийж байгаа хэрэг юм. Бурхан чуулганы хүмүүс дэх Өөрийн ажлыг бараг дуусгасан, үүний дараа Тэр бүх хүмүүсийн өмнө илрэн харагдахын тулд уур хилэнг хэрэглэх болно. Бурханы хэлдгээр “Би газар дээрх хүмүүсээр Өөрийн үйлсийг хүлээн зөвшөөрүүлж, ‘шүүлтийн сэнтийн’ өмнө Миний үйл хэргүүд нотлогдох болно, ингэснээр газар дэлхий даяар буулт хийх хүмүүсийн дунд тэдгээр нь хүлээн зөвшөөрөгдөх юм.” Та нар энэ үгнээс ямар нэг зүйл харав уу? Энд Бурханы ажлын дараагийн хэсгийн хураангуй байгаа. Эхлээд Бурхан улс төрийн эрх мэдлийг эзэмшдэг бүх хамгаалагч нохдыг үнэхээр үнэмшүүлж, тэднийг дахин хэзээ ч байр суурийн төлөө тэмцэлдэж, үгсэн хуйвалдаж, далд явуулга хийхээргүйгээр түүхийн тавцангаас ухрахад хүргэнэ. Бурхан газар дээр янз бүрийн гай гамшгийг бий болгосноор дамжуулан энэ ажил гүйцэтгэгдэх ёстой. Гэхдээ Бурхан илрэн харагдахгүй; учир нь энэ удаа агуу улаан луугийн үндэстэн бузрын газар хэвээр байх ба Бурхан илрэн харагдахгүй, гэхдээ гэсгээлтээр дамжуулан цухасхан гарч ирэх болно. Тэр нь Бурханы зөвт зан чанар бөгөөд хэн ч үүнээс зугтаж чадахгүй. Энэ хугацаанд агуу улаан луугийн үндэстэнд оршин суудаг бүхэн гай гамшиг амсах болно, энэ нь бас угаасаа газар дээрх хаанчлалыг (чуулганыг) багтаадаг. Энэ нь баримтууд гарч ирж байгаа үе бөгөөд иймээс үүнийг бүх хүмүүс мэдэрдэг, хэн ч зугтаж чадахгүй. Энэ нь Бурханаар урьдчилан тогтоогдсон. Бурханы “Одоо үе бол авьяас чадвараа дээд зэргээр ашиглах цаг” хэмээн хэлсэн ажлын энэхүү алхмаас энэ нь болж байгаа. Учир нь ирээдүйд газар дээр нэг ч чуулган байхгүй байх ба гай гамшиг гарч ирсний улмаас хүмүүс өөр юуны ч талаар бодож чадахгүй, тэдний хувьд гай гамшгийн дунд Бурханыг таашаах нь хэцүү байдаг, тиймээс энэ гайхалтай цаг хугацаанд Бурханыг бүх зүрх сэтгэлээрээ хайрлахыг хүмүүсээс гуйдаг, ингэснээр тэд ямар ч боломжийг алдахгүй юм. Энэ баримт улиран өнгөрөхөд Бурхан агуу улаан лууг бүрэн ялан дийлсэн, тиймээс Бурханы ардуудын гэрчлэлийн ажил нь төгсгөл болсон; дараа нь Бурхан ажлын дараагийн алхмыг эхлүүлж, агуу улаан луугийн орныг сүйтгэж, эцэст нь орчлон ертөнц даяарх хүмүүсийг уруу харуулж загалмайд цовдолно, үүний дараа Тэр бүх хүн төрөлхтнийг устгана – эдгээр нь Бурханы ажлын ирээдүйн алхмууд билээ. Тиймээс та нар энэхүү амар амгалан орчинд Бурханыг хайрлахаар оролдох ёстой. Хожим та нарт Бурханыг хайрлах ямар ч боломж байхгүй байх болно, учир нь махан биетэй байхдаа л хүмүүс Бурханыг хайрлах боломжтой байдаг; тэднийг өөр ертөнцөд амьдрах үед хэн ч Бурханыг хайрлах талаар ярихгүй. Энэ нь бүтээгдсэн зүйлийн хариуцлага биш гэж үү? Иймээс амьдралынхаа өдрүүдэд та нар Бурханыг хэрхэн хайрлах ёстой вэ? Чи энэ талаар ер нь бодож байсан уу? Чи үхсэнийхээ дараа л Бурханыг хайрлахаар хүлээж байгаа юу? Энэ нь хоосон яриа биш гэж үү? Өнөөдөр яагаад чи Бурханыг хайрлахаар зорьдоггүй юм бэ? Завгүй байх зуураа Бурханыг хайрлах нь Бурханыг гэсэн жинхэнэ хайр байж болох уу? Бурханы ажлын энэ алхам удахгүй төгсгөлдөө очих болно гэж хэлсний шалтгаан нь Сатаны өмнө Бурханд аль хэдийн гэрчлэл байгаагаас болж байгаа; тиймээс хүний хувьд ямар нэгэн зүйл хийх хэрэггүй, амьд байгаа хугацаандаа Бурханыг хайрлахаар эрж хайхыг хүнээс гуйдаг төдий юм – энэ нь гол зүйл. Бурханы шаардлагууд их биш учраас цаашлаад Түүний зүрх сэтгэлд тэсэхийн аргагүй түгшүүр байдаг учраас Тэр ажлын энэхүү алхам дуусахаас өмнө ажлын дараагийн алхмын хураангуйг илчилсэн ба энэ нь хэр их цаг үлдсэнийг харуулдаг; хэрвээ Бурханы зүрх сэтгэлд түгшүүр байгаагүй бол Тэр эдгээр үгийг ийм эрт хэлэх байсан гэж үү? Цаг богинохон учраас Бурхан ийм байдлаар ажилладаг. Та нар яг л амиа хамгаалж байгаа юм шигээр Бурханыг бүх зүрх сэтгэлээрээ, бүх оюун ухаанаараа, бүх хүч чадлаараа хайрлаж чадна гэж найдаж байна. Энэ нь хамгийн утга учиртай амьдрал биш гэж үү? Өөр хаанаас та нар амьдралын утга учрыг олох юм бэ? Тэр нь маш сохор байхгүй гэж үү? Чи Бурханыг хайрлахад бэлэн байна уу? Бурхан хүний хайрыг хүртэх үнэ цэнэтэй юу? Хүмүүс хүний хүндлэл бишрэлийг хүртэх үнэ цэнэтэй юу? Тэгвэл чи юу хийх ёстой вэ? Бурханыг зоригтойгоор, бүхий л зүрх сэтгэлээрээ хайрла – тэгээд Бурхан чамд юу хийхийг хар. Тэр чамайг хөнөөх эсэхийг хар. Дүгнэж хэлэхэд Бурханыг хайрлах үүрэг даалгавар нь Бурханы төлөө аливааг хуулж, бичихээс илүү чухал. Чи хамгийн чухал зүйлийг нэгдүгээрт тавих ёстой, ингэснээр чиний амьдрал илүү утга учиртай болж, аз жаргалаар дүүрэн байх болно, тэгээд чи Бурханы чамд зориулсан “ялыг” хүлээх ёстой. Чиний төлөвлөгөө Бурханыг хайрлах явдлыг багтаах болов уу гэж Би гайхаж байна – хүн бүхний төлөвлөгөө нь Бурханы биелүүлэх зүйл болж, бодит байдал болно гэж Би найдаж байна.