Төгс Хүчит Бурханы Чуулганы апп

Бурханы дуу хоолойг сонсож, Эзэн Есүсийн эргэн ирэлтийг угтан аваарай!

Бүх үнэнийг эрэлхийлэгчдийг бидэнтэй холбогдохыг урьж байна.

Үг нь махбодоор илэрсэн

Цулгуй өнгө

Загвар

Үсгийн хэв

Үсгийн хэмжээ

Мөр хоорондын зай

Хуудасны өргөн

Хайлтын үр дүн 0

Ямар ч үр дүн олдсонгүй.

ЕРДҮГЭЭР БҮЛЭГ

Сохор хүн бүгд дахиад ганц хором ч үлдэлгүй Надаас явах ёстой, учир нь Намайг мэдэж чаддаг, Намайг харж чаддаг, Надаас бүх зүйлийг олж авч чаддаг хүмүүсийг л Би хүсдэг. Тэгвэл хэн Надаас бүх зүйлийг олж авч чадах вэ? Ийм төрлийн хүн гарцаагүй цөөн бөгөөд тэд Миний ерөөлийг хүртэх нь лавтай. Би энэ хүмүүст хайртай бөгөөд Өөрийн баруун гар, Өөрийн илрэл болгох гэж Би тэднийг нэг нэгээр нь шилж сонгодог, тэдний төлөө Би бүх улс үндэстэн, бүх ард түмнээр Өөрийгөө зогсолтгүй магтуулж, уухайлуулсаар байх болно. Өө, Сион уул аа! Ялалтын туг мандуулж, Намайг уухайлаач! Учир нь Би орчлон ертөнцийн зах хязгаарыг хөндлөн гулд туулж, уул толгод, гол мөрөн, аливаа бүхний өнцөг булан бүрт оччихоод энд эргэн ирж байна. Би зөвт байдал, шүүлт, уур хилэн, шатаалттайгаар, үүнээс ч илүүтэйгээр Өөрийн ууган хөвгүүдтэй хамт эргэн ирдэг. Би Өөрийн зэвүүцдэг бүх зүйл, Өөрийн жигшдэг бүх хүн, эд, зүйлсийг хол хаясан. Би ялгуусан ба хийе гэсэн бүхнээ хийж дуусгасан. Намайг Өөрийн ажлыг дуусгаагүй гэж хэн хэлж зүрхлэх вэ? Намайг Өөрийн ууган хөвгүүдийг олж аваагүй гэж хэн хэлж зүрхлэх вэ? Намайг ялгууснаар эргэн ирээгүй гэж хэн хэлж зүрхлэх вэ? Тэгсэн хүмүүс гарцаагүй Сатаны төрөл мөн, тэдэнд Надаас өршөөл хүртэх хэцүү санагддаг. Тэд бол Миний хамгаас их үзэн яддаг сохрууд, бас бузар чөтгөрүүд юм. Эдгээр зүйлийн тухайд Би Өөрийн уур хилэн, Өөрийн бүрэн шүүлтийг илчилж, Өөрийн шатаж байгаа галаар дамжуулан орчлон ертөнцийн нэг зах хязгаараас нөгөөг хүртэл асааж, өнцөг булан бүрийг гэрэлтүүлж эхлэх болно–энэ бол Миний захиргааны зарлиг юм.

Чи Миний үгийг ойлгомогцоо тайтгарал авах хэрэгтэй; үүнийг анхааралгүй өнгөрөөх ёсгүй. Шүүлтийн айлдвар өдөр бүр тохиож байхад, та нар яагаад ийм сүйхээгүй, мэдрэлгүй байдаг юм бэ? Яагаад та нар Надтай хамтран ажилладаггүй юм бэ? Там руу явах тэгтлээ дуртай байна уу? Би бол Өөрийн ууган хөвгүүд, Өөрийн хөвгүүд, ардуудад өршөөнгүй Бурхан гэж Би хэлдэг, үүнийг та нар юу гэж ойлгож байна вэ? Энэ бол энгийн мэдэгдэл бус, үүнийг эерэг талаас нь ойлгох хэрэгтэй. Өө, сохор хүн төрөлхтөн минь! Би та нарыг олон ч удаа аварч, Миний амлалтыг олж аваг гэж Сатаны савраас, бас гэсгээлтээс гаргасан байтал та нар яагаад Миний зүрх сэтгэлд ямар ч анхаарал хандуулдаггүй юм бэ? Та нарын хэн ч бай энэ маягаараа аврагдаж чадах уу? Миний зөвт байдал, сүр жавхлан, шүүлт Сатанд огт өршөөл үзүүлдэггүй. Харин та нарын хувьд тэдгээр нь та нарыг аврахын төлөө байдаг ч, та нар Миний зан чанарыг ойлгох чадваргүй, бас Миний үйлдлийн цаад зарчмыг ч мэддэггүй. Та нар Намайг Өөрийн үйлдлийн ноцтойг, бас үүнийхээ байг хайхралгүй үйлддэг гэж бодсоор л байдаг—яасан мэдлэггүй юм бэ! Би бүх хүн, үйл явдал, зүйлсийг тодорхой харах чадвартай. Би хүн бүрийн мөн чанарыг бүрэн тодорхой ойлгодог, өөрөөр хэлбэл хүний өөртөө өвөрлөдөг бүхнийг бүрэн нэвт хардаг. Би хүнийг иезебел байна уу, янхан байна уу, тодорхой хардаг ба хэн нууцаар юу хийдгийг мэддэг. Миний өмнө ялдам байдлаа бүү гайхуул–өөдгүй амьтан минь! Одоо эндээс зайл! Өөрийн нэрийг шившиг болгохоос зайлсхийхийн тулд Би ийм хүнийг огт ашиглахгүй! Тэд Миний нэрд гэрчлэл хийж чадахгүй, харин ч эсрэгээрээ Миний гэр бүлд гутамшиг авчирдаг! Тэднийг Миний гэрээс нэн даруй хөөх учиртай. Тэд Надад хэрэггүй. Би ганц ч секунд хойшлуулахыг тэвчихгүй! Миний хаанчлал бүхэлдээ ариун, хир тортог гэж үгүй тул тэр хүмүүс яаж ч эрж хайгаад нэмэргүй. Өөрийн ардуудыг оролцуулан, хэрвээ Би хэн нэгнийг хэрэггүй гэж хэлбэл, тэгсэн л утгатай; Намайг бодлоо өөрчилнө гэж бүү хүлээ. Өмнө нь чи Надад хэчнээн сайн байсан ч гэлээ, Надад хамаагүй!

Би та нарт өдөр бүр нууц илчилдэг. Та нар Миний үг хэлдэг аргыг мэдэх үү? Би Өөрийн нууцыг юуны дагуу илчилдэг вэ? Та нар мэдэх үү? Та нар үргэлж Намайг өөрсдөд чинь зөв цагт хангамж өгдөг Бурхан гэцгээдэг, тэгвэл та нар эдгээр талыг юу гэж ойлгож байна? Би Өөрийн ажлын алхамд нийцүүлэн Өөрийн нууцыг та нарт илчилж, Өөрийн төлөвлөгөөний дагуу, үүнээс ч илүүтэйгээр өөрсдийн чинь бодит биеийн хэмжээнд нийцүүлж та нарыг хангадаг (хангалт гэдгийг хаанчлал дахь хүн бүрд хамаатуулан дурддаг). Миний үг хэлэх арга ийм байдаг: Өөрийн гэр дэх хүмүүст Би тайтгарал өгч, тэднийг хангаж, шүүдэг; Сатанд Би ямар ч өршөөл үзүүлдэггүй, уур хилэн, шатаалт л очдог. Би Өөрийн урьдчилан тогтоогоогүй, сонгоогүй хүмүүсийг Өөрийн гэрээс нэг нэгээр нь хөөхийн тулд Өөрийн захиргааны зарлигийг ашиглах болно. Санаа чилээх хэрэггүй. Би тэднийг үнэн төрхөө илчлэхэд хүргэмэгц (эцэст нь тэд Миний хөвгүүдэд үйлчлэл үзүүлсний дараа), тэд ёроолгүй нүхэнд буцан орно, эс тэгвэл Би энэ асуудлыг хэзээ ч зүгээр орхихгүй, хэзээ ч өнгөрөөхгүй. Хүмүүс үргэлж там болон Үхэгсдийн орны тухай дурддаг. Гэхдээ энэ хоёр үг юуг хэлдэг вэ, бас эдгээрийн хоорондох ялгаа юу вэ? Эдгээр нь үнэхээр хүйтэн, харанхуй буланг хэлдэг гэж үү? Хүний оюун санаа үргэлж Миний удирдлагад саад болж байна. Тэд үргэлж санаан зоргоор аливааг эргэцүүлж, тэгсэн атлаа үүнийгээ нэлээд сайн гэж боддог! Үхэгсдийн орон, там гэдэг нь хоёулаа Сатан болон муу ёрын сүнсний амьдарч байсан бузар сүмийг хэлдэг. Өөрөөр хэлбэл, өмнө нь Сатан болон муу ёрын сүнсэнд эзэмдүүлсэн хэн ч бай, өөрсдөө там, өөрсдөө Үхэгсдийн орон юм—үүнд эндүүрэл гэж үгүй! Иймээс Би бузар сүмд амьдардаггүй гэдгээ өмнө нь ахин дахин онцолсон юм. Би (Бурхан Өөрөө) Үхэгсдийн оронд, эсвэл тамд амьдарч болно гэж үү? Тэгвэл ухаангүй, утга учиргүй хэрэг болох бус уу? Би үүнийг хэд хэдэн удаа хэлсэн боловч юу гэсэн утгатайг нь та нар ойлгохгүй л байна. Тамтай харьцуулбал Үхэгсдийн орныг Сатан илүү ноцтой завхруулсан байна. Үхэгсдийн орны хүмүүс хамгийн ноцтой бөгөөд Би тэр хүмүүсийг ердөөсөө урьдчилан тогтоогоогүй; тамын хүмүүс бол Миний урьдчилан сонгосон ч дараа нь таягдан хаясан хүмүүс юм. Энгийнээр хэлбэл, Би энэ хүмүүсийн нэгийг ч болов сонгоогүй.

Хүмүүс Миний үгийг буруугаар ойлгохдоо мэргэжилтэн гэдгээ үе үе харуулдаг. Хэрэв Би аливааг бага багаар тодорхой хэлж өгөөгүй бол, та нарын хэн чинь ойлгох вэ? Та нар өмнө нь дурдаагүй зүйл байтугай Өөрийн минь хэлдэг үгэнд ч дутуу хагас итгэдэг. Одоо бүх улс үндэстэнд дотоодын маргаан эхлээд байна: Хөдөлмөрчид удирдагчидтайгаа, оюутнууд багш нартайгаа, иргэд төрийн албаныхантай маргаж байгаа бөгөөд үймээн самуун дэгдээдэг энэ мэт бүх үйл явдал улс үндэстэн бүрийн дотор эхлэн гарч байгаа нь тэр чигтээ Надад хийх үйлчлэлийн нэгхэн хэсэг юм. Тэгвэл Би яагаад үүнийг Надад үйлчлэл үзүүлдэг гэв? Би хүмүүсийн золгүйтлээс бахаа хангадаг гэж үү? Би хайхрахгүй суудаг уу? Хэрхэвч үгүй! Энэ бол Сатан үхлийн өмнө амь тэмцэн довтолж байгаа хэрэг бөгөөд сөрөг талаас энэ нь Миний хүч чадлыг товойлгогч болж, Миний гайхамшигт үйл хэргийг товойлгогч болдог. Энэ бүгд Надад хийж байгаа хүчирхэг гэрчлэл бөгөөд Сатаны эсрэг дайрах зэвсэг юм. Ертөнцийн бүх улс үндэстэн газар нутаг, нэр нөлөөний төлөө тэмцэж байх яг тэр үед Миний ууган хөвгүүд Миний хамтаар хаанчилж, тэднийг ангилах болно, ийм хөөрхийлөлтэй орчин нөхцөлд Миний хаанчлал эцсийн эцэст хүмүүсийн дунд биеллээ олно гэдэг гарцаагүй тэдний төсөөллөөс давсан зүйл юм. Түүнчлэн, тэд эрх мэдлийн төлөө тэмцэлдэж, бусдыг шүүх хүсэлтэй явахдаа өөрсдөө бусдад шүүгдэж, Миний уур хилэнд шатдаг–яасан өрөвдөлтэй вэ! Ямар өрөвдөлтэй вэ! Миний хаанчлал хүмүүсийн дунд биеллээ оллоо–ямар алдар суутай үйл явдал вэ!

Хүн болохын хувьд (Миний хаанчлалын хүмүүс ч бай, Сатаны үр ач ч бай), та нар бүгд Миний гайхамшигт үйл хэргийг үзэх ёстой, эс тэгвээс Би энэ асуудлыг хэзээ ч зүгээр өнгөрөөхгүй. Чи Миний шүүлтийг хүлээн зөвшөөрөхөд бэлэн байсан ч гэсэн, хэрвээ Миний гайхамшигт үйл хэргийг үзээгүй бол энэ нь нэмэргүй. Бүх хүн зүрх сэтгэлээсээ, үгээрээ, нүдээрээ үнэмших ёстой, хэн ч зүгээр өнгөрч болохгүй. Бүх хүн Надад алдар суу өгөх ёстой. Эцэстээ Би бүр агуу улаан лууг ч босгон, ялалтынхаа төлөө Өөрийгөө магтуулна. Энэ бол Миний захиргааны зарлиг–та нар санаж явах уу? Бүх хүн намайг эцэс төгсгөлгүй магтаж, Надад алдар суу өгөх ёстой!

Өмнөх:НАЯН ЕСДҮГЭЭР БҮЛЭГ

Дараах:ЕРЭН НЭГДҮГЭЭР БҮЛЭГ