Төгс Хүчит Бурханы Чуулганы апп

Бурханы дуу хоолойг сонсож, Эзэн Есүсийн эргэн ирэлтийг угтан аваарай!

Бүх үнэнийг эрэлхийлэгчдийг бидэнтэй холбогдохыг урьж байна.

Үг нь махбодоор илэрсэн

Цулгуй өнгө

Загвар

Үсгийн хэв

Үсгийн хэмжээ

Мөр хоорондын зай

Хуудасны өргөн

Хайлтын үр дүн 0

Ямар ч үр дүн олдсонгүй.

ХҮМҮҮС ЭЭ! БАЯСАГТУН!

Миний гэрэлд хүмүүс гэрлийг дахин хардаг. Миний үгээс хүмүүс зугаацах зүйлээ олдог. Би Зүүн зүгээс ирсэн, бас тэндээс мэндчилдэг. Миний суу алдар туяарахад бүх үндэстэн гэрэлтэн, бүх зүйл гэрэлд гарч, харанхуйд юу ч үлддэггүй. Хаанчлалд Бурханы ардуудын Бурхантай хамт амьдрах амьдрал зүйрлэшгүй аз жаргалтай байдаг. Хүмүүсийн аз жаргалтай амьдралд зориулан ус бүжиж, уулс хүмүүсийн хамтаар Миний элбэг хангалуун байдлыг эдэлдэг. Миний хаанчлалд бүх хүн хичээн, шаргуу хөдөлмөрлөж, үнэнч байдлаа харуулдаг. Хаанчлалд бослого, эсэргүүцэл гэж үгүй; тэнгэр газар шүтэлцэж, хүн Бид хоёр ойр дотно, гүнзгий хайр сэтгэлтэй байж, баяр жаргалтай амьдарч, харилцан түшилцдэг.... Энэ үед Би тэнгэрлэг амьдралыг албан ёсоор эхлүүлдэг. Сатаны хөндлөнгийн оролцоо үгүй болж, хүмүүс амралтад ордог. Орчлон ертөнц даяар Миний сонгосон хүмүүс Миний алдар суу дор зүйрлэшгүй аз жаргалтай амьдардаг, тэр нь хүмүүс хоорондын амьдрал бус, харин Бурхан болон ардуудын хамтын амьдрал юм. Хүн бүр Сатаны ялзралыг туулж, амьдралын зовлон, жаргалыг ханатлаа амссан билээ. Одоо хүн Миний гэрэлд амьдрахдаа баясахгүй байж яахан чадах билээ? Ийм сайхан мөчөөс хүн зүгээр л татгалзан өнгөрөөж яахан чадах билээ? Хүмүүс ээ! Одоо зүрх сэтгэл дэх дуугаа дуулж, Надад зориулан бүжигтүн! Одоо чин сэтгэлээ өргөөд, Надад баригтун! Одоо бөмбөрөө дэлдэн Надад зориулж тоглогтун! Би бүх орчлон ертөнцөд баяр баяслыг туяаруулдаг! Би хүмүүст суу алдарт царайгаа харуулдаг! Би нүргэлэх болно! Би орчлон ертөнцийг давах болно! Би аль хэдийн хүмүүсийн дунд хаанчилж байна! Би хүмүүсийн дунд өргөмжлөгдсөн! Хөх тэнгэрт хөвөхөд минь хүмүүс Надтай хамт нүүдэг. Би хүмүүсийн дунд алхаж, Миний хүмүүс Намайг тойрон хүрээлдэг! Хүмүүсийн сэтгэл ихэд баясаж, дуу хуур нь орчлон ертөнцийг донсолгон, хурмастыг нижигнүүлдэг! Орчлон ертөнц мананд бүрхэгдэхээ больдог; шавар шавхай гэж үгүй, тогтоол муу ус гэж үгүй болдог. Орчлон ертөнцийн ариун хүмүүс ээ! Миний үзлэг шинжилгээн дор үнэн төрх чинь илчлэгдсэн. Та нар бол бузар булайд бүрхэгдсэн хүмүүс бус, харин хаш шиг ариун хүмүүс бөгөөд бүгд Миний хайртай хүмүүс, бүгд Миний баясдаг хүмүүс билээ! Бүх зүйл амийн эрч хүчээ сэргээдэг! Бүх ариун хүн тэнгэрт эргэн ирж Надад үйлчлэн, Миний дулаан тэвэрт орж, уйлж түгшихээ болин, өөрсдийгөө Надад өргөн, Миний гэрт буцан ирэх бөгөөд эх нутагтаа тэд Намайг хязгааргүй хайрлана! Хувиршгүй! Хаана уй гуниг байна вэ! Хаана нулимс байна вэ! Хаана махан бие байна вэ! Газар дэлхий үгүй болж, харин тэнгэр үүрд оршдог. Би бүх хүнд харагдаж, бүх хүн Намайг магтдаг. Ийм амьдрал, ийм гоо үзэсгэлэн балар эрт цагаас эхлээд үүрд хувирахгүй. Энэ бол хаанчлал дахь амьдрал юм.

Өмнөх:ХОРИН ТАВДУГААР БҮЛЭГ

Дараах:ХОРИН ЗУРГААДУГААР БҮЛЭГ