29-Р БҮЛЭГ

Цаг давчуу байгааг чи мэдэх үү? Иймээс чи богино хугацаанд Надад найдаж, Миний зан чанартай нийцдэггүй мэдлэггүй байдал, удаан хариу үйлдэл, тодорхой бус бодлууд, зөөлөн сэтгэл, дорой хүсэл, утгагүй явдал, сэтгэлийн хөөрөл, төөрөгдөл, ялган таних чадвар дутмаг байдал зэрэг бүх зүйлээ өөрөөсөө таягдан хая. Эдгээрийг аль болох хурдан хаях ёстой. Би бол Төгс хүчит Бурхан! Чи Надтай хамтран ажиллахыг хүсэж байгаа цагт чамайг зовоож байгаа бүх өвчнийг Би эдгээж чадна. Би бол хүмүүсийн зүрх сэтгэлийн гүнийг хардаг Бурхан; чиний бүх өвчин эмгэгийг, мөн дутагдал чинь хаана оршдогийг Би мэддэг. Эдгээр нь амийн чинь ахиц дэвшилд саад болдог зүйлс бөгөөд тэдгээрийг даруйхан хаях ёстой. Эс бөгөөс Миний хүсэл чам дээр гүйцэлдэж чадахгүй. Чамд Миний гэрэлтүүлж өгдөг бүх зүйлийг хаяхын тулд чи Надад найдан, үргэлж Надаар амьдарч, Надтай ойр байж, үйл хөдлөл, зан авираа Миний төрхтэй байлга. Ойлгохгүй байгаа зүйлийнхээ талаар Надтай илүү их нөхөрлө, тэгвэл Би чамайг залж чиглүүлнэ, ингэснээр чи урагшилж болох юм. Хэрвээ чи итгэлгүй байгаа бол дур зоргоороо бүү үйлд, харин Миний цагийг хүлээ. Тогтвортой зан авиртай байж, хүсэл тэмүүллээ нэгэн чигт байлга; чи үргэлж Намайг хүндэтгэдэг зүрх сэтгэлтэй байх ёстой. Миний өмнө, эсвэл Миний нүднээс далдуур чиний хийдэг зүйл үргэлж Миний хүслийн дагуу байх ёстой. Нөхөр чинь ч бай, эсвэл гэр бүл чинь ч бай, Миний өмнөөс хэнд ч бүү өршөөнгүй ханд; тэд хэчнээн сайн байсан ч үүнийг зөвшөөрөх аргагүй. Чи үнэнд үндэслэн үйлдэл хийх ёстой. Хэрвээ чи Намайг хайрладаг бол Би чамд агуу ерөөл хайрлана. Эсэргүүцдэг хэнийг ч Би тэвчихгүй. Миний хайрладаг хүмүүсийг хайрлаж, Миний үзэн яддаг хүмүүсийг үзэн яд. Хэнд ч, ямар ч үйл явдал, эсвэл ямар ч зүйлд анхаарал бүү хандуул. Сүнсээрээ харж, Миний ашигладаг хүмүүсийг тодорхой харж, сүнслэг хүмүүстэй илүү ойр ойрхон холбогд. Мэдлэггүй бүү бай; чи ялгаж салгах ёстой. Буудай үргэлж буудайгаараа л байх ба үрийн сүүл хэзээ ч буудай болж ургахгүй, чи өөр өөр төрлийн хүмүүсийг таних ёстой. Ялангуяа үг яриандаа хянамгай байж, Миний санаа зорилгын зам дээр хөлөө байлга. Эдгээр бүх үгийг анхааралтай тунгаан бодох ёстой. Чи тэрслүү байдлаа нэн даруй таягдан хаяж, Надаар ашиглуулахад тохирохуйц бол, ингэснээр чи Миний зүрх сэтгэлийг хангалуун болгоно.

Өмнөх: 28-Р БҮЛЭГ

Дараах: 30-Р БҮЛЭГ

Одоо үед гай гамшиг ойр ойрхон тохиолдож, Эзэн эргэн ирэх тухай зөгнөлүүд үндсэндээ биелсэн. Бид Эзэнийг хэрхэн угтан авч болох вэ?
Холбоо барих
Messenger дээр бидэнтэй холбоо барих

Холбогдох контент

ГУРВАН САНУУЛГА

Бурханд итгэгчийн хувиар чи бүх зүйл дээр Түүнээс өөр хэнд ч үнэнч байх ёсгүй ба бүх зүйл дээр Түүний хүсэлд нийцэх чадвартай байх ёстой....

4-Р БҮЛЭГ

Миний өмнө үйлчилдэг Миний бүх ард өнгөрснөө эргэн санах хэрэгтэй: Намайг хайрлах та нарын хайр ариун бусаар сэвтсэн үү? Надад өгсөн үнэнч...

ПЕТРИЙН АМЬДРАЛЫН ТУХАЙ

Петр хүн төрөлхтөнд зориулсан Бурханы үлгэр дуурайл, бүгдийн мэддэг нэр цуутан байсан билээ. Яагаад тийм онцлох юмгүй хүнийг Бурхан үлгэр...

Тохиргоо

  • Текст
  • Загвар

Цулгуй өнгө

Загвар

Үсгийн хэв

Үсгийн хэмжээ

Мөр хоорондын зай

Мөр хоорондын зай

Хуудасны өргөн

Гарчиг

Хайх

  • Энэ текстийг хайх
  • Энэ номоос хайх