Үг нь махбодоор илэрсэн

Агуулга

Тохиромжтой хоньчин юугаар зэвсэглэх ёстой вэ

Ариун Сүнс хүмүүс дээр ажлаа хийх үед тэдэнд тохиолддог олон нөхцөл байдлын талаар чи ойлгосон байх ёстой. Ялангуяа Бурханд үйлчлэхээр зохицуулагдсан хүмүүс нь Ариун Сүнсний хүнд хийдэг ажлын улмаас бий болсон олон нөхцөл байдлын талаар бүр ч илүү сайн ухаарсан байх ёстой. Хэрвээ чи орох тухай олон дадлага туршлага, арга замыг л зөвхөн ярьдаг бол хүмүүсийн туршлага хэтэрхий өрөөсгөл болохыг энэ нь харуулдаг. Бодит байдал дээрх олон нөхцөл байдлыг ухаарахгүйгээр чи өөрийн зан чанартаа өөрчлөлт гаргаж чаддаггүй. Хэрвээ чи олон нөхцөл байдлыг ухаарсан бол Ариун Сүнсний ажлын янз бүрийн илрэлийг ойлгож, муу ёрын сүнснүүдийн ажлын дийлэнхийг нэвт шувт харж, ялгаж чадах болно. Чи хүний олон үзлийг илчилж, асуудлын гол цөмд шууд хүрэх ёстой; чи мөн хүмүүсийн хэрэгжүүлэлтийн олон гажуудал эсвэл Бурханд итгэх итгэлийн асуудлуудыг заан үзүүлэх ёстой, ингэснээр тэд тэднийг танин мэдэж болох юм. Хамгийн наад зах нь чи тэднийг сөрөг эсвэл идэвхгүй болгох ёсгүй. Гэсэн хэдий ч, чи хүмүүсийн хувьд бодитойгоор оршдог олон хүндрэл бэрхшээлийг ойлгох ёстой ба бодлогогүй байж эсвэл “гахайнд дуу дуулахыг заахаар оролдох” ёсгүй; тэр бол мулгуу зан юм. Хүний олон бэрхшээлийг шийдвэрлэхийн тулд чи ямар ч гажуудал эсвэл алдаа мадаггүйгээр Ариун Сүнсний ажлын хөдөлгөөнийг ойлгох ёстой, чи Ариун Сүнс өөр өөр хүмүүс дээр ажлаа хэрхэн хийдгийг ойлгох ёстой, хүний бэрхшээлүүдийг болон хүний дутагдлуудыг ойлгож, асуудлын гол хэсгийг нэвт шувт харж, асуудлын эх үүсвэрт хүрэх ёстой. Зөвхөн ийм төрлийн хүн л Бурханд үйлчлэхэд зохих шаардлагыг хангадаг.

Чи гол асуудлыг ухаарч, олон зүйлийг нэвт шувт харж чадах эсэх нь чиний хувийн туршлагаас хамаарна. Чиний туршлагажих арга зам бусдыг хэрхэн удирдахад чинь нөлөөлдөг. Хэрвээ чи бичиг үсэг, номлолуудыг ойлгодог бол чи бусдыг бичиг үсэг болон номлолуудыг ойлгоход удирдаж чадна. Бурханы үгийн бодит байдалд туршлагажих арга зам чинь бусдыг Бурханы үгийн бодит байдал руу ороход удирдах чиний арга зам юм. Хэрвээ чи олон үнэнийг ойлгож, Бурханы үгэн дэх олон зүйлийг тодорхой харж чадвал чи бусдыг маш олон үнэнийг ойлгоход удирдаж чадах бөгөөд чиний удирдсан хүмүүс үзэгдлүүдийн талаар тодорхой ойлголттой болох болно. Хэрвээ чи ер бусын мэдрэмжүүдийг олж авахад анхаарвал чиний удирдсан хүмүүс ч бас ер бусын мэдрэмжид анхаарах болно. Хэрвээ чи хэрэгжүүлэлтийг үл ойшоож, ярихыг чухалчилбал чиний удирдаж буй хүмүүс ч бас ямар ч хэрэгжүүлэлтгүйгээр, зан чанарын ямар ч өөрчлөлтгүйгээр зөвхөн ярихад анхаарах ба тэд ямар ч үнэнийг хэрэгжүүлэлгүйгээр гадна талдаа л урам зоригтой байх болно. Хүмүүс бүгд өөрсөддөө байгаа зүйлээр бусдыг хангаж байдаг. Хүний төрөл нь тэдний бусдыг чиглүүлэх замыг тодорхойлох ба хүний төрөл нь түүний удирдан хөтөлдөг хүмүүсийн төрлийг тодорхойлдог. Бурханаар ашиглагдахад үнэхээр тохирсон байхын тулд та нарт зөвхөн хүсэл эрмэлзэл хэрэгтэйгээр үл барам та нарт мөн Бурханы олон гэгээрэл, Бурханы үгийн удирдамж, Бурханы харьцалт болон Түүний үгийн цэвэршүүлэлт хэрэгтэй байдаг. Энэ суурин дээр өөрсдийн ердийн үед анхаарал хандуулдаг ажиглалт, бодол, эргэцүүлэл, дүгнэлт, шингээлт эсвэл таягдалтыг нэм. Эдгээр нь бүгд бодит байдалд орох та нарын оролт бөгөөд энэ бүхэн зайлшгүй шаардлагатай – энэ нь Бурханы ажлаа хийдэг арга зам юм. Хэрвээ чи Бурханы ажлаа гүйцэтгэдэг энэ арга барил руу орж чадвал өдөр бүр Бурханаар төгс болгуулах боломжтой байх болно. Энэ нь хатуу ширүүн эсвэл таатай орчин байхаас үл хамааран ямар ч үед чи туршигдаж байна уу эсвэл соригдож байна уу, чи ажиллаж байна уу, үгүй юу, чи ганцаараа юу эсвэл бусадтай хамт амьдарч байна уу гэдгээс үл хамааран чи Бурханаар төгс болгуулах боломжийг нэгийг нь ч алдахгүйгээр үргэлж олох болно. Чи тэдгээрийг бүгдийг нь нээн илрүүлж чадах ба ийм байдлаар чи Бурханы үгийг мэдэрч туулах нууцыг олсон байх болно.