Төгс Хүчит Бурханы Чуулганы апп

Бурханы дуу хоолойг сонсож, Эзэн Есүсийн эргэн ирэлтийг угтан аваарай!

Бүх үнэнийг эрэлхийлэгчдийг бидэнтэй холбогдохыг урьж байна.

Үг нь махбодоор илэрсэн

Цулгуй өнгө

Загвар

Үсгийн хэв

Үсгийн хэмжээ

Мөр хоорондын зай

Хуудасны өргөн

Хайлтын үр дүн 0

Ямар ч үр дүн олдсонгүй.

`

Арван тав дахь айлдварын тайлбар

Бурхан, хүн хоёрын хоорондох хамгийн том ялгаа нь, Бурханы үгс үргэлж голыг нь олдог бөгөөд юуг ч нуудаггүй. Иймээс Бурханы зан чанарын энэ талыг өнөөдрийн эхний үгсээс харж болно. Нэг тал нь, тэдгээр нь хүний жинхэнэ төрхийг ил гаргадаг ба нөгөө тал нь Бурханы зан чанарыг илэн далангүй илчилдэг. Эдгээр нь, Бурханы үг хэрхэн үр дүнд хүрч чаддагийн хоёр эх сурвалж юм. Гэсэн хэдий ч, хүмүүс үүнийг ухаардаггүй, тэд үргэлж өөрсдийгөө л Бурханы үгнээс мэдэж авдаг боловч Бурханыг “задлан шинжлээгүй” байдаг. Тэд Түүнийг уурлуулахаас гүнээ айдаг мэт, “хянамгай байдлынх” нь төлөө Бурхан тэднийг хөнөөх юм шиг байдаг. Үнэн хэрэгтээ, ихэнх хүмүүс Бурханы үгийг идэж, уух үед энэ нь эерэг талаас биш харин сөрөг талаас болдог. Хүмүүс одоо Түүний үгийн удирдамж дор “даруу, дуулгавартай байдалд анхаарч” эхэлсэн гэж хэлж болох юм. Хүмүүс Түүний үгэнд анхаарал тавьдаггүй байснаа Түүний үгэнд хэтэрхий их анхаарал хандуулан, өөр нэг туйл руу явж эхэлсэн гэдгийг үүнээс харж болно. Гэсэн ч эерэг талаас орсон хүн хэзээ ч байгаагүй бөгөөд Түүний үгэнд анхаарлаа хандуулснаар Бурханы зорилгыг үнэхээр ухаарсан хүн хэзээ ч байгаагүй. Чуулган дахь бүх хүний бодит байдлыг нарийн зөв, алдаа мадаггүй ойлгох чадвартай байхын тулд Тэр чуулганы амьдралыг биечлэн туулах хэрэггүй гэдгийг Бурханы хэлсэн зүйлээс мэдэж болно. Шинэ арга барилд дөнгөж орсон учраас бүх хүн өөрсдийнхөө сөрөг элементүүдийг хараахан бүрэн хаяагүй байгаа; цогцосны үнэр чуулган даяар ханхалсаар байгаа. Хүмүүс дөнгөж сая эм уучихаад, манарсан хэвээр байж, ухаан мэдрэлээ хараахан олж аваагүй байгаа юм шиг байдаг. Тэднийг үхэл заналхийлсээр байгаа юм шиг байдаг, ингэснээр тэд айдсынхаа дунд байдаг бөгөөд өөрсдийгөө даван гарч чаддаггүй. “Хүн бол өөрийгөө мэддэггүй амьтан юм”: Энэ мэдэгдэл нь мөн л чуулганыг байгуулах арга барилд үндэслэн хэлэгдсэн. Чуулганд, хэдийгээр хүн бүхэн Бурханы үгэнд анхаарал хандуулдаг боловч тэдний уг чанар мөн л гүнээ нэвчсэн байдаг ба тэд өөрсдийгөө чөлөөлөх чадваргүй байдаг. Ийм учраас Бурхан, хүмүүсийг шүүхийн тулд сүүлчийн үе шатны ярих арга барилыг ашигладаг, ингэснээр тэд хэтэрхий их биеэ тоодог зуураа Бурханы үгийн цохилтыг хүлээн зөвшөөрдөг. Хэдийгээр хүмүүс ёроолгүй ангалд таван сар цэвэршүүлэлт туулсан боловч тэдний бодит байдал Бурханыг мэдэхгүй хэвээр байдаг. Тэд одоо ч замбараагүй—тэд Бурханд хандах хянуур байдлаа л ямар нэг хэмжээгээр нэмэгдүүлсэн. Зөвхөн энэ алхамд л хүмүүс Бурханы үгийг мэдэх замд орж эхэлдэг, иймээс Бурханы үгийн мөн чанартай холбоо тогтоох үед, ажлын өмнөх алхам нь өнөөдрийн замыг тавьсан ба зөвхөн өнөөдөр л бүх зүйл хэвийн болж байгаа гэдгийг харахад хэцүү биш. Хүмүүсийн аюулт сул тал нь Бурханы Сүнсийг Түүний махбодоос нь салгах дуртай байдаг явдал, ингэснээр тэд үргэлж хязгаарлагдахаас зайлсхийхийн тулд хувийн эрх чөлөөг олж авч чадна. Ийм учраас Бурхан хүнийг хөгжилтэйгээр нисэж байгаа бяцхан шувуу гэж дүрсэлдэг. Энэ нь бүх хүн төрөлхтний бодит байдал юм. Энэ нь бүх хүнийг хамгийн амархан унагаадаг зүйл, энэ нь тэднийг хамгийн амархан төөрөгдүүлдэг зүйл. Хүн төрөлхтөнд Сатаны хийдэг ажил үүнээс өөрцгүй гэдгийг эндээс харж болно. Сатан үүнийг хүмүүст хэдий чинээ их хийнэ, тэдэнд тавих Бурханы шаардлага төдий чинээ хатуу чанд байдаг. Тэр хүмүүсээс Түүний үгэнд анхаарал хандуулахыг шаарддаг бөгөөд үүнийг сүйрүүлэхийн тулд Сатан шаргуу ажилладаг. Бурхан гэхдээ Өөрийнх нь үгэнд илүү их анхаарал хандуулахыг хүмүүст үргэлж сануулсан; энэ нь сүнсний ертөнцийн дайны оргил юм. Үүнийг ингэж хэлж болно: Хүнд Бурханы хийхийг хүсдэг зүйл нь яг Сатаны сүйрүүлэхийг хүсдэг зүйл бөгөөд Сатаны сүйрүүлэхийг хүсдэг зүйл нь огтхон ч нуугдалгүйгээр хүнээр дамжин илэрхийлэгддэг. Бурханы, хүмүүст хийдэг зүйлд тодорхой нотолгоо байдаг—тэдний нөхцөл байдал улам илүү сайжирсаар байгаа. Хүн төрөлхтөн дэх Сатаны сүйрэл ч бас тодорхой илэрхийлэгддэг—тэд улам бүр гажуудалд орж, нөхцөл байдал нь улам доош живсээр байдаг. Хэрвээ энэ нь хангалттай муу бол тэд Сатанд олзлогддог. Энэ бол Бурханы үгэнд илэрхийлэгдсэн чуулганы бодит нөхцөл байдал бөгөөд энэ нь бас сүнсний ертөнцийн бодит нөхцөл байдал юм. Энэ нь сүнсний ертөнцийн хөдөлгөөний тусгал билээ. Хэрвээ хүмүүст Бурхантай хамтран ажиллах итгэл байхгүй бол тэд Сатанд олзлогдох аюултай. Энэ бол баримт. Хэрвээ хэн нэгэн Бурханаар эзэмдүүлэхийн тулд зүрх сэтгэлээ үнэхээр бүрэн өргөн барьж чаддаг бол тэр нь яг Бурханы хэлсэнчлэн: “Миний өмнө Миний тэврэлтийн дулааныг мэдрэн Миний тэвэрт хэвтэж байгаа юм шиг” байх болно. Энэ нь, хүн төрөлхтөнд тавих Бурханы шаардлага өндөр биш гэдгийг харуулдаг—тэд өндийн босож, Түүнтэй хамтран ажиллах нь л Түүнд хэрэгтэй. Энэ нь амархан, аз жаргалтай зүйл биш гэж үү? Зөвхөн энэ нэг зүйл л бүх баатруудыг мухардалд оруулсан уу? Энэ нь, байлдааны генералуудаар хатгамал хийлгэн чиу лоу[a]-д суулгаж байгаа мэт байдаг—энэ “баатрууд” бэрхшээлээс болж хөдлөхөө больсон ба юу хийх ёстойгоо мэддэггүй.

Ямар нэг талаараа хүн төрөлхтөнд тавих Бурханы шаардлага хамгийн өндөр байна гэдэг нь хүн төрөлхтөнд хандах Сатаны дайралт тэр талаараа хамгийн ноцтой байх болно гэсэн үг бөгөөд үүгээр дамжуулан бүх хүний байдал илчлэгддэг. “…Миний өмнө зогсож байгаа та нарын хэн чинь, орж байгаа цас шиг цагаан, цэвэр хаш шиг сэвгүй байх байсан бол?” Бүх хүн одоо ч Бурханыг хуурч, ямар нэгэн зүйлийг Түүнээс нууж байгаа; тэд өөрсдийн өвөрмөц, сэжигтэй ажил хэргээ гүйцэтгэсээр байгаа. Тэд Түүнийг сэтгэл хангалуун байлгахын тулд зүрх сэтгэлээ бүхэлд нь Бурханы гарт өгөөгүй боловч өөрсдийнхөө урам зоригоор дамжуулан Түүний шагналыг хүртэхийг хүсдэг. Хүмүүс амттай хоолтой байх үедээ Түүнийг өөрсдийнхөө хяналтанд орхиж, Бурханыг хажуу тийш зогсоодог. Хүмүүс сайхан хувцастай байх үедээ өөрсдийнхөө гоо сайхныг таашаан толины өмнө зогсдог бөгөөд зүрх сэтгэлийнхээ гүнээс Бурханыг хангалуун байлгадаггүй. Зэрэг зиндаатай байх үедээ, тансаг хэрэглээтэй байх үедээ тэд зүгээр л байр сууриндаа сууж, үүнийг эдэлж эхэлдэг боловч тэд Бурханы өргөлтөөс болж өөрсдийгөө даруу төлөв болгодоггүй. Оронд нь тэд хэрээс хэтэрсэн үг ашиглан өөрсдийнхөө өндөр байр сууринд зогсдог бөгөөд Бурхан байгаад анхаарал хандуулдаггүй, мөн тэд Бурханы эрхэм нандин байдлыг мэдэхээр эрэлхийлдэггүй. Хүмүүсийн зүрх сэтгэлд шүтээн байх үед эсвэл зүрх сэтгэл нь хэн нэгэнд эзэмдүүлсэн үед тэд Бурханы байгааг аль хэдийн үгүйсгэсэн байдаг бөгөөд Бурхан тэдний зүрх сэтгэлд хөндлөнгөөс оролцогч юм шиг байдаг. Бурхан, тэднийг гэсэн бусад хүмүүсийн хайрыг хулгайлж, тэд ганцаардах болно гэдгээс тэд гүнээ айдаг. Бурханы санаа зорилгын дагуу, хүмүүсээр Бурханыг үл тоомсорлуулах юу ч газар дээр байхгүй; хүмүүсийн хоорондох хайр хүртэл тэрхүү “хайраас” Бурханыг холдуулж чадахгүй байх байсан. Газар дэлхийн бүх зүйл хий хоосон бөгөөд хүмүүсийн хоорондох харж, хүрч болохгүй мэдрэмжүүд ч гэсэн хоосон. Бурханы оршин тогтнолгүйгээр бүх бүтээл юу ч биш болох байсан. Газар дээр, бүх хүнд өөрсдийнх нь хайрладаг зүйлс байдаг боловч Бурханы үгийг өөрийнхөө хайртай зүйл болгосон хүн хэзээ ч байгаагүй. Энэ нь, Бурханы үгийн талаарх хүмүүсийн ойлголтын түвшнийг тодорхойлдог. Хэдийгээр Түүний үг хатуу боловч, хүмүүс Түүний үгэнд жинхэнээсээ анхаарал хандуулдаггүй учраас тэд шархалдаггүй, үүний оронд тэд үүнийг цэцэг шиг хардаг. Тэд үүнд өөрсдийн амсах жимс шиг ханддаггүй, иймээс тэд Бурханы үгийн мөн чанарыг мэддэггүй. “Хэрвээ хүн Миний илдний хурцыг үнэхээр харж чадах юм бол тэд харх адилаар нүх рүүгээ яаран харайлдах байсан юм.” Хэвийн хүний байдал дээр үндэслэн ярьвал, Бурханы үгийг уншсаныхаа дараа тэд цочирдон гайхаж, ичгүүрээр дүүрч, бусдыг харж чадахгүй байх байсан юм. Гэхдээ одоо хүмүүс яг эсрэгээрээ байдаг—тэд Бурханы үгийг бусдын эсрэг цохилт өгөх зэвсэг шиг ашигладаг. Тэд үнэхээр ичгүүр, сонжуургүй!

“Хаанчлалын дотор Миний амнаас айлдвар гараад зогсохгүй, Миний хөл газар дээр хаа сайгүй албан ёсны байдалтайгаар гишгэдэг” хэмээх Бурханы үгийн хамтаар биднийг энэ нөхцөл байдалд аваачсан. Бурхан, Сатан хоёрын хоорондох дайнд Бурхан алхам бүрд ялж байгаа. Тэр Өөрийнхөө ажлыг бүхий л орчлон ертөнц даяар том цар хүрээнд өргөжүүлж байгаа бөгөөд Түүний хөлийн мөр хаа сайгүй байдаг гэж хэлж болно, мөн Түүний ялалтын тэмдгийг хаяагүй харж болно. Сатан арга мэхээрээ улс орнуудыг тараан бутаргаж Бурханы удирдлагыг сүйрүүлэхийг хүсдэг, харин Бурхан түүнийг арчин хаялгүйгээр бүхий л орчлон ертөнцийг дахин зохион байгуулахад үүнийг ашигласан. Бурхан өдөр бүр ямар нэгэн шинэ зүйлийг хийдэг боловч хүмүүс үүнийг мэдээгүй. Хүмүүс сүнсний ертөнцийн хөдөлгөөнд анхаарал хандуулдаггүй, иймээс тэд Бурханы шинэ ажлыг харж чаддаггүй. “Огторгуйн дотор, хүн одоо хүний төсөөлөлд бий болсон шиг, Сатан үймүүлээгүй, гадны дайснуудын халдлагад өртөөгүй диваажингийн дээд диваажинд оршин байгаа мэт байж, мэдрэмжийг баяраар бялхуулж, сэтгэл сэргээж, баясал төрүүлэм талыг төлөөлөх Миний суу алдрын гэрэлд бүх зүйл шинэ болдог.” Энэ нь, газар дээрх Христийн хаанчлалын баяр баясгалантай дүр зургийг зөгнөдөг бөгөөд энэ нь бас гуравдагч тэнгэрийн нөхцөл байдлыг хүн төрөлхтөнд танилцуулдаг: Тэнд Сатаны хүчний ямар ч дайралтгүй, Бурханд харьяалагддаг ариун зүйлсийн оршин тогтнол л байдаг. Гэхдээ хамгийн чухал зүйл бол Бурханы Өөрийнх нь газар дээрх ажлын нөхцөл байдлыг харах боломжийг хүмүүст олгох явдал юм: Тэнгэр бол шинэ тэнгэр бөгөөд үүнийг дагаад газар ч бас шинээр солигддог. Энэ нь Бурханы удирдамж доорх амьдрал учраас хүмүүс бүгд хэмжээлшгүй их аз жаргалтай байдаг. Хүмүүсийн мэдэж буйгаар, Сатан бол хүн төрөлхтний хоригдол бөгөөд үүний оршин тогтнолоос болж тэд огтхон ч зүрхшээж, айгаагүй. Бурханлаг чанараас ирсэн шууд заавар болон удирдамжийн улмаас Сатаны заль мэх бүгд юу ч биш болж хувирсан ба энэ нь, тэр цаашид оршин байхаа больсныг, мөн Бурханы ажлаас болж тэр ор мөргүй устсаныг баталдаг. Тийм учраас хүн диваажингийн дээд диваажинд оршдог гэж хэлсэн. “Ямар ч үймээн самуун хэзээ ч гараагүй ба сансар огторгуйн нэгдэл хэзээ ч алдагдаагүй” хэмээн Бурханы хэлсэн нь сүнсний ертөнцийн нөхцөл байдлын талаар байсан юм. Энэ нь Бурхан Сатанд ялалтаа тунхагладаг баталгаа бөгөөд энэ нь Бурханы эцсийн ялалтын тэмдэг. Ямар ч хүн Бурханы оюун санааг өөрчилж чадахгүй, хэн ч үүнийг мэдэж чадахгүй. Хэдийгээр хүмүүс Бурханы үгийг уншиж, үүнийг нухацтайгаар авч үзсэн боловч ямар ч байсан тэд үүний мөн чанар юу болохыг хэлэх чадваргүй. Жишээ нь, Бурхан: “Би од мичдийн дээгүүр дүүлэн харайж, нар цацрагаа илгээх үед дулааныг нь шингээн авч, галууны өд шиг том цасан ширхэг гараасаа унаган гэнэтийн хүчтэй шуурга илгээдэг. Гэхдээ Намайг бодлоо өөрчлөхөд бүх цас гол болон хайлдаг. Тэр даруй, тэнгэрийн дор хаа сайгүй хавар ирэх ба газар дээрх бүхий л гадаргуу маргад ногоон өнгөөр хувирдаг” гэж хэлсэн. Хүмүүс хэдийгээр эдгээр үгийг оюун ухаандаа төсөөлж чаддаг боловч Бурханы санаа зорилго тийм ч энгийн биш. Тэнгэрийн доорх бүхэн элмэрүү байдалтай байх үед Бурхан хүмүүсийн зүрх сэтгэлийг сэрээн, авралын дуу хоолойгоо айлддаг. Гэхдээ бүх төрлийн гай гамшиг тохиолдож байгаа учраас тэд дэлхий ертөнцийн эзгүй хоосныг мэдэрдэг, ингэснээр тэд бүгд үхлийг эрж хайдаг ба цэвдэг мөсөн агуйд байдаг. Газар дээр ямар ч халуун дулаан байдал байхгүй учраас тэд амьд үлдэж чадахгүй байх хэмжээнд хүртлээ асар их цасан шуурганы жихүүн хүйтнээс болж хөлддөг. Хүмүүсийн завхралаас болж хүмүүс бие биенээ улам илүү харгисаар хөнөөж байгаа. Мөн чуулганд ч гэсэн хүмүүсийн дийлэнх нь агуу улаан лууд нэгэн амьсгаагаар залгиулах болно. Бүх шалгалтууд өнгөрсний дараа Сатаны үймээн самууныг арилгах болно. Өөрчлөлтийнхөө явцад байгаа бүхий л дэлхий ертөнцөд тийнхүү хавар түгэж, халуун дулаан байдал дэлхийг бүрхэнэ. Дэлхий ертөнц эрч хүчээр дүүрэн байх болно. Эдгээр нь бүгд бүхий л удирдлагын төлөвлөгөөний алхмууд юм. Бурханы ярьсан “шөнийн” утга учир нь Сатаны солиорол оргилдоо хүрэх үеийг хэлж байгаа ба энэ нь шөнөөр болно. Энэ нь одоогийн нөхцөл байдал биш гэж үү? Хэдийгээр хүмүүс Бурханы гэрлийн удирдамж дор бүгд амьд үлддэг боловч тэд харанхуй шөнийн зовлон зүдгүүрийг туулж байгаа. Хэрвээ тэд Сатаны хүлээснээс зугтаж чадахгүй бол харанхуй шөнө дунд үүрд амьдрах болно. Тэгвэл газар дээрх улс орнуудыг аваад үз: Бурханы ажлын алхмуудаас болж газар дээрх улс орнууд “ийш тийш гүйлдэж байгаа” ба тэд бүгд өөрсдийн тохиромжит хүрэх газрыг эрж хайж байгаа. Бурханы өдөр хараахан ирээгүй учраас газар дээрх бүх зүйл ороо бусгаа байдалд байсаар байгаа. Бурхан бүхий л орчлон ертөнцөд ив ил харагдах үед Түүний алдар Сион уулыг дүүргэх бөгөөд Түүний гарын зохицуулалт дор бүх зүйл эмх журамтай агаад нягт нямбай байх болно. Бурханы үгс зөвхөн өнөөдөрт хандаж хэлэгддэггүй, энэ нь бас маргаашийг зөгнөдөг. Өнөөдөр бол маргаашийн суурь, иймээс одоогийн энэ нөхцөл байдалд байгаа хүмүүс Бурханы үгийг бүрэн ойлгох чадваргүй. Түүний үгс бүрэн биелсний дараа л тэд нар тэдгээрийг бүхэлд нь ойлгож чадах болно.

Бурханы Сүнс орчлон ертөнц дээрх бүх орон зайг дүүргэдэг боловч Тэр бас бүх хүний дотор ажилладаг. Ийм маягаар хүмүүсийн зүрх сэтгэлд, Бурханы бие хаа сайгүй байж, бүхий л газар Түүний Сүнсний ажлыг агуулдаг юм шиг байдаг. Үнэндээ махбод дахь Бурханы илрэлт нь Сатаны эдгээр үлгэр жишээг байлдан дагуулж, эцэстээ тэднийг олж авахын төлө байдаг. Гэхдээ махбодод ажиллаж байх зуураа эдгээр хүмүүсийг өөрчлөхийн тулд Сүнс бас махбодтой хамтран ажиллаж байгаа. Бурханы үйл хэрэг бүхий л дэлхий даяар түгдэг бөгөөд Түүний Сүнс бүхий л орчлон ертөнцийг дүүргэдэг гэж хэлж болох боловч Түүний ажлын алхмуудаас болж хорон мууг үйлддэг хүмүүс шийтгэгдээгүй, түүнчлэн сайныг хийдэг хүмүүс шагнагдаагүй. Иймээс Түүний үйл хэрэг газар дээрх бүх хүнээр сайшаагдаагүй. Бурхан бүх зүйлийн дээр болон дотор аль алинд нь байдаг бөгөөд үүнээс ч илүүтэйгээр Тэр бүх хүний дунд байдаг. Энэ нь Бурханы бодит оршин тогтнолыг харуулахад хангалттай юм. Тэр хүн төрөлхтөнд хараахан ил тод харагдаагүй учраас хүмүүс: “Хүн төрөлхтний хувьд, Би бодитой оршин байгаа мэт атлаа мөн Надад оршихуй үгүй мэт” гэх мэтийн төөрөгдлийг бий болгосон. Одоог хүртэл Бурханд итгэдэг бүх хүмүүсээс хэн ч Бурхан үнэхээр оршин байдаг гэдэгт туйлын, зуун хувь итгэлтэй байдаггүй. Тэд бүгд гурвантаа эргэлзэж, хоёронтоо итгэж байдаг. Энэ нь хүн төрөлхтний бодит нөхцөл байдал юм. Хүмүүс одоо бүгд дараах байдалтай байгаа: Тэд Бурхан байдаг гэж итгэдэг боловч Түүнийг хараагүй. Эсвэл тэд Бурхан байдаг гэдэгт итгэдэггүй боловч хүн төрөлхтний шийдвэрлэж чадахгүй олон хүндрэл бэрхшээл байдаг. Тэдний зугтаж чаддаггүй ямар нэгэн зүйл тэднийг үргэлж ээдрээтүүлж байгаа юм шиг санагддаг. Тэд хэдий Бурханд итгэдэг боловч үргэлж бага зэргийн тодорхойгүй байдлыг мэдэрдэг мэт байдаг. Гэхдээ хэрвээ тэд итгэдэггүй бол энэ нь үнэхээр үнэн байх үед боломжоо алдах байх гэдгээс тэд айдаг. Энэ нь тэдний хоёрдмол байдал юм.

“Миний нэрийн төлөө, Миний Сүнсний төлөө, Миний бүх удирдлагын төлөвлөгөөний төлөө хэн өөрийн бие дэх бүх хүч чадлаа зориулж чадах вэ?” Мөн Тэр: “Хаанчлал хүний ертөнцөд байгаа өнөөдөр бол Би хүний ертөнцөд биеэр ирсэн үе юм. Хэрвээ ийм байгаагүй бол Миний оронд тулааны талбар луу зоригтойгоор орж чадах нэгэн байна уу?” гэж хэлсэн. Бурханы үгийн зорилго бол энэ: Махбод дахь Бурхан Өөрийн бурханлаг ажлыг шууд хийгээгүй байсан бол эсвэл бие махбодтой болсон Бурхан байгаагүй, харин Тэр үйлчлэлээр дамжуулан ажилласан бол Бурхан агуу улаан лууг хэзээ ч байлдан дагуулж чадахгүй байх байсан, мөн Тэрээр хүн төрөлхтний дунд Хаан болон хаанчилж чадахгүй байх байсан юм. Хүн төрөлхтөн бодит байдал дээр Бурханыг Өөрийг нь мэдэж чадахгүй байх байсан, иймээс энэ нь мөн л Сатаны ноёрхол байх байлаа. Тиймээс ажлын энэ үе шат нь Бурханы махбод болсон биеэр биечлэн хийгдэх ёстой. Хэрвээ махан бие өөрчлөгдсөн бол өөр махан биеийн ач холбогдол, мөн чанар нь адилхан биш учраас төлөвлөгөөний энэ үе шат хэзээ ч биелэгдэхгүй байх байв. Бурхан үндсийг нь атгадаг учраас хүмүүс эдгээр үгний зөвхөн үгчилсэн утгыг л ойлгож чаддаг. Бурхан: “Энэ нь Сүнсний ажил уу, эсвэл бие махбодын гүйцэтгэх үүрэг үү гэдгийг ойлгох хүн нэг ч үгүй. Насан туршдаа нэг нэгэнгүй туулж мэдэхэд хүнд энэ ганц зүйл дангаараа хангалттай юм” гэж хэлсэн. Хүмүүс хэдэн жилийн туршид Сатанаар тасралтгүй завхруулагдсан бөгөөд тэд сүнслэг хэрэг явдлуудыг ойлгох чадвараа аль хэдийн алдсан. Энэ шалтгааны улмаас Бурханы үгийн ганцхан өгүүлбэр л хүмүүсийн нүдийг баясгадаг юм шиг байдаг. Сүнс болон сүнснүүдийн хоорондох зайнаас болж Бурханд итгэдэг бүх хүмүүс Түүнийг хүсэн эрмэлзэх мэдрэхүйтэй байдаг бөгөөд бүгдээрээ улам илүү ойр болж, өөрсдийн зүрх сэтгэлийг уудлахад бэлэн байдаг, гэвч тэд Түүнтэй харилцаж зүрхэлдэггүй, зүгээр л бишрэн шүтсээр үлддэг. Энэ нь Сүнсний сэтгэл татам байдлын хүч юм. Бурхан бол хүмүүсийн хайрлах Бурхан учраас, мөн Түүнд тэдний хайрлах хязгааргүй их элементүүд байдаг учраас хүмүүс бүгд Түүнийг хайрлаж, бүгд Түүнд нууцаа илтгэхийг хүсдэг. Үнэндээ хүн бүхэнд Бурханыг хайрлах зүрх сэтгэл байдаг, харин Сатаны үймээн самуун л Бурханыг мэдэх чадваргүй хөшүүн, мангуу, өрөвдөлтэй хүмүүсийг бий болгосон. Ийм учраас Бурхан, Бурханд хандах хүн төрөлхтний жинхэнэ мэдрэмжийн талаар илэн далангүй ярьсан: “Хүн зүрх сэтгэлийнхээ угт Намайг хэзээ ч жигшээгүй ; харин ч тэр сүнснийхээ гүнд Надад үнэнч үлддэг… Миний бодит байдал хүнийг самгардуулж, цочирч, алмайрахад хүргэдэг, гэсэн ч тэр үүнийг бүгдийг хүлээж авахад бэлэн байдаг.” Энэ нь Бурханд итгэдэг хүмүүсийн зүрх сэтгэлийн гүнд байдаг бодит нөхцөл байдал билээ. Хүмүүс Бурханыг үнэхээр мэдэх үедээ аяндаа Түүнд хандах өөр өөр хандлагатай байх бөгөөд тэд сүнсний үүрэг ролиос болж зүрх сэтгэлийнхээ гүнээс магтаал хэлж чадах болно. Бүх хүний сүнсний гүнд нэгэн Бурхан байдаг боловч Сатаны завхралаас болж тэд Бурханыг Сатантай андуурсан. Бурхан өнөөдөр яг энэ талаас ажилладаг бөгөөд энэ нь эхнээсээ дуустал сүнсний ертөнцийн тулааны анхаарлын төв байсан юм.

Тайлбар:

a. Чиу лоу гэдэг нь эртний Хятадад ялангуяа эмэгтэйчүүд хатгамал хийхдээ ашигладаг газар байв.

Өмнөх:Арван дөрөв дэх айлдварын тайлбар

Дараах:Арван зургаа дахь айлдварын тайлбар

Танд таалагдаж магадгүй