Төгс Хүчит Бурханы Чуулганы апп

Бурханы дуу хоолойг сонсож, Эзэн Есүсийн эргэн ирэлтийг угтан аваарай!

Бүх үнэнийг эрэлхийлэгчдийг бидэнтэй холбогдохыг урьж байна.

Үг нь махбодоор илэрсэн

Цулгуй өнгө

Загвар

Үсгийн хэв

Үсгийн хэмжээ

Мөр хоорондын зай

Хуудасны өргөн

Хайлтын үр дүн 0

Ямар ч үр дүн олдсонгүй.

АРВАН ЕСДҮГЭЭР БҮЛЭГ

Ариун Сүнсний ажил урагш үргэлжлэхийн хэрээр Бурхан биднийг дахин нэг удаа Ариун Сүнсний ажлын шинэ арга барил руу оруулсан. Үр дүнд нь, зарим нь Намайг буруу ойлгож, Надад гомдол гаргахаас зайлсхийх боломжгүй. Зарим нь Намайг эсэргүүцэж, тэрсэлж, Намайг нарийн шалгасан. Гэсэн ч Би та нарын гэмшил болон өөрчлөлтийг өршөөнгүйгээр хүлээсээр байдаг. Ариун Сүнсний ажлын арга барилын өөрчлөлт бол Бурхан Өөрөө нээлттэй ил гарах явдал юм. Миний үг өөрчлөгдөхгүй хэвээр үлдэнэ! Миний аварч байгаа хүн чи учраас Би чамайг замын хагаст орхихгүй. Гэтэл та нарын дотор эргэлзээ байдаг ба гар хоосон буцахыг хүсдэг. Зарим чинь урагшлахаа больж, зарим нь ажиглаж, хүлээдэг. Гэлээ ч зарим нь идэвхгүйгээр нөхцөл байдлыг аялдан дагалдаж, зарим нь ердөө л бусдынхаа хийж байгаа зүйлийг дуурайдаг. Та нар үнэхээр зүрх сэтгэлээ хатуужуулжээ! Чи, Миний та нарт хэлсэн зүйлийг авч, өөрийнхөө бие тоосон зан, бардамнал болгон хувиргажээ. Үүнийг цааш нь нарийвчлан авч үз—энэ бол өршөөл, шүүлтийн үг та нарт ирж байгаа төдий юм. Та нар мэдээжийн хэрэг тэрслүү. Ариун Сүнс шууд ярьж, шууд задлан шинжилдэг. Та нар айсан нь дээр. Болчимгүй бүү үйлд, эсвэл яаруу зүйл бүү хий. Хий хоосон, биеэ тоосон, эсвэл дураараа бүү бай! Чи Миний үгийг хэрэгжүүлэхэд анхаарлаа төвлөрүүлж, хаа ч явсан Миний үгийг амьдран харуул, тэгснээр Миний үг чамайг үнэхээр дотроос чинь хувиргаж, Миний зан чанар чамаас харагдаж болох юм. Эдгээр нь жинхэнэ үр дүн билээ.

Чуулганыг барихын тулд та нар тодорхой биеийн хэмжээтэй байж, бүх зүрх сэтгэлээрээ, зогсолтгүй эрж хайж, түүнчлэн Ариун Сүнсний шатаалт болон цэвэрлэлтийг хүлээн авч, өөрчлөгдсөн хүн болох ёстой. Ийм нөхцөл дор чуулганыг барьж чадна. Ариун Сүнсний ажил, чуулганы барилгыг эхлүүлэхэд та нарыг одоо хөтөлсөн. Хэрвээ та нар урьдын адил үргэлжлүүлэн хойрго, тэнэг аашлах аваас ямар ч найдваргүй. Та нар бүх үнэнээр зэвсэглэж, сүнслэг ялган таних чадвартай байж, Миний мэргэн ухааны дагуу төгс замаар алхах ёстой. Чуулганыг барих үүднээс, та нар амийн сүнсэнд байх ёстой ба өнгөцхөн дуурайх ёсгүй. Амийн чинь өсөлтийн үйл явц бол та нарыг барьж байгуулсантай ижилхэн үйл явц юм. Харин сүнслэг авьяас чадварт найддаг хүмүүс, эсвэл сүнслэг юмсыг ойлгох чадваргүй эсвэл хэрэгжүүлэлт дутдаг хүмүүс барьж байгуулагдаж чадахгүй, мөн цаг үргэлжид Надтай ойртож, ярилцах чадваргүй байдаг хүмүүс ч чадахгүй гэдгийг мэдэж ав. Оюун санаагаа үзэлд эзэмдүүлсэн, эсвэл хоосон сургаалаар амьдардаг хүмүүс барьж байгуулагдаж чадахгүй ба сэтгэл хөдлөлдөө автдаг хүмүүс ч бас чадахгүй. Бурхан чамд яаж хандах нь хамаагүй, чи Түүнд маргаангүй захирагдах ёстой. Эс тэгвээс, чи барьж байгуулагдаж чадахгүй. Өөрсдийн ихэрхүү, маадгар байдал, бардамнал болон сэтгэл хангалуун байдалд автсан, их зантай, гайхуулах дуртай хүмүүс барьж байгуулагдаж чадахгүй. Бусадтай уялдан үйлчилж чаддаггүй хүмүүс барьж байгуулагдаж чадахгүй. Сүнслэг ялган таних чадваргүй, удирдлагыг гардаа барьсан хэнийг ч сохроор дагадаг хүмүүс барьж байгуулагдаж чадахгүй ба Миний санаа зорилгыг ойлгож чаддаггүй, хоцрогдсон нөхцөлд амьдардаг хүмүүс барьж байгуулагдаж чадахгүй. Шинэ гэрлийг дагахдаа хэтэрхий уддаг, аливаа үзэгдлийг үндэс сууриа болгоогүй хүмүүс барьж байгуулагдаж чадахгүй.

Чуулганыг хойш тавилгүйгээр барих ёстой ба Би үүнд хойшлуулшгүй анхаарал тавьдаг. Чи эерэг зүйлд анхаарлаа төвлөрүүлэн эхэлж, мөн бүх хүчээрээ өөрийгөө өргөснөөр барилга угсралтын эгнээнд нэгдэх хэрэгтэй. Эс тэгвээс, гологдох болно. Орхих хэрэгтэй зүйлийг бүхэлд нь орхиж, ууж, идэх хэрэгтэйг зохих ёсоор ууж, идэх хэрэгтэй. Миний үгийн бодит байдлыг амьдран харуулах хэрэгтэй ба өнгөцхөн, авцалдаагүй хэрэг явдалд анхаарлаа төвлөрүүлэх хэрэггүй. Миний үгийг хэр их авснаа өөрөөсөө асуу. Миний үгийг та нар хэр их амьдран харуулдаг вэ? Чи ухаалаг байж, аливааг хөнгөн хуумгай хийхийг тэвчих хэрэгтэй. Эс тэгвээс, энэ нь амийн чинь өсөлтөд тус болохгүй, хор хөнөөл л учруулна. Чи үнэнийг ойлгож, хэрхэн үүнийг хэрэгжүүлэх талаар мэдэж, Миний үг үнэхээр чиний амь болохыг зөвшөөрөх хэрэгтэй. Энэ бол асуудлын гол нь юм!

Чуулганы барилга одоо шийдвэрлэх мөчид ирэхийн хэрээр Сатан төлөвлөгөө боловсруулж, үүнийг нураахаар чадах бүхнээ хийж байна. Та нар хайнга байх ёсгүй, харин ч болгоомжтой үргэлжлүүлж, сүнсэндээ ялган таних чадварыг хэрэгжүүлэх хэрэгтэй. Ийм ялган таних чадваргүйгээр, та нар үлэмж хохирол амсах болно. Энэ бол ялихгүй асуудал биш. Та нар үүнийг чухалчилж авч үзэх хэрэгтэй. Сатан хуурамч төрх гаргаж, агуулгынх нь чанар нэлээд ялгаатай хуурамч зүйлсийг наймаацах чадвартай. Хүмүүс үнэхээр тэнэг, болгоомжгүй аашилж, мөн ялган таних чадвар дутна гэдэг нь чи цаг үргэлжид ухаалаг агаад тайван байж чаддаггүй гэсэн үг юм. Та нарын зүрх сэтгэл хаа ч алга. Үйлчлэл бол нэр төр, мөн хохирол. Энэ нэг бол ерөөл эсвэл азгүйдэл рүү хөтөлнө. Миний дэргэд тайван байж, Миний үгийн дагуу амьдар, та нар мэдээжийн хэрэг сонор сэрэмжтэй байх бөгөөд сүнсэндээ ялган таних чадварыг хэрэгжүүлж чадна. Сатан ирэхэд, чи үүнээс үтэр түргэн сэргийлж, мөн үүний ирж байгааг мэдрэх чадвартай байх болно; чи сүнсэндээ сэтгэлийн зовуурийг мэдрэх болно. Сатаны одоогийн ажил чиг хандлагуудын өөрчлөлтөд дасан зохицдог. Хүмүүс тэнэг ааш гаргаж, сэрэмж дутвал, олзлогдсон хэвээр байх болно. Та нар цаг үргэлжид анхаарал, сэрэмжтэй бай. Өөрийн ашиг, алдагдалтай зууралдаж, эсвэл өөрийнхөө тусын тулд бүү тооцоол. Оронд нь Миний хүслийг гүйцэлдүүлэхээр эрж хай.

Аливаа зүйлс ижилхэн харагдах ч чанар нь ондоо байж болох юм. Иймд, та нар хүмүүсийг ч, сүнснүүдийг ч таних хэрэгтэй. Ялган таних чадварыг хэрэгжүүлж, сүнсэндээ ухаалаг байх хэрэгтэй. Сатаны хор гарч ирэхэд та нар үүнийг тэр дор нь таних чадвартай байна. Тэрээр Бурханы шүүлтийн гэрлээс зугтаж чадахгүй. Та нар сүнсэндээ амьдрахдаа Ариун Сүнсний дуу хоолойг сонсоход сайтар анхаарал тавих хэрэгтэй. Бусдыг сохроор дагаж, худал зүйлийг үнэн гэж бүү андуур. Удирдаж буй хүн бүрийг зүгээр бүү дага, чи үлэмж хохирол амсах вий. Чамд ямар санагдаж байна? Та нар үр дагаврыг нь мэдэрсэн үү? Таамгаараа үйлчлэлд хөндлөнгөөс оролцож эсвэл өөрийн үзэл бодлыг үүнд оруулах ёсгүй, эс тэгвэл Би чамайг цохин унагах болно. Үүгээр ч зогсохгүй, хэрэв чи дуулгавартай байхаас татгалзаж, өөрийн хүссэнээрээ ярьж, хийх аваас Би чамайг тасдах болно! Чуулган илүү олон хүнийг хүч гарган олох шаардлага байхгүй; Бурханыг чин сэтгэлээсээ хайрладаг, үнэхээр Миний үгийн дагуу амьдардаг хүмүүсийг л чуулган хүсдэг. Чи өөрийн бодит нөхцөл байдлыг мэддэг байх ёстой. Ядуу хүмүүс өөрсдийгөө баян гэж бодох нь өөрсдийгөө хуурч байгаа явдал биш гэж үү? Чуулганыг барихад, та нар Сүнсийг дагах ёстой. Сохроор үйлдэхээ бүү үргэлжлүүл, харин байрандаа байж, өөрийн чиг үүргийг биелүүл. Чи үүрэг ролиосоо даван гарах хэрэггүй, харин өөрт байгаа бүх хүч чадлаараа гүйцэтгэж чадах ямар ч үүрэг байсан биелүүл, тэгсэн цагт Би үнэхээр сэтгэл ханах болно. Та нар бүгд ижилхэн чиг үүрэгт үйлчилнэ гэсэн үг биш. Оронд нь, хүн бүр тус тусын үүргийг биелүүлж, чуулганд байгаа бусадтайгаа уялдуулан үйлчлэлээ зориулах хэрэгтэй. Чиний үйлчлэл аль нэг зүг рүү хазайх ёсгүй.

Өмнөх:АРВАН НАЙМДУГААР БҮЛЭГ

Дараах:ХОРИН ХОЁРДУГААР БҮЛЭГ