01

Гамшиг удаа дараалан тохиолдож байгаа бөгөөд Эзэний эргэн ирэлтийн тэмдэг үзэгдлээ—Тэр аль хэдийн эргээд ирчихсэн

Тахал, өлсгөлөн, газар хөдлөлт, үер болон бусад гамшиг дэлхий даяар түгээмэл тохиолдох болж, улам ширүүсэж байна. Огторгуйн хачирхалтай үзэгдэл ч бас харагдлаа. Эзэний эргэн ирэлтийн тухай зөгнөлүүдийн ихэнх нь биелчихсэн. Энэ олон жил бидний хүсэн хүлээсэн Эзэн Есүс аль эрт бидний дунд чимээгүйхэн бууж ирсэн.

Лавлагаанд зориулсан Библийн эшлэлүүд

Холбогдох Бурханы үг

Эцсийн өдрүүд ирж, дэлхий даяарх улс орнууд үймээн самуунтай байна. Улс төрийн эмх замбараагүй байдал, өлсгөлөн, тахал, үер, ган гачиг хаа сайгүй үзэгдэж, хүний ертөнцөд гай зовлон тохиолдож байгаа бөгөөд Тэнгэр ч бас гай гамшиг илгээсэн. Эдгээр нь эцсийн өдрүүдийн шинж тэмдэг юм. Гэхдээ хүмүүст энэ нь зугаа цэнгэл, цог жавхаатай ертөнц шиг, улам илүү тийм болсоор байгаа мэт санагддаг. Хүмүүс дэлхий ертөнцийг харах үедээ сэтгэл татагддаг ба олон хүн үүнд урхидуулаад, өөрсдийгөө үүнээс чөлөөлж чаддаггүй; заль мэх гаргаж, хар шид хийдэг хүмүүст асар олон тооны хүн мэхлэгдэнэ.

“Хэрэгжүүлэлт (2)”-оос эш татав

Лавлах видео

02

Гамшгийн өмнө Эзэн нууцаар эргэн ирчхээд гамшгийн дараа ил тод харагддаг

Эзэнийг угтан авах тухайд, олон хүн Эзэн үүлэн дээр ирэх тухай зөгнөлийг л анхаараад Эзэн махбод болж нууцаар ирэх тухай “Тиймээс та нар ч бас бэлэн бай: учир нь та нарын бодоогүй цагт хүний Хүү ирнэ” (Лук 12:40). “Харагтун, Би хулгайч мэт ирнэ” (Илчлэл 16:15) хэмээх зөгнөлүүдийг анхааралгүй орхидог. Үнэндээ Эзэн гамшгийн өмнө нууцаар эргэн ирчхээд гамшгийн дараа сайныг шагнаж, мууг шийтгэхээр ил гарч ирдэг. Энэ нь Эзэний эргэн ирэлтийн тухай зөгнөлийг бүрэн биелүүлдэг.

Лавлагаанд зориулсан Библийн эшлэлүүд

Тиймээс та нар ч бас бэлэн бай: учир нь та нарын бодоогүй цагт хүний Хүү ирнэ” (Лук 12:40).

Харагтун, Би хулгайч мэт ирнэ. Сэрүүн байж, хувцсаа байлгадаг хүн ерөөлтэй еэ, эс бөгөөс тэр нүцгэн явж, хүмүүс ичгүүрийг нь харах вий” (Илчлэл 16:15).

Учир нь тэнгэрийн нэг хязгаараас нөгөө хязгаар хүртэл цахилдаг аянга шиг; хүний Хүү ч бас Өөрийн өдөртөө тийнхүү байх болно. Гэхдээ Тэр эхлээд олон зовлон туулах ёстой бөгөөд энэ үеийнхэнд гологдоно” (Лук 17:24–25).

Хэрвээ Миний үгийг сонсоод баримталдаггүй хүн байвал Би түүнийг шүүхгүй: учир нь Би дэлхий ертөнцийг шүүхийн тулд биш харин аврахын тулд ирсэн билээ. Намайг голж, Миний үгийг хүлээж авдаггүй хүнийг шүүх шүүгч байдаг: Миний хэлсэн үгс түүнийг эцсийн өдөр шүүх болно” (Иохан 12:47–48).

Учир нь шүүлт Бурханы гэрээс эхлэх цаг болжээ” (1 Петр 4:17).

Түүнчлэн эдгээр өдрүүдэд зарц нар болон шивэгчид дээр ч мөн адил Би Өөрийн Сүнсээ цутгах болно. Мөн Би тэнгэр болон газарт цус, гал, утааны баганын гайхамшгийг үзүүлэх болно. Еховагийн ирэлтийн агуу бөгөөд аймшигт өдөр болохоос өмнө нар хав харанхуй болж сар цусаар бүрхэх болно” (Иоел 2:29–31).

Тэгээд хүний Хүүгийн тэмдэг тэнгэрт илрэн харагдана: газар дээрх бүх овог гашуудан уйлах ба тэд хүний Хүү тэнгэрийн үүлэн дээр хүч чадал, агуу алдартайгаар ирэхийг харах болно” (Матай 24:30).

Харагтун, Тэр үүлсийн хамт ирнэ; нүд бүр Түүнийг харна, Түүнийг жадалсан хүмүүс ч бас харна: газар дэлхийн бүх овог Түүнээс болж гашуудна. Тийм ээ, Амен” (Илчлэл 1:7).

Чи Намайг харсан учир Надад итгэсэн; хараагүй атлаа итгэсэн хүмүүс ерөөлтэй еэ!” (Иохан 20:29).

Холбогдох Бурханы үг

Үг нь махбодоор илэрсэн

Аврагчийн ирэхийг нүдээр үзэж чадах юм сан хэмээн хүн хэдэн мянган жилийн туршид эгээрэн хүссэн. Мянга мянган жилийн турш Өөрийг нь санан бэтгэрч, хүсэн мөрөөссөн хүмүүсийн дунд Аврагч Есүс цагаан үүлэн дээр биечлэн бууж ирэхийг хүн харахыг хүссэн. Аврагч эргэн ирж, хүмүүстэй эргэн нэгдээсэй, өөрөөр хэлбэл, Аврагч Есүс хэдэн мянган жилийн туршид алс байсан хүмүүс рүүгээ буцаад ирээсэй гэж хүн хүсэн хүлээсэн. Бас Түүнийг иудейчүүдийн дунд хийсэн золин аврах ажлаа дахин нэг удаа хэрэгжүүлж, хүнд энэрэнгүй, элэгсэг хандаж, хүний нүглийг уучилж, хүний нүглийг үүрч, тэр ч бүү хэл хүний бүх гэм бурууг үүрч, хүнийг нүглээс гэтэлгэх болно хэмээн хүн найддаг. Тэд Аврагч Есүсийг өмнөхтэйгөө адил хайр татам, нөхөрсөг, эрхэм бөгөөд хэзээ ч хүнд хилэгнэдэггүй, хэзээ ч хүнийг зэмлэдэггүй Аврагч байгаасай гэж хүсэн хүлээдэг. Энэ Аврагч нь хүний бүх нүглийг уучилж, үүрч, бүр хүний төлөө дахин нэг удаа загалмай дээр нас эцэслэдэг. Есүсийг явснаас хойш Түүнийг дагаж байсан шавь нар болоод Түүний нэрийн ачаар аврагдсан ариун хүмүүс бүгд цөхрөнгүйгээр Түүнийг санан бэтгэрч, хүлээсээр ирсэн юм. Нигүүлслийн эрин үед Есүс Христийн нигүүлслээр аврагдсан бүх хүн Аврагч Есүс цагаан үүлэн дээр сууж, эцсийн өдрүүд дэх нэгэн баярт өдөр хүмүүсийн дунд буун ирж, бүх хүнд үзэгдэхийг хүсэн хүлээсээр байна. Мэдээж энэ нь мөн өнөөдөр Аврагч Есүсийн нэрийг хүлээн зөвшөөрч байгаа тэр бүх хүний хамтын хүсэл юм. Есүс Христ газар дэлхий дээр байхдаа: “Би яг л явсан шигээ ирнэ” гэж хэлсэн үгээ биелүүлэхээр гэнэт ирэхийг орчлон ертөнц даяар Аврагч Есүсийн авралыг мэддэг бүх хүн цөхрөнгөө баран эгээрэн хүссээр ирлээ. Цовдлуулж, дахин амилсныхаа дараа Есүс цагаан үүлэн дээр тэнгэр өөд буцан явж, Хамгийн Дээд Нэгэний баруун талд Өөрийн байрыг эзэлсэн гэж хүн итгэдэг. Үүний адилаар, Есүс Өөрийг нь хэдэн мянган жилийн турш эгээрэн хүссэн хүмүүсийн дунд дахин цагаан үүлэн дээр (энэ үүл нь Есүс тэнгэр лүү буцахдаа хөлөглөсөн үүлийг хэлж байна) бууж ирэх ба иудейчүүдийн дүр төрх болон хувцастай байна гэж хүн төсөөлдөг. Тэрээр хүнд харагдсаныхаа дараа тэдэнд хоол хүнс хайрлаж, тэдний төлөө амийн ус ундруулаад, хүмүүсийн дунд хайр, нигүүлслээр дүүрэн, амьд, бодитоор амьдрах болно. Энэ мэтчилэн төсөөлдөг. Гэвч Аврагч Есүс ингээгүй; Тэр хүний төсөөлснөөс эсрэг зүйл хийсэн. Эргэн ирэхийг нь хүсэн хүлээж байсан хүмүүсийн дунд Тэр ирээгүй, бас цагаан үүл хөлөглөж бүх хүнд харагдаагүй. Тэр аль хэдийн ирчихсэн боловч хүн Түүнийг таньдаггүй бөгөөд Түүний талаар мэдэхгүй хэвээр үлддэг. Хүн Түүнийг зүгээр л зорилгогүй хүлээж байгаа бөгөөд Түүнийг аль хэдийн “цагаан үүлэн” дээр (тэр үүл бол Түүний Сүнс, Түүний үг, Түүний бүхий л зан чанар болоод Тэр юу болох) бууж ирчхээд, одоо эцсийн өдрүүдэд бий болгох бүлэг ялагчдынхаа дунд байгаа гэдгийг мэддэггүй. Хүн үүнийг мэдэхгүй: Ариун Аврагч Есүс нь хүнийг гэсэн хайр, энхрийллээр дүүрэн боловч бузар буртаг, ариун бус сүнснүүдийн амьдран суудаг “сүмүүдэд” ажиллаж яаж чадах юм бэ? Түүний ирэхийг хүн хүлээсээр байгаа боловч зөвт бусын махыг идэж, зөвт бусын цусыг ууж, зөвт бусын хувцас өмсдөг, Түүнд итгэдэг атлаа Түүнийг мэддэггүй, Түүнийг үргэлж сүрдүүлдэг хүмүүст Тэр яаж харагдаж чадах юм бэ? Аврагч Есүс нь хайр, энэрлээр дүүрэн бөгөөд золин авралаар дүүрсэн нүглийн тахил юм гэдгийг л хүн мэддэг. Харин Тэр бас зөвт байдал, сүр жавхлан, уур хилэн, шүүлтээр бялхаж, эрх мэдлийг эзэмшсэн, эрхэм чанараар дүүрэн Бурхан Өөрөө мөн гэдгийг хүн огт мэддэггүй. Иймээс хүн хэдийгээр Золин аврагчийн эргэж ирэхийг эгээрэн хүсэж, хорхойсон, Тэнгэр хүртэл хүний залбиралд уярсан ч гэсэн Өөрт нь итгэдэг ч Өөрийг нь мэддэггүй хүмүүст Аврагч Есүс харагддаггүй.

“Аврагч аль хэдийн ‘цагаан үүлэн’ дээр сууж эргэн ирсэн”-ээс эш татав

Сайн мэдээний асуулт, хариулт

Gospel Q&A

Эцсийн өдрүүдэд шүүлтийн ажил хийхийн тулд Бурхан махбод болж, хүний Хүү болсон гэж та нар гэрчилдэг, гэсэн ч шашны пасторууд болон ахлагчдын дийлэнх нь, Эзэн үүлсийн хамт эргэн ирнэ гэх итгэлээ хадгалдаг. Тэд үүнийгээ голчлон дараах Библийн эшлэлүүдэд үндэслэдэг: “Энэ Есүс … тэнгэр лүү явсныг нь та нар харсантай адил байдлаар ирэх болно” (Үйлс 1:11). “Харагтун, Тэр үүлсийн хамт ирнэ; нүд бүхэн Түүнийг харах болно” (Илчлэл 1:7). Түүнчлэн шашны пасторууд болон ахлагчид бас, үүлсийн хамт ирээгүй ямар ч Эзэн Есүс хуурамч бөгөөд гологдох ёстой гэж бидэнд сургадаг. Иймээс энэ үзэл бодол нь Библитэй нийцдэг эсэхийг бид сайн мэдэхгүй байна; иймэрхүү ойлголт зөв үү, буруу юу?

Gospel Q&A

Биднийг тэнгэрийн хаанчлалд аваачихаар ирнэ гэж Эзэн амласан ч, эцсийн өдрүүдэд шүүлтийн ажлыг хийхийн тулд аль хэдийн бие махбодтой болсон гэж та нар гэрчилдэг. Библид Эзэнийг хүч чадал, агуу алдартайгаар үүлэн дээр бууж ирнэ гэж тодорхой зөгнөдөг. Эзэн бие махбодтой болж, хүмүүсийн дунд нууцаар бууж ирсэн гэж та нарын гэрчилдэгээс, өөр байна.

Лавлах видео

“Хүсэл тэмүүлэл” киноны клип: Ингэж Эзэн эргэн ирдэг (Монгол хэлээр)

“Хүсэл тэмүүлэл” киноны клип: Ингэж Эзэн эргэн ирдэг (Монгол хэлээр)

“Яасан сайхан дуу хоолой вэ” киноны клип: Эзэн Есүсийн эргэн ирэлтийн зөгнөлүүд яаж биелдэг вэ?

“Яасан сайхан дуу хоолой вэ” киноны клип: Эзэн Есүсийн эргэн ирэлтийн зөгнөлүүд яаж биелдэг вэ?

“Сүсэг бишрэлийн нууц” киноны клип: Хүний Хүүгийн ирэлтийн нууц(Монгол  хэлээр)

“Сүсэг бишрэлийн нууц” киноны клип: Хүний Хүүгийн ирэлтийн нууц(Монгол хэлээр)

“Ялалтын Дуу” киноны хэсэг: Эзэн эргэж ирэхдээ хэрхэн илэрч, ажлаа хийх вэ? (Монгол хэлээр)

“Ялалтын Дуу” киноны хэсэг: Эзэн эргэж ирэхдээ хэрхэн илэрч, ажлаа хийх вэ? (Монгол хэлээр)

“Шившлэгээс чөлөөлөгд” киноны клип: Эзэн эргэн ирэхдээ Тэр хүн төрөлхтний дунд хэрхэн гарч ирэх вэ?

“Шившлэгээс чөлөөлөгд” киноны клип: Эзэн эргэн ирэхдээ Тэр хүн төрөлхтний дунд хэрхэн гарч ирэх вэ?

Сайн мэдээний магтан дуу “Эцсийн өдрүүдийн Христийг орхигсод мөнхийн шийтгэл амсана” гоцлол дуу

Сайн мэдээний магтан дуу “Эцсийн өдрүүдийн Христийг орхигсод мөнхийн шийтгэл амсана” гоцлол дуу

03

Эзэнийг нууцаар энд байх үед нь хэрхэн угтаж авах вэ

Гамшгийн өмнө Эзэн нууцаар ирэх боловч гамшгийн дараа Өөрийгөө ил тод илчилнэ. Тиймээс Эзэнийг нууцаар энд ирэх үед бид Түүнийг хэрхэн угтан авч болох вэ? Илчлэл 3:20-д “Харагтун, Би үүдэнд зогсоод тогшиж байна: Хэрвээ хэн нэгэн Миний дуу хоолойг сонсоод хаалгаа нээвэл, Би түүн дотор орж, түүнтэй хамт, тэр Надтай хамт хооллох болно” гэсэн зөгнөл байдаг. Эцсийн өдрүүдэд Эзэн газарт эргэн ирэх үедээ хонин сүргээ олохоор үг айлдаг. Ухаалаг охид Бурханы дуу хоолойг сонсоод хүлээн зөвшөөрч, дагадаг. Энэ бол Эзэнийг угтан авч, агуу гамшгийн өмнө Түүний найрт оролцдог хүмүүс юм.

Лавлагаанд зориулсан Библийн эшлэлүүд

Холбогдох Бурханы үг

Бид Бурханы мөрийг хайж байгаа тул Бурханы хүсэл, Бурханы үг, айлдварыг хайх нь зохистой—учир нь Бурхан хаана шинэ үгээ хэлнэ, Бурханы дуу хоолой тэнд байх бөгөөд Бурханы мөр хаа байна, Бурханы үйл хэрэг тэнд байдаг. Бурханы илэрхийлэл хаа байна, тэнд Бурхан илэрдэг, Бурхан хаана илэрнэ, тэнд үнэн, зам, амь оршдог. Та нар Бурханы мөрийг эрж хайхдаа “Бурхан бол үнэн, зам, амь” гэх үгийг үл тоомсорлосон. Иймээс олон хүн үнэнийг хүлээн авах үедээ ч гэсэн Бурханы мөрийг олсон гэдэгтээ итгэдэггүй бөгөөд Бурханы илрэлтийг бүр ч хүлээн зөвшөөрдөггүй. Ямар ноцтой алдаа гээч! Бурханы илрэлт хүний үзэлтэй нийцэх боломжгүй, мөн Бурхан хүний шаардлагаар гарч ирэх бүр ч боломжгүй. Бурхан ажлаа хийх үедээ Өөрийн гэсэн сонголтыг хийж, Өөрийн гэсэн төлөвлөгөөг гаргадаг; түүнчлэн Өөрийн гэсэн зорилго, арга барилтай байдаг. Тэрээр ямар ч ажил хийлээ гэсэн энэ тухай хүнтэй хэлэлцэж, хүний зөвлөгөөг эрж хайх шаардлагагүй, мөн хүн нэг бүрд ажлынхаа талаар мэдэгдэх шаардлага бүр ч байхгүй. Энэ бол хүн бүрийн мэдэх ёстой Бурханы зан чанар юм. Та нар Бурханы илрэлтийг нүдээр үзэж, Бурханы мөрийг дагая гэвэл эхлээд өөрсдийнхөө үзлээс холдох ёстой. Та нар Бурханаас ингэ, тэг гэж шаардах ёсгүй, Түүнийг өөрийнхөө хорионд оруулж, өөрийнхөө үзлээр бүр ч хязгаарлах ёсгүй. Харин та нар Бурханы мөрийг хэрхэн хайж, Бурханы илрэлтийг хэрхэн хүлээн зөвшөөрч, Бурханы шинэ ажилд хэрхэн захирагдах учиртайгаа өөрсдөөсөө шаардах хэрэгтэй; хүний хийх ёстой зүйл бол энэ. Хүн бол үнэн биш, мөн үнэнийг эзэмшдэггүй тул эрж хайж, хүлээн зөвшөөрч, дуулгавартай дагах ёстой.

“Бурханы илрэлт шинэ эрин үеийг авчирсан”-аас эш татав

Лавлах видео

Лавлагаанд зориулсан нийтлэлүүд

Эзэний эргэн ирэлтийг илтгэх тэмдгүүд гарч ирсэн: Түүнийг бид хэрхэн угтан авах ёстой вэ?

Эзэний эргэн ирэлтийг илтгэх тэмдгүүд гарч ирсэн: Түүнийг бид хэрхэн угтан авах ёстой вэ?

Эзэн Есүсийн эргэн ирэлтийн тухай  Библийн 5 зөгнөл биелжээ

Эзэн Есүсийн эргэн ирэлтийн тухай Библийн 5 зөгнөл биелжээ

Эцсийн өдрүүд ирлээ: Эзэн Есүс яг яаж эргэн ирэх вэ?

Эцсийн өдрүүд ирлээ: Эзэн Есүс яг яаж эргэн ирэх вэ?

Уй гашуу эхэлж, Эзэний эргэн ирэлтийг илтгэх тэмдгүүд өдгөө гарч ирлээ:Эзэнийг угтан авахдаа хэрхэн ухаалаг охид байх вэ?

Уй гашуу эхэлж, Эзэний эргэн ирэлтийг илтгэх тэмдгүүд өдгөө гарч ирлээ:Эзэнийг угтан авахдаа хэрхэн ухаалаг охид байх вэ?

Цааш нь харуулах

Илүү олон сэдэв