Өдөр тутмын Бурханы үг: Бурханы илрэлт ба ажил | Эшлэл 67

Би дээд тэнгэрийг Өөрийн үйлийн илрэлээр дүүргэж, газар дээрх бүх зүйлийг Өөрийн хүч чадлын дор унагаан мөргүүлж, тийнхүү “дэлхийн эв нэгдлийн” төлөөх төлөвлөгөөгөө хэрэгжүүлэн, Өөрийн энэ хүслийг биелүүлэх болно. Ингэснээр хүн газрын хөрсөн дээр “тэнүүчлэхээ” больж, харин тохиромжтой хүрэх газрыг саадгүй олно. Би хүн төрөлхтний төлөө бүхий л талаар санаа тавьдаг бөгөөд ингэснээр удахгүй хүн төрөлхтөн амар амгалан, аз жаргалын оронд амьдарч, тэдний амьдралын өдрүүд гунигтай, хоосон байхаа больж, Миний төлөвлөгөө газар дээр бүтэлгүйтэхгүй. Хүн тэнд оршин байдаг учраас Би Өөрийн үндэстнийг газар дээр байгуулах болно. Учир нь Миний алдрын нэг хэсэг газар дээр илэрдэг юм. Дээр тэнгэр дэх Өөрийн хотыг зөв зүйтэй болгож, тэгснээрээ дээр дооргүй бүх зүйлийг шинэчилнэ. Би тэнгэрийн дээр болон доор орших бүхнийг нэгтгэх болно. Ингэснээр газар дээрх бүх зүйл тэнгэр дээрх бүх зүйлтэй нэгдэнэ. Энэ бол Миний төлөвлөгөө; энэ бол миний эцсийн эринд биелүүлэх ёстой зүйл юм—Миний ажлын энэ хэсэгт саад болохыг хэнд ч зөвшөөрч болохгүй! Харь үндэстнүүдийн дунд ажлаа түгээх нь газар дээрх Миний ажлын сүүлийн хэсэг юм. Миний хийх ажлыг хэн ч ойлгож чаддаггүй бөгөөд үүнээс болж хүмүүс ихэд төрөөлддөг. Би газар дээр ажлаа хийгээд завгүй байдаг болохоор хүмүүс боломжийг ашиглаад “зугаацдаг”. Хэтэрхий дэг журамгүй болохоос нь сэргийлж, Би эхлээд тэднийг Өөрийн гэсгээлтэд оруулж галт нуурын сахилгажуулалтыг туулуулсан. Энэ бол Миний ажлын нэг алхам бөгөөд ажлынхаа энэ алхмыг биелүүлэхийн тулд Би галт нуурын хүчийг ашиглах болно; эс бөгөөс Өөрийн ажлыг гүйцэтгэх боломжгүй байх болно. Би орчлон даяарх хүмүүсийг Өөрийн сэнтийн өмнө захирагддаг болгож, шүүлтийнхээ дагуу өөр өөр ангилалд хувааж, эдгээр ангиллын дагуу ялгаж, улмаар гэр бүлүүдээр нь төрөлжүүлнэ. Ингэснээр бүх хүн төрөлхтөн Надад дуулгаваргүй байхаа больж, харин ч миний нэрлэсэн ангиллын дагуу дэг журамтай, цэгцтэй зохицуулалтад орох болно—хэн ч санаан зоргоор нүүж үл болно! Орчлон даяар Би шинэ ажил хийлээ; Миний гэнэтийн илрэлт орчлон даяар бүх хүнийг алмайруулан гайхшируулж, Миний тод илрэлт тэдний мэдлэгийн хүрээг үлэмж тэлсэн. Өнөөдөр тийм биш байна гэж үү?

“Үг. I Боть: Бурханы илрэлт ба ажил. Бүх орчлон ертөнцөд хандсан Бурханы айлдварууд, 43-р бүлэг”-ээс

Бурхан орчлон ертөнц даяар шинэ ажил хийсэн

Бурхан дээд тэнгэрийг Өөрийн үйлсээр дүүргэж, газар дээрх бүх зүйл Түүний хүч чадал дор унан мөргөнө. Бүх дэлхийг нэгтгэх Түүний төлөвлөгөө биелж, дэлхийн хүмүүс дэмий тэнүүчлэхээ больж, дор бүрдээ зөв газраа олох болно. Орчлон ертөнц даяар Бурхан шинэ ажлаа хийсэнд, бүх хүн гайхширч, гэнэтийн илрэлтэд нь цочирдсон. Орчлон ертөнц даяар тэдний мэдлэгийн хүрээ урьд байгаагүйгээр тэлсэн. Өнөөдөр яг ийм л.

Бурхан хүнд бүх талаар санаа тавьдаг тул удалгүй хүмүүс тайван, жаргалтай газар амьдарч, тэнд уй гунигийг дахин мэдрэхгүй. Түүний төлөвлөгөө газарт биелнэ. Хүн оршдог учраас Бурхан улс орноо дэлхий дээр байгуулж, Түүний алдрын нэг хэсэг илчлэгдэнэ. Орчлон ертөнц даяар Бурхан шинэ ажлаа хийсэнд, бүх хүн гайхширч, гэнэтийн илрэлтэд нь цочирдсон. Орчлон ертөнц даяар тэдний мэдлэгийн хүрээ урьд байгаагүйгээр тэлсэн. Өнөөдөр яг ийм л.

Тэр тэнгэрийн хотуудыг зүй зохистой болгож, хаа сайгүй бүхнийг шинэчлэн, тэнгэр, газар дахь бүх зүйлийг, дээр, доор буй бүхнийг нэгтгэнэ. Энэ бол Түүний (энэ бол сүүлчийн эрин үед Бурханы биелүүлэх төлөвлөгөө.) Өөрийн ажлын энэ хэсэгт хэнийг ч хөндлөнгөөс оруулахгүй! Бурхан орчлон даяарх хүмүүсийг сэнтийнхээ өмнө захирах болно. Тэр хүмүүсийг шүүж, ангилан, гэр бүлүүдээр нь ялгах болно. Бүгд Түүнд дуулгаваргүй байхаа больж, Түүний тушаалаар төгс дэг журамд орж, хэн ч дураараа хөдлөхгүй. Орчлон ертөнц даяар Бурхан шинэ ажлаа хийсэнд, бүх хүн гайхширч, гэнэтийн илрэлтэд нь цочирдсон. Орчлон ертөнц даяар тэдний мэдлэгийн хүрээ урьд байгаагүйгээр тэлсэн. Өнөөдөр яг ийм л.

Хургыг дагаж шинэ дуу дуулъя

Одоо үед гай гамшиг ойр ойрхон тохиолдож, Эзэн эргэн ирэх тухай зөгнөлүүд үндсэндээ биелсэн. Бид Эзэнийг хэрхэн угтан авч болох вэ?

Холбогдох контент

Messenger дээр бидэнтэй холбоо барих