Үнэний тухай тодорхой нөхөрлөхийн зорилго нь хүмүүст ердөө үнэнийг ойлгуулахын төлөө бус, харин үнэнийг хэрэгжүүлж, зан чанараа өөрчлөх боломжийг олгохын төлөө байдаг. Хэрвээ чи үнэнийг ойлгодог ч хэрэгжүүлдэггүй бол үнэний тухай нөхөрлөл болон үнэний талаарх ойлголт чинь ямар ч утга учиргүй болно. Хэрвээ чи үнэнийг ойлгодог боловч хэрэгжүүлдэггүй бол үнэнийг олж авах боломжоо алдаж, аврагдах бүх завшаанаа бас алдана. Харин чи өөрийнхөө ойлгодог үнэнийг хэрэгжүүлдэг бол илүү их, гүн гүнзгий үнэнийг олж авна; Бурханы авралыг болон Ариун Сүнсний гэгээрэл, гэрэлтүүлэлт, удирдамжийг хүртэнэ. Олон хүн Ариун Сүнс өөрсдийг нь хэзээ ч гэгээрүүлж байгаагүй гэж л гомдоллож чаддаг ч өөрсдөө үнэн хэрэгтээ үнэнийг хэрэгжүүлэхгүй байгаа гэдгээ ухаардаггүй. Тиймээс тэдний нөхцөл байдал хэзээ ч хэвийн байдалтай болохгүй, тэд хэзээ ч Бурханы хүслийг ойлгохгүй.

Үнэнийг хэрэгжүүлэх нь өөрсдийнх нь асуудлыг шийдэж чадахгүй гэж зарим хүн хэлдэг. Үнэн нь хүний завхарсан зан чанарыг бүрэн дүүрэн шийдвэрлэж чадахгүй гэж бусад нь итгэдэг. Үнэн хэрэгтээ хүмүүсийн бүх асуудлыг шийдвэрлэх боломжтой; хүмүүс үнэнд нийцүүлэн үйлдэж чадах уу, үгүй юу гэдэг л гол түлхүүр нь юм. Та нарыг одоо зовоож буй асуудлууд бол хорт хавдар юм уу эдгэршгүй өвчин биш. Хэрвээ та нар үнэнийг хэрэгжүүлж чадвал үнэнд нийцүүлэн үйлдэж чадах эсэхээс чинь хамааран тэр асуудлууд бүгд өөрчлөгдөж болно. Хэрвээ чи үнэнийг эрэлхийлэх замаар алхаж байгаа бол амжилтад хүрэх нь гарцаагүй; харин буруу замаар замнаж байгаа бол дуусна. Жишээлбэл, зарим хүн аливааг ямар арга замаар хийвэл Бурханы гэрийн ажилд ашиг тустайг, эсвэл аливааг хийдэг арга зам нь Бурханы хүсэлтэй нийцэж байгаа эсэхийг хэзээ ч бодож үзэлгүйгээр ажлаа хийдэг; үр дүнд нь тэд Бурханы үзэн яддаг маш олон зүйлийг хийдэг. Хэрвээ тэд бүх зүйлийг үнэнтэй нийцүүлэн үйлддэг бол Бурханы зүрх сэтгэлийн дагуух хүн байх бус уу? Зарим хүн үнэнийг мэддэг ч хэрэгжүүлдэггүй бөгөөд үнэн бол зүгээр л энэ нэг зүйл, өөр юу ч биш гэж итгэдэг. Үнэн өөрсдийнх нь хүслийг арилгаж, завхралыг шийдвэрлэж чадахгүй гэж тэд итгэдэг. Ийм хүмүүс инээдтэй биш гэж үү? Хөгийн биш гэж үү? Тэд өөрсдийгөө ухаантай гэж боддог бус уу? Хэрвээ хүмүүс үнэнд нийцүүлэн үйлддэг бол завхарсан зан чанар нь өөрчлөгдөнө; харин тэд төрөлх зан авиртаа үндэслэн Бурханд итгэж, үйлчилдэг бол хэн нь ч зан чанараа өөрчилж чадахгүй. Зарим хүн санаа зовнилдоо бүхэл өдөржин автаад, бэлэн байгаа үнэнийг судалж, эсвэл хэрэгжүүлж чаддаггүй. Ийм маягаар хэрэгжүүлэх нь тун утгагүй; ийм хүмүүст ерөөл байдаг ч эдэлж чаддаггүй тул төрөлхийн зовогчид юм! Урагшлах зам тэнд байна; чи үүнийг хэрэгжүүлэх л хэрэгтэй. Хэрвээ чи үнэнийг хэрэгжүүлэхээр шийдсэн бол чиний сул тал болон хөнөөлт дутагдал өөрчлөгдөж болно. Гэхдээ чи байнга анхаарал болгоомжтой байж, илүү их хүндрэл бэрхшээлийг туулах ёстой. Бурханд итгэхэд болгоомжтой байх шаардлагатай. Хэрвээ чи ийм хайнга байдалтай байдаг бол Бурханд зохих ёсоор итгэж чадах уу?

Үг. III Боть: Эцсийн өдрүүдийн Христийн яриа. Гуравдугаар хэсэг

Үнэнийг хэрэгжүүлбэл зан чанар чинь өөрчлөгдөнө

Ⅰ

Үнэний нөхөрлөл нь хүнийг жаргалтай болгох албагүй. Энэ нь хэрэгжүүлэх, өөрчлөгдөхийн тулд байдаг. Хэрэв чи үнэнийг ойлгоод хэрэгжүүлдэггүй бол, бүх ойлголт нь дэмий байна. Чи үнэнийг олж авах боломжоо алдвал аврагдах боломжоо алдана. Үнэнийг хэрэгжүүлэх нь асуудлыг арилгадаггүй гэж зарим нь хэлдэг. Үнэн хүний завхралыг шийдэхгүй гэж бусад нь итгэдэг. Гэвч хүмүүсийн асуудлыг шийдвэрлэж болно. Гол нь үнэний дагуу үйлдэх ёстой. Хэрэв ойлгодог үнэнээ хэрэгжүүлбэл чи илүү гүн гүнзгий үнэнийг олж, Ариун Сүнсээр гэгээрүүлэн хөтлүүлнэ. Өө! Хэрэв үнэнийг хэрэгжүүлбэл чи илүү гүн гүнзгий үнэнийг олж, Бурханы авралыг, Бурханы авралыг хүртэнэ.

Ⅱ

Aсуудлууд чинь хорт хавдар шиг биш ээ. Үнэнийг хэрэгжүүлбэл асуудлууд чинь шийдэгдэнэ. Хэрэв зөв замаар алхаж, үнэнийг хэрэгжүүлбэл амжилт олно. Буруу замаар алхаж байгаа бол чи дуусна. Хэрэв ойлгодог үнэнээ хэрэгжүүлвэл, чи илүү гүн гүнзгий үнэнийг олж, Ариун Сүнсээр гэгээрүүлэн хөтлүүлнэ. Өө! Хэрэв үнэнийг хэрэгжүүлвэл, чи илүү гүн гүнзгий үнэнийг олж, Бурханаас авралыг, Бурханаас авралыг авна.

Ⅲ

Зарим нь зовнилдоо дийлдэж, бэлэн байгаа үнэнийг хэрэгжүүлдэггүй. Угаасаа зовогсод ерөөгдсөн ч үр жимсийг нь эдэлдэггүй! Хэрэгжүүлэх зам бий, айхтар дутагдлуудыг өөрчилж болно. Анхаарал сэрэмжтэй бай, илүү их зовлон туул. Өө, Бурханд итгэхэд хянамгай зүрх сэтгэл хэрэгтэй. Ийм хааш яаш байдаг бол зохих ёсоор итгэж чадна гэж үү? Өө! Хэрэв ойлгодог үнэнээ хэрэгжүүлвэл, чи илүү гүн гүнзгий үнэнийг олж, Ариун Сүнсээр гэгээрүүлэн хөтлүүлнэ. Өө! Хэрэв үнэнийг хэрэгжүүлвэл, чи илүү гүн гүнзгий үнэнийг олж, Бурханаас авралыг, Бурханаас авралыг авна. Хэрэв ойлгодог үнэнээ хэрэгжүүлвэл, чи илүү гүн гүнзгий үнэнийг олж, Ариун Сүнсээр гэгээрүүлэн хөтлүүлнэ. Өө! Хэрэв үнэнийг хэрэгжүүлвэл, чи илүү гүн гүнзгий үнэнийг олж, Бурханаас авралыг, Бурханаас авралыг авна. Бурханаас авралыг авна.

“Хургыг дагаж шинэ дуу дуулъя” номоос