Хүн эзэмших ёстой үнэнээ Бурханы үгээс олдог бөгөөд энэ бол хүн төрөлхтөнд хамгийн ашиг тустай, хэрэгтэй үнэн юм. Энэ бол та нарын бие махбодод хэрэгтэй ханд, тэжээл бөгөөд хэвийн хүн чанараа сэргээхэд нь хүнд тусалдаг зүйл, хүний зэвсэглэх ёстой үнэн юм. Бурханы үгийг хэдий чинээ их хэрэгжүүлнэ, та нарын амь төдий чинээ хурдан цэцэглэж, үнэн төдий чинээ тодорхой болно. Биеийн хэмжээ чинь өсөх тусам та бүхэн сүнслэг ертөнцийн зүйлсийг илүү тодорхой харж, Сатаныг ялан дийлэх илүү их тэнхээтэй болно. Бурханы үгийг хэрэгжүүлснээр ойлгохгүй байсан олон үнэн чинь та нарт тодорхой болно. Ихэнх хүмүүс Бурханы үгийн бичвэрийг ойлгох төдийдөө сэтгэл ханадаг бөгөөд туршлагаа гүнзгийрүүлэн хэрэгжүүлэхийн оронд, өөрсдийгөө хоосон сургаалаар зэвсэглэхэд анхаардаг; гэвч энэ нь фарисайчуудын зам бус уу? Ийм байхад “Бурханы үг бол амь юм” гэсэн хэллэг тэдний хувьд яаж жинхэнэ байж чадах юм бэ? Бурханы үгийг унших төдийхнөөр бус гагцхүү түүнийг хэрэгжүүлсэн үед л хүний амь өснө. Хэрэв Бурханы үгийг ойлгох нь амь болон биеийн хэмжээтэй болоход хэрэгтэй бүхэн юм гэж чи итгэж байвал ойлголт чинь ташаа байна. Үнэнийг хэрэгжүүлсэн цагт Бурханы үгийг үнэхээр ойлгох бөгөөд “үнэнийг хэрэгжүүлснээр л үүнийг ойлгож чадна” гэдгийг чи ойлгож авах ёстой. Өнөөдөр Бурханы үгийг уншсаныхаа дараа чи Бурханы үгийг мэдлээ гэж л хэлж болно, харин ойлгочихлоо гэж хэлж болохгүй. Үнэнийг хэрэгжүүлэх цорын ганц зам бол эхлээд үүнийг ойлгох явдал гэж зарим хүн хэлдэг ч энэ нь ердөө зарим талаараа зөв бөгөөд бүхэлдээ үнэн зөв биш гэдэг нь лавтай юм. Үнэний талаар мэдлэгтэй болохоосоо өмнө чи тэр үнэнийг туулаагүй байдаг. Номлолоос сонсдог зүйлээ ойлгодог гэж чамд санагдах нь үнэндээ ойлгож байгаа хэрэг биш. Зүгээр л үнэний үг үсгийг эзэмшсэн төдий бөгөөд энэ нь үнэний жинхэнэ утгыг ойлгохтой адилгүй. Үнэний талаар зөвхөн өнгөц мэдлэгтэй байгаа чинь үнэндээ ойлгодог, эсвэл энэ талаар мэдлэгтэй гэсэн үг биш; үнэний жинхэнэ утга нь үнэнийг туулснаар гарч ирдэг. Тиймээс зөвхөн үнэнийг туулах үедээ чи үүнийг ойлгож чадна, тэр цагт л чи далд хэсгүүдийг нь ухаарч чадна. Туршлагаа гүнзгийрүүлэх нь үнэний далд утгыг ухаарах, мөн чанарыг нь ойлгох цорын ганц зам юм. Тиймээс үнэнтэй байхад чи хаа ч хүрж чадах боловч дотор чинь үнэн байхгүй бол шашны хүмүүс байтугай, гэр бүлийн гишүүдээ ч итгүүлэх гэж оролдох талаар бодох хэрэггүй. Үнэн байхгүй бол чи будрах цасан ширхэгтэй л адил байх болно, харин үнэнтэй бол аз жаргалтай, эрх чөлөөтэй байж чадах бөгөөд хэн ч чам руу дайрч чадахгүй. Онол хэр баттай байх нь хамаагүй, үнэнийг даван гарч чадахгүй. Үнэнтэй байхад дэлхийг ч хөдөлгөж, уулс хийгээд тэнгис далайг ч нүүлгэж болно, харин үнэн дутмаг бол хотын бат бэх хана хэрэм өтөнд идэгдэж юу ч үгүй болоход хүрнэ. Энэ бол илэрхий бодит байдал.

“Үг. I Боть: Бурханы илрэлт ба ажил. Та нар үнэнийг ойлгомогцоо хэрэгжүүлэх ёстой”-оос

Бурханы үгийг хэрэгжүүлдэггүй хүмүүс таягдуулах болно

Ⅰ

Бурханы ажил, үг нь та нарын зан чанарыг өөрчлөх учиртай. Тэр үүнийг зүгээр л та нарт ойлгуулж, таниулах зорилгогүй. Энэ нь хангалтгүй, ингээд л гүйцэхгүй. Хэрэв та нар хүлээн авах чадвартай бол, Бурханы үгийг ойлгоход амархан. Ихэнх нь хүний хэлээр бичигдсэн байдаг. Бурхан хэвийн хүний ойлгож чадах зүйлсийг л чамайг мэдээсэй, хийгээсэй гэж хүсдэг. Бурханы үгэн дэх бүх үнэнийг хүн туулах ёстой. Тэд илүү нарийвчлан эрж хайж, судлах ёстой. Тэд өгснийг л авч хүлээх ёсгүй, тэгвэл тэд бэлэн хоол горьдогчид болно. Мэддэг мөртлөө Бурханы үгэн дэх үнэнийг хэрэгжүүлдэггүй бол тэд үгэнд хайргүй бөгөөд эцэстээ таягдуулна.

Ⅱ

Бурханы одоо хэлдэг зүйл маш тодорхой. Энэ нь тунгалаг, ойлгомжтой. Бурхан хүмүүсийн бодоогүй маш олон зүйлийг онцолдог. Тэр хүний янз бүрийн нөхцөлийг илчилдэг. Бурханы үг бүгдийг хамардаг. Үгс нь тэргэл сарны гэрэл мэт тод. Хүн олон асуудлыг харж чаддаг. Хүний хийхээр хичээх ёстой зүйл бол Бурханы үгийг хэрэгжүүлэх юм. Энэ бол хүн төрөлхтөнд үнэхээр дутагддаг зүйл. Бурханы үгэн дэх бүх үнэнийг хүн туулах ёстой. Тэд илүү нарийвчлан эрж хайж, судлах ёстой. Тэд өгснийг л авч хүлээх ёсгүй, тэгвэл тэд бэлэн хоол горьдогчид болно. Мэддэг мөртлөө Бурханы үгэн дэх үнэнийг хэрэгжүүлдэггүй бол Тэд үгэнд хайргүй бөгөөд эцэстээ таягдуулна.

“Хургыг дагаж шинэ дуу дуулъя” номоос