I

Сион! Уухайл! Сион! Дуул!

Би ялаад эргэн ирлээ, Би ялгууснаар эргэн ирлээ!

Бүх хүмүүс ээ! Дараалалдаа хурдан жагс!

Бүтээлийн бүх зүйл ээ! Одоо зогсоцгоо,

учир нь Миний үнэн бие бүхий л орчлон ертөнцтэй нүүр тулж,

дэлхийн Зүүн зүгт гарч ирлээ!

Хэн өвдөг сөгдөн шүтэн мөргөхгүй байж зүрхлэх билээ?

Хэн Намайг жинхэнэ Бурхан гэж дуудахгүй байж зүрхлэх билээ?

Хэн эмээсэн сэтгэлээр харахгүй байж зүрхлэх билээ?

Хэн магтаал өргөхгүй байж зүрхлэх билээ? Хэн баярлан хөөрөхгүй байж зүрхлэх билээ?

Миний ардууд Миний дуу хоолойг сонсдог.

II

Уулс, гол мөрөн болон бүх зүйл

эцэс төгсгөлгүй уухайлж, зогсолтгүй үсэрч харайна.

Энэ үед хэн ч ухарч няцаж зүрхлэхгүй,

хэн ч өндийн босож эсэргүүцэж зүрхлэхгүй.

Энэ бол Миний гайхалтай үйл хэрэг,

үүнээс ч илүүтэйгээр Миний агуу хүч чадал!

Би бүх зүйлийг Надаас эмээдэг сэтгэлтэй болгоно,

үүнээс гадна бүх зүйлээр Өөрийгөө магтуулна!

Энэ бол Миний зургаан мянган жилийн удирдлагын төлөвлөгөөний эцсийн зорилго,

энэ бол Миний урьдчилан тогтоосон зүйл.

Нэг ч хүн, нэг ч зүйл, нэг ч үйл явдал

Намайг эсэргүүцэн босож, Намайг сөрж зүрхлэхгүй.

III

Миний ардууд бүгд Миний уул руу цувж, Миний өмнө захирагдана,

учир нь Надад сүр жавхлан, шүүлт байдаг, Би эрх мэдэл агуулдаг.

Миний хувьд юу ч хэцүү биш.

Миний амнаас гарах үгээр бүгд устгагдана,

Миний үгээр бүгд бий болж, бүрэн төгс болгуулна.

Энэ бол Миний агуу хүч чадал, энэ бол Миний эрх мэдэл.

Миний хүч чадлаар дүүрэн агаад эрх мэдлээр бялхаж байдаг учир

хэн ч Надад саад хийж зүрхлэхгүй.

Би хэдийнээ бүх зүйлийг ялан дийлж,

бүх тэрслүү хөвгүүдийг аль хэдийн ялсан.

“Үг. I Боть: Бурханы илрэлт ба ажил. Христийн эхэн үеийн айлдварууд, 120-р бүлэг”-ээс