I

Газар дээр бол Би хүмүүсийн зүрх сэтгэлд оршдог бодит Бурхан Өөрөө; тэнгэрт бол Би бүх зүйлийн Захирагч. Би ууланд авирч, гол мөрнийг гаталж, хүмүүсийн дунд сэвшээ салхи мэт явсан. Бодит Бурханыг Өөрийг нь хэн илт эсэргүүцэж зүрхлэх юм бэ? Төгс Хүчитийн дээд эрхээс хэн ангижирч зүрхлэх юм бэ? Намайг тэнгэрт байдаг гэж ямар ч эргэлзээгүйгээр хэн баталж зүрхлэх юм бэ? Түүнчлэн, Намайг гарцаагүй газар дээр байдаг гэж хэн баталж зүрхлэх юм бэ? Хүмүүсийн дундаас нэг ч хүн Миний хаана байгааг нарийн тодорхой хэлж чадахгүй. Тэнгэрт байх үедээ Би ер бусын Бурхан Өөрөө байдаг гэж үү? Газар дээр байх үедээ Би бодит Бурхан Өөрөө байдаг гэж үү?

II

Бүх зүйлийн Захирагч гэдэг минь, эсвэл хүний ертөнцийн зовлонг туулж байгаа минь бодит Бурхан Өөрөө мөн эсэхийг минь тодорхойлж чадах юм гэж үү? Хэрвээ тийм байсан бол хүмүүс ямар ч найдваргүй мунхаг байх биш үү? Би тэнгэрт байдаг, гэхдээ Би бас газар дээр байдаг; Би бүх зүйлийн дунд, бас үй олон хүний дунд байдаг. Хүмүүс өдөр бүр Надтай харилцаж чадна; түүнчлэн, тэд өдөр бүр Намайг харж чадна. Хүний тухайд гэвэл Би заримдаа нуугдаж, заримдаа үзэгдэж байгаа мэт байдаг; Би үнэхээр оршин байгаа мэт атлаа бас оршдоггүй мэт байдаг. Хүн ойлгохын аргагүй нууцууд Надад оршдог.

“Үг. I Боть: Бурханы илрэлт ба ажил. Бүх орчлон ертөнцөд хандсан Бурханы үг, 15-р бүлэг”-ээс