Гол дүрийн баатар маань чуулганы удирдагчаар сонгогдоод, бага залуу, амийн туршлага ахархан учир өөрийгөө тийм үүрэг хариуцах чадваргүй, иймээс бусдад дорд үзэгдэнэ гэж санаа зовжээ. Цуглаан дээр, нэг асуудлын талаарх түүний бодол буруу болж таарах бөгөөд үүнд тэр бухимдан, чуулганы бусад удирдагчтай харьцуулахад үнэхээр дутуу дулимаг байгаагаа мэдэрнэ. Иймээс тэрээр чуулганы удирдагчийн үүргээ үргэлжлүүлэхийг хүсэхгүй байлаа. Бурханы үгийг идэж уух замаар өөрийгөө эргэцүүлээд, үүргээсээ зайлсхийх гэсэн шалтгаан нь бусдад сул талаа харуулж, шившиг болох вий гэж айснаас үүдэлтэйг тэр ухаарна. Түүнчлэн тэрээр нэр төр, байр суурийг дэндүү эрхэмлэн, бусад бүх зүйлээс дээгүүрт тавьдаг нь антихрист зан чанар гэдгийг олж харжээ. Үүний зэрэгцээ, хүний үүрэг бол Бурханы даалгавар, зайлшгүй хариуцлага бөгөөд үүнийг биелүүлэхийн тулд чадах бүхнээ хийх учиртай гэдгийг тэрээр ойлгов. Үзэл бодлоо залруулж, үүргээ ачаатай биелүүлснээр тэр Бурханы гэгээрэл, удирдамжийг хүлээн авав. Тэгээд ачаа бол Бурханы ерөөл гэдгийг үнэхээр мэдэрсэн билээ.