Гол дүрийн баатар сайн мэдээ түгээж яваад Коммунист Намынханд хууль бусаар саатуулагдсаныхаа дараа хүлүүлж, өвдөхүйц байрлалаар гавлуулж, гаваас дүүжлэгдэх гэх зэргийг хамруулан элдэв янзын аргаар эрүүдэн шүүгджээ. Цагдаа нар бас түүнийг торонд цоожилж, унтуулахаас татгалзана. Тарчилж, тэдэнд юу ч хэлэхгүй бол үхтлээ зодуулна гэж айсандаа тэр Бурханд итгэдгээ үгүйсгэв. Гэхдээ цагдаа нар түүнд итгэлгүй, сэтгэцэд нөлөөлдөг эм хүчээр уулгах бөгөөд ариун цэврийн өрөө ашиглуулахаас татгалзаж, тэр ч бүү хэл түүнийг доромжлохоор хамаг хувцсыг нь тайлуулаад, коридорт аваачжээ. Тэр бие, сэтгэлийн хямралд орохын даваан дээр байхдаа галзуурсан мэт дүр эсгэнэ. Тэгээд суллагдсаныхаа дараа, үхлээс айснаасаа үүдэн Бурханыг үгүйсгэж, гэрчлэл хийж чадаагүй гэдгээ эргэн санаад харуусалд автав. Хожим нь 2012 онд тэр сайн мэдээ түгээж байгаад дахин нэг удаа баривчлагдах бөгөөд Бурханд залбирч, найдсанаар тэр чөтгөрүүдийн өмнө Бурханд гэрчлэл хийж чадсан билээ.