I

Бие махбодтой болсон хүний Хүү ирлээ,

Төгс Хүчит Бурхан махбодоор илэрч,

үгээрээ Хаанчлалын эрин үеийг эхлүүлж,

шүүлт Бурханы гэрээс эхэллээ.

Бурханы сонгосон хүмүүс Бурханы өмнө өргөгдсөн;

эцсийн өдрүүдийн Христэд тэд шүтэн мөргөдөг.

Төгс Хүчит Бурхан өдөр бүр шинэ үг хэлж,

мөнх амийн замыг хүмүүст авчирдаг.

Шинэ Иерусалим тэнгэрээс буун ирж,

орчлон даяараа баясдаг.

Бурхан хаанчлалыг олж аваад газар дээр ирдэг,

Мянган жилийн хаанчлал ирлээ.

II

Шашны ертөнцөд өлсгөлөн тулгарсан,

хүмүүс үнэн замыг эрж хайхаас өөр аргагүй болсон.

Тэд хүний Хүүгийн илрэлтийг маш удаан хүсэн хүлээж,

Бурханы дуу хоолойг сонсоод байлдан дагуулагдсан.

Тэд Бурханы шүүлт, цэвэрлэгээг хүлээн авч,

үнэн болон амийг олж авсан.

Элдэв янзын шалгалт, гай зовлонг туулаад

Бурханы төгс хүчин, мэргэн ухааныг харсан.

Тэд Бурханы үгэнд найдаж, гэрчлэлдээ бат зогсоод,

Төгс Хүчит Бурханд алдар суу авчирдаг.

Бурхан ялагчийн бүлгийг бий болгосон,

Бурханы агуу ажил гүйцэлдсэн.

III

Бурханы уур хилэн буун ирж,

агуу гамшиг ар араасаа тулгардаг.

Ёрын муу хүн төрөлхтнийг Бурхан устгаж,

Бурханы зөвт байдлыг бүрэн харуулдаг.

Бурханы ардууд Сатаныг ялан дийлж,

Бурханы нүүр царайн гэрэлд амьдардаг.

Бурхан тэднийг Мянган жилийн хаанчлалд авчирсан,

тэнд тэд Бурханы мөнхийн ерөөлүүдэд умбадаг.

Бурханы үг бүхнийг гүйцэлдүүлж, Бурханы мэргэн ухаан, төгс хүчнийг харуулсан.

Бурханы үг газар дээр хаанчилж, Мянган жилийн хаанчлал ирлээ.

“Хургыг дагаж шинэ дуу дуулъя”-аас