Эцсийн өдрүүдийн шинж тэмдэг: 2021 онд супер сар дахин үзэгдсэн нь

2021-05-11

Редакторын үг: Сүүлийн жилүүдэд цуст сарны талаархи тэнгэрийн үзэгдэл байнга тохиолддог бөгөөд тахал, газар хөдлөлт, өлсгөлөн ган гачиг гэх мэт янз бүрийн гамшиг улам бүр ноцтой болсоор байна. Библи дэх төгсгөлийн үеийн зөгнөл үндсэндээ биелж, Еховагийн агуу гайхалтай өдөр ойртож байна. Агуу гамшиг ирлээ! Эзэний эргэн ирэлтийг бид хэрхэн угтан авах ёстой вэ? Энэ нийтлэл танд хариултыг хэлж өгөх болно.

Холбогдох шинжээчдийн таамаглаж буйгаар Сарны бүтэн хиртэлт, “супер цуст сар”-ны ховор үзэгдэл 5 сарын 26-нд тэнгэрт тохиох бөгөөд энэ жилийн хамгийн том цуст сар болно. “Супер сар” хэмээх нэр томьёо нь тэргэл сар дэлхийтэй хамгийн ойр цэгт ирэх үед сарны диаметр ердийнхөөсөө 14 хувиар томорч, гэрэлтэх байдал нь ч бас 30 хувиар нэмэгдэхийг хэлдэг—Энэ нь энгийн нүдээр харахад хамгийн том, дугуй сар юм гэдгийг холбогдох мэдээллүүд өгүүлдэг. Энэ жил 5 сарын 26-ны өдөр “супер сар”-ыг гарахын хамт бас Сар бүрэн хиртэх цуст сарын үзэгдэл гарах болно. Үүнийг “Супер цуст сар” гэдэг ба энэ бол ховорхон тохиолддог одон орны үзэгдэл юм. Үнэн хэрэгтээ цуст сар болон супер сар гэх мэт гайхалтай үзэгдлүүд сүүлийн жилүүдэд байнга харагдсаар ирсэн. Жишээлбэл: 2011, 2013 онуудад дараалан цуст сарууд үзэгдсэн бөгөөд 2014 болон 2015 онд харагдсан цуврал дөрвөн цуст сарууд нь 152 жилийн өмнө ч бас тохиолдож байсан байна. 2018 оны супер цэнхэр цуст сар, мөн супер сар цуст сар, чоно сар гэх одон орны гурван үзэгдлийг төгс хослуулсан 2019 оны 1-р сарын 21-нд харагдсан нь супер цуст чоно сар байсан бөгөөд үүнийг хамгийн ер бусын одон орны гайхамшиг хэмээн нэрлэдэг.

Эцсийн өдрүүдийн шинж тэмдэг: 2021 онд супер сар дахин үзэгдсэн нь

Цуст сар үзэгдэх нь ер бусын агуу үйл явдал тохиохыг илтгэдэг гэж олон эш үзүүлэгч зөгнөсөн байдаг. Мөн цуст сар гарах нь Иоелын номын 2:29–31 дэх “Түүнчлэн эдгээр өдрүүдэд зарц нар болон шивэгчид дээр ч мөн адил Би Өөрийн Сүнсээ цутгах болно. Мөн Би тэнгэр болон газарт цус гал, утаан баганын гайхамшгийг үзүүлэх болно. Еховагийн ирэлтийн агуу бөгөөд аймшигт өдөр болохоос өмнө нар хав харанхуй болж сар цусаар бүрхэх болно” хэмээх зөгнөлийн биелэл юм гэдэгт бат итгэдэг Библийн олон мэргэжилтэн бас бий. Бас Илчлэл 6:12-т: “Түүнийг зургаа дахь лацыг нээх үед би харж байлаа: Асар хүчтэй газар хөдлөлт болж нар хялгасан таар шиг хар болж, сар цус шиг болов” гэж өгүүлдэг. Иоелын номон дахь зөгнөлд дурдсан “Агуу бөгөөд аймшигт өдөр” гэдэг нь агуу гамшгийг хэлдэг. Сүүлийн хэдэн жилд гай гамшгийн цар хүрээ нэмэгдэж газар хөдлөлт, өлсгөлөн, тахал, үер гэх мэт нүдээр харахад цочирдом гамшиг ойр ойрхон тохиолдож байгааг бид бүгд харж байгаа ба дэлхий ертөнцийн нөхцөл байдал үймээн самуунтай байнга өөрчлөгдөж удаа дараа дайн дажин, харгис хэрцгий явдлууд, террорист халдлага үргэлжлэн нэмэгдэж байна. Дэлхийн уур амьсгал дулаарч, эрс тэс цаг агаар бүх төрлийн одон орны гайхамшиг цаг үргэлжид тохиолдож байна. Библийн зөгнөл дэх эцсийн өдрүүдийн шинж тэмдгүүд нэг нэгээрээ илэрч агуу гамшиг нэгэнт буусан. Бид хэрхэн Эзэнийг угтан авч Бурханы авралыг олж чадах вэ? Эзэн Есүс ингэж хэлсэн байдаг: “Миний хонин сүрэг Миний дуу хоолойг сонсдог, Би тэднийг мэддэг бөгөөд тэд Намайг дагадаг” (Иохан 10:27). “Та нарт хэлэх зүйл Надад олон байгаа боловч та нар одоо тэдгээрийг дааж чадахгүй. Гэхдээ үнэний Сүнс болох Тэр ирэх үедээ та нарыг бүх үнэн рүү удирдана: учир нь Тэр Өөрийн санаагаар ярихгүй; харин сонссон зүйлээ Тэр ярих болно: мөн Тэр ирэх зүйлсийг та нарт харуулна” (Иохан 16:12–13). Илчлэлийн хоёр гуравдугаар бүлгийн олон хэсэгт ингэж зөгнөсөн байдаг: “Чуулгануудад Сүнс юу айлдаж буйг чихтэй бүхэн сонсогтун.” Эдгээр зөгнөлөөс бид Бурхан эцсийн өдрүүдэд үг илэрхийлэн ажлын шинэ үе шатыг гүйцэтгэж хүмүүсийг ариусган аварч Бурханы хаанчлалд авч орно. Зөвхөн сэтгэл тавин Бурханы дуу хоолойг сонсдог хүн Бурханы эцсийн өдрүүдийн илрэлтийн ажлыг эрмэлзэн эрэлхийлснээр Эзэн Есүсийн дахин ирэлтийг угтан авч Бурханы аврал төгс болголтыг олж, Бурхантай хамт сайн сайхан хүрэх газарт орох завшаан хүртэх боломжтой! Эсвэл Бурханы авралыг алдаж эцсийн өдрүүдийн агуу гамшгийн дунд унан таягдаж шийтгэгдэх болно. Бид үүнд хамаатай Бурханы үгэнд яаж хэлснийг үзэцгээе!

Янз бүрийн гай гамшиг ээлж дараалан тохиолдоно; бүх улс үндэстэн, бүх газар нутаг гамшиг амсана: хаа сайгүй тахал, өлсгөлөн, үер, ган гачиг гарч, газар хөдөлж байна. Эдгээр гай гамшиг ганц хоёрхон газар тохиолдоод, ганц хоёрхон өдөрт ч дуусахгүй; харин ч улам, улам өргөн хүрээг хамран тэлж, гай гамшгууд улам бүр ноцтой болно. Энэ үед элдэв төрлийн шавжны тахал ээлж дараалан дэгдэж, хүн бие биеэ барьж идэх үзэгдэл хаа сайгүй тохиолдоно. Энэ бол бүх үндэстэн, хүмүүст өгч байгаа Миний шүүлт юм.

Үг нь махбодоор илэрсэн” номын Христийн эхэн үеийн айлдваруудын “65-р бүлэг”-ээс эш татав

Ертөнцийн өргөн уудам чөлөөнд тоо томшгүй олон өөрчлөлт тохиолдож, ахин дахин, далай тэнгис лаг шаварт идэгдэн хээр тал болж, хээр тал үерлэн далай тэнгис болж хувирсаар байна. Бүх зүйлийг захирдаг Нэгнээс өөр хэн ч энэ хүн төрөлхтнийг удирдаж, замчилж чадахгүй. Энэхүү хүн төрөлхтний төлөө хөдөлмөрлөж, бэлтгэл базаах хүчирхэг нэгэн үгүй бөгөөд энэхүү хүн төрөлхтнийг гэрэл гэгээтэй хүрэх газар луу хөтөлж, хүний ертөнцийн шударга бус байдлаас чөлөөлж чадах нэгэн бүр ч байхгүй. Бурхан хүн төрөлхтний ирээдүйд халаглаж, хүн төрөлхтний уналтад гашуудан, хүн төрөлхтөн доройтол руу, эргэж ирэхээргүй зам руу алхам алхмаар урагшилж байгаад шаналдаг. Бурханы зүрх сэтгэлийг эмтрүүлж, Түүнийг хөсөр хаяад ёрын муу нэгнийг эрж хайж буй энэ хүн төрөлхтөн хаашаа явж буйг бодож үзсэн хүн ер нь байсан уу? Ийм учраас л Бурханы уур хилэнг хэн ч мэдэрдэггүй, Бурханы таалалд нийцэх замыг хэн ч эрж хайдаггүй, Бурхантай ойртох гэж хэн ч хичээдэггүй, түүнчлэн Бурханы уй гашуу, шаналлыг ойлгох гэж хэн ч эрж хайдаггүй. Бурханы дуу хоолойг сонссоныхоо дараа ч гэсэн хүн өөрийнхөө замаар үргэлжлүүлэн явж, Бурханаас холдон, Бурханы нигүүлсэл, халамжаас зайлсхийж, Түүний үнэнээс зайлж, Бурханы дайсан болох Сатанд өөрийгөө худалдахыг илүүд үздэг. Хүн зөрүүдэлсэн хэвээр байвал Өөрийг нь эргэж ч харалгүй орхисон энэ хүн төрөлхтөнд Бурхан хэрхэн хандах тухай хэн бодож үзсэн бэ? Хүний махан бие, сүнс тэсвэрлэшгүй, урьд хожид үзэгдээгүй гай гамшгийг Бурхан гартаа бэлтгээд байгаа учраас л хүн төрөлхтөнд дахин давтан анхааруулж, сануулаад байгааг хэн ч мэддэггүй. Энэхүү гай гамшиг нь дан ганц хүний махан биеийн бус, бас сүнсний шийтгэл байдаг. Чи үүнийг мэдэх хэрэгтэй: Бурханы төлөвлөгөө бүтэлгүйтэж, Түүний анхааруулга, сануулгад ямар ч хариу өгөхгүй байх үед Бурхан яаж уурсаж, хилэгнэх бол? Энэ нь ямар ч бүтээгдсэн зүйлийн урьд нь мэдэрч, сонсож байсантай адилгүй байх болно. Иймээс энэхүү гай гамшиг нь урьд үзэгдээгүй бөгөөд хэзээ ч давтагдахгүй гэж Би хэлнэ. Учир нь хүн төрөлхтнийг ганц л удаа бүтээж, мөн хүн төрөлхтнийг ганц л удаа аврах нь Бурханы төлөвлөгөө билээ. Энэ бол эхнийх төдийгүй эцсийнх юм. Тиймээс энэ удаад хүн төрөлхтнийг аварч байгаа Бурханы уйгагүй сэтгэл, яарсан хүлээлтийг хэн ч ойлгож чадахгүй.

Үг нь махбодоор илэрсэн номын “Бурхан бол хүний амийн эх сурвалж”-аас эш татав

Бурханы ажил яг л сүрлэг давлагаа мэт нөмрөн ирдэг. Хэн ч Түүнийг саатуулан барьж чадахгүй, хэн ч Түүний алхааг зогсоож чадахгүй. Түүний үгийг анхааралтайгаар сонсдог, Түүнийг эрж хайж, Түүгээр цангадаг хүмүүс л Түүний мөрийг дагаж, Түүний амлалтыг хүлээн авч чадна. Харин тэгээгүй хүмүүс дааж давшгүй гамшигт өртөж, яг тохирох шийтгэлээ хүртэнэ.

Үг нь махбодоор илэрсэн номын “Бүх хүн төрөлхтний хувь заяаг Бурхан захирдаг”-аас эш татав

Одоо үед гай гамшиг ойр ойрхон тохиолдож, Эзэн эргэн ирэх тухай зөгнөлүүд үндсэндээ биелсэн. Бид Эзэнийг хэрхэн угтан авч болох вэ?

Холбогдох контент