Даний   Сычуань муж

Бурханы дараах үгсийг харах тоолонд миний зүрх сэтгэлд буруутай мэдрэмж үерлэдэг: “Хүн өөрийн хувь заяа, хэтийн ирээдүйн төлөө Бурханыг эрж хайдаг; Бурханыг гэсэн хайрынхаа улмаас тэр Түүнийг шүтэн мөргөдөггүй. Иймээс хүнийг байлдан дагуулахад, хүний аминч үзэл, шунахай зан болон Бурханыг шүтэхэд нь хамгийн их саад болдог зүйлс бүгд таягдагдах ёстой. Ингэснээр хүний байлдан дагуулалт үр дүнд хүрэх болно. Үүний үрээр, хүний байлдан дагуулалтын хамгийн эхэн үед, хүний жолоогүй хүсэл эрмэлзэл болон хамгийн жигшмээр сул талуудыг эхлээд цэвэрлэж, үүгээр дамжуулан Бурханыг гэсэн хүний хайрыг илчилж, хүний амьдралын талаарх түүний мэдлэг, Бурханыг үзэх үзэл бодол, өөрийнх нь оршин тогтнолын утга учрыг өөрчлөх нь чухал юм. Ийм байдлаар Бурханыг гэсэн хүний хайр цэвэрлэгдэнэ, өөрөөр хэлбэл хүний зүрх сэтгэл байлдан дагуулагдана.” (Үг. I Боть: Бурханы илрэлт ба ажил. Хүний хэвийн амьдралыг сэргээж, түүнийг гайхалтай сайхан хүрэх газарт аваачих нь). Цаг хугацааны туршид зөвхөн Бурханы шүүлт, гэсгээлтээр л би эцэст нь өөрийн мэдрэмж рүүгээ ирж, Бурхан хүн төрөлхтнөөс тодорхой, цэвэр ариун хайрыг шаарддаг, мөн бүх бүтээл Бурханы хайрыг эрэлхийлж, үүргээ биелүүлэх нь зөв бөгөөд зохистой гэдгийг ойлгосон. Хүмүүс ирээдүйн хувь заяандаа цаашид хязгаарлагдахаа больж Бурханы төлөө амьдрах боломжтой болох үед тэднийг байлдан дагуулах ажил үр жимсээ өгнө гэдгийг би бас ойлгосон. Хэдий тийм боловч би удирдагчаар ажиллаж байхдаа, үнэний мөрийг хөөхөд хичээл зүтгэл гаргадаггүй байв; би өөрийн ирээдүйн хувь тавилангийн талаарх бодолдоо байнга удирдуулдаг байсан. Үүнээс болоод, би сөрөг хандлагатай болох хүртлээ байнга цэвэршүүлэлтэд ордог байсан бөгөөд энэ нь миний амьдралд дахь гарз хохирол төдий байгаагүй бас Бурханы гэр дэх ажилд маань хор хохирол учруулсан. Гэхдээ, Бурхан миний гэм буруу дээр суурилан надтай харьцаагүй. Тэр надад гэмших олон боломж олгосон. Бурханы үгнээс шүүлт, цээрлүүлэлт, бас гашуун цэвэршүүлэлт, Түүний үгийн хоол тэжээл, тайвшруулалт, дэмжлэг, хариулга ирсэн, Ариун Сүнс намайг удирдсан, гэгээрүүлсэн, цаг хугацааны туршид миний замыг гэрэлтүүлж байсан-зөвхөн эдгээрээр дамжин би Сатаны урхинаас шат шатаар чөлөөлөгдөж чадсан бөгөөд өөрийн замаа алдахгүй байж, улмаар амьдралын зүй зохистой замд орж чадахаар болсон. Намайг аварсан Бурханы авралыг би эргэцүүлэхэд, өнгөрсөн үе маш тод томруун байлаа.

Би хөдөө төрсөн. Би гурван эмэгтэй дүүтэй, гэр бүлийн шугамаа мөнхжүүлэх уламжлалт санааг сахигч байсан учраас миний аав хүүгүй байхын оронд хуулиар зөвшөөрснөөс илүү олон хүүхэдтэй болж торгуулахыг илүүд үздэг байлаа. Хөвгүүдийг охидуудаас илүүд үздэг асуудал хөдөө орон нутагт маш ноцтой байсан учраас хүүгүй гэр бүлүүд гэр бүлийнх нь удам угсаа тасарсанд тооцогддог. Энэ бол аавын маань сэтгэлийг хамгийн ихээр гонсойлгосон зүйл бөгөөд эцэг эх маань байнга энэ талаар маргалддаг байсан. Салах аюул хэд хэдэн удаа нүүрлэж байсан бөгөөд асуудлыг аав маань байнга хөнддөг байлаа. Аав ээж хоёр минь маргалдахаа болих өдрийг би цаг үргэлж хүсэн хүлээнэ. Үеэл маань зарим нэгэн шалихгүй асуудлаас болоод нэг удаа над руу: “Танай гэр бүлийн удам тасарсан ш дээ!” гэж хашгичсаныг санаж байна. Зүрх зүсэм тэр үгийг сонсоод би юу ч хэлээгүй. Тэр үеэс эхлээд Сатаны “Охид хөвгүүд шиг сайн биш гэж хэн хэлээд байгаа юм бэ?”, “Хүн өвөг дээдэстээ алдар нэрийг авчрах нь зохистой” ба “амжилтанд хүрэх” зэрэг хор миний сүнсний гүнд суурилсан. Би гэр бүлдээ хамгийн том охин нь, тиймд эцэг эхийнхээ төлөө нэр төр олж авахыг хичээх болно. Эцэг эх маань хэдийгээр хүүгүй ч гэсэн охинтой байх нь хамаагүй дээр гэдгийг би нэг л өдөр харуулна гэсэн нууцхан хүсэл надад бий болсон.

Би бага сургуульдаа хичээнгүй сурагч байсан бөгөөд сургуулийн бүхий л төрлийн үйл ажиллагаанд урам зоригтой оролцдог байлаа. Багш нар маань намайг байнга магтана, би хэд хэдэн шагнал авсан. Ангидаа би урлагийн хорооны гишүүн, сурлагын

хорооны гишүүн, багийн ахлагч, Коммунист Залуучуудын Лигийн гишүүн байсан. Дунд сургуульд ороод Хятад хэлний ангийн төлөөлөгч болсон ба жил бүр спортын уралдаан тэмцээнүүдээс шагнал авч байсан. Манай улсад “Багш нарын өдөр” бүрт зориулан видео кино хийж сургуулиас тоглолтын хөтөлбөр зохион байгуулсан юм. Багш маань намайг удирдах үүрэгтэй оролцохыг тусгайлан хүссэн. Тэр үед багш маань миний тухай өндрөөр боддог байсан бөгөөд манай ангийнхан атаархдаг байлаа. Намайг зурагтаар гарахыг аав маань хараад маасайн инээж, надаар маш их бахархсан. Түүний жаргалтай инээмсэглэлийг хараад би, түүний төлөө би ийнхүү хүлээн зөвшөөрөгдөж чадлаа гэж сэтгэл догдолж байв.

1999 оны сүүлчээр, манай гэр бүлийнхэн бүгд Бурханаас шинэ ажил хүлээж авсан бөгөөд ерөөгдсөн гэдэг бодол надад давамгайлж байсны улмаас үүргээ биелүүлэхээр гэрээ орхин явж, амьдарч эхэлсэн. Удирдагчийн сайшаалыг, бас ах эгч нарын дэмжлэгийг авахын тулд, үүргээ биелүүлэхдээ би хүндрэл бэрхшээлийг давах гэж чадах бүхнээ хийсэн, Бурханы гэрт шаардагдсан эсвэл удирдагчийн зохион байгуулсан ямар ч ажлаас би өөрийнхөө хийж чадах бүхнийг хийдэг байсан. Тэр үед, би хамтран ажиллагсдынхаа дунд сайн мэдээний ажлаар тэргүүлдэг хүмүүсийн нэг нь байсан ба миний төсөл бүр үр жимсээ өгдөг байв. Үнэний тухай миний ойлголт өнгөцхөн байсан боловч ах эгч нарын гэрт хэрэг явдал, ажил дээр нь асуудал, эсвэл амь руу ороход нь хүндрэл бэрхшээл тохиолдсон бол би байнга Бурханы үгийг эрэлхийлж, тэдэнтэй нөхөрлөнө. Ах эгч нар надтай сайн харьцаатай бас удирдагч миний талаар өндөр үнэлгээтэй байлаа. Би Бурханы гэр дэх ховорхон авъяастан гэдгээ аажмаар мэдэрч эхэлсэн.

2006 оны эхээр би бүс нутгийн удирдагчаар дэвшиж хариуцсан талбарынхаа үр жимсийг бусад бүсээс арай илүү байгааг хараад дотроо бодов: Хэдийгээр би энэ төрлийн үүргийг гүйцэтгэж байгаагүй ч төсөл бүрийг бусдаас илүү хурдан хэрэгжүүлдэг бөгөөд миний ажлын үр дүн бас илүү сайн байдаг. Удирдагч бас намайг сургахыг хүсдэг; энэ үүргээ гүйцэтгэж чадсан гэдгийг эцэг эх маань мэдвэл ямар их аз жаргалтай байхыг би мэдэхгүй. Ялангуяа, төрөлх хот руугаа ажиллахаар явахдаа гэртээ алдар цуутайгаар буцаж ирэх мэдрэмж надад байнга төрдөг бөгөөд намайг мэддэг илүү олон ах эгч нартай уулзах юмсан, ингэснээр тэд миний гүйцэтгэсэн үүрэг тийм сайн түвшинд байсныг мэдэх боломжтой гэж боддог байсан. Би өөртөө баяр хүргэх нөхцөлд амьдарч миний ярих хэв маяг хүртэл өөрчлөгдсөн юм. Хүмүүсийн нүдэнд харагдах өөрийн дүр төрхөндөө би анхаарч эхэлсэн. Тэгэхэд, би Бурханы үгэнд хичээл зүтгэлээ зориулахад гол анхаарлаа тавихаа болиод байсан ба амь руу орохоор дахин эрэлхийлээгүй. Харин, удирдагчийн үзэл бодол, намайг үнэлэх үнэлгээ, өөрсдийнх нь төлөө ажиллаж байсан хүмүүс намайг дэмжиж байгаа эсэхэд анхаарлаа төвлөрүүлсэн. Цаг хугацаа өнгөрөх явцад, чуулган дахь асуудлуудыг, мөн өөрсдийнх нь төлөө ажиллаж байсан хүмүүсийнхээ ажилд гарсан гажилт, орхигдсон зүйлс зэргийг би шийдвэрлэж чадахгүй болсон. Хамтран ажиллагсадтайгаа уулзахдаа би тэдэнтэй нөхөрлөж, хуваалцаж чадахаа больсон. Энэ нь надад маш зовлонтой байсан бөгөөд харанхуйд амьдарч байгаа амьд үхдэл мэт мэдрэмж төрж байв. Эцэст нь би дэвшигдэн томилогдоогүйгээр барахгүй халагдсан. Тэгэхэд би маш их шархалсан бөгөөд дотроо бодлоо: Хэрвээ миний эцэг эх, намайг мэддэг ах, эгч нар намайг халагдсаныг мэдвэл юу гэж бодох вэ? Би гэр бүлийн нэр хүндэд хүрэх эсвэл урагшлах боломжгүй болсон. Би сүйрсэн, надад ярих ирээдүй байхгүй мэт байсан. Би цөхрөнгөө бүрэн барж Бурханы үгийг унших, залбирахыг хүсэхгүй болсон, ах, эгч нарыг харахыг, холбоотой байхыг бүр ч хүсэхээ больсон. Миний сэтгэл дэх сул дорой, сөрөг байдал тодорхой түвшинд хүрэв. Хожим нь би, Бурханы эдгээр үгсийг харсан юм: “Өөрсдийн эрэл хайгуулдаа та нар хэтэрхий олон хувийн үзэл, найдлага, ирээдүйтэй байдаг. Одоогийн ажил бол та нарын байр суурийн төлөөх хүсэл болон хэрээс хэтэрсэн хүсэлтэй чинь харьцахын тулд билээ. Байр суурийн төлөөх найдвар, хүсэл болон үзэл нь бүгд сатаны зан чанарын сонгодог төлөөлөл юм. Хүмүүсийн зүрх сэтгэлд эдгээр зүйлс оршдогийн шалтгаан нь бүхэлдээ, Сатаны хор үргэлж хүмүүсийн бодлыг эвддэг ба хүмүүс Сатаны эдгээр сорилтуудаас салж чаддаггүйгээс болдог. Тэд нүглийн дунд амьдардаг ч үүнийг нүгэл гэж итгэдэггүй ба тэд: ‘Бид Бурханд итгэдэг, иймээс Тэр бидэнд ерөөл хайрлаж, бидний төлөө бүх зүйлийг зүй зохистойгоор зохицуулах ёстой. Бид Бурханд итгэдэг, иймээс бид бусдаас илүү дээр байх ёстой ба бид өөр бусад хэнээс ч илүү их байр суурь, илүү их ирээдүйтэй байх ёстой. Бид Бурханд итгэдэг болохоор Тэр бидэнд хязгааргүй их ерөөл өгөх ёстой. Эс бөгөөс энэ нь Бурханд итгэх явдал гэж нэрлэгдэхгүй’ хэмээн итгэсээр байдаг” (Үг. I Боть: Бурханы илрэлт ба ажил. Чи яагаад товойлгогч байхыг хүсдэггүй юм бэ?). Бурханы илчлэлийн эдгээр үгсийн өгүүлбэр бүр миний сэтгэлийг татсан. Миний халагдсан нь Бурханы зөвт зан чанар над дээр ирсэн, миний зүрх сэтгэл дэх байр сууринд санаа зовнин харьцсан зүйл байлаа. Намайг жаахан охин байхаас эхлээд л “Охидууд хөвгүүд шиг сайн биш гэж хэн хэлсэн юм бэ?”, “Хүн өвөг дээдэстээ хүндлэлийг авчрах ёстой” бас “амжилтанд хүрэх” зэрэг Сатаны хорнууд бодлуудыг маань тасралтгүй ялзруулж, бүр Бурханд итгэх тухай миний үзэл бодлыг тэвчишгүй муухай болгожээ. Энэ төрлийн бодлуудын эрхэд орсноор би үүрэг хариуцлагаа биелүүлэхдээ маш шаргуу ажиллаж, олон жилийн туршид завгүй гүйсэн, гэхдээ үнэн хэрэгтээ би амжилтанд хүрэх, гэр бүлийн алдар нэрд хүрэх өөрийн зорилгоо биелүүлэхийн тулд Бурханыг ашиглахыг хүссэн. Би үнэхээр жигшүүртэй байжээ! Үнэхээр муухай! Бурханы үгийн бодит баримтууд болон шүүлтээр дамжуулан Бурхан надад эрэлхийллийн талаарх миний дотоод хэтийн төлөв Сатаныхтай яг адил болохыг илчилсэн. Би уналтын зам дээр байсан, Бурханы цаг үеэ олсон шүүлт, гэсгээлтгүйгээр би энэ төрлийн эрэлхийлэлд зууралдсан хэвээр байж эцэст нь өөрийгөө сүйтгэн Паултай адил төгсгөлд хүрч болох байсан.

Энэ ойлголтод хүрсний дараа тодорхой өөрчлөлтүүд гарсан байх ёстой гэж би бодсон, гэвч зан чанарын өөрчлөлт миний бодсонтой адил тийм ч хялбар биш болохыг надад харуулсан нэгэн илчлэл 2008 онд болсон юм. Зарим нэгэн цэвэршүүлэлтийг туулсны дараа эрэлхийллийг харах үзэл бодлын тухай өчүүхэн төдий ойлголттой болсноор би өөрчлөгдөж чадахгүй. Зөвхөн урт хугацааны шүүлт, гэсгээлтээр дамжин өөрчлөлт гарах боломжтой. Тэр үед надад өөр газарт Бурханы төлөө усалгааны үүрэг гүйцэтгэх даалгавар өгсөн. Ажлыг хариуцаж байсан эгчтэй уулзалт хийж дуусах үед би бидний дундаас хэн нь нөхөрлөхдөө сайн байсныг, миний зэрэглэл ямар байсныг сэтгэлдээ хэмжиж эхэлсэн юм. Ажил хариуцаж байсан эгчийн миний талаарх үзэл бодол, надад хандах хандлагад би тусгайлан анхаарал хандуулсан. Тэр өөр нэг эгчид анхаарлаа хандуулж байгааг хараад би үнэхээр барьц алдах шиг болсон. Тэр надаар чуулганы удирдагч, ахлагч нарт усалгаа хийлгэхээр болоход би чадвараа дэмий үрж байна гэж бодсон бөгөөд тэр хүмүүсээ хэрхэн зохион байгуулахаа мэддэггүй юм байна гэж санагдав. Би наад зах нь л дүүргийн удирдагч, ажилчдад усалгаа хийж чадах байсан. Энэ шалтгаанаар би маш гутрангуй болж, урам хугаран, эрэлхийлэл хийх хүсэлгүй болсон. Би сөрөг байдлын нөхцөлд амьдарч байлаа. Хэдийгээр би хэд хэдэн удаа хана мөргөсөн боловч энэ тухайгаа ерөөсөө бодоогүй байж. Хожим нь, Бурханы зөвт зан чанар миний дээр бууж, удаа дараагийн мухар олгойн үрэвсэл туулсан ч би хатуурсан зүрх сэтгэлээ эргүүлээгүй хэвээр байв. Энэ байдал маань, би эзэн гэр бүлийнхээ гэрийн унтлагын өрөөний шүүгээний ард хуурайшсан, хагарсан хөлийг эмчлэх зориулалттай шилтэй эм тавих нэг тохиолдлыг хүртэл үргэлжилсэн. Долоон настай охин үүнийг ямар нэгэн сайн зүйл гэж бодоод нууцаар ууж, дараа нь шалан дээр эвхрэн гэдсээ базлан, уйлж байлаа. Тэр үед би юу хийхээ мэдэхгүй үнэхээр их айсан. Эзэн гэр бүл дэх эгч түүнийг аврахын тулд маш хурднаар орон нутгийн эмнэлэгт аваачихад эмч: “Хүүхдийн гэдэс үнэхээр туранхай юм, гэтэл чи түүнийг Хүүхдийн эмнэлэг рүү аваачаагүй байдаг. Түүний үхэхийг нь хүлээх гээ юу?” гэлээ. Хөл маань үхжсэн юм шиг мэдрэмж төрж, эмчийн хэлснийг бодоод би маш их тавгүйтсэн. Эмнэлгээс буцаад эзэн гэр бүл рүүгээ хэрхэн явснаа ч би мэдээгүй. Би дотроо ингэж бодсон: хэрвээ хүүхэд үнэхээр үхвэл, эцэг эх нь юу болсныг байцаан шалгах нь гарцаагүй. .... Энэ тухай бодох тусам би улам их айв. Би уйлахыг хүссэн ч нулимс гарсангүй. Цаг хугацаа өнгөрч өгөхгүй минут, секундээр урагшилж байлаа. Би өөрийгөө тайвшруулж чадаагүй—би үнэхээр зовж шаналж байлаа. Би Бурханы үгийг гүйлгэх зуураа дараах үгсийг олж харсан: “Бидний хувьд Түүнийг хангалуун болгох хамгийн энгийн замыг олох нь, өөрөөр хэлбэл Түүний бүх зохицуулалтыг дуулгавартай дагах нь хамгийн сайн гэж Би итгэдэг бөгөөд хэрвээ үүнийг үнэхээр биелүүлж чадах юм бол чи төгс болгуулах болно. Энэ нь амархан, баяр хөөртэй зүйл биш гэж үү?… Өнөөдрийн Бурханы ажилд, Тэр амархан уурладаггүй боловч хэрвээ хүмүүс Түүний төлөвлөгөөг тасалдуулахыг хүсвэл Тэр Өөрийн төрх байдлыг эгшин зуур өөрчилж, гэрэл гэгээтэй байснаа баргар болж хувирдаг. Иймээс тайвширч, Бурханы зохион байгуулалтанд захирагдаж, чамайг бүрэн дүүрэн болгохыг Түүнд зөвшөөрөхийг Би чамд зөвлөж байна. Энэ нь ухаалаг хүн байх цорын ганц арга зам юм” (Үг. I Боть: Бурханы илрэлт ба ажил. Зам… 7). Бурханы үгнээс би Бурханы зан чанар хүмүүсийн алдаа зөрчлийг тэвчдэггүй болохыг олж харсан; миний үйлдлүүд Бурханы зэвүүцлийг төрүүлж, Түүний уурыг хүргэсэн болохыг би ухаарав. Надад замыг харуулахын тулд Тэр надад хэрхэн эрэлхийлэл хийхийг мэдүүлсэн. Би өвчтэй эсвэл зовж шаналах үедээ ямар ч дотоод эргэцүүлэл хийгээгүй. Намайг цээрлүүлэх, зовоох, эдгээр зүйлсийг хойш тавих чадвартай байлгах, үнэнийг эрэлхийлэх, Бурханы зохицуулалтад дуулгавартай байлгахын тулд тэр жижигхэн охины эм уусан явдлыг Бурхан дахин нэг удаа ашигласан. Намайг Сатанд мэхлэгдэж, тийм шаргуу тэмцэж нэр хүнд болон байр суурийн төлөө шамдсан хэвээр байхыг Бурхан зөвшөөрч тэвчээгүй. Надад чиглэсэн энэ төрлийн гэсгээлт, шүүлт, ариусгалт нь намайг байр суурийн төлөөх гүнзгий нүхэнд уначихаад байгааг надад харуулах гэсэн Түүний эцсийн аврал байжээ. Гэсгээлтийн хэд хэдэн туршлага миний зүрх сэтгэлийг сэрээгээгүй; өөрийнхөө доторх сатаны уг чанарын хяналт, гай зовлонгоос би мултран гарч чадаагүй байж. Өнгөрснөө эргэн санахад, анх ажиллах гэж ирэхдээ би онцгой байх гэсэн төрхөөр амьсгалж байсан бөгөөд чухал зорилгын төлөө би тушаал ахина гэсэн итгэлтэй байсан; энгийн түвшний ажил хийхээр тушаал буурна гэж төсөөлөөгүй. Надад тохирохгүй гэж миний бодож байсан хүмүүс дүүргүүдийн удирдагчийн түвшний ах, эгч нарт усалгаа хийж байсан ба тэдгээрийн зарим нь бүр миний цаашдын төлөв бүрхэг харагдаж байх үед тушаал дэвшсэн. Энд үүрэг гүйцэтгэснээс гэртээ буцсан нь дээр гэж би бодлоо. Тэгээд би чуулганы удирдагч нартай уулзах үедээ нэг их хүч гаргахгүй болж эхлэв. Би тэдний аминд ямар ч үүрэг хариуцлага хүлээгээгүй, чуулган доторх янз бүрийн асуудлуудад жинхэнэ ачаа үүрэхгүй байсан, Бурханы хүслийг тооцон үзэх тухайд дурдаад ч хэрэггүй. Тэр үед нигүүлсэл, хайраар дүүрэн Бурханы үгстэй нүүр тулаад Түүнд өртэй гэх гүнзгий мэдрэмж надад төрсөн. Бурханы бодлууд хүн төрөлхтний амийн төлөө байдаг, Тэр хүн төрөлхтөнд бүх зүйлийг өгдөг; энэ бол хүн төрөлхтнийг Сатаны ноёрхлоос бүрэн чөлөөлөхийн тулд билээ. Гэвч би Бурханы төлөөх ажилдаа юу ч өргөхийг хүсэхгүй байсан. Асуудлын үндэс нь би Сатаны хоронд байнга хүлээстэй, захирагдаж байсанд оршиж байлаа. Би ердөө л, эцэг эхийнхээ сайн зорилгын талаарх ойлголтгүй эрх хүүхэд шиг байсан; Бурханаар төгс төгөлдөр болгогдох хэтэрхий олон боломжийг алдсан. Юмс энэ цэгт хүрсэн хойно л дөнгөж ухаан орж байдаг—хэтэрхий оройтсон явдал биш гэж үү? Харуусал, буруутгалаар дүүрсэн би газарт унаж: “Өө Бурхан минь! Өнөөдөр над дээр ирсэн шүүлт, гэсгээлт бүгд Таны зөвт байдал. Би дуулгавартай байхыг хүсэж байна. Хэрвээ одоо ч гэсэн боломж байгаа бол би өөрийгөө өөрчилж, ирээдүйн хувь заяаныхаа төлөө цаашид шамдан сандчихгүй байхыг хүсэж байна. Би Таны гар дахь нэгэн жижиг бүтээл байхыг, услах үүргээ чадах чинээгээрээ биелүүлэхийг, Таны зүрх сэтгэлийг тайвшруулахыг хүсэж байна.” Залбирсны дараа миний сэтгэл амарсан. Би өөрийгөө бүхэлд нь Бурханд өгөх хүсэлтэй байсан, тэр жижигхэн охиныг бүхэлд нь Бурханд өгөхийг бүр ч илүү хүссэн. Удалгүй, эзэн гэр бүл дэх эгчийн хаалга онгойлгох чимээ, жижигхэн охины “Эгч ээ, намайг барьж байгаарай?” гэж хэлэх сонсогдов. Дараа нь охин надад “Эгч ээ, та үүнийг маш сайн нууцална шүү; намайг таны усыг уусан гэж эмээд битгий хэлээрэй!” гэж аяархан хэлэв. Тэр мөчид Бурхан намайг, энэ “чулуу”-г аврахын тулд хэчнээн хүн, үйл явдал, юмсыг арга эвээр зохицуулсныг хараад миний зүрх сэтгэл эцэст нь чөлөөлөгдсөн. Би үнэхээр үнэ цэнэгүй гэдгээ мэдрэв. Тэр үеэс эхлээд, би өөрийн ирээдүй хувь заяаныхаа төлөө байхаа больсон. Би зүгээр л газар дээр байж, Бурханы зүрх сэтгэлийг тайвшруулахын тулд усалгааны үүрэг хариуцлагаа гүйцэтгэхэд чадах бүхнээ хийсэн. Би цаашид юмыг аргацаах байдлаар хийхээ больж, ах, эгч нарын ажил үүрэгт гажуудал эсвэл орхигдсон зүйл байгааг нээж илрүүлбэл тэдэнтэй тэвчээртэй харилцаж, тусалж, дэмжсэн. Ах, эгч нартай хийсэн нөхөрлөлөөр дамжуулан би зарим үнэнийг олж авсан, мөн тэднээс зарим сургамжийг авсан юм. Тэр үед би ур чадвар маань дэмий үрэгдэж байна гэж бодохоо больсон. Бурханы сайн зорилгыг, бас энэ үүргээ биелүүлэх нь миний амьдралд хэрэгтэй зүйл гэдгийг би ойлгов. Энэ бол миний дутагдлын дагуу, тэдгээрийг засахын тулд Бурханы бүтээсэн орчин байлаа. Би Бурханд талархал өргөж байна! Тэр үеэс эхлээд би үүрэг хариуцлагаа сэтгэл амар гүйцэтгэж чадах болсон. Төд удалгүй удирдагч надтай ярилцаж, хоёр бүсийн дүүргүүдийн удирдагч, ажилтнуудад усалгаа хийхийг надаас хүсэх юм гэж би төсөөлөөгүй. Би тэгэхэд Бурханы зөвт зан чанарыг, хүний зүрх сэтгэлийг Тэр гүнзгий түвшинд нягтлан шалгадаг болохыг, юм бүхнийг хариуцдаг гэдгийг олж харсан. Мэдрэх чадвар сайтай, үүрэг хариуцлагаа гүйцэтгэдэг амьдралд илүү ойрхон хүнд Бурхан дуртай. Надад үүргээ биелүүлэх боломжийг өгсөн Бурханд би талархаж байна. Дүүргийн удирдагч нартай уулзахдаа би зарим асуудлыг нээн илрүүлж, тэдгээр дээр хичээнгүйлэн ажилласан. Би бас уулзалт тус бүрийн явцад илрүүлсэн асуудлууд, өргөн хүрээг хамарсан ямар асуудал байгааг, би тэдгээрийг хэрхэн шийдвэрлэснээ, ямар асуудлыг шийдвэрлээгүйгээ бичиж тэмдэглэсэн. Хэсэг хугацааны дараа ажил үүргээ гүйцэтгэж байгаа маань үнэхээр бодитой би байгааг мэдэрсэн. Миний зүрх сэтгэл амар амгалан байх болж, “амжилтанд хүрэх” хоронд захирагдахаа болив. Янз бүрийн талын үнэний зарим хэсгийг ойлгож, зэвсэглэгдсэн мэт, ах, эгч нарын хамтаар би нэвтэрч чадсан, би өөрөө дорд хүн юм байна гэсэн мэдрэмж надад төрсөн. Би бүтээлийн хувьд үүргээ биелүүлэх нь хувиршгүй зарчим бөгөөд тушаалуудыг ариун үүргээ хэмээн дуулгавартай дагаж, өөрийгөө бодож, өөрийнхөө төлөө төлөвлөлгүйгээр юм бүхэнд Бурханы гэрийн ашиг сонирхлыг чухалчилдаг цэрэг адил байх нь зүйтэй гэдгийг ойлгосон. Энэ бол бүтээлийн хийвэл зохих зүйл.

2012 оны 02 дугаар сарын сүүлчээр намайг өөр мужид үүрэг гүйцэтгүүлэхээр шилжүүлсэн. Тэр үед миний сэтгэл маш тайван байсан бөгөөд би өнгөрсөн удаагийнх шиг баярлаагүй. Би албан тушаалаа хэрэгжүүлж эхлэхээр явах тэр үед Бурханы гэр чуулганд цэвэрлэгээ хийх үе байж таарлаа. Энэ талаар ажлын зохион байгуултад ингэж бичсэн: “Чуулган дахь таван төрлийн хүнийг цэвэрлэх ажлыг 2012 оны Хөдөлмөрийн өдрөөс өмнө хийх ёстой. Учир нь цэвэрлэгээ хийх ажил нь хаанчлалын сайн мэдээний ажлыг өргөжүүлэх замыг засах явдал бөгөөд энэ нь сайн мэдээний ажилд ямар ч нөлөө үзүүлэх ёсгүй. (“Зөвхөн, Чуулганыг бүхэлд нь цэвэрлэж, Хаанчлалын сайн мэдээ саадгүй жигд тархах нөхцөлийг хангаснаар Бурхан бүрэн алдаршина”, Нөхөрлөл ба Ажлын зохион байгуулалтын хураангуй II). Зарим удирдагч нар, ажилтнуудыг яаралтай халах хэрэгтэй байлаа; ажлын тал бүр бараг л зогсонги байдалд ороод байсан. Бурханы хамгаалалтын улмаас надад тэр үед бэрхшээл байгаагүй. Чуулганы удирдагч нар болон ажилтнуудыг зохицуулахын зэрэгцээ халагдах, хасагдах хүмүүсийн талаарх материалыг цуглуулахад тохирох хүмүүсийг би зохион байгуулж байлаа. Гэтэл 03 дугаар сарын сүүлч болоход цэвэрлэгээнд хамрагдах хүний талаар ямар ч мэдэгдэл хийгдээгүй байгааг би олж мэдэв. Миний зүрх сэтгэлд цэвэршүүлэлт үнэхээр хийгдсэн. Би шалтаг, шалтгаанаар дүүрэн байсан; би энэ үүргийг биелүүлэх ажлыг дөнгөж хийж эхэлж байсан, би үнэнийг тийм сайн ойлгоогүй байсан, цаашид энэхүү оролдлогоо үргэлжлүүлж чадахгүй гэж дотроо бодож байлаа. Би цэвэршүүлэлтийг дөнгөж хүлээн авч байхад ажлыг хариуцаж байсан эгч надтай харьцах гэж намайг дуудлаа. Би тэр үед маш их сэтгэл гонсойн, хүлээж авахыг хүсэхгүй байв. Сэтгэл дотор минь намайг хилстүүлсэн мэт мэдрэмж төрөв. Би бодсон: Би энд дөнгөж ирсэн, миний ажил ямаршуу болохыг та өөрөө мэдэж байгаа. Хамтран ажиллахын тулд би чадах бүхнээ хийж байсан, та намайг тайвшруулахгүй харин надтай харьцах гэж байдаг. Яг ийм байдлаар би цэвэршүүлэлт дунд амьдарч “халагдсан” гэдэг үг намайг зовоож байлаа. Хэдийгээр би ажил хийж байсан ч өөртөө итгэх итгэлээ алдаж байнга ингэж бодож байлаа: Энэ удаад би халагдаж магадгүй, учир нь ажлын зохион байгуулалтад таван төрлийн хүмүүсийг ажлаас чөлөөлөх, хөөх, ажил хийж чаддаггүй удирдагч нар халагдах ёстой гэсэн байдаг. Хожим нь би өөрийнхөө байнга дуулдаг байсан Бурханы үгтэй магтан дууг санав: “Бурханы цэвэршүүлэлт хэдий чинээ агуу байна, хүмүүсийн зүрх сэтгэл төдий чинээ Бурханыг хайрлах чадвартай байдаг. Тэдний зүрх сэтгэл дэх шаналал тэдний аминд ач тустай бөгөөд тэд Бурханы өмнө төдий чинээ амар тайван байж, Бурхантай харилцах тэдний харилцаа төдий чинээ ойр дотно байж, тэд Бурханы дээд зэргийн хайрыг болон дээд зэргийн авралыг төдий чинээ сайн харж чаддаг. Петр хэдэн зуун удаа цэвэршүүлэлтийг туулсан ба Иов хэд хэдэн шалгалтыг амссан. Хэрвээ Бурханаар төгс болгуулахыг хүсэж байвал та нар ч гэсэн хэдэн зуун удаа цэвэршүүлэлтэнд орох ёстой; та нар зөвхөн энэ үйл явцыг туулж, энэ алхамд түшиглэх хэрэгтэй болсон үедээ л Бурханы хүслийг хангалуун болгож, Бурханаар төгс болгуулж чадна. Цэвэршүүлэлт бол Бурхан хүмүүсийг төгс болгодог шилдэг арга барил юм; гагцхүү цэвэршүүлэлт болон гашуун шалгалтууд л хүмүүсийн зүрх сэтгэл дэх Бурханы төлөөх жинхэнэ хайрыг гаргаж чадна. Зовлон бэрхшээлгүй бол хүмүүст Бурханы төлөө гэсэн жинхэнэ хайр дутагдаж байдаг; хэрвээ тэднийг дотроос нь туршиж, цэвэршүүлэлтэнд үнэхээр оруулахгүй бол зүрх сэтгэл нь үргэлж гадны ертөнцөд хөвж байх болно. Тодорхой хэмжээнд цэвэршүүлэгдсэнээрээ чи өөрийнхөө сул тал, хүндрэл бэрхшээлийг харж, өөртөө хэр их зүйл дутагдаж байгааг болон өөртөө тулгарсан олон асуудлыг даван гарах чадваргүй байгаагаа харах бөгөөд дуулгаваргүй байдал чинь хэр их болохыг ч бас харах болно. Шалгалтуудын үеэр л хүмүүс өөрсдийн бодит байдлаа үнэхээр мэдэж авч чаддаг ба шалгалтууд нь хүмүүсийг төгс болгуулах илүү боломжтой болгодог” (“Хургыг дагаж шинэ дуу дуулъя” номоос). Бурханы үгсийн удирдамжаар дамжуулан, цэвэршүүлэлт бол хүмүүсийг төгс төгөлдөр болгох Бурханы хамгийн сайн арга зам гэдгийг, бас эгч надтай харьцаагүй бол зүрх сэтгэл маань одоог хүртэл тэнүүчилсээр байх байсан гэдгийг би ухаарч мэдсэн. Миний залхуу, зусарч зан хэтэрхий хүчтэй байсан, зөвхөн энэ төрлийн орчноор дамжин би идэвх санаачлагатай байж шалтаг, шалтгаануудаасаа гарч чадна. Зөвхөн энэ төрлийн цэвэршүүлэлтийн улмаас л би бол юу ч биш, би хэтэрхий олон алдаа хийсэн гэдгээ тодорхой харж чадсан, гэвч энэ нь бас намайг ирээдүйн хувь заяаныхаа төлөөх бодолдоо удирдуулсаар байгааг ил болгосон. Энэ хэдэн жилийн туршид би хэд хэдэн удаа гэсгээлтийг биеэр туулан мэдэрч, ямар нэгэн үнэ цэнэгүй нэр төр эсвэл байр суурийн төлөө хөөцөлдөхийг хүсэхгүй болсон бөгөөд гадна талдаа илүү шударга болсон хэдий ч, сүнсний маань гүнд Сатаны хор байсаар байлаа. Энд хүрч ирсэн нөхцөл байдлынхаа талаар би эргээд бодлоо: Өмнөх удирдагч бодитой ажил хийгээгүй, чуулганыг цэвэрлэх ажил хийлгүйгээр зөвхөн онол сургаал ярьдаг байсан гэж тэд надад ойлгуулсан. Би дотроо бодов: Би зөвхөн онол сургаал ярьдаг, гэхдээ бодит ажил хийдэггүй нэгэн байж болохгүй. Би ажлаа сайн хийх, Хөдөлмөрийн өдрөөс өмнө таван төрлийн хүний цэвэрлэгээг бүрэн дүүрэн хийх хэрэгтэй, ингэснээр миний өөрсдийнх нь төлөө ажиллаж байгаа хүмүүс намайг өмнөх удирдагчаас илүү сайн гэдгийг харна, ажил хариуцсан хүн намайг таньж авна гэж би дотроо бодсон. Энэ хүсэлдээ хүрэхийн тулд би нааш цааш гүйн, шаргуу ажиллаж байсан болж таарлаа. Бурхан бол үнэнхүү зөвт – Тэр миний сэтгэл дэх бузар булай зүйлсийг гүнзгий мэддэг. Би Бурханы талд зогсох эсвэл Бурханы гэрийн ашиг сонирхлыг хадгалахын тулд, ах, эгч нарыг хамгаалахын тулд ажиллаагүй, харин өөрийгөө бэхжүүлэн бататгах гэж нууцаар төлөвлөж байжээ. Христийг эсэргүүцэгчид Бурханы гэрийн ажлыг нураан тасалдуулж байгаа ч би эдгээр чөтгөрүүдийг Бурханы гэрээс хөөн зайлуулж, Түүний сэтгэлийг тайвшруулж чадахгүй байсан. Би үнэхээр үхвэл таарна! Зовж шаналан, өөрийгөө зэмлэн буруушааж байхдаа би шалан дээр унаж: “Өө Бурхан минь! Энэ үүргийг би биелүүлж чадсан нь Танаас ирсэн хамгийн агуу өргөмжлөл, гэхдээ би талархалгүй хандаж, Таны хүслийг хайхраагүй. Би үнэхээр жигшүүртэй юм. Өнөөдөр, би Таны зөвт зан чанарыг мэдэрсэн, хэдийгээр миний ялзрал завхрал тоо томшгүй олон байсаар байгаа ч намайг төгс болгохыг тань би хүлээн авах хүсэлтэй байна. Энэ орчинд би ариусгагдахыг, Тантай хамт ажиллахын тулд би хамгийн боломжит дээд хэмжээгээрээ ажиллахыг, бүх христийн эсэргүүцэгч чөтгөрүүдээс салахын тулд ах, эгч нартайгаа нэгдэн зогсохыг бүр ихээр хүсэж байна.” Залбирсныхаа дараа, би Бурханы үгтэй ишлэлийг харав: “People believe in God with the purpose of seeking to obtain blessings in the future. All people have this intent and hope. Corruption within human nature must be resolved through trials, however. In whichever aspects you do not pass, it is in these aspects that you must be refined—this is God’s arrangement. God creates an environment for you, forcing you to be refined there to know your own corruption. Ultimately you reach a point where you would rather die and give up your schemes and desires, and submit to God’s sovereignty and arrangement. So if people do not have several years of refinement, if they don’t have a certain amount of suffering, they will not be able to avoid the bondage of corruption of the flesh in their thought and in their hearts. In whichever aspects you are still subject to Satan’s bondage, in whichever aspects you still have your own desires, your own demands—it is in these aspects that you should suffer. Only in suffering can lessons be learned, which means being able to gain truth, and understand God’s intention. In fact, many truths are understood within experience of painful trials. Nobody says that God’s intention is known, that His almightiness and wisdom are understood, that God’s righteous disposition is appreciated in an environment of ease or in favorable circumstances. That would be impossible!” (“Шалгалтуудын явцад Бурханыг хангалуун байлгах нь”, Христийн ярианы тэмдэглэл). Бурханы үгнээс би, ирээдүйнхээ талаар зовних зовнил маань миний уг чанар дахь хамгийн хөнөөлт зүйл болсныг ухаарсан. Үүний төлөө би Бурханы гэрийн ажлыг нураан тасалдуулж, одоог хүртэл түүгээр удирдуулсаар байж болох тул намайг цэвэршүүлэхийн тулд Бурхан дахин орчин бүрдүүлсэн. Үүнээс би шалгалт, цэвэршүүлэлт нь бүгд Бурханы зохион байгуулалт байсан бөгөөд хэрвээ энэ хэдэн жилд надтай харьцаж, цэвэршүүлээгүй бол, хэрвээ би эдгээр золгүй орчныг биеэр туулан мэдрээгүй бол миний сүнс, оюун санаан дахь махан биеийн зүйлсийн талаарх үзэл бодол өөрчлөгдөхгүй байх байсан. Хэд хэдэн удаа надтай харьцаж, цэвэршүүлсний дараа миний эрэлхийлэл эцэстээ өөрчлөгдсөн. Ивээл хүртэх эсвэл Бурхантай наймаа хийх зорилгоор, нэр төрд эсвэл ирээдүйн хувь заяандаа ач холбогдол өгөхийн тулд би Бурханд итгэхийг цаашид хүсэхгүй болов. Хүн төрөлхтнийг аврах Бурханы хүслийн талаар би илүү тодорхой ойлголттой болсон.

Тэр үеэс эхлээд үүргээ биелүүлэхдээ би халагдсан ч эсвэл миний ажил үүрэгт зохицуулалт хийсэн ч ялгаагүй зүрх сэтгэлдээ илүү тайван байх болж, юуг олж, алдаж байгаа тухайдаа урьд өмнөх шигээ санаа зовохоо больсон. Энэ бол өөр нэг үүрэг хариуцлага л гэж би мэдэрнэ. Надад ямар ч үүрэг хуваарилагдсан бай хамаагүй, би Бурханы хүсэлд дуулгавартай байхыг, өөрийнхөө чадах бүхнээ хийхийг хүсэж байна. Миний биелүүлдэг үүрэг хариуцлага бүгд Бурханаар тодорхойлогдсон бөгөөд би газар дээр байж, үнэнийг хөөн, өнгөрсөн үеийн гэм буруугаа засаж, өр төлөөсөө төлөх, Бурханы бодит хайрыг амьдран харуулахад Петрийн жишээг дагах хүсэлтэй байна. Яг л энэ магтан дуун дахь Бурханы үгтэй адил: “Бурхан минь! Бидэнд тусдаа байсан цаг хугацаа бий, мөн хамтдаа байсан цаг хугацаа бий. Гэсэн ч Та намайг өөр бусдаас илүү их хайрладаг. Би Таны эсрэг дахин дахин тэрсэлж, Таныг дахин дахин гомдоосон. Би яахан ийм зүйлсийг мартаж чадах билээ? Таны надад хийсэн ажил болон Таны надад даалгасан зүйлийг би үргэлж сэтгэлдээ хадгалж, хэзээ ч мартахгүй. Таны надад хийсэн ажлын хамтаар би чадлынхаа хэрээр хичээсэн. Би юу хийж чадахыг Та мэддэг бөгөөд цаашлаад би ямар үүрэг гүйцэтгэж чадахыг Та мэддэг. Таны хүсэл бол миний тушаал, би өөрт байгаа бүхнээ Танд зориулах болно. Би Таны төлөө юу хийж чадахыг зөвхөн Та л мэднэ. Хэдийгээр Сатан намайг маш их хуурч, би Таны эсрэг тэрсэлсэн боловч тэдгээр гэм буруугаар минь Та намайг санадаггүй, тэдгээр дээр үндэслэн Та надад ханддаггүй гэдэгт би итгэж байна. Би бүхий л амьдралаа Танд зориулахыг хүсэж байна. Би юу ч гуйхгүй, мөн Надад өөр ямар ч итгэл найдвар эсвэл төлөвлөгөө байхгүй; би зөвхөн Таны санаа зорилгын дагуу үйлдэж, Таны хүслийг биелүүлэхийг л хүсэж байна. Би Таны гашуун аяганаас уух болно. Би зүрх сэтгэл, бие, бүхий л үнэн хайраа Танд зориулахыг, тэдгээрийг Таны өмнө байршуулахыг, Танд бүрэн дуулгавартай байхыг, Таны хүсэлд туйлын анхааралтай байхыг хүсэж байна. Махан биений төлөө биш, гэр бүлийн төлөө биш, харин Таны ажлын төлөө байна.” (“Петрийн залбирал”, Хургыг дагаж, шинэ дуунуудыг дуул).

Одоо би Бурханд итгээд 14 жил болж байна. Бурханы нигүүлслийн улмаас би, Бурханы гэрт байнга үүргээ биелүүлж байв. Амжилттай, алдаатай олон л зүйлс байсан; инээд, харууслын нулимс, Бурханы хүслийг ойлгосон баяр, Бурханд өртэй гэдгээ мэдэрсэн буруутай мэдрэмж. Мөн түүнчлэн, үнэнийг амьдралд хэрэгжүүлсний баяр хөөр, амар амгалан байсан. Би үнэхээр их зүйлийг олж авсан. Би Бурханы шүүлт, цээрлүүлэлтийн сайн сайхныг биеэр туулан мэдэрсэн-энэ бол үнэхээр бодит зүйл! Түүний шүүлт, гэсгээлтгүйгээр надад хийгдсэн өөрчлөлтүүд хэзээ ч гарахгүй байсан. Одооноос эхлээд би Бурханы шүүлт, гэсгээлтийг илүү ихээр хүлээн авахыг, Бурханаас надад зориулсан гашуун туршилтуудаас илүү ихийг

хүлээн авахыг, ингэснээр би цэвэршиж, аврагдаж, Түүний шүүлтүүд, гэсгээлтүүдээр дамжин Бурханаар төгс төгөлдөр болгогдохыг хүсэж байна. Үүгээр дамжин би үнэ цэнэтэй, утга учиртай амьдралаар амьдарч чадна!