Гэрийн дөнгөнөөс чөлөөлөгдсөн нь

2022-01-21

Чен Ши, Хятад

Би эцсийн өдрүүд дэх Бурханы ажлыг хүлээн аваад удалгүй нөхөртөө сайн мэдээ номлосон. Гайхмаар нь манай нөхөр, энэ талаар сонссоныхоо дараа интернэтээс Төгс Хүчит Бурханы Чуулганы тухай элдэв янзын худал мэдээ, мэдээлэл олсон. Эдгээр нь бүгд Төгс Хүчит Бурханы Чуулганы эсрэг ХКН-ын зохиосон гүжирдлэг, цуу яриа байлаа. Дараа нь нөхөр маань өөдөөс муухай харж, “Үүнийг хар! Чиний итгэдэг зүйл ХКН-ын олон жил нухчин дарсан ‘Зүүний Аянга’ байна шүү дээ. Тэд чамайг баривчилмагцаа ял оноож, шоронд хийнэ. Цаашид чиний итгэхийг зөвшөөрөхгүй шүү!” гэж хашхичсан. Тэгээд Бурханы үгийн бүх номыг минь урсан юм. Тухайн үед миний уур буцалж байсан, гэхдээ манай нөхөр ХКН-ын цуу ярианд түр хууртчихаад миний итгэлийг эсэргүүцэж байж болох ч хожим нь ойлгоно биз гэж дараа нь бодогдсон. Гэхдээ юу ч боллоо гэсэн Бурханд итгэх нь амьдралын зөв зам, үүнийг би хэзээ ч орхихгүй гэдгээ мэдэж байсан юм. Дараа нь манай нөхөр хөдөлгөөнийг минь тандахаар өдөр болгон утасддаг боллоо. Тухайн үед би магистрын оюутан байсан болохоор нөхөртөө тандуулахгүйн тулд сургуулийн ойролцоо цуглаанд оролцож, амралтын өдрүүдээр л гэртээ харьдаг байсан. 2012 оны сүүлээр ХКН Төгс Хүчит Бурханы Чуулганы эсрэг улам улайрсан нухчин даралт, баривчилгааны аян эхлүүлэх үед интернэт, телевиз, сонин сэтгүүлээр хаа сайгүй л Төгс Хүчит Бурханы Чуулганыг яллаж, гүжирдсэн цуу яриа, төөрөгдөл гарч, Бурханд итгэгчдийг тэд газар сайгүй баривчилж байлаа. Манай нөхөр намайг Бурханд итгэдгээсээ болж баривчлагдах вий гэж айсан. Тэгвэл өөрт нь болон гэр бүлийнхэнд нь нөлөөлж магадгүй байсан юм. Тэгээд надад тавих хязгаарлалт нь улам чангарсан. Бас намайг Бурханд итгэсээр байх юм бол сална гэж сүрдүүлсэн. Ингэж хэлэхийг нь сонсоод би маш их гутарсан шүү. Хятадад бид Бурханд итгээд ял сонсож, шоронд орох эрсдэлтэй төдийгүй гэр бүлийнхэндээ ч бас хавчигддаг. Бидэнд маш хэцүү байдаг шүү дээ! Бид хоёр салчихвал охин минь яана аа гэж бодсон. Тэр хэд хоногийн туршид үүргээ биелүүлэх ямар ч сонирхолгүй болсон юм. Би шаналж байсан.

Дараа нь нэг эгч миний байдлын талаар олж мэдээд, Бурханы үгийн нэг хэсгийг уншиж өгсөн. Надад маш их тус болсон болохоор. “Хүмүүс дээр Бурханы хийдэг ажлын алхам бүрд, гаднаа энэ нь хүмүүсийн хоорондын харилцаа мэт, хүний зохицуулалт, хүний хөндлөнгийн оролцооноос үүдэлтэй мэт харагддаг. Гэвч нүднээс далдуур, ажлын алхам бүр, тохиолдож буй юм бүхэн нь Бурханы өмнө Сатаны тавьсан бооцоо бөгөөд Бурханд гэрчлэл хийхдээ бат зогсохыг хүмүүсээс шаарддаг. Жишээ нь, Иовыг шалгасан үеийг авч үзье: Нүднээс далдуур Сатан Бурхантай мөрий тавьж байсан бөгөөд Иовд тохиолдсон зүйл нь хүмүүсийн үйл хэрэг, хүмүүсийн хөндлөнгийн оролцоо байсан. Та нарт хийдэг Бурханы ажлын алхам бүрийн ард Сатаны Бурхантай тавьсан мөрий байдаг—энэ бүгдийн ард тэмцэл байдаг” (Үг нь махбодоор илэрсэн номын “Бурханыг хайрлах нь л үнэхээр Бурханд итгэж буй хэрэг”). Эдгээр хэцүү нөхцөл гаднаас нь харахад манай нөхөр намайг боогдуулж, хяхаж хавчиж байгаа явдал боловч үнэн хэрэгтээ энэ нь Сатаны саад тотгор гэдгийг Бурханы үг надад ойлгуулсан юм. Бурхан хүмүүсийг аврахыг хүсдэг, харин Сатан намайг Бурханаас урваж, Бурханы авралыг алдаж, эцэстээ өөртэй нь цуг тамд унаасай гээд элдэв янзын саад тотгор, үймээн үүсгэдэг. Сатан маш ёрын, догшин хэрцгий байдаг! Би тухайн үед, “Бурхан минь, миний биеийн хэмжээ дэндүү өчүүхэн учраас надад итгэл өгөөч гэж Танаас гуйя. Би нөхрөөсөө салах ёстой болсон ч Танаас урвахгүй, бас Сатаны явуулгад унахгүй” гэж Бурханд залбирсан юм. Залбирсны дараа тэвчихэд тийм ч хэцүү биш болж, сайн мэдээ түгээн, үүргээ биелүүлсээр байлаа.

Таныг тэр жилийн сүүлээр цуглаан дээр баривчлагдсан гэж сонссон. Цагдаа нар намайг бас “нийгмийн дэг журам алдагдуулсан” гэж яллан, 30 хоног цагдан хорьсон. Байцаалт дээр Үндэсний Аюулгүй Байдлын Товчооны цагдаа нар намайг, “Бурханд итгэдгээсээ болоод баривчлагдсан гэдгийг чинь танай сургууль аль эрт мэдчихээд, чамайг хөөх төлөвлөгөөтэй байна. Гэхдээ чи бидэнтэй хамтран ажиллаж, мэдэж байгаа зүйлээ хэлэх юм бол бид өмнөөс чинь эрхлэгчтэй ярья, тэгээд чи магистрын хичээлээ үргэлжлүүлж болно. Сайн л бодоорой!” гэж сүрдүүллээ. Тэднийг явсны дараа шоронгийн хүйтэн төмөр сараалжийг хараад туйлын их сэтгэлээр унаж, шаналсан. Бурханд итгэснийхээ төлөө сургуулиас хөөгдвөл улс төрийн асуудал болно. Тэр толбо оюутны намтар, цагдаагийн тэмдэглэлд үлдээд, намайг ямар ч эмнэлэг хэзээ ч ажилд авахгүй, тэгээд эмч болох мөрөөдөл минь талаар өнгөрөх байсан. 30-хан настайдаа би хичээл, ажил, ирээдүйгүй болох байлаа. Цаашдаа би яаж амьдрах юм бэ? Хамаатнуудын ялгаварлал, хавийн хүмүүсийн доог тохуутай яаж нүүр тулж чадах юм бэ? Би хэд хоногийн турш нойр хоолонд муу байсан. Тухайн үед энэ талаар Бурханд өдөр бүр залбирдаг байсан. Тэгээд нэг өглөө Бурханы үгийн ийм магтан дууг өөрийн эрхгүй дуулж эхэлсэн юм: “Бүтээгдсэн зүйл болохын хувьд чи мэдээж Бурханд шүтэн мөргөж, утга учиртай амьдралыг эрэлхийлэх ёстой. Хүн болохын хувьд чи Бурханы төлөө өөрийгөө зарцуулж, бүх зовлонг тэвчих ёстой! Өнөөдөр өөрт чинь учирсан жаахан зовлонг чи баяртайгаар, итгэлтэйгээр хүлээн авч, Иов, Петр хоёр шиг утга учиртай амьдралаар амьдрах ёстой. Та нар бол зөв замыг эрэлхийлдэг, ахиц дэвшлийг эрж хайдаг хүмүүс юм. Та нар бол агуу улаан лууны улс оронд өндийн боссон, Бурханы зөв шударга гэж нэрлэдэг хүмүүс билээ. Энэ нь хамгийн утга учиртай амьдрал биш гэж үү?” (Хургыг дагаж шинэ дуу дуулъя номын “Хамгийн утга учиртай амьдрал”). Бурханы үгийн тэр магтан дууг дуулж байхад сэтгэл маш их хөдөлж, асгарах нулимсаа барьж дийлээгүй юм. Би бол бүтээгдсэн зүйл, бас би Бурханд итгэж, Бурханыг шүтэн мөргөх ёстой. Энэ нь ердийн, зөв зүйтэй зүйл. Бурханы оршин тогтнолыг бага байхаас минь мэдүүлэхийн тулд намайг Эзэнд итгэдэг гэр бүлд төрүүлэхээр Бурхан тогтоосон. Эцсийн өдрүүдэд Бурхан намайг сонгож, Эзэний дуу хоолойг сонсож, Эзэнийг хүлээн авахыг минь зөвшөөрсөн. Надад Бурханы үгийн усалгаа, хангамж хүртэж, үгийнх нь шүүлт, ариусгалтыг хүлээн зөвшөөрч, Бурханы аврал хүртэх боломж олгосон юм. Энэ бол асар их ерөөл! Би үе үеийн туршид Бурханыг дагаж ирсэн олон хүнийг бодсон. Бурханы сайн мэдээг түгээхийн тулд тэд хяхалт хавчлага, бэрхшээл туулж, олон хүн бүр амиа өргөсөн. Тэд бүгд Бурханд үзэсгэлэнтэй сайхан, цангинасан гэрчлэл бүтээсэн шүү дээ. Энэ нь надад маш их урам өглөө. “Би өөрийнхөө ашиг сонирхол, ирээдүйг хамгаалахын тулд Бурханд итгэхээ боливол мөс чанартай хэвээр байх уу? Би хүн гэж дуудуулах үнэ цэнтэй юу?” гэж бодогдсон. Тэгж бодоод хүч орж, сургуулиас хөөгдсөн ч бай, үгүй ч бай, ирээдүй, хувь заяа минь яаж ч эргэлээ гэсэн, эргэн тойрны минь хүмүүс намайг голж, гүжирдсэн ч би Бурханаас урвалгүй, Бурханы төлөө гэрчлэлд зогсоно гэж тангараг өргөсөн. Эцсийн байцаалт дээрээ цагдаа нарт маш тайвнаар, “Сургууль намайг хөөвөл манай нөхөрт сургууль дээр очоод миний юмыг ав гээд хэлээд өгөөч гэж л гуйя” гэсэн. Хэчнээн шийдэмгий байгааг минь хараад, цагдаа нар маш халширсан царайтай явцгаасан юм. Бурханд би маш их талархсан шүү.

Манай нөхөр намайг суллагдаад, гэртээ харьсны дараа, “Чамайг дахиад Бурханд итгэсэн гээд баривчлагдвал нэг сарын хориогоор дуусахгүй гэж цагдаа нар надад хэлсэн. Энэ нь охин, бид хоёрт ч бас нөлөөлнө. Охин маань их сургуульд явж, сайн ажилд орж, төрийн албанд ажиллаж чадахгүй. Чи ойлгохгүй байна уу? Бурханд итгэснийхээ төлөө баривчлагдсанаас чинь болж би ч бас нэг сарын турш зовлоо. Хэчнээн ч олон удаа уйлав даа. Бас авто замын осолд орох шахсан. Чамайг шоронгоос гаргах гэж энд тэндгүй явж тусламж гуйн, өөрийгөө бүрэн шившиглэлээ. Дахиж хэзээ ч тэгж зовмооргүй байна” гэж ууртайгаар хэлсэн. Бас намайг итгэхээ больж, гэр бүлийнхээ талаар илүү их бодож болох уу гэж гуйсан. Үүнээс гадна, ах эгч нартайгаа холбоо барихад минь саад болох гэж намайг гэмт хэрэгтэн шиг л цагддаг байлаа. Гэрээс гаргахгүй, бас ямар ч эрх чөлөө өгдөггүй байсан. Нөхөр ажилдаа явахдаа хадам ээжээр намайг харуулдаг байсан. Намайг хаана байгаа, юу хийж байгааг асуухаар цаг үргэлж утасддаг байлаа. Бас ХКН-д дуулгаваргүй байхын үр дагаврыг мэдүүлэх, Бурханд итгэх санааг минь үгүй хийхийн тулд ХКН-ын элдэв хувьсгалт хөдөлгөөний талаар болон засан хүмүүжүүлэхэд ашигладаг харгис арга барилын тухай зогсоо зайгүй ярьж өгдөг байсан. Тэгээд бас, “Танай чуулганы талаар ХКН-ын зохиодог цуу яриа худлааг мэднэ. Чи Бурхандаа итгэмээр байгаа, харин тэд үүнийг зөвшөөрөхгүй байна. Гэхдээ чи дуулгаваргүй байвал амьдралыг чинь тэд сүйрүүлнэ. Соёлын хувьсгал, зургаадугаар сарын дөрөвний явдлаар маш эмгэнэлтэйгээр үхсэн хүмүүсийг хар. Чи ХКН-д халдвал гадаад руу зугтаж ч чадахгүй шүү” гэлээ. Хадам ээж бас хошуу нэмэрлэж, “ХКН урагшгүй ч гэсэн засгийн эрх барьдаг. Бид зүгээр л эгэл ард болохоор тэднийг эсэргүүцэх хангалттай хүчгүй” гэсэн. Дараа нь би Бурханд итгэснийхээ төлөө сургуулиас хөөгдсөн юм, манай нөхөр гэр бүлд маань тохиолдсон бүх муу зүйлийн бурууг Бурханд итгэх итгэлд минь тохлоо. Нөхөр маань сэтгэл дундуур байх болгондоо намайг загнаж, дооглож, шорддог болсон. Тийм амьдралтай тулгараад би маш их сэтгэлээр унасны дээр Бурханы үгийг уншиж, ах эгч нартайгаа холбоо барьж болохгүй байсан учраас тун их шаналж, тэр өдрүүд хэзээ дуусахыг мэдэхгүй байлаа.

Тухайн үед, намайг гэгээрүүлж, замчилж, Бурханы хүслийг ойлгох боломж олгооч гэж Бурханд үргэлж залбирдаг байсан юм. Нэг өдөр Бурханы үгийн нэг хэсгийг санасан: “Магадгүй та бүхэн эдгээр үгийг санаж байгаа байх: ‘Учир нь цаг зуурын хөнгөн зовлон маань бидэнд зориулан алдрын мөнхийн жинг үлэмж арвин болгодог.’ Урьд нь та нар бүгд энэ үгийг сонссон атлаа хэн ч энэ үгийн жинхэнэ утгыг ойлгоогүй. Өнөөдөр тэдгээрийн бодит ач холбогдлыг та нар сайн мэднэ. Бурхан эцсийн өдрүүдэд эдгээр үгийг биелүүлнэ, эдгээр нь агуу улаан лууны цагариглан хэвтэж байдаг газар нутагт үүний харгисаар хяхан хавчсан хүмүүс дээр биелэх болно. Агуу улаан луу Бурханыг хавчдаг, Бурханы дайсан тул энэ газар нутагт Бурханд итгэдэг хүмүүс ийнхүү доромжлол, хавчлагад өртдөг бөгөөд эдгээр үг энэ бүлэг хүмүүс, та нарт биелдэг. Бурханыг эсэргүүцдэг газарт эхлүүлсэн учраас Бурханы бүх ажилд асар их саад тотгор учирч, Түүний олон үгийг гүйцэлдүүлэхэд цаг хугацаа ордог; иймээс Бурханы үгийн улмаас хүмүүс цэвэршүүлэгддэг. Энэ нь бас зовлонгийн нэг хэсэг юм. Агуу улаан лууны газар нутагт Өөрийн ажлыг явуулах нь Бурханд асар хэцүү байдаг боловч ийм бэрхшээлээр дамжуулан Бурхан Өөрийн ажлын нэг үе шатыг хэрэгжүүлж, Өөрийн мэргэн ухаан, гайхалтай үйл хэргийг харуулдгийн дээр энэ бүлэг хүнийг бүрэн төгс болгохын тулд энэхүү боломжийг ашигладаг” (Үг нь махбодоор илэрсэн номын “Бурханы ажил хүний төсөөлдөг шиг энгийн үү?”). Тийм ээ, агуу улаан луу Бурханыг үзэн ядаж, улайран эсэргүүцдэг учраас Хятадад Бурханд итгэгч бид маш их зовлон туулахаас өөр аргагүй, гэхдээ энэ зовлон утга учиртай гэдгийг Бурханы үгээс ойлгосон. Бурхан итгэлийг маань төгс болгож, биднийг ялган таних чадвартай болгохын тулд ийм шаналал, гай зовлонг ашигладаг. ХКН намайг Бурханд итгэдэг гэдгээс л болж цагдан хорьж, сургуулиас хөөлгөж, намайг сүрдүүлэх, үнэн замыг хүчээр орхиулахын тулд гэр бүлийн маань ажил, ирээдүйг ашигласныг бодлоо. ХКН үнэхээр ёрын муу! Манай нөхөр ХКН-ын цуу яриа, худал хуурмагт итгэж, тэдний засан хүмүүжүүлэх харгис аргаас айсан болохоор Бурханд итгэхэд минь саад хийх гэсэн шүү дээ. Би ХКН-ын хяхалт хавчлагыг өөрийн биеэр туулснаар, аймшигтай ёрын муу, үнэнийг үзэн яддаг ХКН-ын чөтгөрлөг мөн чанарыг харах боломж олдсон юм. Тэгээд намайг хяхаж хавчих тусам нь ХКН-ыг улам бүр голж, орхиж, Бурханыг эцсээ хүртэл дагана гэж бодсон доо. Бурханы үгийг уншиж, ах эгч нартайгаа холбоо барьж чадахгүй байсан ч Бурхан итгэмжтэй гэдэгт, надад зам нээж өгнө гэдэгт итгэсэн.

Арван сарын дараа эцэст нь чуулгантай холбоо барих боломж олдсон юм. Бурханы үгийг эцэст нь дахин унших боломж олдох үед маш их догдолж, Бурханы үг эрхэм нандин гэдгийг бүр ч их мэдэрсэн. Унших тусмаа ухаан хурц болж, эрч хүч орж байгаагаа мэдэрсэн. Хэдэн сарын дараа нэг өдөр нөхөр маань миний өрөөнөөс сүнслэг үйл ажиллагааны дэвтрийг минь олсон. Бурханд итгэсээр байгааг минь мэдээд, уураа барьж чадалгүй, намайг нэг нударгадан газар унагаад дараа нь толгой руу дор хаяж 20 удаа нэмж дэлссэн. Миний ухаан орж гарж, манаран, толгой дээр тагтааны өндөг хэрийн булдруу үүслээ. Цэвдгээр уурласан нөхрийнхөө царайг, бас 6 настай охин маань маш их айсандаа цурхиран уйлж эхэлснийг санаж байна. “Ээжийг битгий зод л доо! Ээжийг битгий зод!…” гээд л. Нөхөр намайг заамдаж аваад, хаалгаар гарган шидсэнээ, “Бурханд итгэсээр байх юм бол манай гэрээс зайл!” гэж уурсан хэлсэн. Нөхрийнхөө яаж өөрчлөгдсөнийг, ямар харгис, өршөөлгүй аашилж, хамтдаа байсан тэр олон жилээ огт хайхрахгүй байгааг нь хараад миний зүрх эмтэрсэн шүү. Охин маань аавынхаа догшин ширүүн зангаас хэчнээн их айсныг харах нь л тэсвэрлэхэд хамгийн хэцүү зүйл байсан даа. Манай охин аавыгаа ойртож ирмэгц намайг зодох нь гэж бодоод өмнүүр гүйж орон, намайг хамгаалахаар бяцхан гараа өргөж, “Ээжээс хол бай!” гэж хэлсэн. Заримдаа охин маань намайг дээд давхарт байхад аавыгаа шат руу ойртмогц шатаар битгий өгс гэж хашхирдаг байлаа. Тэгтлээ айдас, түгшүүрээр дүүрсэн охиныхоо царайг, тийм бага насандаа гэр бүлийн хүчирхийлэл үзсэний сэтгэл зүйн хор уршгийг харах болгонд миний зүрх зүсэгдэх шиг болж, агуу улаан лууг улам бүр үзэн ядсан. Энэ бүх гамшиг Коммунист Намын хяхалт хавчлагаас үүдсэн шүү дээ.

Нэг өдөр нөхөр ажлаасаа тарж ирснээ гар утсаа гаргаад, “Хар даа, ХКН дахиад л ийм олон хүн баривчилж. Чи итгэмээр л байна уу? Аминаасаа уйдаа юу, чи? Бурханд итгэж болно оо, гэхдээ охин бид хоёрыг битгий өөртэйгөө хамт доош чирэх гээд бай. Чамайг дахиад баривчлагдвал бидний амьдрал хэцүүднэ. Бурханд итгэх замаар орно гэдгийг чинь мэдсэн бол чамтай хэзээ ч суухгүй байсан юм” гэж ууртайгаар хэллээ. Нөхрийн хэлсэн үгэнд сэтгэл маш их эмзэглэсэн. Урьдын үеийг эргэн бодож, Бурханд итгэдгээс минь л болж надад гэмт хэрэгтнээс ч бага эрх чөлөө өгч, үе үе зодож, үүгээр охины минь сэтгэлийг яаж шархлуулсныг нь санаад, цаашид буулт хийж чадахгүй гэдгээ ухаарсан учраас салъя гэх нөхрийнхөө хүсэлтийг зөвшөөрсөн юм. Бурханд үргэлжлүүлэн итгэнэ гэж зүтгэж байгааг минь хараад, манай нөхөр ах руу маань утасдаж, ятгаад өг гэж гуйсан. Ах намайг үргэлж хайрладаг, байнга бахархдаг байсан сан, гэтэл би ХКН-д баривчлагдсанаас болоод сургуулиас хөөгдөж, магистрын хичээлээ үргэлжлүүлэх хориотой болсон. Үүний дараа нөхрөөсөө салбал, тосгоны доог тохуу болох нөхцөл бүрэн бүрдэх байлаа. Манай ах маш их урам хугарна даа! Ахынхаа нүүрийг яаж харахаа мэдэхгүй байсан, тэгээд би Бурханы гэрчлэлд зогсож, ямар ч орчинд Бурханд итгэхээ хэзээ ч болихгүйн тулд зүрх сэтгэлдээ Бурханд орь дуу тавин, намайг хамгаалаач гэж гуйлаа. Дараа нь Бурханы үгийн нэг хэсгийг санасан юм, “Чи дотроо Миний зоригийг тээж, итгэдэггүй төрөл төрөгсөдтэйгөө нүүр тулахдаа зарчимтай байх ёстой. Харин чи бас Миний төлөө ямар ч харанхуй хүчинд бууж өгөх ёсгүй. Төгс замаар алхахын тулд Миний мэргэн ухааныг түш; Сатаны хуйвалдаан биелэх боломж бүү олго” (“Үг нь махбодоор илэрсэн” номын Христийн эхэн үеийн айлдваруудын “10-р бүлэг”). Тийм шүү. Бурхан хүн төрөлхтнийг бүтээсэн. Бурханд итгэж, Бурханыг дагах нь ердийн, зөв зүйтэй зүйл. Бид өөрсдийн сонгосон замд бат зогсох ёстой, бас Сатанд хууртахгүй байх ёстой. Хамгийн дотно хүмүүсээ ч саад хийхийг зөвшөөрч болохгүй. Тэгээд дараа нь, ахын өмнө манай нөхөр Бурханд итгэх итгэлд маань болсон бүх зүйлд намайг буруутгалаа. Хэчнээн тайван байгааг минь хараад намайг цохих гэж гар далайсан ч ах болиулсан юм. Ах надад, “Чи том хүн, өөрийнхөө амьдралын талаар өөрөө шийдвэр гаргаж болно. Гэхдээ та хоёрыг салбал охинд чинь юу болох талаар бодох хэрэгтэй. Манай охинд юу болсныг харах юм бол чи охиндоо юу тохиолдохыг мэднэ…” гэж тайван хэллээ. Би ахын салалтын талаар, бас охиныг нь эргэн тойрных нь хүмүүс байнга дооглож, дорд үздэг байсан талаар бодсон болохоор ахын үгэнд нэг хэсэг гунигласан. Хүүхэд эхгүй байх маш харамсалтай. Намайг салчихвал миний охин бас эхгүй хүүхэд болох биш үү? Багш, ангийнхандаа ад үзэгдэж, дооглуулах биш үү? Намайг дэргэд нь байхгүй, үл итгэгч эцэг, өвөө эмээтэйгээ амьдрах юм бол миний охин Бурханд итгэх замаар алхаж чадах уу? Хэчнээн балчрыг нь бодохоор охиноосоо хагацахыг тэсвэрлэж чадахгүй мэт санагдсан.

Тэр үед үнэхээр шаналж байсан болохоор, “Бурхан минь, би охиноо орхиж чадахгүй нь. Охиныхоо ирээдүйг бодохоор үргэлж гуниглах юм. Намайг гэгээрүүлж, замчилж, зүрх сэтгэлийг минь хамгаалаач гэж Танаас гуйя” хэмээн Бурханд залбирсан юм. Дараа нь Бурханы үгийн хоёр хэсгийг уншаад, тэндээс хэрэгжүүлэх замаа олсон. “Хүүхдүүдийнхээ амьдралд эцэг эхийн хүлээх үүрэг хариуцлага бол төрүүлж, өсгөж хүмүүжүүлэхээс гадна өсөж том болоход нь гагцхүү тохирсон орчноор хангах явдал байдаг, учир нь Бүтээгчийн урьдчилан тогтоосноос өөр юу ч хүний хувь заяанд нөлөөлдөггүй билээ. Хүний ирээдүй ямар байхыг хэн ч хянаж чадахгүй; үүнийг аль хэдийн урьдчилан тодорхойлсон байдаг бөгөөд эцэг эх нь хүртэл хүний хувь заяаг өөрчилж чадахгүй. Хувь заяаны тухайд гэвэл, хүн бүхэн биеэ даасан байдаг, хүн бүхэнд өөрийн гэсэн хувь заяа байдаг. Иймээс хэний ч эцэг эх хүний амьдралын хувь заяанд саад хийж, эсвэл амьдралд гүйцэтгэх үүрэгт нь өчүүхэн төдий ч нөлөө үзүүлж чадахгүй… хэний ч эцэг эх амьдралд даалгавраа биелүүлэхэд нь дэмжлэг үзүүлж чадахгүй, үүний адил амьдралд үүргээ хүлээн авахад нь хэний ч хамаатан садан тусалж чадахгүй. Хүн даалгавраа хэрхэн гүйцэтгэх, ямар амьдрах орчинд үүргээ биелүүлэх нь бүхэлдээ хүний амьдралын хувь заяагаар тодорхойлогддог. Өөрөөр хэлбэл, Бүтээгчийн урьдчилан тогтоосон хүний даалгаварт өөр ямар ч объектив нөхцөл нөлөөлж чадахгүй. Бүх хүн өөрсдийн өсөж том болох тэр орчиндоо нас биед хүрдэг; дараа нь тэд аажмаар, алхам алхмаар амьдралын замдаа гарч, өөрсдөд нь зориулан Бүтээгчийн төлөвлөсөн хувь тавилангаа биелүүлдэг. Тэд аяндаа, өөрийн эрхгүй өргөн уудам далай шиг их хүний дунд орж, амьдралынхаа байр суурийг эзэлж, Бүтээгчийн тогтоосон тавилан, Түүний дээд эрхийн төлөө, бүтээгдсэн зүйлийн үүрэг хариуцлагаа биелүүлж эхэлдэг.” “Хүмүүсийн төлөвлөгөө, хоосон төсөөлөл төгс байдаг; хэдэн хүүхэдтэй болох, хүүхдүүдийнх нь дүр төрх, ур чадвар гэх мэт нь тэдний шийдэх зүйл биш, хүүхдүүдийнх нь хувь заяа тэдний гарт огтхон ч байдаггүй гэдгийг тэд мэддэггүй гэж үү? Хүмүүс хувь заяаныхаа эзэд нь биш атлаа залуу үеийнхээ хувь заяаг өөрчилнө гэж найддаг; тэд хувь заяанаасаа зугтах аргагүй байдаг атлаа охид, хөвгүүдийнхээ хувь заяаг хянах гэж хичээдэг. Тэд өөрсдийгөө хэтэрхий өндөр үнэлж байгаа бус уу? Хүний мунхаглал, харанхуй бүдүүлэг байдал энэ бус уу?” (Үг нь махбодоор илэрсэн номын “Цор ганц Бурхан Өөрөө III”). Тийм ээ, Бурхан бүх зүйлийг бүтээсэн, бас бүх зүйлд дээд эрх барьдаг, хүмүүсийн хувь заяа Бурханы гарт байдаг. Эцэг эх хүүхдээ өсгөдөг л болохоос хүүхдийн хувь заяаг өөрчилж чаддаггүй. Би охиныхоо амьдралд нөлөөлж, амьдралыг нь хянаж чадна, бас намайг дэргэд нь байгаа цагт охин минь аз жаргалтай болж чадна, би охиноо Бурханд итгэх замд чиглүүлж чадна гэж үргэлж боддог байсан. Гэхдээ эргээд бодох нь ээ, би өөрийнхөө хувь заяаг ч хянадаггүй юм байж охиныхоо хувь заяаг хянаж яаж чадах юм бэ? Хэд хоногийн өмнө охиноо өвдөөд ухаан алдах үед би өвчнийг нь намжаахад тусалж огт чадалгүй, зүгээр л харж зогсохоос өөр аргагүй байсан. Охиныг минь хамгаалаач гэж Бурханаас гуйж л чадсан. Охин маань ууланд авирч байгаад бүдэрч, хаднаас унах шахсан. Би огт юу ч хийж чадаагүй. Охиныг минь уулын хадан цохионы ирмэг дэх үхсэн мод нууцлагаар аварсан юм. Охиноо би боломжтой бүх аргаар асарч халамжилсан ч охин минь өвдөж, гамшигт өртөхгүй гэх ямар ч баталгаа байхгүйг эдгээр баримт надад ухаарууллаа. Эдгээрийг ойлгомогц чөлөөлөгдөх сайхан мэдрэмжийг мэдэрсэн юм. Хүүхдийнхээ амьдралыг Бурханы гарт даатгаж, Бурханы дээд эрх, зохицуулалтыг дуулгавартай дагах ёстойгоо ухаарсан. Бүтээгдсэн зүйлийн хувьд миний хийх ёстой зүйл энэ байлаа.

Хожим нь, Бурханд итгэнэ гэж зүтгэхийг минь хараад манай нөхөр надаас салахаар шийдсэн. Намайг гэрээс юу ч үгүй, гар хоосон нүү гээд, охины асран хамгаалах эрхийг надад өгөхөөс татгалзсан. Тэр ч бүү хэл хүүхэдтэйгээ уулзах эрхгүй болгох гэсэн шүү. Хөрөнгө хуваах талаар асуутал, намайг зэвэрдэггүй ган аягаар толгой руу цохих гэсэн. Би гараараа өөрийгөө ингэж хамгаалсан ч хоёр бугуй хөхөрч, үүнээс болоод хоёр сарын турш хүнд юм зөөж чадахгүй болсон. Бас тэр аягаар нуруу руу хэд хэдэн удаа цохисноос болоод сар гаруй бүгшүүлж ханиалгахад хүрсэн. Энэ бүхний дараа манай нөхөр миний ажил хийж хураасан олон зуун мянгыг булаасан. Тэгээд, “Чи Бурханд итгэдэг биз дээ? Тэгвэл тэр Бурхандаа очоод, намайг хооллож ундалж, хувцасла гэж гуйхгүй юу” гэлээ. Нөхрийнхөө ийм утгагүй аашлахыг хараад Бурханы үгийг санасан юм, “Бурханыг дурдах үед хилэгнэж, багтартлаа уурладаг хүн Бурханыг харсан уу? Бурхан гэж хэн болохыг мэдэх үү? Тэр хүн Бурхан гэж хэн болохыг мэддэггүй, Түүнд итгэдэггүй бөгөөд Бурхан түүнтэй яриагүй байдаг. Бурхан түүнд хэзээ ч төвөг удаагүй атал юунд уурлана вэ? Энэ хүнийг ёрын муу гэхэд болох уу? Дэлхий ертөнцийн чиг хандлага, идэж уух, зугаа цэнгэлээр хөөцөлдөх, алдартнуудын араас гүйх—эдгээр зүйлийн аль нь ч ийм хүнд төвөг уддаггүй. Гэвч ‘Бурхан’ гэх үгийг, эсвэл Бурханы үгийн үнэнийг дөнгөж дурдмагц тэрээр багтартлаа уурладаг. Ёрын муу уг чанартай гэдгийг энэ нь илтгэдэг бус уу? Энэ хүний ёрын муу уг чанар гэдгийг үүгээр нотлоход хангалттай” (Үг нь махбодоор илэрсэн номын “Цор ганц Бурхан Өөрөө V”). Бурханы үгийн илчилсэн зүйл нөхрийн маань Бурханыг эсэргүүцдэг ёрын муу зан чанарыг тодорхой харуулсан. Би эргээд бодлоо: Эхэндээ манай нөхөр Төгс Хүчит Бурханд итгэдгийг минь олж мэдээд нэн их дайсагнаж, тэр ч бүү хэл Бурханы үгийн номуудыг минь урж хаясан. Дараа нь, Бурханд итгэхийг минь болиулахаар хичээн, надаас салъя гэж хүссэн. Баривчлагдаад суллагдсаны минь дараа надтай хоригдол мэт харьцаж, ямар ч эрх чөлөө өгөлгүй, байнга харгисаар зоддог байсан. Заримдаа намайг алахыг хүсэж байх шиг байсан. Салахдаа намайг арга мухардуулж, өөрийн амьдралаар амьдрах боломжгүй болгох гэж хамаг хөрөнгийг минь булаасан. Нөхөр маань намайг Бурханаас урвуулах зорилготой байсан юм. Одоо би нөхрийнхөө уг чанар, мөн чанарыг тодорхой харлаа. Нөхөр маань Бурханыг үзэн ядаж, эсэргүүцдэг диавол байж. Тийм хүнтэй амьдарсан бол, бид хоёрт ямар ч нийтлэг зүйл байхгүй байх байсан. Би ямар ч эрх чөлөөгүй байж, зодуулж, хязгаарлалт дор амьдрах байлаа. Үүнийг яаж гэр орон гэх юм бэ гэж бодогдсон. Энэ нь гагцхүү дөнгө байсан. Энэ нь там байсан юм.

Салсныхаа дараа би нөхөртөө боогдож, хянуулахаа больсон юм. Хэвийн байдлаар цуглаанд явж, Бурханы үгийг уншиж чаддаг болж, чуулганд даруйхан үүрэг авсан. Тэгээд тайвшрал, чөлөөлөлтийг гүнээ мэдэрч, намайг аварсанд нь Бурханд талархсан даа.

Одоо үед гай гамшиг ойр ойрхон тохиолдож, Эзэн эргэн ирэх тухай зөгнөлүүд үндсэндээ биелсэн. Бид Эзэнийг хэрхэн угтан авч болох вэ?

Холбогдох контент

Худал хуурмагийн ард юу оршдог вэ

Хүн зөвхөн үнэнийг ойлгож, үнэнд орж, зан чанараа өөрчилсөн цагт үнэн зөв баримтыг баараггүй үзүүлж, түүнд тохиолдож буй бүх зүйлийг шударга, үнэн зөвөөр онцлон үзэж чаддаг болно.

Мөнхийн гаслан

Хүй Гай, Хятад Төгс Хүчит Бурхан ингэж хэлсэн байдаг: “Сатаны завхруулсан бүх сүнс Сатаны эзэмшилд олзлогдсон байдаг. Христэд итгэдэг...