Төгс Хүчит Бурханы Чуулганы апп

Бурханы дуу хоолойг сонсож, Эзэн Есүсийн эргэн ирэлтийг угтан аваарай!

Бүх үнэнийг эрэлхийлэгчдийг бидэнтэй холбогдохыг урьж байна.

Үг нь махбодоор илэрсэн

Цулгуй өнгө

Загвар

Үсгийн хэв

Үсгийн хэмжээ

Мөр хоорондын зай

Хуудасны өргөн

Хайлтын үр дүн 0

Ямар ч үр дүн олдсонгүй.

Долоо дахь айлдвар

Барууны бүх салбар Миний дуу хоолойг сонсох хэрэгтэй:

Өнгөрсөн үед та нар Надад үнэнч байсан уу? Та нар Миний онц гойд зөвлөмж үгсийг дуулгавартай дагасан уу? Та нарт бүдэг бадаг, тодорхойгүй биш, бодит найдвар бий юу? Хүний үнэнч байдал, хайр, итгэл—Надаас ирдэг зүйлээс өөр юу ч байхгүй, Миний өгдөг зүйлээс өөр юу ч үгүй. Миний ардууд аа, Миний үгийг сонсохдоо та нар Миний хүслийг ойлгодог уу? Миний зүрх сэтгэлийг хардаг уу? Өнгөрсөн үед үйлчлэлийн замаар аялж байхдаа та нар өсөлт, уналттай ээлж дараалан тулгарсан бөгөөд та нар доош унаж, тэр ч байтугай Надаас урвах хүртлээ аюулд орж байсан цаг үе бий; гэхдээ хором бүрд Би та нарыг ямагт аварч байсан гэдгийг та нар мэдсэн үү? Хором бүрд Би та нарыг дуудаж, аврахын тулд ямагт Өөрийн дуу хоолойгоор айлдаж байсныг мэдсэн үү? Та нар хэдэн удаа Сатаны торонд унав? Хэдэн удаа та нар хүмүүсийн урхинд орооцолдсон бэ? Түүнчлэн та нар хэр олон удаа биеэ барьж чадалгүй өөр хоорондоо эцэс төгсгөлгүй зөрчилдөөнд орж байсан бэ? Хэр олон удаа та нарын бие Миний гэрт, харин зүрх сэтгэл чинь хаа нэгтээ байсан бэ? Гэсэн хэдий ч та нарыг дэмжихийн тулд Би хэчнээн удаа авралын гараа сунгасан билээ; Би та нарын дунд хэчнээн удаа өршөөлийн үрийг цацсан билээ; та нарын зовлонгийн өрөвдмөөр байдлыг хараад Би хэчнээн удаа тэвчиж чадаагүй билээ? Хэчнээн удаа ... та нар мэдэх үү?

Гэвч өнөөдөр Миний халамж доор та нар эцэстээ бүх бэрхшээлийг даван туулсан ба Би та нартай хамт баярлан хөөрч байна; энэ бол Миний мэргэн ухааны биелэлт юм. Гэсэн хэдий ч үүнийг сайн сана! Та нарын дундаас хэн унаж, харин та нар хүчтэй хэвээр үлдсэн бэ? Та нарын дундаас хэн нь сул дорой мөчийг хэзээ ч үзэлгүй хүчтэй байсан юм бэ? Хүмүүсийн дундаас хэн нь Надаас ирээгүй ерөөлийг эдэлсэн юм бэ? Хэн нь Надаас ирээгүй золгүй явдлыг амссан юм бэ? Намайг хайрладаг хүмүүс бүгд зөвхөн ерөөл хүлээн авдаг гэж үү? Намайг хайрлаж чадалгүй харин ч эсэргүүцсэн учраас Иовд золгүй явдал тохиолдсон юм гэж үү? Паул Намайг үнэхээр хайрлаж чаддаг учраас Миний дэргэд Надад үнэнч үйлчилж чадсан юм гэж үү? Та нар хэдийгээр Миний гэрчлэлийг бат мөрддөг байж магадгүй боловч та нарын дунд хэний гэрчлэл нь шижир алт шиг, ямар ч хольцгүй байж чадах вэ? Хүний үнэнч байдал нь үнэн байж чадах уу? Би хэнээс ч их зүйл хэзээ ч шаардаагүй учраас та нарын гэрчлэл Надад таашаал авчирч байгаа нь та нарын “үнэнч байдалтай” зөрчилддөггүй. Хэрвээ Миний төлөвлөгөөний анхдагч санаа зорилгын дагуу байсан бол та нар бүгд “хоёрдугаар зэргийн бараа буюу хангалтгүй” байх байсан. Энэ нь “өршөөлийн үр цацах” талаар Миний ярьсан зүйл биш гэж үү? Та нарын хардаг зүйл Миний аврал мөн үү?

Та нар бүгдээрээ эргэн санах хэрэгтэй: Миний гэрт эргэн ирснээсээ хойш, өөрийнхөө ашиг, алдагдлыг эргэцүүлэхгүйгээр, Петрийн нэгэн адил Намайг мэдэж авдаг хүн байна уу? Та нар Библийн өнгөн талыг ягштал цээжилчихсэн боловч үүний мөн чанараас ямар нэг зүйлийг өөрийн болгосон уу? Тэгсэн байлаа ч гэсэн өөрийгөө үнэхээр тавьж явуулахаас татгалзан “эд хөрөнгөтэйгээ” зууралдсаар байна. Намайг айлдах үед, та нартай нүүр тулан ярилцах үед Миний илчилсэн амийн үгийг хүлээн авахын тулд хаалттай хуйлмал номыг доош тавьсан хүн та нарын дунд хэн байна? Та нар Миний үгийг ойшоодоггүй, эрхэмлэдэг ч үгүй. Оронд нь та нар өөрсдийн байр суурийг хадгалахын тулд дайснуудаа буудах гэж Миний үгсийг пулемёт мэт ашигладаг; Намайг Мэдэхийн тулд Миний шүүлтийг хүлээн авъя гэж та нар өчүүхэн төдий ч хичээдэггүй. Та нар бүгд хэн нэгэн рүү зэвсэг чиглүүлдэг ба та нар бүгд “хувиа хичээдэггүй”, нөхцөл байдал бүрд “бусдын талаар боддог”; энэ чинь та нарын өчигдөр хийж байсан зүйл биш гэж үү? Бас өнөөдөр? Та нарын “үнэнч байдал” хэдэн оноогоор өсөж, та нар бүгд бага зэрэг хашир сууж, бага зэрэг төлөвшсөн, үүнээс болж Надаас айх та нарын “айдас” ямар нэг байдлаар ихэссэн ба хэн ч “хөнгөмсөг авирлаж зүрхэлдэггүй”. Яагаад та нар үргэлж идэвхгүй байдалд оршдог юм бэ? Яагаад та нарын хаанаас ч эерэг тал нь ерөөсөө олддоггүй юм бэ? Өө, Миний ардууд аа! Өнгөрсөн үе аль хэдийн өнгөрсөн; та нар цаашид түүнтэй зууралдах ёсгүй. Өчигдөр чи бат зогссон юм бол өнөөдөр Надад чин үнэнч байдлаа өгөх ёстой, түүнчлэн маргааш Миний төлөө сайн гэрчлэл хийх хэрэгтэй бөгөөд ирээдүйд чи Миний ерөөлийг өвлөж авна. Энэ бол та нарын ойлгох ёстой зүйл билээ.

Хэдийгээр Би та нарын өмнө байхгүй ч гэсэн Миний Сүнс та нарт гарцаагүй нигүүлсэл хүртээнэ. Та нар Миний ерөөлийг нандигнаж, үүний улмаас өөрсдийгөө мэдэж авч чадна хэмээн Би найдаж байна. Үүнийг өөрийн хөрөнгө гэж бүү үз; үүний оронд та нар өөрсдөдөө дутагдаж байгаа зүйлийг Миний үгээс аван дүүргэж, үүнээс өөрийнхөө эерэг элементүүдийг гаргаж авах ёстой. Энэ бол та нарт өгч буй Миний захиас юм!

1992 оны 2 дугаар сарын 28

Өмнөх:Зургаа дахь айлдвар

Дараах:Найм дахь айлдвар

Танд таалагдаж магадгүй