Одоо гамшиг улам бүр томорсоор байна олон итгэгч гамшгаас мултарч, тэнгэрийн хаанчлалд орохын тулд Эзэнийг угтан авах гэж тэсэн ядан найдаж байгаа. Гэхдээ Эзэний эргэн ирэлтийг хүлээж, угтан авах тухайд хүмүүсийн хандлага янз бүр байдаг. Зарим нь Эзэний сургаалыг дагадаг. Тэд харуулдан залбирч, идэвхтэй эрж хайж, судалж, сүйт залуугийн дуу хоолойг сонсоход төвлөрдөг. Харин бусад нь сүмдээ үлдэж, Эзэн үүл хөлөглөн бууж ирэхийг л хүлээдэг. Тэд Эзэн Есүсийн хэлсэн үгийг үндэслэл болгодог: “Гамшгийн (сүйрэл) тэр өдрүүдийн дараа нэн даруй нар харанхуйлж, сар гэрэлтэхгүй, одод тэнгэрээс унаж, тэнгэрийн хүчнүүд сэгсрэгдэнэ. Тэгээд хүний Хүүгийн тэмдэг тэнгэрт илрэн харагдана: газар дээрх бүх овог гашуудан уйлах ба тэд хүний Хүү тэнгэрийн үүлэн дээр хүч чадал, агуу алдартайгаар ирэхийг харах болно” (Матай 24:29–30). Тэд: “Энэ зөгнөлийг Эзэн Өөрөө хэлсэн. Бид Эзэн үүл хөлөглөн бууж ирэхийг харуулдаж байгаад Эзэнийг угтан авахаар хүлээж байна. Үүнд буруу нь юу байна?” гэж боддог.

Библийн зөгнөлд үндэслэн Эзэнийг угтан авах нь буруу биш, гэхдээ Эзэн үүл хөлөглөн бууж ирэхийг хүлээх нь Бурханы санаа зорилгод нийцэх эсэхийг хэлэхэд хэцүү, учир нь Эзэн Есүс эргэн ирэхдээ хүний Хүү болж, нууцаар ирнэ гэж голчлон зөгнөсөн. Жишээ нь, Эзэн Есүс ингэж зөгнөсөн: “Аянга зүүнээс цахилж, баруун зүгт ч гэсэн гялбадаг шиг; хүний Хүүгийн ирэлт нь ч мөн тийм байх болно” (Матай 24:27). “Хүний Хүүгийн ирэлт нь ч бас Ноагийн өдрүүд шиг байх болно” (Матай 24:37). “Учир нь тэнгэрийн нэг хязгаараас нөгөө хязгаар хүртэл цахилдаг аянга шиг; хүний Хүү ч бас Өөрийн өдөртөө тийнхүү байх болно. Гэхдээ Тэр эхлээд олон зовлон туулах ёстой бөгөөд энэ үеийнхэнд гологдоно” (Лук 17:24–25). Эзэн Есүс бас ингэж зөгнөсөн: “Тиймээс та нар бас бэлэн бай. Хүний Хүү та нарын бодоогүй цаг мөчид ирнэ” (Матай 24:44). “Шөнө дөлөөр хашхирах дуу гарч, ‘Хараач, Сүйт залуу ирлээ; Түүнийг угтан авцгаа’ гэлээ” (Матай 25:6). Эдгээр зөгнөлд “Хүний Хүү… ирнэ”, эсвэл “Хүний Хүүгийн ирэлт” гэж дурдсан байдаг. “Хүний Хүү” гэдэг нэр томьёо нь хүнээс төрсөн Нэгнийг хэлдэг. Өөрөөр хэлбэл, Бурхан Өөрийгөө махбодоор хувцаслаж, жирийн, хэвийн хүн болж, хүн төрөлхтний дунд нууцаар бууж ирээд үг хэлж, ажиллана. Энэ нь үүл хөлөглөн нийтэд ил тод гарч ирэхээс шал өөр юм. Эзэн хүний Хүү болж эргэн ирэх тухай ийм олон зөгнөл байхад шашны ертөнц яагаад Эзэн үүл хөлөглөн бууж ирэх тухай зөгнөлд л төвлөрөхийг сонгодог юм бэ? Тэд яагаад хүний Хүү ирэх тухай, хүний Хүүгийн бууж ирэх тухай зөгнөлд огт анхаарал хандуулдаггүй юм бэ? Үүний цаана харагдаж байгаагаасаа ч илүү их учир бий.

Эхлээд бид “Хүний Хүү… ирнэ”, “Сүйт залуу ирлээ” гэсэн Эзэний зөгнөлүүд болон Эзэн үүл хөлөглөн бууж ирэх тухай зөгнөлүүдийн хамгийн том ялгааг ойлгох ёстой. Энэ хоёр төрлийн зөгнөлийн цаг хугацаа, нөхцөл байдал нь тэс өөр гэдгийг бид тодорхой харах ёстой. Хүний Хүү ирэх нөхцөл нь юу вэ? Эзэн Есүс ингэж зөгнөсөн: “Хүний Хүүгийн ирэлт нь ч бас Ноагийн өдрүүд шиг байх болно” (Матай 24:37). Ноагийн өдрүүдэд хүмүүс идэж ууж, гэрлэж, нөхөрт гарч байсан. Хүний Хүү ирэх нөхцөл нь их сүйрлийн үед биш, харин сүйрэл ирэхээс өмнө амьдрал хэвийн үргэлжилж байх үед гэдэг нь тодорхой байна. Харин үүл хөлөглөн бууж ирэх нь агуу их сүйрлийн дараа болно. Тиймээс Эзэн Есүс: “Та нар сэрэмжтэй байж, Эзэнийг угтан авахаар тосоо бэлд” гэж олон удаа хэлсэн. Энэ нь бие махбодтой болсон хүний Хүүг сүйрлээс өмнө угтан авна гэсэн үг. Тэр бас ухаалаг болон мунхаг охидын өөр өөр төгсгөлийн талаар зөгнөсөн. Бие махбодтой болсон хүний Хүүг сүйрлээс өмнө угтан авдаг хүмүүс бол ухаалаг охид юм. Энэ ухаалаг охид тэнгэрийн хаанчлалын найрын зоогт оролцож, Христийн суудлын өмнө шүүлт туулж, ариусгагдаж чадна. Тэд ялагчид болгуулж, Бурханы хаанчлалд ордог. Харин Эзэнийг угтан авахын тулд үүл хөлөглөн бууж ирэхийг нь хүлээнэ гэж зүтгэдэг шашны хүмүүс бол мунхаг охид юм. Эзэн үүл хөлөглөн бууж ирэхийг харуулдан хүлээдэг хүмүүсийн үр дагавар ямар байх вэ? Энэ бол “газар дэлхийн бүх овог Түүнээс болж гашуудна” гэсэн төгсгөл юм. Тэд бие махбодтой болсон хүний Хүүг угтан авах боломжоо алдаж, шүүгдэж, яллагдаж, шийтгүүлнэ гэсэн утгатай нь тодорхой байна. Яг л Эзэн Есүсийн сүнслэг бие гарч ирэхэд Түүнийг Эзэн, Христ мөн гэж хүлээн зөвшөөрсөн Томастай адилхан. Үүнийхээ төлөө тэр Эзэнээр яллагдсан. Эзэн Есүсийн хэлсэнчлэн: “Чи Намайг харсан учир Надад итгэсэн; хараагүй атлаа итгэсэн хүмүүс ерөөлтэй еэ!” (Иохан 20:29). Эндээс бид Эзэнийг сүйрлээс өмнө угтан авдаг хүмүүс болон сүйрлийн дараа угтан авдаг хүмүүсийн төгсгөл тэс өөр болохыг харж болно. Эзэний санаа зорилго бол хүмүүс их сүйрэл дууссаны дараа бус, харин сүйрлээс өмнө Өөрийг нь угтан авах явдал юм.

Одоо Эзэнийг сүйрлээс өмнө угтан авахын ач холбогдлын талаар ярилцъя. Эзэн Есүс ингэж хэлсэн: “Та нарт хэлэх зүйл Надад олон байгаа боловч та нар одоо тэдгээрийг дааж чадахгүй. Гэхдээ үнэний Сүнс болох Тэр ирэх үедээ та нарыг бүх үнэн рүү удирдана” (Иохан 16:12–13). Илчлэл номд бас ингэж зөгнөсөн байдаг: “Харагтун, Би үүдэнд зогсоод тогшиж байна: Хэрвээ хэн нэгэн Миний дуу хоолойг сонсоод хаалгаа нээвэл, Би түүн дотор орж, түүнтэй хамт, тэр Надтай хамт хооллох болно” (Илчлэл 3:20). “Би ялж, Эцэгтэйгээ хамт сэнтийд нь заларсан шиг Надтай хамт Миний сэнтийд суухыг ялагчид Би соёрхоно” (Илчлэл 3:21). Эдгээр зөгнөлөөс бид сүйрлээс өмнө Эзэн ажлын нэг үе шат болох Бурханы гэрээс эхлэх шүүлтийн ажлыг хэрэгжүүлнэ гэдгийг харж болно. Энэ нь Эзэн сүйрлээс өмнө үнэнийг илэрхийлж, шүүлтийн ажил хийж, бүлэг хүмүүсийг ариусгаж, аварч, ялагчид болгоно гэсэн үг юм. Илчлэл номд зөгнөсөн ялагчид нь эргэлзээгүй сүйрлээс өмнө юм уу сүйрлийн үеэр төгс болгуулах хүмүүс юм. Агуу их сүйрэл эхлэх үед авралын хаалга хаагдана гэж бид бүгд өмнө нь сонсож байсан. Өөрөөр хэлбэл, Бурханы авралын ажил бүрэн дууссан байх болно. Тэгвэл сүйрлийн төгсгөлд тохиолдох, Эзэний үүл хөлөглөн бууж ирэхийг бид хүлээвэл Бурхан авралын ажлыг хийсээр байх боломжтой юу? Ингэх боломжгүй. Төгс Хүчит Бурханы үгэнд хэлснээр: “Олон хүн Миний хэлсэн зүйлийг тоохгүй байж магад, гэвч Есүс тэнгэрээс цагаан үүлэн дээр бууж ирэхийг хоёр нүдээрээ харах үе чинь зөвт байдлын Нар олон нийтэд үзэгдэх цаг байх болно гэдгийг Би Есүсийг дагадаг ариун хүмүүс гэгддэг хүн бүрд хэлэхийг хүссээр байна. Магадгүй тэр нь чиний хувьд маш сэтгэл догдлом мөч байж болох юм. Гэсэн хэдий ч Есүс тэнгэрээс буун ирж буйг нүдээр үзэх тэр үе бол бас шийтгүүлэхээр там руу буух үе чинь, Бурханы удирдлагын төлөвлөгөөний төгсгөл тунхаглагдсан цаг үе, Бурхан сайныг шагнаж, ёрын мууг шийтгэдэг үе байх болно гэдгийг чи мэдэх ёстой. Учир нь, хүн тэмдгийг харахаас өмнө, үнэний илэрхийлэл л байх үед Бурханы шүүлт дууссан байх болно. Үнэнийг хүлээн авдаг, тэмдгийг эрж хайдаггүй, улмаар ариусгагдсан хүмүүс Бурханы сэнтийн өмнө хүргэгдэж, Бүтээгчийн тэвэрт орсон байх болно. ‘Цагаан үүл хөлөглөн ирээгүй Есүс бол хуурамч христ’ хэмээн итгэсээр байдаг хүмүүс мөнхийн шийтгэл хүртэнэ, учир нь тэд тэмдэг үзүүлдэг Есүст л итгэдэг, харин хатуу шүүлтийг илэрхийлж, амь болон үнэн замыг гаргадаг Есүсийг хүлээн зөвшөөрдөггүй. Тэгэхээр Есүс цагаан үүлэн дээр ил тодоор эргэн ирэх үедээ л тэдэнтэй тооцоо бодно” (Үг. I Боть: Бурханы илрэлт ба ажил. Есүсийн сүнслэг биеийг харах үед чинь Бурхан тэнгэр, газрыг шинээр бүтээсэн байх болно). Төгс Хүчит Бурханы үг тун тодорхой байна. Бид ингэж баттай хэлж чадна, сүйрлийн дараа Эзэнийг үүл хөлөглөн бууж ирэх үед л угтан авна гэж зүтгэдэг хүмүүс бүгд гай зовлонтой нүүр тулна, учир нь тэд шүүлтийг хүлээн авч, ариусгагдаж, аврагдах боломжоо алдсан байх болно. Тэд үнэний Сүнсний илэрхийлсэн үнэн болон хийсэн шүүлтийн ажлыг хүлээн авах боломжоо алдсан байх болно. Тэдэнд Бурханы царайг харах боломж хэзээ ч олдохгүй.

Гамшиг аль хэдийн эхэлсэн. Хүнийг аврах Бурханы ажил удахгүй дуусаж, дараа нь бид их сүйрлийн сүүлийн гурван жил хагас руу орох болно. Энэ нь хүн төрөлхтнийг бүрмөсөн устгах агуу их сүйрэл байх болно. Одоо болтол Эзэнийг угтан аваагүй байх нь туйлын аюултай; хэдийд ч амиа алдаж мэднэ. Үнэн замыг эрж хайж, судлахгүй, “хүний Хүү”-гийн илэрхийлсэн бүх үнэнийг хүлээн авахгүй байх нь үнэхээр мунхаг хэрэг. Ийм хүмүүс гарцаагүй мунхаг охид бөгөөд Эзэнд орхигдож, таягдан хаягдахаас өөр замгүй. Эзэнийг одоо угтан авах нь туйлын яаралтай хэрэг гэж хэлж болно. Хүн төрөлхтнийг устгах их сүйрлээс өмнө та нар Эзэнийг угтан авч, эцсийн өдрүүд дэх Бурханы шүүлтийг хүлээн авч, ариусгагдаж чадах эсэх нь их сүйрлийн үед та нарын төгсгөл амь, үхлийн аль нь байхыг шууд шийдэх болно!