Зуниор, Африк

Би багаасаа л байнга нийгмийн нөлөөнд автаж, юу ч хийсэн бусдыг даган дуурайх дуртай байлаа. Эргэн тойрныхон маань Христэд итгэгчид байсан учир би ч тийм байсан. Харин Бурханы талаар мэдэж авч, мэдээлэл эрж хайхыг хүсэн эрмэлзээд би зарим асуултыг тунгаан бодож эхэлсэн юм: Бид яагаад Бурханд итгэдэг юм бэ? Яаж Бурханыг мэдэж болох вэ? Энэ харанхуй, ёрын муу ертөнцөд үнэн чухам хаана байгаа юм бэ? Хүмүүс амьдралдаа яагаад зовлон бэрхшээл туулдаг юм бэ? Энэ асуултууд яг л оньсого мэт ар араасаа цуварч, би хариултыг нь ер олоогүй юм. Аз болоход, Төгс Хүчит Бурханы эцсийн өдрүүдийн сайн мэдээг хүлээн авсныхаа дараа би Төгс Хүчит Бурханы үгээс энэ бүх ээдрээтэй зүйлийн хариултыг олсон. Хүмүүс Бурханд итгэхдээ Бурханы үг, ажлыг туулснаар Бурханыг мэддэг болж, дуулгавартай дагаж, хайрлаж чадна гэдгийг би мэдэж авсан. Бас эцсийн өдрүүдэд Бурхан хүмүүсийг төгс болгож, завхралыг нь цэвэрлэхийн тулд шүүлт, гэсгээлт, шалгалт, цэвэршүүлэлт ашигладгийг мэдэж авсан. Тиймээс би надад шалгалт ирээсэй гэж залбирч, бүр Хятадад төрсөн ч болоосой гэж хүссэн, тэгвэл би хятад ах, эгч нартай адилаар сатанлаг дэглэмийн дарангуйлал, хавчлагыг даван гарч, зовлон бэрхшээлээр дамжуулан цангинасан гэрчлэл хийж, Бурханаар ялагч болгуулж чадах байв. Үүнийг ойлгосноос хойш төд удалгүй надад нэг юм тохиолдсон юм.

Цар тахлаас болоод миний ажилладаг компани хаагдаж, би ажилгүй боллоо. Би өөр олон компанид ажилд орохоор оролдсон боловч нэг нь ч намайг ажлын ярилцлагад дуудаагүй. Цаг хугацаа өнгөрөхийн хэрээр байдал улам дордож, би орлогогүй, хоол хүнс авах мөнгөгүй болж, яахаа мэдэхээ больсон. Өмнө нь би ажлаа тараад онлайн цуглаанд оролцож, Төгс Хүчит Бурханы үгийг уншиж, чуулганы кино үзэж, бусадтайгаа хамт үүргээ биелүүлдэг байсан. Энэ нь миний хувьд хамгийн чухал зүйл, бас итгэлээ хэрэгжүүлэх сайхан арга зам гэж санагддаг байлаа. Гэхдээ тэр хүнд сорилтыг туулж байхдаа би нэгэнт цор ганц жинхэнэ Бурханд итгэсэн юм чинь Бурхан намайг гарцаагүй халамжилж, надад тусална гэж бодсон. Бас Бурханд залбирч, намайг ажилтай болгооч гэж гуйж, би итгэгч юм чинь Бурхан гуйсан бүхнийг минь өгнө гэж бодож байсан ч Бурхан тэгээгүй. Би жаахан сул дорой болж, будилсан. Би өдөр бүр Бурханы үгийг уншиж, залбирдаг байхад намайг зовж байхад Бурхан яагаад туслахгүй байна аа? Ийм бодол төрөхөд би Иовыг бодсон. Иов бүх эд хөрөнгөө алдах үедээ гэрчлэлдээ бат зогсож бас л чадсан. Сайн муу бүх зүйлийг Бурхан зохицуулдаг гэж итгэдэг байсан болохоор Иов хэзээ ч гомдоллоогүй. Өөрт нь материаллаг ерөөл өгснийх нь төлөө Иов Бурханд талархаж, Бурхан тэр ерөөлөө буцаан авах үед ч Ехова Бурханы нэрийг магтсаар байсан. Иовын итгэл, залбирлыг сайтар бодож үзээд би миний итгэл Иовынхтой харьцуулах аргагүй өчүүхэн гэдгийг ухаарч, Иовын үлгэр жишээг дагаж, Иовтой адилаар Бурханы захиралт, зохицуулалтад захирагдах ёстойгоо мэдсэн. Гэхдээ ирээдүйд идэх юмгүй болохоо бодоод яахаа мэдэхгүй байсан. Хамгийн чухал нь би гуравхан сарын өмнө Төгс Хүчит Бурханыг хүлээн аваад, Бурханы үгийг нэг их ойлгоогүй, бас гар утасныхаа датаг хэрэглээд дуусгасан болохоор онлайн цуглаанд оролцож чадахгүй байлаа. Би “Бурхан минь, өлбөрч үхэх эсэх минь Таны гарт байна. Би үхсэн ч гэсэн Таны захиралт, зохицуулалтад захирагдана” гэж Бурханаас гуйхаас өөр яаж ч чадаагүй. Тэгж залбираад би амар амгаланг мэдэрсэн. Яг тэр өдөр, залбирсны дараа гэнэтийн зүйл тохиолдлоо. Авга ах минь утасдаж, өөрийнх нь барилгын компанид ажилламаар байна уу гэж асуулаа. Барилгын ажил амаргүй ч гэсэн долоо хоногийн дараа би нэг хэсэг хугацаанд өөрийгөө тэжээх хангалттай мөнгө олж, Бурханд үнэхээр талархсан! Ийм нөхцөл байдалд би Бурхан ажил олоход туслаач гэж гуйхад минь туслаагүй мөртөө захирагдахад бэлэн гэж залбирах үед яагаад тусалсан юм бол гэж бодож эхэллээ.

Тэгээд нэг өдөр Бурханы зарим үгийг уншаад энэ талаар бага зэрэг ойлгосон юм. Төгс Хүчит Бурхан ингэж хэлсэн байдаг: “Өөрсдийг нь эмчилнэ гэсэндээ л маш олон хүн Надад итгэдэг. Намайг хүч чадлаа ашиглан биеэс нь бузар сүнснүүдийг зайлуулах байх гэсэндээ, бас Надаас зүгээр л амар амгалан, баяр хөөр хүртэнэ гэсэндээ маш олон хүн Надад итгэдэг. Надаас илүү их материаллаг эд хөрөнгө шаардахын тулд маш олон хүн Надад итгэдэг. Мөн энэ амьдралаа амар амгалан өнгөрөөж, ирэх ертөнцөд эсэн мэнд, эрүүл саруул байхын тулд маш олон хүн Надад итгэдэг. Тамын зовлонгоос зайлсхийж, тэнгэрийн ерөөлийг хүлээж авахын тулд маш олон хүн Надад итгэдэг. Зөвхөн түр зуурын тав тухын төлөө маш олон хүн Надад итгэдэг хэдий ч ирэх ертөнцөд ямар нэг зүйл олж авахаар эрж хайдаггүй. Би Өөрийн уур хилэнг хүн дээр буулгаж, нэгэн цагт хүнд байсан баяр баясал, амар амгаланг булаан авах үед хүн эргэлзсэн. Би хүнд тамын зовлон өгч, тэнгэрийн ерөөлийг буцааж авах үед хүний ичгүүр нь уур хилэн болж хувирсан. Хүн өөрийг нь анагаагаач гэж Надаас гуйх үед Би ямар ч анхаарал тавилгүй, хүнд зэвүүцсэн; харин хүн ёрын муу эм болон хар шидийн замыг эрж хайхын тулд Надаас холдсон юм. Надаас нэхсэн бүхнийг нь хүнээс булаан авсны дараа хүн ул мөргүй алга болсон. Тиймээс, Намайг хэтэрхий их нигүүлсэл өгдөг учраас л, энэ нь маш их ашигтай байдаг учраас л хүн Надад итгэдэг гэж Би хэлдэг” (Үг. I Боть: Бурханы илрэлт ба ажил. Чи итгэлийн талаар юу мэдэх вэ?). “Бурхантай харилцах хүний харилцаа нь ердөө л цэвэр хувийн ашиг сонирхлын харилцаа юм. Энэ нь ерөөл хүлээн авагч болон өгөгчийн хоорондох харилцаа билээ. Шуудхан хэлэхэд, энэ нь ажил олгогч болон ажилтны хоорондох харилцаатай адилхан. Ажилтан нь ажил олгогчийн өгч буй шагналыг хүлээн авахын тулд л ажилладаг. Ийм харилцаанд ямар ч хайр энэрэл байдаггүй, зөвхөн наймаа л байдаг. Хайрлаж, хайрлуулах явдал байхгүй, өглөг болон өршөөл л байдаг. Ямар ч ойлголцол байдаггүй, дарлагдсан дургүйцэл, хууран мэхлэлт л байдаг. Ойр дотно байдал байдаггүй, гэтлэхийн аргагүй ангал л байдаг. Нөхцөл байдал иймдээ тулахад хэн ийм чиг хандлагыг өөрчилж чадах вэ? Энэхүү харилцаа нь хэр аймшигтай болсныг хэчнээн хүн үнэхээр ойлгож чадах вэ? Хүмүүс ерөөгдөхийн баяр баясалд умбах үед, Бурхантай харилцах тийм харилцаа нь хэчнээн ичгэвтэр, үзэшгүй муухай болсныг хэн ч төсөөлж чадахгүй гэдэгт Би итгэж байна” (Үг. I Боть: Бурханы илрэлт ба ажил. Хүн Бурханы удирдлага дунд л аврагдаж чадна). Бурханы үг ерөөл хүсэх сэдэл, завхарсан байдлыг маань илчилсэн. Бурханд итгэхдээ маш олон хүн үнэндээ зүгээр л Бурханы тайтгаруулалтыг эрж хайж байдаг. Тэд золгүй явдал туулахыг хүсдэггүй, Бурхан өөрсдөд нь хүссэн бүхнийг нь өгнө гэж найддаг мөртөө өөрсдөө Бурханыг сэтгэл хангалуун болгож байгаа эсэхээ тоодоггүй. Тэдний хувьд Бурханд захирагдаж, шаардлагыг нь биелүүлэх чухал биш. Бурханд өөрсдөд нь хүссэн юмыг нь өгөх л хамгийн чухал. Эзэнд итгэдэг байхад минь пастор, ахлагч нар биднийг Бурханы ерөөлийн төлөө залбирах ёстой гэж үргэлж номлодог байсан. Гэвч тийм эрэл хайгуул Бурхантай харилцах харилцааг маань сэвтүүлдэг. Яг л Бурханы үгэнд илчилснээр: “Бурхантай харилцах хүний харилцаа нь ердөө л цэвэр хувийн ашиг сонирхлын харилцаа юм. Энэ нь ерөөл хүлээн авагч болон өгөгчийн хоорондох харилцаа билээ. Шуудхан хэлэхэд, энэ нь ажил олгогч болон ажилтны хоорондох харилцаатай адилхан. Ажилтан нь ажил олгогчийн өгч буй шагналыг хүлээн авахын тулд л ажилладаг. Ийм харилцаанд ямар ч хайр энэрэл байдаггүй, зөвхөн наймаа л байдаг.” Бурханы үг үнэн учраас би өөрийгөө эргэцүүлж, миний итгэл ч бас Бурханы ерөөлийг хүртэхийн төлөө байсныг харсан. Тэр сэдэл зүрх сэтгэлийн минь гүнд нуугдаж байжээ. Би Бурхан газар дэлхийд эргэж ирсэн юм чинь Өөрийг нь хүлээн авдаг хүн бүрийг гарцаагүй ерөөнө гэж бодсон. Би Бурханы эцсийн өдрүүдийн ажлыг хүлээн авсан юм чинь ерөөл ойрхон байж таарна, амьдрал минь сайжрах гэж байна гэж бодсон. Гэтэл тийм юм болоогүй. Бэрхшээл тулгарч, амьдрал улам хэцүү болсон болохоор би сул дорой, сөрөг болсон. Надад орлого байгаагүй, хоол байгаагүй, интернэт ашиглан онлайн цуглаанд оролцож чадаагүй. Би яаж итгэлээ хэрэгжүүлсээр байж чадах юм бэ? Би цухалдаж, Бурхан намайг тоодоггүй юм шиг санагдсан. Ажил хайн хаа сайгүй гүйж, Бурханы тусламжийг гуйн залбирсан ч Бурхан огт хариулаагүй, залбирсан зүйлийг минь өгөөгүй. Тэр жинхэнэ Бурхан мөн үү гээд би Бурханд эргэлзсэн. Яг л Бурханы хэлснээр: “Би Өөрийн уур хилэнг хүн дээр буулгаж, нэгэн цагт хүнд байсан баяр баясал, амар амгаланг булаан авах үед хүн эргэлзсэн.” Бурханы үгийн илчлэл намайг харуулсан зүйлээсээ ичихэд хүргэсэн. Ерөөлийн төлөө итгэх нь буруу үзэл бодол гэдгийг бас Бурханы үг надад харуулсан, учир нь би Бурханыг ерөөл хайрлагч, өөрийгөө ерөөл хүлээн авагч гэж харсан. Бурхан хүссэн сайхан ажлыг минь өгөөгүй үед би Бурханыг буруутгаж, намайг огт тоодоггүй юм байна гэж бодсон. Итгэлийн талаарх үзэл бодол минь хэчнээн утгагүй, мэдлэггүй, мунхаг байсныг би олж харсан. Хүүхэд байхаасаа л цуглаанд явдаг байснаа бодоход “Бурхан чамд агуу ерөөл хайрлана! Бурханд итгэвэл Бурхан чамайг ерөөнө. Залбир, Бурханаас асуу, тэгвэл Бурхан гарцаагүй хариулна” гэх үгийг л би сонсдог байсан. Шашны ертөнц, аав ээж, эргэн тойрныхноосоо сонссон зүйл минь надад их нөлөөлж, Бурханы ерөөлийг хүртэж, хорвоогийн зовлонгоос ангид байхын тулд зүгээр л итгэх хэрэгтэй гэж бодоход хүргэсэн. Бурханд итгэхдээ ерөөл хүсэх нь буруу гэж би урьд нь хэзээ ч бодож байгаагүй, үүнийг сатанлаг зан чанар гэж үнэхээр хараагүй. Хүмүүсийн завхралыг илчилсэн Бурханы үгийг унших хүртлээ энийг огт ойлгоогүй. Тэгээд өөрөөсөө асуусан: Бурханд итгэх нь үнэхээр материаллаг ерөөл хүртэхийн төлөө л байдаг уу? Хангалттай мөнгө, материаллаг эд хөрөнгөтэй хүмүүсийг Бурхан сайшаадаг уу? Тийм юм бол Иохан 6:27-д Эзэн Есүс яагаад “Мууддаг хоолны төлөө биш, харин хүний Хүүгийн чамд өгөх мөнх амь руу хүргэх хоолны төлөө хөдөлмөрлө: учир нь Түүнийг Эцэг Бурхан тамгалсан билээ” гэсэн бэ? Эзэн Есүс бас “Эд баялгийг газар дээр өөрсдөдөө бүү хураа, Хивэн хорхой ба зэв идэж сүйтгэдэг, хулгайч эвдэж ороод хулгайлдаг. Эд баялгийг өөрсдөдөө зориулан тэнгэрт хураа, Харин хивэн хорхой болон зэв идэж сүйтгэдэггүй, хулгайч эвдэн ордоггүй, мөн хулгайлдаггүй. Учир нь эд баялгийн чинь байгаа газарт зүрх сэтгэл чинь ч бас байна” (Матай 6:19–21) гэсэн. Тэгээд би ойлгосон, Бурханаас үргэлж материаллаг ерөөл гуйх нь хүн төрөлхтний хэрээс хэтэрсэн хүсэл, завхрал, Бурхан үүнийг жигшдэг. Сатан хүнийг төөрөлдүүлж, Бурханы ялгамж чанарыг, тэр тусмаа Бурхан бидний хувь заяаг захирдаг гэдгийг мэдэхэд саад болдог учраас бид Бүтээгчдээ захирагдаж чаддаггүй. Бүх зүйл сайхан байх үед бид Бурханд талархаж, Бурханыг магтдаг ч амьдралд бэрхшээл тулгарч, Бурхан шаардлагыг маань биелүүлэхгүй байх үед Бурханыг буруу ойлгож, буруутгадаг. Энэ нь надад Абрахамыг санагдуулсан. Абрахам Бурханаас ирсэн юунд ч захирагдахад бэлэн байсан. Сайн, муугийн алинд ч өөрийн гэсэн сонголт түүнд байгаагүй. Бурхан Абрахамд хүүгээ тахил болго гэж хэлэхэд Абрахам Бурханы шаардсанаар хийхэд бэлэн байсан. Энэ нь үнэхээр хэцүү байсан ч Абрахам Бурханаас “Та яагаад надаас ингэж шаардаж байгаа юм бэ? Надад яагаад ингэж хандаж байгаа юм бэ?” гэж асуугаагүй. Бурхан юу ч шаардсан, дуулгавартай дагах ёстой гэж Абрахам итгэж, Бурхан бол Бүтээгч, өөрөө бүтээгдсэн зүйл гэдгээ мэдэж байсан учраас болзолгүйгээр захирагдаж, Бурханаас ирсэн ямар ч тушаал, шаардлагыг хүлээн авсан юм. Абрахамын итгэл Бурханы сайшаалыг хүртсэн. Харин өнөөгийн хүмүүс Абрахамаас тэс өөр. Бид үргэлж материаллаг ерөөлийн тухай бодолд автаад, Бурханы хүслийг үл тоодог. Эзэн Есүс бидэнд “Эхлээд Бурханы хаанчлал, зөвт байдлыг хай; тэгвэл энэ бүх зүйл та нарт нэмэгдэнэ” (Матай 6:33) гэж захисан. Бид материаллаг ерөөл эрж хайх ёсгүй, харин Бурханы хүслийг биелүүлж, үнэнийг эрэлхийлж, үүргээ сайн гүйцэтгэх ёстой. Тэр л хамгийн чухал. Бурхан бол Бүтээгч. Бурхан бидний бодлыг, бас бидэнд юу хэрэгтэйг хамгийн сайн мэддэг. Гэхдээ Сатан завхруулснаас болоод хүн төрөлхтний бодлыг шунал, материаллаг ерөөл эзэлсэн учраас бид Бурханыг дуулгавартай дагаж, сэтгэл хангалуун болгохын тулд биш, зөвхөн ерөөл хүртэж, хүслээ хангахын тулд Бурханд итгэдэг. Яг л Төгс Хүчит Бурханы үгэнд илчилснээр “Завхарсан бүх хүн өөрийнхөө төлөө амьдардаг. Хүн бүр өөрийгөө боддог, би үхэхээр чи үх—энэ бол хүний уг чанарын товчлол юм. Хүмүүс өөрсдийнхөө төлөө Бурханд итгэдэг; Бурханы төлөө аливааг хаяж, өөрсдийгөө зарлагадах үедээ ерөөгдөхийн төлөө хийдэг, Бурханд үнэнч байх үедээ шагнуулахын төлөө байдаг. Товчхондоо, энэ бүхнийг ерөөгдөж, шагнуулж, тэнгэрийн хаанчлалд орох зорилгоор хийдэг. Нийгэмд, хүмүүс өөрсдийнхөө ашиг тусын төлөө ажилладаг, Бурханы гэрт харин ерөөгдөхийн төлөө үүргээ гүйцэтгэдэг. Ерөөл хүртэхийн төлөө л хүмүүс бүх зүйлийг хаяж, ихээхэн зовлонг тэсвэрлэж чаддаг: Энэ нь хүний сатанлаг уг чанарын хамгийн сайн нотолгоо юм” (Үг. III Боть: Эцсийн өдрүүдийн Христийн яриа. Гуравдугаар хэсэг). Бурханы үг миний үнэн мөнийг яг таг илчилсэн. Би мэдлэггүй, аминч зангаа олж харж, дургүй зүйлтэйгээ тулгарах үедээ Бурханд залбирч, Бурханыг дуулгавартай дагах ёстой, зөвхөн нигүүлсэл, ерөөл хөөгөөд байж болохгүй гэдгийг мэдсэн. Гэвч төд удалгүй надад адилхан асуудал тулгарлаа. Би авга ахынхаа компанид ганц л долоо хоног ажилласан учир үүрэгтээ анхаарч гэртээ байсныхаа дараа маш хурдан мөнгөгүй болсон. Би боловсролын зэрэггүй, ажилд орох шаардлагыг хангахгүй байсан болохоор хаанаас хоол олж идэхээ, яаж ажил төрөл олох ёстойгоо мэдэхгүй байв. Өөрийн гэх юу ч үгүй, гар утсандаа нэмэлт дата авах ч мөнгөгүй байсан. Цуглаанд оролцож, үүрэг гүйцэтгэхийн тулд надад интернэт үнэхээр хэрэгтэй байлаа. Ингэж бодоод би дахиад сул дорой болж, ямар ч найдваргүй санагдсан. Яг тэр үед ээж надад цар тахлаас болоод амь зуух аргагүй болсон болохоор гэрийнхэн маань миний гарыг харж байгааг дуулгасан. Ээж минь надтай адилхан гачигдаж байгааг мэдээд би гансарч, шаналж, яахаа мэдэхгүй болсон. Би бусдаас илүү их зовж, миний амьдрал үнэхээр хэцүү байгаа юм шиг санагдаад, Бурханы хүслийг тодорхой ойлгож чадаагүй. Би өдөр бүр үүргээ гүйцэтгээд завгүй байгаа тул Бурхан намайг халамжлах ёстой байтал нөхцөл байдал минь яагаад улам дордсоор байна вэ гэж бодсон.

Тэр үед би Бурханы үгийг их уншиж, магтаалын нэлээд хэдэн магтан дуу сонссон. Бурханы үгийн хоёр хэсэг Бурханы хүслийг ойлгоход минь тусалсан юм. Төгс Хүчит Бурхан ингэж хэлсэн байдаг: “Хүмүүс Бурханд итгэхдээ ирээдүйд ерөөл хүртэхээр эрж хайдаг; энэ нь тэдний итгэлийн зорилго юм. Бүх хүн ийм санаархал, найдлага тээдэг ч, тэдний уг чанар дахь завхралыг шалгалтаар дамжуулан шийдвэрлэх ёстой. Чи ямар талуудад ариусаагүй, завхрал харуулж байна, тэр талаараа цэвэршүүлэгдэх ёстой—энэ бол Бурханы зохицуулалт юм. Бурхан чамд орчин бүрдүүлээд, завхралыг чинь мэдүүлэхийн тулд чамайг хүчээр цэвэршүүлдэг. Эцэст нь чи үхэх байлаа ч гэсэн өөрийн явуулга, хүслийг орхиж, Бурханы дээд эрх, зохицуулалтад захирагдах хэмжээнд очдог. Тиймээс, хэрвээ хүмүүс хэдэн жилийн цэвэршүүлэлтгүй, мөн тодорхой хэмжээний зовлон туулаагүй бол өөрсдийн бодол болон зүрх сэтгэл дэх махан биеийн завхралын хүлээсээс ангижирч чадахгүй. Хүмүүс Сатаны хүлээсэнд автсаар байгаа аль ч тал бай, тэд өөрийн гэсэн хүсэл, шаардлага агуулсаар байгаа аль ч тал бай, эдгээр нь тэдний зовох ёстой талууд юм. Зовлонгоор л дамжуулан хичээл сурч чадна, өөрөөр хэлбэл, үнэнийг олж авч, Бурханы хүслийг ойлгож чадна. Үнэн хэрэгтээ зовлонт шалгалтыг туулснаар олон үнэнийг ойлгодог. Тав тухтай орчинд, тааламжтай нөхцөлд хэн ч Бурханы хүслийг ухан ойлгож, Бурханы төгс хүчин, мэргэн ухааныг танин мэдэж, Бурханы зөвт зан чанарыг ухаарч чадахгүй. Тэгэх боломжгүй!” (Үг. III Боть: Эцсийн өдрүүдийн Христийн яриа. Гуравдугаар хэсэг). “Хүмүүс дотроо үргэлж хэрээс хэтэрсэн шаардлага Бурханд тавьж байдаг. ‘Бид гэр бүлийнхнээ орхиж, үүргээ гүйцэтгэж байгаа учраас Бурхан биднийг ерөөх ёстой; бид Бурханы шаардсанаар хийдэг тул Бурхан биднийг шагнах ёстой’ гэж тэд үргэлж боддог. Бурханд итгэдэг олон хүний зүрх сэтгэлд ийм зүйл оршдог… Хүмүүс маш эрүүл ухаангүй. Тэд үнэнийг хэрэгжүүлдэггүй мөртөө Бурханыг буруутгадаг. Тэд хийх учиртай зүйлээ хийдэггүй. Хүмүүс үнэнийг эрэлхийлэх замыг сонгох ёстой ч тэд үнэнээс залхаж, махан биеийн таашаалыг хүсэн эрмэлздэг. Тэд ерөөл хүртэж, нигүүлсэл эдлэхийг үргэлж эрэлхийлж, хүнд тавих Бурханы шаардлага дэндүү их гэж үргэлж гомдоллож байдаг. Тэд Бурханыг өөрсдөд нь нигүүлсэнгүй хандаж, илүү их нигүүлсэл хайрлаж, махан биеийн таашаал эдлэхээ зөвшөөрүүлэхээр чармайдаг. Тэд Бурханд үнэхээр итгэдэг хүмүүс мөн гэж үү?… Эдгээр зүйлийг хэлэхдээ хүмүүс ямар ч эрүүл ухаангүй, огт итгэлгүй байдаг. Хэрээс хэтэрсэн шаардлагыг нь хангаагүй болохоор хүн Бурханд сэтгэл дундуур байдгаас энэ бүхэн үүдэлтэй; тэдгээр нь хүний зүрх сэтгэлээс урган гардаг зүйлс бөгөөд хүний уг чанарыг бүрэн төлөөлдөг. Эдгээр зүйл хүний дотор байдаг, хэрвээ тэдгээрээс салахгүй бол хэдийд ч, хаана ч Бурханыг буруутгаж, буруугаар ойлгоход хүрнэ. Хүн бас Бурханыг доромжлох магадлалтай бөгөөд хаана ч, хэдийд ч үнэн замаас хазайж болзошгүй. Энэ бол жам ёсны зүйл юм” (Үг. III Боть: Эцсийн өдрүүдийн Христийн яриа. Гуравдугаар хэсэг). Би Бурханы үгээс зарим нэг зүйлийг олж мэдсэн. Би гэрийнхэндээ анхаарал хандуулахгүй болтлоо өдөр бүр үүрэгтээ төвлөрөөд тийм маягаар өөрийгөө зарлагадаж байхад Бурхан намайг шагнаж, ерөөл хайрлах ёстой гэж бодсон. Би Бурханаас өгөөмөр шагнал авахыг биш, зүгээр л амь зуухад минь хүрэлцэх ажил хүсэж, ажилтай болсныхоо дараа үүргээ илүү сайн гүйцэтгэж чадна, энэ нь огтхон ч хэтийдсэн биш, үндэслэлтэй хүсэлт гэж бодсон. Харин Бурханы үгийг эргэцүүлээд би тийм хэрээс хэтэрсэн гуйлт, хүсэлтэй байх нь Бурханд дуулгавартай байгаагүйг минь харуулсныг ойлгосон. Би Бурханаас энийг ч, тэрийг ч шаардаж байжээ. Хэрвээ хүн Бурханд үндэслэлгүй шаардлага үргэлж тавьдаг бол үнэнийг хэрэгжүүлэхэд хэцүү, шаардлагыг нь биелүүлэхгүй бол Бурханаас урваж, Бурханыг хаях магадлалтай гэдгийг бас Бурханы үг надад харуулсан. Миний туулсан бэрхшээлийг гаднаас нь харахад би маш их зовж, үнэхээр өрөвдөлтэй байх шиг байсан ч үнэндээ би зовлонд хатуужиж байжээ. Надад тэвчишгүй санагдаж байсан ч Бурхан намайг орхиогүй, тэгснээр би итгэлийнхээ буруу сэдэл, хольцыг олж харж, хүмүүс яваасай гэж Бурханы найддаг зөв зүг чиг рүү эргүүлж чадсан юм. Тэгээд өөрийн эрхгүй гайхширсан: Би илүү их мөнгө олж болох сайхан ажил хүсэж байгаа биш үү? Гар утасны дататай болж, үндсэн хэрэгцээгээ хангахыг хүсэж байгаа биш үү? Үүргээ ямар ч төвөг, саадгүй гүйцэтгэхийг хүсэж байгаа биш үү? Тийм ээ, хүсэж байгаа. Нэгэнт эдгээр зүйлийг олж авна гэж найдаж байхад Бурхан яагаад надад зохицуулж өгөхгүй гэж? Би тийм азгүй, тийм хувьгүй юм уу? Яавч тийм биш, би маш их азтай байсан. Энэ нь Бурханы хайр надад ирж буй хэрэг байлаа. Бурхан надаар үнэнийг эрж хайлгаж, надад сургамж өгч, итгэлийн минь хольцыг арилгуулах гэсэндээ тэр нөхцөл байдлыг бүрдүүлсэн. Би ямар ч тааламжгүй, онцгүй нөхцөл байдлыг туулахгүйгээр, тэр чигтээ сайхан, тав тухтай орчинд Бурханд итгэж байсан бол итгэл, Бурханыг гэх хайр минь сэдэл, хүсэл, хольцтой байх байсан, тэрийг Бурхан сайшаахгүй. Хүмүүс ямар ч нөхцөл байдалд Өөрт нь чин сэтгэлээсээ хандаж, Өөрт нь үнэнч, дуулгавартай байна гэж Бурхан найддаг. Яг л хүүхэд шиг. Өөрийг нь тав тухтай материаллаг амьдралаар амьдруулах үед л аавыгаа хайрлаж, тэгэхгүй бол аавдаа дургүйцэж, “Та надад хүссэн бүхнийг минь өгдөггүй, би таныг хүндлэхгүй, аавыгаа гэж хүлээн зөвшөөрөхгүй” гэдэг бол тэр ямархуу хүүхэд вэ? Тэр бол мөс чанар, эрүүл ухаангүй, ачлалгүй хүүхэд юм. Бурханд талархъя! Надад тулгарсан нөхцөл байдал ч тийм байсан. Тийм зүйл туулж байсан нь итгэлийнхээ хольцыг цэвэрлэхэд минь хэрэгтэй яг тэр зүйл байлаа.

Би Бурханы үгээс өөр нэг юм уншсан. Төгс Хүчит Бурхан ингэж хэлсэн байдаг: “Өнөөдөр Бурханд итгэх бодитой итгэл гэж юу вэ? Энэ бол Бурханы үгийг амийн бодит байдлаа болгон хүлээж авах, мөн Бурханы үгээс Түүнийг мэдэж, Түүнийг жинхэнээсээ хайрлах юм. Тодруулбал: Энэ нь, Бурханыг дуулгавартай дагаж, Бурханыг хайрлаж, Бурханы бүтээлийн биелүүлэх ёстой үүргийг гүйцэтгэхийн төлөө Бурханд итгэх итгэл юм. Энэ бол Бурханд итгэхийн зорилго билээ. Та нар, Бурханы хайр татам байдлын тухай, Бурхан хэр хүндлүүлэх үнэ цэнтэй тухай, Бурхан бүтээлүүддээ хэрхэн авралын ажил хийж, тэднийг төгс болгодог тухай мэдлэгийг олж авах ёстой—энэ бол Бурханд итгэхдээ эзэмших ёстой наад захын зүйл юм. Бурханд итгэх итгэл нь үндсэндээ махан биеийн амьдралаа Бурханыг хайрлах амьдрал болгон өөрчилж, завхрал доторх амьдралаа Бурханы үгийн амь доторх амьдрал болгон өөрчилж, Сатаны эзэмшлээс гарч, Бурханы халамж, хамгаалалт дор амьдрахын нэр юм. Энэ бол, махан биедээ бус, Бурханд дуулгавартай байж чадах явдал, бүхий л зүрх сэтгэлийг чинь олж авч, чамайг төгс болгох боломжийг Бурханд олгож, ялзарсан сатанлаг зан чанараас өөрийгөө чөлөөлөх явдал юм. Бурханд итгэх итгэл нь үндсэндээ Бурханы агуу хүч чадал, алдар сууг чам дээр илэрхийлэхийн төлөө, мөн чамайг Бурханы хүслийг биелүүлж, Бурханы төлөвлөгөөг гүйцэлдүүлж, Сатаны өмнө Бурханд гэрчлэл хийж чаддаг байлгахын төлөө байдаг. Бурханд итгэх итгэл нь тэмдэг гайхамшиг харах хүсэлд л төвлөрсөн зүйл байж болохгүй, өөрийн махан биеийн төлөө ч байх ёсгүй. Бурханыг мэдэх эрэл хайгуулын төлөө, Бурханд дуулгавартай байж, Петр шиг үхэн үхтлээ Бурханыг дуулгавартай дагахын төлөө Бурханд итгэх ёстой. Эдгээр нь Бурханд итгэхийн гол зорилт юм. Хүн Бурханыг мэдэж, Бурханыг сэтгэл хангалуун болгохын тулд Бурханы үгийг идэж уудаг. Бурханы үгийг идэж, уух нь чамд Бурханы тухай илүү их мэдлэг өгдөг, үүний дараа л чи Бурханд дуулгавартай байж чадна. Бурханы талаар мэдлэгтэй байж л чи Бурханыг хайрлаж чадна, энэ бол хүний Бурханд итгэх итгэлд байх ёстой зорилго юм” (Үг. I Боть: Бурханы илрэлт ба ажил. Бүгд Бурханы үгээр биелдэг). Би Төгс Хүчит Бурханд итгэдэг болсныхоо дараахан Бурханы үгийн энэ хэсгийг уншсан ч тухайн үедээ үнэндээ ойлгоогүй. Тэр бүх хүнд бэрх үеийг туулсныхаа дараа л Бурханы хүслийг бага зэрэг ойлгосон юм. Жинхэнэ итгэл үнэндээ, Бурханы төлөө өөрийгөө зарлагадаж байгаа цагт Бурхан намайг харж хандаж, хамгаалж, хэрэгцээг минь хангах ёстой гэж миний бодсон шиг байгаагүй. Итгэлийн талаарх тийм үзэл бодол буруу. Бурханд итгэхдээ бид Бурханы үгийг туулж, бүх зүйл дээр Бурханыг сэтгэл хангалуун байлгах ёстой. Бурхан өгсөн ч, авсан ч бид Бурханд захирагдаж, өөрсдийгөө үнэн сэтгэлээсээ зориулах ёстой. Хүмүүс Бурханд итгэхдээ үгээр нь дамжуулан Бурханыг мэдэж авч, Бурханы захиралт, зохицуулалтад захирагдахыг л эрэлхийлдэг бол Бурхан тийм итгэлийг сайшаадаг. Бурханыг Петр шиг дээд зэргээр хайрлаж, үхтлээ дуулгавартай дагаж чадсан хэн боловч Бурханы төгс болгодог хүн юм. Азаар, энэ нөхцөл байдлаар дамжуулан Бурхан намайг гэгээрүүлж итгэлийн талаарх зүй зохистой үзэл бодлыг мэдүүлж, зүрх сэтгэлийн амар амгалан, тайвшралыг өгсөн. Би Бурханд дуулгавартай байхаар залбирч, тэр бэрхшээлийг тэсвэрлэх хүч чадал өгөөч гэж л Бурханаас гуйсан.

Гайхмаар зүйл гэвэл, маргааш нь авга ах над руу жаахан мөнгө явуулж, би бага зэрэг хоол хүнс, гар утасны дата авах боломжтой болсон. Надад урагшлах зам өгсөнд нь би Бурханд чин сэтгэлээсээ талархсан.

Тэрнээс гадна би цагийн ажил олж дөнгөсөн. Энэ нь амархан ажил огт биш байсан ч би үндсэн хэрэгцээгээ хангаж чадахуйц мөнгө олсон. Бурхан тэрийг надад зориулж зохицуулсныг би мэдсэн. Бурханы зохион байгуулалт, зохицуулалтыг хүлээн авч, дуулгавартай дагах нь Бурханы төгс хүчит захиралт, ер бусын арга замыг туршлагаараа мэдэхэд маань тусалж чадах, бодит амьдралаас сурах ёстой үндсэн сургамж гэдгийг би үнэхээр мэдэрсэн. Амьдралын элдэв янзын асуудалд бид ийм хандлагатай байх ёстой. Тэр нь надад Бурханы үгийн нэг хэсгийг санагдуулсан. “Бодит амьдралын асуудлуудтай тулгарах үедээ чи Бурханы эрх мэдэл болон дээд эрхийг хэрхэн мэдэж, ойлговол зохилтой вэ? Чи эдгээр асуудалтай тулгараад, хэрхэн ойлгож, шийдвэрлэж, туулахыг мэдэхгүй байх үедээ Бурханы дээд эрх болон зохицуулалтад захирагдах санаа зорилго, хүсэл, бодит байдлаа харуулахын тулд ямар хандлага баримталбал зохих вэ? Эхлээд чи хүлээж сурах ёстой; дараа нь чи эрж хайж сурах ёстой; тэгээд чи захирагдаж сурах ёстой. ‘Хүлээх’ гэдэг нь Бурханы цагийг хүлээж, чамд зориулан Түүний зохицуулсан хүмүүс, үйл явдал, юмсыг хүлээж, Түүний хүсэл аажмаар чамд илчлэгдэхийг хүлээнэ гэсэн үг юм. ‘Эрж хайх’ гэдэг нь чиний төлөө гэсэн Бурханы сайн санааг Түүний бэлдэж тавьсан хүмүүс, үйл явдал, юмсаар дамжуулан ажиглаж ойлгох, тэдгээрээр дамжуулан үнэнийг ойлгох, хүн юу биелүүлэх ёстойг болон түүний дагаж мөрдөх ёстой арга замыг ойлгох, Бурхан хүмүүс дээр ямар үр дүнд хүрэхийг хүсэж, тэднээс Тэр ямар ололт амжилт олж авах санаатай байгааг ойлгох гэсэн үг юм. ‘Захирагдах’ гэдэг нь мэдээж, Бурханы зохион байгуулсан хүмүүс, үйл явдал, юмсыг, Түүний дээд эрхийг хүлээн авч, түүгээр дамжуулан Бүтээгч хүний хувь заяаг хэрхэн захирдаг, Тэр Өөрийн амиар хүнийг хэрхэн хангадаг, хүний дотор үнэнийг хэрхэн оруулдгийг мэдэж авахыг хэлнэ. Бурханы зохицуулалт болон дээд эрхийн доорх бүх зүйл байгалийн хуулийг дуулгавартай дагадаг бөгөөд хэрвээ чи өөрийнхөө бүх зүйлийг зохицуулж, захирахыг Бурханд зөвшөөрөхөөр шийдвэл чи хүлээж, эрж хайж, захирагдаж сурах хэрэгтэй. Энэ бол Бурханы эрх мэдэлд захирагдахыг хүсдэг хүн бүхний баримтлах ёстой хандлага, Бурханы дээд эрх, зохицуулалтыг хүлээн авахыг хүсдэг хүн бүхэнд байх ёстой үндсэн чанар юм. Ийм хандлагатай болж, ийм чанарыг эзэмшихийн тулд чи илүү шаргуу ажиллах ёстой. Жинхэнэ бодит байдалд орж болох цорын ганц арга зам энэ юм” (Үг. II Боть: Бурханыг мэдэх тухай. Цор ганц Бурхан Өөрөө III). Бурханы үгийн энэ хэсгийг би өмнө нь уншиж байсан ч жаахан хүнд бэрх үеийг туулсны дараа дахиад уншихад арай өөр мэдрэмж төрсөн. Хүн асуудалтай тулгарах үедээ эхлээд Бурханы хүслийг эрж хайж, хүлээж, дуулгавартай дагах хандлагатай байх ёстойг би Бурханы үгээс ойлгосон. Гэхдээ зүгээр ч нэг идэвхгүй хүлээх биш. Бас залбирч, Бурханы үгийг уншиж, Бурханы хүслийг эрж хайж, өөрийгөө эргэцүүлэх ёстой. Ийм маягаар чи жинхэнэ байдлаа мэдэж авч, юунд орох ёстойгоо ойлгож чадна. Иймэрхүү эрэл хайгуул, туршлагаас бид Бурханы төгс хүчит захиралт, бодит үйлийг харж чадна.

Эхэндээ би өнөөх хэцүү цагийн ажлыг нэг сарын хугацаанд л хийхийг хүссэн, тэгвэл амь зуухад хангалттай мөнгө олж, үлдсэн хугацаагаа үүрэгтээ зориулж чадах байсан ч гар утсанд минь асуудал гарч, дахиад нэг сар ажиллавал өөр гар утас, зөөврийн компьютер авч чадна гэж бодсон. Гэхдээ би чуулганы удирдагч байсан болохоор зохицуулах чуулганы ажил ихтэй, үүргээ гүйцэтгэх нь миний хувьд хамгийн чухал, эн тэргүүний зүйл болохоор ажлаасаа гарахаар шийдсэн юм. Миний нөхцөл байдлыг дээд түвшний удирдагч олж мэдээд, үүргээ сайн гүйцэтгэхэд минь туслахын тулд зөөврийн компьютер, интернэт худалдан авахад минь чуулганаас тусална гэсэн. Үүнийг сонсоод би үнэхээр догдолж, үгээр хэлэхийн аргагүй баярлаж, энэ нь тэр чигтээ Бурханы нигүүлсэл, үүргээ сайн гүйцэтгээсэй гэсэндээ Бурхан надад зам нээж өгч байна гэдгийг мэдсэн. Бас би Бурхан надад огтхон ч хүндрэл учруулж байгаагүйг ойлгосон. Бурхан надаас чин сэтгэлтэй, дуулгавартай байхыг л хүссэн. Би хүнд хэцүү үеэр дамжуулан Бурханы хайрыг биечлэн туулсан. Хүнийг гэх Бурханы хайрын талаарх миний төсөөлөл бүдэг бадаг байсан, бодит байдалтай нийцээгүй. Бодит нөхцөл байдлаас эдгээр сургамжийг авсныхаа дараа л би энийг үнэхээр ойлгосон. Эдгээр нөхцөл байдлаас би мэдлэггүй, аминч байдлаа олж хараад, итгэлийн талаарх эндүү ташаа үзэл бодлоо аажмаар өөрчилж, зөв замд орсон. Энэ нь үнэхээр намайг гэх Бурханы хайр байлаа. Бас би хүнд бэрх үед баримтлах зөв хандлагыг, Бурханд яаж хандахыг ойлгож авсан. Өмнө нь би Бурханд итгэж л байвал Бурхан намайг бүх зүйлээр хангах ёстой гэж үргэлж боддог байсан. Харин одоо би, Бурханд итгэхдээ бид Бурханаас үргэлж юм шаардах ёсгүй, харин Бурханд захирагдаж, бүх зүйл дээр хүсэлд нь нийцэх ёстой гэдгийг мэднэ.

Төд удалгүй надад өөр нэгэн жинхэнэ сорилт тулгарсан. Тэр ажлыг нэг сар хийгээд, цалингаа авсан өдрөө би гудамжинд гэнэт дээрэмдүүлж, дээрэмчид цалингийн минь хагасыг авчихсан. Гэхдээ Бурханы хамгаалалтын ачаар, хэдий тэд хутгатай байсан ч намайг гэмтээгээгүй. Бурхан сайн санаа зорилгоор ийм зүйл тохиолдохыг зөвшөөрч гэж тэр даруй санагдаад, Иов маш баян байсан ч бүх эд хөрөнгөө булаалгаж, хүүхдүүд нь бүгд нас барах үед болзолгүйгээр захирагдаж, огт гомдоллолгүй, Бурханы нэрийг магтаж байсныг бодсон. Би баян байгаагүй, ердийн л нэг хүн байсан. Бага зэргийн мөнгөө дээрэмдүүлж, хэдий надад тэр мөнгө хэрэгтэй, мөнгөөрөө маш их юм хийх төлөвлөгөөтэй байсан ч би Иовын итгэл, дуулгавартай байдлын үлгэр жишээг дагахад бэлэн байлаа. Тэгээд залбирч, “Бурхан минь, Та ойлгогдошгүй. Юу тохиолдсоныг би бүрэн ойлгохгүй байгаа ч Таны хүсэл үүнд нуугдаж байгаад итгэж, Таны зохицуулалтад захирагдахад бэлэн байна. Сөрөг байдалд автуулахгүйн тулд зүрх сэтгэлийг минь хөдөлгөж, намайг залж чиглүүлээч” гэсэн. Залбирсныхаа дараа би ерөөсөө юу ч тохиолдоогүй юм шиг үнэхээр тайвширсан. Огт санаа зовж, түгшилгүй, урьдын адил тайвнаар үүргээ үргэлжлүүлэн биелүүлсэн. Бурханы захиралтыг ойлгохын өмнөх хандлагатай харьцуулахад энэ нь тэс өөр байсан. Яагаад гэвэл, Бурхан намайг цэвэрлэж, аврахын тулд тийм юм зохицуулдгийг би мэдэж байлаа. Энэ нь бас Бурханы хайрын талаарх ойлголтыг минь гүнзгийрүүлсэн. Бурхан бидэнд зөвхөн материаллаг ерөөл хайрлаж хайраа илэрхийлдэг юм биш, учир нь тийм зүйлс бидний махан биеийн хүслийг л хангаж чадна. Бурханы жинхэнэ хайр бол Бурханы үгийн шүүлт, шалгалт, цэвэршүүлэлтийг туулснаар үнэнийг олж мэдэх, яагаад Бурханд итгэдэг, яаж Бурханыг хүндэлж, муугаас зайлах, яаж Бурханыг хайрлаж, сэтгэл хангалуун байлгахыг мэдэх, эцэст нь Бурханы зохицуулалтад бүгдэд нь захирагдахад биднийг хүргэх явдал. Энэ надад Бурханы зарим үгийг санууллаа: “Бурханыг гэх хүний хайр Бурханы цэвэршүүлэлт, шүүлтийн суурин дээр бий болдог. Хэрэв чи зөвхөн Бурханы нигүүлслийг эдэлж, амар тайван гэр бүлтэй, эсвэл материаллаг ерөөлтэй байгаа бол Бурханыг хараахан олж аваагүй бөгөөд Бурханд итгэх итгэлийг чинь амжилттай гэж үзэж болохгүй. Бурхан нигүүлслийн ажлын нэг үе шатыг аль хэдийн махбодоор гүйцэтгэчихсэн, бас хүнд материаллаг ерөөл аль хэдийн хүртээчихсэн, гэхдээ хүн гагцхүү нигүүлсэл, хайр, өршөөлөөр төгс болгуулж чадахгүй. Хүмүүс туршлагаараа Бурханы хайрын заримыг мэдэрч, Бурханы хайр, өршөөлийг хардаг ч үүнийг хэсэгхэн хугацаанд туулаад, Бурханы нигүүлсэл, хайр, өршөөл нь хүнийг төгс болгож чадахгүй, хүний доторх завхарсан зүйлийг илчилж чадахгүй, хүнийг завхарсан зан чанараас нь ангижруулж чадахгүй, хайр, итгэлийг нь төгс болгож чадахгүй гэдгийг хардаг. Бурханы нигүүлслийн ажил нь нэг үе шатны ажил байсан бөгөөд хүн Бурханы нигүүлслийг эдэлснээр Бурханыг мэдэж авч чадахгүй” (Үг. I Боть: Бурханы илрэлт ба ажил. Зовлонт шалгалтыг туулснаар л Бурханы хайр татам байдлыг мэдэж болно). “Бурхан ямар арга барилаар дамжуулан хүнийг төгс болгодог вэ? Өөрийнхөө зөвт зан чанараар үүнийг гүйцэтгэдэг. Бурханы зан чанар нь үндсэндээ зөвт байдал, уур хилэн, сүр жавхлан, шүүлт, хараалаас бүрддэг бөгөөд Тэрээр хүнийг үндсэндээ шүүлтээрээ дамжуулан төгс болгодог” (Үг. I Боть: Бурханы илрэлт ба ажил. Зовлонт шалгалтыг туулснаар л Бурханы хайр татам байдлыг мэдэж болно). Бурханы үгийг уншаад би, эцсийн өдрүүд дэх Бурханы шүүлтийн ажил үнэхээр хүн төрөлхтнийг цэвэрлэж, өөрчлөхийн төлөө байдгийг мэдэрсэн. Бидний итгэл дэх хольц, бидний завхарсан зан чанар нь зөвхөн Бурханы үгийн шүүлт, шалгалт, цэвэршүүлэлтээр цэвэрлэгдэх боломжтой. Зүгээр л Бурханы нигүүлсэлд найдах замаар үүнд хүрч чадахгүй. Бурханы үг байгаагүй бол, ийм хэцүү туршлага байгаагүй бол би эдгээр зүйлийг хэзээ ч ойлгохгүй байх байлаа. Төгс Хүчит Бурханд талархъя!