1 Өө Төгс Хүчит Бурхан минь! Та энэ ертөнцөд тэнгэрээс бууж ирлээ. Энэ дэлхийд ирэхдээ Та хүнийг аврахын тулд Эцэгийн хүслийг дагаж, махбод өмсөн, үнэнийг илэрхийлж, шүүлт авчирсан. Та зөвт бөгөөд сүр жавхлант, мөн хүний зөрчлийг үл хүлцдэг. Хүн төрөлхтнийг аврахын тулд зовохдоо Та огт гомдоллоогүй. Өдрөөс өдөрт, жилээс жилд Та энэ дэлхийн хүмүүсийн асар их гүтгэлэг, хавчлага, бэрхшээлийг тэвчдэг. Та сонгосон хүмүүсээ хангаж, тэднийг удирдахын тулд үгээ илэрхийлдэг; үнэн ба амийг бидэнд оруулдаг. Өө Бурхан минь! Та хүн төрөлхтний төлөө бүх хайраа зориулдаг. Та ямар ч төлөөсийг харамсал, гомдолгүйгээр төлдөг. Таны хайр маш агуу, зан чанар тань зүйрлэшгүй хүндтэй. Бид баярлан бүжиж, Таныг магтан дуулахгүй байж яаж чадах билээ?

2 Өө Төгс Хүчит Бурхан минь! Та маш хүндтэй, үнэхээр сайн, үзэсгэлэнтэй сайхан! Та чуулгануудын дунд алхаж, үг айлдвараа айлддаг. Таны үг биднийг өдөр бүр залж чиглүүлэн, завхарсан зан чанарыг минь шүүж, цэвэрлэдэг. Шалгалт, цэвэршүүлэлтээр бид Таны жинхэнэ хайрыг хардаг. Өдрөөс өдөрт, жилээс жилд Та бидний эсэргүүцэл, тэрслүү байдал, буруу ойлголт, гомдлыг тэвчдэг. Дундаршгүй тэвчээрээр Та бидний хэрэгцээг хангадаг. Бид үнэнийг олж авч, шинэ амьтай болсон. Өө Бурхан минь! Таны ажлыг туулаад бид хайрыг тань мэдэж авдаг. Таны зан чанар зөвт, ариун бөгөөд үнэхээр хайр татам билээ. Зүрх сэтгэлээ Танд өгч, өөрсдийгөө бүхэлд нь Танд зориулахыг бид хүснэ. Таныг үргэлж хайрлаж, Танд гэрчлэл хийх нь бидний зүрхний хүсэл билээ.