1 Зан авир, үйлдэлдээ бодитой байж, юу ч хийсэн залбирлаас холдохгүй, Бурханы өмнө байнга ирж, Бурханаас хэзээ ч холдож одохгүй байх—эдгээр нь Бурханд итгэхийн үндэс юм! Амь чинь хэчнээн их, биеийн хэмжээ чинь хэчнээн том, үнэний бодит байдалд хэр зэрэг орсон байх чинь хамаагүй, зүрх сэтгэлдээ чи Бурханыг хэзээ ч орхих ёсгүй; Бурханаас хэзээ ч холдож одох ёсгүй. Хэрвээ чи залбирч, Бурханы үгийг уншиж, цуглаанд оролцдоггүй бол Бурханаас холдож одсон байна. Хэрвээ зүрх сэтгэлд чинь Бурхан хэзээд байхгүй бол чи аль хэдийн Бурханаас маш их холдож одсон байна. Бурханаас байн байн холдож оддог хүмүүс Түүнийг хүндэлдэггүй.

2 Хүмүүс Бурханаас маш их холдож одвол ямар үр дагавартай вэ? Бурханаас холдож одмогц тэд Сатанд хэдийд ч олзлогдох өндөр магадлалтай болдог. Үүний дараа тэд үг, үйлдлээрээ сатанлаг зан чанараа илчилнэ. Тэд үргэлж алдаа гаргаж, Бурханы эсрэг байн байн босож, чуулганы амьдралд саад болж, үймүүлнэ. Тэд хэзээ ч хамаагүй Сатанд ашиглагдаж, олзлогдох эрсдэлтэй–энэ ямар аймшигтай вэ! Тиймээс, чи зүрх сэтгэлдээ Бурханаас холдож одохгүй, үргэлж Бурханы өмнө амьдарч чаддаг бол Бурханаас эмээдэг хүн болох бөгөөд зөвхөн ийм сэтгэлзүйтэй болсон цагт л Бурхан чамайг буруу замд орохоос хамгаалж чадна.

“Бурханы нөхөрлөл”-өөс шинэчлэн найруулав