2. ХКН засгийн эрхэнд гарснаасаа хойш шашны итгэл үнэмшлийг зогсолтгүй хавчсаар ирсэн. Ялангуяа Төгс Хүчит Бурханы Чуулганыг дарангуйлах нь улам бүр хатуу ширүүн болсон. ХКН нь Төгс Хүчит Бурханы Чуулганыг гүтгэж, зохиомол хэрэг тохож, нэр төрийг нь гутаахын тулд телевиз, радио, сонин, интернэт болон бусад хэвлэл мэдээллийн хэрэгслийг ашиглаад зогсохгүй гишүүдийг нь өргөн хүрээтэйгээр баривчлах ажиллагаа явуулж, үүний улмаас олон Христэд итгэгч шоронд хоригдож, хэрцгийгээр тамлуулж, тэр ч байтугай үхтлээ эрүүдэн шүүгдсэн. Төгс Хүчит Бурханы Чуулганы эсрэг ХКН-ын хавчлага яагаад ийм хатуу ширүүн байна вэ?

Лавлагаанд зориулсан Библийн эшлэлүүд:

“Бүх ертөнц хорон муу нэгний дор байдаг” (1 Иохан 5:19).

“Энэ бол ёрын муу үеийнхэн” (Лук 11:29).

“Том луу буюу бүх ертөнцийг хууран мэхлэгч Диавол, Сатан гэгддэг эртний могой доош хаягдав” (Илчлэл 12:9).

“Энэ бол яллалт бөгөөд хүмүүсийн үйлс ёрын муу учраас гэрэл дэлхийд ирэхэд тэд харанхуйг гэрлээс илүү хайрласан юм. Учир нь үйл хэрэг нь зэмлүүлэх вий гэсэндээ мууг үйлдэг хүн бүр гэрлийг үзэн ядаж, гэрэлд гарч ирдэггүй” (Иохан 3:19–20).

Холбогдох Бурханы үг:

Дээрээс доошоо, эхлэлээс төгсгөл хүртэл Сатан Бурханы ажлыг үймүүлж, Түүнийг эсэргүүцэн авирласаар ирсэн. “Эртний соёлын өв”, үнэ цэнтэй “эртний соёлын мэдлэг”, “Даосизм болон Күнзийн сургаал”, “Күнзийн сонгодог бүтээл болон феодалын ёс заншил” зэрэг энэ бүх яриа нь хүнийг тамд аваачсан. Орчин үеийн дэвшилтэт шинжлэх ухаан, технологи, түүнчлэн өндөр хөгжсөн аж үйлдвэр, хөдөө аж ахуй, бизнес хаа ч харагддаггүй. Харин ч, Бурханы ажлыг зориуд үймүүлж, эсэргүүцэж, нураахын тулд эртний “бичнүүдийн” дэлгэрүүлсэн феодалын ёс заншлыг л цохон тэмдэглэдэг. Энэ нь өнөөг хүртэл хүнийг зовоон шаналгаад зогсохгүй, бүр хүнийг бүхлээр нь залгихыг1 хүсдэг. Феодализмын ёс суртахуун, ёс зүйн сургаал дамжиж, эртний соёлын мэдлэг өвлөгдөн ирсэн нь хүнд аль хэдийн нөлөөлж, тэднийг том, жижиг диаволууд болгон хувиргажээ. Бурханыг баяртайяа хүлээж авч, Бурханыг ирэхэд баярлан угтах хүн цөөхөн байдаг. Бүх хүний царай хөнөөлт санаархлаар дүүрч, үхлийн амьсгал газар сайгүй агаарт түгдэг. Тэд Бурханыг энэ газар нутгаас хөөхийг зорьдог; гартаа хутга, сэлэм бариад Бурханыг “газрын хөрснөөс арчих” тулааны байраа эзэлдэг. Бурхан байдаггүй гэж хүнд үргэлж зааж сургадаг диаволын энэ газар нутаг даяар хуурамч шүтээнүүд тархан, шатаж буй цаас, хүжний дотор муухайрам үнэр шингэсэн агаар амьсгал боогдуулам маш нягт байдаг. Энэ нь хорт могой мушгиран мурилзахад ханхалдаг хаягдал лагийн өмхий үнэр шиг байдаг болохоор хүн бөөлжихгүй байж чаддаггүй. Үүнээс гадна, ёрын муу чөтгөрүүд бичвэрийг аялгуулан уншиж байгаа чимээг тэндээс дөнгөн данган сонсож болох ба энэ чимээ тамын гүнээс гарч байгаа мэт санагддаг болохоор өөрийн эрхгүй нуруугаар хүйт даадаг. Энэ газар нутагт солонгын долоон өнгөтэй хуурамч шүтээнүүдийг хаа сайгүй тавиад, уг газрыг нүд гялбам ертөнц болгон хувиргах зуураа олиггүй явуулга нь амжилттай болсон мэт диаволуудын хаан хорлонтойгоор инээсээр байдаг. Харин тэгэхэд хүн юу ч мэдэхгүй хэвээр үлддэг бөгөөд диавол өөрийг нь эрүүл ухаангүй болж, ялагдан толгой гудайх хүртэл нь хэдийнээ завхруулсан гэдгийг ч хүн мэдэхгүй. Диавол, Бурханы бүх юмыг нэг цохилтоор л бүрмөсөн устгаж, Түүнийг дахин доромжилж, хөнөөхийг хүсдэг; тэгээд Түүний ажлыг нурааж, үймүүлэхээр санаархдаг. Эн тэнцүү байр суурьтай байхыг энэ нь яаж Бурханд зөвшөөрч чадах билээ? Газар дээрх хүмүүсийн дундах ажилд нь Бурхан “хөндлөнгөөс оролцохыг” яаж тэвчиж чадах билээ? Жигшүүртэй нүүр царайг нь илчлэхийг Бурханд зөвшөөрч яахан чадах билээ? Өөрийнх нь ажлыг замбараагүй болгохыг Бурханд зөвшөөрч яахан чадах билээ? Уур хилэн нь буцалж буй энэ диавол, газар дээрх хаант улсынх нь шүүхийг захирахыг Бурханд зөвшөөрч яахан чадах билээ? Бурханы дээд хүчинд дуртайяа бөхийж яахан чадах билээ? Түүний жигшүүрт үнэн төрх юу вэ гэдэг нь илчлэгдсэн, ингэснээр хүн инээх үү, уйлах уу гэдгээ мэдэхээ больдог ба энэ талаар ярихад үнэхээр хэцүү. Үүний мөн чанар энэ биш гэж үү? Муухай сэтгэлтэй тэрээр өөрийгөө итгэхийн аргагүй үзэсгэлэнтэй сайхан гэж итгэсээр байдаг. Гэмт хэргийн хамсаатнуудын2 бүлэг! Тэд зугаа цэнгэлд умбаж, үймээн самуун өдөөхийн тулд мөнх бус ертөнцөд буун ирээд, маш их үймээн дэгдээдэг болохоор дэлхий ертөнц хувирамтгай, тогтворгүй газар болж, хүний зүрх сэтгэл айдас хүйдэс, түгшүүрээр дүүрдэг бөгөөд тэд хүнээр маш их тоглосон болохоор хүний царай талын догшин араатных шиг, туйлын муухай болж, анхдагч ариун хүний эцсийн ул мөр арилсан юм. Үүнээс гадна, тэд газар дээрх дээд эрх мэдлийг авахыг хүсдэг. Тэд, арай ядан урагшилтал нь Бурханы ажилд маш их саад хийдэг бөгөөд хүнийг зэс, ган хана мэт чанд битүүмжилсэн. Маш олон ноцтой нүгэл үйлдэж, маш их гамшиг учруулчхаад тэд гэсгээлтээс өөр зүйл хүлээж яаж чадна вэ? Чөтгөрүүд болон муу ёрын сүнснүүд хэсэг зуур газар дээр галзуурсан мэт гүйж, Бурханы хүсэл болон уйгагүй хичээл чармайлтын аль алийг нэвтэршгүй болтол нь чанд битүүмжилсэн. Энэ бол үнэхээр аймшигт нүгэл! Бурхан яаж санаа зовохгүй байж чадах юм бэ? Бурхан яаж хилэгнэхгүй байж чадах юм бэ? Тэд Бурханы ажилд ноцтой саад учруулж, үүнийг эсэргүүцсэн: Дэндүү тэрслүү!

Үг нь махбодоор илэрсэн номын “Ажил ба оролт (7)”-оос эш татав

Олон мянган жилийн турш энэ нь бузрын газар байсаар ирсэн. Энэ нь тэвчихийн аргагүй бохир заваан, зовлон зүдүүрээр дүүрэн бөгөөд сүг сүнснүүд хаа сайгүй тархан, залилан мэхэлж, ул үндэсгүй буруутгаж3, балмад догшин, хорлонтой байж, энэхүү чөтгөрт хотыг гишгэчин, цогцоснуудыг тараан хаяж орхидог; илжирсэн өмхий үнэр газар нутгийг бүрхэж, агаарт шингэдэг бөгөөд хатуу чанд хамгаалагдсан4 байдаг. Тэнгэрээс цааших дэлхий ертөнцийг хэн харж чадах билээ? Диавол хүний биеийг бүхэлд нь чанга хүлж, хоёр нүдийг нь халхалж, амыг нь бат хамхидаг. Диаволуудын хаан өнөөг хүртэл хэдэн мянган жилийн турш догшин ширүүн авирлангаа нэвтрэхийн аргагүй чөтгөрүүдийн өргөө мэт чөтгөрт хотыг нүд салгалгүй харсаар байдаг; тэр хооронд, энэхүү сүрэг манаач нохой нь догшин харцаар ширтэж, Бурхан мэдээгүй байхад нь барьж аваад, бүгдийг нь устгаж, амар тайван, аз жаргалтай газаргүй болгоно гэдгээс гүнээ айж байдаг. Чөтгөрт хотын ийм хүмүүс яаж ер нь Бурханыг харсан байж чадах юм бэ? Тэд ер нь Бурханы энхрийлэл, хайр татам байдлыг амссан гэж үү? Хүний ертөнцийн хэрэг явдлын талаар тэд юу мэдэх юм бэ? Бурханы тэсэж ядсан хүслийг тэдний хэн нь ойлгож чадах юм бэ? Тэгвэл, бие махбодтой болсон Бурхан бүрмөсөн нуугдмал хэвээр үлддэгт гайхах юмгүй: Өршөөлгүй, догшин хэрцгий чөтгөрүүдтэй ийм харанхуй нийгэмд, нүд цавчилгүй хүмүүсийг хөнөөдөг диаволын хаан яаж хайр татам, эелдэг зөөлөн, бас ариун Бурханы оршин тогтнолыг тэвчиж чадах юм бэ? Бурханы ирэхийг магтан сайшааж, уухайлж яаж чадах юм бэ? Энэ боолууд! Тэд сайхан сэтгэлийг үзэн ядалтаар хариулдаг, мөн аль эртнээс Бурханыг басамжилсан, Бурхантай зүй бусаар харьцдаг, туйлын харгис хэрцгий бөгөөд Бурханыг өчүүхэн төдий ч анхаардаггүй, тонуул дээрэм хийдэг, мөс чанараа бүгдийг нь алдсан, мөс чанараа үл тоож, гэм зэмгүй хүмүүсийг мэдрэлгүй байдал руу уруу татдаг. Эртний өвөг дээдэс үү? Хайртай удирдагчид уу? Тэд бүгд Бурханыг эсэргүүцдэг! Тэдний хөндлөнгийн оролцоо нь тэнгэрийн доорх бүхнийг түнэр харанхуй, эмх замбараагүй байдалтай болгосон! Шашны эрх чөлөө юу? Иргэдийн хууль ёсны эрх, ашиг уу? Тэдгээр нь бүгд нүглээ нуух заль мэх юм! Хэн Бурханы ажлыг тэврэн авсан бэ? Бурханы ажлын төлөө хэн амиа золиосолж, цусаа урсгасан бэ? Үеэс үед, эцэг эхээс хүүхдүүд хүртэл боолчлогдсон хүн Бурханыг эрээ цээргүйгээр боолчилсон—энэ нь яаж уур хилэн өдөөхгүй байж чадах юм бэ? Олон мянган жилийн үзэн ядалт сэтгэлд хурж, нүгэлт байдлын мянган жил зүрх сэтгэлд сийлэгдсэн—энэ нь яаж дургүйцэл төрүүлэхгүй байж чадах юм бэ? Бурханы өшөөг авч, Түүний дайсныг бүрмөсөн устга, цаашид хяналтаас гарах боломжийг үүнд бүү олго, хүссэнээрээ төвөг учруулахыг бүү зөвшөөр! Одоо цаг нь болсон: Энэ чөтгөрийн жигшүүрт царайг урж хаяад, харалган болж, төрөл бүрийн зовлон, бэрхшээл туулсан хүмүүст зовлон шаналлаасаа өндийн босож, энэ ёрын муу хөгшин диаволаас нүүр буруулах боломж олгохын тулд хүн аль хэдийн бүх хүч чадлаа дайчилж, бүх хичээл чармайлтаа зориулж, бүх төлөөсийг төлсөн. Бурханы ажилд яагаад ийм туулшгүй их саад бартааг тавина вэ? Бурханы хүмүүсийг мэхлэхийн тулд яагаад янз бүрийн арга заль хэрэглэнэ вэ? Жинхэнэ эрх чөлөө, хууль ёсны эрх, ашиг хаана байна вэ? Шударга ёс хаана байна? Тайтгарал хаана байна вэ? Халуун дулаан байдал хаана байна? Бурханы ардуудыг мэхлэхийн тулд яагаад ов мэхтэй арга хэрэглэнэ вэ? Бурханы ирэлтийг дарахын тулд яагаад хүч хэрэглэнэ вэ? Өөрийн бүтээсэн газар дэлхий дээр чөлөөтэй хэрэн хэсэх боломжийг Бурханд яагаад олгодоггүй юм бэ? Толгойгоо тавиад амрах газаргүй болтол нь Бурханыг яагаад мөшгөнө вэ? Хүмүүсийн дундах халуун дулаан байдал хаана байна вэ? Хүмүүсийн дундах угталт хаана байна вэ? Бурханыг яагаад тэгж цөхрөнгөө бартал нь хүлээлгэнэ вэ? Бурханыг яагаад ахин дахин хашхирахад хүргэнэ вэ? Бурханыг яагаад хайртай Хүүгийнхээ төлөө санаа зов гэж хүчилнэ вэ? Энэхүү харанхуй нийгмийн өрөвдөлтэй манаач нохойнууд нь Өөрийн бүтээсэн дэлхийдээ чөлөөтэй ирж, очихыг Бурханд яагаад зөвшөөрдөггүй юм бэ?

Үг нь махбодоор илэрсэн номын “Ажил ба оролт (8)”-аас эш татав

Сатан хүмүүсийг мэхлэх замаар нэр хүнд олж авдгийн дээр үргэлж өөрийгөө зөв шударга байдлын манлайлагч, үлгэр дуурайл болгодог. Зөв шударга байдлыг хамгаалах нэрийдлээр хүмүүст хор учруулж, сүнсийг нь залгиж, хүнийг хөшүүн болгож, хууран мэхэлж, турхирахын тулд бүхий л төрлийн арга барил ашигладаг. Түүний зорилго нь, ёрын муу үйл хэргийг нь хүн хүлээн зөвшөөрч, дагадаг болгож, Бурханы эрх мэдэл, дээд эрхийг эсэргүүцэхэд хүнийг өөртөө нэгтгэх явдал юм. Гэвч, хүн түүний явуулга, хуйвалдаан, өөдгүй төрхийг мэддэг болж, түүнд гишгэчүүлж, хууртаж, үргэлжлүүлэн түүнд боолчлогдож, түүнтэй хамт шийтгүүлж, сүйрэхийг хүсэхгүй байх үед Сатан урьдын ариун гэгээн төрхөө өөрчилж, хуурамч багаа хуулан ёрын муу, харгис догшин, муухай, хэрцгий жинхэнэ нүүр царайгаа илчилдэг. Тэр өөрийг нь дагахаас татгалзаж, өөрийнх нь муу ёрын хүчийг эсэргүүцдэг бүх хүнийг үгүй хийхэд юунаас ч илүү дуртай. Энэ үед Сатан итгэл даахуйц, боловсон дүр төрхтэй байж чадахаа больж; харин ч хонины арьсан доороос муу муухай, диаволлог жинхэнэ төрх нь ил гардаг. Явуулга нь илчлэгдэж, жинхэнэ төрх нь ил болмогц Сатан уурсаж, зэрлэг балмад зангаа харуулдаг. Үүний дараа хүмүүсийг хорлож, залгих хүсэл нь улам бүр л нэмэгдэх болно. Учир нь, хүн үнэнийг ухаарахад тэр уурсдагийн дээр эрх чөлөө болон гэрэлд тэмүүлж, өөрийнх нь шоронгоос чөлөөлөгдөхийг хүсэн эрмэлзсэнийх нь төлөө тэрээр хүнд асар их өс хонзон санадаг. Түүний уур хилэн өөрийн ёрын мууг л хамгаалж хадгалахыг зорьдог бөгөөд энэ нь ч бас харгис хэрцгий уг чанарынх нь жинхэнэ илрэл юм.

Сатаны хийсэн бүхэн нь түүний ёрын муу уг чанарыг харуулдаг. Хүнд Сатаны хийсэн бүх ёрын муу үйл хэргээс—хүнийг төөрөгдүүлэн өөрийгөө дагуулах гэсэн эртний хичээл чармайлтаас нь эхлээд хүнийг ашиглаж, ёрын муу үйл хэрэгтээ татан оруулах хүртэл, мөн үнэн нүүр царай нь илчлэгдэж, хүн түүнийг таньж, хаясны дараа хүнд өс санах хүртэл—бүгд Сатаны ёрын муу мөн чанарыг илчилдэг, Сатан эерэг зүйлтэй ямар ч хамаагүй, Сатан бол бүх ёрын муу зүйлийн эх сурвалж хэмээх баримтыг бүгд баталдаг, Түүний үйлдэл нэг бүр муу муухайг нь хадгалж, муу үйл хэргийг нь үргэлжлүүлж, шударга болон эерэг зүйлсийн эсрэг явж, хүний хэвийн оршин тогтнолын хууль, дэг журмыг алдагдуулдаг. Сатаны эдгээр үйл нь Бурханд дайсагнадаг бөгөөд Бурханы уур хилэнд сүйрэх болно. Сатанд өөрийн гэсэн уур хилэн байдаг боловч түүний уур хилэн бол ердөө л ёрын муу уг чанараа гаргах арга зам юм. Сатан унтууцаж, улангасан уурладгийн шалтгаан нь гэвэл: Түүний үгээр хэлшгүй явуулга ил болсон; түүний хуйвалдаан зүгээр өнгөрөхөд амаргүй байдаг; Бурханыг орлож, Бурхан шиг авирлах гэсэн түүний галзуу санаархал, эрмэлзэл нь цохигдож, саад учирсан; бүх хүн төрөлхтнийг захирах түүний зорилго нь одоо талаар болж, хэзээ ч биелэх боломжгүй болсон.

Үг нь махбодоор илэрсэн номын “Цор ганц Бурхан Өөрөө II”-оос эш татав

Хүний нөхөрлөл:

ХКН-аас Төгс Хүчит Бурханы Чуулганд үзүүлж буй улайрсан дарлал, хавчлага дэлхийн олон нийтийн дунд шуугиан тариад байна. Яагаад ХКН Бурханыг эсэргүүцэж, дайсагнахдаа тэгж их улайрч байгааг олон хүн ойлгож чаддаггүй. ХКН бол бурхангүй үзэлтэй улс төрийн нам бөгөөд үнэн болон Бурханыг урьд хожид байгаагүйгээр үзэн яддаг Сатаны дэглэм учраас тэр юм. Жинхэнэ Бурханы илрэлт, ажлыг хараад ХКН хэрхэн айхгүй байх билээ, үл тоомсорлол, яллалтаараа хариу барихгүй байж яаж чадах билээ? Эцсийн өдрүүдэд Төгс Хүчит Бурхан олон үнэнийг илэрхийлсэн бөгөөд ихэнхийг нь Үг нь махбодоор илэрсэн номд эмхэтгэсэн байдаг. Төгс Хүчит Бурханы үг бүх шашин, бүх урсгалыг доргиосон. Эзэнд итгэдэг олон хүн Төгс Хүчит Бурханы илэрхийлсэн үг нь үнэн болохыг олж харсан бөгөөд энэ бол Бурханы дуу хоолой гэдгийг, энэ бол Бурханы ажил гэдгийг хүлээн зөвшөөрч, бүгд Төгс Хүчит Бурхан руу буцаж ирэв. Илүү олон хүн Төгс Хүчит Бурханыг номлож, гэрчилж байна. Бурхан болон үнэнийг улайран жигшин зэвүүцдэг чөтгөрийн ХКН-ын дэглэм хэрхэн Бурханы оршин тогтнолыг тэвчиж эсвэл үнэнийг дэлхий дээр номлож, гэрчлэхийг зөвшөөрч чадах билээ? Тиймээс ХКН Төгс Хүчит Бурханы Чуулганыг улайран дарангуйлах, хавчих кампанит ажлыг удаа дараалан үүсгэн санаачилсан бөгөөд сайн мэдээг түгээж, Бурханд гэрчилсэн тоо томшгүй олон хүнийг баривчилж, Үг нь махбодоор илэрсэн номын олон хувийг хураан авсан байдаг. Өдөр бүр ХКН энэ бичвэрийг сайтар судалж, энэ ном хэчнээн хүчтэй хийгээд үг нь үнэн болохыг, мөн бүх хүнийг байлдан дагуулж чадахуйц гэдгийг нь улам бүр мэдрэх болсон. Тиймээс л ХКН Төгс Хүчит Бурханыг хэчнээн дорд үзэж, шүүлт явуулж, гутаан доромжилж байсан ч хэзээ ч Үг нь махбодоор илэрсэн номыг олон нийтэд таниулж, Төгс Хүчит Бурханы хэлсэн зүйлийг дурдаж зүрхлэхгүй. ХКН яагаад Үг нь махбодоор илэрсэн номыг тэгж их нуун далдална вэ? Энэ номыг хүмүүс унших вий гэхээс яагаад тэд айна вэ? Учир нь Үг нь махбодоор илэрсэн ном бол Бурханы айлдвар, үнэний илэрхийлэл, Зүүн зүгт илэрсэн жинхэнэ гэрэл учраас тэр юм! Бүх дэлхий Төгс Хүчит Бурханы илэрхийлсэн үнэнийг харж, Бурхан зүүн зүгт илэрч, ажиллаж эхэлснийг, хүний ​​Аврагч зүүн зүгт илэрснийг, хүний​​найдвар зүүн зүгт байгааг олж харах вий гэхээс ХКН маш их айдаг. ХКН бол хамгийн муу ёрын, үнэнийг үзэн яддаг сатанлаг дэглэм билээ. Хүмүүсийн дунд үнэн ирлээ гээд хэн ч тэгж их айхгүй. Хүн үнэнийг хүлээн авч, Бурхан хүмүүсийн дунд Хаан болон захирч, Христийн хаанчлал дэлхий дээр гарч ирж, ингэснээр хүн төрөлхтнийг мөнхөд хянах, дэлхийд ноёрхох гэсэн жигшүүрт зорилго нь биелэгдэхгүй байх вий гэхээс хэн ч тэгж их айхгүй. Тийм ч учраас ХКН Христийг баривчилж, хөнөөх гэж улайран оролддог. Хэвлэл мэдээллийн хэрэгсэл, интернэт ашиглан суртал ухуулга, үндэслэлгүй зохиомол хэрэг, гүжирдлэг тарааж, Төгс Хүчит Бурханы Чуулганы нэр хүндийг гутаадаг. Бүр цаашлаад зэвсэглэсэн цагдаа нарыг шийдэмгий дайчилж, байж болох бүх л аргыг хэрэглэн Бурханы сонгосон хүмүүсийг дарамталж, баривчилж, хавчих хүчин чармайлт гаргадаг. ХКН-ын хавчлагын улмаас нуугдах газаргүй болсон Бурханы сонгосон хүмүүс хилийн чанадад дүрвэхээс өөр аргагүй байдалд хүрэв. Гэсэн ч ХКН хилийн чанадад дүрвэсэн Христэд итгэгчдийг харгислал, хавчлагад өртүүлэхийн тулд Хятад руу албадан буцаах оролдлогын хүрээнд улс төр, эдийн засаг, дипломат арга замаар тодорхой улс орнуудад дарамт үзүүлж, хар гараа гадагшаа сунгав. ХКН мөн эдгээр Христэд итгэгчдийн гэр бүлийн гишүүдийг баривчлан, хавчиж, Төгс Хүчит Бурханы Чуулганыг заналхийлэх зорилгоор тэднийг барьцаа болгон ашиглаж, тэднээр хилийн чанадын янз бүрийн улс оронд байгаа Төгс Хүчит Бурханы Чуулганыг дарамтлуулахаар паспорт авах өргөдөл гарган, гадаад руу явахыг албадаж байгаа нь бүр ч жигшүүртэй юм. Энэ нь дипломат сувгуудыг ашиглан Төгс Хүчит Бурханы Чуулганы Христэд итгэгчдийг хуурамч орогнол хүсэгч гэж тодорхойлж, зохиомлоор буруутгаж, гүжирдэж, улмаар олон нийтийн санаа бодлыг Чуулганы эсрэг чиглүүлж, нэр хүндийг нь унагаж, хилийн чанад дахь засгийн газрууд болон ард түмнийг Чуулганыг эсэргүүцэж, үгүйсгэж, Христэд итгэгчдийг албадан буцаахыг уриалсан худал, цуурхал тараахыг оролддог. Ингэснээр ХКН сайн мэдээг гадаадад түгээх Чуулганы ажилд саад тотгор учруулах, дарах, устгах гэсэн муу зорилгодоо хүрдэг. ХКН нь үнэнийг жигшин зэвүүцдэг, Бурханыг үзэн яддаг Сатан, чөтгөрүүдээс бүрддэг—тэд хүмүүсийг тамлан зовоож, сүнсийг нь залгидаг диаволууд гэдгийг баримт нотолдог. ХКН Төгс Хүчит Бурханы Чуулганыг дарах, хавчих, дайрахдаа ийм харгис хэрцгий байж чадаж байна гэдэг нь үнэнийг жигшиж, Христийг үзэн яддаг чөтгөрийн мөн чанараас бүрэн хамааралтай байна гэсэн үг юм.

Тайлбар:

1. “Залгих” гэдэг нь диаволуудын хааны догшин хэрцгий зан авирыг хэлдэг ба энэ нь хүмүүсийг тэр чигт нь цөлмөдөг.

2. “Гэмт хэргийн хамсаатнууд” гэдэг нь “бүлэг балмад этгээд” гэдэгтэй адилхан.

3. “Ул үндэсгүй буруутгах” гэдэг нь хүмүүсийг хорлодог диаволын арга барилыг хэлж байна.

4. “Хатуу чанд хамгаалагдсан” гэдэг нь хүмүүсийг зовоон шаналгадаг диаволын арга тун хэрцгий бөгөөд хүмүүсийг хөдөлж чадахаа больтол нь асар их хянадаг гэдгийг илтгэдэг.

Өмнөх: 1. Хятадын Үндсэн хуульд шашин шүтэх эрх чөлөөг тодорхой заасан байдаг. Бурханд итгэх нь өөрчлөгдөшгүй зарчим, эрүүл ухаанаар хийдэг, хуульд нийцдэг. Тэгвэл яагаад ХКН шашны итгэл үнэмшил рүү дайрч, дарангуйлж, устгахыг оролдож, Хятадын ард түмний итгэх эрх чөлөөтэй байх эрхийг хасаж байна вэ? Яагаад Христэд итгэгчдэд жинхэнэ гэмт хэрэгтэн мэт хандаж, хувьсгалт арга хэрэгслээр дарангуйлж, хавчиж, бүр үхтэл нь тамлана вэ?

Дараах: 3. Библид “Дээд эрх мэдлүүдэд хүн бүхэн захирагд. Учир нь Бурханаас гадуур эрх мэдэл байхгүй: оршин байгаа эрх мэдэл нь Бурханаар тогтоогдсон юм. Тиймээс эрх мэдлийг эсэргүүцдэг хэн боловч Бурханы тогтоолыг эсэргүүцэж байна: эсэргүүцдэг хүмүүс шийтгэл хүртэх болно” (Ром 13:1–2) гэж Паул хэлсэн. Паулын үгийн дагуу хэрэгжүүлэхдээ бид бүх зүйл дээр эрх баригч хүчинд захирагдах ёстой. Гэсэн хэдий ч шашингүй үзэлтэй ХКН-ын засгийн газар түүхэндээ шашны итгэл үнэмшлийг хавчиж ирсэн. Тэд Бурханд дайсагнаж, биднийг Эзэнд итгэхийг зөвшөөрөхгүй байгаад зогсохгүй, сайн мэдээг түгээж, Бурханыг гэрчилдэг хүмүүсийг баривчилж, хавчдаг. Хэрэв бид Хятадын коммунист засгийн газрын өмнө толгой бөхийж, Эзэнд итгэхээ больж, сайн мэдээг түгээх, Бурханд гэрчлэл хийхээ зогсоох юм бол Эзэнийг эсэргүүцэн, нүүр буруулснаар Сатаны талд зогсох бус уу? Би үнэхээр үүнийг ойлгож чадахгүй байна. Эрх барих хүчний талаарх асуудал дээр Эзэний хүсэлд нийцүүлэхийн тулд би яг юу хийх ёстой вэ?

Одоо үед гай гамшиг ойр ойрхон тохиолдож, Эзэн эргэн ирэх тухай зөгнөлүүд үндсэндээ биелсэн. Бид Эзэнийг хэрхэн угтан авч болох вэ?

Холбогдох контент

Тохиргоо

  • Текст
  • Загвар

Цулгуй өнгө

Загвар

Үсгийн хэв

Үсгийн хэмжээ

Мөр хоорондын зай

Мөр хоорондын зай

Хуудасны өргөн

Гарчиг

Хайх

  • Энэ текстийг хайх
  • Энэ номоос хайх