1 Хүмүүс өөрсдөөсөө тийм ч ихийг шаарддаггүй боловч Бурханаас ихийг шаарддаг. Тэд өөрсдөд нь онцгой нинжин сэтгэл харуулж, тэвчээртэй, хүлээцтэй хандаж, өөрсдийг нь нандигнаж, хангаж, өөрсөд рүү нь инээмсэглэж, олон арга замаар өөрсдийг нь халамжлахыг Түүнээс хүсдэг. Өөрсдөд нь огтхон ч чанга хатуу хандалгүй, сэтгэлийг нь өчүүхэн ч атугай гонсойлгох зүйл хийхгүй байхыг Түүнээс хүлээдэг бөгөөд өдөр бүр өөрсдөд нь зусардвал л сэтгэл нь ханадаг. Хүмүүс эрүүл ухаанаар маш дулимаг! Хүмүүс юу хийх учиртай, юунд хүрэх ёстой, ямар үзэл бодол баримталж, Бурханд үйлчлэхдээ ямар байр сууринд зогсох ёстой, өөрсдийгөө ямар байр сууринд тавивал зохистой талаар тодорхой мэддэггүй. Өчүүхэн байр суурьтай хүмүүс өөрсдийгөө тун их юманд боддог бөгөөд байр суурьгүй хүмүүс ч өөрсдийгөө нэлээд өндрөөр боддог. Хүмүүс өөрсдийгөө хэзээ ч мэддэггүй.

2 Одоогоор та нар хэтэрхий олон шаардлага тавьж, энэ чинь хэрээс хэтэрч байна. Чи зөв байр сууринд зогсоогүй, хэт өндөр байр сууринд байгаагаа өөрийн олон санаа зорилгоор нотолдог бөгөөд өөрийгөө Бурханаас төдийлөн дордох юмгүй хэт хүндтэй гэж үзлээ. Иймээс чамтай харьцахад хэцүү байдаг ба энэ нь яг Сатаны уг чанар мөн. Та нар Бурханд итгэхдээ, Бурхан та нартай яаж ярьж, та нарт хэчнээн хатуу хандаж, хэдий их үл тоомсорлосон ч гомдолгүй итгэсээр байж, үүргээ ердийн байдлаар үргэлжлүүлэн гүйцэтгэдэг цэгт очих ёстой. Тэгвэл чи боловсорч, туршлагажсан хүн болж, үнэхээр хэвийн хүний биеийн хэмжээтэй, бага зэрэг ухаалаг байдалтай болно. Чи Бурханд шаардлага тавихгүй ба хэрээс хэтэрсэн хүсэл өвөрлөж, бусдад юм уу Бурханд дураараа хүсэлт тавихаа болино. Хүний төрхийг тодорхой хэмжээнд эзэмшсэн гэдгийг чинь энэ нь харуулна.

“Үг. III Боть: Эцсийн өдрүүдийн Христийн яриа. Гуравдугаар хэсэг”-ээс шинэчлэн найруулав