105-Р БҮЛЭГ

Миний үгийн зарчим, Миний ажлын арга барилаас болж хүмүүс Намайг үгүйсгэдэг; энэ бол маш удаан хугацаанд ярьж байгаагийн минь зорилго юм (агуу улаан лууны бүх үр садыг хамааруулан ярив). Энэ бол Миний ажлын ухаалаг арга барил; агуу улаан лууг шүүх Миний шүүлт; энэ бол Миний стратеги, нэг ч хүн үүнийг бүхэлд нь ойлгож чадахгүй. Эргэлтийн цэг бүрд, өөрөөр хэлбэл, Миний удирдлагын төлөвлөгөөний шилжилтийн үе бүрд зарим хүн таягдан хаягдах ёстой; тэд Миний ажлын эрэмбийн дагуу таягдан хаягддаг. Зөвхөн энэ л Миний бүх удирдлагын төлөвлөгөөний ажиллах арга барил юм. Би таягдан хаяхыг хүссэн хүмүүсээ нэг нэгээр нь хаясны дараа Өөрийн ажлын дараагийн алхмыг эхэлдэг. Харин, энэ удаа таягдан хаяж байгаа нь сүүлчийн удаа (Хятад дахь чуулганууд дотор) бөгөөд энэ нь бас, дэлхийн бүтээлээс хойш хамгийн олон тооны хүн шилжилтийн үе шатанд таягдуулан хаягдах үе юм. Түүхэн туршид, хүмүүс таягдуулан хаягдах бүрд хожмын ажилд үйлчлэл үзүүлэхээр нэг хэсэг нь үлдэж байсан ч энэ удаа өмнөхтэй адил биш; энэ нь хурдан агаад цэвэрхэн, бүх эрин үеэс хамгийн чухал агаад хамгийн нарийн нямбай нь юм. Миний үгийг уншсаны дараа ч, ихэнх хүмүүс оюун санаанаасаа эргэлзээг хүчээр авч хаяхаар оролддог ч эцэст нь үүнийг ялан дийлж чаддаггүй бөгөөд эцэстээ өөрсдийнхөө тэмцэлд унадаг. Энэ нь хүний шийдэж чадах зүйл биш, учир нь Миний урьдчилан тогтоосон хүмүүс зугтаж чадахгүй, Өөрийн урьдчилан тогтоогоогүй хүмүүсийг Би зөвхөн зэвүүцдэг. Миний нааштайгаар ханддаг хүмүүс л Миний хайрладаг хүмүүс юм, эс бөгөөс ганц ч хүн Миний хаанчлалд чөлөөтэйгөөр орж, гарч болохгүй; энэ бол Миний төмөр саваа ба энэ нь л Миний захиргааны зарлигийг хэрэгжүүлж буйн хүчирхэг гэрчлэл, мөн бүрэн илрэл юм. Энэ нь эрч хүчтэй зүрх сэтгэлтэй байх төдий хэрэг биш юм. Би яагаад Сатан бол сул дорой агаад унасан гэж хэлсэн бэ? Эхэндээ тэр хүчтэй байсан; гэхдээ Миний гарт байдаг; хэрвээ Би түүнийг хэвт гэвэл хэвтэх ёстой; хэрвээ Би түүнийг Надад үйлчлэл хийхээр өндийн бос гэвэл өндийн босож, Надад сайн үйлчлэл хийх ёстой. Сатан үүнийг хийхийг хүсэж байгаа юм биш, харин Миний төмөр саваа Сатаныг захирдаг бөгөөд зөвхөн ингэж байж л тэр зүрх сэтгэлдээ болон үгээрээ үнэмших болно. Миний захиргааны зарлиг үүнийг захирдаг, Надад Миний сүр хүч байдаг, иймээс тэр бүрэн үнэмшихээс өөр аргагүй бөгөөд эсэргүүцлийн ул мөргүйгээр Миний хөлийн тавиур дор дэвслэгдэх ёстой. Өнгөрсөнд Миний хөвгүүдэд үйлчилж байхдаа тэрээр туйлын увайгүй байж, Миний хөвгүүдийг дур зоргоороо дээрэлхэж, энэ маягаар Намайг шившиглэнэ хэмээн найдаж, Намайг чадваргүй гэж хэлж байсан. Ямар сохор юм бэ! Би чамайг үхтэл дэвслэх болно! Чи ахин харгис байгаад үзээрэй! Миний хөвгүүдэд хүйтэн хайхрамжгүй байдлаар дахин хандаад үзээрэй! Хүмүүс шударга байх тусам, Миний үгийг сонсож, Надад дуулгавартай байх тусам чи тэднийг төдий чинээ дээрэлхэж, тусгаарладаг (энэ нь, хүмүүсийг элсүүлж, нэгддэг гэсэн үг). Одоо хэрцгий догшин байх өдрүүд чинь эцэстээ ирж, Би бага багаар чамтай тооцоо бодож байгаа ба чамайг өчүүхэн ч зүгээр орхихгүй. Одоо эрх мэдлийг авсан нь–чи биш–Сатан юм; оронд нь Би эрх мэдлээ буцааж авсан бөгөөд чамтай харьцахаар Өөрийн хөвгүүдийг дуудах цаг ирсэн. Чи өчүүхэн ч эсэргүүцэлгүй байж, дуулгавартай дагах ёстой. Өмнө нь Миний өмнө хэчнээн сайн аашилсан чинь хамаагүй, энэ нь өнөөдөр чамд туслахгүй. Хэрвээ чи Миний хайрладаг хүмүүсийн нэг биш бол Би чамайг хүсэхгүй. Нэгээр олон байх нь хүлээн зөвшөөршгүй, энэ нь Миний урьдчилан тогтоосон тоо байх ёстой; үүнээс нэгээр цөөн бол бүр ч муу. Сатан, бүү хорлон сүйтгэгч бай! Би хэнийг хайрлаж, хэнийг үзэн яддагаа зүрх сэтгэлдээ тодорхой мэддэггүй байж таарах уу? Надад чиний сануулга хэрэгтэй гэж үү? Сатан Миний хөвгүүдийг төрүүлж чадах уу? Бүгд утгагүй юм! Бүгд олиггүй амьтад! Би бүгдийг нь нэг бүрчлэн, бүхэлд нь хаях болно, нэг нь ч хэрэггүй, бүгд зайлах ёстой! Зургаан мянган жилийн удирдлагын төлөвлөгөө төгсгөлдөө ирж, Миний ажил дууссан бөгөөд Би адгуус, араатны энэ сүргийг зайлуулах ёстой!

Миний үгэнд итгэж, Миний үгийг хэрэгжүүлдэг хүмүүс нь Миний хайрладаг хүмүүс байх ёстой, Би ганцыг нь ч орхихгүй, нэгийг нь ч тавьж явуулахгүй, иймээс ууган хөвгүүд санаа зовох хэрэггүй. Үүнийг Би хайрласан учир хэн ч үүнийг булаан авч чадахгүй, мөн Би Өөрийн ерөөдөг хүмүүст үүнийг хайрлах учиртай. Өөрийн хүлээн зөвшөөрдөг хүмүүсийг (дэлхийн бүтээлээс өмнө) Би (өнөөдөр) ерөөдөг. Энэ бол Миний ажилладаг зам, мөн Миний захиргааны зарлигийн заалт бүрийн гол зарчим бөгөөд хэн ч үүнийг өөрчилж чадахгүй; нэг үг ч, эсвэл нэг өгүүлбэр ч нэмж болохгүй, үүнээс ч илүүтэйгээр нэг үг, эсвэл нэг өгүүлбэрийг ч хасаж болохгүй. Өмнө нь Би, та нарт Миний үнэн бие үзэгдэнэ гэж байнга хэлдэг байсан; тэгвэл Миний үнэн бие юу юм бэ, мөн хэрхэн үзэгддэг вэ? Эсвэл энэ нь зүгээр л хүн Намайг хэлдэг юм уу? Эсвэл зүгээр л Миний хэлсэн өгүүлбэр бүрийг хэлдэг юм уу? Энэ хоёр тал хэдийгээр салшгүй боловч өчүүхэн хэсгийг л бүрдүүлдэг, өөрөөр хэлбэл, энэ нь Миний үнэн биеийн талаарх бүрэн гүйцэд тайлбар биш. Миний үнэн бие, Миний махбодыг, Миний үгийг, бас Миний үйл хэргийг агуулдаг ч хамгийн оновчтой тайлбар бол Миний ууган хөвгүүд болон Би бол Миний үнэн бие юм. Өөрөөр хэлбэл, хаанчилж, эрх мэдэл эзэмшдэг нэгдмэл бүлэг Христэд итгэгч бол Миний үнэн бие билээ. Иймд, ууган хөвгүүдийн нэг бүр нь зайлшгүй шаардлагатай, Миний нэг хэсэг бөгөөд цаашид хүмүүсийн тоо хэтэрхий их (Миний нэрийг шившиглэж), эсвэл бүр чухал нь, хэтэрхий цөөн ч (Миний бүрэн илрэл болох боломжгүй) байж болохгүй гэдгийг Би онцолж, мөн Миний ууган хөвгүүд бол Миний хамгийн эрхэм хүмүүс, Миний эрдэнэс, Миний зургаан мянган жилийн удирдлагын төлөвлөгөөний биелэлт гэдгийг ахин дахин онцолдог; зөвхөн ууган хөвгүүд л Миний төгс, бүрэн илрэл байж, Би Өөрөө Өөрийнхөө үнэн биеийн бүрэн илрэл байж чадах ба зөвхөн ууган хөвгүүдийн хамтаар л төгс агаад бүрэн илрэл гэж хэлж болно. Иймээс аливааг орхигдуулалгүйгээр ууган хөвгүүддээ Би хатуу шаардлага тавьж, Өөрийн ууган хөвгүүдээс бусад бүх хүнийг ахин дахин тасдаж, алдаг; энэ бол Миний хэлсэн бүхний үндэс, энэ бол Миний хэлсэн бүхний эцсийн зорилго билээ. Түүнчлэн, тэд Миний хүлээн зөвшөөрсөн хүмүүс, мөн дэлхийн бүтээлээс хойш Миний биечлэн сонгосон хүмүүс байх ёстой гэдгийг Би ахин дахин онцолдог. Тэгвэл одоо “үзэгдэх” гэдгийг хэрхэн тайлбарлах вэ? Энэ нь сүнсний ертөнц рүү орох цаг уу? Ихэнх хүмүүс, энэ бол Миний махбодын тослогдсон цаг, эсвэл Миний махбодыг харсан цаг нь гэж итгэдэг ч энэ бүгд худал; бүр дөхөж ч очихгүй. Анхдагч утгынх нь дагуу авч үзвэл “Үзэгдэх” гэдэг нь ойлгоход хэцүү зүйл ердөөсөө биш, харин Миний санаа зорилгын дагуу үүнийг ойлгох нь хамаагүй илүү хэцүү. Иймд, Би хүн төрөлхтнийг бүтээхдээ Өөрийн шинж чанарыг Өөрийн хайрладаг энэ бүлэг хүмүүст хийсэн бөгөөд энэ бүлэг хүмүүс Миний үнэн бие байсан гэж хэлж болно. Өөрөөр хэлбэл, Миний үнэн бие тухайн үед хэдийнээ үзэгдсэн. Энэ нэрийг хүлээж авсны дараа Миний үнэн бие үзэгдсэн юм биш, харин ч энэ бүлэг хүмүүсийг урьдчилан тогтоосны дараа үзэгдсэн, учир нь тэд Миний шинж чанарыг агуулдаг (тэдний уг чанар өөрчлөгддөггүй, тэд Миний нэг хэсэг хэвээр байгаа). Иймд, дэлхийн бүтээлээс одоог хүртэл Миний үнэн бие үргэлж үзэгдэж байсан. Ихэнх хүмүүс, Миний махбод бол Миний үнэн бие гэх үзэлд итгэдэг ч энэ нь огтоос тийм биш; тийм санаа тэдний бодол, үзлээс л төрөн гардаг. Хэрвээ Миний махбод дангаараа Миний үнэн бие байсан бол Сатаныг шившиглэхэд хангалтгүй байх байлаа. Энэ нь Миний нэрийг алдаршуулж чадахгүй байх байсан ба үнэн хэрэгтээ эсрэг үр нөлөө үзүүлж, тэгснээрээ Миний нэрийг шившиглэж, эрин үеүдийн туршид Сатан Намайг шившиглэсний тэмдэг болох байсан билээ. Би бол ухаалаг Бурхан Өөрөө бөгөөд Би хэзээ ч тийм тэнэг зүйл хийхгүй байсан.

Миний ажил үр дүнтэй байх ёстой, үүнээс ч илүүтэйгээр Би үгээ арга барилтайгаар ярих ёстой; бүх үг болон айлдвар минь Миний Сүнсний дагуу яригддаг ба Өөрийн Сүнсний хийдэг бүхний дагуу Би ярьдаг. Иймээс Миний үгээр дамжуулан бүгд Миний Сүнсийг мэдэрч, Миний Сүнс юу хийж байгааг, Би яг юу хийхийг хүсдэгийг харж, Өөрийн үгийн дагуу ажиллах арга замыг минь болон Миний бүхий л удирдлагын төлөвлөөний зарчмууд юу болохыг харах хэрэгтэй. Би орчлон ертөнцийн дүр зургийг бүхэлд нь хардаг: Хүн бүр, үйл явдал болгон, газар нутаг бүр бүгд Миний тушаал дор байдаг. Хэн ч Миний төлөвлөгөөг зөрчиж зүрхэлдэггүй; бүгд Миний зааварчилсны дагуу алхам алхмаар урагшилдаг. Энэ бол Миний сүр хүч, Миний бүхий л төлөвлөгөөг удирдаж байгаа мэргэн ухаан минь энд оршдог. Хэн ч үүнийг бүхэлд нь ойлгож, тодорхой ярьж чадахгүй. Би бүгдийг биечлэн хийж, ганцаараа хянадаг.

Өмнөх: 104-Р БҮЛЭГ

Дараах: 106-Р БҮЛЭГ

Одоо үед гай гамшиг ойр ойрхон тохиолдож, Эзэн эргэн ирэх тухай зөгнөлүүд үндсэндээ биелсэн. Бид Эзэнийг хэрхэн угтан авч болох вэ?
Холбоо барих
Messenger дээр бидэнтэй холбоо барих

Холбогдох контент

4-Р БҮЛЭГ

Миний өмнө үйлчилдэг Миний бүх ард өнгөрснөө эргэн санах хэрэгтэй: Намайг хайрлах та нарын хайр ариун бусаар сэвтсэн үү? Надад өгсөн үнэнч...

12-Р БҮЛЭГ

Аянга Зүүн зүгээс цахих үед, энэ нь бас Миний үгээ айлдаж эхлэх яг тэр мөч байх бөгөөд—аянга цахих үед бүхий л дээд тэнгэр гэрэлтэж, бүх...

38-Р БҮЛЭГ

Хүний туулсан зүйлд Миний ямар нэг ул мөр хэзээ ч байгаагүй, Миний үгийн удирдамж хэзээ ч байгаагүй. Үүний үр дүнд Би хүнийг үргэлж хол...

Тохиргоо

  • Текст
  • Загвар

Цулгуй өнгө

Загвар

Үсгийн хэв

Үсгийн хэмжээ

Мөр хоорондын зай

Мөр хоорондын зай

Хуудасны өргөн

Гарчиг

Хайх

  • Энэ текстийг хайх
  • Энэ номоос хайх