Бурханы хүслийг чи ойлгох ёстой

I

Өнөөдөр та нарын өвлөж авсан зүйл урьдын бүх элч, эш үзүүлэгчийнхээс даван гардаг бөгөөд бүр Мосе, Петр хоёрынхоос ч илүү их юм. Ерөөлийг ганц, хоёрхон хоногт хүлээн авч чадахгүй; ихээхэн золиослолоор дамжуулан олж авах ёстой. Өөрөөр хэлбэл, та нараас Бурханы шаарддаг цэвэршүүлэгдсэн хайр, асар их итгэл, олон үнэн та нарт байх ёстой; үүн дээр нэмээд, та нар шударга ёсны төлөө хэзээ ч гуйвшгүй байж чадах ёстой ба Бурханыг гэсэн туйлбартай, хувиршгүй хайртай байх ёстой. Шийдэмгий байдлыг та нараас шаарддаг, амь зан чанарын өөрчлөлтийг ч шаарддаг; та нарын завхралыг эмчлэх ёстой ба та нар Бурханы зохион байгуулалтыг бүгдийг нь ямар ч гомдолгүйгээр хүлээн зөвшөөрч, бүр үхэх хүртлээ дуулгавартай байх ёстой. Энэ нь та нарын биелүүлэх учиртай зүйл юм. Энэ бол Бурханы ажлын эцсийн зорилт, мөн энэхүү бүлэг хүмүүст Бурханы тавьдаг шаардлага билээ.

II

Тэр та нарт өгөх үедээ хариуг нь бас та нараас шаардаж, тохирох шаардлага тавих ёстой болдог. Өндөр стандарттай, хатуу чанд шаардлагуудтай ажлыг Бурхан яагаад ахин дахин хийдгийг үүнээс харж болно. Ийм учраас та нар Бурханд итгэлээр дүүрэх учиртай. Товчхондоо Бурханы бүх ажил та нарын төлөө хийгддэг, ингэснээр та нар Түүний өвийг хүлээн авахад зохистой болох болно. Энэ нь Бурханы алдрын төлөө гэж хэлэхийн оронд та нарын авралын төлөө, мөн бохир газарт гүнээ зовж шаналсан энэ бүлэг хүмүүсийг төгс болгохын төлөө байдаг гэж хэлэх нь илүү дээр. Та нар Бурханы хүслийг ойлгох ёстой. Иймээс Би мунхаг, эрүүл ухаангүй, мэдлэггүй олон хүнд Бурханыг бүү турш, эсэргүүцэхээ боль гэж захидаг.

III

Хүний хэзээ ч туулаагүй бүх зовлонг Бурхан аль хэдийн туулсан ба аль хэдийнээ хүний оронд илүү их доромжлол амссан. Өөр юуг та нар орхиж чадахгүй вэ? Юу Бурханы хүслээс илүү чухал байж чадах билээ? Юу Бурханы хайраас дээгүүр байж чадах билээ? Үнэндээ, энэхүү бохир газарт Өөрийн ажлыг хэрэгжүүлэх нь Бурханы хувьд аль хэдийн хоёр дахин хэцүү бэрх үүрэг юм. Хэрвээ хүн мэдсээр байж санаатайгаар зөрчвөл Бурханы ажил хойшлогдох хэрэгтэй болно. Бурхан цаг хугацаанд баригддаггүй; Түүний ажил болон алдар суу нэгдүгээрт байдаг. Тиймээс, хэчнээн ч их удсан бай, Өөрийнхөө ажилд бол Тэр ямар ч золиослолыг гамнахгүй. Энэ нь Бурханы зан чанар юм: Өөрийнх нь ажил биелэх хүртэл Тэр амрахгүй.


Үг нь махбодоор илэрсэн номын “Бурханы ажил хүний төсөөлдөг шиг маш энгийн үү?”-ээс шинэчлэн найруулав

Өмнөх: Итгэлдээ Бурханд яаж гэрчлэл хийх вэ

Дараах: Хүний хийх ёстой гэрчлэл

Одоо үед гай гамшиг ойр ойрхон тохиолдож, Эзэн эргэн ирэх тухай зөгнөлүүд үндсэндээ биелсэн. Бид Эзэнийг хэрхэн угтан авч болох вэ?
Холбоо барих
Messenger дээр бидэнтэй холбоо барих

Холбогдох контент

Миний зүрх сэтгэлийн эрмэлзэл

1 Хүний амьдралын урт замнал салхи, бороо, олон өөрчлөлтөөр дүүрэн. Хүнд хэцүү, эл хуль жилүүд сунжирдаг. Бараан үүлс харанхуй ангал...

Бурханы сайн мэдээг хүлээнэ

Тэмүүлсэн харцаар Та яаравчлан дуудна. Харгис хүмүүстэй нүүр тулан Та зүрхээ уудална. Ганц хүслийн төлөө Та буруутгалыг эдэлнэ. Найдвараа,...

Чуулганы амьдрал үнэхээр сайхан

Бие махбодтой болсон Төгс Хүчит Бурхан минь ээ, бид дуу хоолойгоо өргөн Таныг магтана. Бурханы сонгосон хүмүүс тансаг найранд орохоор дээш...

Тохиргоо

  • Текст
  • Загвар

Цулгуй өнгө

Загвар

Үсгийн хэв

Үсгийн хэмжээ

Мөр хоорондын зай

Мөр хоорондын зай

Хуудасны өргөн

Гарчиг

Хайх

  • Энэ текстийг хайх
  • Энэ номоос хайх