Давид, Венесуэл

Би залуу байхдаа олон өөр ажил хийсэн. Венесуэлийн Сукре мужийн засгийн газарт цалин хянагч хийж, өдөр бүр цалингийн асуудал, олон хүний хүсэлтийг шийдвэрлэж, бас хууль тогтоох зөвлөлд хүний нөөцийн ажилтнаар ажиллаж, нэг хэсэг, насанд хүрэгчдийн оройн сургуульд компьютерын хичээл зааж байлаа. Миний бүх албан тушаалд нэг нийтлэг зүйл байсан, тэр нь олон хүнтэй шууд харилцах. Би өдөр бүр ажилдаа анхаарлаа төвлөрүүлж, нэлээд завгүй байдаг байсан ч амьдрал минь үргэлж тайван байсан. Цар тахал гэнэт дэгдэхэд би бусадтай харилцаж чадаагүй, миний орлого хоол хүнсний минь зардлын талыг ч төлж дийлээгүй. Миний амьдрал хямарч, хоол авахын тулд дараалалд зогсох хэрэгтэй болж, шатахуун авахаар 3 өдөр дараалалд зогссон. Тэр үед би тайтгарал олохоор Эзэний үгийг харсан юм. Манай хөрш ч бас итгэгч байсан, бид тааралдах болгондоо энэ бүх гамшгийг Библид зөгнөснийг, энэ бүх гай гамшгийн эх сурвалж нь хүн төрөлхтний ёрын муу, завхрал гэдгийг ярилцдаг байлаа. Бид эцсийн өдрүүдэд амьдарч байгаа, энэ цаг үед Эзэн Есүс биднийг шүүхээр эргэн ирнэ гэж Библид зөгнөсөн учраас бид Бурханы хамгаалалт, авралыг хүртэхийн тулд Бурханы талд буцаж очих ёстой байсан. Би өдөр бүр Бурханаас мэргэн ухаан өгч, залж чиглүүлээч гэж залбирч, Бурханыг мэдэхийг хүссэн, Бурханыг олох хэрэгтэй байсан, учир нь Бурханы үг л тайтгарал олж, нүгэл үйлдэхээ больж, Бурханд баяр хөөр авчирдаг хүн болох цор ганц зам байлаа. Тиймээс би Библиэ дэлгээд, намайг гэгээрүүлээч гэж Бурханаас гуйсан. Би Дуулал, Сургаалт үгсийн ном, бас Эзэн Есүсийн уулан дээрх номлолыг уншсан ч явах ёстой замаа олоогүй. Би үнэхээр төөрөлдөж, санхүүгийн асуудал минь улам хүндэрч, миний амьдрал хямарч, гэр бүлийнхнээ тэжээж чадаагүй. Охинд минь юм хэрэгтэй байхад би тусалж чадалгүй, үнэхээр гуниглаж, энэ бэрхшээл түр зуурынх гэж хэлэн охиноо тайтгаруулахаас өөр яаж ч чадаагүй хэр нь өөрөө ч тэр үгэндээ итгээгүй. Уй гуниг зүрх сэтгэлийг минь эзэмдэж, яахаа мэдэхгүй байсан. Би цагаачилж, энэ улсаас явж, өөр шийдэл хайхыг хүссэн ч цар тахлаас болоод хэрэгтэй бүх бичиг баримт, паспортоо авч чадаагүй. Миний хувьд юм бүхэн улам хэцүү болж байлаа. Яг тэр үед эхнэр минь цаашид хамт байхыг хүсэхгүй байна гэсэн. Тэгэхэд тамир тасарч ухаан алдах гэж байгаа мэт, амьдрал ямар ч утга учиргүй болсон юм шиг санагдсан. Би эмнэл зүйн хувьд хямралд орж, асар их өвдөж, үргэлж нулимсаа урсган, олон шөнийг унталгүй өнгөрөөж, Бурханд залбирах үедээ л бага зэрэг тайвширдаг байлаа.

Тэгтэл нэг өдөр би WhatsApp дээр мессеж авлаа. Нэг эгч намайг Христийн шашны нэг ангид орж Бурханы үгийг сонсохыг уриад, судлахыг хүсэж байна уу гэж асуусан. Намайг судалмаар байна гэхэд эгч намайг сургалтын бүлэгт нэмлээ. Төгс Хүчит Бурханы үгийг сонсох боломж олдох үед Бурхан миний залбиралд хариулсан мэт санагдсан. Би Төгс Хүчит Бурханы эрх мэдэлтэй айлдварт татагдаж, тэр үг надад байсан олон эргэлзээ, үзлийг шийдвэрлэж, Бурхан аль хэдийн эргэн ирээд, шинэ ажил хийж байгааг би олж мэдсэн. Энэ нь надад маш их нөлөөлсөн. Гайхаж, баярлаж, сониучирхах явцдаа би Бурханы 6,000 жилийн удирдлагын төлөвлөгөө, хүн төрөлхтнийг аврах ажлынх нь гурван үе шат, Бурхан эрин үе бүрд өөр өөр нэр авдаг, (Ехова, Есүс, Төгс Хүчит Бурхан), эрин үе бүрд хийсэн ажлынх нь утга учрыг мэдэж авсан. Төгс Хүчит Бурханы үгэнд татагдаад, би их баярласан. Би илүү их үнэнийг мэдэж авч, бусадтай хуваалцахыг хүссэн учраас сайн мэдээг хөршүүддээ баяртайяа номлож, Эзэн Есүс эргэн ирснийг тэдэнд хэлсэн. Бурханы эцсийн өдрүүдийн сайн мэдээг сонссон ямар ч итгэгч баярлан хөөрч, үнэнийг эрж хайж, сайн мэдээг баяртайгаар хүлээн авна гэж би бодсон ч яг эсрэгээрээ байсан. Тэднийг надаас “Энэний аль нь ч Библид байдаггүй, чи энийг хаанаас сонсоо вэ?” гэж асуухад би “Би онлайн сургалтын бүлгээс мэдэж авсан, дөнгөж судалж эхэлж байгаа болохоор миний мэдлэг хязгаарлагдмал байгаа, гэхдээ би Төгс Хүчит Бурханы үгэнд үнэхээр татагдсан” гэсэн. Тэд надад болгоомжтой бай, эцсийн өдрүүдэд олон хуурамч Христ гарч ирнэ гэсэн. Тэгээд над руу Библийн хоёр эшлэлийг явуулсан юм. “Хэрэв хэн нэгэн хүн та нарт ‘Хараач, Христ энд байна’ эсвэл ‘Хараач, Тэр тэнд байна’ гэвэл түүнд битгий итгэ. Учир нь хуурамч Христүүд, хуурамч эш үзүүлэгчид гарч ирж, боломжтой бол сонгогдсон хүмүүсийг ч төөрөлдүүлэхийн тулд тэмдэг, гайхамшиг үзүүлнэ. Харин болгоомжтой бай: харагтун, Би та нарт бүх зүйлийг урьдчилж хэлсэн” (Марк 13:21–23). Тэд намайг хуурамч шашин судалж байна гээд, 21-р зууны технологийн дэвшилтэт ертөнцөд Эзэн Есүс эргэн ирвэл дэлхий ертөнцийг бүхэлд нь доргиох агуу гайхамшиг үзүүлэх нь гарцаагүй, гэхдээ тийм юм хараахан болоогүй, бас Эзэн Есүс гарч ирж, өвчтэйг эдгээх, үхсэнийг амилуулах гэх зэргийг хийгээгүй, тиймээс Эзэн хараахан эргэж ирээгүй гэсэн үг гэж хэлсэн. Тэдний тэгж хэлэхийг сонсоод зүрх сэтгэл минь эргэлзээгээр дүүрч, би Эзэн Есүсээс урвахаас айгаад, мэхлэгдэж, хуурамч Христийг дагах вий гэж санаа зовсон. Тухайн үед би Эзэн Есүс үүл хөлөглөн эргэн ирж, агуу цагаан сэнтийд суугаад нүглийнх нь дагуу хүн бүрийг шүүнэ гэж итгэсэн хэвээр байсан ч сайн мэдээ түгээгчид Бурхан махбод болоод, бидний нүглийг шүүх үг айлдаж байгаа гэсэн юм. Энэ бүх зүйл миний дотор зөрчилдөөн үүсгэж, намайг бүр ч тавгүйтүүлсэн. Хэдий би оройн номлолоо тэсэн ядан хүлээж, үргэлжлүүлэн судалмаар санагдаж байсан ч хөршүүдийн хэлсэн зүйл сэтгэлд сэв суулгасан тул сэрэмжилсээр байлаа. Номлол эхлэхэд би тэр бүлгээс гаръя гэж шийдсэн.

Би тэр бүлгээс гарч байгаа шалтгааныхаа талаар WhatsApp дээр мессеж бичиж, хуурамч Христэд мэхлэгдэх талаар санаа зовж байгаагаа тайлбарлаад, хөршүүдийнхээ явуулсан Библийн эшлэлийг оруулсан. Яг тэр мессежийг илгээж, бүлгээс гарах гэж байтал гар утасны минь цэнэг дуусаад, унтарч байна гэсэн мэдэгдэл гэнэт ирлээ. Би цуглааны өмнө утсаа үргэлж цэнэглэдэг учраас цэнэг нь яагаад дуусчхав аа гэж гайхсан ч оюун ухаандаа шийдсэн хэвээр байсан. Би өөртөө, Христ эргэн ирсэн бол яаж агуу гайхамшиг байхгүй байх юм бэ гэж хэлээд, утсаа цэнэглэгчид дахин залгаж, бага зэрэг цэнэг авангуут нь мессежээ илгээхээр шийдсэн. 5% цэнэглэгдэхэд нь би утсаа асааж, бүлэгт явуулсан Библийн хэдэн эшлэлийг хараад, сониучирхан уншлаа. “Харагтун, Би үүдэнд зогсоод тогшиж байна: Хэрвээ хэн нэгэн Миний дуу хоолойг сонсоод хаалгаа нээвэл, Би түүн дотор орж, түүнтэй хамт, тэр Надтай хамт хооллох болно” (Илчлэл 3:20). “Миний хонин сүрэг Миний дуу хоолойг сонсдог, Би тэднийг мэддэг бөгөөд тэд Намайг дагадаг” (Иохан 10:27). Ах эгч нар нөхөрлөж, “Эзэн эргэж ирэхдээ хаалга тогшиж, Өөрийнхөө үгээр хоньдоо дуудна гэдгийг бид Бурханы үгээс харж болно. Эзэнийг угтаж авч чадах эсэх маань Эзэний дуу хоолойг сонсох эсэхээс ихээхэн хамаарна. Бид хаалгаа нээж, Эзэнийг угтан авч, хамт хооллохын тулд Эзэний дуу хоолойг сонсож чаддаг байх ёстой. Тиймээс Эзэн эргэж ирлээ гэж хэн нэгэн гэрчлэхийг сонсвол хаалгаа бүү хаа, эсвэл хууртахаас бүү ай, харин ухаалаг охин байж, Эзэний дуу хоолойг сонсоход анхаарах эсэх нь чухал” гэсэн. Тэгээд би нэг эгч Төгс Хүчит Бурханы үгийн нэг хэсгийг бүлэгт илгээснийг харсан. “Өнөө үед тэмдэг, гайхамшиг үзүүлж, чөтгөрүүдийг хөөн зайлуулж, өвчтэйг эдгээж, олон ид шид үзүүлж чадах хүн гарч ирээд, Есүс ирлээ хэмээн өөрийгөө зарлавал энэ нь Есүсийг дуурайсан муу ёрын сүнснүүдийн дүр эсгэлт байх болно. Үүнийг санаж яв! Бурхан нэг ажлаа давтдаггүй. Есүсийн ажлын үе шат аль хэдийн биелсэн ба ажлын тэрхүү үе шатыг Бурхан дахин хэзээ ч хийхгүй… Хүний үзлээр бол Бурхан үргэлж тэмдэг, гайхамшиг үзүүлэх ёстой, үргэлж өвчтэйг эдгээж, чөтгөрүүдийг хөөн зайлуулах ёстой, үргэлж яг л Есүс шиг байх ёстой. Гэвч энэ удаа Бурхан ердөө ч тийм байдаггүй. Хэрвээ эцсийн өдрүүдэд Бурхан тэмдэг, гайхамшиг үзүүлсээр, чөтгөрүүдийг хөөн зайлуулж, өвчтэйг эдгээсээр—яг Есүс шиг үйлдсэн бол нэг ажлаа давтаж байгаа хэрэг болж, Есүсийн ажил ямар ч ач холбогдол, үнэ цэнгүй байх байсан юм. Тиймээс Бурхан эрин үе бүрд ажлын нэг үе шатыг хэрэгжүүлдэг. Түүний ажлын үе шат бүрийг гүйцэлдмэгц муу ёрын сүнснүүд удалгүй дуурайдаг ба Сатан Бурханыг өсгий даран дагаж эхэлсний дараа Бурхан өөр арга барилд шилждэг. Бурхан ажлынхаа нэг үе шатыг биелүүлмэгц муу ёрын сүнснүүд үүнийг нь дуурайдаг. Та нар энэ талаар тодорхой ойлгох ёстой” (Үг. I Боть: Бурханы илрэлт ба ажил. Бурханы өнөөдрийн ажлыг мэдэх нь). Төгс Хүчит Бурханы үг, бусад ах, эгчийн нөхөрлөлийг уншаад би балмагдсан. Тэнд миний хүсэж байсан бүх хариулт байлаа. Би өөртөө энэ яг үнэн, Бурхан үргэлж шинэ, хэзээ ч хуучин байдаггүй, үргэлж шинэ ажил хийдэг, хуучин ажлаа давтахгүй гэж хэлсэн. Эзэн Есүс Хуулийн эрин үеийн ажлыг давтаагүй, тэгвэл Бурхан эргэж ирэхдээ яалаа гэж Нигүүлслийн эрин үеийнхтэй адилхан ажил хийх юм бэ? Төгс Хүчит Бурхан одоо ирээд, шинэ эрин үеийг эхлүүлж, Хаанчлалын эрин үеийн шинэ ажлыг хийж байгаа. Энэ ажлыг урьд өмнө хэзээ ч хийж байгаагүй. Төгс Хүчит Бурхан бүр бидэнд анхааруулсан, “Өнөө үед тэмдэг, гайхамшиг үзүүлж, чөтгөрүүдийг хөөн зайлуулж, өвчтэйг эдгээж, олон ид шид үзүүлж чадах хүн гарч ирээд, Есүс ирлээ хэмээн өөрийгөө зарлавал энэ нь Есүсийг дуурайсан муу ёрын сүнснүүдийн дүр эсгэлт байх болно.” Муу ёрын сүнснүүд л Бурханы урьдын ажлыг дуурайж, хүмүүсийг төөрөлдүүлэхийн тулд, Бурхан гайхамшиг үзүүлж байгаа мэт дүр эсгэдэг. Энэ намайг үнэхээр гэгээрүүлсэн. Би хуурамч Христүүдийг яаж ялган танихыг мэдэж авч, Хаанчлалын эрин үед Бурхан тэмдэг, гайхамшиг үзүүлдэггүйн жинхэнэ шалтгааныг мэдэж авсан. Эцсийн өдрүүдэд Бурхан үнэнийг илэрхийлснээр хүн төрөлхтнийг шүүж, цэвэрлэж, аврах ажил хийж, хүнийг хаанчлал руугаа хөтөлдөг. Энийг ойлгомогцоо би цуглаанд үргэлжлүүлэн оролцсон.

Сүүлд нь би Төгс Хүчит Бурханы үгийн өөр нэг хэсгийг уншсан юм. “Есүст итгэдэг хэн ч бай бусдыг харааж, яллах эрхгүй. Та нар бүгд эрүүл ухаантай, үнэнийг хүлээн авдаг хүмүүс байх хэрэгтэй. Магадгүй үнэний замыг сонсож, амийн үгийг уншаад, энэ 10,000 үгээс ганц нь л чиний бодол санаа болон Библитэй нийцэж байна гэж бодвол энэ 10,000 үгээс ганцыг нь чи цааш эрж хайх хэрэгтэй. Өөртөө хэт итгэлтэй байж, өөрийгөө хэт өндөрт өргөмжлөлгүйгээр даруу байхыг Би чамд бас зөвлөе. Бурханыг өчүүхэн төдий хүндэтгэх зүрх сэтгэлтэй бол чи илүү их гэрлийг олж авна. Чи эдгээр үгийг анхааралтай шинжилж, ахин дахин тунгаавал эдгээр нь үнэн мөн эсэх, амь мөн эсэхийг ойлгох болно. Магадгүй зарим хүн цөөн хэдэн өгүүлбэр уншчихаад л эдгээр үгийг сохроор яллаж, ‘Энэ чинь Ариун Сүнсний бага зэрэг гэгээрлээс цаашгүй юм байна’ эсвэл ‘Энэ бол хүмүүсийг төөрөлдүүлэх гэж ирсэн хуурамч Христ байна’ гэж хэлнэ. Ингэж хэлдэг хүмүүс мэдлэггүй байдалдаа сохорсон байдаг. Чи Бурханы ажил, мэргэн ухааны талаар хэтэрхий өчүүхэн ойлголттой тул чамд Би дахиад эхнээс нь эхэл гэж зөвлөж байна! Та нар эцсийн өдрүүдэд хуурамч Христүүд илэрдэг гээд Бурханы хэлсэн үгийг сохроор яллах ёсгүй, залилуулахаас айсандаа Ариун Сүнсийг доромжилдог нэгэн байх ёсгүй. Тэгвэл асар том эмгэнэл болох бус уу? Ихээхэн судалж шинжилснийхээ дараа ч чи эдгээр үг нь үнэн биш, зам биш, Бурханы илэрхийлэл биш гэдэгт итгэсээр байвал эцэстээ шийтгүүлж, ямар ч ерөөлгүй хоцорно. Хэрэв чи ийм тодорхой, илэн далангүй хэлсэн үнэнийг хүлээн авч чадахгүй бол Бурханаар авруулахад тохирохгүй бус уу? Чи Бурханы сэнтийн өмнө эргэн очихуйц ерөөгдсөн хүн биш гэж үү? Бодоод үз! Бодлогогүй, хуумгай бүү бай, Бурханд итгэх итгэлд тоглоом мэт бүү ханд. Хүрэх газрынхаа төлөө, хэтийн ирээдүйнхээ төлөө, амийнхаа төлөө бод, мөн өөрөөрөө бүү тогло. Чи эдгээр үгийг хүлээн авч чадах уу?” (Үг. I Боть: Бурханы илрэлт ба ажил. Есүсийн сүнслэг биеийг харах үед чинь Бурхан тэнгэр, газрыг шинээр бүтээсэн байх болно). Бурханы үгээс миний ойлгосноор, Бурхан эцсийн өдрүүдэд эргэн тухайд бид яг л ухаалаг охид шиг байж, Христийн илрэлтийг яаран үгүйсгэхгүй байх ёстой. Эцсийн өдрүүдэд хуурамч Христүүд гарч ирнэ гэдэг нь Бурханы шинэ ажил, Бурханы хэлдэг үгийг сохроор голж, яллаж болно гэсэн үг биш. Бид Бурханы дуу хоолойг сонсож сурч, даруухнаар эрж хайсан хандлагаар Бурханы ажлыг судлах хэрэгтэй. Тэр нь Бурханы дуу хоолойг сонсож, Эзэнийг угтан авах цорын ганц зам. Тэгэхгүй бол бид Бурханы авралыг алдана. Яг л Төгс Хүчит Бурханы хэлснээр: “Бодлогогүй, хуумгай бүү бай, Бурханд итгэх итгэлд тоглоом мэт бүү ханд. Хүрэх газрынхаа төлөө, хэтийн ирээдүйнхээ төлөө, амийнхаа төлөө бод, мөн өөрөөрөө бүү тогло. Чи эдгээр үгийг хүлээн авч чадах уу?” Хөршүүдийн маань хуваалцсан ташаа үзэл бодол Төгс Хүчит Бурханы ажлыг судлахад минь саад болох үед би тэрийг хөнгөн хуумгай хүлээн авчээ гэдгийг Төгс Хүчит Бурханы үг надад харуулсан. Би Төгс Хүчит Бурханы Чуулганыг илүү гүнзгий ойлгохоор оролдоогүй, асуултад минь хариулаач гэж Төгс Хүчит Бурханы Чуулганы хүмүүсээс асуугаагүй. Би сэтгэл хөөрлөөрөө тэр бүлгээс гарч, үнэн замыг судлахаа болихоор шийдээд, сэтгэл хөөрлөөсөө болоод эцсийн өдрүүд дэх Бурханы авралыг алдах шахсан шүү. Тэгээд би будилж, эргэлзэх үедээ сэтгэл хөөрөлд автах юм уу хөнгөн хуумгай шийдвэр гаргаж болохгүй, харин болгоомжтой байж, цаг ямагт Бурханд залбирч, үнэнийг эрж хайх ёстойгоо мэдсэн. Би Бурханы үгэнд хүндэтгэлтэй хандаж, даруухнаар эрж хайх ёстой байсан, тэгвэл би Бурханы удирдамжаас дуу хоолойг нь таньж, Эзэний эргэн ирэлтийг угтаж чадна. Өдөр бүр Төгс Хүчит Бурханы үгийг идэж, уугаад би Библийг илүү гүнзгий ойлгодог болсон тул энэ нь эцсийн өдрүүд дэх Бурханы илрэлт, ажил мөн гэдэгт итгэлтэй болж, Төгс Хүчит Бурханыг тээнэгэлзэлгүй хүлээн авсан.

Нэг өдөр би Төгс Хүчит Бурханы үгээс өөр хоёр хэсгийг уншсан юм. “Ийм зүйлийг судалж шинжлэх нь хэцүү биш боловч бид дор бүрнээ энэ нэг үнэнийг мэдэх шаардлагатай байдаг: Бие махбодтой болсон Бурхан Тэрбээр Бурханы мөн чанарыг эзэмшинэ, бие махбодтой болсон Бурхан Тэрбээр Бурханы илэрхийллийг эзэмшинэ. Бурхан махбод болдог тул хийхээр зорьж буй ажлаа авчирна, мөн Бурхан махбод болдог тул Өөрийн юу болохыг илэрхийлж, хүнд үнэнийг авчирч, амь хайрлаж, замыг заан харуулж чадна. Бурханы мөн чанаргүй махбод нь бие махбодтой болсон Бурхан лавтайяа биш; үүнд эргэлзэх зүйл үгүй. Хэрвээ хүн, Бурханы махбод болсон бие мөн эсэхийг судалж шинжлэхээр зорьж байгаа бол Түүний илэрхийлдэг зан чанар, хэлдэг үгээс үүнийг нотлох ёстой. Өөрөөр хэлбэл, Бурханы махбод болсон бие мөн эсэх, үнэн зам мөн эсэхийг нотлохын тулд хүн Түүний мөн чанарт үндэслэн ялган таних ёстой. Иймээс Бурханы махбод болсон бие мөн эсэхийг тодорхойлох гол түлхүүр нь гадаад дүр төрхөөс илүүтэйгээр Түүний мөн чанарт (Түүний ажил, Түүний айлдвар, Түүний зан чанар болон өөр олон талд) оршдог. Хэрвээ хүн Түүний гадаад дүр төрхийг л шинжлээд, үүний үр дүнд мөн чанарыг нь орхигдуулбал хүн харанхуй бүдүүлэг, мунхаг гэдгийг энэ нь харуулдаг” (Үг. I Боть: Бурханы илрэлт ба ажил. Өмнөх үг). “Махбод болсон Бурханыг Христ гэдэг, иймээс хүмүүст үнэнийг өгч чаддаг Христийг Бурхан гэдэг. Энэ тухайд ямар ч хэтрүүлсэн зүйл байхгүй, учир нь Түүнд Бурханы мөн чанар болон хүний хүрэх боломжгүй Бурханы зан чанар, Бурханы ажлын мэргэн ухаан байдаг. Өөрсдийгөө Христ гэдэг атлаа Бурханы ажлыг хийж чаддаггүй хүмүүс хуурамч юм. Христ бол газар дэлхий дээрх Бурханы илрэл төдий биш, харин хүмүүсийн дунд ажлаа хэрэгжүүлж, гүйцэлдүүлэхдээ Бурханы авсан онцгой махбод билээ. Энэ махбод нь газар дээрх Бурханы ажлыг зүй ёсоор гүйцэтгэж, Бурханы зан чанарыг илэрхийлж, Бурханы сайн төлөөлөл байж, хүнийг амиар хангаж чаддаг учир хүссэн хүн бүр үүнийг орлочхож чадахгүй. Христийг дуурайдаг хүмүүс эрт орой хэзээ нэгэн цагт бүгд унах болно, учир нь тэд өөрсдийгөө Христ гэцгээдэг ч, Христийн ямар ч мөн чанарыг эзэмшдэггүй. Иймд Би, Христийн жинхэнэ байдлыг хүн тодорхойлох боломжгүй, харин Бурхан Өөрөө үүнийг хариулж, шийддэг гэж хэлдэг. Ийм байдлаар, үнэхээр амийн замыг эрж хайхыг хүсвэл чи Бурхан газар дэлхийд ирснээр хүнд амийн замыг хайрлах ажил хийдэг гэдгийг эхлээд хүлээн зөвшөөрөх ёстой, мөн эцсийн өдрүүдэд Тэрээр хүнд амийн замыг хайрлахаар газар дэлхий дээр ирдэг гэдгийг хүлээн зөвшөөрөх ёстой. Энэ нь өнгөрсөн үе биш; харин өнөөдөр тохиолдож байгаа юм” (Үг. I Боть: Бурханы илрэлт ба ажил. Эцсийн өдрүүдийн Христ л хүнд мөнх амийн замыг өгч чадна). Бурханы үгээс миний олж мэдсэнээр бид жинхэнэ Христийг хуурамчаас нь ялгахдаа гадаад төрхөөр нь шүүж болохгүй, харин бид мөн чанарыг нь харах ёстой, өөрөөр хэлбэл, Бурханы ажлыг хийж, Бурханы үг, зан чанарыг илэрхийлж чадаж байна уу гэдгийг харснаар шийдэх ёстой. Бурхан махбод болж, үнэнийг илэрхийлж, ажлаа хийж байгаа. Бурханы илчилдэг бүхэн бол Бурханд юу байгаа, Бурхан юу болох юм, энэ нь тэр чигтээ Бурханы зан чанар тул Бурханы хийдэг ажил хүмүүсийг аварч чадна. Энэ нь хэнд ч байдаггүй, хэний ч хүрч чадахгүй зүйл. Тиймээс хүн Христ мөн эсэхийг тодорхойлох хамгийн зөв арга зам бол Бурханы ажлыг хийж, Бурханы үг, зан чанарыг илэрхийлж чаддаг эсэхийг нь харах. Төгс Хүчит Бурханы ажлыг судалж, үгийг нь уншиж байх хугацаандаа би Төгс Хүчит Бурханы үгэнд хүнийг гэх хайр нь илчлэгдсэнийг харснаас гадна Бурханы зөвт байдал, уур хилэн, сүр жавхланг бас харсан. Түүний үг яг л хурц илд мэт, бидний зүрх сэтгэл доторх завхралыг ярж, Бурханыг эсэргүүцдэг сатанлаг зан чанарыг маань илчилдэг. Бид Бурханы үгээс өөрсдийн дотоод завхрал, Бурханд итгэхдээ явах ёстой замаа шууд олж харж чадна. Бурханы үгийг хэрэгжүүлснээр бид завхарсан зан чанараа аажмаар шийдвэрлэж, хэвийн хүн чанарыг амьдран харуулж чадна. Төгс Хүчит Бурханы үг үнэний маш олон нууцыг илчилж, хүн төрөлхтнийг аврах 6,000 жилийн удирдлагын төлөвлөгөөг нь мэдэж авах боломж олгодог. Эдгээр зүйлийг Библиэс, эсвэл өөр ямар ч шашнаас олох боломжгүй. Энэ нь эцсийн өдрүүдэд Бурханы хүн төрөлхтөнд илчилж буй үнэний бүх нууц, хүмүүсийн урьд нь сонсож, харж байгаагүй бүх зүйл. Бурханаас өөр нэг ч хүн, ямар ч агуу хүн үнэнийг илэрхийлж, хүн төрөлхтнийг аварч чадахгүй. Бие махбодтой болсон Бурхан л үнэнийг илэрхийлж, хүнийг шүүж, цэвэрлэх ажил хийж, зам, үнэн, амийг бидэнд авчирч чадна. Төгс Хүчит Бурханы үгээс би Тэр бол эцсийн өдрүүдийн Христ, тэнгэр, газар, бүх зүйлийг бүтээсэн Бурхан, газар дээрх хүний амьдралыг залж чиглүүлэх хууль гаргасан Бурхан, бүх хүн төрөлхтнийг золин аврахаар цовдлогдсон Бурхан, үүнээс гадна, биднийг нүглээс аврахаар эцсийн өдрүүдэд эргэн ирсэн Бурхан гэдгийг баталгаажуулсан. Бурхан бол Эхлэл, Төгсгөл, Төгс Хүчит Бурхан бол эргэн ирсэн Эзэн Есүс гэдэг нь эргэлзээгүй. Тэр хуурамч Христүүд бол эрт орой хэзээ нэгэн цагт унах нэр зээлдэгчид, учир нь тэд үнэнийг илэрхийлж чадахгүй, Бурханы шинэ ажлыг хийх чадваргүй, завхралаас ангижирч, аврагдахад нь хүмүүсийг залж чиглүүлж чадахгүй. Тэд хүмүүсийг мэхэлж, завхруулахын тулд Бурханы урьдын ажлыг дуурайж л чадна. Одоо эцсийн өдрүүдийн Христ, Төгс Хүчит Бурхан үнэнийг илэрхийлж, Бурханы гэрээс эхлэн шүүлтийн ажлыг хийж, хүмүүсийг завхралыг цэвэрлэж, өөрчилж, хүн төрөлхтнийг нүглээс аварч байгаа. Төгс Хүчит Бурханы ажил, үг жинхэнэ Бурхан гэдгийг нь бүрэн нотолдог. Энэ нь эргэлзээгүй.

Өмнө нь би үзэлтэйгээ зууралддаг байжээ. Бурхан эцсийн өдрүүдэд тэнгэр дэх агуу цагаан сэнтийгээсээ хүний нүглийг шүүнэ гэж би боддог байсан ч цуглаанд оролцож, Бурханы үгийг уншаад миний энэ үзэл шийдвэрлэгдсэн. Яагаад гэвэл, би Бурхан эцсийн өдрүүдэд шүүлтээрээ дамжуулан хүмүүсийг яаж ариусгадгийг мэдэж авсан. Тэгээд Эзэн Есүсийн хэлсэн үгийг харсан юм: “Та нарт хэлэх зүйл Надад олон байгаа боловч та нар одоо тэдгээрийг дааж чадахгүй. Гэхдээ үнэний Сүнс болох Тэр ирэх үедээ та нарыг бүх үнэн рүү удирдана: учир нь Тэр Өөрийн санаагаар ярихгүй; харин сонссон зүйлээ Тэр ярих болно: мөн Тэр ирэх зүйлсийг та нарт харуулна” (Иохан 16:12–13). “Үнэнээр тэднийг ариусгаач: Таны үг үнэн билээ” (Иохан 17:17). “Хэрвээ Миний үгийг сонсоод баримталдаггүй хүн байвал Би түүнийг шүүхгүй: учир нь Би дэлхий ертөнцийг шүүхийн тулд биш харин аврахын тулд ирсэн билээ. Намайг голж, Миний үгийг хүлээж авдаггүй хүнийг шүүх шүүгч байдаг: Миний хэлсэн үгс түүнийг эцсийн өдөр шүүх болно” (Иохан 12:47–48). Нэг өдөр би Төгс Хүчит Бурханы үгээс энийг уншсан. “Хүнийг золин аврахаас өмнө Сатаны олон хор аль хэдийн түүний дотор суучихсан бөгөөд Сатанаар олон мянган жил завхруулагдсаны дараа хүний дотор Бурханыг эсэргүүцэх уг чанар тогтсон байдаг. Тиймээс хүнийг золин аврах нь хүнийг өндөр үнээр буцаан авсан золин авралаас цаашгүй байсан боловч хүний доторх хорт уг чанарыг таягдан хаяагүй юм. Ингэж их бузартсан хүн Бурханд үйлчлэхүйц болохоосоо өмнө өөрчлөгдөх ёстой. Шүүлт, гэсгээлтийн энэ ажлаар дамжуулан өөрийнхөө доторх бохир, завхарсан мөн чанарын талаар хүн бүрэн мэдэж авах бөгөөд бүрэн өөрчлөгдөж, цэвэр болж чадна. Ийм маягаар л хүн Бурханы сэнтийн өмнө буцан очих үнэ цэнтэй болж чадна. Өнөөдөр хийгдэж байгаа бүх ажил нь хүнийг цэвэрлэж, өөрчлөхийн төлөө байдаг; үгийн шүүлт, гэсгээлт, мөн цэвэршүүлэлтээр дамжуулан хүн завхралаа хаяж, ариусгагдаж чадна. Ажлын энэ үе шатыг авралын ажил гэж үзэхээс илүүгээр ариусгалтын ажил гэж нэрлэх нь илүү тохиромжтой” (Үг. I Боть: Бурханы илрэлт ба ажил. Бие махбодтой болохын нууц 4). “Эцсийн өдрүүдэд Христ хүнийг сургах, хүний мөн чанарыг ил болгох, хүний үг болон үйлдэлд нь дүн шинжилгээ хийхийн тулд төрөл бүрийн үнэнийг хэрэглэдэг. Хүний үүрэг, хүн яаж Бурханд дуулгавартай байх ёстой, хүн яаж Бурханд үнэнч байх ёстой, хүн яаж хэвийн хүн чанарыг амьдран харуулах учиртай болон Бурханы мэргэн ухаан, зан чанар гэх зэрэг төрөл бүрийн үнэн эдгээр үгэнд агуулагддаг. Эдгээр үг нь бүгд хүний мөн чанар болон ялзарсан зан чанар луу чиглэдэг. Ялангуяа, хүн Бурханыг хэрхэн голдгийг илчилсэн үгсийг, хүн Сатаны биелэл, Бурханы эсрэг дайсны хүч болдогтой холбогдуулан хэлсэн байдаг. Шүүлтийн ажлаа хийхдээ Бурхан хүний уг чанарыг ердөө хэдхэн үгээр тодорхой болгодог юм биш; Тэрээр удаан хугацааны туршид илчилж, харьцаж, засдаг. Илчлэл, харьцалт болон засалтын эдгээр аргыг энгийн үгээр бус, харин хүнд огт байдаггүй үнэнээр л орлуулж болно. Зөвхөн ийм төрлийн арга барилыг л шүүлт гэж нэрлэж болно; ийм төрлийн шүүлтээр л дамжуулан хүн номхорч, Бурханд бүрэн үнэмшээд зогсохгүй, Бурханы тухай жинхэнэ мэдлэгийг олж авдаг. Шүүлтийн ажлын авчирдаг зүйл гэвэл Бурханы жинхэнэ дүр төрх болон өөрийнх нь тэрслүү байдлын үнэний талаарх хүний ойлголт юм. Шүүлтийн ажил нь хүнд Бурханы хүслийн тухай, Бурханы ажлын зорилгын тухай, хүний ойлгошгүй нууцуудын тухай ихээхэн ойлголт олж авах боломж олгодог. Түүнчлэн, өөрийн ялзарсан мөн чанар болон ялзралынхаа үндсийг таньж мэдэх, хүний муу муухайг нээн илрүүлэх боломжийг олгодог. Энэ бүх үр дүнг шүүлтийн ажил авчирдаг, учир нь энэ ажлын мөн чанар нь үнэндээ Бурханы үнэн, зам, амийг Түүнд итгэдэг бүх хүнд нээх ажил юм. Энэ ажил нь Бурханы хийдэг шүүлтийн ажил билээ” (Үг. I Боть: Бурханы илрэлт ба ажил. Христ шүүлтийн ажлыг үнэнээр хийдэг). Бурхан бие махбодтой болж, хүн төрөлхтнийг өөрчилж, аврахын тулд үнэнийг илэрхийлснээр эцсийн өдрүүдийн шүүлтийн ажлыг хийж байгааг би мэдэж авсан. Төгс Хүчит Бурхан аль хэдийн үг хэлж, биеэ тоосон, зальжин, ёрын муу зан зэрэг хүний сатанлаг уг чанарыг илчилсэн. Бас хүний аминч зан, шуналыг илчилж, Өөрийнхөө үгийн шүүлтээр дамжуулан хүмүүст завхралынхаа үнэнийг харж, өөрсдийгөө үзэн ядаж, Бурханд гэмшиж, Бурханыг хүндэлж, дуулгавартай дагах боломж олгосон. Хүний сатанлаг уг чанарыг шийдвэрлэх цорын ганц зам бол эцсийн өдрүүд дэх Төгс Хүчит Бурханы шүүлтийн ажил. Хэн ч тийм юм хийж чадахгүй. Тэр үед би хэрвээ Бурхан тэнгэр дэх агуу цагаан сэнтийгээс хүн бүрийг шүүсэн бол Сатаны завхруулсан бүх хүн төрөлхтний дундаас хэн ч аврагдах боломжгүй байсныг ухаарсан. Яагаад гэвэл, бүх хүн төрөлхтөн Сатаны завхралд автсан. Хэдийгээр Эзэн Есүсийн цовдлолын авралаар золин аврагдаж, нүгэл маань уучлагдсан ч бид нүгэлтнүүд хэвээр. Бид нүгэл үйлдэж, нүглээ улайх тойргоор ахин дахин явдаг. Бид шүүлт туулахгүй бол завхралаа цэвэрлүүлж чадахгүй, эцэст нь Бурханаар яллагдаж, таягдан хаягдана. Бурханы үгээр шууд шүүгдэж, илчлэгдсэнээр л бид өөрсдийгөө үнэхээр мэдэж авч, завхралаа ариусгуулж чадна. Төгс Хүчит Бурханы хэлснээр: “Өнөөдөр хийгдэж байгаа бүх ажил нь хүнийг цэвэрлэж, өөрчлөхийн төлөө байдаг; үгийн шүүлт, гэсгээлт, мөн цэвэршүүлэлтээр дамжуулан хүн завхралаа хаяж, ариусгагдаж чадна.”

Нэг удаа цуглаан дээр Төгс Хүчит Бурханы үгийн нэг хэсгийг уншсан минь миний сэтгэлийг үнэхээр хөдөлгөсөн. “Үнэнийг ойлгодоггүй хүмүүс үргэлж бусдыг дагадаг: Хүмүүс үүнийг Ариун Сүнсний ажил гэж хэлэх юм бол чи ч гэсэн Ариун Сүнсний ажил мөн байна гэж хэлнэ; хэрвээ хүмүүс үүнийг муу ёрын сүнсний ажил гэж хэлбэл чи ч гэсэн эргэлзэж эхлэн, эсвэл бас үүнийг муу ёрын сүнсний ажил байна гэж хэлнэ. Чи бусдын үгийг үргэлж тоть шиг давтдаг бөгөөд өөрөө юуг ч ялган салгах чадваргүй, бас өөрийнхөөрөө бодож сэтгэж чаддаггүй. Энэ бол баримтлах байр суурьгүй, ялган салгах чадваргүй хүн бөгөөд ийм хүн бол хэнд ч хэрэггүй хүн юм! Чи дандаа бусдын үгийг давтдаг: Өнөөдөр үүнийг Ариун Сүнсний ажил гэж хэлж байгаа ч нэг өдөр үүнийг Ариун Сүнсний ажил биш, харин хүний үйл хэргээс цаашгүй гэж хэн нэгэн хүн хэлж магадгүй—гэсэн ч чи үүнийг ялган салгаж чадахгүй бөгөөд бусад хүний хэлэхийг сонсоод чи ч бас тэгж хэлнэ. Энэ нь үнэндээ Ариун Сүнсний ажил, гэвч чи үүнийг хүний ажил гэж хэлдэг; чи Ариун Сүнсний ажлыг гутаадаг хүмүүсийн нэг болсон бус уу? Чи ийнхүү ялган салгаж чадахгүй байгаа учраас Бурханыг эсэргүүцсэн бус уу?” (Үг. I Боть: Бурханы илрэлт ба ажил. Бурханыг болон Бурханы ажлыг мэддэг хүмүүс л Түүнийг сэтгэл хангалуун байлгаж чадна). Бурханы үг бидэнд үнэн замыг судлахдаа бусдын зөвлөгөөг сохроор сонсож, хүний үзэл, төсөөлөлд үндэслэн Бурханы ажлыг үнэлэхгүй байхыг анхааруулсан. Ингэвэл бид Эзэний замаас холдож, эцэст нь Бурханд гологдож, таягдан хаягдаад, аврагдах боломжоо алдана. Энэ гунигт бодит байдал бидний хэнд ч тохиолдож болзошгүй. Би мунхаг, ойворгон байснаасаа ичсэн. Бурханы дуу хоолойг сонсож, эдгээр үг эрх мэдэл, үнэнийг агуулж байгааг мэдэрснийхээ дараа ч би яаж хөршүүдийнхээ нөлөөнд автаж, хэлсэн үгээс нь болж төөрөлддөг байна аа? Мунхаглалаасаа болоод би Төгс Хүчит Бурханы Чуулганаас гарч, Эзэн Есүсийн эргэн ирэлтийг угтаж авалгүй, аврагдах боломжоо сүйд хийх шахсан! Харалган, мэдлэггүй байдал минь тийм аймшигтай үр дагаварт хүргэх байсан! Би цаг үргэлж ухаалаг охин байх ёстойгоо ойлгосон. Бид Бурханы дуу хоолойг сонсох үедээ эргэлзэж болохгүй. Чин сэтгэлээсээ залбирч, биднийг гэгээрүүлж, залж чиглүүлэхийг Бурханаас гуйж, бусдыг сохроор дагахгүй байх ёстой, учир нь бид бүгд бүтээгдсэн зүйл, бидэнд үнэн байхгүй. Петр Эзэн Есүсийн үгийг сонсоод, дараа нь Эзэнийг дагасан шиг бид цаг ямагт Бурханы үгийг дагах ёстой. Урьдын мунхаг, мэдлэггүй байдлаа бодоод би Төгс Хүчит Бурханд залбирч, алдааг минь уучлаач гэж гуйж, Төгс Хүчит Бурханыг хүлээн авч, үгийнх нь шүүлт, авралыг хүлээн авахад бэлэн санагдсан.

Тэр үеэс хойш би Төгс Хүчит Бурханы үгийг өдөр бүр уншсан, сул дорой байх үедээ бүдэрч, унахгүйн тулд Бурханаас итгэл, хүч чадал гуйдаг. Бурханы удирдамж, тусламжийн ачаар би одоо сэтгэл хямралаа давж гараад, эерэг хүн болж, бас шинэ ажилд орсон. Энэ бүхэн Бурханы гайхалтай зохицуулалтын ач гэж надад санагддаг. Аажмаар миний амьдрал бага зэрэг дээрдсэн, хамгийн чухал нь би өдөр бүр Төгс Хүчит Бурханы үгийг ууж, идэж, бусадтай хамт цугларч, нөхөрлөж чадна. Одоо би сайн мэдээ номлож, Бурханы үгийг гэрчилж, үнэн замаар цангадаг илүү олон жинхэнэ итгэгчид Бурханы дуу хоолойг сонсож, эцсийн өдрүүдийн авралыг нь хүлээн авахад тусалж эхэлсэн.