Үг нь махбодоор илэрсэн

Агуулга

Хүний мөн чанар ба ялгамж чанар

Үнэндээ тэд сэтгэлээр унаагүй ба тэд өнөөдрийг хүртэлх сүүлийн зургаан мянган жилийн хугацаанд юу хийгдсэнийг харсаар байсан, учир нь Би тэднийг орхиогүй билээ. Харин ч, муу ёрын нэгний танилцуулсан сайн мууг мэдүүлэгч модны жимсийг өвөг дээдэс нь идсэн учраас тэд нүглийн төлөө Намайг орхисон юм. Сайн нь Надад харьяалагддаг байхад хорон муу нь нүглийн төлөө Намайг мэхэлдэг муу ёрын нэгэнд харьяалагддаг. Би хүнийг буруутгадаггүй, мөн Би тэднийг хайр найргүй хядаж эсвэл тэднийг өршөөлгүй гэсгээлтэнд өртүүлэхгүй, учир нь хорон муу анхнаасаа хүн төрөлхтөнд харьяалагдаж байгаагүй билээ. Тиймээс хэдий тэдгээр Израильчууд Намайг олны өмнө загалмайд цовдолсон боловч Мессиа болон Еховаг хүлээж, Аврагч Есүсийг хүсэн тэмүүлсээр ирсэн тэд Миний амлалтыг мартаагүй. Учир нь Би тэднийг хаяагүй юм. Эцсийн эцэст Би хүнтэй байгуулсан гэрээнийхээ баталгаа болгон цусыг сонгож авсан. Энэхүү баримт нь гэм зэмгүй, залуу хүмүүсийн зүрх сэтгэлд бичигдсэн гэрээний цус болсон ба энэ нь тамгалуулсан мэт, тэнгэр газрын мөнхийн хамтын оршин тогтнол шиг байдаг. Би урьдчилан тогтоож, сонгосныхоо дараа Өөрөө золин аварч, олж авсан, Намайг муу ёрын нэгнээс илүү хайрладаг тэдгээр гунигт сүнснүүдийг Би хэзээ ч хуураагүй. Тиймээс тэд Миний эргэн ирэлтийг тэсэн ядан хүлээж, Надтай уулзахыг сэтгэл түгшин хүлээж байдаг. Тэдэнтэй цусаар байгуулсан гэрээгээ Би хэзээ ч арилгаагүй болохоор тэдний тэсэн ядан хүлээсээр байгаа нь гайхах зүйл биш. Би олон жилийн турш төөрсөн эдгээр хургануудыг эргүүлэн олж авах болно, учир нь Би хүнийг үргэлж хайрласан билээ. Хүний сайн сайхан дээр нэмэгдсэн муу ёрын элементүүдийн улмаас хэдийгээр Би намайг хайрладаг агаад Өөрийн аль хэдийн хайрласан ядуу дорд сүнснүүдийг олж авах боловч Намайг хэзээ ч хайрлаагүй бөгөөд дайснууд мэт авирласан тэдгээр муу ёрын хүмүүсийг Би хэрхэн Өөрийн гэртээ авчирч чадах билээ? Хэдий Би хүнтэй цусаар гэрээ байгуулсан ч гэсэн Намайг үзэн ядаж, эсэргүүцэж, сөргөлдөж, дайран давшиж, хараадаг диавол болон хорт могойн үр удмыг Би Өөрийн хаанчлалд оруулахгүй. Би ажлыг яагаад, хэний төлөө хийдгийг чи мэдэх учиртай. Чиний хайранд байгаа зүйл сайн уу эсвэл муу юу? Чи Намайг үнэхээр Давид, Мосе нар шиг мэдэх үү? Чи үнэхээр Надад Абрахам шиг үйлчилдэг үү? Надаар төгс болгуулж байгаа чинь үнэн боловч чи үүнийг мэдэх ёстой: Чи хэнийг төлөөлөх вэ? Чи хэнтэй адил үр дүнтэй байх вэ? Намайг мэдэрснээр дамжуулан өөрийн амьдралдаа чи баяр хөөртэй, элбэг дэлбэг ургацтай байдаг уу? Энэ нь элбэг агаад үржил шимтэй юү? Чи өөрийгөө шалгах учиртай. Олон жилийн турш Миний төлөө уйгагүй хөдөлмөрлөсөн боловч чи ямар нэгэн зүйл олж авсан уу? Чи өөрчлөгдсөн үү эсвэл ямар нэг зүйл олж авсан уу? Зовлон бэрхшээлтэй дадлага туршлагынхаа оронд чи цовдлогдсон Петр шиг эсвэл цохигдож, агуу гэрлийг хүлээн авсан Паул шиг болсон уу? Чи эдгээрийн талаар мэдэж байх ёстой. Би гичийн үрнээс жаахан, элсний ширхэг шиг хэмжээтэй чиний амийн талаар байнга ярьж, бодож байгаа биш. Үнэнийг хэлэхэд Миний удирддаг зүйл бол хүн төрөлхтөн. Гэхдээ Би нэгэнтээ үзэн ядаж байсан ч дараа нь дахин олж авсан хүний амийг Өөрийн удирдлагын чухал хэсэг гэж үздэггүй. Чиний урьдны ялгамж чанар яг юу байсан, чи хэнд боол шиг үйлчилдэг байсан тухайгаа тодорхой мэдэж байх учиртай. Тиймээс Би тэднийг удирдахын тулд Сатаных шиг хүний царайг түүхий эд болгон ашигладаггүй, учир нь хүмүүс бол үнэ цэнэтэй зүйл биш билээ. Анх та нарт хандаж байсан Миний хандлагыг болон тухайн үед та нарыг нэрлэж байсан нэрийг та нар санаж байх ёстой ба энэ нь бодит ач холбогдолгүй байгаагүй. Та нарын толгой дээрх “малгай” ул үндэсгүй биш гэдгийг чи мэдэх ёстой. Та нар анхнаасаа Бурханд харьяалагдаж байгаагүй харин аль эртнээс Сатанд олзлогдож, түүний гэрт үнэнч зарц нар шиг үйлчилж байсан гэдгээ та нар бүгд мэдэж байгаа гэж Би таамаглаж байна. Та нар хэдийнээ Намайг мартчихсан, учир нь та нар удаан хугацаанд Миний гэрийн гадна, харин муу ёрын нэгний гарт байсан юм. Миний авардаг хүмүүс бол Миний аль эртнээс урьдчилан тогтоосон, Надаар золин аврагдсан хүмүүс юм, тэгэхэд ядуу дорд сүнснүүд та нарыг дүрмийг үл харгалзан хүмүүсийн дунд оруулсан. Та нар Давидын эсвэл Иаковын гэрт харьяалагддаггүй, харин Харь үндэстний овгийн гишүүн болох Моабын гэрийнх гэдгээ та нар мэдэж байх учиртай. Учир нь Би та нартай гэрээ байгуулаагүй, харин зөвхөн та нарын дунд ажил хийж, үг хэлж та нарыг удирдсан. Миний цус та нарын төлөө урсаагүй. Би зөвхөн Өөрийн гэрчлэлийн төлөө та нарын дунд ажлаа хийсэн. Та нар үүнийг мэдээгүй юү? Миний ажил та нарын өмнөөс цусаа урсган үхсэн Есүсийнхтэй үнэхээр адилхан гэж үү? Би та нарын төлөө тийм их доромжлолыг амссан нь үнэхээр ямар ч үнэ цэнэгүй байсан. Огт нүгэлгүй Бурхан туйлын жигшмээр, балиар агаад хүн амьдрахын аргагүй гахай, нохойнд зориулсан газарт үнэхээр ирсэн юм. Гэсэн хэдий ч Би Өөрийн Эцгийн алдрын төлөө болон мөнхийн гэрчлэлийн төлөө энэ бүх харгис доромжлолуудыг тэвчсэн. Та нар өөрсдийн биеэ авч явах байдлаа мэдэж, та нар бол “баян, хүчирхэг гэр бүлд” төрсөн хүүхдүүд биш харин зүгээр л Сатаны ядуу зүдүү үр удам гэдгээ харах учиртай. Та нар бол хүмүүсийн дундах үүсгэн байгуулагчид биш бөгөөд та нарт хүний эрх, эрх чөлөө байхгүй. Та нарт анхнаасаа хүн төрөлхтний эсвэл тэнгэрийн хаанчлалын ерөөлийн ямар ч хувь байгаагүй. Учир нь та нар хүн төрөлхтний дотроос хамгийн ёроолд нь байдаг ба Би та нарын ирээдүйг хэзээ ч бодож байгаагүй. Тиймээс хэдийгээр өнөөдөр та нарыг төгс болгох итгэл Надад байгаа нь Миний анхдагч төлөвлөгөөний нэг хэсэг байсан боловч энэ нь урьд хожид үзэгдээгүй ажил юм, учир нь та нарын байр суурь хэтэрхий дорд агаад та нарт анхнаасаа хүн төрөлхтний хувь байгаагүй. Энэ нь хүмүүст өгөгдсөн ерөөл биш гэж үү?

Миний авардаг хүмүүс бол ариутгалын ертөнцөөс Миний аль эрт чөлөөлсөн мөн Миний аль эрт зочилсон, сонгогдсон хүмүүс байдаг, учир нь тэдний дундах Миний дахин илрэлтийг тэд маш их хүсэн хүлээсэн билээ. Би тэднийг хайрласан учраас Тэд Намайг хайрласан бөгөөд Миний цусаараа байгуулсан гэрээг өөрсдийн зүрх сэтгэлдээ хоногшуулсан. Тэд Намайг олон жилийн турш эрж хайсан төөрсөн хурганууд шиг бөгөөд тэд бол сайн, тиймээс Би тэднийг сайн Израильчууд, өхөөрдөм бяцхан тэнгэрэлчүүд гэж нэрлэдэг. Хэрвээ Би тэдний дунд байсан бол ийм доромжлолыг туулахгүй байх байсан. Учир нь тэд Намайг аминаасаа ч илүү хайрладаг ба Би тэднийг бүх зүйлийн дундаас хамгийн гоё сайхан нь мэт хайрладаг. Учир нь тэд Надаар бүтээгдсэн бөгөөд Надад харьяалагддаг; тэд хэзээ ч Намайг мартаагүй. Тэдний хайр та нарын хайрыг даван гардаг бөгөөд та нар өөрсдийн амиа хайрладагаас ч илүү үнэнчээр тэд Намайг хайрладаг. Бяцхан цагаан тагтаанууд тэнгэрт захирагддаг шиг тэд Надад та нараас илүү үнэнчээр захирагддаг. Тэд Адамын үр сад, Иаковын хойч үе агаад Миний сонгосон хүмүүсийн дунд байдаг учраас, мөн Би та нарыг хайрладгаасаа ч илүүтэйгээр тэднийг аль эрт хайрласан учраас ийм байдаг, харин та нар хэтэрхий тэрслүү, та нарын эсэргүүцэл хэтэрхий ноцтой учраас та нар Намайг хэтэрхий их дорд үзэж, Надад хүйтэн хөндий хандаж, Намайг хэтэрхий бага хайрлаж, Намайг хэтэрхий их үзэн яддаг. Та нар Миний ажлыг басамжилж, Миний үйлдлүүдийг хэтэрхий их жигшдэг. Тэднээс ялгаатай нь та нар Миний үйлдлүүдийг хэзээ ч эрдэнэс мэт үзэж байгаагүй. Үүний оронд та нар яг Сатан шиг хилэгнэсэн улаан нүдээр тэдгээрийг жигшдэг. Та нарын дуулгавартай байдал хаана байна вэ? Та нарын ёс зүй хаана байна вэ? Та нарын хайр хаана байна вэ? Та нар өөрсдөдөө байгаа хайрын элементийг хэзээ харуулсан юм бэ? Хэзээ та нар Миний ажлыг ноцтойгоор авч үзсэн юм бэ? Намайг тэсэн ядан хүлээж, Намайг тэсэн ядан хүлээх зуураа асар ихээр зовж байгаа дур булаам тэнгэрэлчүүдийг өрөвдөж байна, учир нь Би тэднийг маш халуун дотноор хайрладаг билээ. Гэсэн хэдий ч Миний өнөөдрийн хардаг зүйл бол тэдэнтэй ямар ч хамаагүй хүний-бус ертөнц юм. Та нарын мөс чанар аль хэдийн хөшүүн, мэдрэлгүй болсон гэж та нар бодохгүй байна уу? Та нар бол Намайг дур булаам тэнгэрэлчүүдтэй нэгдэхэд саад болдог өөдгүй амьтад гэж та нар бодохгүй байна уу? Тэд Миний эргэн ирэлтийг хэзээ хүлээхгүй байсан юм бэ? Тэд Надтай нэгдэхээ хэзээ хүлээхгүй байсан юм бэ? Надтай хамт сайхан өдрүүдийг өнгөрүүлж, хамт хооллохоо тэд хэзээ хүлээхгүй байсан юм бэ? Та нар өнөөдөр юу хийж байгаагаа хэзээ нэгэн цагт ухаарсан уу – тухайлбал дэлхий ертөнц даяар догшин ширүүн авирлаж, бие биенийхээ эсрэг хуйвалдаж, бие биенээ хууран мэхэлж, урвамтгай, нууцлаг, ичгүүргүйгээр авирлаж, үнэнийг үл мэдэж, шударга бус, зальжин байж, бялдуучлал хэрэглэж, өөрсдийгөө үргэлж зөв, бусдаас илүү сайн гэж тооцон, их зантай байж, уулын зэрлэг амьтад шиг хэрцгий, араатнуудын хаан шиг бүдүүлэг авирлах – энэ нь хүнтэй адилхан байдал гэж үү? Та нар бол бүдүүлэг агаад бодлогогүй. Та нар Миний үгийг хэзээ ч эрдэнэс шиг үзээгүй харин оронд нь та нар тоомсоргүй хандлага баримталсан. Ийм байдлаар амжилт, жинхэнэ хүний амьдрал болон сайхан итгэл найдвар хаанаас ирэх юм бэ? Чиний хэмжээ хязгааргүй төсөөлөл чамайг үнэхээр барын амнаас аварна гэж үү? Энэ нь чамайг шатаж буй галаас үнэхээр аварна гэж үү? Хэрвээ чи Миний ажлыг үнэхээр үнэлж баршгүй эрдэнэс гэж үзсэн бол ийм байдалд орох байсан гэж үү? Чиний хувь заяа үнэхээр өөрчлөгдөшгүй байж таарах уу? Чи тийм харамсалтайгаар насан эцэслэхэд бэлэн гэж үү?