Төгс Хүчит Бурханы Чуулганы апп

Бурханы дуу хоолойг сонсож, Эзэн Есүсийн эргэн ирэлтийг угтан аваарай!

Бүх үнэнийг эрэлхийлэгчдийг бидэнтэй холбогдохыг урьж байна.

Үг нь махбодоор илэрсэн

Цулгуй өнгө

Загвар

Үсгийн хэв

Үсгийн хэмжээ

Мөр хоорондын зай

Хуудасны өргөн

Хайлтын үр дүн 0

Ямар ч үр дүн олдсонгүй.

`

Ажил ба оролт (3)

Бурхан хүмүүст маш ихийг даалгасан ба хүний оролтын талаар эцэс төгсгөлгүй олон удаа ярьсан. Гэхдээ хүмүүсийн хэв чанар маш дорд учраас Бурханы үгийн ихэнхийг бараг дагадаггүй. Тэдний хэв чанар муу байдагт, хүний үзэл суртал, ёс суртахууны завхрал, зүй зохистой хүмүүжлийн хомсдол гэх мэтийн олон янзын шалтгаан бий; феодалын нийгмийн мухар сүсэг хүний зүрх сэтгэлийг нухацтайгаар эзэмдсэн байдаг; доройтож, завхарсан амьдралын хэв маяг нь хүний зүрх сэтгэлийн хамгийн гүнд орших олон өвчин эмгэгийг үүсгэдэг; хүмүүсийн бараг ерэн найман хувь нь соёлын боловсролын дутагдалд орсон өнгөц төдий соёлын мэдлэгтэй, түүнээс ч илүүгээр маш цөөхөн хүн өндөр түвшний соёлын боловсрол эзэмшдэг, ингэснээр Сүнс юу болох эсвэл Бурхан хэн болох талаар хүмүүст ямар ч ойлголт байдаггүй, харин Бурханы талаар феодалын нийгмийн мухар сүсгээс үүссэн тодорхой бус, ойлгомжгүй төсөөлөлтэй байдаг; олон мянган жилийн үндэстний омог болон феодалын нийгмийн сэтгэлгээнээс үүссэн хүний зүрх сэтгэл дэх гүн гүнзгий хортой нөлөө нь хүмүүсийг өчүүхэн төдий ч эрх чөлөөгүй, баригдмал болгосон ба хүмүүсийг ямар ч хүсэл тэмүүлэлгүй, тэвчээргүй, ахиц дэвшил гаргах хүсэлгүй, харин эсрэгээрээ идэвхгүй, доройтсон, боолын сэтгэхүйтэй болгосон ба энэ нь нэлээд хүчтэй байдаг. Эдгээр хүчин зүйлс нь хүний үзэл суртлын төрх байдал, туйлын зорилго, ёс суртахуун, зан чанарын арилшгүй бохир муухай төрхийг бий болгосон. Хүмүүс харанхуй террорист ертөнцөд амьдарч байгаа мэт харагддаг ба хэн ч үүнийг давж гарахаар зорьдоггүй, хэн ч хүслэнт дэлхийд очихыг боддоггүй; үүний оронд тэд өөрсдийн амьдралын төөргийг хүлээн зөвшөөрч[a], өдөр хоногийг хүүхэд төрүүлэн өсгөж, хичээж, хөлсөө урсгаж, ажиллаж, тав тухтай, аз жаргалтай гэр бүл, хань ижлийн хайр, хүүхдүүдийн ачлал элбэрэл, өтөл насны баяр баясгалан болон амар тайван амьдралыг мөрөөдөж өдөр хоногийг өнгөрүүлдэг. ... Одоог хүртэлх олон арван, мянга мянган жилийн туршид хүмүүс цагаа дэмий үрж, хэн ч төгс амьдрал бүтээлгүй, харанхуйн ертөнцөд зүгээр л бие биетэйгээ тэмцэлдэж, нэр алдар эд хөрөнгөний төлөө тэмцэж, нэг нэгнийхээ эсрэг явуулга хийсээр ирсэн билээ. Хэн Бурханы хүслийг хайж байсан бэ? Бурханы ажлыг анхаарч үзсэн ямар нэгэн хүн байсан уу? Харанхуйн нөлөөнд автсан хүний доторх энэ бүх хэсгүүд нь аль хэдийн хүний уг чанар болсон, иймээс Бурханы ажлыг гүйцэтгэхэд нэлээд хэцүү бөгөөд өнөөдөр Бурханы даалгасан зүйлд анхаарал хандуулах зүрх сэтгэл хүмүүст бүр ч бага байдаг. Ямартай ч Миний ярьж байгаа зүйл нь олон мянган жилийн түүх учраас Миний ингэж ярьж буйд хүмүүс юм бодохгүй гэж Би итгэж байна. Түүх ярих нь бодит байдал гэсэн үг, цаашлаад хов жив нь бүгдэд илэрхий байдаг, иймээс бодит баримтын эсрэг зүйлийг ярих нь ямар хэрэгтэй юм бэ? Гэхдээ эдгээр үгийг хараад ухаалаг хүмүүс сэрж, ахиц гаргахын төлөө хичээх болно гэж Би бас итгэж байна. Хүмүүс амар тайван, сэтгэл хангалуун амьдарч, ажиллаж мөн үүний зэрэгцээ Бурханыг хайрлах чадвартай байх болно гэж Бурхан найддаг. Бүх хүн төрөлхтөн амралтанд ороосой гэдэг нь Бурханы хүсэл юм; үүнээс ч илүүтэйгээр бүхий л газар нутгийг Бурханы алдраар бүрхэх нь Бурханы агуу хүсэл юм. Хүмүүс харанхуй бүдүүлэг агаад ухаан мэдрэлгүй хэвээр байж, Сатанаар маш ихээр завхруулагдсандаа өнөөдөр хүнтэй адил байж чадахаа больсон нь ичгүүртэй хэрэг юм. Иймээс хүний бодол, ёс суртахуун болон боловсрол нь чухал холбоосыг бүрдүүлж, соёлын мэдлэгийн сургалт нь хоёр дахь холбоосыг бүрдүүлдэг ба хүний соёлын хэв чанарыг өсгөж, тэдний сэтгэл санааны байдлыг өөрчилсөн нь дээр юм.

Үнэндээ Бурхан хүмүүсээс их зүйл шаарддаггүй боловч хүмүүсийн хэв чанар болон Бурханы шаарддаг стандартын хоорондох зай маш их учраас ихэнх хүмүүс Бурханы шаардлагуудын чиглэлд зүгээр л хардаг боловч тэдгээрийг биелүүлэх чадвар дутмаг байдаг. Хүмүүсийн төрөлхийн чадавх болон төрснийхөө дараа эзэмшсэн зүйл нь Бурханы шаардлагад нийцэхэд хавьгүй хангалтгүй юм. Гэхдээ энэ зүйлийг зүгээр л хүлээн зөвшөөрөх нь баттай шийдэл биш. Холын ус ойрын цангааг тайлж чадахгүй. Хэдий хүмүүс өөрсдийгөө тоос шорооноос дор гэдгээ мэддэг ч хэрвээ тэдэнд Бурханы зүрх сэтгэлийг хангалуун болгох шийдвэр байхгүй, тэр ч байтугай Бурханы шаардлагад нийцэх дэвшилтэт замаар явахгүй бол тэр мэдлэг нь ямар үнэ цэнэтэй байх юм бэ? Энэ нь усыг шүүлтүүрээр татаж байгаатай адил хий дэмий оролдлого байхгүй гэж үү? Миний хэлж байгаа зүйлийн хамгийн гол чухал нь оролттой хамаатай байдаг; тэр бол гол сэдэв юм.

Хүний оролтын үйл явцын үеэр амьдрал үргэлж уйтгартай байдаг бөгөөд залбирал хийх, Бурханы үгийг идэж, уух эсвэл цугларалт хийх гэх мэтийн сүнслэг амьдралын нэгэн хэвийн элементүүдээр дүүрэн байдаг, ингэснээр хүмүүст, Бурханд итгэх нь ямар ч зугаа цэнгэл авчирдаггүй гэж дандаа санагддаг. Тийм сүнслэг үйл ажиллагаануудыг, Сатанаар завхруулагдсан хүн төрөлхтний анхдагч зан чанарын үндсэн дээр үргэлж гүйцэтгэдэг. Хэдийгээр хүмүүс заримдаа Ариун Сүнсний гэгээрлийг хүлээн авдаг боловч тэдний анхдагч сэтгэхүй, зан чанар, амьдралын хэв маяг, зуршлууд нь тэдний дотор үндэслэсэн хэвээр байдаг ба иймээс тэдний угийн чанар өөрчлөгдөлгүй хадгалагдан үлддэг. Хүмүүсийн оролцдог мухар сүсгийн үйл ажиллагааг Бурхан хамгийн их үзэн яддаг боловч одоо ч гэсэн, олон хүмүүс тэдгээрийг орхиж чадахгүй байдаг ба эдгээр мухар сүсгийн үйл ажиллагаа нь Бурханаар тушаагдсан гэж бодож, өнөөдөр ч гэсэн тэдгээрээс хараахан бүрэн ангижирч чадаагүй. Хуримын цайллага болон хуримын инжиндээ зориулан залуучуудын бэлддэг зүйл; бэлэн мөнгөөр өгдөг бэлэг, цайллага, мөн баяр ёслол тэмдэглэдэг ижил төстэй арга замууд; удамшин ирсэн эртний хэллэг; нас барсан хүмүүс болон тэдний оршуулгын зан үйлтэй холбоотой явагддаг бүх утга учиргүй мухар сүсгийн үйл ажиллагаа: энэ бүхнийг Бурхан бүр ч их жигшдэг. Бүтэн сайн өдрийг ч гэсэн (иудейчүүдийн тэмдэглэдэг Амралтын өдөр) бас Бурхан жигшдэг; нийгмийн харилцаа болон хүмүүсийн хоорондох энэ ертөнцийн харилцаа холбоог Бурхан бүр илүүтэй зэвүүцэн голдог. Хүн бүхний мэддэг Хаврын Баяр болон Зул сарын баярыг Бурхан зарлигдаагүй, тэр ч бүү хэл эдгээр баярын өдрүүдийн тоглоом, чимэглэл (баярын шүлэг, Шинэ Жилийн бялуу, салют, дэнлүү, Зул сарын бэлэг, Зул сарын үдэшлэг, Ариун Цуглаан) зэрэг нь хүмүүсийн зүрх сэтгэл дэх шүтээн биш гэж үү? Амралтын Өдрийн талх хуваалт, дарс, сайхан зотон даавуу зэрэг нь бүр ч гарцаагүй шүтээн билээ. Лууны толгой өргөх Өдөр, Луун Завины Баяр, Намрын Дунд сарын Баяр, Лаба фестиваль, Шинэ жилийн өдөр гэх мэтийн Хятадад түгээмэл байдаг янз бүрийн уламжлалт баяр наадам мөн Улаан өндөгний баяр, Баптисмын өдөр, Зул сарын баяр гэх мэт шашны ертөнц дэх ямар ч утга учиргүй баярууд нь өнөөг хүртэл эрт дээр үеэс уламжлагдан ирсэн бөгөөд Бурханы бүтээсэн хүн төрөлхтөнд бүгдээрээ тохирохгүй юм. Хүмүүсийн баялаг төсөөлөл болон “уран сэтгэмж” нь, тэдгээрийг өнөөдрийг хүртэл өвлөгдөн ирэх боломжтой болгосон. Тэдгээр нь өө сэвгүй харагддаг боловч үнэндээ хүн төрөлхтнөөр тоглосон Сатаны заль мэх юм. Тэнд Сатанууд хэдий чинээ их бөөгнөрнө, тэр газар нь хэдий чинээ их хоцрогдсон, доройтсон байх ба феодалын ёс заншил төдий чинээ гүн тогтсон байдаг. Эдгээр зүйлс нь хүмүүсийг хөдлөх аргагүй болтол нь чанга чанд барьдаг. Шашны ертөнц дэх олон баяр ёслол нь агуу өвөрмөц харуулж, Бурханы ажилтай холбох гүүрийг бүтээх мэт харагддаг, гэхдээ тэдгээр нь үнэндээ Бурханы талаар мэдүүлэхгүйн тулд хүмүүсийг хүлж багласан Сатаны баригдашгүй уяа, Сатаны заль мэх юм. Үнэндээ, Бурханы ажлын үе шат дуусах үед тухайн үеийн хэрэгсэл болон хэв маягийг Тэр ямар ч ул мөргүйгээр аль хэдийн устгасан байдаг. Гэсэн хэдий ч “үнэн сүсэгт итгэгчид” тэдгээр материаллаг биетүүдийг шүтэн мөргөсөөр байдаг; ингэх зуураа тэд Бурханд юу байгааг огтхон ч судлахгүйгээр сэтгэлийнхээ мухарт хийж орхидог, харахад Бурханыг гэсэн хайраар дүүрэн мэт байдаг ч үнэндээ Түүнийг аль хэдийн гэрээсээ хөөн гаргасан ба шүтэн мөргөхийн тулд Сатаныг ширээн дээр тавьсан байдаг. Есүсийн хөрөг, Загалмай, Мариа, Есүсийн Баптизм болон Сүүлчийн Зоог энэ бүгдийг хүмүүс Тэнгэрийн Эзэн мэт сүсэглэн хүндэлдэг ба тэгэнгээ “Бурхан Эцэг минь” хэмээн ахин дахин хашхирдаг. Энэ бүхэн нь доог тохуу биш гэж үү? Өнөөдрийг хүртэл, хүн төрөлхтний дунд өвлөгдөн ирсэн олон төстэй үг хэллэгүүд болон дадал заншлуудыг Бурхан үзэн яддаг; тэдгээр нь Бурхан руу урагшлах замд ноцтойгоор саад болж, цаашлаад хүн төрөлхтний оролтонд асар их хүндрэл үүсгэдэг. Сатан хүн төрөлхтөнийг завхруулсан хэмжээг үл хайхран, Витнесс Лигийн хууль, Лауренсийн туршлага, Вачман Нигийн судалгаа, Паулын ажил гэх мэт зүйлс хүмүүсийн дотор талыг бүрэн дүүргэсэн. Хүмүүсийн дотор хэтэрхий их хувиа хичээх үзэл, хууль, дүрэм журам, зохицуулалт, систем гэх мэтийн зүйл байдаг учраас Бурхан хүн дээр ажиллах ямар ч аргагүй байдаг; хүмүүсийн феодалын нийгмийн мухар сүсгийн хандлага дээр нэмээд эдгээр зүйлс нь хүмүүсийг олзолж, залгисан. Хүмүүсийн бодол санаа нь үүлэн дээр яваа гайхалтай амьтадтай хөдөлгөөнт, өнгөт үлгэрийн кино шиг, хүмүүсийг гайхшруулж, цочирдуулан хэлэх үггүй болгож орхихуйц маш их уран сэтгэмжтэй байдаг. Үнэнийг хэлэхэд Бурханы өнөөдөр хийхээр ирсэн ажил нь үндсэндээ хүмүүсийн мухар сүсэгтэй шинж чанартай харьцаж, үүнийг арилгаж, тэдний сэтгэл санааны байдлыг бүрмөсөн өөрчлөх явдал юм. Бурханы ажил бол үеэс үед залгамжлагдан өвлөгдөж, өнөөдрийг хүртэл хүн төрөлхтнөөр хадгалагдсан зүйл биш; энэ нь Түүний биечлэн эхлүүлж, дуусгадаг ажил бөгөөд тодорхой нэгэн агуу сүнслэг хүний өв уламжлалыг залгамжлах эсвэл өөр эрин үед Бурханы хийсэн бэлгэдлийн чанартай ямар нэгэн ажлыг өвлөх хэрэггүй юм. Хүмүүс эдгээр зүйлсийн алинд ч анхаарлаа хандуулах хэрэггүй. Өнөөдөр ярьж, ажиллах өөр төрлийн хэв маяг Бурханд байдаг, иймээс хүмүүс яагаад өөрсөддөө түвэг удах ёстой гэж? Хэрвээ хүмүүс “өвөг дээдсийнхээ” өв уламжлалыг үргэлжлүүлэх зуураа одоогийн урсгал доторх өнөөдрийн замаар алхдаг бол тэд хүрэх газартаа хүрэхгүй. Бурхан хүний ертөнцийн жил, сар, өдөр хоногуудад дургүйцдэгийнхээ адилаар хүний зан авирын яг энэ байдалд гүнээ зэвүүцдэг.

Хүний зан чанарыг өөрчлөх шилдэг арга бол хүмүүсийн зүрх сэтгэлийн гүн дэх гүнзгий хордсон эдгээр зүйлийг эсрэгээр нь эргүүлж, өөрсдийн үзэл суртал, ёс суртахууныг өөрчилж эхлэх боломжийг хүмүүст олгох явдал юм. Юун түрүүнд, эдгээр бүх шашны зан үйл, шашны үйл ажиллагаа, жил, сар болон баяр наадмыг бүгдийг нь Бурхан үзэн яддаг гэдгийг хүмүүс тодорхой ойлгох хэрэгтэй. Тэд феодалын нийгмийн үзэл суртлын эдгээр гав гинжнээс чөлөөлөгдөж, өөрсдөд нь гүн гүнзгий суусан дур сонирхол болон мухар сүсгийн ул мөр болгоныг арилгах ёстой. Эдгээр нь бүгд хүний оролтонд хамаардаг. Бурхан яагаад хүмүүсийг мөнх бус ертөнцөөс холдуулдаг болохыг, мөн Тэр яагаад хүнийг дүрэм, журмаас холдуулдаг болохыг та нар ойлгох учиртай. Энэ нь та нарын орох үүд хаалга бөгөөд хэдийгээр та нарын сүнслэг туршлагатай ямар ч хамаагүй боловч эдгээр нь та нарын оролтыг хааж байгаа, Бурханыг мэдэхэд чинь саад болж байгаа хамгийн том саад тотгор юм. Тэдгээр нь хүмүүсийг орооцолдуулсан торыг үүсгэсэн. Олон хүмүүс Библийг хэтэрхий их уншдаг ба үүгээр ч зогсохгүй Библийн тоогүй олон ишлэлүүдийг цээжээр уншиж чадна. Өөрсдийн өнөөдрийн оролтондоо, Бурханы ажлыг хэмжихдээ хүмүүс, Бурханы ажлын энэ үе шатны үндэс нь Библи, үүний эх үүсвэр нь Библи юм шигээр өөрийн мэдэлгүй Библийг ашигладаг. Бурханы ажил Библитэй таарч байх үед хүмүүс Бурханы ажлыг хүчтэй дэмждэг бөгөөд Түүнийг өмнөхөөсөө илүү хүндлэлээр хүндэтгэн үздэг; Бурханы ажил Библитэй тохирохгүй байх үед хүмүүс маш их санаа зовон Бурханы ажлын үндсийг үүнээс эрж хайн хөлсөө урсгадаг; хэрвээ Бурханы ажил Библид дурдагдаагүй бол хүмүүс Бурханыг үл ойшоох болно. Бурханы өнөөдрийн ажлын тухайд гэвэл ихэнх хүмүүс Бурханы өнөөгийн ажлыг болгоомжтойгоор хүлээн зөвшөөрч, шилж сонгон дуулгавартай дагаж, үүнийг мэдэх талаар хайхрамжгүй ханддаг гэж хэлж болно; өнгөрсөн үеийн зүйлсийн тухайд гэвэл тэд талыг нь аваад, талыг хаядаг. Үүнийг оролт гэж хэлж болох уу? Бусдын номыг эрдэнэс мэт үзэж, хаанчлалын хаалгыг нээх алтан түлхүүр мэт тэдгээрт ханддаг атлаа хүмүүс өнөөдөр Бурханы тэднээс шаарддаг зүйлд ямар ч анхаарал хандуулдаггүй. Цаашлаад, олон “ухаалаг мэргэжилтнүүд” зүүн гартаа Бурханы үгийг, харин баруун гартаа бусдын “эх бүтээлийг” барьж, Бурханы үг зөв гэдгийг бүрэн батлахын тулд эдгээр эх бүтээлээс Бурханы ажлын үндсийг олохыг хүсэж байгаа мэт байдаг ба тэр ч бүү хэл тэд ажил дээрээ байгаа мэтээр Бурханы үгийг эх бүтээлүүдтэй нийлүүлэн бусдад тайлбарладаг. Үнэнийг хэлэхэд, хүмүүсийн дундах олон “шинжлэх ухааны судлаачид” өнөөдрийн орчин үеийн шинжлэх ухааны амжилтуудыг, урьд өмнө үзэгдээгүй шинжлэх ухааны амжилтуудыг (Бурханы ажил, Бурханы үг болон амийн оролтын зам гэх мэт) хэзээ ч өндрөөр бодож байгаагүй, иймээс хүмүүс бүгд “өөртөө найдаж”, өөрсдийн уран цэцэн үгэндээ найдаж хаа сайгүй “номлож”, “Бурханы сайн нэрийг” сайрхдаг. Энэ зуур тэдний өөрсдийн оролт аюулд өртдөг бөгөөд энэ мөчөөс эхлээд тэд Бурханы шаардлагаас энэ дэлхийн бүтээл шиг хол зайтай байгаа мэт санагддаг. Бурханы ажлыг хийх нь хэр амархан байх вэ? Хүмүүс өөрсдийн хагасыг өчигдөрт орхиж, хагасыг нь өнөөдөрт авчирч, хагасыг нь Сатанд өгч, хагасыг нь Бурханд бэлэглэхээр аль хэдийн шийдсэн мэт санагддаг ба ингэх нь мөс чанараа амрааж, тав тухын мэдрэмжийг мэдрэх зам мэт байдаг. Хүмүүсийн дотоод ертөнц маш зусар зальхай, тэд зөвхөн маргаашийг ч биш мөн өчигдрөө алдахаас айж, Сатаныг болон оршин байгаа мэт эсвэл үгүй мэт санагддаг өнөөдрийн Бурханыг хоёуланг нь гомдоохоос маш их айдаг. Хүмүүс өөрсдийн үзэл суртал болон ёс суртахуунаа зүй зохистойгоор хөгжүүлж чадаагүй учраас тэдний ялган салгах чадвар нь туйлын дутмаг бөгөөд өнөөдрийн ажил нь Бурханых уу эсвэл үгүй юу гэдгийг тэд хэлж чаддаггүй. Магадгүй хүмүүсийн феодалын нийгмийн мухар сүсгийн сэтгэлгээ хэтэрхий гүн гүнзгий байдаг учраас тэд мухар сүсэг болон үнэн, Бурхан болон хуурамч шүтээнийг аль хэдийн адилхан ангилалд оруулж, эдгээр зүйлсийг хооронд нь ялган таних талаар анхаардаггүй бөгөөд тархиа гашилган бодсоныхоо дараа ч гэсэн тодорхой ялган салгах чадваргүй байгаа мэт харагддаг. Тийм учраас хүмүүс өөрсдийн алхаагаа зогсоож цаашид урагшлахаа больдог. Энэ бүх асуудал нь хүмүүсийн зөв үзэл суртлын боловсрол дутмагаас үүдэн гардаг бөгөөд энэ нь тэдний оролтонд томоохон саад тотгорыг авчирдаг. Үүний үр дүнд хүмүүс жинхэнэ Бурханы ажлыг хэзээ ч сонирхдоггүй харин энэ нь брендээр тамгалагдсан мэт хүний (агуу хүн гэж харагддаг хүмүүсийн) ажилтай шаргуу зууралддаг[b]. Эдгээр нь хүний орох ёстой хамгийн сүүлийн үеийн сэдвүүд биш гэж үү?

Тайлбар:

a. “Амьдралын төөргийг хүлээн зөвшөөрсөн” гэдэг нь хүмүүс дүрэм журамтай зууралддаг ба хууль зөрчсөн юу ч хийдэггүй гэдгийг илтгэдэг.

b. “Шаргуу зууралддаг” гэдгийг тохуурхан ашигласан. Энэ хэллэг нь, хүмүүс бол зөрүүд агаад үг авдаггүй, хоцрогдсон зүйлстэй зууралдаж, тэдгээрийг тавьж явуулах хүсэлгүй байдаг гэдгийг илтгэдэг.

Өмнөх:Ажил ба оролт (2)

Дараах:Ажил ба оролт (4)

Танд таалагдаж магадгүй