Үг нь махбодоор илэрсэн

Агуулга

Та нарын зан араншин маш дорд!

Та нар бүгд гоёмсог суудалд сууж, өөрсөдтэйгээ адил төрлийн залуу үеийнхэндээ зааж сурган, тэднийг өөртэйгээ хамт суулгадаг. Та нарын тэр “хүүхдүүд” аль хэдийн амьсгаагүй болсон ба тэдэнд Миний ажил аль хэдийн байхгүй болсон гэдгийг та нар яаж мэдэхгүй байх юм бэ? Миний алдар Дорнын газар нутгаас Өрнийн газар нутаг хүртэл гэрэлтдэг боловч Миний алдар ертөнцийн хязгаар хүртэл тархах үед, мөн урган гарч, гэрэлтэж эхлэх үед Би Дорнын алдрыг буцаан авч, Өрнө зүгт аваачих болно, ингэснээр Намайг орхисон Дорно зүгийн харанхуйн энэ хүмүүс тэр цагаас эхлээд гэрлийн гялбаагүй байх болно. Тэр үед та нар сүүдэрт хөндийд амьдрах болно. Хэдийгээр өнөөдрийн хүмүүс өмнөхөөсөө зуу дахин илүү дээр боловч тэд Миний шаардлагад нийцэж чадахгүй хэвээр байгаа ба тэд Миний хувьд алдар цуутай гэрчлэл биш хэвээр байгаа. Та нар өмнөхөөсөө зуу дахин илүү дээр байх чадвартай байгаа нь бүхэлдээ Миний ажлын үр дүн юм – энэ нь газар дээрх Миний ажлаас бий болсон үр жимс юм. Гэсэн хэдий ч Би та нарын үг болон үйл хэрэг, зан араншинг зэвүүцсээр байдаг бөгөөд Миний өмнө гаргаж байгаа та нарын үйлдэлд хандан Би итгэмээргүй их дургүйцлийг мэдэрдэг, учир нь та нарт Миний талаарх ямар ч ойлголт байхгүй. Тэгвэл та нар хэрхэн Миний алдрыг амьдран харуулж, яаж Миний хожмын ажилд туйлын үнэнч байж чадах юм бэ? Та нарын итгэл маш сайхан; та нар өөрийнхөө амьдралыг Миний ажилд зориулж, үүний төлөө ямар нэг зүйлийг, бүх зүйлийг хийхэд бэлэн гэж хэлдэг боловч та нарын зан чанар тийм ч их өөрчлөгдөөгүй. Зөвхөн бардам үгс л байсан бөгөөд та нарын бодит үйлдэл тун өөдгүй. Хүний ам болон уруул тэнгэрт байдаг боловч хөл нь хаа хол газар дээр байгаа мэт санагддаг, иймээс түүний үг, үйл хэрэг болон нэр төр нь аймаар нөхцөл байдалд байсаар байдаг. Та нарын нэр төр сүйрсэн, та нарын намба төрх доройтож байгаа, та нарын ярьж байгаа байдал дорд, амьдрал чинь жигшүүртэй, тэр ч бүү хэл та нарын хүн чанар чинь дорд. Та нар хүмүүст явцуу бодлоор ханддаг бөгөөд бүхий л жижиг сажиг зүйл дээр маргалддаг. Та нар өөрсдийн нэр төр, байр сууриас болж там руу, галан нуур луу унахад бэлэн байх хэмжээнд хүртлээ хэрэлддэг. Та нарын одоогийн үг болон үйл хэрэг Би та нарыг нүгэлтэй гэж тодорхойлоход хангалттай. Миний ажилд хандах та нарын хандлага Миний хувьд та нарыг зөвт бус гэж тодорхойлоход хангалттай бөгөөд зан чанар чинь та нарыг жигшил зэвүүцлээр дүүрэн бузар сүнснүүд гэж хэлэхэд хангалттай. Та нарын илрэл болон илчилдэг зүйл чинь та нарыг бузар сүнсний цусыг хангалттай уусан хүмүүс гэж хэлэхэд хангалттай байдаг. Хаанчлалд орох тухай ярих үед та нар өөрсдийнхөө мэдрэмжийг харуулдаггүй. Та нарын одоо байгаа байдал Миний тэнгэрийн хаанчлалын хаалгаар ороход чинь хангалттай гэж та нар итгэж байна уу? Үг болон үйл хэрэг чинь Миний туршилтыг туулахгүйгээр та нар Миний ажил болон үгний ариун газарт орох оролтыг олж авч чадна гэж итгэж байна уу? Миний хоёр нүдийг хэн амжилттайгаар мэхэлж чадах юм бэ? Та нарын жигшүүртэй, дорд ааш авир болон яриа яаж Миний харцнаас зайлж чадах юм бэ? Та нарын амьдрал бол тэдгээр бузар сүнсний цусыг ууж, махыг идсэн амьдрал хэмээн Надаар тодорхойлогдсон, учир нь та нар Миний өмнө өдөр бүр тэдний гадаад төрх байдалтай адил болж байдаг. Миний өмнө та нарын зан авир нэн муу байсан, тиймээс Би яаж зэвүүцэхгүй байх юм бэ? Та нарын хэлдэг зүйлд бузар сүнсний ариун бус байдал байдаг: Та нар хар шид хэрэглэдэг хүмүүсийн адилаар, мөн хууран мэхэлж, зөвт бусын цусыг уудаг хүмүүсийн адилаар хууран мэхэлж, нуун далдалж, зусарддаг. Хүн төрөлхтний бүх илрэл нь маш зөвт бус байдаг, иймээс зөвт шударгуудын байдаг ариун газарт яаж бүх хүмүүсийг байрлуулж болох юм бэ? Жигшүүртэй зан авир чинь чамайг зөвт бус хүмүүсээс ариун хэмээн ялгаж чадна гэж та нар бодож байна уу? Чиний могойнх шиг хэл эцэстээ, сүйрэл учруулж, зэвүүцэл төрүүлдэг махан биеийг чинь мөхөөж, бузар сүнсний цусанд хучигдсан гар чинь мөн эцэстээ чиний сүнсийг там руу татах болно, иймээс чи бузраар хучигдсан гараа цэвэрлэхийн тулд яагаад энэ боломж руу харайхгүй гэж? Зөвт бус үг хэлдэг хэлээ таслахын тулд чи яагаад энэ боломжийг ашиглахгүй гэж? Өөрийнхөө хоёр гар, хэл болон уруулны төлөө чи тамын гал дор зовоход бэлэн байгаа нь энэ үү? Хүн төрөлхтнийг бүтээхээсээ хамаагүй өмнө зүрх сэтгэлийг нь Өөрийн гартаа атгаж байсан учраас бүх хүмүүсийн зүрх сэтгэлийг Би Өөрийн хоёр нүдээр цагдан харсаар байдаг. Би хүний зүрх сэтгэлийг аль эртнээс нэвт шувт харсан, иймээс хүний зүрх сэтгэл дэх бодлууд Миний нүднээс зайлсхийж яахин чадах билээ? Тэд Миний Сүнсний шатаалтаас зугтаж яахин амжих билээ?

Чиний уруул тагтааныхаас илүү зөөлөн боловч зүрх сэтгэл чинь эртний могойныхоос ч илүү өөдгүй муу, уруул чинь Ливан эмэгтэйнх шиг сайхан боловч зүрх сэтгэл чинь Ливан эмэгтэйнх шиг эелдэг зөөлөн биш бөгөөд үүнийг мэдээж Канаанчуудын гоо үзэсгэлэнтэй харьцуулахын аргагүй. Чиний зүрх сэтгэл хэтэрхий овжин. Миний дургүйцдэг зүйл бол зөвт бусын уруул, зөвт бусын зүрх сэтгэл билээ. Хүмүүст тавих Миний шаардлага ариун хүмүүсийнхээс өндөр биш, зүгээр л Би зөвт бус нэгний хорон муу үйл хэрэгт дургүйцдэг бөгөөд зөвт бусууд өөрсдийнхөө бузар заваан байдлыг хаяж, өөрсдийн одоогийн түвэгтэй байдлаасаа зугтаж чадна гэж Би найдаж байна, ингэснээр тэд зөвт бус хүмүүсээс ялгагдаж, зөвт хүмүүстэй хамт амьдарч, ариун байж чадах юм. Та нар Надтай адил нөхцөл байдалд байгаа боловч та нар бузраар бүрхэгдсэн, та нарын дотор анх бүтээгдсэн хүмүүстэй өчүүхэн төдий ч адил төс байхгүй, учир нь та нар өдөр болгон тэдгээр бузар сүнснүүдийн төрхийг дуурайдаг бөгөөд та нар тэдний хийдэг зүйлийг хийж, хэлдэг зүйлийг хэлдэг, та нарын бүхий л хэсэг бүр хэл, уруул чинь хүртэл тэдний бохир усанд дэвтсэн. Та нар бүхэлдээ хир толбоор хучигдсан байдалд хүрсэн бөгөөд Миний ажилд ашиглагдаж болох ганц ч хэсэг байдаггүй. Энэ нь маш зүрх шимшрэм! Та нар тийм үхэр, адууны ертөнцөд амьдардаг ч та нарт үнэндээ түвэгтэй санагддаггүй; та нар баяр хөөрөөр дүүрэн байдаг бөгөөд эрх чөлөөтэй, амар хялбараар амьдардаг. Та нар энэхүү бохир усанд сэлж байгаа боловч иймэрхүү нөхцөл байдалд унасан гэдгээ үнэндээ мэддэггүй. Өдөр бүр чи бузар сүнсийг дагалдаж, “ялгадастай” харьцдаг. Чиний амьдрал маш ядуу дорд боловч чи хүмүүний энэхүү ертөнцөд огтхон ч амиа аргацаахгүй байгаа бөгөөд өөрийнхөө атганд байгаа биш гэдгээ чи мэддэггүй. Чиний амьдрал аль хэдийн бузар сүнсээр гишгэлэгдэж, чиний зан араншин аль хэдийн бохир усаар сэвтээгдсэн гэдгийг чи мэдэхгүй гэж үү? Чи газар дэлхийн диваажинд амьдарч байгаа ба аз жаргалын дунд байгаа гэж бодож байна уу? Чи бузар сүнснүүдтэй хамт амьдарсан бөгөөд тэд чиний төлөө бүхнийг бэлдсэн амьдралаар амьдарсан гэдгээ чи мэдэхгүй гэж үү? Чиний амьдрал яаж ямар нэгэн утга учиртай байж чадах юм бэ? Чиний амьдрал яаж ямар нэгэн үнэ цэнэтэй байж чадах юм бэ? Чи одоог хүртэл өөрийн бузар сүнсэн эцэг эхийнхээ төлөө ийш тийш завгүй гүйсээр ирсэн, гэсэн ч чамайг урхидагчид нь тэдгээр бузар сүнснүүд буюу чамайг төрүүлж, өсгөсөн эцэг эх чинь гэдгийг чи мэддэггүй. Цаашлаад үнэндээ чиний хир буртгийг бүгдийг нь тэд чамд өгсөн гэдгийг чи мэддэггүй; тэд чамд “таашаал” өгдөг, тэд чамайг гэсгээдэггүй, мөн чамайг шүүдэггүй бөгөөд тэд ялангуяа чамайг хараадаггүй гэдгийг л чи мэддэг. Тэд хэзээ ч чамд дэлбэртлээ уурладаггүй, харин тэд чамд ялдам, эелдгээр ханддаг. Тэдний үг зүрх сэтгэлийг чинь тэжээж, чиний дурыг булаадаг, ингэснээр чи толгой нь эргэсэн байдалтай болдог бөгөөд өөрийн мэдэлгүйгээр чи татагдаж, тэдэнд үйлчилж, тэдний гарц мөн түүнчлэн тэдний зарц байхад бэлэн байдаг. Чамд ямар ч гомдол байдаггүй, харин тэднээр хэрэглүүлэхэд бэлэн байдаг – чи тэдэнд мэхлэгддэг. Энэ шалтгааны улмаас чи Миний хийдэг ажилд огтхон ч хариу үйлдэл үзүүлдэггүй – чи Миний гараас нууцаар мултрахыг үргэлж хүсдэгт гайхах юмгүй бөгөөд Миний ивээлийг шударга бусаар олж авахын тулд нялуун үг хэрэглэхийг үргэлж хүсдэгт чинь гайхах юмгүй. Чамд аль хэдийн өөр нэг төлөвлөгөө, өөр нэг зохицуулалт байгаа болж таардаг. Чи Миний буюу Төгс Хүчитийн үйлдлүүдийн багаханыг харж чадах боловч Миний шүүлт болон гэсгээлтийн өчүүхэн хэсгийг ч мэддэггүй. Чи Миний гэсгээлт хэзээ эхэлснийг мэддэггүй; чи зөвхөн Намайг хэрхэн хуурахаа мэддэг, гэхдээ Би хүний зөрчлийг тэвчдэггүй гэдгийг чи мэддэггүй. Чи Надад үйлчлэх шийдвэрээ аль хэдийн гаргасан тул Би чамайг тавьж явуулахгүй. Би бол хартай Бурхан бөгөөд Би хүнийг харддаг Бурхан. Нэгэнт чи өөрийн үгийг тахилын ширээн дээр аль хэдийн тавьсан тул Миний нүдний өмнүүр зугтаан одохыг чинь Би тэвчихгүй, мөн хоёр эзэнд үйлчлэхийг чинь Би тэвчихгүй. Өөрийнхөө үгийг Миний тахилын ширээн дээр тавьсныхаа дараа, тэдгээрийг Миний нүдний өмнө тавьсныхаа дараа чамд өөр нэг хайр байж болно гэж чи бодоо юу? Тийм байдлаар Намайг тэнэгтүүлэх боломжийг Би яаж хүмүүст олгох юм бэ? Чи өөрийнхөө хэлээр Надад хандан хааш яаш андгай тавьж, тангараг өргөж болно гэж чи бодсон уу? Чи Хамгийн Дээд Миний сэнтийд хандан тангараг өргөж яаж чадах юм бэ? Чиний тангараг аль хэдийн алга болсон гэж чи бодсон уу? Та нарын махан бие нас барсан ч гэсэн та нарын тангараг алга болохгүй гэдгийг Би та нарт хэлье. Эцэст нь Би та нарыг тангараг дээр чинь үндэслэн яллах болно. Гэсэн ч Намайг аргалахын тулд та нар өөрсдийн үгийг Миний өмнө тавиад зүрх сэтгэл чинь бузар сүнс болон муу ёрын сүнсэнд үйлчилж болно гэж та нар боддог. Намайг хууран мэхэлдэг тэдгээр нохой шиг, гахай шиг хүмүүсийг Миний уур хилэн хэрхэн тэвчиж чадах юм бэ? Би Өөрийн захиргааны зарлигийг гүйцэтгэж, дэг журамтай байдлаар Надад “үйлчлэхийн тулд” Надад итгэдэг тэдгээр бүх ёсорхуу, “элбэрэлт” хүмүүсийг Өөрийн шар үхэр, Өөрийн морь болгож, Өөрийн нядалгааны хяналтан дор байлгахын тулд бузар сүнснүүдийн гараас булаан авах ёстой. Би чамаар өмнөх шийдвэрийг чинь сэргээлгэж, Өөртөө дахин нэгэнтээ үйлчлүүлэх болно. Аль нэг бүтээл Намайг мэхлэхийг Би тэвчихгүй. Чи ямар ч шалтгаангүйгээр хүсэлт гаргаж, Миний өмнө ямар ч шалтгаангүйгээр худлаа ярьж болно гэж бодсон уу? Би чиний үг болон үйл хэргийг сонсоогүй эсвэл хараагүй гэж чи бодсон уу? Чиний үг болон үйл хэрэг яаж Надад харагдахгүй байх юм бэ? Тийм байдлаар хүмүүс Намайг хууран мэхлэхийг Би яаж зөвшөөрөх юм бэ?

Би та нарын дунд байж, та нартай хамт хэд хэдэн хавар, намрын турш хамтран ажилласан, Би та нарын дунд удаан хугацаанд амьдарч, та нартай хамт амьдарсан – та нарын жигшүүртэй зан авирын хэр их нь яг Миний нүдний өмнүүр бултсан бэ? Та нарын үнэн сэтгэлийн үгс Миний чихэнд тасралтгүй цуурайтаж байгаа; та нарын сая сая хүсэл эрмэлзэл Миний тахилын ширээн дээр тавигдсан – тэдгээрийг бүр тоолохын ч аргагүй. Гэсэн ч та нарын зориулалт болон та нар юу зарцуулсан тухайд гэвэл өчүүхэн төдий ч байдаггүй. Миний тахилын ширээн дээр та нарын чин сэтгэлийн жаахан дусал ч байдаггүй. Та нарын Надад итгэх итгэлийн үр жимс хаана байна вэ? Та нар Надаас эцэс төгсгөлгүй нигүүлсэл хүлээн авсан бөгөөд та нар тэнгэрийн эцэс төгсгөлгүй нууцуудыг харсан, тэр ч байтугай Би та нарт тэнгэрийн гал дөлийг харуулсан боловч та нарыг шатаах зүрх сэтгэл Надад байгаагүй, гэтэл хариуд нь та нар Надад хэр ихийг өгсөн бэ? Та нар Надад хэр ихийг өгөхөд бэлэн байна вэ? Миний чамд өгсөн хоолыг бариад чи эргэж үүнийгээ Надад өргөдөг, тэр ч бүү хэл шаргуу ажлынхаа хөлсний хариуд чиний олсон зүйл энэ бөгөөд чи өөрийгөө бүхэлд нь Надад өгч байна гэж хэлдэг. Чиний Надад өгч буй “хувь нэмэр” чинь бүгд Миний тахилын ширээнээс хулгайлагдсан зүйл гэдгийг чи яаж мэдэхгүй байх юм бэ? Тэгээд одоо чи түүнийг Надад өргөн барьж байгаа – чи Намайг мэхлэхгүй байна гэж үү? Миний өнөөдөр эдэлж буй зүйл бол Миний тахилын ширээн дээрх бүх тахил бөгөөд шаргуу ажлынхаа хариуд чиний олж, Надад өргөсөн зүйл биш гэдгийг чи яаж мэдэхгүй байх юм бэ? Та нар үнэндээ ийм байдлаар Намайг хуурч зүрхэлдэг, иймээс Би яаж та нарыг өршөөж чадах юм бэ? Би үүнийг цаашид яаж тэвчиж чадах юм бэ? Би бүхнийг та нарт өгсөн. Би та нарт бүхнийг нээж, та нарын хэрэгцээг хангаж, нүдийг чинь нээсэн, гэсэн ч та нар Намайг ийм маягаар мэхэлж, өөрсдийн мөс чанараа үл ойшоодог. Би амиа бодолгүйгээр бүх зүйлийг та нарт хайрласан, ингэснээр хэдий та нар зовж байсан ч Миний тэнгэрээс авчирсан бүхнийг та нар Надаас олж авсан. Гэхдээ та нарт зориулалт огтоос байхгүй бөгөөд та нарт өчүүхэн жаахан хувь нэмэр байсан ч гэсэн үүнийхээ дараа та нар Надтай тооцоо хийдэг. Чиний хувь нэмэр юу ч үгүйтэй адил биш гэж үү? Чиний Надад өгсөн зүйл ганц элсэн ширхгээс өөрцгүй боловч чиний Надаас гуйсан зүйл нэг тонн алт юм. Чи зүгээр л дэмий түвэг удаж байгаа биш гэж үү? Би та нарын дунд ажилладаг. Ямар нэгэн нэмэлт тахил байтугай Миний олж авах ёстой арван хувийн ул мөр ч огт байдаггүй. Үүнээс ч илүүтэйгээр бурханлаг хүмүүсийн нэмэрлэсэн арван хувь нь ёрын муугаар булаагддаг. Та нар бүгд Надаас холдон сарниагүй гэж үү? Та нар бүгд Надтай эвлэршгүй биш гэж үү? Та нар бүгд Миний тахилын ширээг сүйтгэж байгаа биш гэж үү? Ийм төрлийн хүн яаж Миний нүдэнд эрдэнэ мэт үзэгдэх юм бэ? Тэд бол Миний зэвүүцдэг гахай, нохой биш гэж үү? Би та нарын муу үйлийг эрдэнэс хэмээн нэрлэж яаж чадах юм бэ? Миний ажил үнэндээ хэний төлөө байдаг вэ? Энэ нь, Өөрийн эрх мэдлийг илчлэхийн тулд та нарыг бүгдийг нь цохин унагаахын төлөө байдаг байж таарах уу? Та нарын амь бүгд Надаас гарах ганцхан үгэнд баригддаггүй гэж үү? Яагаад Би та нарт зааварлахын тулд зөвхөн үгийг ашиглаж байгаа ба та нарыг аль болох хурдан цохин унагаахын тулд үгийг бодит баримт болгон хувиргахгүй байгаа юм бэ? Миний үг болон Миний ажил ердөө хүн төрөлхтнийг цохин унагаахын төлөө юу? Би гэмгүй хүнийг ялгаварлахгүйгээр хөнөөдөг Бурхан гэж үү? Яг одоо өөрсдийн бүхий л оршихуйгаараа хүний амьдралын зөв замыг эрж хайж байгаа хэчнээн хүн Миний өмнө байна вэ? Миний өмнө ердөө та нарын бие л байдаг боловч зүрх сэтгэл чинь Надаас холын холд, эрх дураараа байдаг. Учир нь Миний ажил үнэндээ юу болохыг та нар мэддэггүй, Намайг орхин одож, өөрсдийгөө Надаас холдуулж, ямар ч гэсгээлт, шүүлт байдаггүй диваажинд амьдрахыг хүсдэг өдий төдий хүн бий. Энэ нь хүмүүсийн зүрх сэтгэлдээ хүсдэг зүйл биш гэж үү? Би гарцаагүй чамайг албадаагүй байна. Ямар замаар явах чинь чиний өөрийн сонголт бөгөөд өнөөдрийн зам нь шүүлт болон хараалтай хамт явдаг, гэхдээ Миний та нарт хайрласан зүйл, шүүлт ч бай эсвэл гэсгээлт ч бай хамаагүй тэдгээр нь бүгд Миний та нарт өгч чадах хамгийн сайн бэлэг бөгөөд та нарт яаралтай хэрэгтэй байгаа бүх зүйлс юм гэдгийг та нар бүгд мэдэх ёстой.