86-Р БҮЛЭГ

Хүмүүс Намайг өршөөлт Бурхан гэцгээдэг, тэд Намайг Өөрийн бүтээсэн бүхэнд аврал үзүүлнэ гэдэг—энэ нь бүгд хүн төрөлхтний үзэлд тулгуурлан хэлсэн юм. Намайг өршөөлт Бурхан гэж хэлдэг нь Миний ууган хөвгүүд рүү чиглэдэг бөгөөд Би аврал авчирдаг нь Миний хөвгүүд, Миний ардууд руу чиглэдэг юм. Би ухаалаг Бурхан учир Өөрийн минь хайрладаг хүмүүс хэн болох, үзэн яддаг хүмүүс хэн болох нь Миний оюун ухаанд тодорхой байдаг. Би Өөрийн хайрладаг хүмүүсийг эцсээ хүртэл үргэлж хайрлах ба энэ хайр хэзээ ч хувирахгүй. Миний үзэн яддаг хүмүүс хэчнээн сайн байлаа ч Миний зүрх сэтгэл өчүүхэн ч хөдлөхгүй. Учир нь тэд Надаас төрөөгүй, Миний хэв чанар, Миний амийг эзэмшдэггүй. Өөрөөр хэлбэл, Би эндүүршгүй учир тэднийг урьдчилан тогтоож, сонгоогүй. Тэгэхээр Миний хийдэг бүхэн ариун бөгөөд хүндтэй гэж нэрлэгддэг, Надад хэзээ ч харамсал гэж үгүй. Хүмүүсийн нүдээр бол Би хэтэрхий хатуу зүрх сэтгэлтэй; гэвч чи Намайг зөвт, сүр жавхлант Бурхан Өөрөө гэдгийг мэдэхгүй гэж үү? Миний бүх зүйл зөв; Миний үзэн яддаг хүмүүс Миний хараалыг заавал хүртэнэ, Миний хайрладаг хүмүүс Миний ерөөлийг заавал хүртэнэ. Энэ бол Миний ариун, халдашгүй зан чанар агаад нэг ч хүн үүнийг өөрчилж чадахгүй; энэ бол зайлшгүй!

Миний ажил шулуун шударга, төгс төгөлдөр агаад юуг ч дутуу орхидоггүй тул өнөөдөр үнэхээр Миний санаа зорилготой нийцдэг хүмүүсийг Би заавал бүрэн төгс болно; Миний хараасан хүмүүс шатаагдах болно. Тэгвэл хүмүүсийн дийлэнх нь Надад хараагдсан атал Ариун Сүнс яагаад тэдэн дээр ажилласан хэвээр байна вэ (Би бузар сүмд оршин байдаггүйтэй холбон үүнийг хэлдэг)? Бүх хэрэг явдал, бүх зүйл Христэд үйлчлэл үзүүлдэг гэдгийн жинхэнэ утгыг та нар ойлгодог уу? Би тэдний үйлчлэлийг ашиглахад Ариун Сүнс тэднээр дамжуулж Өөрийн ажлыг хийдэг, гэвч ерөнхийдөө тэд Надад үйлчлээгүй байх үедээ үндсэндээ сүнсээрээ гэгээрдэггүй. Тэд Намайг үнэхээр эрж хайлаа ч гэсэн, тэр нь хүсэл тэмүүллээс үүдэлтэй бөгөөд Сатаны заль мэх юм, учир нь жирийн үед тэд Миний ажилд огт анхаарал хандуулдаггүй, мөн Миний ачааг ердөөсөө хайхардаггүй. Одоо Миний ууган хөвгүүд өсөж том болсон учир, Би тэднийг өшиглөн явуулдаг, тиймээс Миний Сүнс газар бүрээс буцаж, Миний ууган хөвгүүд дээр онцгой анхаарал очсон, ойлгов уу? Бүх зүйл Миний үйл хэрэг, урьдчилан тогтоолт, Миний амнаас гарах үгээс шалтгаалдаг. Миний ерөөлийг хүртсэн бүх газар бол Миний ажилладаг газар, өөрөөр хэлбэл Миний ажлаа өрнүүлсэн газар байх учиртай. Хятад бол Сатаныг хамгийн их шүтдэг үндэстэн, иймээс Би үүнийг хараасан бөгөөд энэ нь бас Намайг хамгийн их хавчдаг үндэстэн юм. Би агуу улаан лууны нөлөөнд байгаа хүмүүст Өөрийн ажлыг яасан ч хийхгүй. Миний үгийн жинхэнэ утга учрыг ойлгов уу? Эцсийн эцэст, Миний хөвгүүд, Миний ардууд тоогоор цөөн. Гарцаагүй бүх зүйл Миний гарт бий; Миний сонгосон, урьдчилан тогтоосон хүмүүст эрч хүчийг төвлөрүүлж, илүү их хүчин чармайлт зарцуулах хэрэгтэй. Өөрөөр хэлбэл, Миний ууган хөвгүүд Миний мөрөн дээрх ачааг чадах чинээгээрээ эрт үүрэхийн тулд аль болох хурдан хэрэгжүүлж, Миний ажилд бүх хүчин чармайлтаа зориулах хэрэгтэй.

Надад үйлчлэл хийдэг хүмүүс ээ, сонсоцгоо! Та нар Надад үйлчлэл хийж байхдаа Миний нигүүлслээс хүртэж болно. Өөрөөр хэлбэл, та нар Миний хожмын ажлын тухай, хойшид болох зүйлсийн тухай хэсэг хугацаанд мэдэх боловч үүнийг огтхон ч эдэлж чадахгүй. Энэ бол Миний нигүүлсэл юм. Чиний үйлчлэл дуусах үед хоргодоод байлгүй тэр даруй яв. Миний ууган хөвгүүд болсон хүмүүс ихэрхүү байх ёсгүй боловч бахдалтай байж болох юм, учир нь Би та нарт эцэс төгсгөлгүй ерөөл хайрласан билээ. Сүйрлийн бай болсон хүмүүс өөрсдөдөө гай авчирч, эсвэл хувь заяандаа гашуудаад хэрэггүй; хэн чамайг Сатаны үр удам болгов? Чи Надад үйлчлэл хийж дууссаныхаа дараа ёроолгүй нүх рүү буцан очиж магадгүй, учир нь чи Надад ямар ч хэрэггүй болно. Тэгээд Би та нарт Өөрийн гэсгээлтээр хандаж эхэлнэ. Би ажиллаж эхэлсэн л бол дуустал нь үргэлжлүүлнэ; Миний үйл хэрэг гүйцэлдэнэ, мөн Миний гүйцэтгэсэн зүйл үүрд оршин тогтноно. Энэ нь Миний ууган хөвгүүд, Миний хөвгүүд, Миний ардуудад хамаатай, бас та нарт ч хамаатай–та нарт хандах Миний гэсгээлт үүрд мөнхийнх. Намайг эсэргүүцдэг хорон муу хүмүүсийг Би гарцаагүй гэсгээх болно гэдгээ та нарт өмнө нь олон удаа хэлсэн. Хэрэв чи Ариун Сүнсний зэмлэлгүйгээр Намайг эсэргүүцдэг бол аль хэдийн хараагдсан хэрэг бөгөөд дараа нь Миний гарт цохиулж унах болно. Хэрэв чи Миний тухай муу муухайг бодох үедээ Ариун Сүнсний сахилгажуулалт хүртсэн бол Миний ерөөлийг хүртсэн гэсэн үг. Гэвч чи үргэлж сэрэмжтэй байж, хайхрамж, болгоомжоо хэзээ ч бүү алд.

Өмнөх: 85-Р БҮЛЭГ

Дараах: 87-Р БҮЛЭГ

Одоо үед гай гамшиг ойр ойрхон тохиолдож, Эзэн эргэн ирэх тухай зөгнөлүүд үндсэндээ биелсэн. Бид Эзэнийг хэрхэн угтан авч болох вэ?
Холбоо барих
Messenger дээр бидэнтэй холбоо барих

Холбогдох контент

25-Р БҮЛЭГ

Цаг хугацаа өнгөрч, нүд цавчихийн төдийд өнөөдөр ирсэн. Миний Сүнсний удирдамж дор бүх хүн Миний гэрлийн дунд амьдардаг бөгөөд цаашид хэн ч...

ЗАМ… (7)

Хөл доорх замыг маань илүү бат бөх, илүү бодитой байг гэсэндээ Бурхан бидэнд биечлэн зам нээж өгсөн удаа олон байдгийг бодит туршлагаараа...

Тохиргоо

  • Текст
  • Загвар

Цулгуй өнгө

Загвар

Үсгийн хэв

Үсгийн хэмжээ

Мөр хоорондын зай

Мөр хоорондын зай

Хуудасны өргөн

Гарчиг

Хайх

  • Энэ текстийг хайх
  • Энэ номоос хайх