II. Антихристүүдийн ашиг сонирхол

Өнөөдөр бид антихристүүдийн илрэлийн ес дэх зүйлийн талаар үргэлжлүүлэн нөхөрлөнө. Тэдний илрэлийн ес дэх зүйл нь дараах байдалтай байна: Тэд өөрсдөө ялгарч, хувийн ашиг сонирхол, амбицаа хангахын тулд л үүргээ биелүүлдэг; тэд Бурханы гэрийн ашиг сонирхлыг хэзээ ч бодолцон үздэггүй, харин ч бүр хувийн алдрын хариуд тэдгээр ашиг сонирхлоос урвадаг. Өнгөрсөн удаад бид үүний багахан хэсгийг нөхөрлөж, сэдвээ дөнгөж эхлүүлэн, эхний зүйл болох ашиг сонирхол гэж юу болох талаар нөхөрлөсөн. Хоёр дахь зүйлийн хувьд, хүмүүсийн ашиг сонирхол гэж юу болох, хүмүүсийн ашиг сонирхлын мөн чанар юу болох талаар бид нөхөрлөсөн. Бидний нөхөрлөсөн гурав дахь зүйл бол Бурханы ашиг сонирхол гэж юу болох, Бурханы ашиг сонирхлын мөн чанар юу болох тухай байсан—бидний нөхөрлөсөн гурван зүйлийн агуулга ерөнхийдөө энэ байлаа. Өнгөрсөн удаа бидний нөхөрлөсөн зүйл үндсэндээ ойлголтын үнэн байсан бөгөөд ашиг сонирхлын янз бүрийн талыг тодорхойлж, хүмүүст үндсэн ухагдахууны талаарх ойлголтыг өгсөн. Ес дэх зүйлийн хүрээнд бидний нөхөрлөх сэдэв нь антихристүүдийн янз бүрийн илрэлийг онцлон харуулах зорилготой тул энэ удаад бид дээр дурдсан агуулгын талаар гүнзгийрүүлж ярихгүй. Тиймээс бид энэ зүйлийн талаарх нөхөрлөлдөө антихристүүдийн илрэл дээр үргэлжлүүлэн төвлөрөх болно. Бид өөрсөдтэй нь холбоотой янз бүрийн ашиг сонирхолд хандах антихристүүдийн хандлага, зан авирыг голчлон задлан шинжилж, антихристүүдийн уг чанар-мөн чанар болон зан чанар яг ямар болохыг олж тогтоохыг хичээж, энэ өнцгөөс задлан шинжлэх болно. Бид, антихристүүдийн нүдээр өөрсдийнх нь ашиг сонирхолд хамаатай зүйлс яг юу болох талаар эхлээд нөхөрлөнө.

Антихристүүдийн нүдээр Бурхан, Бурханы гэр болон чуулган нь ердөө л хаяг нэр төдий, магадгүй ямар ч бодит үнэ цэнгүй хоосон нэрээс цаашгүй юм. Тиймээс тэд Бурханы, Бурханы гэрийн болон чуулганы ашиг сонирхлыг басамжлан үздэг бөгөөд эдгээр нь тэдний хувьд бодолцон үзэхээргүй, анхаарал хандуулахааргүй байдаг. Эсрэгээрээ антихристүүдийн хувийн ашиг сонирхол өөрсдөд нь хамгийн чухал ач холбогдолтой байдаг. Тиймээс антихристүүд хувийн ашиг сонирхлынхоо хариуд чуулган болон Бурханы гэрийн ашиг сонирхлоос байнга урвадаг. Одоо антихристүүдийн ашиг сонирхолд хамаатай зүйлсийг ангилж, нарийвчлан задлан шинжлээд, ашиг сонирхлын хэрэг явдлын талаарх тэдний үзэл бодлыг хүмүүст тодорхой харуулъя. Юун түрүүнд, антихристүүдийг яаж хаяглахаас үл хамааран, антихристүүд байна уу, ёрын муу хүмүүс байна уу, эсвэл үнэнийг хэрэгжүүлдэггүй, үнэнд дайсагнадаг хүмүүс байна уу хамаагүй, ийм төрлийн хүмүүс хоосон орчинд амьдардаггүй. Тэд махан бие дотор амьдардаг бөгөөд хэвийн хүний амьдралын хэрэгцээ шаардлагатай байдаг. Тиймээс ах эгч нарын дунд, эсвэл Бурханы гэр болон чуулган дотор амьдарч буй антихристүүд шиг хүмүүст ч бас өөрсдийнх нь аюулгүй байдалтай холбоотой ашиг сонирхол бий. Энэ бол антихристүүдийн ашиг сонирхлын эхний хэсэг буюу өөрсдийнх нь аюулгүй байдал юм. Антихристүүдийн ашиг сонирхлын хоёр дахь хэсэг нь өөрсдийнх нь нэр хүнд, байр суурь бөгөөд энэ нь тэдний эрх мэдэлтэй холбоотой. Антихристүүдийн ашиг сонирхлын гурав дахь хэсэг нь тэдний сайн сайхан байдалтай холбоотой. Антихристүүдийн ашиг сонирхлыг эмх цэгцгүй, шуудхан нөхөрлөсөнтэй харьцуулахад энэ гурван хэсгээр дамжуулан задлан шинжлэх нь илүү тодорхой байна уу? (Тийм.) Хэрвээ Би та нараас энэ гурван хэсэгт үндэслэн нөхөрлөхийг хүсвэл та нарт ямар нэгэн ойлголт байна уу? Та нар ойлгосноо нөхөрлөж чадах уу? (Хоёр дахь хэсгийн тухайд би зарим нэг ойлголтоо ярьж чадах байх, харин хувийн аюулгүй байдал болон сайн сайхан байдлын талаар тийм ч тодорхой мэдэхгүй байна.) За тэгвэл, Намайг нөхөрлөх үед та нар тодорхой ярьж чадах зүйлээ нэмж хэлж болно, харин та нарын сайн ойлгохгүй байгаа зүйлийн талаар Би нөхөрлөнө. Болох уу? (Болно.)

А. Өөрсдийнх нь аюулгүй байдал

Бид антихристүүдийн ашиг сонирхлын эхний хэсэг болох өөрсдийнх нь аюулгүй байдлын талаар эхлээд нөхөрлөе. Энэ хэсгийн утга хүн бүрд тодорхой байх учиртай; энэ нь хүний бие махбодын аюулгүй байдалд хамаатай. Эх газрын Хятадад Бурханд итгэнэ гэдэг нь аюултай нөхцөл байдалд амьдрахыг хэлдэг. Бурханыг дагадаг хүн бүр өдөр бүр агуу улаан лууд баривчлагдах, ял сонсох, харгис хавчлагад өртөх эрсдэлтэй нүүр тулдаг. Антихристүүд ч ялгаагүй. Хэдийгээр тэд Бурханы гэрт антихристүүд гэж тодорхойлогддог ч агуу улаан луу шашны ертөнцтэй хамтран Бурханы чуулган болон Түүний сонгосон хүмүүсийг дарангуйлж, хавчихын тулд байнга чадах бүхнээ хийдэг бөгөөд мэдээж антихристүүд ч бас ийм орчинд байдаг тул баривчлагдах аюулаас мултарч чаддаггүй. Тиймээс тэд өөрсдийнхөө аюулгүй байдлын асуудалтай байнга нүүр тулах ёстой болдог. Энэ нь антихристүүд өөрсдийнхөө аюулгүй байдалд хэрхэн ханддаг тухай асуултыг хөнддөг. Энэ хэсэгт бид голчлон антихристүүд өөрсдийн аюулгүй байдалд ямар хандлага баримталдаг талаар нөхөрлөх болно. Тэгвэл тэдний хандлага юу вэ? (Тэд өөрсдийн аюулгүй байдлыг хамгаалахын тулд чадах бүхнээ хийдэг.) Антихристүүд аюулгүй байдлаа хамгаалахын тулд чадах бүхнээ хийдэг. Тэд дотроо “Би аюулгүй байдлаа заавал баталгаажуулах ёстой. Хэн ч баривчлагдсан бай, би баривчлагдах ёсгүй” гэж боддог. Энэ хэрэг явдал дээр тэд ихэвчлэн Бурханы өмнө очиж залбиран, асуудалд орохоос хамгаалж өгөхийг Бурханаас гуйдаг. Ямартай ч тэд өөрсдийгөө үнэндээ чуулганы удирдагчийн ажлыг хийж байгаа бөгөөд Бурхан өөрсдийг нь хамгаалах ёстой гэж боддог. Өөрсдийнхөө аюулгүй байдлын төлөө, баривчлагдахаас зайлсхийж, бүх хавчлагаас мултарч, өөрсдийгөө аюулгүй орчинд байлгахын тулд антихристүүд өөрсдийн аюулгүй байдлын төлөө байнга гуйж, залбирдаг. Зөвхөн өөрсдийнх нь аюулгүй байдлын тухай яригдах үед л тэд Бурханд үнэхээр найдаж, өөрсдийгөө Түүнд даатгадаг. Энэ тал дээр тэд жинхэнэ итгэлтэй бөгөөд Бурханд найддаг нь бодитой байдаг. Тэд өөрсдийнх нь аюулгүй байдлыг хамгаалж өгөхийг Бурханаас гуйн залбирахад л анхаардаг бөгөөд чуулганы ажил юм уу өөрсдийн үүргийг өчүүхэн төдий ч бодолцдоггүй. Ажил дээр нь тэднийг чиглүүлдэг зарчим нь хувийн аюулгүй байдал юм. Хэрвээ аль нэг газар аюулгүй байвал антихристүүд тэнд ажиллахаар сонгох бөгөөд үнэхээр ч тэд маш идэвх санаачилгатай, эерэг харагдаж, асар их “хариуцлагын мэдрэмж”, “үнэнч байдал”-аа гайхуулдаг. Хэрвээ ямар нэгэн ажил хийхэд эрсдэл хүлээх, аюултай нүүр тулах, агуу улаан луунд мэдэгдэх магадлалтай байвал тэд шалтаг тоочин татгалзаж, үүнээс зугтах боломж хайдаг. Аюул тулгармагц, эсвэл аюулын шинж тэмдэг илэрмэгц тэд өөрсдийгөө гарган авч, үүргээ орхих боломжит бүхий л аргыг сүвэгчилж, ах эгч нарыг үл тоон, зөвхөн аюулаас мултрахад л анхаардаг. Тэд сэтгэл зүйн хувьд өөрсдийгөө аль хэдийн бэлдчихсэн байж магадгүй: Аюул нүүрлэмэгц тэд хийж байгаа бүх ажлаа тэр даруй орхиод, чуулганы ажил ямар байх, Бурханы гэрийн ашиг сонирхолд ямар хохирол учруулах, эсвэл ах эгч нарын аюулгүй байдал ямар байхыг үл тооно—тэдний хувьд зугтах нь л чухал байдаг. Тэдэнд бүр өөрсдийгөө хамгаалах “хамгийн сайн” төлөвлөгөө ч бий: Өөрсдөд нь аюул тулгарах юм уу баривчлагдмагцаа тэд аюулгүй байдлаа хамгаалахын тулд мэдэх бүхнээ хэлж, өөрсдийнхөө нэрийг цэвэрлэж, бүх хариуцлагаас мултардаг. Энэ бол тэдэнд бэлэн байдаг төлөвлөгөө юм. Энэ хүмүүс Бурханд итгэснийхээ төлөө хавчлага амсахыг хүсдэггүй; тэд баривчлагдах, эрүүдэн шүүгдэх, ял сонсохоос айдаг. Үнэн хэрэгтээ тэд зүрх сэтгэлдээ Сатанд аль хэдийн бууж өгсөн байдаг. Тэд сатанлаг дэглэмийн хүчнээс үхтлээ айдаг бөгөөд эрүү шүүлт, хатуу байцаалт зэрэг зүйлс өөрсдөд нь тохиолдохоос бүр ч их айдаг. Тиймээс антихристүүдийн хувьд, хэрвээ бүх зүйл саадгүй явагдаж, аюулгүй байдалд нь ямар ч заналхийлэл, асуудал тулгарахгүй, ямар ч эрсдэл гарах боломжгүй байвал тэд өөрсдийн зүтгэл, “үнэнч байдал”, тэр ч бүү хэл өмч хөрөнгөө өргөн барьж мэднэ. Гэвч хэрвээ нөхцөл байдал тааруу бөгөөд Бурханд итгэж, үүргээ гүйцэтгэснийхээ төлөө хэдийд ч баривчлагдаж болзошгүй байвал, мөн Бурханд итгэх итгэлээсээ болж албан тушаалаасаа халагдаж, ойр дотнынхондоо хаягдаж болзошгүй байвал тэд онцгой болгоомжлон, сайн мэдээ номлохгүй, Бурханыг гэрчлэхгүй, үүргээ ч гүйцэтгэхгүй. Өчүүхэн төдий асуудлын шинж тэмдэг илрэхэд тэд хуягандаа нуугдах яст мэлхий шиг хулчийдаг; өчүүхэн төдий асуудлын шинж тэмдэг илрэхэд тэд өөрсдийгөө аюулгүй, эсэн мэнд авч үлдэхийн тулд Бурханы үгийн номууд болон Бурханд итгэх итгэлтэй холбоотой бүхнээ чуулганд тэр даруй буцааж өгөхийг хүсдэг. Тэд аюултай биш гэж үү? Хэрвээ баривчлагдвал тэд Иудас болохгүй гэж үү? Антихристүүд маш аюултай тул хэдийд ч Иудас болж мэднэ; тэд Бурханаас урвах магадлал үргэлж байдаг. Түүнчлэн, тэд туйлын аминч, жигшүүртэй. Энэ нь антихристүүдийн уг чанар-мөн чанараар тодорхойлогддог.

Зарим хүн: “Магадгүй ийм илрэлтэй хүмүүс зөвхөн агуу улаан лууны улсад, Хятадын нийгмийн нөхцөл байдалд л байдаг байх. Гадаадад гарахад ямар ч хавчлага, баривчилгаа байхгүй тул хувийн аюулгүй байдал хамаагүй болно. Энэ сэдвийг ярих шаардлагатай хэвээр гэж үү?” гэж хэлж магадгүй. Та нар үүнийг шаардлагатай гэж бодож байна уу? (Тийм.) Гадаадад ч гэсэн, Бурханы гэрт үүрэг гүйцэтгэдэг олон хүн ийм зан авир байнга гаргадаг. Тодорхой нэг улсын улс төрийн дэглэм, шүтлэггүй хүмүүс, эсвэл шашны ертөнцөөс Бурханы гэрийн эсрэг хийж буй дайралт, гүтгэлэг, үйл ажиллагааны талаар яригдмагц зарим хүн зүрх сэтгэлийнхээ угаас ихэд айж, хулчийдаг. Тэд бүр, Бурханд итгээгүй байсан бол яг одоо хавьгүй дээр, илүү эрх чөлөөтэй байх байсан гэж бодож магадгүй бөгөөд зарим нь Бурханд итгэсэндээ харамсдаг, зарим нь бүр зүрх сэтгэлдээ ухрах талаар бодолхийлж, няцаж буцах санаа тээдэг. Ийм хүмүүс цаг ямагт өөрсдийн аюулгүй байдлын талаар санаа зовж, үүнээс илүү чухал зүйл байхгүй гэж санадаг. Тэдний амь нас, аюулгүй байдал бол зүрх сэтгэлийнх нь угт байдаг хамгийн их санаа зовдог зүйл нь юм. Тиймээс, дэлхий ертөнц, бүх хүн төрөлхтөн чуулган болон Бурханы ажлыг хэрхэн муулж, гүтгэж, яллаж байгаатай нүүр тулах үедээ энэ хүмүүс зүрх сэтгэлдээ Бурханы талд зогсдоггүй. Харин эдгээр зүйл тохиолдох үед, Бурханыг муулж, яллах дуу хоолойг сонсох үедээ тэд зүрх сэтгэлийнхээ гүнээс Бурханыг сөрөн зогсдог. Тэд Бурхан, Бурханы гэр болон чуулганаас холбоогоо таслахыг маш их хүсдэг. Түүнчлэн, ийм мөчүүдэд Бурханд итгэдэг гэдгээ хүлээн зөвшөөрөх нь тэдний хувьд хэцүү, шаналгаатай хэрэг юм. Тэд Бурхан, Бурханы гэр юм уу чуулгантай ямар ч холбоогүй байхыг туйлын их хүсдэг. Ийм үед тэд Бурханы гэрийн гишүүн байгаадаа тавгүйтэж, тэр ч байтугай ичиж, хүний нүүр харж чаддаггүй. Ийм хүмүүс үнэхээр Бурханыг дагагчид мөн үү? Тэд Бурханыг дагахын тулд үнэхээр бүхнийг орхисон уу? (Үгүй.) Эх газрын Хятадад хүмүүс Бурханд итгэх үедээ хавчлага, баривчилгаатай байнга нүүр тулж, хувийн аюулгүй байдлын асуудалтай олонтоо тулгардаг; гадаадад орчин нөхцөл тийм ч хатуу ширүүн биш боловч хүмүүс төстэй нөхцөл байдалтай тулгарсаар байдаг. Тэд шашны ертөнцийн гүтгэлэг, яллалттай нүүр тулдаг бөгөөд янз бүрийн улс орны зүгээс чуулганд хандах хайхрамжгүй байдал, эсвэл үл ойлгосон зарим үгийг шийдвэрлэх хэрэгтэй болдог. Зарим нь яахаа мэдэхээ байж, Бурханы ажил жинхэнэ эсэхэд тээнэгэлзэж, эргэлзэх бөгөөд Бурханы зөв эсэхэд бүр ч их эргэлздэг. Тиймээс, тэд өөрсдийн аюулгүй байдлыг байнга бодолцдог учраас Бурханы гэрт үүргээ сэтгэл амар, тууштай гүйцэтгэж чаддаггүй. Энэ хүмүүс үнэхээр амиа Бурханд өгсөн үү? (Үгүй, өгөөгүй.) Зарим нь бүр: “Гадаадад ирнэ гэдэг нь агуу улаан лууны савраас мултарна гэсэн үг биш гэж үү? Гадаадад шашны эрх чөлөө байдаг биш үү? Бүх зүйл эрх чөлөөтэй, чөлөөлөгдсөн байдаг биш гэж үү? Бурхан биднийг үүргээ гүйцэтгүүлэхээр гадаад руу хөтөлсөн байхад бид яагаад ижилхэн хатуу ширүүн нөхцөл байдалтай нүүр тулах ёстой юм бэ? Бид яагаад гадаадад хүртэл эдгээр сургамжийг авч, энэ зовлонг туулах ёстой юм бэ?” гэж боддог. Зарим хүний зүрх сэтгэлд эргэлзээ төрдөг, зарим нь эргэлзээд зогсохгүй эсэргүүцэж, “Энэ нь үнэн зам юм чинь, энэ нь Бурханы ажил юм чинь үүргээ үнэнчээр гүйцэтгэдэг, Бурханы төлөө өөрсдийгөө зарлагадахын тулд бүхнийг орхисон бид яагаад энэ ертөнцөд ийм тэгш бус харьцааг тэвчих ёстой юм бэ?” гэх мэт асуулт тээдэг. Тэд ойлгодоггүй. Тэд ойлгодоггүй, мөн өөрсдийн аюулгүй байдлыг бүхнээс дээгүүр тавьдаг учраас ийнхүү ойлгохгүй байгаагаа Бурхан руу чиглэсэн гомдол, эргэлзээ болгон хувиргадаг. Тийм биш гэж үү? (Тийм.) Гадаадад байгаа зарим хүн үүргээ гүйцэтгэхдээ эрсдэл хүлээхээс ч айдаг. Хэрвээ тэдэнд бага зэрэг эрсдэлтэй үүрэг даалгавал тэд: “Би энэ үүрэгт тохирохгүй. Миний гэр бүл эх газрын Хятадад байгаа, хэрвээ агуу улаан луу намайг мэдчихвэл надад төвөг удах биш үү?” гэх мэт шалтаг олдог. Тэд ийм үүрэг гүйцэтгэхээс татгалздаг. Тэд өөрсдийгөө хамгаалж, аюулгүй байдлаа хангаж, амиа аврахыг сонгодог. Тэд өөрсдийгөө бүрэн өргөн барьж, бүхнийг тавьж явуулан, бүхнийг орхиж үүргээ хүлээн авахын оронд өөрсдөдөө гарах гарц үлдээдэг. Тэд үүнийг хийж чаддаггүй. Эдгээр нь өөрсдийнх нь аюулгүй байдалтай холбоотой үед тэдний гаргадаг зарим зан авир юм. Зарим хүн зүрх сэтгэлдээ тавгүйрхэж, энэ талаар байнга залбирдаг. Зарим хүн ихэвчлэн айж, хулчийж, Сатаны хүч хэтэрхий хүчирхэг бөгөөд өөрсөд шиг нь эгэл хүн үүнийг яаж эсэргүүцэж чадах билээ гэж боддог. Тиймээс тэд энэ тухайд үргэлж айж, санаа зовдог. Зарим нь бүр, өөрсдийг нь баривчлагдмагц чуулган юм уу Бурханы гэр юу ч хийж чадахгүй, ямар нэгэн зүйл тохиолдвол хэн ч тус болохгүй гэж боддог. Тиймээс тэд өөрсдийгөө хамгаалах нь хамгийн чухал гэж боддог. Тийм учраас, өөрсдийгөө аюулд оруулж, эрсдэлтэй үүрэг хүлээх шаардлагатай болох үед тэд нуугддаг, хэн ч тэднийг ятгаж чаддаггүй. Тэд өөрсдийгөө чадваргүй хэмээн хэлж, Бурханы гэрээс даалгасан чухал үүргээс татгалзахын тулд элдэв шалтаг, шалтгаан олдог. Хэрвээ орчин нөхцөл сайн байвал энэ хүмүүс бүр гартаа микрофон барин олон нийтийн газар олон хүний өмнө зогсоод, “Би Төгс Хүчит Бурханд итгэдэг, би Төгс Хүчит Бурханы Чуулганы гишүүн. Хүн бүр ирж, үнэн замыг судлаасай гэж би хүсэж байна” хэмээн хашхирч ч мэднэ. Хувийн аюулгүй байдалд нь эрсдэл учраагүй үед тэд үүнийг ямар ч айдасгүйгээр хийж чаддаг. Өчүүхэн төдий аюул заналын шинж тэмдэг байвал, хувийн аюулгүй байдалд нь хамаатай ямар нэгэн нөхцөл байдал үүсэх үед, эсвэл гэнэтийн нөхцөл байдал тулгарах үед тэдний урам зориг алга болж, “үнэнч зан” нь замхарч, “итгэл” нь сарнидаг. Тэд тийш ийш зугтахаа л мэддэг бөгөөд үргэлж хүмүүсийн нүднээс далд, хөшигний ард хийх ямар нэгэн ажил олохыг хичээж, өөрийгөө аюулд оруулах, эрсдэл хүлээх шаардлагатай ажил, үүргийг бусад хүн рүү түлхдэг. Орчин нөхцөл сайжирмагц тэд тайзны алиалагч шиг дахин гарч ирдэг. Тэд яагаад дахин гарч ирдэг вэ? Өөрсдийгөө гайхуулж эхлэхийн тулд, өөрсдийнхөө оршин байгааг хүмүүст мэдэгдэхийн тулд, урам зоригоо Бурханд харуулахын тулд, тухайн үеийн өөрсдийнхөө үнэнч занг Бурханд харуулахын тулд, үүний зэрэгцээ өмнө нь хийсэн зүйлээ залруулж, нөхцөл байдлыг эргүүлэхээр цөхрөлтгүй оролдсондоо тэгж байгаа юм. Гэвч өчүүхэн төдий асуудлын шинж тэмдэг илрэхэд, эсвэл орчин нөхцөл өөрчлөгдөхөд энэ хүмүүс дахин алга болж, нуугддаг.

Сайн мэдээний ажил дөнгөж түгж эхэлж байх үед сайн мэдээ номлох тун хэцүү байсан. Тэр үед сайн мэдээ номлож чадах хүн олон байгаагүй бөгөөд номлодог байсан хүмүүсийн үнэний талаарх ойлголт нэлээд нимгэн байсан. Тэд хүмүүсийн шашны үзлийг тийм ч сайн ялган таньж чаддаггүй байсан бөгөөд хүмүүсийг олж авна гэдэг хэцүү байлаа. Түүнээс гадна сайн мэдээ номлох нь эрсдэлтэй байсан. Бага зэрэг сайн хүн чанартай хүмүүстэй таарах үед тэд сайндаа л хүлээж авахаас татгалзаад орхидог ч чамайг гэмтээж, доромжилдоггүй байсан. Хэрвээ чи тэдэнтэй холбоотой байвал тэднийг олж авах найдвар байсаар байх бөгөөд энэ нь зарим нэг үр дүнд хүрнэ. Гэвч ёрын муу хүмүүс, эсвэл янз бүрийн урсгалын пастор, ахлагч нартай таарах үед энэ хүмүүс хүлээж авахаас татгалзаад зогсохгүй, бүр нийлж дайрч, нүглээ улайхад чамайг албадаж, хэрвээ тэгэхгүй бол чамайг зодож ч мэднэ. Бүр ноцтой тохиолдолд тэд чамайг цагдаад мэдэгдэж, цагдаагийн газарт тушаан, чамайг хэдийд ч хамаагүй саатуулагдах аюулд оруулж болзошгүй байв. Чуулганы зарим удирдагч эдгээр хэрэг явдалд хазаарлагддаггүй байсан. Тэд үүргээ гүйцэтгэх ёстой үедээ гүйцэтгэсээр байсан бөгөөд сайн мэдээ номлож, Бурханыг гэрчлэхэд бүр манлайлдаг байв. Гэвч зарим удирдагч хэмээгдэгсэд, эсвэл тэр хуурамч удирдагчид ингэж үйлдээгүй. Ийм аюултай нүүр тулах үедээ тэд өөрсдөө явахгүй, харин бусдыг явуулдаг байв. Нэг удирдагч сайн мэдээний бай нь тодорхой нэг урсгалын удирдагч болохыг олж мэдсэн гэж Би сонссон. Тэрээр тэр хүнд сайн мэдээ номлуулахаар хэн нэгнийг явуулахаар төлөвлөж байв. Энэ талаар бодож үзсэнийхээ дараа тэр тохирох хүн олж чадаагүй бөгөөд өөрөө явах нь илүү тохиромжтой гэж боджээ. Гэвч тэрээр аюулаас айж, явахыг хүсээгүй тул оронд нь арван найм, ес орчим настай залуухан эгчийг явуулахаар зохицуулжээ. Та нар юу гэж бодож байна вэ? Тэр энэ залуу эгчийг явуулахаар зохицуулах ёстой байсан уу? (Тэгэх ёсгүй байсан.) Яагаад тэгэх ёсгүй байсан бэ? (Сайн мэдээний бай нь шашны олон үзэлтэй, тодорхой нэг урсгалын удирдагч байсан учраас. Залуу эгч биеийн хэмжээгээр жижиг, үнэний талаарх ойлголт нимгэн, сайн мэдээний байд тулгарсан асуудлыг шийдвэрлэхийн тулд үнэний талаар нөхөрлөж чадахгүй, түүнийг чуулганд элсүүлж чадахгүйгээр үл барам, өөрөө ч төөрөгдөж магадгүй байсан.) Насыг нь бодолцож үзвэл энэ залуу эгч үнэнийг үнэндээ хэр их ойлгож чадах вэ? Тэр Библийн талаар хэр их мэдлэгтэй байсан бэ? Тэрээр уг урсгалын удирдагчийг чуулганд элсүүлэх магадлал хэр вэ? Насыг нь бодолцон үзвэл тэр сайн мэдээ номлох туршлагаар маруухан байсан нь лавтай. Түүнчлэн, тэр дөнгөж насанд хүрсэн бөгөөд туршлага дутмаг байсан. Тэрээр насанд хүрэгчдийн үзэл, санаа бодол, бэрхшээлийг нэвт харж чадах уу? (Үгүй, чадахгүй.) Яавч үгүй. Тэр ийм насандаа насанд хүрэгчдийн бодлыг зохицуулах хэмжээнд хүрээгүй байсан. Надад хэл дээ, насыг нь бодолцож үзвэл энэ залуу эгч хамгийн сайн сонголт байсан уу? (Үгүй.) Тэр хамгийн сайн сонголт байгаагүй. Тэгвэл залуу эгчийг явуулснаараа энэ удирдагч зөв санаа зорилготой байсан уу? (Түүнд зөв санаа зорилго байгаагүй.) Түүнд зөв санаа зорилго байгаагүй. Тэр залуу эгчийг явуулах ёсгүй байсан юм. Хожим нь, залуу эгч тэр урсгалын удирдагчтай холбогдож, сайн хүн биш болохыг нь мэдээд, удирдагчид эргэн мэдээлж, маш их айж байгаагаа, дахин очиж зүрхлэхгүй байгаагаа илэрхийлжээ. Энэ удирдагч түүнд дарамт шахалт үзүүлж, “Үгүй ээ, энэ бол чиний үүрэг, чи явах ёстой!” гэж зүтгэсэн. Залуу эгч аргагүйдэн уйлж, “Энэ бол миний үүрэг, би явах ёстой ч үүнийг зохицуулж чадахгүй, үүнийг хийж чадахгүй” гэж хэлжээ. Гэсэн ч энэ удирдагч буулт хийлгүй, “Чи хийж чадахгүй байсан ч явах ёстой; өөр хүн байхгүй, тиймээс чи л хийх ёстой!” гэж үргэлжлүүлэн хэлжээ. Та нар үүнийг ямархуу удирдагч гэж бодож байна вэ? Тэр аюул тулгарах үед өөрийгөө хамгаалаад зогсохгүй, өөрөө ухарч байхдаа өөр нэгнийг аюулд оруулсан. Энэ залуу эгч чадахгүй гэдгээ илэрхийлж, бүр айсандаа уйлж байсан нөхцөлд ч тэр мөн л зөвшөөрөөгүй. Энэ ямар гээчийн өөдгүй амьтан бэ? Энэ хүн мөн үү? (Биш.) Энэ бол хүн биш. Тэрээр ах эгч нарынхаа аюулгүй байдлыг биш, зөвхөн өөрийгөө л бодсон. Тэр бүр өөрийнхөө ашиг сонирхлыг бусдын аюулгүй байдлаар сольсон бөгөөд яг л хамаг мөнгөө алдаж, юу ч үгүй хоцрох үедээ өрөө дарахын тулд охидоо өрнийхөө барьцаанд өгч, хүнд үеийг давж, гамшгаас мултрахын тулд өөрсдийнхөө аз жаргалын хариуд хамгийн хайртай хүмүүсээ золиосолдог мөрийтэй тоглоомчин эцэг эхтэй адил юм. Энэ ямар гээчийн өөдгүй удирдагч вэ? Түүнд хүн чанар гэх юм үлдсэн үү? (Үгүй.) Түүнд өчүүхэн төдий ч хүн чанар байхгүй. Энэ зан авирт нь үндэслэн ийм хүмүүсийг антихристүүд гэж тодорхойлж болох уу? (Болно.) Тэднийг гарцаагүй тэгж болно! Зарим хүн: “Тэдний хийж байгаа зүйл чуулганы ажлын төлөө, сайн мэдээ номлохын төлөө шүү дээ. Тэд сайн санаа өвөрлөөгүй гэж үү? Тэд Бурханы гэрийн ашиг сонирхлыг хамгаалахын тулд үүнийг хийж байгаа биш үү? Тэднийг яаж антихристүүд гэж тодорхойлж болох юм бэ?” гэж хэлж магадгүй. Ингэж бодож байсан хүн байна уу? Ийм аргумент гаргаж болох уу? (Үгүй, болохгүй.) Тэгвэл Надад хэл дээ, энэ асуудлын шинж чанар юу вэ? (Энэ удирдагч өөрийнхөө ашиг сонирхол, аюулгүй байдлын төлөө залуу эгчийн амь нас, аюулгүй байдлыг наймаалцах зүйл болгон ашигласан, өөрөөр хэлбэл, түүнийг зориуд нүх рүү түлхсэн—тэр тун хорлонтой хүн чанартай.) Илүү тодорхой хэлбэл, энэ удирдагч залуу эгчийг энэ даалгаварт огт тохирохгүй гэдгийг бүрэн мэдэж байсан хэр нь өөрийгөө хамгаалах зорилгоор энэ зохицуулалтыг хийсэн. Үүний зэрэгцээ, тэрээр өөрийнхөө үүргийг гүйцэтгэсэн гэж тайлагнахын тулд, хувийн зорилгодоо хүрэхийн тулд өөр хүний ашиг сонирхол, аюулгүй байдлыг золиосолсон. Түүний санаа зорилго энэ байв. Тэр хэн энэ ажлыг хийж чадах, хэн энэ хүнийг элсүүлж чадах, эсвэл хэн энэ ажлыг үр дүнтэй хийж чадах талаар огт бодолцоогүй, уг ажилд хамгийн сайн тохирох хүнийг олоогүй. Түүний үйлдлийн мөн чанар нь үүргээ гүйцэтгэх, эсвэл үнэнч байдал, хариуцлагаа биелүүлэхийн төлөө биш, харин дээд хүмүүстээ тайлагнаж чаддаг байх, бусдын ашиг сонирхлыг золиослон өөрийгөө хамгаалж, бүр бусдад хор хөнөөл учруулахын төлөө байсан. Тэр өөрийгөө хамгаалж, хувийн зорилгодоо хүрэхийн тулд бусдад хор хөнөөл учруулахуйц байдлаар үйлдсэн—энэ нь үүний мөн чанар биш гэж үү? (Мөн.) Мөн чанар нь энэ юм. Тиймээс энэ удирдагчийн үйлдлийг антихристийн үйлдэл гэж тодорхойлж болно. Энэ нь асуудлын уг үндэс биш гэж үү? (Тийм ээ, мөн.) Яг мөн. Хэрвээ тохирох хүн байгаагүй, тэр залуу эгч байгаагүй бол, хэрвээ түүнийг өөрөө явж тэр урсгалын удирдагчийг элсүүл гэсэн бол тэр явах байсан уу? Тэр: “Хэрвээ тохирох хүн байхгүй бол би явъя. Би айхгүй байна. Энэ хүнийг олж авахын тулд амиа золиослох хэрэг гарсан ч би амиа хаяхад бэлэн байна, учир нь энэ бол миний үүрэг, миний хариуцлага” гэж хэлж чадах байсан уу? Тэр тэгж чадах байсан уу? (Үгүй.) Тэр тэгж чадахгүй байсан гэж бид яагаад хэлж байна вэ? Бид энд таамаглаагүй. Түүнийг чадахгүй гэж хэлэхдээ бид юунд үндэслэж байна вэ? (Учир нь тэр үүргээ гүйцэтгэхдээ үнэхээр үр дүнд хүрч, сайн мэдээний байг элсүүлэх гээгүй. Тиймээс тэр залуу эгчийг явуулан зүгээр л хэлбэрдсэн. Хэрвээ залуу эгч байгаагүй бол тэр энэ хүнийг олж авахаар биечлэн явахгүй байх байсан.) Зөв, тийм л байх байсан. Хэрвээ тэр тохирох хүн байхгүй байгааг харсан бол өөрөө явах ёстой байсан биш үү? (Тийм.) Хэрвээ тэр үнэхээр үүрэгтээ үнэнч байж, хувийн аюулгүй байдлаа бодолцоогүй бол залуу эгчийг явуулахгүй, харин өөрөө явах байсан. Тэгвэл тэр өөрөө яваагүй нь ямар асуудлыг онцолж байна вэ? (Тэр өөрийнхөө аюулгүй байдал, ашиг сонирхлыг хамгаалж байсан.) Зөв, яг тийм зүйл болсон. Хэрвээ тэр үнэхээр үүрэгтээ үнэнч байсан бол уг хүнд хариуцлагыг өөрөө үүрэх байсан. Гэвч тэр тэгээгүй; харин хамгийн тохиромжгүй хүнийг сонгож өөрийнхөө оронд явуулсан. Аюулаас өөрийгөө халхалж, хамгаалах гэсэн хувийн зорилгодоо хүрэхийн тулд хамгийн тохиромжгүй хүнийг хамгийн аюултай газар руу явуулах нь түүний санаа зорилго байсан уу? (Тийм.) Энэ бол антихристүүдийн зан авир юм. Энэ нь хүмүүсийг зохицуулахтай холбоотой.

Эх газрын Хятадад агуу улаан луу Бурханд итгэгчдийг тогтмол, хэрцгийгээр дарангуйлж, баривчилж, хавчиж, тэднийг үргэлж аюултай нөхцөл байдалд оруулсаар ирсэн. Жишээлбэл, засгийн газар итгэгчдийг баривчлахын тулд янз бүрийн шалтаг ашигладаг. Антихристийн амьдарч байгаа газрыг тэд олж мэдэх үед антихристийн хамгийн түрүүнд боддог зүйл юу вэ? Энэ нь чуулганы ажлыг зөв зохицуулах тухай биш, харин энэ аюултай нөхцөл байдлаас хэрхэн зугтах тухай байдаг. Чуулган дарангуйлал, баривчилгаатай нүүр тулах үед антихристүүд хэзээ ч хор уршгийг нь арилгах ажил хийдэггүй. Тэд чуулганы чухал нөөц бололцоо юм уу боловсон хүчний талаар зохицуулалт хийдэггүй. Харин ч өөрсдөдөө аюулгүй газар олохын тулд элдэв шалтаг, шалтгаан хайдаг. Хувийн аюулгүй байдал нь баталгаажмагц тэд чуулганы ажил, боловсон хүчин, нөөц бололцоог зохицуулахад биечлэн оролцох нь ховор бөгөөд энэ хэрэг явдлыг асууж лавлаж, ямар нэгэн тодорхой зохицуулалт хийдэггүй. Үүний үр дүнд чуулганы нөөц бололцоо, санхүүг аюулгүй газар луу цаг тухайд нь шилжүүлж чаддаггүй, эцэст нь ихэнхийг нь агуу улаан луу тонон дээрэмдэж, авч одон, чуулганд ихээхэн хохирол учруулж, илүү олон ах эгчийг баривчлагдахад хүргэдэг. Энэ бол антихристүүд ажлын хариуцлагаасаа бултсаны үр дүн юм. Антихристүүдийн зүрх сэтгэлийн гүнд хувийн аюулгүй байдал нь үргэлж эн тэргүүнд тавигддаг. Тэдний зүрх сэтгэл дэх, байнга санаа зовдог асуудал нь энэ юм. Тэд дотроо “Би асуудалд орж болохгүй. Хэн баригдсан ч бай, би л лав баригдаж болохгүй—би амьд үлдэх ёстой. Би бурхны ажил дуусах үед бурхны алдрыг хуваалцахаа хүлээсээр байгаа. Хэрвээ би баригдвал Иудас шиг авирлаж, миний хувьд бүх зүйл дуусна. Надад сайн төгсгөл байхгүй болно. Би шийтгүүлнэ” гэж боддог. Тиймээс тэд ажиллахаар шинэ газар очих бүрдээ хамгийн түрүүнд хэний гэр бүл хамгийн аюулгүй, хамгийн хүчирхэг болохыг, хаана засгийн газрын нэгжлэгээс нуугдаж, аюулгүй байж болохыг судалдаг. Хоёрдугаарт, тэд хоол бүр нь махтай, зун нь агааржуулагчтай, өвөл нь халаалттай, амьдралын нөхцөл сайтай айл өрхүүдийг хайдаг. Түүнчлэн итгэгчдийн дунд хэн нь илүү урам зоригтой, илүү бат бөх суурьтай, асуудал гарах үед хамгаалалтаар хангаж чадах хүн болохыг сурагладаг. Тэд хамгийн түрүүнд энэ бүхнийг судалдаг. Судалгаа хийснийхээ дараа тэд суурьших газар олж, өнгөцхөн ажил хийж, захидал илгээх юм уу зарим мэдээлэл, ажлын зохицуулалтыг амаар дамжуулдаг. Одоо чи антихристүүдийг ажил хийж чадна гэж бодож байна уу? Тэд өөрсдийнхөө хувийн аюулгүй байдлыг маш нарийн, нямбай бодолцож, зохицуулж байгааг харахад тэд тодорхой ажлыг яаж хийхээ мэддэг, зүрх сэтгэлдээ яаж хийхээ мэддэг мэт харагдаж магадгүй. Гэвч тэдний санаа зорилго зөв биш, тэд зөвхөн хувийн ашиг хонжоогоо л боддог, үнэнд зэвүүцдэг; хийж байгаа зүйл нь үнэнд харшилж байгааг, аминч, жигшүүртэй гэдгийг мэдэж байлаа ч гэсэн тэд өөрсдийнхөөрөө зүтгэж, дур зоргоороо, увайгүй авирладаг. Тэдний хийдэг бүхэн өөрсдийнхөө аюулгүй байдлыг хамгаалахын төлөө байдаг. Өөрсдийгөө төвхнүүлж, аюулаас мултарсан, аюул өнгөрсөн гэж мэдэрснийхээ дараа л антихристүүд өнгөцхөн ажил хийж эхэлдэг. Антихристүүд зохицуулалт хийхдээ нэлээд нягт нямбай байдаг боловч энэ нь хэнтэй харьцаж байгаагаас нь хамаардаг. Тэд өөрсдийнх нь ашиг сонирхолд хамаатай хэрэг явдлыг маш сайн бодож үздэг ч чуулганы ажил юм уу өөрсдийнх нь үүргийн тухайд аминч, жигшүүртэй байдлаа харуулж, хариуцлагагүй хандан, өчүүхэн төдий ч мөс чанар, эрүүл ухаангүй байдаг. Яг ийм зан авираас нь болж тэднийг антихристүүд гэж тодорхойлдог. Хэрвээ бид зөвхөн хэв чанарт нь үндэслэн шүүж, тэд өөрсдийнхөө аюулгүй байдлын төлөө хэр сайн бодож, нарийн нягт, тодорхой төлөвлөгөө гаргадгийг бодолцон үзвэл тэд хэв чанараар дутмаг биш, ухаалаг хүмүүс юм. Тэд Бурханы гэрийн ажлыг зохицуулж чаддаг байх ёстой. Тэгэхээр чадварт нь үндэслэн үзвэл тэднийг антихристүүд гэж нэрлэх ёсгүй атал яагаад тэгж нэрлэсээр ирсэн бэ? Энэ нь тэдний мөн чанараар, үнэнийг хүлээн авч, хэрэгжүүлж чадах эсэхээр, үнэнийг эрэлхийлдэг хүмүүс мөн эсэхээр тодорхойлогддог. Тэд өөрсдийнхөө амьдрах орчин, идэж уух зүйл, аюулгүй байдлын талаар маш нарийн бодож, зохицуулалт хийдэг. Гэвч Бурханы гэрийн ажлын тухайд тэд шал өөр хүмүүс болж, тун аминч, жигшүүртэй байж, Бурханы санаа зорилгыг огт бодолцон үздэггүй. Тэд бол гарцаагүй үнэнийг эрэлхийлдэг хүмүүс биш юм. Антихристүүд Бурханы гэрийн ажил болон Дээрхийн ажлын зохицуулалтыг шүүж тунгаах замаар ханддаг. Тэд юу хийхийг хүсэж байгаа, юу хийхийг хүсэхгүй байгаагаа, мөн юу өөрсдийнх нь аюулгүй байдалтай холбоотой болон холбоогүй болохыг сонгож шүүдэг. Тэгээд Дээрх, ууж идэхдээ уургын морь, урагшаа гишгэхдээ ургаа хад шиг болохыг нь, мөн хийвэл зохих үүргээ гүйцэтгэдэггүйг нь олж мэдэхээс зайлсхийхийн тулд ямар ч аюулгүй, амархан хэдэн ажил хийдэг. Ажлыг зохицуулсныхаа дараа тэд тодорхой ажлууд хэрхэн хэрэгжиж байгааг хэзээ ч асууж сурагладаггүй, хяналт тавьдаг ч үгүй. Жишээлбэл, өргөл болон янз бүрийн нөөцийг хэрхэн зохицуулах, хаана байрлуулах, хэрхэн хадгалах, хэн хадгалах талаар Бурханы гэрт тодорхой зарчим, дүрэм журам байдаг. Харин антихристүүд эдгээр зүйлийн талаар зөвхөн ярьдаг бөгөөд зохицуулалт хийснийхээ дараа үүнийгээ дууссан гэж үздэг. Орчин нөхцөл нь тохиромжтой эсэхээс үл хамааран тэд нөхцөл байдлыг харахаар хэзээ ч газар дээр нь очдоггүй; тэд ердөө л амаа хөдөлгөдөг бөгөөд зүрх сэтгэлдээ Бурханы гэрийн эдгээр нөөцтэй холбоотой тодорхой зохицуулалтууд тохиромжтой, эсвэл аюулгүй эсэхийг ухамсарладаггүй, асууж сурагладаггүй, судалдаггүй, тоодог ч үгүй. Тиймээс антихристүүдийг удирдагч байх хугацаанд, тэдний ажлын цар хүрээнд Бурханы үгийн зарим номыг ёрын муу хүмүүс авдаг. Зарим ном буруу хадгалснаас болж хөгцөрдөг, зарим тохиолдолд тодорхой ном юм уу нөөцийг ямар ч хараа ханялтгүй газарт байрлуулдаг. Антихристүүд эдгээр хэрэг явдалд тодорхой зохицуулалт хийж чаддаггүйгээр үл барам, тэдгээрийн талаар гарцаагүй асууж сурагладаггүй, судалдаггүй, лавладаггүй. Харин ч зохицуулалт хиймэгцээ тэд ажлаа дуусгасан гэж үздэг. Тэд зүгээр л ярьдаг, тэгээд л тэр; тэд ямар ч бодит үр дүн эрж хайлгүйгээр зүгээр л хэлбэрддэг. Эдгээр зан авираар дамжуулан антихристүүд үнэнч зангаа харуулдаг уу? (Үгүй.) Тэдэнд үнэнч зан байдаггүй. Чуулганы янз бүрийн нөөцийг зохицуулах тухайд антихристүүд хэзээ ч асууж сурагладаггүй. “Хэзээ ч асууж сурагладаггүй” гэдэг нь юу гэсэн үг вэ? Тэд ямар ч зохицуулалт хийдэггүй гэсэн үг үү? Хэн нэгэн өөрсдийг нь дээд түвшний удирдагчдад мэдээлэх вий гэсэндээ хүмүүсийн нүдийг хуурахын тулд тэд хэлбэрдэж, зохицуулалт хийдэг. Гэвч тэд хэзээ ч тодорхой ажил хийдэггүй. Тодорхой ажил гэдэг нь юуг хэлж байна вэ? Энэ нь эдгээр зүйлийг хаана байрлуулах ёстой, аюулгүй эсэх, тэдгээрт ямар нэгэн зүйл тохиолдож болзошгүй эсэх, мэрэгч амьтад ирж мэрж болзошгүй эсэх, усанд автах юм уу хулгайлагдаж болзошгүй эсэх, хадгалах хариуцлагатай хүмүүс нь тохиромжтой эсэх гэх мэтийг тодорхойлохтой холбоотой. Гэсэн ч антихристүүд хэзээ ч асууж сурагладаггүй, хэзээ ч судалдаггүй, хэзээ ч санаа тавьдаггүй. Зүрх сэтгэлдээ тэд эдгээр зүйл өөрсдийнх нь эдлэх зүйл биш гэж үздэг; тэд эдгээрийг үнэлдэггүй, тэдэнд эдгээр нь ямар ч хэрэггүй байдаг. Эдгээр нь бусад хүмүүсийнх, Бурханы гэрийнх бөгөөд өөрсдөд нь хамаагүй байдаг. Тэд огтхон ч тоодоггүй; санаа зовохыг хүссэн хэн боловч санаа зовж л байг—тэд санаа тавьдаггүй. Тэд юмыг зохицуулдаг, тэгээд л тэр. Зарим антихрист бүр зохицуулалт хийхээс ч төвөгшөөдөг. Тэд энэ ажлыг сайн хийсэн ч ямар ч шагнал авахгүй, муу хийсэн ч хэн ч өөрсдөд нь хариуцлага тооцохгүй гэж боддог. Ийм ялихгүй зүйлийн төлөө хэн тэднийг мэдээлэх юм бэ? Үүний төлөө Бурхан тэднийг шийтгэх үү? Үүрэгтээ хандах антихристүүдийн хандлага, үзэл бодол яг ийм байдаг: Тэд хэлбэрдэж, хэрэг явдлыг хааш яаш байдлаар зохицуулдаг. Эдгээр зүйл өөрсдийнх нь байр суурь юм уу аюулгүй байдалд нөлөөлөхгүй л бол тэдгээрийг зохицуулсан эсэхийг тэд тоодоггүй. Эдгээр зүйл алга болсон, хорогдсон, эсвэл гэмтсэн эсэх нь бүгд тэдэнд хамаагүй байдаг. Антихристүүд Бурханы гэрийн эдгээр нөөцийг нийтийн өмч гэж үздэг. Тэд эдгээрийн талаар санаа зовох шаардлагагүй, эдгээрт анхаарал хандуулах шаардлагагүй, эдгээрийг зохицуулахын тулд ямар нэгэн эрч хүч зарцуулах шаардлагагүй байдаг. Тиймээс антихристүүдийг удирдагч байх хугацаанд, үүргээ цалгардуулсан, хувийн таашаалдаа анхаарсан, тодорхой ажлыг хийж чадаагүйгээс нь болж Бурханы гэрийн янз бүрийн нөөцийг агуу улаан луу тонон дээрэмдэж, авч оддог, эсвэл зарим ёрын муу хүмүүс булаан авдаг. Ийм тохиолдол олон байсан. Зарим хүн: “Ийм дайсагнасан орчинд хэн бүх зүйлийг тийм нарийн нягт арчилж чадах юм бэ? Хэн бага зэрэг хайхрамжгүй хандах, эсвэл цөөн хэдэн алдаа гаргахаас зайлсхийж чадах юм бэ?” гэж хэлж магадгүй. Энэ нь зүгээр л цөөн хэдэн алдаа гаргах явдал уу? Хэрвээ хүмүүс хариуцлагаа биелүүлж, үнэнч зангаа харуулж чадсан бол эдгээр нөөцийн алдагдал төдийлөн их биш байх байсан; энэ нь гарцаагүй багасаж, ажлын үр дүн ихээхэн сайжрах байсан гэж Би хэлж зүрхэлнэ.

Антихристүүд ерөөл хүртэхийн тулд Бурханд итгэдэг. Тэд Бурханы гэр юм уу Бурханы ашиг сонирхолтой холбоотой юунд ч, хэзээ ч санаа тавьдаггүй. Тэдний хийдэг бүхэн хувийн ашиг сонирхлыг нь тойрон эргэлдэх ёстой байдаг. Хэрвээ Бурханы гэрийн ажил тэдний хувийн ашиг сонирхолд хамаарахгүй бол тэд зүгээр л тоодоггүй, энэ талаар асууж сурагладаггүй. Тэд хэчнээн аминч гээч! Зарим антихристийг удирдагчаар ажиллаж байх үед агуу улаан луу тэдний хяналт тавьж байсан цар хүрээн дэх их хэмжээний тахилыг дээрэмдсэн бөгөөд гайхмаар их хэмжээний хохирол гарсан. Гэвч эдгээр антихрист өөрсдийгөө огт буруутгаагүй. Тэр ч бүү хэл, тэд дараа нь “Энэ нь зөвхөн миний хариуцлага биш: Яаж бүгдийг нь надад тохож болох юм бэ? Түүгээр ч барахгүй ийм нөхцөл байдлаас зайлсхийх аргагүй” гэж хэлсэн. Тэд огтхон ч харамсаагүй, бусдад буруугаа чихэж, түмэн шалтаг тоочин өөрсдийгөө өмөөрөхөөр оролдсон. Тэд ямар гээчийн өөдгүй амьтад вэ? Ийм хүмүүсийг хөөх ёстой биш үү? Тэд хараагдаж, шийтгүүлэх ёстой биш үү? (Тийм.) Ийм том алдаа гаргачхаад энэ антихристүүд өчүүхэн төдий ч харамсаагүй! Хэрвээ хайхрамжгүй байдлаас нь болж Бурханы гэрийн хөрөнгийг агуу улаан луу булаан авбал хэвийн хүн, хүн чанартай хүн, Бурханд үнэнч хүн, эсвэл Бурханаас эмээдэг сэтгэлтэй хүн ямар илрэл харуулах вэ? (Тэд харамсаж, өөрсдийгөө буруутгаж, үүргээ сайн гүйцэтгэсэнгүй гэдгээ зүрх сэтгэлдээ мэдэрнэ.) Тэд дараа нь юу хийх вэ? Тэд засаж залруулах арга зам бодож олно. Тэд зүрх сэтгэлийнхээ угаас өртэй гэдгээ мэдэрч, харамсана; бусад хүн юу ч хэлсэн бай, тэд ганц ч гомдлын үг унагахгүй, өөрсдийгөө өмөөрөхгүй. Тэд энэ нь өөрсдийнх нь хайхрамжгүй байдал, өөрсдийнх нь гэм буруу гэдгийг хүлээн зөвшөөрнө. Бурхан тэдэнд юу ч хэлсэн, Бурханы гэр тэднийг яаж ч зохицуулахаар шийдсэн тэд хүлээн авна. Тэгвэл антихристүүд яагаад үүнийг хүлээн авдаггүй вэ? Яагаад тэд хөөгдсөнийхөө дараа гомдлоор дүүрэн байдаг вэ? Энэ нь антихристүүдийн уг чанарыг илчилдэг. Энэ антихристүүд Бурханы гэрийн ажилд ийм их хэмжээний хохирол учруулж, үүргээ үл тоомсорлосноос нь болж бусдын маш их хүчин чармайлт дэмий үрэгдэж, агуу улаан луу маш их тахилыг булаан авсан байхад тэд өөрсдийгөө огт буруутгаагүй, өртэй мэдрэмж төрөөгүй, тэр ч бүү хэл өөрсдийгөө өмөөрсөн. Бурханы гэр өөрсдийг нь зохицуулах үед тэд дуулгавартай дагахаас татгалзаж, эсэргүүцлээ хаа сайгүй тараасан. Тэд ямар гээчийн өөдгүй амьтад вэ? Энэ нь үхлээ эрж байгаа хэрэг биш үү? (Тийм.) Энэ бол үхлээ эрж байгаа хэрэг. Антихристүүдийн гол цөмийг харвал, тэдний уг чанар-мөн чанар нь үнэн болон Бурханд дайсагнах явдал юм. Тэд хүн чанаргүй; тэд бол амьд чөтгөрүүд, Сатанууд, хүн дүрстэй араатнууд юм. Хүн чанартай хүмүүс жижиг алдаа гаргах юм уу буруу зүйл хэлэх үедээ өөрсдийгөө буруутгадаг. Харин амьд чөтгөрүүд, антихристүүд үүнийг мэдэрдэггүй. Ийм ноцтой алдаа гаргасныхаа дараа ч тэр антихристүүд өөрсдийгөө огт буруутгаагүй, тэр ч бүү хэл өөрсдийгөө өмөөрөхөөр оролдсон. Тэгвэл тэдний хувьд үнэн гэж юу вэ? Тэд зүрх сэтгэлдээ үнэнийг хүлээн зөвшөөрдөг үү? Бурханы үг бол үнэн, Бурхан бол үнэн—тэд энэ баримтыг хүлээн зөвшөөрдөг үү? (Тэд хүлээн зөвшөөрдөггүй.) Тэд үүнийг илт хүлээн зөвшөөрдөггүй. Тэд зүрх сэтгэлдээ өөрсдийгөө үнэн, Бурхан гэж үздэг; тэд өөрсдөөс нь өөр Бурхан байхгүй гэж боддог. Тэд диаволууд биш гэж үү? (Мөн.) Эд бол диаволууд, ердийн диаволууд юм. Антихристүүд чуулганы нөөцийн талаар огт асууж сурагладаггүй, тэдгээрт зориулж ямар нэг тодорхой зохицуулалт ч хийдэггүй. Харин тэд өөрсдөө ямар нэгэн үнэ цэнтэй зүйл эзэмшдэг бол үүнийгээ маш сайн арчилж хамгаална гэдэгт чи итгэлтэй байж болно. Тэд зүүдэндээ ярихдаа ч энэ тухай ганц ч үг унагахгүй, зодоод ч тэднээс үг унагаж чадахгүй. Тэд үүнийгээ гойд сайн хамгаалдаг. Гэвч Бурханы гэрийн нөөцийн тухайд тэдний хандлага тэс өөр байдаг. Тэд үнэндээ ийм хандлагатай байдаг: “Энэ надад ямар хамаатай юм бэ? Би тэр нөөцийг эдлэхгүй, бас энэ нь минийх биш. Би үүнийг сайн хадгалж хамгааллаа ч гэсэн өөр хэн нэгэнд өгч магадгүй! Үүнийг тэгж сайн хамгаалж яах юм бэ?” Тэд энэ хэргийг өөрсдийн үүрэг гэж үздэггүй. Энэ нь хүн чанаргүй хэрэг биш үү? (Тийм.) Энэ бол хүн чанаргүйн илрэл юм. Үүнийг юу гэж нэрлэдэг вэ? Үүнийг найдваргүй байдал гэж нэрлэдэг. Бурхан энэ ажлыг чамд даалгаж, чиний гүйцэтгэх ёстой үүргийг чамд өгсөн—энэ бол чиний ажлын нэг хэсэг. Чи эдгээр хэрэг явдлыг сайн зохицуулж, нэг бүрчлэн гүйцэтгэж, Бурханы шаардсан зарчим болон Бурханы гэрийн ажлын зохицуулалтыг дагаж мөрдөн, зүй зохистой зохицуулах ёстой, тэгвэл чиний хариуцлага биелэх болно. Гэвч антихристүүдэд ийм сэтгэлгээ, санаа байдаг уу? (Үгүй, байдаггүй.) Огт байдаггүй. Энэ бол ямар ч хүн чанаргүй хэрэг юм. Хүн чанаргүйн тодорхой илрэл нь юу вэ? Энэ нь мөс чанар, эрүүл ухаантай байхыг үл тоож, аминч, жигшүүртэй, итгэл даадаггүй, найдваргүй, ямар нэг зүйл даалгахад зохисгүй байх явдал юм.

Чуулган дахь боловсон хүчний асуудал, тухайлбал хэн хаана ямар ажил хийж байгаа, тэд үүнийгээ зохих ёсоор хийж байгаа эсэх, үүргээ үр дүнтэй гүйцэтгэж байгаа эсэх, ямар нэгэн саад тотгор, үймээн гарсан эсэх, эсвэл ах эгч нарын санал хүсэлт ямар байгаа тухайд антихристүүд хэзээ ч нарийвчлан асууж сурагладаггүй, эсвэл эдгээр зүйлийн талаар зохицуулалт хийдэггүй. Жишээлбэл, Бурханы гэр тэднээс янз бүрийн авьяастай хүмүүсээр хангахыг шаардах үед антихристүүд тэр хүмүүсийн нөхцөл байдлыг тодорхой олж мэдэх юм уу асууж сураглахгүйгээр—жишээ нь, энэ хүмүүс итгэлийн суурьтай эсэх, хүн чанар нь ямархуу болох, үнэнийг хүлээн авч чадах эсэх, тэдний онцгой авьяас, ур чадвар Бурханы гэрийн шаарддаг стандартад нийцэж байгаа эсэх, тэднийг хөгжүүлж, чухал үүрэг хүлээлгэхэд тохиромжтой эсэхийг лавлалгүйгээр ердөө л тэдний талаар бичгээр үйлдсэн танилцуулгыг гүйлгэж хардаг. Антихристүүд эдгээр зүйлийг зүгээр л аргацааж, дүр эсгэн, бичгээр үйлдсэн танилцуулгыг нь товчхон хараад л болчихдог. Тэд олж өгсөн хүмүүстэйгээ хэзээ ч бодитоор харилцдаггүй, тэдний талаар нарийвчилсан юм уу гүн гүнзгий ойлголттой болохыг эрж хайдаггүй. Үүний үр дүнд тэдний сонгосон хүмүүсийн ихэнх нь үүргээ гүйцэтгэж, хийвэл зохих ажлаа хийж чадаагүйн улмаас эцэстээ таягдан хаягддаг. Антихристүүд энэ нөхцөл байдлыг хэрхэн үздэг вэ? “Энэ үүргүүдийг гүйцэтгэхээр би дэвшиж байгаа биш; надад ямар ч хамаагүй. Хэн явах нь ямар ялгаатай юм бэ? Би санал болгосон хүмүүсийг баталж, энэ хүмүүсээр хангаж л байвал ажлаа хийсэнд тооцогдоно. Түүгээр ч барахгүй, дэвшсэн хүмүүс надад өртэй болж үлдэнэ. Тэднийг хөгжүүлэхэд тохиромжтой эсэх нь миний хэрэг биш.” Хэрвээ антихристүүд тохиромжгүй хүмүүсээр хангаж, Бурханы гэрийн ажилд саад учруулбал тэд ямар нэгэн хариуцлага хүлээх үү? (Тийм.) Тэд маш их хариуцлага хүлээдэг ч энэ чөтгөрлөг юмнууд ямар ч хяналт шалгалт хийдэггүй. Зарим нь: “Хэцүү орчин нөхцөлтэй тодорхой газруудад бид хүмүүстэй нүүр тулан харилцаж чаддаггүй. Бид тэднийг яаж хяналт шалгалт хийх юм бэ?” гэж хэлдэг. Хүрээлэн буй орчин хэчнээн хүнд хэцүү байсан ч эдгээр хэрэг явдлыг зохицуулах арга барил, арга зам байсаар байдаг. Энэ нь хариуцлагатай байж, чин сэтгэлээсээ өөрийгөө зориулдаг эсэхээс хамаарна. Тийм биш гэж үү? (Тийм.) Хэрвээ чи үнэнч байж, хариуцлагаа биелүүлбэл үр дүн нь өв төгс биш байсан ч гэсэн Бурхан үүнийг шинжиж, мэдэх бөгөөд хариуцлагыг нь чи үүрэхгүй. Харин чи үнэнч бус байж, хариуцлагаа биелүүлэхгүй бол юу ч буруугаар эргээгүй, эцэст нь ямар нэг үр дагаварт хүргээгүй байсан ч Бурхан үүнийг шинжих болно. Энэ хоёр хандлагын уг чанар нь өөр бөгөөд Бурхан тэдгээрт өөрөөр хандана. Антихристүүд хүмүүсээр хангах тухайд мөн л явуулга хийдэг, аминч, жигшүүртэй сэдэл агуулдаг, үнэнч зан дутмаг байдаг. Юу ч хийж байлаа гэсэн, антихристүүд өөрсдийн гэсэн тооцоололтой байдаг бөгөөд зарчмыг баримталдаггүй. Түүгээр ч барахгүй, бодитой ажлыг сайн хийхийн тулд тэд ил гарч, илүү олон хүнтэй уулзахаар ийш тийш аялж, бэрхшээл туулж, эрсдэл үүрэх ёстой болдог. Өөрсдийнх нь аюулгүй байдлын асуудал хөндөгдмөгц антихристүүд дахин тооцоолж эхэлдэг бөгөөд тэдний уг чанар илчлэгддэг. Юу илчлэгддэг вэ? Тэд хэтэрхий олон хүнтэй харилцах нь өөрсдийнх нь аюулгүй байдалд эрсдэлтэй бөгөөд хүмүүстэй дур зоргоороо холбоо тогтоож болохгүй гэж үздэг. Антихристүүд харилцах ёстой хүмүүстэйгээ харилцдаггүй, хэнтэй ч уулздаггүй, харин оронд нь аюулгүй газар олж байрлан, нуугдаж, энгийн хэдэн ажлаас өөр юу ч хийдэггүй. Ажлын бусад талууд хэр сайн хийгдэж байгаа, үймээн дэгдээж байгаа хүмүүс байгаа эсэх, эсвэл ажлын зохицуулалт, Бурханы үгийн төрөл бүрийн ном, эсвэл номлолын бичлэгүүд тараагдаж байгаа эсэх тухайд антихристүүд хэзээ ч тодорхой зохицуулалт хийдэггүй, эсвэл эдгээр зүйлийг асууж лавладаггүй. Үнэнч гэж тооцогдохын тулд тэд эрсдэл үүрч, ил гарч, асуудалтай тулгарах ёстой гэж хэлж байгаа юм биш. Энд байгаа асуудал юу вэ? Хэн тайлбарлаж чадах вэ? (Тэд анх энэ ажлыг эхлүүлэхдээ үүнийг хэрхэн сайн хийх, эсвэл санал болгосон боловсон хүчин тохиромжтой эсэхийг хэзээ ч бодолцон үзээгүй бөгөөд хэзээ ч хамаг зүрх сэтгэлээ зориулж, хариуцлагаа биелүүлж байгаагүй. Тэд эдгээр зүйлийн талаар хэзээ ч бодоогүй.) Тэд ерөөсөө л үнэнч байдаггүй. Бурханд үнэнч хүмүүсийн ажилладаг арга барилын шинж чанар нь үнэнч биш хүмүүсийнхээс ялгаатай байдаг. Тэд хоёулаа аюултай хэрэг явдалтай тулгарах үед үнэнч хүмүүс нь аюулыг сөрөн зогсож, ажлаа хийж, ажлын зохицуулалтыг хэрэгжүүлэхийн тулд мэргэн ухаан, арга барил ашиглаж чаддаг. Харин антихристүүд аюултай эсэхээс үл хамааран бодитой ажил хийдэггүй, ажлын зохицуулалтыг хэзээ ч хэрэгжүүлдэггүй. Ялгаа нь энэ юм. Антихристүүд чуулганы нөхцөл байдал, янз бүрийн даалгавар гэх мэт зүйлсийн талаар амаараа асууж сураглаж болох ч тэдний асууж сураглах нь хүртэл ёс төдий айдаг, тэд зүгээр л өнгөцхөн хүчин чармайлт гаргадаг, үүндээ огтхон ч хичээнгүй ханддаггүй. Гаднаас нь харахад тэд бодитой ажил хийж байгаа мэт санагдаж болох ч үнэн хэрэгтээ тэд ажлаа ойлгодоггүй, тэмдэглэл хөтөлдөггүй, энэ талаар тунгаан боддоггүй, залбирч, эрж хайдаггүй. Ажлын өөр өөр хэсэг хэрхэн явагдаж байгаа, эсвэл ажил сайн хийгдээгүй хэсгийг хэн хариуцаж байгаа, чуулганы аль удирдагч тохиромжгүй байж болох, эсвэл хаана ажил хэрэгжээгүй байгааг бодож үзэхэд тэд эрч хүчээ зарцуулдаггүй. Тэд эдгээр зүйлийг бодолцдоггүй, зүгээр л аргацаадаг бөгөөд асуудлыг олж тогтоосон ч шийдвэрлэдэггүй. Удирдагч гэгддэг зарим хүн хүмүүсийг зөвхөн цуглаанд л дуудаж, нөхцөл байдлыг асууж сураглан, ажлыг задлан шинжилж, судалдаг. Бодитой ажил хийх хэрэгтэй болж, зовж, төлөөс төлөх шаардлагатай болох үед, мөн хувийн аюулгүй байдалд нь эрсдэл учирч, тодорхой хэмжээний хүндрэл гармагц тэд үүнийг хийдэггүй. Тэд тэр хүрээд ажлаа зогсоон, өөрсдийгөө хамгаалахыг эн тэргүүнд тавьдаг. Тэд асуудлыг олж харсан ч гэсэн тодорхой зохицуулалт хийдэггүй. Хэрвээ тэд Бурханд итгэдгээрээ олны танил болж, баривчлагдах аюулд орлоо гэхэд эдгээр ажлыг бусдад хүлээлгэн өгдөг үү? Үгүй, тэгдэггүй. Тэд эдгээр ажлыг бусдаар хийлгэхээр зохицуулдаггүй бөгөөд асуудал үүнд л байгаа юм. Тэгвэл ийм хүмүүсийн илчилдэг мөн чанар юу вэ? Тэд үнэнч зангүй, аминч, жигшүүртэй, бүх зүйл дээр өөрсдийн аюулгүй байдлыг бодолцдог. Тэд Бурханы гэрийн ажлын зохицуулалт хэрэгжиж байгаа эсэх талаар, эсвэл Бурханы гэрийн ажлын явцын талаар хэзээ ч асууж лавладаггүй, эдгээр зүйлийг тоодоггүй. Тэд үнэнч зангаа өргөн барьдаггүй, үнэнч байдлаа харуулдаггүй. Тэдний хувьд эдгээр хэрэг явдлыг зүгээр л аргацаахад хангалттай байдаг; тэд үүнийгээ ажил хийж байна гэж үздэг. Хэрвээ эрсдэл бага байвал тэд дурамжхан жаахан ажил хийж магадгүй. Харин эрсдэл ихтэй, баривчлагдах магадлалтай бол ажил нь хэчнээн чухал байсан ч тэд үүнийг хийхгүй. Энэ бол антихристүүдийн мөн чанар юм. Тэдний зүрх сэтгэлийн гүнд, ашиг сонирхол нь хамгаалагдаж л байвал тэд хэнийг ч худалдаж чадна. Тэдний ашиг сонирхол Бурханы гэрийн ашиг сонирхлыг золиослох замаар хэрэгждэг; тэдний хувьд өөрсдийнх нь ашиг сонирхол бүхнээс илүү дээгүүр байдаг. Антихристүүд үүрэг хүлээж авмагцаа үнэнч байж чадах уу? (Үгүй, чадахгүй.) Тэдний хувьд үнэнч байх боломжгүй. Тэд ах эгч нарынхаа амь нас, аюулгүй байдлыг бодолцож чадах уу? (Чадахгүй.) Өөрсдийнхөө аюулгүй байдлын тухайд антихристүүд зөвхөн өөрсдийгөө л хамгаалж, ах эгч нараа галт нүх рүү түлхэн, тэднийг золиос болгон ашиглана. Энэ бол антихристүүдийн уг чанар-мөн чанар юм.

Зарим антихрист өөрсдийн аюулгүй байдлыг бодолцон үзэхээс гадна өөр юуны талаар боддог вэ? Тэд “Одоо бидний орчин таатай биш байгаа тул гадуур гарахаа цөөрүүлж, сайн мэдээ номлохоо багасгацгаая. Ингэвэл бидний баривчлагдах магадлал багасна, чуулганы ажил сүйдэхгүй. Хэрвээ бид баривчлагдахаас зайлсхийвэл Иудас болохгүй, тэгээд ирээдүйд амьд үлдэж чадна, тийм биз дээ?” гэдэг. Ах эгч нараа төөрөлдүүлэхийн тулд ийм шалтаг ашигладаг антихристүүд байдаг биш гэж үү? Зарим антихрист үхлээс маш их айж, үлгэн салган амь зуудаг; тэд бас нэр хүнд, байр сууринд дуртай бөгөөд удирдагчийн үүрэг рольд очихыг хүсдэг. Тэд “Удирдагчийн ажил хариуцахад амар биш—хэрвээ намайг удирдагч болсныг агуу улаан луу олж мэдвэл би алдартай болж, эрэн сурвалжлагдах жагсаалтад орж магадгүй, баривчлагдах юм бол амь насанд минь аюул учирна” гэдгийг мэддэг хэдий ч энэ байр суурийн ашиг тусад ташуурахын тулд эдгээр аюулыг үл тоомсорлодог. Тэд удирдагчаар ажиллахдаа зөвхөн махан биеийн таашаалдаа ташуурдаг бөгөөд бодитой ажил хийдэггүй. Төрөл бүрийн чуулгантай бага зэрэг захидлаар харилцахаас өөр юу ч хийдэггүй. Тэд ямар нэгэн газарт нуугдаж, хэнтэй ч уулздаггүй, өөрсдийгөө түгжиж суудаг бөгөөд ах эгч нар удирдагч нь хэн болохыг ч мэддэггүй—тэд ийм хэмжээнд айдаг. Тэгвэл тэднийг нэр төдий удирдагчид гэж хэлэх нь зөв биш гэж үү? (Тийм.) Тэд удирдагчийн хувиар ямар ч бодитой ажил хийдэггүй; зөвхөн өөрсдийгөө нуух талаар л анхаардаг. Бусад хүн тэднээс “Удирдагч байх ямар байна даа?” гэж асуух үед тэд “Би маш их завгүй байна, аюулгүй байдлын үүднээс байнга нүүх хэрэгтэй болдог. Энэ орчин маш түгшүүртэй болохоор би ажилдаа төвлөрч чадахгүй байна” гэж хэлнэ. Тэдэнд үргэлж олон нүд өөрсдийг нь харж байгаа мэт санагддаг бөгөөд хаана нуугдах нь аюулгүй болохыг тэд мэддэггүй. Зүсээ хувиргаж, өөр өөр газар нуугдаж, нэг байршилд үлдэхгүй байхаас гадна тэд өдөр бүр ямар ч бодитой ажил хийдэггүй. Ийм удирдагчид байдаг уу? (Тийм.) Тэд ямар зарчим баримталдаг вэ? Энэ хүмүүс “Мэхт туулай гурван нүхтэй. Туулай махчин амьтны дайралтаас сэргийлэхийн тулд өөрийгөө нуух гурван нүх бэлтгэх ёстой байдаг. Хэрвээ хүн аюултай тулгарч, зугтах ёстой болсон ч нуугдах газар байхгүй бол энэ нь хүлээн зөвшөөрөгдөхүйц үү? Бид туулайнаас суралцах ёстой! Бурханы бүтээсэн амьтад амьд үлдэх ийм чадвартай байдаг бөгөөд хүмүүс тэднээс суралцах ёстой” гэж хэлдэг. Удирдагчийн үүрэг рольд очсоноосоо хойш тэд энэ хоосон сургаалыг ухаарсан бөгөөд өөрсдийгөө бүр үнэнийг ойлгосон гэж боддог. Үнэн хэрэгтээ тэд маш их айсан байдаг. Тэд амьдарч байсан газар нь аюултай байснаас болж цагдаад мэдээлэгдсэн удирдагчийн тухай, эсвэл үүргээ гүйцэтгэхээр дэндүү олон удаа гарч, хэтэрхий олон хүнтэй харилцсанаас болж агуу улаан лууны тагнуулуудад онилогдсон удирдагчийн тухай, мөн энэ хүмүүс эцэст нь хэрхэн баривчлагдаж, ял сонссон талаар сонсмогцоо тэр даруй айдаст автдаг. Тэд “Өө яана аа, дараагийн баривчлагдах хүн нь би байх болов уу? Би үүнээс сургамж авах ёстой. Би хэтэрхий идэвхтэй байж болохгүй. Хэрвээ би чуулганы зарим ажлыг хийхээс зайлсхийж чадвал хийхгүй. Хэрвээ би гадуур гарахаас зайлсхийж чадвал гарахгүй. Би ажлаа аль болох багасгаж, гадагш гарахаас зайлсхийж, хэнтэй ч харилцахаас зайлсхийж, удирдагч гэдгээ хэнд ч, яасан ч мэдэгдэхгүй. Өнөө үед хэн өөр нэгэнд санаа тавьж чадах юм бэ? Зүгээр л амьд үлдэх нь аль хэдийн сорилт болчхоод байна!” гэж боддог. Удирдагчийн үүрэг ролийг хүлээж авснаасаа хойш тэд цүнх үүрч, нуугдахаас өөр ямар ч ажил хийдэггүй. Тэд сэтгэл түгшин амьдарч, баривчлагдаж, ял сонсохоос байнга айдаг. Хэн нэгэн: “Хэрвээ баривчлагдвал амиа алдана шүү! Хэрвээ чи удирдагч биш, зүгээр л жирийн итгэгч бол бага зэрэг торгууль төлөөд л суллагдаж магадгүй, гэхдээ чи удирдагч учраас хэлэхэд хэцүү. Энэ нь хэтэрхий аюултай! Баривчлагдсан зарим удирдагч, ажилчин үг алдсанаас үхэхийг илүүд үзээд цагдаа нарт зодуулж амиа алдсан” гэж хэлэхийг тэд сонслоо гэе. Хэн нэгэн зодуулж үхсэн тухай сонсмогц тэдний айдас нэмэгдэж, ажиллахаас бүр ч их айдаг. Өдөр бүр тэд хэрхэн баривчлагдахаас зайлсхийх, хэрхэн гадуур гарахаас зайлсхийх, хэрхэн хараа хяналтаас зайлсхийх, ах эгч нартайгаа харилцахаас хэрхэн зайлсхийх тухай л боддог. Тэд эдгээр зүйлийн талаар тархиа гашилган бодож, үүргээ тас мартдаг. Эдгээр нь үнэнч хүмүүс үү? Ийм хүмүүс ямар нэгэн ажил зохицуулж чадах уу? (Үгүй, чадахгүй.) Ийм хүмүүс зүгээр л хулчгар бөгөөд ганцхан энэ илрэлд нь үндэслэн бид тэднийг антихристүүд гэж баттай тодорхойлж чадахгүй, гэхдээ энэ илрэлийн уг чанар юу вэ? Энэ илрэлийн мөн чанар бол үл итгэгчийнх юм. Тэд Бурхан хүмүүсийн аюулгүй байдлыг хамгаалж чадна гэдэгт итгэдэггүй, Бурханы төлөө зарлагадахад өөрийгөө зориулах нь үнэнд өөрийгөө зориулж байгаа хэрэг бөгөөд энэ нь Бурханы сайшаадаг зүйл гэдэгт тэд мэдээж итгэдэггүй. Тэд зүрх сэтгэлдээ Бурханаас эмээдэггүй; тэд зөвхөн Сатан болон хорон муу улс төрийн намуудаас л айдаг. Тэд Бурханы оршин тогтнолд итгэдэггүй, бүх зүйл Бурханы гарт байдаг гэдэгт итгэдэггүй, мөн хүн Түүний төлөө, Түүний замыг дагахын төлөө, Түүний даалгаврыг биелүүлэхийн төлөө бүхнээ зарлагадахыг Бурхан сайшаана гэдэгт мэдээж итгэдэггүй. Тэд үүнийг огт харж чаддаггүй. Тэд юунд итгэдэг вэ? Хэрвээ агуу улаан лууны гарт орвол муугаар төгсөнө, ял сонсож, эсвэл бүр амь насаа алдах эрсдэлтэй гэж тэд итгэдэг. Зүрх сэтгэлдээ тэд чуулганы ажлыг биш, зөвхөн өөрсдийнхөө аюулгүй байдлыг л бодолцдог. Тэд үл итгэгчид биш гэж үү? (Мөн.) Библид юу гэж хэлдэг вэ? “Миний төлөө амиа алдсан хүн түүнийгээ олох болно” (Матай 10:39). Тэд энэ үгэнд итгэдэг үү? (Үгүй, итгэдэггүй.) Хэрвээ тэднээс үүргээ гүйцэтгэхдээ эрсдэл үүрэхийг шаардвал тэд нуугдаж, хэнд ч харагдахгүй байхыг хүснэ—тэд үл үзэгдэгч байхыг хүснэ. Тэд ийм хэмжээнд айдаг. Бурхан бол хүний түшиг тулгуур, бүх зүйл Бурханы гарт байдаг, хэрвээ үнэхээр ямар нэг зүйл буруугаар эргэж, эсвэл тэд үнэхээр баривчлагдвал энэ нь Бурханы зөвшөөрөлтэй бөгөөд хүмүүс дуулгавартай зүрх сэтгэлтэй байх ёстой гэдэгт тэд итгэдэггүй. Энэ хүмүүст ийм зүрх сэтгэл, ийм ойлголт, эсвэл ийм бэлтгэл байдаггүй. Тэд үнэхээр Бурханд итгэдэг үү? (Үгүй, итгэдэггүй.) Энэ илрэлийн мөн чанар нь үл итгэгчийнх биш гэж үү? (Тийм.) Яг тийм. Ийм хүмүүс гойд хулчгар, маш аймхай байдаг бөгөөд махан биеийн зовлон шаналлаас, өөрсдөд нь ямар нэгэн муу зүйл тохиолдохоос айдаг. Тэд үргэсэн шувуу шиг айж, ажлаа цаашид хийж чадахаа больдог. Бидний өмнө нь ярьсан төрлийн хүн ажил хийж чаддаг байсан ч зүгээр л ямар ч ажил огт хийдэггүй. Тэд асуудал байгааг мэдсэн ч гэсэн зохицуулдаггүй. Тэд өөрсдийгөө л хамгаалдаг бөгөөд тун аминч, жигшүүртэй байдаг. Энэ хоёр төрлийн хүн хоёулаа үл итгэгчид юм. Эхний төрөл нь зальтай, ов мэхтэй, бэрхшээл, алжаалаас айдаг, махан биеэ боддог, бодитой ажил хийдэггүй. Хоёр дахь төрөл нь хулчгар, аймхай, бодитой ажил хийж зүрхэлдэггүй, агуу улаан луунд баривчлагдаж, хавчигдахаас айдаг. Энэ хоёр төрлийн хүний хооронд ялгаа байгаа биш үү? (Тийм.)

Антихристүүд өөрсдийн аюулгүй байдлыг хэрхэн хамгаалдаг талаар та нарын мэдэх ямар нэг жишээ байна уу? (Бурхан минь, би ийм нэг тохиолдлыг мэднэ. Нэг чуулганыг муу зүйл хийж, цадиггүй авирладаг антихрист хянаж байснаас болж агуу улаан лууд баригдсан бөгөөд удирдагчид, санваартнууд болон хэдэн ах эгч бүгд баривчлагдсан. Тэр үед уг антихрист баривчлагдахаас айсан. Тэрээр хор уршгийг шийдвэрлэх ажлыг зохицуулалгүйгээр алс хол газарт нуугдсан. Тэр ч байтугай зочин хүлээж авдаг айлд байхаас татгалзаж, оронд нь өргөлийг ашиглан байр түрээслэх гэж зүтгэсэн. Тэрээр дараагийн ажлыг зохих ёсоор зохицуулаагүй бөгөөд далд аюулыг даруй арилгаагүйгээс болж хэд хэдэн ах эгч дараа нь баривчлагдаж, чуулганы ажил зогсохоос аргагүйд хүрсэн. Антихристүүд гойд аминч, жигшүүртэй байдаг нь тодорхой байна. Эгзэгтэй мөчид тэд зөвхөн өөрсдийн ашиг сонирхлыг л хамгаалдаг бөгөөд Бурханы гэрийн ашиг сонирхлыг огт хамгаалдаггүй.) Антихристүүд туйлын аминч, жигшүүртэй. Тэдэнд Бурханд итгэх жинхэнэ итгэл байдаггүй, Бурханд үнэнч зан бүр ч байдаггүй; тэд асуудалтай тулгарах үедээ зөвхөн өөрсдийгөө л хамгаалж, харгалздаг. Тэдний хувьд өөрсдийнх нь аюулгүй байдлаас илүү чухал зүйл гэж үгүй. Өөрсдөө амьд байж, баривчлагдахгүй л бол чуулганы ажилд хэчнээн их хохирол учрахыг тоодоггүй. Энэ хүмүүс туйлын аминч, тэд ах эгч нарын талаар, эсвэл чуулганы ажлын талаар огт боддоггүй, зөвхөн өөрсдийн аюулгүй байдлыг л боддог. Тэд бол антихристүүд юм. Тэгвэл Бурханд үнэнч, Бурханд итгэх жинхэнэ итгэлтэй хүмүүст ийм зүйл тохиолдох үед тэд үүнийг хэрхэн зохицуулдаг вэ? Тэдний хийдэг зүйл антихристүүдийн хийдэг зүйлээс юугаараа ялгаатай вэ? (Бурханд үнэнч хүмүүст ийм зүйл тохиолдох үед тэд Бурханы гэрийн ашиг сонирхлыг хамгаалах, Бурханы тахилд хохирол учрахаас сэргийлэх ямар нэг арга замыг бодож олох бөгөөд хохирлыг хамгийн бага байлгахын тулд удирдагч, ажилчид болон ах эгч нарт шаардлагатай зохицуулалтыг хийнэ. Харин антихристүүд эхлээд заавал өөрсдийгөө хамгаалдаг. Тэд чуулганы ажил юм уу Бурханы сонгосон хүмүүсийн аюулгүй байдалд санаа тавьдаггүй бөгөөд чуулган баривчилгаатай нүүр тулах үед энэ нь чуулганы ажилд хохирол учруулдаг.) Антихристүүд чуулганы ажил болон Бурханы тахилыг орхидог бөгөөд хор уршгийг шийдвэрлэх хүмүүсийг зохицуулдаггүй. Энэ нь агуу улаан лууд Бурханы тахил болон Бурханы сонгосон хүмүүсийг булаан авахыг зөвшөөрч байгаатай адил юм. Энэ нь Бурханы тахил болон Түүний сонгосон хүмүүсээс далдуур урваж байгаа хэрэг биш гэж үү? Бурханд үнэнч хүмүүс нөхцөл байдал аюултай байгааг сайн мэдэж байх үедээ ч хор уршгийг шийдвэрлэх ажлыг хийх эрсдэлээс айдаггүй бөгөөд Бурханы гэрт учрах хохирлыг хамгийн бага байлгасны дараа өөрсдөө явдаг. Тэд өөрсдийн аюулгүй байдлыг эн тэргүүнд тавьдаггүй. Надад хэл дээ, агуу улаан лууны хорон муу энэ улсад Бурханд итгэж, үүрэг гүйцэтгэхэд ямар ч аюулгүй гэж хэн баталж чадах юм бэ? Хүн ямар ч үүрэг гүйцэтгэлээ гэсэн, эрсдэл дагуулдаг—гэвч үүргээ гүйцэтгэх нь Бурханы даалгасан зүйл бөгөөд Бурханыг дагах явцдаа хүн үүргээ гүйцэтгэх эрсдэл үүрэх ёстой. Хүн мэргэн ухаан ашиглах ёстой, аюулгүй байдлаа хангах арга хэмжээ авах шаардлагатай, гэхдээ хувийн аюулгүй байдлаа эн түрүүнд тавьж болохгүй. Тэд Бурханы санаа зорилгыг бодолцон үзэж, Бурханы гэрийн ажил болон сайн мэдээ түгээх явдлыг нэгдүгээрт тавих ёстой. Бурханы даалгасан даалгаврыг гүйцэлдүүлэх нь хамгийн чухал бөгөөд эн тэргүүнд байдаг. Антихристүүд хувийн аюулгүй байдлаа хамгийн чухалчилдаг; өөр юу ч өөрсдөд нь хамаагүй гэж боддог. Тэгээд хэн нэгэнд ямар нэг зүйл тохиолдох үед тэр хүн хэн ч байлаа гэсэн тэд хайхардаггүй. Антихристүүд өөрсдөд нь муу юм тохиолдоогүй цагт сэтгэл амар байдаг. Тэдэнд үнэнч байдал огт байдаггүй бөгөөд энэ нь антихристүүдийн уг чанар-мөн чанараар тодорхойлогддог. Эх газрын Хятадын орчинд үүргээ гүйцэтгэх үедээ ямар ч эрсдэл үүрэхээс зайлсхийж, ямар нэг муу зүйл тохиолдохгүй байхыг баталгаажуулах боломжтой юу? Хамгийн болгоомжтой хүн ч үүнийг баталгаажуулж чадахгүй. Гэхдээ болгоомжтой байх шаардлагатай. Урьдаас сайн бэлдэх нь нөхцөл байдлыг бага зэрэг сайжруулах бөгөөд ямар нэг зүйл буруугаар эргэх үед хохирлыг хамгийн бага байлгахад тусалдаг. Хэрвээ ямар ч бэлтгэлгүй байвал хохирол нь асар их байх болно. Энэ хоёр нөхцөл байдлын хоорондох ялгааг тодорхой харж чадаж байна уу? Тиймээс цуглаан юм уу ямар нэг төрлийн үүрэг гүйцэтгэхтэй холбоотой байх нь хамаагүй, болгоомжтой байх нь хамгийн сайн бөгөөд урьдчилан сэргийлэх зарим арга хэмжээг авах шаардлагатай. Үнэнч хүн үүргээ гүйцэтгэх үедээ арай илүү цогцоор нь, бүрэн дүүрэн бодож чаддаг. Тэд ямар нэг зүйл буруугаар эргэвэл хохирлыг хамгийн бага байлгахын тулд эдгээр зүйлийг аль болох сайн зохицуулахыг хүсдэг. Тэд ийм үр дүнд хүрэх ёстой гэж мэдэрдэг. Үнэнч биш хүн эдгээр зүйлийг бодолцдоггүй. Тэд эдгээр зүйлийг хамаагүй гэж боддог, үүнийг өөрсдийн хариуцлага юм уу үүрэг гэж үздэггүй. Ямар нэг зүйл буруугаар эргэх үед тэд өөрсдийгөө буруутгадаггүй. Энэ бол үнэнч бус байдлын илрэл юм. Антихристүүд Бурханд ямар ч үнэнч байдал харуулдаггүй. Тэдэнд ажил даалгах үед тэд маш баяртайгаар хүлээн авч, сайхан зүйл хэлдэг ч аюул тулгарах үед хамгийн хурдан зугтдаг; тэд хамгийн түрүүнд гүйж, хамгийн түрүүнд зугтдаг. Энэ нь тэдний аминч, жигшүүртэй байдал тун ноцтой болохыг харуулж байна. Тэдэнд хариуцлагын мэдрэмж юм уу үнэнч байдал огт байдаггүй. Асуудалтай тулгарах үедээ тэд зугтаж, нуугдахаа л мэддэг, зөвхөн өөрсдийгөө хамгаалах талаар л боддог, хариуцлага юм уу үүргээ хэзээ ч бодолцдоггүй. Хувийн аюулгүй байдлынхаа төлөө антихристүүд аминч, жигшүүртэй уг чанараа байнга харуулдаг. Тэд Бурханы гэрийн ажил юм уу өөрсдийн үүргийг эн тэргүүнд тавьдаггүй. Бурханы гэрийн ашиг сонирхлыг бүр ч чухалчилдаггүй. Харин оронд нь тэд өөрсдийн аюулгүй байдлыг эн тэргүүнд тавьдаг.

Бидний сая нөхөрлөсөн хэсэг антихристүүдийн янз бүрийн илрэлийн 9-р зүйл—тэд Бурханы гэрийн ашиг сонирхлыг хэзээ ч бодолцон үздэггүй, харин ч бүр хувийн алдрын хариуд тэдгээр ашиг сонирхлоос урвадаг гэдэгтэй холбоотой биш гэж үү? (Тийм.) Өөрсдийгөө хамгаалахын тулд, аюул болон махан биеийн зовлонгоос зайлсхийхийн тулд антихристүүд Бурханы гэрийн ажил болон өөрсдийн үүрэгт хааш яаш ханддаг. Тэд бодитой ажил хийлгүйгээр албан тушаал хашдаг. Энэ нь Бурханы гэрийн ашиг сонирхлоос урваж байгаа хэрэг биш гэж үү? Энэ нь хувийн аюулгүй байдлын хариуд Бурханы гэрийн ашиг сонирхол, Бурханы ажил болон өөрсдийн хариуцлагыг үл тоомсорлож байгаа хэрэг биш гэж үү? (Тийм.) Энэ хэсэгт бидний задлан шинжилсэн илрэлүүд нь антихристүүдийн аминч, жигшүүртэй мөн чанарыг бүрэн ил болгодог. Энд бид голчлон юуны талаар нөхөрлөсөн бэ? Антихристүүд асуудалд орохоос айсандаа, мөн өөрсдийгөө хамгаалахын тулд үүргээ биелүүлдэггүй, Бурханд ямар ч үнэнч байдал харуулдаггүй. Энэ илрэлд ямар нэгэн үнэн-бодит байдал байна уу? Энэ нь мөс чанар, эрүүл ухаанаа алдсан хэрэг биш гэж үү? Энэ бол ямар ч хүн чанаргүй хэрэг юм!

Б. Өөрсдийнх нь нэр хүнд, байр суурь

Хоёр дахь хэсэг болох антихристүүдийн өөрсдийнх нь нэр хүнд, байр суурийн талаар үргэлжлүүлэн нөхөрлөцгөөе. Энэ ч бас антихристүүдийн ашиг сонирхолтой холбоотой. Одоо бидний ярилцаж буй энэ гурван хэсэг болох антихристүүдийн өөрсдийнх нь аюулгүй байдал, өөрсдийнх нь нэр хүнд, байр суурь, мөн өөрсдийнх нь ашиг тус—эдгээр нь бүгд антихристүүдийн өөрсдийнх нь ашиг сонирхолтой холбоотой. Эдгээр нь Бурханы гэрийн ажилтай ямар нэгэн холбоотой юу? (Тийм ээ, холбоотой.) Ямар холбоотой вэ? (Антихристүүд өөрсдийгөө хамгаалж, нэр хүнд, байр сууриа хадгалахын тулд чуулганы ажлыг үймүүлж, сүйтгэдэг.) Антихристүүд өөрсдийнхөө ашиг сонирхлыг хамгаалахын тулд Бурханы гэрийн ашиг сонирхол болон чуулганы ажлыг хохироодог. Антихристүүдийн аминч, жигшүүртэй уг чанарыг харвал, ийм төрлийн хүн өөрсдийнхөө аюулгүй байдлыг онцгойлон хамгаалахаас гадна өөр юуг нандигнадаг вэ? (Тэд нэр хүнд, байр сууринд маш их дуртай.) Зөв. Антихристүүд нэр хүнд, байр сууринд маш их дуртай. Нэр хүнд, байр суурь бол тэдний амин сүнс юм; нэр хүнд, байр суурьгүй бол амьдрал утгагүй мэт тэдэнд санагддаг бөгөөд нэр хүнд, байр суурьгүйгээр юу ч хийсэн эрч хүчгүй байдаг. Антихристүүдийн хувьд нэр хүнд, байр суурь хоёулаа хувийн ашиг сонирхолтой нь салшгүй холбоотой байдаг; эдгээр нь тэдний амин газар юм. Тийм учраас антихристүүдийн хийдэг бүхэн байр суурь, нэр хүндийг тойрон эргэлддэг. Хэрвээ энэ хоёр зүйлийн төлөө биш бол тэд ямар ч ажил хийхгүй байж магадгүй. Антихристүүд байр суурьтай байна уу, үгүй юу хамаагүй, тэдний тэмцэж буй зорилго, зүтгэж буй чиглэл нь нэр хүнд, байр суурь хэмээх энэ хоёр зүйл рүү чиглэдэг. Эх газрын Хятад зэрэг дарангуйллын орчинд Бурханд итгэхдээ антихристүүд өөрсдийн аюулгүй байдлыг баталгаажуулахын тулд Бурханы гэрийн ашиг сонирхлыг бодолцдоггүй. Нэг талаар тэд байр суурийг хамаг чадлаараа эрэлхийлж, эрх мэдлээс бат зуурч, чуулганыг хянадаг. Нөгөө талаар тэд өөрсдийнхөө нэр хүнд, байр суурийн төлөө үргэлж ярьж, ажиллаж, ийш тийш гүйж, хүчин чармайлт гаргадаг. Антихристүүдийн хэлдэг, хийдэг бүхэн нь энэ гол цөмийг тойрон эргэлддэг. Антихристүүд Бурханы сонгосон хүмүүсийн амь-оролтын төлөө хэзээ ч, ямар ч бодитой ажил хийдэггүй, хаанчлалын сайн мэдээг түгээхийн тулд хэзээ ч, ямар ч бодитой ажил хийдэггүй. Тэднийг төлөөс төлөх үед яагаад төлөөс төлж байгааг нь хар. Тэднийг ямар нэгэн асуудлаар ширүүн мэтгэлцэх үед яагаад мэтгэлцэж байгааг нь хар. Тэднийг хэн нэгний талаар хэлэлцэж, яллах үед ямар санаархал, зорилготой байгааг нь хар. Тэднийг ямар нэгэн зүйлээс болж бухимдаж, уурлах үед ямар зан чанар харуулж байгааг нь хар. Хүмүүс бусдын зүрх сэтгэл доторхыг харж чаддаггүй ч Бурхан чадна. Бурхан хүмүүсийн зүрх сэтгэл доторхыг харах үедээ хүмүүсийн хэлдэг, хийдэг зүйлийн мөн чанарыг хэмжихдээ юу ашигладаг вэ? Тэрээр үүнийг хэмжихдээ үнэнийг ашигладаг. Хүний нүдээр бол, өөрийн нэр хүнд, байр суурийг хамгаалах нь зүй ёсны хэрэг юм. Тэгвэл яагаад Бурханы нүдээр энэ нь антихристүүдийн илрэл, илэрхийлэл, мөн антихристүүдийн мөн чанар гэж тодорхойлогддог вэ? Энэ нь антихристүүдийн хийдэг бүхний хөдөлгөгч хүч болон сэдэлд үндэслэдэг. Бурхан тэдний хийдэг зүйлийн хөдөлгөгч хүч, сэдлийг шинжиж, эцэст нь тэдний хийдэг бүхэн үүргээ гүйцэтгэхийн төлөө бус, үнэнийг хэрэгжүүлж, Бурханыг дуулгавартай дагахын төлөө бүр ч биш, харин өөрсдийнх нь нэр хүнд, байр суурийн төлөө байдаг гэдгийг тогтоодог.

Антихристүүд нэр хүнд, байр суурийг эрэлхийлдэг тул нэр хүнд, байр сууриа хадгалахын тулд ярьж, ажиллах нь гарцаагүй. Тэд нэр хүнд, байр сууриа бүхнээс дээгүүр үнэлдэг. Хэрвээ эргэн тойронд нь хэв чанар сайтай, үнэнийг эрэлхийлдэг хүн байгаад, тэр хүн ах эгч нарын дунд нэр хүндтэй болж, багийн удирдагчаар сонгогдон, ах эгч нар тэр хүнийг үнэхээр биширч, сайшаавал антихристүүд яах вэ? Мэдээж тэд үүнд баярлахгүй бөгөөд атаархал төрнө. Хэрвээ антихристүүд атаархал өвөрлөвөл тэд биеэ зөв авч явж чадах уу, Надад хэл дээ? Тэд ямар нэг зүйл хийх хэрэгтэй болох биш үү? (Тийм.) Хэрвээ тэд энэ хүнд үнэхээр атаархвал юу хийх вэ? Тэд оюун ухаандаа гарцаагүй иймэрхүү тооцоолол хийнэ: “Энэ хүн нэлээд сайн хэв чанартай, энэ мэргэжлийн талаар бага сага ойлголттой, надаас илүү юм. Энэ нь бурхны гэрийн ажилд ашиг тустай ч надад ашиггүй! Тэр миний байр суурийг булаах болов уу? Хэрвээ нэг л өдөр тэр намайг үнэхээр орловол төвөгтэй байх биш үү? Би өрсөж хөдлөх хэрэгтэй. Хэрвээ нэг л өдөр тэрээр хөл дээрээ бат зогсвол түүний учрыг олоход надад тийм ч амар байхгүй. Би эхлээд цохилт өгсөн нь дээр. Хэрвээ би хойшлуулж, түүгээр өөрийгөө ил болгуулбал ямар үр дагавар гарахыг хэн мэдлээ. Тэгвэл би яаж цохилт өгөх вэ? Би шалтаг олж, боломж олох хэрэгтэй.” Надад хэл дээ, хэрвээ хүмүүс хэн нэгнийг тарчлаахыг хүсвэл тэгэх шалтаг, боломж олох амархан биш гэж үү? Диаволын нэг арга мэх юу билээ? (“Хийх хүнд арга нь олдоно.”) Яг зөв, “Хийх хүнд арга нь олдоно.” Сатаны ертөнцөд ийм логик оршин байдаг бөгөөд ийм зүйл тохиолддог. Бурханы хувьд энэ нь огт оршин байдаггүй. Антихристүүд Сатаных бөгөөд эдгээр зүйлийг хийхдээ хамгийн гаргууд байдаг. Тэд энэ талаар ийн тунгаан бодно: “Хийх хүнд арга нь олдоно. Би чамд хэрэг тохож, чамайг тарчлаах боломж олж, чиний биеэ тоосон зан, бардамналыг дарж, ах эгч нар чамайг хүндэлдгийг болиулж, дараагийн удаа чамайг багийн удирдагчаар сонгохыг болиулна. Тэгвэл чи цаашид надад аюул заналхийлэл болохоо болино, тийм биз дээ? Хэрвээ би энэ болзошгүй асуудлыг арилгаж, энэ өрсөлдөгчийг зайлуулбал сэтгэл амар байх биш үү?” Хэрвээ тэдний оюун ухаанд ийм зүйл эргэлдэж байвал тэд гаднаа үйлдэл хийхгүй байж чадах уу? Антихристүүдийн уг чанараас харвал, тэд энэ санааг дотроо нууж, юу ч хийхгүй байж чадах уу? Яавч үгүй. Тэд гарцаагүй үйлдэл хийх арга зам олно. Энэ бол антихристүүдийн харгис байдал юм. Тэд тэгж бодоод зогсохгүй, энэ зорилгодоо хүрэхийг хүсдэг. Тиймээс тэд энэ хэрэг явдлын талаар цөхрөлтгүй тунгаан бодож, тархиа гашилгана. Тэд Бурханы гэрийн ашиг сонирхлыг бодолцдоггүй, чуулганы ажлыг ч бодолцдоггүй. Тэдний үйлдэл Бурханы санаа зорилгод нийцэх эсэхийг тэд бүр ч тоодоггүй. Тэд өөрсдийн нэр хүнд, байр суурийг хэрхэн хадгалах, эрх мэдлээ хэрхэн хамгаалах талаар л боддог. Өрсөлдөгч нь хэдийнээ байр сууринд нь аюул занал учруулсан гэж тэд боддог тул өрсөлдөгчөө унагах боломж олохоор оролддог. Өрсөлдөгч нь тэдэнтэй зөвлөлдөлгүйгээр, үүргээ байнга хааш яаш гүйцэтгэж байсан хэн нэгнийг чөлөөлснийг олж мэдэх үедээ тэд үүнийг өрсөлдөгчийнхөө эсрэг барьц авах төгс боломж гэж харна. Ах эгч нарын өмнө тэд: “Өнөөдөр бүгд энд байгаа тул энэ явдлыг гаргаж ирээд задлан шинжилцгээе. Хамтран ажиллагсад юм уу хамтрагчидтайгаа ярилцахгүйгээр, дур мэдэн хэн нэгнийг чөлөөлөх нь дарангуйллын үйлдэл биш гэж үү? Хүн яагаад ийм алдаа гаргадаг байна аа? Тэдний зан чанарт асуудал байгаа биш гэж үү? Тэднийг засах ёстой биш үү? Ах эгч нар тэднийг хаях ёстой биш үү?” гэж хэлдэг. Тэд өрсөлдөгчөө гутааж, өөрсдийгөө дөвийлгөхийн тулд энэ асуудлыг шүүрэн авч, сүр бадруулдаг. Үнэндээ нөхцөл байдал тийм ч ноцтой биш. Багийн гишүүнийг чөлөөлөх юм уу үүргийнх нь хуваарилалтыг тохируулахдаа зарчмыг баримталсан л бол үүнийг хийснийхээ дараа тайлан өгөхөд л хангалттай байдаг. Гэсэн ч антихристүүд энэ асуудлыг хэт дөвийлгөдөг. Тэд өрсөлдөгч рүүгээ зориуд дайрч, өөрсдийгөө өргөмжилдөг. Энэ нь бусдыг тарчлааж буйн илрэл биш гэж үү? Тэд өрсөлдөгчөө хэрцгийгээр засаж, тэдэнд дэгсдүүлсэн хэрэг тохдог. Үүнийг сонссоны дараа ах эгч нар “Энд юу болоод байна аа? Нэг л биш байна даа. Тэдний хэлж байгаа зүйл бодит байдалтай нийцэхгүй байна! Үүргийн хуваарилалтыг нь тохируулсан тэр хүн үүргээ хариуцлагатайгаар гүйцэтгэхгүй байсан нь хүлээн зөвшөөрөгдсөн баримт шүү дээ. Чуулганы ажлыг хэвийн явуулахын тулд түүнийг чөлөөлсөн. Үүргээ ингэж гүйцэтгэх нь нухацтай, хариуцлагатай хандлага бөгөөд үнэнч зангийн илрэл. Тэгвэл яагаад үүнийг дарангуйллын үйлдэл гэж нэрлэж байгаа юм бэ? Энэ нь илт ‘Хийх хүнд арга нь олдоно’ гэгч л байна шүү дээ!” гэж боддог. Үнэнийг бага сага ойлгодог, ялимгүй ялган таних чадвартай хэн боловч энэ антихристүүд зүгээр л эрх мэдлээрээ далайлгаж, өрсөлдөгчдөө уур бухимдлаа гаргаж байгааг шууд хараад л таньж чадна. Энэ нь яахаараа ажлын төлөө хариуцлага хүлээж байгаа хэрэг байх вэ? Энэ нь яахаараа тэр хүнийг засаж байгаа хэрэг байх вэ? Энэ антихристүүд ялихгүй зүйл дээр сүр бадруулж байна: Энэ бол цэвэр өс хонзон, хувийн өшөө авалт юм. Энэ нь хүний хүсэл болон Сатанаас үүдэлтэй бөгөөд Бурханаас гаралтай биш. Энэ нь ажил болон үүргийнхээ төлөө хариуцлага хүлээх хандлагаас мэдээж гараагүй—энэ нь тэдний санаа зорилго биш. Антихристүүд санаа зорилгоо хэтэрхий тодорхой харуулдаг бөгөөд зарим хүн үүнийг харж чаддаг. Антихристүүд үүнийг мэдэрч чаддаг уу? (Чаддаг.) Энэ бол антихристүүдийн ов мэх юм. Тэд байр сууриа хамгаалах, үг мушгих, хүмүүсийг өөртөө татах, ялангуяа хүмүүсийн зүрх сэтгэлийг “нэвт харахдаа” тун гаргууд байдаг. Тэд дотроо “Би та нарын зүрх сэтгэлдээ бодож байгаа бүх бодлыг нэвт харж чадна. Та нар үнэнийг ойлгодог байж болох ч намайг нэвт харж чадахгүй. Би та нарыг нэвт харж чадна. Миний хэлж байгаа зүйлд хэн үнэмшихгүй байгааг би мэдэж чадна” гэж боддог. Гэхдээ тэд үүнийгээ хэлдэг үү? Үгүй, хэлдэггүй. Тэд хүн бүрийг үнэмшүүлж, тэр хүнийг зассан нь үндэслэлтэй байсан гэж бодогдуулахын тулд чихэнд чимэгтэй үг, хэллэг ашигладаг. Тэд ямар үг ашигладаг вэ? Тэд: “Би чамайг аминч, хувийн сэдлээр засаагүй. Үнэндээ бидний дунд хувийн өс хонзон байхгүй. Гагцхүү чи тэр хүнийг үүргээс нь дур мэдэн чөлөөлсөн нь бурхны гэрийн ашиг сонирхлыг хохироосон. Би үүнийг хараагүй царайлж болох уу? Хэрвээ би чамд тэгэхийг зөвшөөрвөл энэ нь миний хувьд хариуцлагагүй хэрэг болно. Би чамайг, эсвэл хэн нэгнийг онцгойлон онилж үүнийг хийж байгаа юм биш. Хэрвээ миний буруу бол ах эгч нар намайг шүүмжилж, зэмлэж болно. Би дараагийн сонгуульд нэрээ дэвшүүлэхгүй” гэж хэлдэг. Зарим хүн үүнийг сонсоод будилж орхидог. Тэд “Би тэднийг буруугаар ойлгосон бололтой. Тэд бүр сонгуульд нэрээ дэвшүүлэхгүй байхад ч бэлэн байна. Тэд байр суурийн төлөө өрсөлдөхийн тулд тэр хүнийг засаагүй, тэдний үйлдэл чуулганы ажлын төлөө хариуцлага хүлээх хандлагад үндэслэсэн байна. Үүнд ямар ч буруу зүйл алга” гэж боддог. Энэ антихристүүд дахиад л зарим хүнийг төөрөлдүүлж дөнгөдөг. Антихристүүд ов мэхтэй биш гэж үү? (Тийм ээ, ов мэхтэй.) Тэд туйлын ов мэхтэй! Антихристүүд өөрсдийн нэр хүнд, байр суурийн төлөө тархиа гашилгаж, ухаанаа уралдуулж, шаардлагатай бүх аргыг хэрэглэдэг гэж хэлж болно. “Нэг алгадаад, дараа нь чихэр өг” гэдэг нэг үг бий. Антихристүүд энэ аргыг ашиглахгүй гэж үү? Тэд чамайг цохисныхоо дараа чамайг аргадаж, тайтгаруулж, өөрсдийгөө гайхалтай хүлээцтэй, тэвчээртэй, хайр энэрэлтэй гэж чамд санагдуулахын тулд чихэнд чимэгтэй үг хэлж магадгүй. Эцэст нь чи тэднийг сайшааж, “Хар даа, энэ хүн ажилдаа ийм тодорхой зорилготой, бас түүндээ маш чадварлаг юм—ямар мундаг ур чадвар вэ! Тэд удирдагчийн шинж чанартай нь тодорхой бөгөөд тэдэнтэй харьцуулахад бид бүгд хангалтгүй санагддаг” гэж хэлэхэд хүрдэг. Тэгвэл энэ антихристүүд зорилгодоо хүрсэн биш үү? Энэ бол антихристүүдийн заль мэх юм.

Антихристүүд тун зальжин, ов мэхтэй байдаг. Тэдний хэлдэг үг бүр өө сэвгүй; дүр эсгэхдээ тэднээс илүү гаргууд хүн гэж үгүй. Гэвч нэгэнт баг нь хууларч, хүмүүс ямар хүн болохыг нь ялган таньмагц тэд өөрсдийгөө өмөөрөхийн тулд хамаг чадлаараа хичээдэг бөгөөд нэр нүүр, нэр хүндээ аврахын тулд нөхцөл байдлыг засаж залруулах, мэлзэж өнгөрөөх арга зам сүвэгчилдэг. Антихристүүд өдөр бүр зөвхөн нэр хүнд, байр суурийн төлөө амьдардаг, тэд байр суурийн ашиг тусад ташуурахын тулд л амьдардаг, энэ бол тэдний ганц боддог зүйл юм. Тэд хааяа бага зэргийн зовлон зүдүүр амсаж, эсвэл өчүүхэн төлөөс төллөө ч гэсэн энэ нь байр суурь, нэр хүндтэй болохын төлөө байдаг. Байр суурь хөөцөлдөх, эрх мэдэлтэй болох, амар хялбар амьдралтай байх нь Бурханд итгэдэг болмогцоо антихристүүдийн үргэлж санаархдаг гол зүйлс бөгөөд тэд зорилгодоо хүрэх хүртлээ бууж өгдөггүй. Хэзээ нэгэн цагт ёрын муу үйл нь илчлэгдвэл өөрсөд дээр нь тэнгэр нурах гэж байгаа мэт сандардаг. Тэд идэж, унтаж чаддаггүй бөгөөд ухаан мэдрэлгүй болсон мэт, сэтгэлийн хямралд өртсөн аятай харагддаг. Хүмүүс юу болсныг асуухад тэд худал хэлж, “Өчигдөр би маш завгүй байсан болохоор шөнөжин унтсангүй, тэгээд бүр ядарчихлаа” гэдэг. Гэвч үнэндээ эдгээрийн аль нь ч үнэн биш, бүхэлдээ ов мэх юм. Тэд байнга л “Миний хийсэн муу зүйл илчлэгдсэн болохоор би яаж нэр төр, байр сууриа сэргээж болох вэ? Би өөрийгөө цайруулахын тулд ямар арга хэрэгсэл ашиглаж болох вэ? Үүнийг тайлбарлахын тулд би бүх хүнтэй ямар өнгө аясаар харьцах вэ? Хүмүүст өөрийгөө нэвт харуулахгүйн тулд би юу хэлж болох вэ?” гэж бодолхийлж байдаг учраас тэдэнд ингэж санагдаж байгаа юм. Тэд удаан хугацааны турш юу хийхээ олж мэдэж чаддаггүй тул сэтгэлээр унадаг. Заримдаа тэдний нүд нэг цэг рүү л гөлөрдөг бөгөөд тэдний юу харж байгааг хэн ч мэддэггүй. Өнөөх асуудал нь тэднийг тархийг гашилгаж, хамаг бодол санааг нь шавхаж, юм идэж, уух хүсэлгүй болгодог. Тэгсэн хэр нь тэд чуулганы ажилд санаа тавьж буй дүр эсгэсээр, “Сайн мэдээний ажил хэр явагдаж байна вэ? Сайн мэдээг хэр үр дүнтэй номлож байгаа вэ? Ах, эгч нар сүүлийн үед амийн оролт олж авсан уу? Хэн нэгэн саад хийж, үймээн үүсгэсэн үү?” гэж хүмүүсээс асуудаг. Чуулганы ажлын талаарх энэ асуултууд нь бусдад харуулах зорилготой. Хэрэв тэд асуудлын талаар олж мэдвэл шийдвэрлэх ямар ч аргагүй тул тэдний асуултууд чуулганы ажлыг хайхардаг гэдгээ харуулахын тулд л асуусан ёс төдий зүйл юм. Хэрэв хэн нэгэн тэднээр шийдүүлэх гэж чуулганы асуудлын талаар мэдээлбэл тэд зүгээр л толгойгоо сэгсэрнэ. Ямар ч явуулга тэдэнд тус болохгүй бөгөөд зүсээ хувиргахыг хүссэн ч чадахгүй, илчлэгдэж, ил болох эрсдэлтэй байдаг. Энэ бол антихристүүдэд амьдралынх нь туршид тулгардаг хамгийн том асуудал юм. Энэ үед антихристүүд халуун тогоон дээрх шоргоолж мэт болж, “Ингээд байж болохгүй” гэж хэлж буй мэт үе үе толгойгоо сэгсэрдэг. Дараа нь тэд “Би яагаад ийм тэнэг юм бэ? Би яаж энэ явдал дээр бүдэрч чадав аа?” гэж хэлж байгаа мэт гараараа толгойгоо тогшдог. Антихристүүд энэ баримтыг хүлээн зөвшөөрч чаддаггүй бөгөөд санаа алдахаас өөр яаж ч чадахгүй. Тэд зөвхөн өөрсдийнхөө нэр хүнд, байр суурийн төлөө л хүчин чармайлт гаргаж, зовж, төлөөс төлөн, амбиц, хүслээ хангахын тулд элдэв янзын муу үйлд ташуурдаг. Бурханы сонгосон хүмүүсээр ил болгуулах нь гарцаагүй үр дагавар юм. Хүмүүс үнэнийг эрэлхийлдэггүйгээсээ болж эрт орой хэзээ нэгэн цагт унах нь гарцаагүй. Энэ үг антихристүүд дээр яг таг биелдэг. Хэдийгээр тэд дүр эсгэхдээ гаргууд, үнэмшилтэй ярьж, бусдыг төөрөлдүүлж чаддаг ч хэрвээ Бурханы сонгосон хүмүүс үнэнийг ойлгож, хүний мөн чанарыг ялган таньж чаддаг бол антихристүүд хэчнээн гүн нуугдаж, хэчнээн их мууг үйлдсэн ч тэднийг бүрэн ялган таньж чадна. “Ёрын мууд тууштай байх нь өөрийгөө сүйрүүлнэ”, “Галаар тоглосон хүн түлэгддэг” гэсэн хоёр үг бий. Эдгээр нь аливаа зүйлийн хөгжлийг зохицуулдаг объектив хуулиуд бөгөөд бүх зүйл, бүх үйл явдлын хөгжлийн төлөө Бурханы тогтоосон хууль юм. Хэн ч үүнээс зугтаж чадахгүй. Антихристүүдийн ноёрхол дор чуулганы ажил үргэлжилдэг хэдий ч үр дүн нь асар их буурдаг. Зарим чухал ажлыг ёрын муу хүмүүс хянасаар байдаг бөгөөд Бурханы гэрийн ажлын зохицуулалт хэрэгждэггүй. Бурханы сонгосон хүмүүс дор бүрдээ үүргээ гүйцэтгэж байгаа хэдий ч бодитой үр дүн гардаггүй бөгөөд төрөл бүрийн ажил хэдийнээ зогсонги байдалд орсон байдаг. Эдгээр асуудлын уг үндэс нь юу вэ? Энэ нь антихристүүд чуулганыг хяналтдаа авсантай холбоотой. Антихристүүд эрх мэдэл атгаж буй газарт, нөлөөллийнх нь цар хүрээ ямар ч байсан, ганцхан баг байлаа ч гэсэн хамаагүй тэд Бурханы гэрийн ажил болон Бурханы сонгосон хүмүүсийн нэг хэсгийн амь-оролтод нөлөөлнө. Хэрвээ тэд чуулганд эрх мэдэл атгавал тэнд чуулганы ажил болон Бурханы хүсэлд саад учирдаг. Бурханы гэрийн ажлын зохицуулалт яагаад тодорхой чуулгануудад хэрэгжиж чаддаггүй вэ? Учир нь эдгээр чуулганд антихристүүд эрх мэдэл атгадаг. Ямар ч антихрист Бурханы төлөө өөрийгөө чин сэтгэлээсээ зарлагадахгүй бөгөөд үүргээ гүйцэтгэх нь ердөө л ёс төдий зүйл, аргацаасан хэрэг болно. Тэд удирдагч, ажилчид байсан ч бодитой ажил хийхгүй бөгөөд чуулганы ажлыг огтхон ч хамгаалахгүйгээр зөвхөн алдар нэр, ашиг хонжоо, байр суурийн төлөө л ярьж, үйлдэнэ. Тэгвэл антихристүүд өдөржин юу хийдэг вэ? Тэд жүжиг тавьж, гайхуулаад завгүй байдаг. Тэд өөрсдийн алдар нэр, ашиг хонжоо, байр суурьтай холбоотой зүйлийг л хийдэг. Мөн бусдыг төөрөлдүүлж, хүмүүсийг өөртөө татаад завгүй байдаг бөгөөд хүчээ хуримтлуулсны дараа илүү олон чуулганыг хянахаар улам цаашлах болно. Тэд зөвхөн хаан болон хаанчилж, чуулганыг бие даасан хаант улсаа болгохыг л хүсдэг. Тэд зөвхөн агуу удирдагч байхыг, эрх мэдлийг дангаар эзэмшихийг, илүү олон чуулганыг хянахыг л хүсдэг, өөр юуг ч тоодоггүй. Тэд чуулганы ажил юм уу Бурханы сонгосон хүмүүсийн амийн оролтод санаа зовдоггүй, Бурханы хүслийг биелүүлж байгаа эсэхийг бүр ч хайхардаггүй. Тэд зөвхөн хэзээ эрх мэдлийг ганцаараа атгаж, Бурханы сонгосон хүмүүсийг хянаж, Бурхантай ижил түвшинд зогсож чадах тухай л боддог. Антихристүүдийн хүсэл, санаархал үнэндээ асар их! Хэчнээн хөдөлмөрч мэт харагдаж байлаа ч антихристүүд өөрсдийнхөө зорилгыг л биелүүлж, хийх дуртай юмаа хийж, өөрсдийн алдар нэр, ашиг хонжоо, байр суурьтай холбоотой зүйлийг оролдоод завгүй байдаг. Тэд өөрсдийн хариуцлага, эсвэл гүйцэтгэх ёстой үүргийн талаар боддог ч үгүй, юуг ч зөв зохистой хийдэггүй. Антихристүүд ийм л амьтад юм—тэд бол Бурханы ажилд саад хийж, үймүүлдэг диаволууд, Сатанууд юм.

Өнгөрсөн хугацаанд Би нэгэн удирдагчийн бүрэн эрхийн хугацаанд таван ажил даалгасан юм. Гэвч хоёр сарын дараа эдгээр хэрэг явдлын аль нь ч хэрэгжээгүй. Гаднаас нь харахад удирдагч зүгээр суугаагүй, нэлээд завгүй, ядарсан мэт харагдсан бөгөөд тэр ховорхон харагдаж байв. Тэгвэл тэр юунд завгүй байсан бэ, яагаад Миний даалгасан ажлыг биелүүлж чадаагүй вэ? Энд нэг асуудал байсан. Удирдагч зарим ажлыг хийх дургүй байсан бөгөөд эдгээр нь өөрийнх нь үүрэг биш гэж үзсэн учраас хийгээгүй. Энэ нь нэг асуудал байв. Түүнчлэн тэрээр зарим ажлын талаар өөр санал бодол тээж, зориуд хойш тавьсан. Мөн жаахан бэрхшээл учруулсан, бусдаас тусламж шаардсан, бага зэрэг төвөгтэй ажлууд байсан бөгөөд удирдагч үүнийг зохицуулаагүй. Ийм нөхцөл байдал үүссэн. Тиймээс хоёр сар өнгөрч, нэг ч ажил хийгдээгүй. Зарим хүн: “Энэ бүх ажлыг хоёр сарын дотор дуусгах боломжтой юу?” гэсэн. Боломжтой, эдгээр ажлыг бүгдийг нь хоёр сарын дотор дуусгах боломжтой, эдгээрийн ихэнхийг нь ганц хоёр хоногийн дотор дуусгах боломжтой байсан ч удирдагч тэдгээрийг хэрэгжүүлж чадаагүй. Өөр хүн хариуцаж, эдгээр ажлыг гүйцэтгээд тавууланг нь нэг долоо хоногийн дотор дууссан. Ийм удирдагчийг чөлөөлөх ёстой гэж та нар бодож байна уу? (Тийм.) Хэрвээ та нар Дээрхээс даалгасан ажлын алийг нь ч хийдэггүй, гэхдээ гаднаа нэлээд завгүй мэт харагддаг ийм хүнтэй таарвал тэрээр хуурамч удирдагч юм. Ийм хүмүүсийг даруй чөлөөлөх юм уу таягдан хаях ёстой. Энэ зарчмын талаар та нар юу гэж бодож байна вэ? (Сайн.) Тэдний гадаад урам зориг болон өдөржин нэлээд завгүй харагддагийг нь бүү хар. Үнэндээ тэд ямар ч бодитой ажил хийдэггүй; тэд өөрсдийгөө ялихгүй зүйлээр завгүй байлгадаг. Тэд юу хийдэг вэ? Тэдний үйлдэл хэд хэдэн өөр ангилалд хуваагддаг. Нэгдүгээрт, тэд өөрсдийнхөө хийж чадна гэж бодсон, аюулгүй, тийм ч их эрсдэл дагуулдаггүй ажлуудыг хийдэг. “Тийм ч их эрсдэл дагуулдаггүй” гэдгээр Би юу хэлж байна вэ? Эдгээр ажлыг хийснээр алдаа гаргахаас зайлсхийхэд хялбар, Дээрхтэй харилцах шаардлагагүй бөгөөд буруу зүйл хийж, засуулахаас зайлсхийж чадна гэдгийг Би хэлж байна. Түүнчлэн тэд өөрсдийн гаргууд, алдаа гаргах магадлал багатай ажлуудыг хийдэг. Ингэснээр тэд хариуцлага хүлээхээс зайлсхийж, засуулах, зайлуулагдах, эсвэл хөөгдөхөөс өөрсдийгөө ихээхэн хэмжээгээр хамгаалж чадна. Эдгээр ажил нь эрсдэлгүй бөгөөд хариуцлага шаарддаггүй тул тэд эдгээрийг хийж, зохицуулж чаддаг. Үнэндээ үүнд нууцлаг нэг элемент бий. Хэрвээ тэд эдгээр ажлыг хэнд ч харагдахгүйгээр хийж чаддаг байсан бол хийх байсан уу? Хэрвээ тэдэнд ямар ч хувийн ашиг тус байхгүй бол тэд эдгээрийг хийх үү? Яавч хийхгүй. Тэд ямар төрлийн ажлыг илүүд үздэг вэ? Тэд харьцангуй хялбар, энгийн, хэт их зовохгүйгээр хийж болох ажлыг илүүд үздэг. Түүнчлэн тэд өөрсдийн сонирхдог, үзэлтэй нь нийцдэг номлолыг илүү их сонсож, цээжлэхэд бэлэн байдаг. Тэдгээрийг ойлгомогцоо дараа тэд эдгээр номлолын талаар бусадтай ярилцан, өөрсдийгөө гайхуулж, бусдаар бишрүүлэхийн тулд үүнийг хийж чадна. Түүнчлэн, хэрвээ эдгээр ажлыг хийх нь тэдэнд илүү олон хүнтэй харилцах боломж олгож, тэднийг ажиллаад завгүй байгааг, удирдагчийн байр суурьтай, ийм байр суурь, ялгамж чанартай гэдгийг нь бусдад мэдэгддэг бол тэд эдгээрийг хийнэ. Тэд ийм шинж чанартай ажлуудыг сонгодог. Гэвч хэрвээ тэдний хийх ёстой ажил нь нарийн төвөгтэй, чадвараас нь давсан байвал, мөн өөр хэн нэгэн тэднээс илүү ур чадвартай байвал, хэрвээ бүтэлгүйтвэл нэр нүүрээ барах, бусдад дорд үзэгдэх эрсдэлтэй байвал тэд эдгээр ажлыг хийхийг хүсдэггүй. Тэд хүнд хүчир ажил, алжаал ядаргаа, сайн ажиллаж чадахгүй байхын ичгүүрээс айдаг. Түүнчлэн тэд тун залхуу бөгөөд хүнд хэцүү, зүдэргээтэй ажлаас зайлсхийж, эдгээрээс хол нуугдах хандлагатай байдаг. Харин тэд өөрсдийнх нь нэр нүүрийг сайжруулдаг, амар хялбар, Дээрхэд нэвт харагдахгүйгээр аргацааж, хүмүүсийн зүрх сэтгэлийг татаж чадах ажлуудыг хийхийг илүүд үздэг. Эдгээр нь бүгд антихристүүдийн төрөлх шинж чанар юм. Үүргээ гүйцэтгэх тухайд тэд голж шилдэг. Тэдэнд хувийн сонголт, төлөвлөгөө, тэр ч байтугай явуулга байдаг. Тэд Бурханы гэрийн зохицуулалтад ердөө ч дуулгавартай байдаггүй; харин өөрсдийнхөө сонголтыг хийдэг. Дээрхээс өгсөн тодорхой зохицуулалтын тухайд, хэрвээ тэд эдгээртэй санал нийлэхгүй бол яавч хэрэгжүүлэхгүй. Тэд эдгээр хэрэг явдлыг бүрэн гацаадаг бөгөөд чуулган дахь ах эгч нар эдгээрийн талаар мэддэггүй. Хэрвээ Дээрхээс өгсөн эдгээр зохицуулалтыг хэрэгжүүлэх нь тодорхой хүмүүстэй зөрчилдөх юм уу хүмүүсийг гомдоох байсан бол тэд эдгээрийг хэрэгжүүлэх үү? Тэд хэрэгжүүлэхгүй. Тэд зүрх сэтгэлдээ “Хэрвээ дээрх үүнийг хийхийг хүсэж байвал би хийхгүй. Би үүнийг хийсэн ч гэсэн, дээрхийн нэрийн өмнөөс хийж, дээрхээс тушаасан гэж хэлэх ёстой. Би тэр хүмүүсийг гомдоож болохгүй” гэж боддог. Антихристүүд бол зальжин хүмүүс, тийм биш гэж үү? Тэд юу ч хийсэн сэм төлөвлөж, найм, арав, эсвэл бүр түүнээс ч олон удаа тооцоолдог. Тэд олны дунд яаж тогтвортой байр суурьтай болох, хэрхэн сайн нэр төртэй, өндөр алдар хүндтэй болох, хэрхэн Дээрхэд тал засаж, ах, эгч нараар өөрийгөө дэмжүүлж, хайрлуулж, хүндлүүлэх вэ гэж л боддог бөгөөд эдгээр үр дүнд хүрэхийн тулд шаардлагатай бүхнийг хийдэг. Тэд ямар замаар явж байна вэ? Тэдний хувьд Бурханы гэрийн ашиг сонирхол, чуулганы ашиг сонирхол, Бурханы гэрийн ажил бол гол анхаарал хандуулдаг зүйл нь биш, санаа зовдог зүйл нь бүр ч биш. Тэд юу гэж боддог вэ? “Эдгээр зүйл надтай ямар ч хамаагүй. Хүн бүр өөрийгөө боддог, би үхэхээр чи үх; хүмүүс өөрсдийнхөө төлөө, нэр хүнд, байр суурийнхаа төлөө амьдрах ёстой. Энэ бол хамгийн өндөр зорилго. Хэрэв хүн өөрийнхөө төлөө амьдарч, өөрийгөө хамгаалах ёстойгоо мэдэхгүй бол тэнэг хүн юм. Хэрэв надаас үнэн-зарчмын дагуу хэрэгжүүлж, бурхан болон бурхны гэрийн зохицуулалтыг дуулгавартай байхыг шаардвал энэ нь надад ямар нэг ашиг тустай эсэх, мөн тэгснээр ямар нэг давуу талтай байх эсэхээс хамаарна. Бурхны гэрийн зохицуулалтыг дуулгавартай дагахгүй байснаар зайлуулагдаж, ерөөл хүртэх боломжоо алдах магадлалтай бол би дуулгавартай дагана.” Иймээс нэр хүнд, байр сууриа хамгаалахын тулд антихристүүд ихэвчлэн жаахан буулт хийхийг сонгодог. Антихристүүд байр суурийн төлөө ямар ч зовлонг тэсвэрлэж чаддаг, сайн нэр хүндтэй байхын тулд ямар ч төлөөс төлж чаддаг гэж хэлж болно. “Агуу хүн хэзээ буулт хийх, хэзээ буулт хийхгүйгээ мэддэг” гэх үг тэдний хувьд үнэн юм. Энэ бол Сатаны логик, тийм биш гэж үү? Энэ бол ертөнц дээр амьдрах Сатаны ертөнцийн гүн ухаан, мөн Сатаны оршин тогтнох зарчим юм. Үнэхээр жигшүүртэй!

Антихристүүд өөрсдийн байр суурь, нэр төрийг өөр юунаас ч илүү чухал гэж үздэг. Энэ хүмүүс ов мэхтэй, зальхай, хорон муу төдийгүй туйлын харгис байдаг. Байр суурь нь эрсдэлд орсныг олж мэдэх юм уу хүмүүсийн зүрх сэтгэл дэх байр сууриа алдаж, энэ хүмүүсийн дэмжлэг, хайрыг алдаж, хүмүүст хүндлүүлж, бишрүүлэхээ больж, гутамшигт унах үедээ тэд яадаг вэ? Тэд гэнэтхэн дайсагнадаг. Байр сууриа алдмагцаа ямар ч үүрэг биелүүлэх хүсэлгүй болж, хийдэг юм бүхэн нь хааш яаш болж, ямар нэг юм хийх сонирхолгүй болдог. Гэхдээ энэ нь хамгийн адгийн илрэл биш. Хамгийн адгийн илрэл нь юу вэ? Энэ хүмүүс байр сууриа алдаж, хэн ч өөрсдийг нь хүндлэхгүй, өөрсдөд нь төөрөлдөхгүй болмогц үзэн ядалт, атаархал, өш хонзон нь гарч ирдэг. Тэд Бурханаас эмээдэг сэтгэлгүйгээр үл барам өчүүхэн төдий ч дуулгавартай дагадаггүй. Түүнчлэн Бурханы гэр, чуулган, удирдагч, ажилчдыг зүрх сэтгэлдээ үзэн яддаг; чуулганы ажилд асуудал тулгарч, зогсонги байдалд ороосой гэж хүсэн мөрөөсдөг; чуулганыг болон ах эгч нарыг шоолохыг хүсдэг. Түүнчлэн үнэнийг эрэлхийлж, Бурханаас эмээдэг хэн бүхнийг тэд үзэн яддаг. Үүрэгтээ үнэнч, төлөөс төлөх хүсэлтэй хэн бүхэн рүү дайрч давшилж, тэднийг дооглодог. Антихристүүд ийм зан чанартай байдаг—энэ нь харгис бус уу? Тэд бол гарцаагүй ёрын муу хүмүүс; антихристүүд бол мөн чанартаа ёрын муу хүмүүс юм. Цуглаан онлайнаар явагдаж байсан ч интернэт сүлжээ сайн байгааг хараад тэд чимээгүйхэн харааж, дотроо “Интернэт сүлжээ унаасай! Интернэт сүлжээ унаасай! Номлолыг хэн ч сонсохгүй байсан нь дээр!” гэж хэлдэг. Энэ хүмүүс юу вэ? (Диаволууд.) Тэд бол диаволууд! Тэд мэдээж Бурханы гэрийн хүмүүс биш юм. Ийм төрлийн диаволууд болон ёрын муу хүмүүс аль ч чуулганд байсан, ингэж л үймээн дэгдээдэг. Ялган таних чадвартай хүмүүс тэднийг ил болгож, хязгаарласан ч гэсэн тэд өөрсдийгөө эргэцүүлж, алдаагаа хүлээн зөвшөөрдөггүй. Тэд үүнийг зүгээр л өөрсдийнх нь түр зуурын алдаа байсан бөгөөд үүнээс сургамж авах ёстой гэж бодно. Гэмшихээс эрс татгалздаг ийм хүн, хэн ч түүнийг ялган таньж, ил болгосон бай, буулт хийхгүй. Тэд тэр хүнээс өшөө авахаар чармайна. Өөрсдөд нь тавгүй байх үед тэд ах эгч нарыг ч бас амар тайван байлгахыг хүсдэггүй. Тэд зүрх сэтгэлдээ ах эгч нарыг бүр нууцаар харааж, тэдэнд муу зүйл тохиолдоосой гэж хүсдэг бөгөөд Бурханы гэрийн ажлыг харааж, үүнд түвэг учраасай гэж хүсдэг. Бурханы гэрт ямар нэгэн зүйл буруугаар эргэх үед тэд нууцхан баярлаж, тэмдэглэн, “Хм! Эцэст нь нэг юм буруугаар эргэлээ. Чи намайг чөлөөлснөөс л болж энэ бүхэн тохиолдож байгаа юм. Бүх зүйл сүйрч байгаа нь сайн хэрэг!” гэж боддог. Бусад хүн сул дорой, сөрөг болохыг хараад тэд баярлаж, таашаал авдаг бөгөөд хүмүүсийг гутаахын тулд дооглож, тохуурхсан үг хэлж, тэр ч байтугай сөрөг, үхмэл үг тарааж, “Итгэгчид бид үүргээ гүйцэтгэж, зовлон туулахын тулд гэр бүл, ажил төрлөө орхидог. Бурхны гэр бидний ирээдүйг үнэхээр хариуцаж чадна гэж чи бодож байна уу? Чи энэ талаар бодож үзсэн үү? Бидний төлж буй төлөөс үнэ цэнтэй юу? Одоо миний эрүүл мэнд тийм ч сайнгүй байна, хэрвээ би өөрийгөө туйлдуулбал хөгшрөх үед минь хэн намайг асрах юм бэ?” гэдэг. Тэд хүн бүрийг сөрөг болгохын тулд ийм зүйл хэлдэг—тэгж байж л тэд баярлана. Тэд өөдгүй, хорон санаатай, хорлонтой биш гэж үү? Ийм хүмүүс цээрлүүлэлт хүртэх ёстой биш үү? (Тийм ээ, хүртэх ёстой.) Ийм хүмүүсийн зүрх сэтгэлд Бурхан үнэхээр байдаг гэж та нар бодож байна уу? Тэд Бурханд чин сэтгэлээсээ итгэгч шиг харагддаггүй, Бурхан хүмүүсийн зүрх сэтгэлийн гүнийг шинждэг гэдэгт тэд угаасаа итгэдэггүй. Тэд үл итгэгчид биш гэж үү? Хэрвээ тэд Бурханд үнэхээр итгэдэг байсан бол яаж ийм зүйл хэлж чадах юм бэ? Зарим хүн тэднийг Бурханаас эмээдэг сэтгэлгүй учраас тэгдэг гэж хэлж магадгүй—энэ зөв үү? (Үгүй, буруу.) Яагаад буруу гэж? (Тэдний зүрх сэтгэлд Бурхан огт байдаггүй; тэд Бурханыг эсэргүүцдэг.) Үнэндээ тэд Бурхан оршин байдаг гэдэгт итгэдэггүй учраас л ийм зүйл хэлж зүрхэлдэг. Тэд Бурхан хүн бүрийг шинжиж байгаа гэдэгт бүр ч итгэдэггүй, Бурхан тэдний үг, үйл хэрэг бүрийг, бодол, санаа бүрийг ажиглаж байгаа гэдэгт итгэдэггүй. Тэд эдгээр зүйлд итгэдэггүй учраас айдаггүй бөгөөд ийм диаволын үгийг чөлөөтэй, цадиггүй байдлаар хэлж чаддаг. Шүтлэггүй хүмүүс хүртэл “Тэнгэр нүдтэй”, “Хүний хийж буй зүйлийг Тэнгэр харж байдаг” гэж үргэлж хэлдэг. Өчүүхэн төдий ч гэсэн жинхэнэ итгэлтэй хэн боловч үл итгэгчдийн ийм диаволын үгийг хэнэггүйхэн хэлэхгүй. Ингэж бодож, ярьдаг итгэгчдийн хувьд ноцтой үр дагавар гарахгүй гэж үү? Үүний уг чанар нь ноцтой биш гэж үү? Маш ноцтой! Тэд Бурханыг ийм маягаар үгүйсгэж чадаж байгаа нь тэд бол жинхэнэ диаволууд, Бурханы гэрт шургалсан ёрын муу хүмүүс гэсэн үг юм. Зөвхөн диаволууд болон антихристүүд л Бурханыг ил тод эсэргүүцэж зүрхэлдэг. Бурханы гэрийн ашиг сонирхол нь Бурханы ашиг сонирхлыг төлөөлдөг бөгөөд Бурханы гэрийн хийдэг бүхэн Бурханы манлайлал, Түүний зөвшөөрөл, Түүний удирдамж дор байдаг; энэ нь Бурханы удирдлагын ажилтай нягт холбоотой бөгөөд үүнээс салгах аргагүй юм. Бурханы гэрийн ажлыг ингэж ил тод хараадаг, зүрх сэтгэлдээ үүнийг гүтгэдэг, Бурханы гэрийг шоолж инээхийг хүсдэг, Бурханы сонгосон хүмүүс бүгд баривчлагдаж, чуулганы ажил бүрэн зогсонги байдалтай болж, итгэгчид итгэлээсээ няцахыг харахыг хүсдэг, ийм зүйл тохиолдох үед баярлах хүмүүс—эдгээр нь ямар төрлийн хүмүүс вэ? (Диаволууд.) Тэд бол диаволууд, муу ёрын чөтгөрүүдийн хойд дүр юм! Жирийн хүмүүс завхарсан зан чанартай, хааяа тэрслүү байдаг бөгөөд сөрөг, сул дорой болох үедээ хэдэн жижиг санаа өвөрлөдөг, тэгээд л тэр, гэхдээ тэд тийм ч муу байхгүй, эсвэл ийм хорон муу, хорлонтой бодол тээхгүй. Ийм мөн чанар зөвхөн антихристүүд болон диаволуудад л байдаг. Антихристүүдэд эдгээр санаа төрөх үед тэд өөрсдийгөө буруу бодож байж магадгүй гэж сэжиглэдэг үү? (Үгүй, тэгдэггүй.) Яагаад үгүй гэж? (Учир нь тэд бодож, хэлж байгаа зүйлээ үнэн гэж үздэг. Тэд Бурханд итгэдэггүй, Бурханаас эмээдэг сэтгэлгүй бөгөөд тэдний уг чанар нь Бурханыг эсэргүүцэх явдал юм.) Яг зөв, энэ бол тэдний уг чанар. Сатан хэзээ Бурханд Бурхан шиг хандаж байсан юм бэ? Хэзээ Бурханыг үнэн гэж үзэж байсан юм бэ? Хэзээ ч тэгж байгаагүй, хэзээ ч тэгэхгүй. Антихристүүд буюу эдгээр диавол ч бас адилхан; тэд Бурханд Бурхан шиг ханддаггүй, эсвэл Түүнийг үнэн гэж үздэггүй. Тэд Бурхан бол бүх зүйлийг бүтээсэн, бүх зүйлийг захирдаг Нэгэн гэдэгт итгэдэггүй. Тийм учраас тэд өөрсдийнх нь хэлсэн юм бүхэн зөв гэж боддог. Тэд цадиггүйгээр ингэж бодож, үйлддэг; энэ бол тэдний уг чанар юм. Завхарсан хүмүүс ингэж үйлдэх үедээ дотоод зөрчилдөөнийг мэдэрдэг. Тэд мөс чанартай, хүний ухамсартай байдаг. Тэдний мөс чанар, ухамсар болон ойлгодог үнэн нь тэдний дотор нөлөөлж, энэ нь зөрчилдөөн үүсгэдэг. Ийм зөрчилдөөн үүсэх үед зөв ба буруу, үнэн ба худал, шударга ёс ба хорон муу байдлын хооронд тулаан өрнөж, үр дүнд хүрдэг: Үнэнийг эрэлхийлдэг хүмүүс Бурханы талд зогсдог, харин үнэнийг эрэлхийлдэггүй хүмүүс Сатаны хорон муу хүчний талд зогсдог. Антихристүүдийн хийдэг бүхэн Сатантай хамтран ажиллах явдал юм. Тэд сөрөг байдлаа гаргаж, үндэслэлгүй цуу яриа тарааж, Бурханы гэрийг шоолж инээдэг. Тэд Бурханы гэрийн ажлыг харааж, гүтгэдэг, ах эгч нарыг хараадаг. Тэд мөс чанарын ямар ч зэмлэлгүйгээр, өчүүхэн төдий ч харуусалгүйгээр энэ бүхнийг хийхдээ бүр сэтгэл амар байдаг бөгөөд өөрсдийнх нь үйлдэл бүхэлдээ зөв гэж боддог. Энэ нь антихристүүдийн сатанлаг уг чанарыг бүрэн илчилж, Бурханыг эсэргүүцдэг муухай нүүр царайг нь илчилдэг. Тиймээс антихристүүдийг жинхэнэ диаволууд, Сатанууд гэж хэлэх нь огт хэтрүүлэг болохгүй. Антихристүүд бол төрөлхийн диаволууд бөгөөд Бурханы авралыг хүртэгсэд яавч биш. Тэд жирийн завхарсан хүн төрөлхтний нэг хэсэг яавч биш. Антихристүүд бол диаволуудын хойд дүр, төрөлхийн муу ёрын чөтгөрүүд юм. Байдал ийм л байна.

Антихристүүдийн гол анхаарал нь нэр хүнд, байр суурь дээр төвлөрдөг. Нэр хүнд, байр суурийн тухайд антихристүүд ямар үйлдэл хийдэг вэ? Тэд өөрсдийн нэр хүнд, байр суурийг удирдахын тулд цадиггүй авирлаж, тархиа гашилгаж, хамаг ухаанаа уралдуулж, ямар ч төлөөс төлөхөөс буцдаггүй. Энэ хоёр зүйл бол тэдний амин сүнс, тэдний бүх зүйл юм. Тэд энэ хоёр зүйлийг олж авбал бүх зүйлийг олж авсан гэсэн үг гэж үздэг. Тэдний ертөнцөд зөвхөн байр суурь, нэр хүнд, өөрсдийнх нь ашиг сонирхол л байдаг; тэдэнд өөр юу ч хамаагүй. Тиймээс антихристүүд шиг хүмүүстэй үнэн, хүн чанар, шударга ёс, эсвэл эерэг зүйлсийн талаар нөхөрлөөд нэмэртэй юу? (Нэмэргүй.) Тийм ээ, энэ нь нэмэргүй. Энэ нь янханд хэрхэн ариун журамтай айлын эзэгтэй байх талаар ярих, эсвэл журамт эхнэр, эх хүн байхыг заах гэж оролдохтой адил; тэрээр сонсохыг хүсэхгүй, үүнд дургүй, мөн үүнийг зэвүүцмээр гэж үздэг. Тэр үүнийг хэр зэвүүцмээр гэж үздэг вэ? Тэр зүрх сэтгэлдээ чамайг харааж, чамайг дооглох, тохуурхах, чам руу дайрах, чамайг гадуурхах боломжийг шүүрч авдаг. Өнөө үед чуулганд, хэн нэгэн үнэний талаар, эсвэл Бурханы зохион байгуулалт, зохицуулалтыг дуулгавартай дагах, Бурханы гэрийн зохицуулалтыг дуулгавартай дагах зэрэг үнэний талаар нөхөрлөхийг сонсмогцоо тун тэрслүү хандлага харуулдаг хүмүүс байдаг биш үү? (Тийм ээ, байдаг.) Байх ёстой. Ийм зан авир гаргадаг хүмүүсийг ажиглаж, ялган тань. Чамайг Бурханы дээд эрх, зохицуулалтыг дуулгавартай дагах хэрэгтэй талаар нөхөрлөх үед тэд маш их зэвүүцэж, “Бүх зүйлийг бурхан зохицуулсан мэт, хүмүүст ямар ч сонголт байхгүй мэт тэд өдөржин бурхны зохицуулалтыг дуулгавартай дагах талаар ярьсаар байх юм!” гэж боддог. Чамайг үнэний талаар, эсвэл үүргээ гүйцэтгэхдээ эвтэй найртай хамтран ажиллаж, Бурханы санаа зорилгыг эрж хайж, үнэн-зарчмын дагуу үйлдэх хэрэгтэй талаар нөхөрлөмөгц тэд тун их зэвүүцээд, сонсохыг хүсдэггүй. Тэд дурамжхан сонссон ч гэсэн зүгээр сууж чаддаггүй, хэрвээ яаж ийгээд зүгээр сууж чадвал унтчихсан байх нь бараг гарцаагүй. Чамайг үнэний талаар, мөн хэрэг явдлыг зохицуулахдаа зарчмыг дагах талаар нөхөрлөх үед тэд нойрмоглож, зүүрмэглэдэг. Үнэний талаар нөхөрлөхгүй, засахгүй хэсэг хугацаа өнгөрсний дараа тэд эрч хүчээр дүүрдэг. Тэд дур зоргоороо, бодлогогүй үйлдэж, дангаараа шийдвэр гаргаж, нэг гараа нэр хүнд рүү сарвайж, нөгөө гараараа байр суурийг шүүрэн авдаг. Тэд хэн бүхнээс өндөрт үсэрч, бүхий л төрлийн үймээн самуун дэгдээхэд ташуурдаг. Энэ хүмүүс бүгд антихристүүд; тэд бүгд Бурханыг эсэргүүцдэг, хэдийд ч том асуудал үүсгэж чадна.

Антихристийн уг чанартай хэнийг ч болов антихрист гэж тодорхойлох ёстой. Тэднийг нэг талыг баримтлан үйлдэхийг хүсэх үед хязгаарлаж, зогсоох ёстой; үүнд эргэлзэх зүйлгүй. Зарим хүн: “Хэрвээ бид тэднийг зогсоож чадахгүй бол яах вэ? Бид яах ёстой вэ?” гэж хэлж магадгүй. Би та нарт ганцхан өгүүлбэрээр тэднийг зогсоох найдвартай аргыг хэлж өгье. Чи ийм нөхцөл байдалтай тулгарах үедээ зүгээр л “Чи болчимгүй авирлаж, дангаараа шийдвэр гаргаж, өөрийнхөөрөө зүтгэхээ больчихвол үхчих гээд байгаа юм уу?” гэж хэл. Энэ ямар сонсогдож байна? (Сайн.) Антихристийг дангаараа шийдвэр гаргахыг нь болиулбал тэр үнэхээр үхэж чадна гэж та нар бодож байна уу? (Тийм.) Энэ “тийм” гэдэг хариулт хаанаас гарав? (Антихристүүд угаасаа л ийм хүмүүс; хэрвээ тэд дангаараа шийдвэр гаргаж чадахгүй бол шаналж, цааш амьдарч чадахгүй.) Яг зөв, тэд угаасаа л ийм хүмүүс бөгөөд хэрвээ ингэж үйлдэж чадахгүй бол шаналдаг. Тэгвэл энэ хүмүүс хэвийн үү? (Үгүй.) Тэд хэвийн биш. Хэвийн хүн юу гэж бодох вэ? “Хэрвээ би дангаараа шийдвэр гаргаж чадахгүй юм бол зүгээр л больё; үүнд хэцүү зүйл юу байна? Энэ нь бүр надад амар шүү дээ!” Хэвийн хүн ингэж бодно. Харин антихристийг чи ийм маягаар үйлдүүлэхгүй бол тэр шанална. Тэдний дотор диавол оршиж байгаа биш гэж үү? (Тийм.) Тиймээс, тэднийг дангаараа шийдвэр гаргахыг нь болиулбал тэдэнд үхэж байгаа мэт санагдуулж чадна. Энэ “үхэх” гэдэг нь юу гэсэн үг вэ? Диавол тэдний зүрх сэтгэлийг тарчлааж, үймүүлснээр тэдэнд тэвчихийн аргагүй, эсвэл цааш амьдрах аргагүй, яг л үхэх гэж байгаа мэт санагдуулдаг; энэ нь ийм л утгатай. Бурханы гэрийн ажлыг үймүүлэхийг эрмэлздэг антихристүүд, ёрын муу хүмүүс болон диаволуудад энэ ганц өгүүлбэрийг хэлэх нь тэдэнтэй ямар ч үнэний талаар нөхөрлөхөөс илүү үр дүнтэй байдаг. Энэ ганц өгүүлбэр нь Бурханы гэрийн ажлыг үймүүлдэг антихристүүд, ёрын муу хүмүүс, диаволууд шиг хүмүүс дээр нэмэртэй байдаг. Энэ хүмүүст үнэнийг хэлэх нь нэмэртэй юу? (Үгүй, нэмэргүй.) “Та нар эвтэй найртай хамтран ажиллаж, үнэн-зарчмын дагуу үүргээ гүйцэтгэж, хэрэг явдлыг зохицуулах ёстой”—иймэрхүү үгийг олон жилийн турш хэлсэн; эдгээрийг ойлгодоггүй, эсвэл санадаггүй хүн байна уу? Байх учиргүй. Тэгвэл яагаад зарим хүн дангаараа шийдвэр гаргасаар байна вэ? Энэ нь ганцхан зүйлийг л илтгэж байна: Тэд өөрсдийгөө хянадаггүй; тэд хэвийн хүмүүс биш. Тэдний оюун ухаан, зүрх сэтгэл тэднийг захирч чаддаггүй; тэдний дотор тэднийг захирдаг өөр нэг зүйл байдаг бөгөөд тэднийг ингэж үйлдэхэд харгисаар, албан хүчээр чиглүүлдэг, энэ нь чухамдаа Бурханы гэрийн ажилд саад болж, үймүүлж, Бурханы гэрийн ажлыг хохироож, Бурханы гэрийн ашиг сонирхолд хохирол учруулж буй хэрэг юм. Хэн ийм зүйл хийж чадах вэ? Зөвхөн Сатанууд болон диаволууд. Бурханыг дагадаг хүмүүс, хэвийн хүмүүс, жинхэнэ бүтээгдсэн зүйлсэд ийм зүйл хийх сэдэл байхгүй; зөвхөн Сатанууд болон диаволууд л ийм сэдэлтэй байдаг бөгөөд эдгээр зүйлийг зориуд хийдэг. Та нар энэ үгийг тогтоож авсан уу? (Тийм.) Тэгвэл өнөөдрийн нөхөрлөлөө энд хүргээд өндөрлөе. Баяртай!

2020 оны 2 дугаар сарын 29