I

Махбодод ажиллахаар илрэх үедээ Бурхан асар их доромжлол амсжээ.

Даруу, нуугдмал Тэрээр хүнийг аврахын тулд л үнэнийг илэрхийлжээ.

Гэвч би Бурханы дуу хоолойг сонсоод Түүнийг таньсангүй,

пастор, ахлагчдыг даган Түүний ажлыг үгүйсгэж, шүүжээ.

Гэм буруугийн минь төлөө Бурхан намайг шийтгээгүй,

дуулгаваргүй байдлыг минь хүлцэн, хаалгыг минь тогшжээ.

Бурханы үзүүлсэн энэрлийг мэдрээд би туйлын их ичсэн,

Бурханы хайрыг хүртэхэд би үнэхээр тэнцэхээргүй байжээ.

II

Бурханы үг зүрхийг минь хурц илд мэт сүлбэдэг.

Биеэ тоосон байдлаас болж би эрүүл ухаан, хүн чанараа гээжээ,

Бурханы илрэлт, ажлыг үзэл, төсөөллөөрөө яллаж,

асар олон итгэгчийн аврагдах боломжийг хаажээ.

Бурханыг эсэргүүцэж, шүүдэг би яасан их нүгэлтэй юм бэ.

Бурхан намайг харааваас зохино; би Түүний өмнө амьдрахад тохирохгүй.

Бурханы шүүлтийг туулаад би сэрж, зүрх сэтгэл минь гутралд автлаа.

Бүхнийг шинээр эхэлж, үнэнийг эрэлхийлэн, Бурханыг хангалуун байлгахаар би шийдлээ.

Бурханы элэгсэг сэтгэл чулуун зүрхийг минь уяраана.

Би үүргээ үнэнчээр биелүүлэхийг хүснэ, Бурханд тайтгарал авчрах юм сан л гэж гуйна.

Хавчлага, бэрхшээл хэчнээн ч их бай, эцсээ хүртэл би үнэнч байна.

Бурханд цангинасан гэрчлэл хийж, Түүнд алдрыг авчрахаар би шийднэ.