“Сүнслэг эцгийн” минь үнэн төрх

2020-10-10

Ли Сянхэ, Өмнөд Солонгос

Би Төгс Хүчит Бурханы эцсийн өдрүүдийн ажлыг хүлээн зөвшөөрөөд удаагүй байхдаа Төгс Хүчит Бурханы Чуулганы вэб сайтаас “Сүсэг бишрэлийн нууц: Үргэлжлэл” гэх нэртэй сайн мэдээний кино үзсэн юм. Тэр кинон дээр зарим пастор, ахлагч Төгс Хүчит Бурханы ажлыг хүлээн зөвшөөрөлгүй үнэн замыг эрж хайхад нь итгэгчдэд саад хийх гэж улайран оролдсон. Би пастор, ахлагчдыг Эзэнд үйлчилдэг сүсэгтэй хүмүүс гэж боддог байсан болохоор үүнд будиллаа. Эзэнийг ирэлтийг алдахгүйн тулд харуулдан хүлээ гэж тэд бидэнд үргэлж заадаг байсан шүү дээ. Эзэн Есүс эргэн ирсэн гэдгийг олж мэдвэл тэд баяртайгаар хүлээн зөвшөөрөх учиртай. Юу гэж бидэнд саад хийх юм бэ? Тэгээд хуучин чуулганыхаа Жинь пасторыг бодлоо. Пастор маань итгэгчдэд маш их хайртай, бас Эзэнийг эргэн ирээсэй гэж үргэлж хүсэн хүлээдэг байсан. Хэрвээ пастор Эзэнийг эргэн ирсэн гэж мэдвэл бөөн баяр болж, шууд л хүлээн зөвшөөрнө. Би пасторт сайн мэдээ түгээхийн тулд үнэнээр зэвсэглэе гэж шийдлээ. Гэхдээ юм миний санаснаар болоогүй, төд удалгүй тэр киноны үйл явдал амьдрал дээр минь өрнөсөн юм.

“Сүнслэг эцгийн” минь үнэн төрх

Нэг өдөр Жинь пастор манай жимсний мухлаг дээр ирж надтай уулзаад, “Та Төгс Хүчит Бурханы Чуулганд яваад байгаа юм уу?” гэж шуудхан асуулаа. Тэгээд чуулганы талаар гүжирдсэн юм ярьж, “Тэр чуулган Бурханыг махбод болж эргэн ирсэн гэж гэрчилдэг. Тэгэх ямар ч боломжгүй!” гэсэн юм. Ингэж хэлэхийг нь сонсоод би гайхаж, жаахан уур хүрлээ. “Эзэн бусдыг битгий шүү гэж бидэнд сургадаг. Та тэр чуулганы талаар юу ч мэдэхгүй, бас Төгс Хүчит Бурханы эцсийн өдрүүдийн ажлыг судлаагүй. Тэднийг яллаж яаж чадаж байна аа?” гэж бодогдлоо. Гэхдээ дараа нь, “Төгс Хүчит Бурханы үгийг сонсоогүй болохоор үнэн зам гэдгийг нь мэдэхгүй байгаа байх. Төгс Хүчит Бурхан бол хүнийг цэвэрлэж, аврахаар бүх үнэнийг илэрхийлж байгаа, эргэн ирсэн Эзэн Есүс гэдгийг мэдвэл пастор хүлээн зөвшөөрнө гэдгийг би яг мэдэж байна” гэж бодсон. Тэгээд Жинь пасторт, “Пастор оо, Эзэн дахин махбодоор ирэх боломжгүй гэж та хэллээ. Энэ чинь Эзэний үгэнд үндэслэсэн юм уу? Эзэн ер нь тэгж хэлсэн бил үү?” гэлээ.

Хариуд нь пастор өөртөө итгэлтэйгээр, “Матайн сайн мэдээнд, ‘Тэгээд хүний Хүүгийн тэмдэг тэнгэрт илрэн харагдана: газар дээрх бүх овог гашуудан уйлах ба тэд хүний Хүү тэнгэрийн үүлэн дээр хүч чадал, агуу алдартайгаар ирэхийг харах болно’ (Матай 24:29–30) гэсэн байдаг. Эзэн үүлэн дээр, хүн болгонд харагдахаар ил тод ирж, агуу алдар суутайгаар эргэн ирнэ. Шашны ертөнц энэ баримтыг тэр аяараа хүлээн зөвшөөрдөг. Христэд итгэгч болгон Эзэний үүлэн дээр ирэхийг хүлээж байхад, Эзэн махбодод ирж яаж болдог юм бэ?” гэсэн. Би пасторын үгийг сонсоод, “Пастор оо, Библид Эзэний эргэн ирэх тухай олон зөгнөл байдаг. Тэр ганц эшлэлтэй зууралдах нь ахархан бодолтой байгаа хэрэг шүү дээ. Эзэн үүлэн дээр эргэн ирэх тухай зөгнөл байдаг нь үнэн, гэхдээ Эзэн нууцаар ирэх тухай ч бас олон зөгнөл бий. Жишээ нь, ‘Хэрэв чи сэрэхгүй бол Би хулгайч мэт очих ба ямар цагт Би чам дээр очихыг чи мэдэхгүй’ (Илчлэл 3:3), ‘Харагтун, Би хулгайч мэт ирнэ’ (Илчлэл 16:15), ‘Шөнө дөлөөр хашхирах дуу гарч, “Хараач, Сүйт залуу ирлээ; Түүнийг угтан авцгаа” гэлээ’ (Матай 25:6) гэдэг. Эдгээр эшлэлд Эзэнийг хулгайч мэт ирнэ, шөнө дөлөөр нууцаар ирж, энэ тухай цөөхөн хүн мэднэ гэж зөгнөдөг. Хэрвээ Эзэн үүлэн дээр ил тод ирсэн бол хүн болгонд харагдана биз дээ? Тэгвэл хашхирч, номлож, гэрчлэх ямар ч хэрэггүй. Хэрвээ Эзэн бидний итгэдгээр зөвхөн үүлэн дээр ил тод ирсэн бол Эзэн нууцаар ирнэ гэх зөгнөл яах болж байна? Эзэн бол итгэмжит, Эзэний үг хий дэмий болохгүй. Үргэлж биелэх болно. Тэгэхээр Эзэн хоёр үе шаттайгаар эргэн ирнэ гэдэгт итгэлтэй байж болох юм. Эхлээд Эзэн нууцаар ирж, дараа нь хүмүүст ил тод харагддаг. Бурхан хүмүүсийн дунд нууцаар ажиллахаар аль эрт махбод болсон—Тэр бол эцсийн өдрүүдийн Христ, Төгс Хүчит Бурхан юм. Тэр хүн төрөлхтнийг цэвэрлэж, авардаг бүх үнэнийг илэрхийлж, Бурханы гэрээс эхлэн шүүлтийн ажил хийдэг, тэгээд гамшгаас өмнө бүлэг ялагчдыг бий болгоно. Бурхан нууц ажлаа дуусгаад агуу гамшиг буулгаж, сайныг шагнаж, мууг шийтгэнэ. Дараа нь үүлэн дээр ирж, бүх ард түмэнд ил тод үзэгдэнэ. Тэр үед Төгс Хүчит Бурханыг эсэргүүцэж, ялладаг бүх хүн гамшигт нэрвэгдэн, уйлж, шүдээ хавирна. Ингэснээр Илчлэл 1:7-д ‘Харагтун, Тэр үүлсийн хамт ирнэ; нүд бүр Түүнийг харна, Түүнийг жадалсан хүмүүс ч бас харна: газар дэлхийн бүх овог Түүнээс болж гашуудна’ (Илчлэл 1:7) гэсэн нь биелдэг. Төгс Хүчит Бурханы үгийг Бурханы дуу хоолой гэж таньж, Бурхан руу эргэж, шүүлтийг нь хүлээн зөвшөөрч, цэвэрлэгддэг хүмүүс Бурханы хамгаалалтаар гамшгаас амьд үлдэж, Бурханы хаанчлалд орно. Бурханы нууц ажил бол хүн төрөлхтнийг аврах ажил юм. Бурханыг ил тод илрэх үед Түүнийг хүлээн зөвшөөрөхөд дэндүү хожимдсон байх болно. Тэгэхэд шийтгэлийн цаг болно. Төгс Хүчит Бурханы үгийг уншаад би энэ бүгдийг ойлгосон. Бурхан л үнэнийг илэрхийлж, энэ нууцыг тайлж чадна гэдгийг би олж харсан, Төгс Хүчит Бурхан бол эргэн ирсэн Эзэн Есүс мөн” гэлээ. Тэгээд би Жинь пасторыг Төгс Хүчит Бурханы эцсийн өдрүүдийн ажлыг нухацтай судална гэж найдаж байгаагаа хэллээ.

Зүгээр л зэвүүцсэн харц чулуудаад, “Та Библийн талаар нэг их мэдэхгүй юм байж надад номлоно гэнэ ээ? Эдгээрийг би танд заасан биш үү?” гэсэн. Пасторын ингэж хэлэхийг сонсоод маш их урам хугарсан. Энэ миний мэддэг байсан Жинь пастор мөн гэж үү? Пасторыг даруухан хүн гэж үргэлж боддог байлаа. Ухаалаг охид бай, Эзэнийг угтан авахын тулд Эзэний ирэхийг харуулдан хүлээ гэж пастор бидэнд үргэлж хэлдэг байсан. Гэтэл одоо пастор Эзэний ирэлтийг огт эрж хайлгүй, бүр үүнийг жигшиж байлаа. Би үүнийг ойлголгүй, пасторт туслахыг хүссэн болохоор “Та Библийг надаас сайн мэднэ, тэгэхээр Эзэний ирэлтийг даруу сэтгэлээр эрж хайж, судлах ёстой шүү дээ! Фарисайчууд бичвэрийг цээжээр мэддэг байсан, тэгээд бичвэр мэднэ гэдэг Бурханыг мэднэ гэсэн үг гэж бодсон. Гэхдээ Эзэн Есүсийг илэрч, ажиллах үед тэд үүнийг эрж хайж, судлаагүй. Бичвэрийн үгтэй зууралдаад, ‘Мессиа’ гэх нэртэй нэгэн л Бурхан байж болно, Ромын засаглалаас өөрсдийг нь чөлөөлж чадах хүн л Бурхан байж болно гэж бодсон. Тэгээд өөрсдийн үзэлд үндэслэн Эзэн Есүсийг яллаж, эцэст нь Эзэнийг цовдлуулсан. Тэд Бурханы зан чанарт халдаж, шийтгэлд нь өртсөн шүү дээ. Библийн талаар их ойлголттой гээд Бурханыг мэддэг, Эзэнийг эсэргүүцэхгүй гэсэн үг гэж та бодож байна уу? Бид фарисайчуудын бүтэлгүйтлээс суралцаж, Төгс Хүчит Бурханы эцсийн өдрүүдийн ажлыг хааш яаш яллахгүй байх ёстой. Уужуу бодолтой байж, Бурханы дуу хоолойг сонсох ёстой. Тэгсэн цагт л бид Эзэнийг угтан авч чадна!” гэж хэлсэн. Пастор зөвлөгөөг нь авахгүй байгааг минь хараад, “Та энэ олон жил итгэхдээ цог золбоотой эрэл хайгуулч байсан болохоор таны төлөө би залбирна. Төгс Хүчит Бурханы Чуулганаас гар!” гэж уурсан хэллээ. Тэгээд яваад өгсөн.

Явсных нь дараа би, “Пастор яагаад Эзэний ирэлтийг илүү нухацтай авч үзэхгүй байгаа юм бол? Биднийг даруухнаар эрж хай гэж дандаа хэлдэг байж өөрөө яагаад ийм өөр аашлаад байгаа юм бол?” гэж бодлоо. Би Жинь пасторыг үргэлж сүнслэг эцгээ гэж боддог байсан юм. Намайг юу ч асуухад пастор Библийн эшлэл ашиглан тэвчээртэй хариулдаг байлаа. Бас гэр бүлийн минь талаар ч үргэлж асууж, асуудал тулгарахад бидний төлөө залбирдаг байсан. Пастор Эзэнд олон жил итгэж, үргэлж ажиллаж, өөрийгөө зарлагадсан нь Эзэнийг ирээсэй гэж хүсэн хүлээсэндээ тэр биш үү? Би хүлээхээр шийдлээ. Бурханы эцсийн өдрүүдийн ажлын талаар пастортой дахин ярилцахад л болох байсан.

Хоёр хоногийн дараа манай жимсний мухлаг дээр Жинь пастор дахин ирсэн юм. Би пасторыг Библиэс лавлаад, Эзэн яаж эргэн ирж, ажилладгийг ойлгож авсан байж таарах нь гэж бодсон. Гайхмаар нь пастор, “Ли санваартан аа, Библид, ‘Галилын эрчүүд ээ, яагаад та нар тэнгэр өөд ширтэн зогсоно вэ? Та нараас өргөгдөн тэнгэр лүү аваачигдсан энэ Есүс тэнгэр лүү явсныг нь та нар харсантай адил байдлаар ирэх болно’ (Үйлс 1:11) гэсэн байдаг. Энэ маш тодорхой байна. Эзэн Есүс иудей хүний дүрээр цагаан үүлэн дээр тэнгэр өөд гарсан, тийм болохоор иудей хүний дүрээр цагаан үүлэн дээр эргэн ирнэ. Та хууртсан байна. Та болих ёстой” гэлээ. Пастор Эзэн үүлэн дээр ирнэ гэх санаатай зууралдан, Төгс Хүчит Бурханы ажлыг шүүж, яллаж байсан. Үүнийг нь би ойлголгүй, “Эзэн эргэн ирэх тухай Библийн маш олон зөгнөл байдаг. Пастор яагаад огт эрж хайхгүй байгаа юм бол?” гэж бодлоо. Яг тэгтэл Төгс Хүчит Бурханы үгийн нэг хэсэг санаанд ороод, би Жинь пасторт уншиж өгсөн юм. “Би та нарт хэлье, тэмдгийн улмаас Бурханд итгэдэг хүмүүс бол гарцаагүй устгагдах ангилалд багтдаг. Махбодоор эргэн ирсэн Есүсийн үгийг хүлээн зөвшөөрөх чадваргүй хүмүүс бол гарцаагүй тамын үр удам, тэргүүн тэнгэрэлчийн үр хойч, мөнхийн сүйрэлд өртөх ангилал юм. Олон хүн Миний хэлсэн зүйлийг тоохгүй байж магад, гэвч Есүс тэнгэрээс цагаан үүлэн дээр бууж ирэхийг хоёр нүдээрээ харах үед чинь зөвт байдлын Нар олон нийтэд үзэгдэнэ гэдгийг Би Есүсийг дагадаг ариун хүмүүс гэгддэг хүн бүрд хэлэхийг хүсэж байна. Есүс тэнгэрээс буун ирж буйг нүдээр үзэх тэр үе чамд маш сэтгэл догдлом мөч байж болох ч энэ үе бас шийтгүүлэхээр там руу буух үе чинь гэдгийг мэдэх хэрэгтэй. Энэ нь Бурханы удирдлагын төлөвлөгөөний төгсгөлийн цаг үе байх бөгөөд Бурхан сайныг шагнаж, мууг шийтгэх үе байх болно. Учир нь, хүн тэмдгийг харахаас өмнө, үнэний илэрхийлэл л байх үед Бурханы шүүлт дууссан байх болно. Үнэнийг хүлээн авдаг, тэмдгийг эрж хайдаггүй хүмүүс ариусаж, Бурханы сэнтийн өмнө эргэн ирж, Бүтээгчийн тэвэрт орсон байх болно. ‘Цагаан үүл хөлөглөн ирээгүй Есүс бол хуурамч Христ’ хэмээн муйхарлан итгэдэг хүмүүс мөнхийн шийтгэл хүртэнэ, учир нь тэд тэмдэг үзүүлдэг Есүст л итгэдэг, харин хатуу шүүлт зарлан, амийн үнэн замыг гаргадаг Есүсийг хүлээн зөвшөөрдөггүй. Тэгэхээр Есүс цагаан үүлэн дээр ил тодоор эргэн ирэх үедээ л үүнийг шийдвэрлэх болно. Тэд хэтэрхий зөрүүд, өөртөө итгэлтэй, биеэ тоосон. Иймэрхүү өөдгүй хүмүүс яаж Есүсээр шагнуулж чадах билээ?” (“Үг нь махбодоор илэрсэн” ном). Үнэхээр уурласан харагдсан, тэгээд “Эзэн яаж ирэх тухай Библид маш тодорхой хэлсэн байдаг. Өөр ном унших ямар шаардлага байна? Хэрвээ Төгс Хүчит Бурхан жинхэнэ Бурхан юм бол яагаад Түүнийг шашны удирдагч бүр ялладаг юм бэ? Та даруйхан болих ёстой! Би тантай ярилцаач гэж танай нөхөр Пяо санваартнаас гуйсан, гэхдээ та гөжүүд юм аа” гэлээ. Ингэж хэлэхээр нь би, “Та ‘Үг нь махбодоор илэрсэн’ номыг уншиж үзсэн үү? Энэ ном Хаанчлалын эрин үе дэх Төгс Хүчит Бурханы айлдварыг агуулдаг. Энэ номд байгаа үг бүгдээрээ үнэн. Та үүнийг уншиж, судлах хэрэгтэй. Зүгээр л яллаж болохгүй” гэж хэлтэл пастор үгийг минь таслан, “Би аль эрт уншчихсан. Энэ Бурханы үг биш, цаашид та үүнийг уншаад хэрэггүй” гэлээ. Пасторын хэлсэн үг, жигшүүртэй байдалд миний ой гутсан юм. Пастор маш утгагүй аашилсан! Төгс Хүчит Бурханы үг бол үнэн. Эрх мэдэл, хүч чадалтай. Пастор үүнийг ер ойлгоогүй. Пастор Бурханы хоньдын нэг биш байсан юм. Дараа нь пастор надад, “Хэрвээ та үүнд итгэсээр байвал юм буруугаар эргэх цагт намайг битгий буруутгаарай. Одоо тэрс үзэлд итгэдэг болсон гэдгийг чинь чуулганд хэлж, таныг хөөлгөнө. Бүх хүнийг танаас зай барьж, таныг голдог болгоно!” гэлээ.

Би мэл гайхаж, “Та үнэнийг орвонгоор нь эргүүлж байна шүү дээ! Би Төгс Хүчит Бурханд итгэснээр Эзэнийг угтан авч, Хурганы мөрийг дагаж байна. Намайг тэрс үзэлд итгэдэг гэж хэлж яаж чадаж байна аа? Та Бурханы ажлыг эрж хайхгүй байгаад зогсохгүй намайг гүжирдэж, хөөж байна. Итгэгч болоод удсан хүн ийм юм хийх учиргүй!” гэж бодсон. Үүнээс хэд хоногийн өмнө нөхөр маань надад, “Жинь пастор Төгс Хүчит Бурханд итгэдэг хэнийг ч чуулганаас хөөнө гэж байна лээ. Чи хөөгдөхөөс айхгүй байна уу? Ах эгч нар маань биднийг голбол яана? Зарим нь чиний итгэлийн талаар аль эрт мэдчихээд манай мухлагийн хажуугаар өнгөрөхдөө биднийг тоохгүй байгаа. Чамайг дахиж тэр чуулганд явуулахгүй шүү!” гэж хатуухан хэлсэн юм. Нөхөр маань надад саад болох гэсний цаана Жинь пастор байсан гэдгийг би ухаарлаа. Пастор итгэгчдээр үнэн замыг судлуулахгүйн тулд хөөнө гэж сүрдүүлэх юм гэж огт бодоогүй. Пастор үнэхээр дотуур тамиртай, хорлонтой байлаа! Би пасторыг Эзэнд үйлчилсэн ийм олон жилийнхээ туршид даруу, хайр энэрэлтэй явсан гэж үргэлж боддог байсан, гэтэл энэ бүгд хүмүүсийг мэхлэх гэсэн дүр эсгэлт байж. Итгэгчдийн хажууд даруу төлөв, шүтлэгтэй дүр эсгэдэг атлаа тэднийг сүрдүүлж, үнэн замыг судлуулахгүй гэж нууц арга мэх ашигладаг өнөөх кинон дахь шашны хүмүүсийн талаар бодогдлоо. Жинь пастор тэр кинон дахь шашныхантай яг адилхан аашилж байсан юм. Пасторт маш их ой гутаж, миний зүрх сэтгэл дэх пасторын дүр төрх хормын дотор сүйдлээ. Тоохгүй байгааг минь хараад пастор гутарсан байртай явж одсон.

Дараачийн хоёр долоо хоногт пастор хааяа мухлаг дээр ирж надтай уулзаад, үнэн замыг орхи, Төгс Хүчит Бурханаас урва гэж ятгахаар оролдсон. Нэг өдөр пастор мухлаг дээр ууртайгаар түжигнэж ирээд намайг урьдынх шигээ санваартан гэж дуудалгүй шууд л “Та Төгс Хүчит Бурханд итгэхгүй, үр хүүхдүүдээ ч үүнд оруулахгүй шүү! Танай нөхрийн гэр бүл бүгд шүтлэгтэй итгэгчид. Хүүхдүүдийн чинь эмээ өвөө маш их шүтлэгтэй байсан, Тэр гэр бүлийг сүйрүүлэхийг чинь зөвшөөрөхгүй!” гэлээ. Пасторын буруушаалтад би багтартлаа уурласан. Төгс Хүчит Бурханд итгэнэ гэдэг Бурханы сэнтийн өмнө өргөгдлөө гэсэн үг—энэ бол сайхан зүйл шүү дээ. Пастор яаж ингэж буруушааж чадаж байна аа? Миний бүр ч их уурласан зүйл гэвэл пастор намайг хориод зогсохгүй үр хүүхдийн минь итгэх эрх чөлөөг хянах гэж хичээж байлаа. Хүмүүсээр үнэн замыг судлуулахгүй байж яаж чадаж байна аа? Би пасторт шулуун шударга хатуухан байдлаар, “Бурханы хоньд Бурханы дуу хоолойг сонсдог, Бурханд итгэх гэсэн хүнд хэн ч саад хийж болохгүй. Манай хүүхдүүд Төгс Хүчит Бурханы үгийг уншиж, Бурханы дуу хоолойг таньсан. Энэ бол Бурханы удирдамж! Урьд нь бусад урсгалыг судлах үед манай хүүхдүүд очихыг хүсээгүй, харин одоо тэд Төгс Хүчит Бурханд итгэхийг хүсэж байгаа. Тэд Төгс Хүчит Бурханд итгэх эрх чөлөөтэй, би тэднийг хорихгүй. Та ямар үндэслэлээр тэр эрх чөлөөг хорих гээд байгаа юм бэ?” гэж хэллээ. Пастор хоромхон зуур хэлэх үггүй болж, дараа нь уурандаа намайг зүхчхээд яваад өгсөн. Жинь пасторын үйлдэлд би цочирдсон юм. Пастор манай гэр бүлийн төлөө үргэлж залбирдаг байсан. Яагаад ийм хорлонтой аашлаад байгаа юм бол? Бурханы эцсийн өдрүүдийн ажлыг хүлээн зөвшөөрсөн болохоор минь л намайг үзэн ядаж, хяхаж хавчиж, харааж байгаа гэж үү? Би будилж гүйцсэн.

Хэсэг хугацааны дараа, хуучин чуулганыхаа хоёр эгчид Төгс Хүчит Бурханы сайн мэдээ номлосон юм. Тэр хоёр үүнийг дуртайяа сонсоод, байнга холбоо барьдаг байлаа. Төд удалгүй Жинь пастор энэ талаар олж мэдсэн. Тэр хоёр эгчийг юу гэж сүрдүүлсэн юм мэдэхгүй, ямартай ч тэд надтай холбоо барихаа больж, бултаж эхэлсэн юм. Би маш их гонсойж, уур хүрсэн. Тэгээд Эзэн Есүсийн фарисайчуудад хэлснийг өөрийн эрхгүй бодлоо: “Хоёр нүүрт хуулийн багш нар, фарисайчууд та нар золгүй еэ! Яагаад гэвэл та нар хүмүүсээс тэнгэрийн хаанчлалыг хааж, өөрсдөө орохгүй бөгөөд орж буй хүмүүсийг ч оруулахгүй” (Maтай 23:13). “Хоёр нүүрт хуулийн багш нар, фарисайчууд та нар золгүй еэ! Та нар тэнгис далай болон газар нутгийг тойрч, ганц хүнийг сүсэгтнээ болгохын тулд уруу татан, тэгэх үедээ түүнийг өөрсдөөсөө хоёр дахин дор тамын хүү болгодог” (Maтай 23:15) гэсэн байдаг. Жинь пастор Бурханы эцсийн өдрүүдийн ажлыг хүлээн зөвшөөрөхөөс татгалзаж, бусдыг энэ талаар судлуулахгүйн тулд чадах бүхнээ хийж, ах эгч нарыг элдэв янзаар сүрдүүлсэн. Пасторын үйлдэл тэр олон жилийн өмнөх фарисайчуудын үйлдэлтэй яг адилхан байсан биш үү? Пастор өөрөө Бурханы хаанчлалд орох гэж хичээгээгүйн дээр бусдад саад болсон. Тэгээд ах эгч нарыг өөртэйгөө хамт там руу чирч байсан юм. Энэ нь Бурханы шийтгэх ёрын муу үйл байлаа!

Дараа нь нэг цуглаан дээр, би юу болсон талаар ах эгч нартаа хэллээ. Тэгтэл Ли эгч Төгс Хүчит Бурханы үгийн хоёр хэсгийг уншиж өгсөн. “Фарисайчууд Есүсийг эсэргүүцсэний уг шалтгааныг та нар мэдмээр байна уу? Фарисайчуудын мөн чанарыг мэдэхийг хүсэж байна уу? Тэд Мессиагийн талаарх уран зөгнөлөөр дүүрэн байсан. Үүнээс гадна, тэд Мессиа ирнэ гэдэгт л итгэсэн ч амийн үнэнийг эрж хайгаагүй. Иймээс өнөөдөр ч гэсэн тэд Мессиаг хүлээсээр л байдаг, учир нь тэдэнд амийн замын талаар ямар ч мэдлэг байдаггүй, мөн үнэний зам гэж юу болохыг мэддэггүй. Ийм мунхаг, зөрүүд, мэдлэггүй хүмүүс Бурханы ерөөлийг олж авч чадах уу, та нар хэл дээ? Тэд яаж Мессиаг харж чадах юм бэ? Тэд Ариун Сүнсний ажлын чиглэлийг мэдээгүй, Есүсийн хэлсэн үнэний замыг мэдээгүй, түүнчлэн Мессиаг ойлгоогүй учраас Есүсийг эсэргүүцсэн. Тэд Мессиаг хэзээ ч харж байгаагүй, Мессиатай хэзээ ч хамт байгаагүй болохоор Мессиагийн нэртэй дэмий зууралдах зуураа Мессиагийн мөн чанарыг боломжит бүх аргаар эсэргүүцэх алдаа гаргасан. Энэ фарисайчууд мөн чанарын хувьд зөрүүд, биеэ тоосон байж, үнэнийг дуулгавартай дагаагүй. Тэдний Бурханд итгэх зарчим нь энэ: Таны номлол хэр гүн гүнзгий, Таны эрх мэдэл хэчнээн өндөр дээд ч бай, Мессиа гэж нэрлэгдээгүй л бол Та Христ биш. Эдгээр үзэл бодол нь утга учиргүй, хөгийн биш гэж үү?” “Том сүмд Библи уншиж, үүнийг бүхэл өдөржингөө цээжээр уншдаг хүмүүс байдаг атал тэдний дундаас нэг нь ч Бурханы ажлын зорилгыг ойлгодоггүй. Тэдний дундаас нэг нь ч Бурханыг мэдэж чаддаггүй; тэдний дундаас бүр нэг ч хүн Бурханы хүсэлд нийцэж чаддаггүй. Тэд бүгдээрээ үнэ цэнгүй, өөдгүй хүмүүс бөгөөд Бурханд зааж сургахын тулд дор бүрнээ өндөрт зогсдог. Тэд Бурханы нэрээр далайлгадаг атлаа Түүнийг дур зоргоороо эсэргүүцдэг. Бурханд итгэдэг гэх атлаа тэд хүний махыг идэж, цусыг уусаар байдаг. Ийм хүмүүс бүгд хүний сүнсийг залгидаг диаволууд, зөв замд орохоор хичээж буй хүмүүст зориуд саад учруулдаг толгойлогч чөтгөрүүд, мөн Бурханыг эрж хайдаг хүмүүст садаа болдог бул хар чулуу билээ. Тэд ‘эрүүл чийрэг бие махбодтой’ харагдаж болох ч Бурханыг эсэргүүцэхэд хүмүүсийг хөтөлдөг антихристүүдээс цаашгүй гэдгийг дагагчид нь яаж мэдэх юм бэ? Хүний сүнсийг залгидаг амьд диаволууд гэдгийг дагагчид нь яаж мэдэх юм бэ?” (“Үг нь махбодоор илэрсэн” ном).

Дараа нь эгч ингэж нөхөрлөлөө: “Фарисайчууд болон шашныхан Бурханыг эсэргүүцдэгийн мөн чанар, уг шалтгааныг Бурханы үг тодорхой тайлбарладаг. Тэд маш их гөжүүдэлж, биеэ тоогоод, Бурханаас огт эмээдэггүй, бас үнэнийг юу юунаас илүү үзэн яддагаас энэ нь гол төлөв үүдэлтэй. Иудейн шашны фарисайчууд синагогт үргэлж бичвэр тайлбарлан, маш их шүтлэгтэй харагддаг байсан. Гэхдээ Эзэнийг ирж, ажиллах үед Эзэний үг эрх мэдэл, хүч чадалтай гэдгийг мэдсээр байж судлахаас татгалзсан. Итгэгчид нь Эзэн Есүсийг дагах вий, тэгээд өөрсдөө байр суурь, амин зуулгаа алдах вий гэж айсан болохоор тэд Эзэн Есүсийг улайран яллаж, цуу яриа зохион, хуурамч гэрчлэл хийсэн. Хүмүүс Эзэнийг дагахаас сэргийлэхийн тулд чадах бүхнээ хийж, эцэст нь Эзэнийг цовдлуулан, аймшигт нүгэл үйлдсэн. Фарисайчууд Бурханд үйлчилдэггүй байсан гэдгийг Эзэн Есүс болон үнэний тухайд баримталсан хандлага, хүмүүсийг хянахын тулд Бурхантай тэмцэлдсэн байдлаас нь харж болно. Тэд үнэнийг үзэн ядаж, Бурханыг эсэргүүцдэг антихристүүд байсан юм. Өнөөгийн шашны ертөнцийн пастор, ахлагчид Библийг сайн мэддэг, бас Библи болон теологийн зарим нэг онол номлож чаддаг, даруу төлөв, сүсэгтэй мэт байдаг. Гэхдээ одоо Бурхан ажлаа хийхээр бие махбодтой болсон, Эзэн эргэж ирээд, үнэнийг илэрхийлж, шүүлтийн ажил хийж байгаа гэж Төгс Хүчит Бурханы Чуулган олон жилийн турш гэрчилснийг тэд мэддэг мөртөө судлахгүй байгаад зогсохгүй Төгс Хүчит Бурханыг улайран эсэргүүцэж, ялладаг. Тэд Библийн үг, үзэл, төсөөлөлтэйгөө зууралддаг. Эзэн үүлэн дээр л ирж болно гэдэгт итгэн, элдэв янзын тэрс үзэл ярьж, итгэгчдийг хуурч, урхидахын тулд чадах бүхнээ хийн, тэднийг үнэн замд оруулдаггүй. Тэгээд Бурханы хоньдыг хатуу хяналтдаа байлган, тэднийг Бурхантай булаацалддаг. Тэд яг фарисайчуудын хийснийг хийж байна. Тэд үнэнийг үзэн ядаж, Бурханы ажлыг үзэн ядаж, эцсийн өдрүүдийн Христийг эсэргүүцдэг. Тэд бол Бурханы ажлаар илчлэгддэг муу зарц, антихристүүд юм” гэлээ.

Эгчийн нөхөрлөлийг сонсоод сэтгэл цэлмэлээ. Бурханы ажил маш ухаалаг шүү! Эцсийн өдрүүд дэх Бурханы ажил энэ хоёр нүүрт фарисайчуудыг илчилдэг. Энэ пастор, ахлагчид, энэ “Эзэний зарц нар” зүгээр л Бурханыг эсэргүүцдэг муу зарц нар юм. Тэд Христийг үгүйсгэж, эсэргүүцдэг антихристүүд, сүнсийг маань залгидаг диаволууд мөн! Би худал сүсэг бишрэлд нь итгээд, Жинь пасторыг өмнө нь огт ялган таньж чадаагүй юм. Пасторыг Эзэнд үйлчилдэг, Эзэний итгэлт зарц гэж үргэлж боддог байсан болохоор сүнслэг эцгээ гэж үздэг байлаа. Тэр киноны пастор, ахлагчид хүмүүсийг үнэн замд оруулахгүйн тулд асар их хүчин зүтгэл гаргаж байгааг хараад би үзэл, төсөөллөө л баримталж, Жинь пасторыг өөр гэж итгэсэн. Төгс Хүчит Бурханы ажлыг хүлээн зөвшөөрөхөд Жинь пастор намайг болиулах гэж маш олон удаа оролдмогц эцэст нь би пасторын хоёр нүүрт үнэн төрхийг харж, пастор мөн чанартаа үнэнийг үзэн ядаж, Бурханыг эсэргүүцдэг антихрист гэдгийг олж хараад, шашны ертөнцийн фарисайчууд, антихристүүдийн ов мэх, хүлээсээс эцэст нь чөлөөлөгдсөн дөө. Би Бурханы өмнө буцан очиж, Хурганы хуримын зоогт оролцсон.

Одоо үед гай гамшиг ойр ойрхон тохиолдож, Эзэн эргэн ирэх тухай зөгнөлүүд үндсэндээ биелсэн. Бид Эзэнийг хэрхэн угтан авч болох вэ?

Холбогдох контент