Бүх үнэнийг эрэлхийлэгчдийг бидэнтэй холбогдохыг урьж байна.

Үг нь махбодоор илэрсэн

Агуулга

Тушаалуудыг сахиж, үнэнийг хэрэгжүүлэх нь

Хэрэгжүүлэлтийн хувьд, тушаалууд нь үнэний хэрэгжүүлэлттэй холбоотой байх ёстой. Тушаалуудыг сахих зуураа хүн үнэнийг хэрэгжүүлэх учиртай. Үнэнийг хэрэгжүүлэх үедээ хүн тушаалуудын зарчмыг зөрчиж эсвэл тушаалуудыг эсэргүүцэх ёсгүй. Бурханы чамаас шаардсан зүйлийг л хий. Тушаалуудыг сахиж, үнэнийг хэрэгжүүлэх нь харилцан холбоотой бөгөөд хоорондоо зөрчилддөг зүйл биш. Чи үнэнийг хэдий чинээ их хэрэгжүүлнэ, тушаалуудын мөн чанарыг чи төдий чинээ их баримтална. Чи үнэнийг хэдий чинээ их хэрэгжүүлнэ, тушаалуудад илэрхийлэгдсэн Бурханы үгийг чи төдий чинээ их ойлгох болно. Үнэнийг хэрэгжүүлэх болон тушаалуудыг сахих нь зөрчилдөөнтэй үйлдлүүд биш харин ч хоорондоо холбоотой. Анх хүн зөвхөн тушаалуудыг сахьсаны дараа л үнэнийг хэрэгжүүлж, Ариун Сүнснээс гэгээрлийг олж авдаг байсан. Гэхдээ энэ нь Бурханы анхдагч санаа байгаагүй. Бурхан чамаас, зөвхөн сайн зан авирыг дадлагажуулах биш харин зүрх сэтгэлээсээ Бурханыг шүтэн мөргөхийг шаарддаг. Гэхдээ чи тушаалуудыг ядаж өнгөцхөн ч болов сахих ёстой. Аажмаар туршлагаар дамжуулан хүн Бурханы талаар илүү тодорхой ойлголтыг олж авдаг. Тэр Бурханд тэрсэлж, Түүнийг эсэргүүцэхээ больдог ба Бурханы ажилд эргэлзэхээ больдог. Ийм маягаар хүн тушаалуудын мөн чанарыг сахиж болох юм. Тиймээс үнэнийг хэрэгжүүлэхгүйгээр ердөө тушаалуудыг сахих нь үр ашиггүй бөгөөд Бурханыг шүтэн мөргөх бодитой шүтлэгийг бүрдүүлэхгүй, учир нь чи бодитой биеийн өндөрт хараахан хүрээгүй байгаа. Хэрвээ чи үнэнгүйгээр тушаалуудыг сахидаг бол энэ нь ердөө дүрэм журмыг хатуу чанд сахихтай тэнцэнэ. Ингэснээр тушаалууд чиний хууль болох ба энэ нь чиний амийн өсөлтөнд туслахгүй. Эсрэгээрээ тэдгээр нь чиний дараа болох ба чамайг Хуучин Гэрээний хууль шиг ягштал хүлж, Ариун Сүнсний байгааг алдахад чамайг хүргэнэ. Тиймээс зөвхөн үнэнийг хэрэгжүүлснээр л чи тушаалуудыг үр дүнтэйгээр сахиж чадна. Үнэнийг хэрэгжүүлэхийн тулд хүн тушаалуудыг сахидаг. Тушаалуудыг сахиснаар чи бүр олон үнэнийг хэрэгжүүлдэг. Үнэнийг хэрэгжүүлснээр дамжуулан чи тушаалуудын практик утга учрын талаар илүү их ойлголт олж авдаг. Хүн тушаалуудыг сахих учиртай гэсэн Бурханы шаардлагын утга учир ба зорилго нь хүний төсөөлдөг шигээр дэг журмыг мөрдөх явдал биш, харин ч энэ нь хүний амийн оролттой холбоотой юм. Чиний амь хэдий чинээ их өснө, чи төдий чинээ өндөр түвшинд тушаалуудыг сахиж чадах болно. Хэдийгээр тушаалууд нь хүнээр сахин мөрдүүлэхийн төлөө байдаг боловч тушаалуудын мөн чанар нь зөвхөн хүний туршлагаар дамжуулан ойлгомжтой болдог. Тушаалуудыг сайн сахина гэдэг нь "бүх зүйл бэлэн, үлдсэн бүхэн нь оролцох явдал" гэж ихэнх хүмүүс боддог. Энэ нь туйлширсан төсөөлөл бөгөөд энэ нь Бурханы хүсэл биш. Тиймэрхүү зүйл хэлдэг хүн нь ахиц гаргахыг хүсдэггүй бөгөөд махан биеийнхээ төлөө сувдаг байдаг. Энэ бол утгагүй үг! Энэ нь бодит байдалтай нийцдэггүй! Тушаалуудыг үнэхээр сахихгүйгээр зөвхөн үнэнийг хэрэгжүүлэх нь Бурханы хүсэл биш. Ийм төрлийн хүн бол тахир дутуу бөгөөд нэг хөл дээрээ хазганан явж байгаа мэт урагшилдаг. Гэсэн хэдий боловч зөвхөн тушаалуудыг сахиж, үнэнгүйгээр тушаалуудтай ягштал зууралдах нь мөн л Бурханы хүслийг биелүүлэхгүй байгаа хэрэг-энэ нь нэг нүдээрээ л хардаг хүнтэй адил бөгөөд энэ нь ч бас тахир дутуугийн нэг хэлбэр юм. Хэрвээ чи тушаалуудыг сайн сахидаг ба бодитой Бурханы талаар тодорхой ойлголт олж авсан бол чи үнэнтэй байх болно гэж хэлж болно. Үүнтэй уялдаатай өнцгөөс, чи бодитой биеийн өндрийг олж авсан байх болно. Чи үнэнийг хэрэгжүүлэхийн зэрэгцээ харилцан хоёр талын зөрчилгүйгээр тушаалуудыг сахиж чадна. Үнэнийг хэрэгжүүлж, тушаалуудыг сахих нь хоёр систем бөгөөд аль аль нь хүний амийн туршлагын салшгүй хэсэг юм. Хүний туршлага нь үнэнийг хэрэгжүүлэх болон тушаалуудыг сахих явдлын хуваагдлаас бус нэгдлээс бүрдэх ёстой. Гэсэн хэдий ч энэ хоёр зүйлийн хооронд ялгаа болон хамаарлын аль аль нь бий.

Шинэ эрин үе дэх тушаалуудын тунхаглал нь, энэ урсгал дахь бүх хүмүүс болон өнөөдөр Бурханы дуу хоолойг сонсдог хүмүүс шинэ эрин үед орсон хэмээх баримтыг гэрчлэх гэрчлэл юм. Энэ нь Бурханы ажлын шинэ эхлэл бөгөөд зургаан мянган жилийн Бурханы удирдлагын төлөвлөгөөний сүүлчийн хэсгийн эхлэл юм. Бурхан хүн хоёр шинэ тэнгэр, шинэ газрын хүрээнд орсон ба Ехова Израильчуудын дунд, Есүс Иудейчуудын дунд ажиллаж байсан шиг Бурхан илүү их бодитой ажил хийж, газар дээр илүү их, агуу ажлыг хийх болно гэдгийг шинэ эрин үеийн тушаалууд нь бэлгэддэг. Тэдгээр нь бас, энэ бүлэг хүмүүс Бурханаас илүү их, илүү агуу даалгавар хүлээн авах ба Бурханаас бодитой хангамж, хоол хүнс, дэмжлэг, халамж, хамгаалалтыг хүлээн авах болно гэдгийг бэлгэддэг. Цаашлаад тэднээр илүү практик сургуулилтыг гүйцэтгүүлэх ба түүнчлэн Бурханы үгээр тэдэнтэй харьцаж, эвдэж, цэвэршүүлэх болно. Шинэ эрин үеийн тушаалуудын утга учир нь нэлээд гүн гүнзгий юм. Бурхан газар дээр үнэхээр илрэн гарах ба Бурхан газар дээрээс бүхий л орчлон ертөнцийг байлдан дагуулж, махбодоор Өөрийн бүх алдрыг илчлэх болно гэдгийг тэдгээр нь илтгэн харуулна. Тэдгээр нь мөн, Өөрийн сонгосон бүхнээ төгс болгохын тулд бодитой Бурхан газар дээр илүү практик ажил хийх гэж байгаа гэдгийг зөвлөдөг. Цаашлаад Бурхан газар дээрх бүх зүйлийг үгээр биелүүлэх бөгөөд "бие махбодтой болсон Бурхан хамгийн өндөрт мандаж, өргөмжлөгдсөн агаад бүх хүн, бүх үндэстэн агуу их Бурханыг шүтэн мөргөхийн тулд өвдөг сөгдөх" түвшнийг илэрхийлэн харуулах болно. Хэдийгээр шинэ эрин үеийн тушаалууд нь хүнээр сахиулахын төлөө байдаг ба энэ нь хүний үүрэг, түүний амжилтын зорилго боловч тэдгээрийн бэлгэдлийн утга учир нь ганц хоёр үгээр бүрэн илэрхийлэхийн аргагүй хэтэрхий гүн гүнзгий юм. Шинэ эрин үеийн тушаалууд нь Ехова ба Есүсийн тунхагласан Хуучин Гэрээний хуулиуд болон Шинэ Гэрээний захирамжуудыг орлодог. Энэ бол хүний төсөөлдөг шиг энгийн хэрэг явдал биш харин илүү гүн гүнзгий хичээл юм. Шинэ эрин үеийн тушаалуудад практик утга учрын тал байдаг: Тэдгээр нь Нигүүлслийн эрин үе болон Хаанчлалын эрин үеийн хоорондох холбоос болдог. Шинэ эрин үеийн тушаалууд нь хуучин эрин үеийн бүх дадал, дэг журмыг төгсгөдөг бөгөөд мөн Есүсийн эрин үеийн болон шинэ эрин үеэс өмнөх[a] бүх дадлуудыг төгсгөдөг. Тэдгээр нь хүнийг илүү бодитой Бурханы өмнө аваачиж, хүнийг Бурханы Өөрийн төгс болголтыг хүлээн авч эхлэхэд хүргэдэг ба энэ нь төгс болгуулах замын эхлэл юм. Тиймээс та нар шинэ эрин үеийн тушаалуудад хандах зөв хандлагатай байх ба тэдгээрийг хааш яаш дагаж эсвэл үл тоож болохгүй. Шинэ эрин үеийн тушаалууд нь нэг зүйлийг онцолдог: хүн өнөөдрийн бодитой Бурханыг шүтэн мөргөх ба энэ нь Сүнсний мөн чанарт илүү бодитоор захирагдах явдал юм. Тэдгээр нь мөн, зөвт байдлын Нар болон илэрснийхээ дараа хүнийг буруутай эсвэл зөв шударга хэмээн шүүх Бурханы зарчмуудыг онцолдог. Тушаалуудыг хэрэгжүүлэхээс илүү ойлгох нь амархан. Тиймээс хэрвээ Бурхан хүнийг төгс болгохыг хүсвэл Тэр үүнийг Өөрийн үг, удирдамжаар дамжуулан хийх ёстой ба хүн зөвхөн өөрийн төрөлхийн оюун ухаанаараа дамжуулан төгс төгөлдөржилтөнд хүрч чадахгүй. Хүн шинэ эрин үеийн тушаалуудыг сахих уу эсвэл үгүй юу гэдэг нь бодитой Бурханы талаарх хүний мэдлэгтэй хамаатай. Ийм учраас чи тушаалуудыг сахиж чадах эсэх нь хэдхэн өдрийн дотор шийдвэрлэж болох асуулт биш. Энэ бол гүн гүнзгий хичээл юм.

Үнэнийг хэрэгжүүлэх нь хүний амь өсөж болох зам юм. Хэрвээ үнэнийг хэрэгжүүлэхгүй бол та нар зөвхөн онолтой үлдэх бөгөөд та нар ямар ч бодит амьгүй байх болно. Үнэн нь хүний биеийн хэмжээний бэлгэ тэмдэг юм. Чи үнэнийг хэрэгжүүлэх үү эсвэл үгүй юу гэдэг нь бодит биеийн хэмжээний хүрсэн түвшинтэй холбоотой. Хэрвээ чи үнэнийг хэрэгжүүлдэггүй, шударгаар үйлддэггүй эсвэл сэтгэл хөдлөлд автаж, махан биеэ анхаардаг бол чи тушаалуудыг сахихаас хамаагүй хол байна. Энэ нь хамгийн гүнзгий хичээл юм. Эрин үе болгонд хүний орж, хүний ойлгох олон үнэн байдаг. Гэхдээ эрин үе болгонд үнэнийг дагалддаг өөр өөр тушаалууд бий. Хүний хэрэгжүүлдэг үнэн нь эрин үетэй холбоотой бөгөөд хүний сахидаг тушаалууд нь ч бас эрин үетэй холбоотой байдаг. Эрин үе болгонд өөр өөрийн хэрэгжүүлэх учиртай үнэн болон сахих учиртай тушаалууд байдаг. Гэсэн хэдий боловч Бурханы тунхагласан өөр өөр тушаалууд дээр үндэслэн өөрөөр хэлбэл, өөр өөр эрин үе дээр үндэслэн үнэнийг хэрэгжүүлэх хүний хэрэгжүүлэлтийн зорилго болон үр нөлөө нь харьцангуй ялгаатай байдаг. Тушаалууд нь үнэнд үйлчилдэг бөгөөд үнэн нь тушаалуудыг баримтлахын төлөө оршин байдаг гэж хэлж болно. Хэрвээ зөвхөн үнэн байгаа бол Бурханы ажилд яриад байх ямар ч өөрчлөлт байхгүй байх болно. Гэсэн хэдий ч тушаалуудыг дурдсанаар хүн Ариун Сүнсний хийсэн ажлын динамик хэмжээг тодорхойлж чадах ба Бурханы ажилладаг эрин үеийг мэдэж чадна. Шашинд, Хуулийн эрин үеийн хүний хэрэгжүүлж байсан үнэнийг хэрэгжүүлдэг олон хүмүүс байдаг. Гэсэн хэдий ч тэдэнд шинэ эрин үеийн тушаалууд байдаггүй бөгөөд шинэ эрин үеийн тушаалуудыг сахиж чаддаггүй. Тэд хуучин арга замыг баримталж, балар эртний хүмүүс хэвээр үлддэг. Тэднийг ажлын шинэ арга зам дагалддаггүй бөгөөд тэд шинэ эрин үеийн тушаалуудыг харж чаддаггүй. Иймээс Бурханы ажил байдаггүй. Энэ нь нь хүн өндөгний хоосон хальс барьж байгаатай адилхан: Хэрвээ дотор нь ангаахай байхгүй бол сүнс байхгүй байна. Илүү тодорхой хэлбэл, амь байдаггүй. Тийм хүмүүс шинэ эрин үед ороогүй бөгөөд олон алхмын цаана хоцорсон. Тиймээс хэрвээ хүмүүст хуучин эрин үеийн үнэн байсан ч шинэ эрин үеийн тушаалууд байхгүй бол энэ нь хэрэггүй. Та нарын олонх нь эдүгээ үеийн үнэнийг хэрэгжүүлдэг боловч эдүгээ цагийн тушаалуудыг сахьдаггүй. Та нар юу ч олж авахгүй, хэрэгжүүлдэг үнэн чинь үнэ цэнэгүй, утга учиргүй бөгөөд Бурхан үүнийг магтахгүй. Үнэнийг хэрэгжүүлэх нь Ариун Сүнсний өнөөдрийн ажилладаг байдлаар хийгдэх ёстой; өнөөдрийн бодитой Бурханы дуу хоолойг дагаснаар үүнийг хийх ёстой. Үүнгүйгээр бүх зүйл үр дүнгүй-хулсан саваар ус татаж байгаа мэт байна. Энэ бол шинэ эрин үеийн тушаалуудыг тунхаглахын практик утга учир юм. Хэрвээ чи одоо үеийн Ариун Сүнсний ажлын талаар бүрэн дүүрэн ойлголттой байж, өнөөдрийн ажлын арга барилд орсон бол тушаалуудыг сахихын мөн чанарыг аяндаа нэвт шувт харах болно. Хэрвээ чи шинэ эрин үеийн тушаалуудын мөн чанарыг нэвт шувт харж, тушаалуудыг сахиж чадах өдөр ирвэл тэр үед чи төгс болгуулсан байх болно. Энэ нь үнэнийг хэрэгжүүлж, тушаалуудыг сахихын бодит утга учир юм. Чи үнэнийг хэрэгжүүлж чадах эсэх нь шинэ эрин үеийн тушаалуудын мөн чанарыг чи хэрхэн ойлгож байгаагаас хамаарна. Ариун Сүнсний ажил хүнд тасралтгүй харагдах ба Бурхан хүнээс улам илүү ихийг шаардах болно. Тиймээс хүний үнэхээр хэрэгжүүлдэг үнэн нь илүү их, илүү агуу байх ба тушаалуудыг сахисны үр нөлөө нь илүү гүн гүнзгий байх болно. Тиймээс та нар үнэнийг хэрэгжүүлж, үүний зэрэгцээ тушаалуудыг сахих болно. Хэн ч энэ хэрэг явдлыг бүү огоор. Энэхүү шинэ эрин үед шинэ үнэн болон шинэ тушаалуудыг зэрэг эхлүүл.

Тайлбар:

a. Анхдагч эх бичвэрт "үүнээс өмнөх" гэж байдаг.