Төгс Хүчит Бурханы Чуулганы апп

Бурханы дуу хоолойг сонсож, Эзэн Есүсийн эргэн ирэлтийг угтан аваарай!

Бүх үнэнийг эрэлхийлэгчдийг бидэнтэй холбогдохыг урьж байна.

Үг нь махбодоор илэрсэн

Цулгуй өнгө

Загвар

Үсгийн хэв

Үсгийн хэмжээ

Мөр хоорондын зай

Хуудасны өргөн

Хайлтын үр дүн 0

Ямар ч үр дүн олдсонгүй.

`

Та нар үнэнийг ойлгомогцоо хэрэгжүүл

Бурханы ажил болон үг нь та бүхний зан чанарт өөрчлөлт авчрах учиртай юм; Түүний зорилго нь та нарт үүнийг зүгээр л ойлгуулж эсвэл таниулж, тэгээд л болох явдал биш. Бурханы ихэнх үг ойлгоход маш амархан хүний хэлээр бичигдсэн байдаг болохоор хүлээн авах чадвартай нэгэн болохын хувьд та бүхэнд Бурханы үгийг ойлгох нь хэцүү байх учиргүй. Жишээ нь Бурхан та нараас юуг ойлгож, хэрэгжүүлээсэй гэж хүсэж байгааг та нар ойлгож чадна; энэ бол ойлгох чадвартай хэвийн хүний хийж чадах зүйл. Бурханы одоо хэлж байгаа зүйл маш тодорхой, ил тод байгаа бөгөөд хүмүүсийн харгалзан үзээгүй олон зүйлс болон хүний янз бүрийн нөхцөлийг Бурхан зааж өгдөг. Түүний үгс бүхнийг хамарсан, тэргэл сарны гэрэл шиг тод байдаг. Тиймээс хүмүүс одоо олон асуудлыг ойлгодог болсон; тэдэнд дутагдаж байгаа зүйл бол Түүний үгийг хэрэгжүүлэх явдал юм. Хүмүүс зүгээр л тэдэнд бэлэн өгөгдөх зүйлийг хүртэх гэж хүлээх бус үнэний бүх талыг дэлгэрэнгүй мэдэрч туулж, үүнийг маш нарийн судалж, эрэлхийлэх ёстой; эс бөгөөс тэд хүний хөдөлмөрөөр амьдрагч нэгнээс нэг их дээрдэхгүй. Тэд Бурханы үгийг мэддэг боловч хэрэгжүүлдэггүй. Ийм хүн үнэнийг хайрладаггүй бөгөөд эцсийн дүнд таягдуулах болно. 90-ээд оны Петр шиг хэв маягтай байна гэдэг нь хүн нэг бүр Бурханы үгийг хэрэгжүүлж, өөрсдийн туршлагад жинхэнээр орж, амь руугаа бүр илүү их дэмжлэгийг авчран Бурхантай хамтран ажиллахдаа бүр илүү, бүр их гэгээрлийг олж авах ёстой гэсэн үг юм. Хэрэв та нар Бурханы маш олон үгийг уншсан ч зөвхөн бичвэрийн утгыг ойлгож, өөрсдийн бодит туршлагаар дамжуулан Бурханы үгийг шууд мэдлэг болгодоггүй л бол та нар Бурханы үгийг мэдэж авахгүй. Та нарын тухайд гэвэл Бурханы үг амь биш, харин гагцхүү амьгүй бичиг үсэг юм. Хэрэв чи зөвхөн амьгүй бичиг үсэгтэй зууралдаад байвал Бурханы үгийн мөн чанарыг ухаарч чадахгүй, түүнчлэн Түүний хүслийг ойлгохгүй. Чи зөвхөн өөрийн бодит туршлагаараа Түүний үгийг мэдэрсэн үед л Бурханы үгийн сүнслэг утга өмнө чинь нээгдэх бөгөөд зөвхөн дадлага туршлагаараа чи олон үнэний сүнслэг утгыг ухаарч, зөвхөн туршлагаар л дамжуулан Бурханы үгийн нууцыыг тайлж чадна. Хэрэв чи үүнийг хэрэгжүүлэхгүй бол Түүний үг хэдий тодорхой байсан ч чиний ухаарч авсан ганц зүйл нь хоосон бичиг үсэг, онол байх бөгөөд энэ нь чиний хувьд шашны дүрэм болсон байдаг. Энэ нь Фарисайчуудын хийсэн зүйл бус уу? Хэрэв та нар Бурханы үгийг хэрэгжүүлж, мэдрэх аваас энэ нь та нарын хувьд бодит зүйл болно; хэрэв та нар үүнийг хэрэгжүүлэхээр зорихгүй бол Бурханы үг та нарын хувьд гуравдагч тэнгэрийн домгоос бараг ялгаагүй болно. Үнэндээ Бурханд итгэх үйл явц бол та нар Түүний үгийг мэдэрч, Түүгээр хүлээн авахуулах үйл явц бөгөөд үүнийг илүү тодорхой байдлаар хэлбэл Бурханд итгэх гэдэг нь Түүний үгийн талаар мэдлэг болон ойлголттой байж, Түүний үгийг мэдэрч, амьдран харуулах явдал юм; энэ бол та нарын Бурханд итгэх итгэлийн бодит байдал. Хэрэв та нар Бурханы үгийг өөрсдийн дотор байгаа зүйл мэтээр хэрэгжүүлэхийг зорихгүйгээр Бурханд итгэж, мөнхийн аминд найдаж байгаа бол та нар мунхаг байна; энэ нь найранд очоод чухамдаа идэж үзэхгүйгээр зөвхөн тэнд ямар идэх зүйлс байгааг тэмдэглэж авахтай яг адил юм. Ийм хүн тэнэг биш гэж үү?

  Хүний эзэмших шаардлагатай, хүн төрөлхтөнд хамгийн ашиг тустай үнэн нь Бурханы үгэн дотор байдаг. Энэ бол та нарын бие махбодод хэрэгтэй ханд, тэжээл бөгөөд хэвийн хүн чанараа сэргээхэд нь хүнд туслах зүйл, хүний зэвсэглэх ёстой үнэн юм. Бурханы үгийг хэдий чинээ их хэрэгжүүлнэ, та нарын амь төдий чинээ хурдан цэцэглэх болно; та нар Бурханы үгийг хэдий чинээ их хэрэгжүүлнэ, үнэн төдий чинээ тодорхой болно. Биеийн хэмжээ чинь өсөх тусам та бүхэн сүнслэг ертөнцийн зүйлсийг илүү тодорхой харах бөгөөд Сатаныг ялан дийлэх илүү их хүч чадалтай болно. Бурханы үгийг хэрэгжүүлснээр ойлгохгүй байсан олон үнэн та нарт тодорхой болох болно. Ихэнх хүмүүс Бурханы үгийн бичвэрийг ойлгох төдийдөө сэтгэл ханадаг бөгөөд үүний гүн утгыг бодит байдалд хэрэгжүүлж мэдрэхгүйгээр, өөрсдийгөө онолоор зэвсэглэхэд төвлөрдөг; энэ Фарисайчуудын зам бус уу? Ийм байхад “Бурханы үг бол амь юм” гэсэн хэллэг тэдний хувьд хэрхэн үнэн байж чадах юм бэ? Хүн Бурханы үгийг хэрэгжүүлснээр л түүний амь жинхэнэ утгаар цэцэглэх болно; энэ нь ердөө Түүний үгийг уншсанаар л өсдөггүй. Хэрэв Бурханы үгийг ойлгох нь амьтай байх хийгээд биеийн хэмжээтэй болоход шаардлагатай бүхэн юм гэж чи итгэж байгаа бол ойлголт чинь ташаа байна. Үнэнийг хэрэгжүүлсэн цагт Бурханы үгийг жинхэнээр ойлгох бөгөөд “зөвхөн үнэнийг хэрэгжүүлснээр л үүнийг ойлгож чадна” гэдгийг чи ойлгож авах ёстой. Өнөөдөр чи Бурханы үгийг уншсаныхаа дараа Бурханы үгийг мэдлээ гэж л хэлж болох боловч үүнийг ойлгосон гэж хэлж чадахгүй. Үнэнийг хэрэгжүүлэх цорын ганц зам бол эхлээд үүнийг ойлгох явдал гэж зарим хүн хэлдэг ч энэ нь ердөө хагас дутуу үнэн бөгөөд бүхэлдээ үнэн зөв биш юм. Үнэнийг мэддэг болохынхоо өмнө чи тэр үнэнийг мэдрээгүй байдаг. Сонссон зүйлээ ойлгосон гэж чамд санагдах нь үнэхээр ойлгохтой адилгүй. Бичвэрт харагдаж байгаа шигээр өөрийгөө үнэнээр зэвсэглэх нь түүнд байгаа жинхэнэ утгыг ойлгохтой адилгүй. Үнэний талаар зөвхөн өнгөц төдий мэдлэгтэй байгаа чинь үүнийг ойлгосон эсвэл таньсан гэсэн үг биш; үнэний жинхэнэ утга нь туршлагаас гарч ирдэг. Тиймээс зөвхөн үнэнийг мэдэрсэн цагт л чи үүнийг ойлгож чадна, үнэнийг мэдэрсэн цагт л чи далд хэсгүүдийг нь ухаарч чадна. Үнэнийг гүн гүнзгий мэдрэх нь үнэний нэмэлт утгыг ухаарах, үүний мөн чанарыг ойлгох цорын ганц зам юм. Ингээд чи хаа сайгүй үнэнтэй хамт явж чадна, харин чиний дотор үнэн байхгүй бол шашны хүмүүсийг байтугай гэр бүлийнхнээ ятгах талаар бодох ч хэрэггүй. Үнэн байхгүй бол чи будрах цастай л адил байх болно, харин үнэнтэй хамт байгаа бол аз жаргалтай, эрх чөлөөтэй байж чадах бөгөөд хэн ч чам руу дайрч чадахгүй. Онол хэр хүчтэй байх нь хамаагүй үнэнийг даван гарч чадахгүй. Үнэнтэй байхад дэлхий ертөнц өөрөө хөдөлж, уулс хийгээд тэнгис далай нүүдэг бол үнэн дутмаг байх нь өтөнд идүүлж сүйрэхэд хүргэнэ; энэ бол зүгээр л бодит байдал.

  Одоо юу чухал байна вэ гэвэл эхлээд үнэнийг мэдээд дараа нь үүнийг хэрэгжүүлэх, цаашлаад өөрсдийгөө үнэний жинхэнэ утгаар зэвсэглэх юм. Тэр бол чиний зорих ёстой зүйл, бусад хүмүүсийг ердөө үгээрээ дагуулах бус харин тэднийг үйлдлээрээ дагуулах ёстой, ингэж байж л чи утга учиртай зүйлийг олох болно. Чамд юу тохиолдох нь хамаагүй, ямар хүнтэй учрах нь хамаагүй чи гагцхүү үнэнтэй хамт бат зогсож чадна. Бурханы үг хүнд үхэл бус амьдрал авчирдаг зүйл. Хэрэв Бурханы үгийг уншсаныхаа дараа чи амь орж сэргэхгүй, харин үхмэл хэвээр байгаа бол чиний ямар нэгэн зүйл буруу байна. Хэрэв чи хэсэг хугацаанд Бурханы үгийг нэлээдгүй уншиж, олон бодитой сургаалуудыг сонссон ч үхмэл байдалтай хэвээр байгаа бол энэ нь, чи үнэнийг үнэлдэг нэгэн бус бөгөөд үнэнийг эрэн хайдаг хүн ч биш гэдгийн баталгаа юм. Хэрэв та бүхэн Бурханыг олж авахаар жинхэнэ утгаар эрэлхийлж байсан бол өөрсдийгөө өндөр онолоор зэвсэглэж, бусдыг ятгахдаа тэдгээрийг ашиглахад төвлөрөхгүй, харин үүний оронд Бурханы үгийг мэдэрч, үүнийг хэрэгжүүлэхэд төвлөрөх байсан; энэ бол одоо та нарын орох ёстой зүйл биш гэж үү?

  Бурханд Өөрийн ажлыг хүн дотор хийх хязгаарлагдмал хугацаа байдаг боловч хэрэв чи Түүнтэй хамтран ажиллахгүй бол ямар үр дүн гарах билээ? Түүний үгийг ойлгомогцоо хэрэгжүүлэхийг Бурхан та нараас яагаад үргэлж хүсдэг вэ? Учир нь Бурхан Өөрийн үгсийг та нарт илчилсэн бөгөөд та бүхний дараагийн алхам бол тэдгээрийг үнэхээр хэрэгжүүлэх юм, та нар эдгээр үгсийг хэрэгжүүлснээр Бурхан гэгээрэл болон удирдамжийн ажлаа гүйцэтгэх болно. Ийм л байдаг. Бурханы үг бол завхрал эсвэл сөрөг байдал үүсгэхгүйгээр амиа цэцэглүүлэх боломжийг хүнд олгох учиртай. Чи Бурханы үгийг уншиж, хэрэгжүүлсэн гэж хэлдэг боловч Ариун Сүнсний ямар ч ажлыг хүлээн аваагүй байгаа—чиний хэлж байгаа зүйл зөвхөн хүүхэд л хуурч чадна. Чиний санаа зорилго зөв эсэхийг хүн мэдэхгүй, гэхдээ чи Бурхан мэдэхгүй гэж бодож байна уу? Бусад хүмүүс Бурханы үгийг хэрэгжүүлээд Ариун Сүнсний гэгээрлийг хүлээн авч байгаа боловч чи Түүний үгийг хэрэгжүүлээд Ариун Сүнсний гэгээрлийг хүлээн авахгүй байгаа бол энэ юу вэ? Бурхан сэтгэл санаатай холбоотой юу? Хэрэв чиний санаа зорилго үнэхээр сайн бөгөөд чи хамтран ажилладаг бол Бурханы Сүнс чамтай хамт байх болно. Зарим хүмүүс үргэлж төв тайзыг эзлэхийг хүсдэг ч Бурхан яагаад тэднийг өргөж, чуулганыг удирдуулдаггүй вэ? Яагаад зарим хүмүүс зүгээр л өөрсдийн үүргийг биелүүлж байгаад, өөрсдөө ч мэдэлгүйгээр Бурханы зөвшөөрлийг хүртдэг вэ? Яагаад ингэдэг юм бэ? Бурхан хүний зүрх сэтгэлийн гүнийг шалгадаг бөгөөд үнэнийг эрж хайж байгаа хүмүүс зөв санаа зорилгоор ингэж хийх ёстой—зөв санаа зорилгогүй хүмүүс бат зогсож чадахгүй. Үүний гол цөмд, та нарын зорилго бол Бурханы үгийг өөрсдийн дотор хүчин төгөлдөр болгох явдал юм. Өөрөөр хэлбэл Бурханы үгийг хэрэгжүүлэхдээ үүний талаар жинхэнэ ойлголтой байх явдал мөн. Бурханы үгийг хүлээж авах та нарын чадвар ядмаг байж магадгүй, гэхдээ та нар Бурханы үгийг хэрэгжүүлэх үед Тэр ядмаг чадварын чинь дутагдлыг нөхөж чадна, иймээс та нар зөвхөн олон үнэнийг мэдээд зогсохгүй бас тэдгээрийг хэрэгжүүлэх ёстой. Энэ бол үл ойшоох учиргүй хамгийн гол хэсэг билээ. Есүс ч бас үнэнийг хэрэгжүүлсэн учраас Өөрийн гучин гурван жил хагасын хугацаанд их зовсон. Баримт тэмдэглэлүүдэд яагаад Түүнийг хавчигдсан гэж үргэлж хэлдэг вэ? Энэ нь, Тэр үнэнийг хэрэгжүүлж, Бурханы хүслийг гүйцэтгэсэн учраас тэгж их зовсон гэдгийг тайлбарлахын тулд юм. Тэр үнэнийг хэрэгжүүлэхгүйгээр мэддэг байсан бол зовлон шаналлыг туулахгүй байх байсан. Хэрэв Есүс Иудейчуудын сургаалыг дагаж, Фарисайчуудыг дагасан бол зовохгүй байх байсан. Бурханы ажлын үр нөлөө хүний хамтын ажиллагаанаас гардаг болохыг чи Есүсийн туршлагаас мэдэж болно, энэ бол та нарын ойлгож ухаарах ёстой зүйл. Хэрэв Есүс үнэнийг хэрэгжүүлээгүй бол Тэр загалмай дээр зовсонтойгоо адил зовох байсан уу? Хэрэв Тэр Бурханы хүсэлд нийцүүлэн үйлдээгүй байсан бол тийм зовлонт залбирлаар залбирах байсан уу? Тэгэхээр энэ бол хүний тэсэж гарах ёстой тийм зовлон гэсэн үг юм.

Өмнөх:Бурхан хүнийг ашиглах талаар

Дараах:Авралд хүрдэг хүн нь үнэнийг хэрэгжүүлэхийг хүсдэг хүн юм

Танд таалагдаж магадгүй