YouTube-ын мэдэгдэл намайг Эзэнтэй дахин нэгдүүлсэн юм

Ли Лан, Өмнөд Солонгос

Амьдралд заримдаа санамсаргүй тохиол санаанд оромгүй үр дагаварт хүргэж болдог. Хэдэн сарын өмнө надад гэнэтийн, гайхалтай зүйл тохиолдсон юм: YouTube-ын мэдэгдэл намайг Эзэнтэй дахин нэгдүүлсэн юм.

6 дугаар сарын нэг өглөө би эртлэн сэрээд дэрнийхээ ойролцоо хадгалдаг Библийн хуудаснуудыг алгуур эргүүлж эхэллээ. Тэгээд Фарисайчуудыг зэмлэх үедээ Эзэн Есүсийн хэлсэн үгийг уншив: “‘Миний гэр залбирлын гэр гэж нэрлэгдэх болно гэж бичигдсэн байдаг; гэхдээ та нар үүнийг дээрэмчдийн үүр болгочихож’ гэлээ” (Матай 21:13). Чуулганы маань нөхцөл байдал Хуулийн эрин үеийн төгсгөлийн сүмийнхтэй ижил болсон болохоор үүнийг уншаад өөрийн эрхгүй санаа минь зовлоо. Итгэгчид нэг нэгнээ хайрлах ёстой гэж чуулганы маань пастор, ахлагч нар бидэнд байнга номлох мөртлөө өөрсдөө цуглааныхаа гишүүдийн төлөө залбирахдаа гар цайлгах мөнгө авдаг байсан бөгөөд заримдаа мөнгө өгсөн хүний төлөө хэр удаан залбирах нь өгсөн мөнгөнийх нь хэмжээгээр тодорхойлогддог байв. Уг нь бол чуулган хүмүүсийн Бурханд шүтэн мөргөдөг газар байх ёстой атал харин одоо итгэгчдийн хоорондоо хуримладаг л газар болчихжээ. Итгэлтэй хүмүүс өдрөөс өдөрт цөөрч, пастор, ахлагч нар номлолдоо хүчин чармайлт нэг их гаргахгүй, Эзэний хонин сүргийг хэрхэн илүү сайн хариулах талаар эрж хайхгүй, харин оронд нь хуримын ёслол хийгээд эцэс төгсгөлгүй баясан цэнгэж байв. Би өөрийн эрхгүй ингэж бодлоо: “Пастор, ахлагч нар Эзэний замаас хазайсан бөгөөд одоогийн чуулган гадаад ертөнцөөс өөрцгүй ажээ. Яг л Хуулийн эрин үеийн төгсгөлд байсан сүм адил хулгайчдын үүр болжээ. Эзэн эргэн ирэх үедээ ийм байдалтай чуулганд илэрнэ гэж үү?”

“Дин, дин, дин…” Сэрүүлэг бодлын хэлхээг минь таслалаа. Гар утсаа авч, сэрүүлгийг унтраагаад YouTube-ээс утсанд ирсэн мэдэгдлийг тохиолдлоор анзаарав. “Төгс Хүчит Бурханы Чуулган” гэх нэг л танил үг нүдэнд тусаж, өмнө нь хаа нэгтээ сонссон юм шиг санагдсан ч хаана гэдгийг тухайн үедээ бодоод олсонгүй. Би ихэд гайхшран: “YouTube дээрх Төгс Хүчит Бурханы Чуулганы бичлэгүүдэд огт бүртгүүлээгүй байхад яагаад надад YouTube-ээс мэдэгдэл ирдэг билээ?” гэж бодлоо. Гэтэл сар орчмын өмнө найз маань намайг Төгс Хүчит Бурханы Чуулган руу нэг номлолыг нь сонсгохоор дагуулж явсныг санав. Номлол нь шинэлэг, гэрэлтэй, Библийн дагуу байсан бөгөөд маш сэтгэл сэргээм санагдсан юм. Үүнийг цааш үргэлжлүүлэн судлахыг хүссэн ч найз маань надад, Эзэн аль хэдийн бие махбодтой болсон Төгс Хүчит Бурханы дүрээр эргэн ирчихсэн гэдгийг Төгс Хүчит Бурханы Чуулган гэрчилсэн бөгөөд эцсийн өдрүүдэд Тэрээр ажлын шинэ үе шатыг гүйцэтгэж, олон үнэнийг илэрхийлж байгаа гэж хэлсэн билээ. Найз минь бас Төгс Хүчит Бурханы Чуулганы бүх итгэгч Библийг биш, Төгс Хүчит Бурханы илэрхийлсэн үгийг уншдаг гэж хэлсэн тул би: “Бурханы үг бүгдээрээ Библид байдаг бөгөөд Библиэс гадуур Бурханы үг, ажил байх ямар ч боломжгүй гэж цуглаан дээр пастор, ахлагч нар бидэнд байнга хэлдэг. Түүнчлэн эрин үеүдийн турш итгэгчид бүгдээрээ Библиэр дамжуулан Эзэнд итгэж ирсэн. Эзэнд итгэнэ гэдэг бол Библид итгэнэ гэсэн үг, тиймээс Библийг орхисон хүн яаж Эзэнд итгэсэн хэвээр байх билээ?” гэж бодлоо. Төгс Хүчит Бурханы Чуулганы илүү олон номлолыг явж сонсоё гэж найз минь намайг урьсан ч би үргэлж татгалздаг байсан юм. Гар утсан дээрх энэ мэдэгдлийг хараад би өөрийн эрхгүй: “Бичлэгүүдэд нь огт бүртгүүлээгүй байхад Төгс Хүчит Бурханы Чуулганы тухай мэдэгдэл надад ирлээ. Эзэн үүнийг зохицуулсан юм гэж үү?” хэмээн гайхширлаа. Гэсэн хэдий ч өөрийн үзэлтэй зууралдаж байсан болохоор холбоосыг нээж, Төгс Хүчит Бурханы Чуулганы бичлэгийг үзсэнгүй.

Харин хачирхалтай нь түүнээс хойш хэдэн өдрийн турш YouTube-ээс надад Төгс Хүчит Бурханы Чуулганы оруулсан шинэ кино, магтан дуу, бичлэгүүдийг санал болгосон мэдэгдэл ойр ойрхон ирж байлаа. “Эзэн намайг үнэхээр замчилж байгаа юм гэж үү? Төгс Хүчит Бурханы Чуулганы бичлэгүүдийг үзэх нь Эзэний хүсэл юм болов уу?” гэж би дотроо бодлоо. Тэгээд би Эзэнд залбирав: “Хүндэт Эзэн минь, гар утсан дээр минь яагаад Төгс Хүчит Бурханы Чуулганы тухай мэдэгдэл ирээд байна вэ? Тэд Таныг аль хэдийн эргэн ирсэн гэж гэрчилдэг боловч энэ үнэхээр үнэн гэж үү? Энэ бичлэгүүдийг би үзэх хэрэгтэй юү? Өө Эзэн минь, намайг замчлаач.” Дараа нь би Эзэн Есүсийн үгийг бодлоо: “Сүнсээрээ ядуу хүмүүс ерөөлтэй еэ: учир нь тэнгэрийн хаанчлал бол тэднийх юм” (Матай 5:3). “Тийм ээ. Эзэний ирэлт маш чухал. Эзэн эргэн ирсэн гэсэн мэдээг нэгэнт сонссон болохоор нээлттэй оюун санаагаар эрж хайж, чин сэтгэлээсээ судалж, мэргэн ухаанаар ялган салгаж, Төгс Хүчит Бурхан үнэхээр эргэн ирсэн Эзэн Есүс мөн эсэхийг харах учиртай. Эрж хайж, судлаагүй байтал Эзэн үнэхээр эргэн ирчихсэн байж таарвал Эзэнтэй эргэн нэгдэх боломжоо би алдах биш үү?” гэж би бодов. Ингэж бодоод би Төгс Хүчит Бурханы Чуулганы бичлэгүүдийг үзэхээр шийдсэн юм. Эзэнд талархъя! Үзээгүй байсан бол хэзээ ч мэдэхгүй байж шүү дээ. Бичлэгүүдийг үзэх үедээ л Төгс Хүчит Бурханы Чуулганы YouTube суваг дотор хүний хүсэж болох бүх зүйл зөндөө олноороо байгааг олж илрүүллээ! Тэнд сайн мэдээний кино, найрал дууны үзүүлбэр, клип, магтан дуу гэх зэрэг байлаа. Тэр бүх олон янзын дуу, сайн мэдээний кино анхаарлыг минь тэр даруй татсан бөгөөд ялангуяа “Хайрт минь, намайг хүлээгээч” гэх магтан дууны клип сэтгэлийг минь маш их хөдөлгөлөө. Үзэж байхдаа, өнгөрсөн хэдэн жилийн хугацаанд дотоод хоосролд хөтлөгдөн Ариун Сүнсний ажилтай чуулганыг хаа сайгүй хайж явсан туршлагаа өөрийн эрхгүй бодов. Бичлэгүүдийг үзэх тусам улам олныг үзмээр санагдсан юм. Асар их тэжээл хүртсэн мэт санагдаж, Төгс Хүчит Бурханы Чуулганыг бүр ч их ойлгож, судлахыг хүсэв.

Нэг өдөр би Хэн миний эзэн бэ хэмээх сайн мэдээний киноноос Бурхан болон Библийн хоорондох харилцаа гэсэн гарчигтай гайхалтай хэсгийг үзлээ. Бичлэг дээрх Төгс Хүчит Бурханы үгийн хэсэг надад гүн сэтгэгдэл төрүүлэв: “Тэд ердөө Библийн хүрээнд л Миний оршин тогтнолд итгэдэг. Тэдний хувьд Би Библитэй адил; Библи байхгүй бол Би гэж үгүй, Би байхгүй бол Библи гэж үгүй. Тэд Миний оршин тогтнол болоод үйлдэлд ямар ч анхаарал хандуулдаггүй, харин оронд нь Судрын үг нэг бүрд туйлын онцгой анхаарал хандуулдаг бөгөөд Сударт зөгнөөгүй л бол Би хийх гэсэн аливаа зүйлээ хийх ёсгүй гэж олонх нь итгэдэг. Тэд Сударт хэтэрхий их ач холбогдол өгдөг. Тэд үг үсэгт хэтэрхий чухалчилж, тэр ч бүү хэл хэлсэн үг бүрийг минь хэмжиж, Намайг яллахад Библийн эшлэлүүдийг ашиглахдаа тулдаг гэж хэлж болно. Тэдний эрж хайдаг зүйл нь Надтай нийцэлтэй байх зам юм уу үнэнтэй нийцэлтэй байх зам бус, харин Библийн үгтэй нийцэлтэй байх зам бөгөөд Библитэй нийцэхгүй юу ч байсан бүгд Миний ажил биш гэж тэд итгэдэг. Ийм хүмүүс нь Фарисайчуудын ачлалт үр удам биш гэж үү? Иудейн Фарисайчууд Есүсийг яллахын тулд Мосегийн хуулийг ашигласан. Тэр үед тэд Есүстэй нийцэлтэй байхыг эрж хайгаагүй, харин хуулийг үг үсэггүй хичээнгүйлэн дагаж, эцэстээ Есүст Хуучин Гэрээний хуулийг дагаагүй, мөн Мессиа биш хэмээн ял оноож, гэм зэмгүй Есүсийг загалмайд цовдолсон. Тэдний мөн чанар юу байсан бэ? Тэд үнэнтэй нийцэлтэй байх замыг хайгаагүй юм биш үү? Тэд Миний хүсэл болон Миний ажлын үе шат, арга барилыг үл хайхрангаа, Судрын үг нэг бүртэй зууралдсан. Тэд үнэнийг эрж хайдаг хүмүүс биш, харин үгтэй чанд зууралддаг хүмүүс байсан; тэд Бурханд итгэдэг хүмүүс биш, харин Библид итгэдэг хүмүүс байсан юм. Үнэн хэрэгтээ тэд Библийн манаач байсан” (Үг нь махбодоор илэрсэн номын “Чи Христтэй нийцэлтэй байх замыг эрж хайх ёстой”-оос). Төгс Хүчит Бурханы үг Библид хандах бидний хандлагыг тов тодорхой илчилжээ. Үнэхээр ч би Библийг зүрх сэтгэлдээ юм бүхнээс дээгүүрт авч үздэг байсан; Эзэний үг бүгдээрээ Библид байдаг учраас Библи Эзэнийг төлөөлдөг ба Эзэнд итгэнэ гэдэг нь Библид итгэнэ гэсэн үг, мөн Библийг орхивол Эзэнд итгэх боломжгүй болно гэсэн үг гэж итгэдэг байсан. Гэхдээ миний ойлгохгүй зүйл тэнд байлаа: Библи бол Эзэний гэрчлэл, бидний итгэлийн үндсийг бүрдүүлэгч, Христэд итгэгч бидний Эзэнд итгэх итгэл хоёр мянган жилийн турш Библид тулгуурлаж ирсэн бөгөөд Библийг хэн ч Эзэнд итгэх итгэлээс салгаж байгаагүй—тэгвэл яагаад Төгс Хүчит Бурханы үгэнд Библийг Бурхантай адилтгаж болохгүй гэсэн байдаг билээ? Энэ ямар утгатай байсан бэ?

Бичлэгийг цааш үзэхэд дараа нь Төгс Хүчит Бурханы Чуулганы ах ийнхүү нөхөрлөв: “Хамтдаа тунгаан бодоцгооё: Эзэнд итгэх гэж юу гэсэн үг вэ? Библид итгэх гэж юу гэсэн үг вэ? Библи болон Эзэний хоорондын холбоо юу вэ? Аль нь түрүүнд байх вэ, Библи үү, Эзэн үү? Тэгвэл хэн авралын ажлыг хийдэг вэ? Тэгвэл Библи, ажлаа хийхэд нь Эзэнийг орлож чадах уу? Библи Эзэнийг төлөөлж чадах уу? Хэрэв хүмүүс Библид сохроор итгэж, шүтэн мөргөдөг бол тэд, Бурханд итгэж, шүтэн мөргөж байна гэсэн үг үү? Библийг баримтлах нь Бурханы үгийг хэрэгжүүлж, үзэж туулахтай адил уу? Библийг баримталж л байгаа бол Эзэний замыг дагаж байна гэсэн үг үү? Хэрэв хүмүүс Библийг бүхний өмнө тавьж байгаа бол тэд Эзэнийг агуу гэж шүтэн мөргөн, хүндэтгэж, Эзэнд дуулгавартай байна гэсэн үг үү? … Хэдэн мянган жилийн турш хүмүүс Библийг сохроор шүтэн мөргөж, Библид Эзэнтэй ижил байр суурь өгч ирсэн. Зарим нь бүр Эзэн болон Түүний ажлыг орлуулахад Библийг ашигладаг. Гэвч хэн ч жинхэнэ утгаар Эзэнийг мэдэж, Түүнд дуулгавартай байдаггүй. Фарисайчууд Библийг баримталдаг байсан ч Эзэн Есүсийг загалмайд цовдолсон. Асуудал нь юу байсан бэ? Библийг ойлгох нь Бурханыг танин мэдэх гэсэн үг үү? Библийг баримтлах нь Эзэний замыг дагаж байна гэсэн үг үү? Фарисайчууд библийг тайлбарлах мэргэжилтнүүд байсан ч Бурханыг мэдээгүй. Харин тэд үнэнийг илэрхийлж, золин авралын ажлыг хийсэн Эзэн Есүсийг загалмайд цовдолсон. Бид үүнийг мартсан гэж үү? Бурханыг мэдэх гэдэг нь яг юу гэсэн үг вэ? Библийг тайлбарлаж чадаад, Библийн мэдлэгийг ойлгодог байх нь Бурханыг мэддэг гэсэн үг үү? Хэрэв тийм бол фарисайчууд Библийг тайлбарладаг байсан атлаа яагаад Эзэн Есүсийг яллаж, эсэргүүцсэн юм бэ? Бурханыг жинхэнээр таньж, дуулгавартай байж чадах түлхүүр нь тухайн хүн бие махбодтой болсон Христийг таньж, дуулгавартай байх юм.

Ахын асуултуудыг эргэцүүлэн бодоод сэтгэл дотроо би ийн хариуллаа: “Мэдээж Эзэн эхэлж ирээд дараа нь Библи бий болсон. Библи хүн төрөлхтнийг аврах ажлыг гүйцэтгэж чадахгүй. Библи бол Библи, харин Эзэн бол Эзэн. Библи Эзэнийг төлөөлдөг гэж үргэлж итгэж ирсэн би Библийг Эзэнээс дээгүүрт тавьж байсан хэрэг биш үү?” Ингэж бодоод би гэнэт цочирдон: “Нэгэнт л Эзэн бол Эзэн, Библи бол Библи юм бол пастор, ахлагч нарын хэлснийг дагаж, Библийг шүтэж, бүхнээс дээгүүрт тавьснаараа би Эзэний хүслийн дагуу хэрэгжүүлж байсан гэж үү?” гэж бодов. Гэхдээ дараа нь ингэж бодлоо: “Хэрвээ хүн Библийг орхисон бол Эзэнд итгэх итгэлийг нь Эзэнд итгэх жинхэнэ итгэл гэж яаж нэрлэж болох юм бэ? Эзэнд итгэх итгэлдээ Библитэй зууралдаж байсан маань буруу юм гэж үү?” Яг тэр үед Эзэн Есүсийн хэлсэн эдгээр үг оюун ухаанд минь орж ирлээ: “Бичвэрүүдийг хай. Та нар тэдгээрт мөнхийн амь чинь бий гэж боддог: Мөн тэдгээр нь Намайг гэрчилдэг юм. Түүнчлэн амьтай болгож чадах Над дээр та нар ирдэггүй” (Иохан 5:39-40). Эдгээр үгийг эргэцүүлээд би Библи бол ердөө л Бурханы гэрчлэл тул Эзэний сайшаалыг хүртэж, амь олж авахыг хүсвэл хүн Эзэнийг эрж хайх ёстой гэдгийг ухаарлаа. “Үнэхээр ч Библи Эзэнийг төлөөлж чадахгүй бололтой. Бидний амийг хангадаг Нэгэн бол Библи биш, харин Эзэн бөгөөд Библид итгэх нь Эзэнд итгэж, Эзэнийг дагаж байгаа хэрэг биш. Хэрэв би цаашид Библитэй сохроор зууралдаж, Библийг шүтсээр Бурханы шинэ ажлыг эрж хайж, захирагдахгүй бол эцэстээ яг л фарисайчууд шиг болж, Бурханыг дахин нэг удаа загалмайд хадах нь лавтай! Төгс Хүчит Бурханы үг үнэнийг агуулж, үзэл, тээнэгэлзээг минь тайлж чадаж байна. Би чин сэтгэлээсээ судалж, эрж хайх ёстой. Тэгснээр Эзэний ирэлтийг угтах боломжоо алдахгүй” гэж би бодов. Ийн бодоод би үүнийг судалж үзэхийн тулд найзаасаа Төгс Хүчит Бурханы Чуулган руу намайг авч явахыг гуйхаар шийдлээ.

Найзынхаа хамт Төгс Хүчит Бурханы Чуулган дээр ирэхэд ах эгч нар бидэнтэй халуун дотноор мэндчилээд дараа нь тэвчээртэйгээр нөхөрлөлөө. “Танай чуулганы вэб сайт дээрх кино, бичлэгүүдийг үзээд би саяхан олон зүйлийг ойлгож авсан ба Төгс Хүчит Бурханы үг үнэнийг эзэмшдэг гэдгийг, асуудал, тээнэгэлзээг минь арилгаж чадаж байгааг, бас надад үнэнийг ойлгох боломж олгож байгааг харсан. Гэхдээ миний ойлгохгүй хэвээр байгаа зүйл бас байна. Бурханы үг бүгдээрээ Библи дотор байдаг, Библи бол Бурханд итгэх итгэлийн маань суурь, Эзэнд итгэгчид Библиэс хазайж болохгүй гэж пастор, ахлагч нар бидэнд байнга хэлдэг. Харин тэгтэл та нар Эзэн Есүс Төгс Хүчит Бурханы дүрээр эргэн ирсэн бөгөөд Тэрээр эцсийн өдрүүдэд ажлын шинэ үе шатыг гүйцэтгэж, шинэ үг илэрхийлж байгаа гэж гэрчилж байна. Энэ бүхэн ямар учиртай юм бэ? Энэ талаар та надтай нөхөрлөж болох уу?” гэж би асуулаа.

Тэгэхэд Жоу эгч асуултад минь хариулахын тулд “Хэн миний эзэн бэ гэх” киноны, “Бурханы ажил болон үг бүгд Библид байдаг уу?” гэсэн гарчигтай гайхалтай хэсгийг тоглуулав. Кинон дээрх номлогч нөхөрлөл хийж, ийн хэлэв: “Библийн Шинэ, Хуучин гэрээ бол ердөө Бурханы ажлын хоёр үе шатны тэмдэглэл гэдгийг бид бүгд мэднэ. Хуулийн эрин үе ба Нигүүлслийн эрин үеийн Бурханы үг ба ажлын тухайд энэ нь Библид бүрэн тэмдэглэгдсэн гэж хэлж зүрхлэх хүн байна уу? Хуулийн эрин үеийн эш үзүүлэгчдээр дамжуулагдсан Бурханы бүх үг болон Нигүүлслийн эрин үеийн Эзэн Есүсийн бүх үг Библид тэмдэглэгдсэн гэж хэн чинь хэлж зүрхлэх вэ? Үнэндээ Эзэн Есүсийн зөндөө үг Библид тэмдэглэгдээгүй гэдгийг та нар сайн мэднэ. Библид тэмдэглэгдсэн Эзэн Есүсийн үг бол мөсөн уулын зөвхөн орой нь төдий! Хуулийн эрин үеийн эш үзүүлэгчдийн олон ном ч бас Библид ороогүй байдаг. Үүнийг бүгд л хүлээн зөвшөөрдөг! Бурханы бүх үг, ажил Библид тэмдэглэгдсэн гэж та нар яаж хэлж чадаж байна аа? Энэ нь бодит байдалтай тодорхой зөрчилдөж байгаа хэрэг биш үү? Энэ утгаараа та нар худал яригсад биш гэж үү? Эзэн Есүс дахин ирнэ гэж олон удаа зөгнөн хэлсэн байдаг. Эргэн ирсэн Эзэн Есүсийн үг Библид хэрхэн урьдчилан тэмдэглэгдсэн байх билээ? Бид маш тодорхой ойлгох хэрэгтэй. Библи бол өнгөрсөнд хийсэн Бурханы ажлын тэмдэглэл. Хуучин гэрээг бичсэнээс хойш маш олон жилийн дараа Эзэн Есүс ирж, Нигүүлслийн эрин үед золин аврах ажлыг хийсэн. Эзэн Есүсийн үг автоматаар Библид бичигдсэн байж болох уу, хэл дээ? Бурханы үг ба ажил нь Библид бичигдэхээсээ өмнө эмхэтгэгдэх ёстой байсан. Эцсийн өдрүүдэд, Бурханы гэрээс эхлэн шүүлтийн ажлыг хийхээр Төгс Хүчит Бурхан ирж, хүн төрөлхтнийг ариусгаж, аврахын тулд бүх үнэнийг илэрхийлсэн. Эдгээр үнэн Библид автоматаар гарч ирж болох уу? Тийм ээ! Төгс Хүчит Бурханы Чуулган Төгс Хүчит Бурханы илэрхийлсэн бүх үнэнийг Хаанчлалын эрин үеийн Библи болох “Үг нь махбодоор илэрсэн” номд эмхэтгэн оруулсан. Хаанчлалын эрин үеийн энэ Библи зөвхөн Бурханы илэрхийллийг багтаасан, дотор нь хүний хэлсэн үг байхгүй. “Үг нь махбодоор илэрсэн” ном бол эцсийн өдрүүдэд Бурханы хүнд бэлэглэсэн амийн мөнхийн зам юм. Тэгэхээр Бурханы үг ба ажил бүгд Библид тэмдэглэгдсэн, Бурханы үг ба ажил Библиэс өөр хаана ч гарч ирэхгүй гэсэн үзэл бодол нь эндүү ташаа, утгагүй, тэр чигтээ хүний үзэл, төсөөллөөс гарсан зүйл юм.

Номлогчийн нөхөрлөлийг сонссоны дараа надад түүний хэлсэн зүйл бодит үнэн мэт санагдлаа: Библи бидний хувьд Бурханд итгэх итгэлдээ ашиглах лавлах ном байж болох ч Эзэнийг төлөөлж чадахгүй, Түүний үг, ажлыг төлөөлж бүр ч чадахгүй. Библид зөв хандлага баримтлах ёстой бөгөөд Библи, Эзэн хоёрыг ижил түвшний зүйл мэтээр үзэх ёсгүй, Бурханы ажил, үгийг Библийн хуудаснуудаар хязгаарлаж бүр ч болохгүй гэдгийг би мэдэж байв. Библи бол ердөө л Бурханы ажлын урьдын хоёр үе шатны тэмдэглэл бөгөөд үүнд Хуулийн эрин үе болон Нигүүлслийн эрин үе дэх Бурханы ажил бичигдсэн байдаг. Гэхдээ Бурхан бол маш агуу, баялаг тул Библи хэмээх энэ ганц ном Бурханы тухай бүх зүйлийг багтааж яаж чадах билээ? Иоханы сайн мэдээнд ийн хэлдэг: “Түүнчлэн Есүсийн хийсэн өөр олон зүйлс байгаа ба хэрэв тэд тэр бүгдийг бичсэн бол тэдний бичсэн номуудыг ертөнц хүртэл өөрөө багтааж чадахгүй байх байсан гэж би боддог” (Иохан 21: 25). Одоо харахад Библид Эзэн Есүсийн ажил, үг бүгдээрээ бичигдээгүй мэт санагдсан ба шашны ертөнцийн пастор, ахлагч нарын өгсөн тайлбарыг дагаж, Библид бичигдсэнээс өөр Бурханы ямар ч ажил, үг байхгүй гэж итгэж явсан би ямар харалган тэнэг, хүний үзэл, төсөөлөлд баригдсан нэгэн байсан юм бэ! Ийм байр суурьтай байж ер болшгүй!

Би бичлэгийг цааш үзсээр, номлогч Төгс Хүчит Бурханы үгийн хэд хэдэн хэсгийг уншлаа: “Библид тэмдэглэгдсэн зүйлс хязгаарлагдмал; тэдгээр нь Бурханы ажлыг бүхэлд нь тѳлѳѳлж чадахгүй. Дөрвөн сайн мэдээ нь хамтдаа зуугаас цөөхөн бүлэгтэй ба тэнд, Есүс инжрийн модыг хараасан, Петр Эзэнээс гурван удаа татгалзсан, Есүс цовдлол болон амиллынхаа дараа шавь нартаа харагдсан, мацаг барих талаарх сургаал, залбирал хийх тухай сургаал, салалтын тухай сургаал, Есүсийн төрөлт ба угийн бичиг, Есүс шавь нараа томилсон тухай гэх мэт хязгаарлагдмал үйл явдлуудын талаар бичсэн байдаг. Гэсэн хэдий ч хүн тэдгээрийг эрдэнэс мэт үнэлж, бүр өнөөдрийн ажлыг тэдгээртэй тулган шалгадаг. Тэд бүр, Есүсийн амьдралдаа хийсэн бүх ажил нь ердөө тийм хэмжээтэй, Бурхан ердөө тийм зүйлийг л хийх чадвартай ба илүү ихийг хийж чадахгүй гэж итгэдэг. Энэ нь утгагүй хэрэг биш гэж үү?” (Үг нь махбодоор илэрсэн номын “Бие махбодтой болохын нууц (1)”-ээс). “Нигүүлслийн эрин үед Есүс шавь нартаа хэрхэн хэрэгжүүлэх, хэрхэн цугларах, хэрхэн залбиран гуйх, бусдад хэрхэн хандах гэх мэтийн хэдэн цуврал сургаалыг л айлдсан. Түүний гүйцэтгэсэн ажил нь Нигүүлслийн эрин үеийн ажил байсан бөгөөд шавь нар нь болон Түүнийг дагадаг хүмүүс хэрхэн хэрэгжүүлэх учиртай талаар л Тэр нарийвчлан тайлбарласан. Тэр эцсийн өдрүүдийн нэг ч ажлыг хийлгүй Нигүүлслийн эрин үеийн ажлыг л хийсэн юм. … Эрин үе бүр дэх Бурханы ажил тодорхой хил хязгаартай байдаг; Тэр тухайн эрин үеийнхээ ажлыг л хийдэг бөгөөд ажлын дараагийн үе шатыг хэзээ ч урьдчилан гүйцэтгэдэггүй. Энэ маягаар л эрин үе болгон дахь Түүний төлөөллийн ажил илүү товойн гардаг. Есүс зөвхөн эцсийн өдрүүдийн тэмдгүүдийн талаар, хэрхэн тэвчээртэй байж, хэрхэн аврагдах тухай, хэрхэн гэмшиж, нүглээ улайх, мөн хэрхэн загалмайг үүрч, зовлонг тэвчих талаар ярьсан; Тэрээр, эцсийн өдрүүдийн хүн хэрхэн орох ёстой, Бурханы хүслийг хангалуун болгохоор хэрхэн эрж хайх ёстой талаар хэзээ ч яриагүй. Ийм байхад эцсийн өдрүүдийн Бурханы ажлыг Библи дотроос хайх нь утгагүй үйл биш үү? Гартаа зүгээр л Библи барьснаар чи юуг ялган таньж чадах юм бэ? Библийн тайлбарлагч ч бай, номлогч ч бай, өнөөдрийн ажлыг хэн урьдаас мэдэж чадах юм бэ?” (Үг нь махбодоор илэрсэн номын “Өөрийн үзлээр Бурханыг тодорхойлсон хүн Бурханы илчлэлийг хүлээн авч яахин чадах билээ?”-ээс). “Хэрвээ чи Хуулийн эрин үеийн ажлыг харж, израильчууд Еховагийн замыг хэрхэн дагасныг харахыг хүсвэл Хуучин Гэрээг унших ёстой; хэрвээ чи Нигүүлслийн эрин үеийн ажлыг ойлгохыг хүсвэл Шинэ Гэрээг унших ёстой. Гэхдээ чи эцсийн өдрүүдийн ажлыг хэрхэн харж байна вэ? Чи өнөөдрийн Бурханы удирдалтыг хүлээн зөвшөөрч, өнөөдрийн ажилд орох ёстой, учир нь энэ нь шинэ ажил бөгөөд хэн ч үүнийг өмнө нь Библид бичээгүй. Өнөөдөр Бурхан махан биетэй болсон ба Хятад дахь сонгогдсон хүмүүсийг шилж авсан. Бурхан энэ хүмүүс дээр ажилладаг, Тэр газар дээрх Өөрийн ажлыг үргэлжлүүлж, Нигүүлслийн эрин үеийн ажлыг үргэлжлүүлдэг. Өнөөдрийн ажил бол хүний хэзээ ч алхаж байгаагүй зам бөгөөд хэн ч өмнө нь хараагүй зам юм. Энэ нь өмнө нь хэзээ ч хийгдэж байгаагүй ажил буюу энэ нь газар дээрх Бурханы хамгийн сүүлийн үеийн ажил юм. … Тийм ажлын тодорхой бичлэгийг Библи хэрхэн агуулж чадах вэ? Хэн өнөөгийн ажлын бүх зүйлийг юу ч үлдээлгүйгээр урьдчилан бичиж чадах юм бэ? Өмхөрсөн хуучин номон дахь ёс заншилд үл автах энэхүү илүү хүчирхэг, илүү ухаалаг ажлыг хэн бичиж чадах юм бэ? Өнөөдрийн ажил бол түүх биш, иймээс хэрвээ чи өнөөдрийн шинэ замаар алхахыг хүсвэл Библиэс салах ёстой, чи зөгнөлийн ном эсвэл Библи дэх түүхийг даван гарах ёстой. Зөвхөн тэр үед л чи шинэ замаар зүй зохистой алхаж чадах ба зөвхөн тэр үед л чи шинэ ертөнцөд, шинэ ажилд орж чадах болно” (Үг нь махбодоор илэрсэн номын “Библийн талаар (1)”-ээс).

Номлогч Бурханы үгийг уншиж дууссаны дараа кинон дээрх ах ийнхүү нөхөрлөв: “Төгс Хүчит Бурханы үг бодит үнэнтэй яг нийцэж байна. Библи бол зөвхөн Хуулийн эрин үе ба Нигүүлслийн эрин үеийн Бурханы үг ба ажлын тэмдэглэл. Эцсийн өдрүүд дэх Бурханы үг ба ажил нь Библид урьдчилан бичигдэх боломжгүй. Бид Бурханы бүх үг ба ажлыг зөвхөн Библиэс олж болно гэж хэлдэг байсан. Гэхдээ энэ нь үнэхээр Бурханы ажлын бодит байдалтай нийцэхгүй байна.” Бурханы үг болон ахын нөхөрлөлийг сонссоныхоо дараа би өөрийн мэдэлгүй санал нийлэн толгой дохив. “Тийм ээ. Бурханы хараахан хийгээгүй байгаа ажлыг хүн яаж Библид бичиж чадах билээ? Одоо л би Илчлэлийн 5 дугаар бүлгийн 5 дугаар эшлэлийг ойлгож байна: ‘Ахлагчдын нэг нь надад “Битгий уйл” гэв: харцгаа, номыг нээж, долоон лацыг задлахын тулд Иудагийн овгийн Арслан буюу Давидын Үндэс ялсан билээ’. Энд долоон лацаар лацадсан номыг зөвхөн эцсийн өдрүүдэд Эзэнийг эргэн ирэх үед л онгойлгож болно гэж хэлж байна. Тиймээс Библид бичигдээгүй хэлэх үг, гүйцэтгэх ажил Эзэнд бас үлдсэн гэдгийг энэ харуулахгүй байна гэж үү?” хэмээн би дотроо бодлоо. Ийн бодоод би Төгс Хүчит Бурханы Чуулганыг эртхэн судалж үзээгүйдээ харамсав. Би үнэхээр пастор, ахлагч нарыг сохроор дагаж, өөрийнхөө үзэл, төсөөллөөр Бурханы ажлыг хязгаарлах ёсгүй байжээ!

Дараа нь Жоу эгч нөхөрлөж: “Эгч минь, одоо бид энэ бичлэгийг үзээд Библи бол ердөө л Бурханы урьдын ажлын тэмдэглэл, Бурханы ажлын гэрчлэл тул эцсийн өдрүүдэд хүн төрөлхтнийг аврахын тулд Түүний гүйцэтгэх ажлыг орлож чадахгүй гэдгийг ойлголоо. Бурханы ажил үргэлж урагшилж байгаа бөгөөд Төгс Хүчит Бурхан өнөөдөр ажлын шинэ үе шатыг буюу Эзэн Есүсийн золин аврах ажлын суурин дээр Хаанчлалын эрин үед үг ашиглан шүүж, гэсгээх ажлыг гүйцэтгэж байна. Энэ нь библийн энэ зөгнөлүүдийг бүрэн биелүүлдэг: ‘Хэрвээ Миний үгийг сонсоод баримталдаггүй хүн байвал Би түүнийг шүүхгүй: учир нь Би дэлхий ертөнцийг шүүхийн тулд биш харин аврахын тулд ирсэн билээ. Намайг голж, Миний үгийг хүлээж авдаггүй хүнийг шүүх шүүгч байдаг: Миний хэлсэн үгс түүнийг эцсийн өдөр шүүх болно’ (Иохан 12:47-48). ‘Учир нь шүүлт Бурханы гэрээс эхлэх цаг болжээ’ (1 Петр 4:17). Эцсийн өдрүүд дэх Төгс Хүчит Бурханы үг, ажил Библийг үгүйсгэдэггүй, харин ч Хуулийн эрин үе болон Нигүүлслийн эрин үе дэх Бурханы үг, ажлаас ч илүү өндөр, гүнзгий түвшнийх бөгөөд Төгс Хүчит Бурханы ажил бидний одоогийн хэрэгцээнд илүү нийцдэг. Төгс Хүчит Бурханы үг Хаанчлалын эрин үеийн Библи—‘Үг нь махбодоор илэрсэн’-ийг бүрдүүлдэг. Эдгээр үг бол эцсийн өдрүүдэд хүн төрөлхтөнд Бурханы өгч буй мөнх амийн зам, эдгээр нь Бурханы ажлын гурван үе шатны нууц, Бурхан бие махбодтой болсны нууцыг илчилдэг бөгөөд Бурханы зан чанар, Түүнд юу байгаа, Тэр юу болох, Түүний төгс хүчин, мэргэн ухааныг илэрхийлдэг. Өөр олон зүйлийн дотроос тэдгээр нь бас Бурханыг өргөмжлөх, гэрчлэх, Бурханд үйлчлэх, үнэний бодит байдал руу орох, бүрэн аврал хүртэж, төгс болгуулах замыг бидэнд харуулдаг. Төгс Хүчит Бурханы эцсийн өдрүүдийн ажлыг хүлээн зөвшөөрөх үедээ л бид Бурханы ажилтай хөл нийлүүлж, Бурханы одоогийн үгийн хангалт, Ариун Сүнсний ажлыг олж авч чаддаг. Хэрэв бид үргэлж Библитэй зууралдаж, эцсийн өдрүүд дэх Бурханы ажил, айлдварыг хүлээн зөвшөөрөхөөс, эсвэл Бурханы ажлын алхмуудыг дагахаас татгалзвал Бурханы бидэнд хайрладаг амийн амьд усны хангалтыг олж авч чадахгүй бөгөөд зүгээр л хаягдаж, орхигдоно. Одоо бүх шашин болон урсгал улам бүр хоосорч байна. Учир нь тэд Бурханы эцсийн өдрүүдийн ажилтай хөл нийлүүлээгүй, Бурханы одоогийн үгийн хангалтыг олж аваагүй болохоор цөлд төөрч, гарах гарцгүй болцгоосон...”

Төгс Хүчит Бурханы эцсийн өдрүүдийн ажил бүхэлдээ библийн зөгнөлүүдтэй таардаг бөгөөд Библиэс огтхон ч гаждаггүйг Төгс Хүчит Бурханы Чуулганы ах эгч нарын нөхөрлөлөөс би ухаарсан юм. Харин ч биднийг нүглийн хүлээсийг нэгмөсөн хаяж, Бурханаар ариусгагдаж, аврагдаж, үнэн ба амийг Бурханаас олж аваасай гэсэндээ Бурхан хэрэгцээнд маань нийцүүлэн ажлын илүү шинэлэг, илүү дээд үе шатыг гүйцэтгэдэг. Мөн шашны ертөнц яагаад улам бүр хоосорч, муудаж байгаа, сүнс минь яагаад үргэлж хатсан мэт санагдаж байгаагийн учрыг би ойлгож авсан юм. Учир нь бид биеэ тоосон, ихэрхүү бөгөөд өөрсдийнхөө үзэлтэй зууралдаж, Бурханы үг, ажлыг Библийн хуудсаар хязгаарлаж, эцсийн өдрүүд дэх Бурханы шинэ ажлыг эрж хайж, хүлээн зөвшөөрдөггүй ба Хурганы мөртэй хөл нийлүүлдэггүй. Ах эгч нар дараа нь надад бүх төрлийн үнэний талаар нөхөрлөсөн бөгөөд Бурханы үг миний асуудал, тээнэгэлзээг нэг нэгээр нь шийдвэрлэсэн юм. Төгс Хүчит Бурхан бол эргэн ирсэн Эзэн Есүс мөн гэдэгт би туйлын итгэлтэй болж, зүрх сэтгэл минь Эзэнд талархах талархлаар дүүрсэн билээ.

Бурханы эцсийн өдрүүдийн ажлыг хүлээн зөвшөөрсний дараа би чуулганы амьдралд идэвхийлэн оролцож, Бурханы үгээр услагдаж, хангагдаж, ах эгч нартай нөхөрлөсний дүнд өмнө нь хэзээ ч ойлгож байгаагүй олон үнэн, нууцыг ойлгож авсан бөгөөд сүнс минь сэтгэл хангалуун байв. Бурханд улам бүр ойртож буй мэт надад санагдаж, зүрх сэтгэл минь улам их гэрлээр дүүрч, өдөр бүр амар амгалан, баяр хөөрт умбаж байлаа. Заримдаа Библитэй хэрхэн зууралдаж, Бурханы үг, ажлыг Библийн хуудаснуудаар хязгаарлаж, Бурханы эцсийн өдрүүдийн ажлыг эрж хайж, судалж үзэхээс татгалзаж байснаа бодохоор туйлаас харуусаж, Бурханд маш их өртэй санагддаг байв. Би үнэхээр ямар харалган, мунхаг байснаа харлаа. Бурхан надад өршөөлөө үзүүлж, Төгс Хүчит Бурханы Чуулганы талаар YouTube-ийн мэдэгдэл илгээн Бурханы дуу хоолойг сонсоход хөтлөөгүй бол би пастор, ахлагч нарыг сохроор дагасаар эцсийн өдрүүдийн Бурханы ажлыг эрж хайж, судлахгүй л байх байжээ. Тэгсэн бол би Библийг зуун жил уншаад ч Эзэний эргэн ирэлтийг угтаж чадахгүй байх байв. Өнөөдөр би эцсийн өдрүүд дэх Бурханы авралыг хүлээн авч чадсан нь бүхэлдээ Бурханы удирдлага, удирдамжаас болсон бөгөөд энэ бол Бурханы гайхалтай аврал билээ. Бурханд талархъя!

Өмнөх: Тэнгэрийн хаанчлал үнэхээр газар дээр байна

Дараах: Гурвалын оньсого тайлагдлаа

Одоо үед гай гамшиг ойр ойрхон тохиолдож, Эзэн эргэн ирэх тухай зөгнөлүүд үндсэндээ биелсэн. Бид Эзэнийг хэрхэн угтан авч болох вэ?
Холбоо барих
Messenger дээр бидэнтэй холбоо барих

Холбогдох контент

Бурханы үг бол миний хүч чадал

Жинниань, КанадБи хүүхэд ахуй цагаасаа гэр бүлийнхнээ даган Эзэнд итгэж, үргэлж Библи уншин, цуглаанд оролцдог байлаа. Гэрлэснийхээ дараа...

Гурвалын оньсого тайлагдлаа

Жинмо, Малайз1997 онд надад Эзэн Есүсийн сайн мэдээг хүлээн зөвшөөрөх завшаан тохиосон бөгөөд намайг баптисм хүртэх үед пастор Эцэг, Хүү,...

Би жинхэнэ гэрээ оллоо

Рүүт, АНУБи өмнөд Хятадын жижиг тосгонд, элэнц эмээгийн үеэс л итгэгч байсан гэр бүлд төрсөн юм. Хүүхэд насны минь жаргалтай өдөр хоногууд...

Тохиргоо

  • Текст
  • Загвар

Цулгуй өнгө

Загвар

Үсгийн хэв

Үсгийн хэмжээ

Мөр хоорондын зай

Мөр хоорондын зай

Хуудасны өргөн

Гарчиг

Хайх

  • Энэ текстийг хайх
  • Энэ номоос хайх