Бүх үнэнийг эрэлхийлэгчдийг бидэнтэй холбогдохыг урьж байна.

Эцсийн өдрүүдийн Христ болох Төгс Хүчит Бурханы хэлсэн сонгодог үгс

Цулгуй өнгө

Загвар

Үсгийн хэв

Үсгийн хэмжээ

Мөр хоорондын зай

Хуудасны өргөн

Хайлтын үр дүн 0

Ямар ч үр дүн олдсонгүй.

`

IX Бурхан завхарсан хүн төрөлхтний сатанлаг зан чанар, тэдний уг чанар болон мөн чанарыг илчилсэн тухай үгс

1. Сатанаар завхруулагдсан учраас хүний мөс чанар хөшүүн болсон бөгөөд тэр ёс суртахуунгүй, бодол нь доройтсон мөн сэтгэл санааны хоцрогдмол байдалтай. Сатанаар завхруулагдахаасаа өмнө хүн аяндаа Бурханыг дагадаг, Түүний үгэнд дуулгавартай ханддаг байсан. Түүнд төрөлхийн эрүүл саруул мэдрэмж, мөс чанар болоод хэвийн хүн чанар байдаг байсан. Сатанаар завхруулагдсаны дараа түүний анхдагч мэдрэмж, мөс чанар, хүн чанар нь үлбэгэр болж, Сатанаар гэмтээгдсэн. Тиймээс, тэр өөрийн дуулгавартай байдал болоод Бурханыг гэсэн хайраа алдсан юм. Хүний мэдрэмж хэвийн бус болсон, түүний зан чанар амьтныхтай адил болсон, Бурханд хандах тэрслүү байдал нь бүр ч илүү байнгын, жигшмээр болсон. Гэсэн ч хүн үүнийгээ мэддэггүй ба хүлээн зөвшөөрдөггүй, зүгээр л сохроор эсэргүүцэж тэрсэлж байдаг. Хүний зан чанарын илчлэл бол түүний мэдрэмж, мэдлэг ухаан, мөс чанарын илэрхийлэл бөгөөд түүний мэдрэмж, мэдлэг ухаан нь эрүүл саруул биш учраас, түүний мөс чанар дээд зэргээр сул болсон, тиймээс түүний зан чанар нь Бурханы эсрэг тэрслүү байдалтай байдаг юм. Хэрвээ хүний мэдрэмж, мэдлэг ухаан нь өөрчлөгдөж чадахгүй бол, түүний зан чанар өөрчлөгдөж, Бурханы зүрх сэтгэлийн дагуу байна гэж огт байхгүй. Хэрвээ хүний мэдрэмж эрүүл саруул биш бол, тэр Бурханд үйлчилж чадахгүй ба Бурханаар ашиглуулахад тохирохгүй. “Хэвийн мэдрэмж” гэдэг нь Бурханд дуулгавартай, шударга байж, Бурханыг хүсэн эрмэлзэж, Бурханы талаар эргэлзээгүй байж, Бурханыг гэсэн мөс чанартай байхыг хэлж байгаа юм. Энэ нь Бурхантай нэгэн зүрх сэтгэл, оюун санаатай байж, Бурханыг санаатайгаар эсэргүүцэхгүй байхыг хэлж байгаа. Хэвийн бус мэдрэмжтэй хүмүүс ийм байдаггүй. Нэгэнт хүн Сатанаар завхруулагдсан тул Бурханы талаарх үзлийг бий болгосон ба Бурханыг гэсэн хүсэл эрмэлзэл, үнэнч байдал түүнд байдаггүй, мөс чанар гэж бүр ч үгүй. Хүн Бурханыг санаатайгаар эсэргүүцэж, ял шийтгэл тулгадаг, цаашлаад Түүний нүднээс далдуур, Түүнийг дорд үзсэн үгс чулууддаг. Тэр бол Бурхан гэдгийг хүн тодорхой мэддэг, гэсэн ч Түүний нүднээс далдуур Түүнийг шүүдэг, Түүнийг дуулгавартай дагах ямар ч бодол байдаггүй ба зүгээр л Бурханд ойлгомжгүй хүсэлт, шаардлага тавьж байдаг.

Үг нь махбодоор илэрсэн номын “Өөрчлөгдөөгүй зан чанартай байх нь Бурханд дайсагнасан байдалтай байх юм”-аас

2. хүний үзэл суртал, ёс суртахууны завхрал, зүй зохистой хүмүүжлийн хомсдол гэх мэтийн олон янзын шалтгаан бий; феодалын нийгмийн мухар сүсэг хүний зүрх сэтгэлийг нухацтайгаар эзэмдсэн байдаг; доройтож, завхарсан амьдралын хэв маяг нь хүний зүрх сэтгэлийн хамгийн гүнд орших олон өвчин эмгэгийг үүсгэдэг; хүмүүсийн бараг ерэн найман хувь нь соёлын боловсролын дутагдалд орсон өнгөц төдий соёлын мэдлэгтэй, түүнээс ч илүүгээр маш цөөхөн хүн өндөр түвшний соёлын боловсрол эзэмшдэг, ингэснээр Сүнс юу болох эсвэл Бурхан хэн болох талаар хүмүүст ямар ч ойлголт байдаггүй, харин Бурханы талаар феодалын нийгмийн мухар сүсгээс үүссэн тодорхой бус, ойлгомжгүй төсөөлөлтэй байдаг; олон мянган жилийн үндэстний омог болон феодалын нийгмийн сэтгэлгээнээс үүссэн хүний зүрх сэтгэл дэх гүн гүнзгий хортой нөлөө нь хүмүүсийг өчүүхэн төдий ч эрх чөлөөгүй, баригдмал болгосон ба хүмүүсийг ямар ч хүсэл тэмүүлэлгүй, тэвчээргүй, ахиц дэвшил гаргах хүсэлгүй, харин эсрэгээрээ идэвхгүй, доройтсон, боолын сэтгэхүйтэй болгосон ба энэ нь нэлээд хүчтэй байдаг. Эдгээр хүчин зүйлс нь хүний үзэл суртлын төрх байдал, туйлын зорилго, ёс суртахуун, зан чанарын арилшгүй бохир муухай төрхийг бий болгосон. Хүмүүс харанхуй террорист ертөнцөд амьдарч байгаа мэт харагддаг ба хэн ч үүнийг давж гарахаар зорьдоггүй, хэн ч хүслэнт дэлхийд очихыг боддоггүй; үүний оронд тэд өөрсдийн амьдралын төөргийг хүлээн зөвшөөрч[1] , өдөр хоногийг хүүхэд төрүүлэн өсгөж, хичээж, хөлсөө урсгаж, ажиллаж, тав тухтай, аз жаргалтай гэр бүл, хань ижлийн хайр, хүүхдүүдийн ачлал элбэрэл, өтөл насны баяр баясгалан болон амар тайван амьдралыг мөрөөдөж өдөр хоногийг өнгөрүүлдэг. ... Одоог хүртэлх олон арван, мянга мянган жилийн туршид хүмүүс цагаа дэмий үрж, хэн ч төгс амьдрал бүтээлгүй, харанхуйн ертөнцөд зүгээр л бие биетэйгээ тэмцэлдэж, нэр алдар эд хөрөнгөний төлөө тэмцэж, нэг нэгнийхээ эсрэг явуулга хийсээр ирсэн билээ. Хэн Бурханы хүслийг хайж байсан бэ? Бурханы ажлыг анхаарч үзсэн ямар нэгэн хүн байсан уу? Харанхуйн нөлөөнд автсан хүний доторх энэ бүх хэсгүүд нь аль хэдийн хүний уг чанар болсон, иймээс Бурханы ажлыг гүйцэтгэхэд нэлээд хэцүү бөгөөд өнөөдөр Бурханы даалгасан зүйлд анхаарал хандуулах зүрх сэтгэл хүмүүст бүр ч бага байдаг.

Үг нь махбодоор илэрсэн номын “Ажил ба оролт (3)”-оос

3. Хэдий тэр бүх зүйлсийн эзэн нь боловч тэдгээрийн дундаас Сатаны заль мэхэнд автсан цорын ганц зүйл бөгөөд үүний завхруулалтанд эцэс төгсгөлгүйгээр урхидуулдаг цорын ганц зүйл нь хүн билээ. Хүн хэзээ ч өөрийгөө захирч байгаагүй. Ихэнх хүмүүс Сатаны бохир, заваан газарт амьдарч, түүний доог тохуу дунд шаналж байна; энэ нь тэднийг хүний ертөнц дэх бүх муу ёр, бүх зовлон бэрхшээлийг туулж, хагас үхлүүд байдалтай болтол нь ийм маягаар тохуурхдаг. Тэднээр тоглосныхоо дараа Сатан тэдний хувь заяаг төгсгөдөг. Иймээс хүмүүс бүхий л амьдралынхаа турш эргэлзээн дунд төөрч, Бурханы тэдэнд зориулан бэлдсэн сайхан зүйлүүдийг хэзээ ч эдэлдэггүй харин үүний оронд Сатанд хорлогдож, навсайн салбарч үлддэг. Өнөөдөр тэд Бурханы ажлыг анхаарах сөхөөгүй маш сул дорой, үлбэгэр болжээ.…

… Бурханы хувьд эдгээр хүмүүсийн хэв чанар, далд санаа, үзэл бодол нь туйлын жигшүүртэй юм. Тэдний аливааг хүлээн авах чадвар нь дорой, туйлын мэдрэлгүй болж, доройтон дордож, хэтэрхий боол шиг, сул дорой, сэтгэлийн тэнхээгүй болсон тэднийг морь малыг хөтөлдөг шигээр л дөрлөх хэрэгтэй. Өөрсдийн сүнсний оролт эсвэл Бурханы ажил дахь оролтын тухайд тэд өчүүхэн төдий ч анхаарал хандуулдаггүй ба үнэний төлөө зовох өчүүхэн ч шийдвэрийг эзэмшдэггүй. Ийм төрлийн хүний хувьд Бурханаар бүрэн төгс болгуулах нь яаж амархан байх юм бэ?

Үг нь махбодоор илэрсэн номын “Ажил ба оролт (1)”-оос

4. Хүний зан чанар дээд зэргийн балмад болж, түүний мэдрэмж дээд зэргийн сул болсон ба түүний мөс чанар муу ёрын нэгнээр бүрэн гишгэлэгдэж, аль эртнээс хүний анхдагч мөс чанар байхаа больжээ. Хүн төрөлхтөнд маш их амь, нигүүлслийг хайрласных нь төлөө бие махбодтой болсон Бурханд хүн талархахгүй байгаад зогсохгүй, бүр тэр ч байтугай үнэнийг түүнд өгсний төлөө Бурханд дургүй болсон; хүнд өчүүхэн төдий ч үнэнийг сонирхох сонирхол байхгүй учраас тэр Бурханд дургүй байгаа юм. Хүн бие махбодтой болсон Бурханы төлөө өөрийн амийг өгч чадахгүйгээр зогсохгүй, тэр мөн Түүнээс ач тус хүртэхийг оролдож, Бурханд өгсөн зүйлээсээ хэдэн арав дахин илүү ашиг сонирхлыг шаарддаг. Тийм мөс чанар ба мэдрэмжтэй хүмүүс энэ бүхнийг байх ёстой зүйл гэж үздэг бөгөөд тэд Бурханы төлөө маш ихийг зарцуулсан байхад Бурхан тэдэнд хэтэрхий багыг өгсөн гэж итгэсээр байдаг. Надад аяга ус өгсөн хүмүүс байдаг, гэвч тэд өөрсдийн гараа сунгаад хоёр аяга сүүтэй тэнцүү[a] зүйлийг нэхдэг эсвэл Надад нэг шөнө байрлах өрөө өгсөн боловч өрөөний төлбөрт Надаас хэд дахин их төлбөр нэхэхийг оролддог. Тийм хүн чанартайгаар мөн тийм мөс чанартайгаар та нар амийг олж авахыг хүсэж яаж чадаж байна вэ? Та нар ямар зэвүүцмээр өөдгүй хүмүүс вэ!… Ихэнх хүмүүс Бурханд үйлчлэх үедээ нөхцөл байдлын талаар ярьдаг: Тэр Бурхан уу эсвэл хүн үү гэдгийг тэд тоодоггүй ба тэд зөвхөн өөрсдийн нөхцөл байдлын талаар л ярьдаг бөгөөд өөрсдийн хүслийг биелүүлэхийг л зорьдог. Та нар Надад хоол хийж өгөхдөө, ахлах тогоочийн хөлс нэхдэг, Миний төлөө гүйхдээ та нар, гүйсний төлбөрөө нэхдэг, Миний төлөө ажиллах үедээ та нар ажлын хөлсөө шаарддаг, Миний хувцсыг угаах үедээ та нар угаалгын төлбөр шаарддаг, чуулганыг хангахдаа та нар сэргээн сайжруулсны зардлыг шаарддаг, ярих үедээ та нар илтгэгчийн төлбөрийг шаарддаг, ном тараах үедээ та нар түгээлтийн зардлыг шаарддаг ба бичих үедээ та нар бичсэний төлбөрөө шаарддаг. Миний харьцаж байсан хүмүүс Надаас нөхөн төлбөр хүртэл шаардаж байсан, харин тэгэхэд гэр лүү нь явуулсан хүмүүс өөрсдийнх нь нэр хүндэд хохирол учруулсны төлбөр шаарддаг; гэрлээгүй хүмүүс инж эсвэл алдагдсан залуу насныхаа төлөө нөхөн төлбөр нэхдэг, тахиа нядалдаг хүмүүс мал нядлагчийн хөлс нэхдэг, хоол шарсан хүмүүс шарах төлбөр нэхдэг ба шөл хийдэг хүмүүс түүнийхээ төлбөрийг нэхдэг…. Энэ нь та нарын өндөр дээд, хүчирхэг хүн чанар бөгөөд эдгээр нь та нарын халуун дулаан мөс чанараас гарсан үйлдлүүд юм. Та нарын мэдрэмж хаана байна вэ? Та нарын хүн чанар хаана байна?

Үг нь махбодоор илэрсэн номын “Өөрчлөгдөөгүй зан чанартай байх нь Бурханд дайсагнасан байдалтай байх юм”-аас

5. Хэдэн мянган жилийн завхралын дараа, хүн хөшүүн, сүйхээгүй, Бурханыг эсэргүүцдэг чөтгөр болсон ба Бурханд хандах хүний тэрслүү байдал нь түүхийн номонд тэмдэглэгдэж, хүн өөрөө өөрийнхөө тэрслүү зангийн талаар бүрэн хэлж чадахаа болих хэмжээнд хүрсэн-учир нь хүн Сатанаар гүнзгий завхруулагдаж, хаашаа явахаа мэдэхээ больтлоо Сатанаар төөрүүлэгдсэн юм. Өнөөдөр ч гэсэн, хүн Бурханаас урвасаар байдаг: Хүн Бурханыг харах үедээ Түүнээс урвадаг ба Бурханыг харж чадахгүй үедээ ч Түүнээс мөн л урвадаг. Бурханы хараалыг болон Бурханы уур хилэнг нүдээр үзсэнийхээ дараа ч гэсэн Түүнээс урвасаар байдаг хүмүүс ч бас бий. Иймээс, хүний мэдрэмж нь анхдагч чиг үүргээ алдсан ба хүний мөс чанар ч гэсэн өөрийн анхдагч чиг үүргээ алдсан гэж Би хэлдэг. Миний хардаг хүн бол хүний өмсгөлтэй араатан, тэр бол хорт могой ба тэр…

Үг нь махбодоор илэрсэн номын “Өөрчлөгдөөгүй зан чанартай байх нь Бурханд дайсагнасан байдалтай байх юм”-аас

6. Өөрсдийн эрэл хайгуулдаа та нар хэтэрхий олон хувийн үзэл, найдлага, ирээдүйтэй байдаг. Одоогийн ажил бол та нарын байр суурийн төлөөх хүсэл болон хэрээс хэтэрсэн хүсэлтэй чинь харьцахын тулд билээ. Байр суурийн төлөөх найдвар, хүсэл болон үзэл нь бүгд сатаны зан чанарын сонгодог төлөөлөл юм. Хүмүүсийн зүрх сэтгэлд эдгээр зүйлс оршдогийн шалтгаан нь бүхэлдээ, Сатаны хор үргэлж хүмүүсийн бодлыг эвддэг ба хүмүүс Сатаны эдгээр сорилтуудаас салж чаддаггүйгээс болдог. Тэд нүглийн дунд амьдардаг ч үүнийг нүгэл гэж итгэдэггүй ба тэд: “Бид Бурханд итгэдэг, иймээс Тэр бидэнд ерөөл хайрлаж, бидний төлөө бүх зүйлийг зүй зохистойгоор зохицуулах ёстой. Бид Бурханд итгэдэг, иймээс бид бусдаас илүү дээр байх ёстой ба бид өөр хэнээс ч илүү их байр суурь, илүү их ирээдүйтэй байх ёстой. Бид Бурханд итгэдэг болохоор Тэр бидэнд хязгааргүй их ерөөл өгөх ёстой. Эс бөгөөс энэ нь Бурханд итгэх явдал гэж нэрлэгдэхгүй” хэмээн итгэсээр байдаг. Олон жилийн турш амьд үлдэхийн төлөө хүмүүсийн итгэж найддаг бодлууд нь тэднийг зальхай, хулчгар, жигшүүртэй болтол нь тэдний зүрх сэтгэлийг эвдсээр ирсэн. Тэдэнд сэтгэлийн тэнхээ, шийдэмгий зан дутмаг байгаад зогсохгүй тэд мөн шунахай, биеэ тоосон, дур зоргоороо болсон. Тэдэнд өөрсдийгөө даван гарах шийдэмгий зан үнэхээр дутагддаг ба түүнээс ч илүүтэйгээр эдгээр харанхуй нөлөөний барьцаас салах өчүүхэн ч зориг тэдэнд байдаггүй. Хүмүүсийн бодол болон амьдрал нь илжирсэн, Бурханд итгэх тухай тэдний өнцөг тэвчихийн аргагүй муухай хэвээр байгаа бөгөөд хүмүүс Бурханд итгэх итгэлийн талаар өөрсдийн өнцгөөс ярих үед үүнийг сонсож тэвчихийн аргагүй байдаг. Хүмүүс бүгд хулчгар, чадваргүй, жигшүүртэй, мөн түүнчлэн эмзэгхэн. Тэд харанхуйн хүчинд эгдүүцдэггүй бөгөөд гэрэл болон үнэнийг хайрладаггүй; үүний оронд тэд тэдгээрийг хөөн зайлуулахын тулд бүхнийг хийдэг.

Үг нь махбодоор илэрсэн номын “Чи яагаад товойлгогч байх хүсэлгүй байна вэ?”-ээс

7. Ихэнх хүмүүс өөрсдийн ирээдүйн хүрэх газрын төлөө эсвэл түр зуурын зугаа цэнгэлийн төлөө Бурханд итгэдэг. Ямар нэг харьцалт туулаагүй хүмүүсийн хувьд Бурханд итгэх итгэл нь тэнгэрт орохын төлөө, шагнал олж авахын тулд байдаг. Энэ нь төгс болгуулахын төлөө эсвэл Бурханы бүтээлийн үүргээ биелүүлэхийн төлөө байдаггүй. Өөрөөр хэлбэл, ихэнх хүмүүс өөрсдийн хариуцлагыг биелүүлэхийн тулд эсвэл өөрсдийн үүргийг гүйцэтгэхийн тулд Бурханд итгэдэггүй. Утга учиртай амьдралаар амьдрахын тулд Бурханд итгэдэг хүмүүс ховорхон бөгөөд хүн нэгэнт амьд байгаа учраас тэр Бурханыг хайрлах ёстой, учир нь энэ бол Тэнгэрийн хууль, газрын зарчим, энэ нь хүний ариун үүрэг гэж итгэдэг хүмүүс ч бас байдаггүй. Ийм байдлаар, хэдийгээр өөр өөр хүмүүс өөрсдийн хувийн зорилгыг эрж хайдаг боловч тэдний эрэл хайгуулын зорилго, үүний ар дахь учир шалтгаан нь бүгд адилхан бөгөөд түүнээс ч илүүгээр тэдний ихэнхийн хувьд сүсэг бишрэлийн объект нь ихээхэн адил байдаг. Сүүлийн хэдэн мянган жилийн туршид олон итгэгчид нас барсан ба олонх нь нас барж, дахин төрсөн. Бурханыг эрж хайдаг ердөө ганц хоёрхон хүмүүс байдаггүй, эсвэл нэг, хоёр мянга ч бас биш боловч эдгээр хүмүүсийн ихэнхийн эрэл хайгуул нь өөрсдийнх нь хэтийн ирээдүй эсвэл ирээдүйн алдарт итгэл найдварынх нь төлөө байдаг. Христэд үнэнч хүмүүс цөөхөн бөгөөд ховор. Олон үнэнч итгэгчид өөрсдийн урхи торонд ороогдон нас нөгчсөн ба цаашлаад амжилтанд хүрсэн хүмүүсийн тоо ч өчүүхэн бага юм.

Үг нь махбодоор илэрсэн номын “Амжилт эсвэл бүтэлгүйтэл нь хүний алхаж буй замаас хамаарна”-аас

8. Тэдний итгэх байдал нь ийм байдаг: Тэд ичгүүргүйгээр Бурханаас аливаа зүйлийг үргэлж гуйдаг бөгөөд тэд тэрслүү эсвэл дуулгавартай байх нь хамаагүй Бурхан зүгээр л бүх зүйлийг сохроор тэдэнд хайрлана. Хүмүүс зүгээр л Бурханаас тасралтгүйгээр “төлбөр” шаарддаг бөгөөд Бурхан ямар ч эсэргүүцэлгүйгээр төлж, тэднээс ямар нэгэн зүйлийг авсан ч бай, үгүй ч бай Бурхан хоёр дахин ихийг төлөх ёстой. Тэр зөвхөн тэднээс хараат байж л чадна; Тэр хүмүүсийг дур зоргоороо зохион байгуулж чадахгүй, тэр ч бүү хэл Тэр Өөрийн хүссэнээрээ Өөрийнхөө эртний мэргэн ухаан болон зөвт зан чанарыг хүмүүст өөрсдийнх нь зөвшөөрөлгүйгээр илчилж чадахгүй. Тэд зүгээр л өөрсдийн нүглийг Бурханд улайх ба Бурхан зүгээр л тэдгээрийг өршөөж, үүнээс залхаж болохгүй бөгөөд энэ нь үүрд үргэлжилнэ. Библид “Бурханы ирэлт нь хүнээр Өөртөө үйлчлүүлэхийн төлөө биш, харин Тэр хүнд үйлчлэхийн төлөө юм. Тэр хүнд үйлчлэхийн тулд ирсэн” гэж тэмдэглэгдсэн шигээр тэд зүгээр л Бурханд тушааж, Бурхан зүгээр л дуулгавартай дагана. Та нар үргэлж ийм байдлаар итгэдэггүй гэж үү?

Үг нь махбодоор илэрсэн номын “Та нар байр суурийн ерөөлийг хойш тавьж, хүний авралын төлөөх Бурханы хүслийг ойлгох учиртай”-аас

9. Зөвхөн өөрсдийнхөө биеэс бузар сүнснүүдийг гаргуулахад Миний хүчийг ашиглахаар хэр олон хүн Надад итгэдэг вэ? Надаас амар тайван байдал болоод баяр хөөрийг авахын төлөө хэр олон хүн Надад итгэдэг вэ? Надаас илүү их материаллаг эд хөрөнгө шаардахын тулд хэр олон хүн Надад итгэдэг вэ? Мөн зөвхөн энэ амьдралаа аюулгүй өнгөрөөж, ирэх насандаа эрүүл, саруул байхын тулд Надад хэр олон хүн итгэдэг вэ? Зөвхөн тамын зовлонгоос зайлсхийж, тэнгэрийн ерөөлийг хүлээж авахын тулд хэр олон хүн Надад итгэдэг вэ? Айсуй ертөнцөд ямар нэгэн зүйлийг олж авахыг эрэлхийлэлгүй, зөвхөн түр зуурын тав тухын төлөө хэр олон хүн Надад итгэдэг вэ? Би Өөрийн уур хилэнг хүн дээр авчирч, анхнаасаа түүнд байсан бүхий л баяр баясал, амар тайван байдлыг булаан авахад хүн эргэлзсэн. Би хүнд тамын зовлонг өгч, тэнгэрийн ерөөлийг буцааж авахад хүний ичгүүр нь уур хилэн болж хувирсан. Хүн Надаас өөрийг нь эмчлэхийг гуйсан ч Би түүнийг хүлээн зөвшөөрөлгүй, түүнд дургүйцэх үед хүн Надаас холдож шулмын эмч болон ид шидийн замыг эрж хайсан. Надаас шаардсан бүхнийг нь хүнээс авах үед бүгд ул мөргүй алга болсон. Тиймээс, Би хүнд хэтэрхий их нигүүлслийг өгсөн бөгөөд олж авах зүйл хэтэрхий олон байгаа учраас хүн Надад итгэдэг гэж Би хэлдэг.

Үг нь махбодоор илэрсэн номын “Бурханы тухайд чиний ойлголт юу вэ”-ээс

10. Ихэнх хүмүүсийн Бурханд итгэх итгэлийн мөн чанар нь шашны үнэмшил байдаг: Тэд Бурханыг хайрлах чадваргүй, Бурханыг зүгээр л робот шиг дагадаг ба Бурханыг жинхэнээсээ хүсэн эрмэлзэж эсвэл биширдэггүй. Тэд Бурханыг зүгээр л чимээгүйхэн дагадаг. Олон хүмүүс Бурханд итгэдэг ч Түүнийг хайрладаг нь цөөхөн; тэд сүйрэл гамшгаас айдаг учраас л Бурханыг хүндэлдэг эсвэл Тэр өндөр дээд болоод хүчирхэг учраас л тэд Бурханыг биширдэг—гэхдээ тэдний хүндлэл, бишрэлд хайр, жинхэнэ хүсэл байдаггүй. Тэд өөрсдийн туршлагаас үнэний өчүүхэн хэсгийг эсвэл ямар нэг чухал бус нууцуудыг хайдаг. Ихэнх хүмүүс зүгээр л дагадаг, тэд зөвхөн ерөөл хүртэхийн тулд булингартай усанд загасчилдаг; тэд үнэнийг эрж хайдаггүй бас Бурханы ерөөлийг хүртэхийн тулд Бурханд үнэхээр дуулгавартай байдаггүй. Бүх хүмүүсийн Бурханд итгэх итгэлийн амьдрал нь учир утгагүй юм, энэ нь үнэ цэнэгүй бөгөөд үүнд өөрсдийнх нь хувийн бодол, эрэлхийлэл багтаж байдаг; тэд Бурханыг хайрлахын тулд биш, харин ерөөгдөхийн тулд Бурханд итгэдэг. Олон хүмүүс хүссэнээрээ үйлдэж, хүссэн бүхнээ хийдэг бөгөөд Бурханы ашиг сонирхлыг болоод өөрсдийнх нь хийж байгаа зүйл Бурханы хүслийн дагуу байгаа эсэхийг хэзээ ч анхаарч үздэггүй. Ийм хүмүүс Бурханы хайранд байтугай жинхэнэ итгэлд ч хүрч чаддаггүй.

Үг нь махбодоор илэрсэн номын “Бурханыг хайрладаг хүмүүс Түүний гэрэлд үүрд амьдрах болно”-оос

11. Чи дандаа дэмий зүйлийг эрж хайдаг ба аминд ямар ч үнэ цэнэ өгдөггүй, үүний оронд өөрийн туйлширсан үзлийг үнэнээс түрүүнд тавьдаг. Чи ямар ч үнэ цэнэгүй! Чи гахай шиг амьдардаг—гахай, нохой болон чиний хооронд ямар ялгаа байгаа юм бэ? Үнэнийг эрж хайдаггүй бөгөөд бие махбодоо л хайрладаг хүмүүс бүгд араатан биш гэж үү? Сүнс байхгүй үхсэн хүмүүс, бүгд алхаж яваа хүүр биш гэж үү? Та нарын дотор хэчнээн их үг яригдсан бэ? Та нарын дунд өчүүхэн ч гэсэн ажил хийгдсэн үү? Та нарын дунд хэчнээн ихийг өгсөн бэ? Тэгээд яагаад чи үүнийг олж аваагүй юм бэ? Чамд гомдоллох зүйл юу байгаа юм бэ? Чи бие махбодоо хэтэрхий их хайрладаг учраас юуг ч олоогүй биш гэж үү? Энэ нь чиний бодол хэтэрхий туйлширсан учраас биш гэж үү? Энэ нь, чи хэтэрхий тэнэг учраас биш гэж үү? Хэрвээ чи эдгээр ерөөлийг олж авч чадахгүй бол чамайг авраагүйн төлөө Бурханыг хэрхэн буруушааж чадах юм бэ? Чиний эрж хайж байгаа зүйл бол Бурханд итгэснийхээ дараа амар амгаланг олж чадах явдал—хүүхдүүд чинь өвчин хуучаас ангид байх, нөхөр чинь сайн ажилтай байх, хүү чинь сайн эхнэр олж авах, охин чинь дажгүй нөхөртэй болох, үхэр адуу чинь газраа сайн хагалах, ургац сайн ургахын тулд жилийн турш цаг агаар сайхан байх. Энэ нь чиний эрж хайдаг зүйл. Чиний эрэл хайгуул бол зөвхөн амар тайван амьдрах буюу ямар ч осол танай гэр бүлд тохиолдохгүй байх, салхи шуурга чиний хажуугаар өнгөрөх, нүүр царайнд чинь элс шороо хүрэхгүй байх, танай ургац үерт автахгүй байх, чи ямар нэг байгалийн гамшигт нэрвэгдэхгүй байх, Бурханы тэвэрт амьдрах, тохитой үүрэнд амьдрах юм. Бие махбодын таашаалыг дандаа хайдаг чам шиг хулчгар хүмүүс—чамд зүрх сэтгэл байдаг уу, чамд сүнс байдаг уу? Чи араатан биш гэж үү? Би эргүүлээд юуг ч нэхэлгүйгээр жинхэнэ замыг чамд өгсөн, гэсэн ч чи үүнийг мөрддөггүй. Чи Бурханд итгэдэг хүмүүсийн нэг гэж үү? Би жинхэнэ хүний амьдралыг чамд өгсөн, гэсэн ч чи үүнийг мөрддөггүй. Чи гахай эсвэл нохойноос ялгаагүй биш гэж үү? Гахай хүний амьдралыг мөрддөггүй, тэд цэвэрлэгдэхийг зорьдоггүй ба тэд амьдрал гэж юу вэ гэдгийг ойлгодоггүй. Өдөр болгон, ходоодоо дүүртэл идчихээд тэд зүгээр л унтаад өгдөг. Би чамд жинхэнэ замыг өгсөн, гэсэн ч чи үүнийг олж аваагүй: Чи бол гар хоосон. Чи энэ амьдралаа, гахайн амьдралаа үргэлжлүүлэхийг хүсэж байна уу? Тийм хүмүүс амьд байхын ач холбогдол юу вэ? Чиний амьдрал зэвүүцмээр бөгөөд жигшүүртэй, чи бохир заваан, садар самуун дунд амьдардаг ба чамд ямар ч зорилго байдаггүй; чиний амьдрал хамгийн жигшүүртэй нь биш гэж үү? Чамд Бурхан руу харах зориг байгаа юу? Хэрвээ ийм байдлаараа үргэлжлүүлвэл чи юунд ч хүрч чадахгүй биш гэж үү? Жинхэнэ зам чамд өгөгдсөн, гэхдээ чи үүнийг эцэстээ олж авах уу, үгүй юу гэдэг нь чиний өөрийн эрэл хайгуулаас хамаарна.

Үг нь махбодоор илэрсэн номын “Петрийн туршлага: гэсгээлт, шүүлтийн талаарх түүний мэдлэг”-ээс

12. Гэр бүлийн зайлшгүй хэрэг явдлын (хүүхдүүд өвдөх, нөхөр эмнэлэгт хэвтэх, ургац муу ургах, гэр бүлийн гишүүдийн хавчилт шахалт гэх мэт) тухайд гэвэл чи өдөр тутмын амьдралд ихэвчлэн тохиолддог эдгээр зүйлийг ч даван гарч чаддаггүй: Тийм зүйл тохиолдох үед чи самгардаж юу хийхээ мэдэхээ больдог—ихэнхдээ чи Бурханы талаар гомдоллодог. Бурханы үг чамайг хуурсан ба Бурханы ажил чамайг цагийг дэмий нөхцөөлгөсөн гэж чи Бурханд гомдоллодог. Та нарт тийм бодол байдаггүй гэж үү? Та нарын дунд тийм зүйлс тун ховорхон тохиолддог гэж чи бодож байна уу? Та нар тийм үйл явдлуудын дунд амьдарч өдөр бүрийг өнгөрөөдөг. Та нар өөрсдийн Бурханд итгэх итгэлийнхээ амжилтыг болон хэрхэн Бурханы хүслийг хангалуун байлгах талаар өчүүхэн төдий ч бодож үздэггүй. Та нарын жинхэнэ сүнсний өндөр хэтэрхий жаахан, бүр бяцхан дэгдээхийнийхээс ч илүү жаахан. Танай нөхрийн бизнес алдагдалд ороход та нар Бурханы талаар гомдоллодог, Бурханы хамгаалалтгүй орчинд орсноо мэдэх үедээ та нар мөн л Бурханы талаар гомдоллодог, дэгдээхийнүүдийн чинь нэг нь үхэхэд эсвэл малын хашаан дахь үхэр чинь өвдөхөд хүртэл та нар гомдоллодог, хүү чинь гэр бүлээ эхлэхийн цагт танай гэр бүлд хангалттай мөнгө байхгүй байвал та нар гомдоллодог бөгөөд чуулганы ажилчид танай гэрт хэдэн хоол идсэн боловч чуулган чамд мөнгийг нь төлөхгүй байхад эсвэл хэн ч чамд хүнсний ногоо илгээхгүй байх үед чи бас л гомдоллодог. Чиний гэдэс гомдлоор дүүрсэн байдаг ба заримдаа үүний улмаас чи цуглаанд явдаггүй эсвэл Бурханы үгийг идэж уудаггүй бөгөөд чи асар урт хугацааны туршид сөрөг болж магадгүй байдаг. Өнөөдөр чамд тохиолддог нэг ч зүйл чиний хэтийн ирээдүй эсвэл хувь заяатай ямар нэгэн холбоогүй; хэрвээ чи Бурханд итгээгүй бол эдгээр зүйлс мөн л тохиолдох байсан, гэсэн ч чи тэдгээрийн төлөөх хариуцлагыг Бурхан руу чихдэг ба Бурхан чамайг таягдсан гэж зүтгэсээр байдаг. Бурханд итгэх итгэлийнхээ юунд чи өөрийнхөө амийг үнэхээр тахил болгосон бэ? Хэрвээ та нар Иовтой адил шалгалтуудыг амссан бол өнөөдөр Бурханыг дагаж байгаа та нарын дундаас нэг нь ч бат зогсож чадахгүй байх байсан ба та нар бүгд нуран унах байсан юм. Мөн энгийнээр хэлэхэд Петр, та нарын хооронд үй олон ялгаа бий. Өнөөдөр хэрвээ та нарын эд хөрөнгөний хагасыг булаан авах юм бол та нар Бурханы оршин тогтнолыг үгүйсгэж зүрхлэх байсан; хэрвээ хүү эсвэл охиныг чинь та нараас авсан бол та нар эсэргүүцлээ илэрхийлэн гудамжаар гүйх байсан; хэрвээ чиний амьдрал мухардалд орсон бол чамайг айлгахын тулд Би анх яагаад маш олон үг хэлснийг чи асууж Бурхантай зөвшилцөхөөр оролдох байсан. Тийм үед та нарын хийж зүрхлэхгүй зүйл юу ч байхгүй.

Үг нь махбодоор илэрсэн номын “Хэрэгжүүлэлт (3)”-ээс

13. Бурханыг дагадаг хүмүүсийн олонх нь, хэрхэн ерөөл хүртэх эсвэл гай зовлонгоос зайлсхийх талаар л анхаардаг Бурханы ажил болоод удирдлагыг дурдах төдийд л тэд дуугаа хурааж, бүх сонирхол нь буурдаг. Тийм залхмаар асуултуудыг мэдэх нь тэдний амийг өсгөхгүй эсвэл ямар ч ашиггүй гэж тэд итгэдэг ба иймээс тэд Бурханы удирдлагын тухай мэдээг сонссон хэдий ч тэдгээрт хайнга ханддаг. Үүнийг өөрсдийн амийн нэг хэсэг гэж хүлээн авах нь бүү хэл, тэдгээр нь хүлээн зөвшөөрөхүйц үнэтэй зүйл биш гэж тэд үздэг. Тийм хүмүүст Бурханыг дагах маш энгийн нэгэн зорилго байдаг, тэр нь ерөөл хүртэх бөгөөд энэхүү зорилгыг агуулаагүй ямар ч зүйлийг хийхээс хэт залхуурдаг. Тэдний хувьд, ерөөл хүртэхийн тулд Бурханд итгэх нь хамгийн үндэслэлтэй зорилго бөгөөд тэдний итгэлийн жинхэнэ үнэ цэнэ юм. Энэ зорилгоо хэрэгжүүлж чадахгүй юунд ч тэд автахгүй. Өнөөдөр Бурханд итгэдэг ихэнх хүмүүсийн хувьд ийм л байдаг. Тэдний зорилго болон санаа нь зүйтэй мэт санагддаг, учир нь Бурханд итгэхийн зэрэгцээ тэд мөн Бурханы төлөө зарцуулж, өөрсдийгөө Бурханд зориулж, өөрсдийн үүргээ биелүүлдэг. Тэд залуу насаа орхиж, гэр бүл, ажил мэргэжлээ хаяж тэр ч байтугай олон жилийг гэрээсээ хол завгүй өнгөрүүлдэг. Өөрсдийн эцсийн зорилгын төлөө тэд сонирхлоо өөрчилж, амьдралыг үзэх үзлээ өөрчилж, тэр ч бүү хэл өөрсдийн зорьж байсан чиглэлээ өөрчилдөг боловч Бурханд итгэх итгэлийнхээ зорилгыг өөрчилдөггүй. Тэд өөрсдийн туйлын зорилгын удирдлагын төлөө явдаг; зам хичнээн хол байсан ч хамаагүй, замд нь хичнээн зовлон зүдгүүр, бэрхшээл байх нь хамаагүй тэд өөрсдийн зорилгоо хамгаалж, үхлээс айхгүй зогсдог. Тэднийг ийм байдлаар үргэлжлүүлэхэд хүргэдэг ямар хүч байна вэ? Энэ нь тэдний мөс чанар уу? Энэ нь тэдний агуу, сайхан зан авир уу? Эцсээ хүртэл муугийн хүчтэй тэмцэх тэдний шийдэмгий байдал үү? Хариу төлбөр нэхэлгүйгээр Бурханыг гэрчлэх тэдний итгэл үү? Бурханы хүслийг биелүүлэхийн тулд бүхнээ орхиход бэлэн байдаг тэдний үнэнч сэтгэл үү? Эсвэл, өөрсдийн дэмий хүслээ үргэлж тэвчдэг тэдний зориулалтын сэтгэл үү? Бурханы удирдлагын ажлыг хэзээ ч мэддэггүй хүмүүсийн хувьд тийм ихийг өгнө гэдэг нь энгийндээ бол гайхалтай зүйл юм! Эдгээр хүмүүс хичнээн ихийг өгснийг хэлэлцэхээ түр больцгооё. Гэсэн ч, тэдний зан байдлыг бид сайн шинжлэх нь зохистой. Бурханыг хэзээ ч ойлгодоггүй эдгээр хүмүүсийн хувьд тэдэнтэй нягт холбоотой ашиг тусаас гадна, Бурханд маш ихийг зориулах өөр ямар шалтгаан байна вэ? Үүгээр бид өмнө нь үл мэдэгдсэн асуудлыг илрүүлдэг: Бурхантай харилцах хүний харилцаа нь ердөө л цэвэр хувийн ашиг сонирхол байдаг. Энэ нь ерөөл хүлээн авагч, өгөгчийн хоорондох харилцаа юм. Шуудхан хэлэхэд, энэ нь ажил олгогч, ажилтны хоорондын харилцаатай адил. Ажилтан нь ажил олгогчийн өгч буй шагналыг хүлээн авахын тулд л ажилладаг. Ийм харилцаанд, сэтгэл татагдалт байдаггүй, зөвхөн тохиролцоо л байдаг; хайрлаж, хайрлагдах явдал байхгүй зөвхөн өглөг, өршөөл байдаг; ойлголцол байдаггүй, зөвхөн хүлцэнгүй байдал, хууралт л байдаг; дотно байдал байдаггүй, зөвхөн туулж гарахын аргагүй ангал байдаг.

Үг нь махбодоор илэрсэн номын “Хүн зөвхөн Бурханы удирдлага дунд аврагдаж чадна”-аас

14. Бурханд итгэх хүн төрөлхтний итгэлийн хамгийн гунигтай зүйл нь Бурханы ажлын дунд хүн өөрийн удирдлагаа гүйцэтгэдэг ба Бурханы удирдлагыг анзаардаггүй. Хүний хамгийн том бүтэлгүйтэл нь, Бурханд захирагдаж, Түүнийг шүтэхээр зорихын зэрэгцээ хүн өөрийн хүслэнт хүрэх газрыг бүтээж, хамгийн агуу ерөөл, хамгийн сайн хүрэх газрыг хэрхэн хүлээн авахаа л тооцоолж байдагт оршдог. Хэдийгээр хүмүүс өөрсдийгөө хичнээн өрөвдмөөр, үзэн ядмаар, хөөрхийлөлтэй вэ гэдгээ ойлгосон ч, өөрсдийн туйлын зорилго, итгэл найдвараа амархан орхиж чадах хичнээн хүн байх вэ? Хэн өөрсдийн алхаагаа зогсоож, зөвхөн өөрсдийгөө бодохоо больж чадах вэ? Бурхантай ойр дотно хамтран ажиллаж, Түүний удирдлагыг биелүүлэх хүмүүс Түүнд хэрэгтэй байдаг. Түүнд захирагдахын тулд Түүний удирдлагын төлөвлөгөөнд өөрсдийн бүх бие, сэтгэлээ зориулах хүмүүсийг Тэр шаарддаг; өдөр бүр алгаа тосон Түүнээс юм гуйдаг хүмүүс Түүнд хэрэггүй, тэр ч бүү хэл багыг өгдөг мөртлөө үүнийхээ хариуг авахыг хүлээдэг хүмүүс ч Түүнд хэрэггүй. Өчүүхэн хувь нэмэр оруулчихаад, өөрсдийн амжилтандаа эрддэг хүмүүсийг Бурхан жигшдэг. Түүний удирдлагын төлөвлөгөөнд дургүйцдэг ба тэнгэрт очиж, ерөөл хүртэх талаар л зөвхөн ярихыг хүсдэг хүйтэн цустай хүмүүсийг Тэр үзэн яддаг. Хүн төрөлхтнийг аврахаар Түүний хийж буй ажлаас үүссэн боломжийг ашигладаг хүмүүст Тэр бүр их дургүйцдэг. Учир нь, эдгээр хүмүүс Өөрийн удирдлагын төлөвлөгөөгөөрөө дамжуулан Бурхан юуг биелүүлж, юунд хүрэхийг хүсэж байгаа талаар хэзээ ч анхаардаггүй. Тэд Бурханы ажлаас бий болсон боломжийг хэрхэн ашиглаж ерөөл хүртэх талаар л зөвхөн анхаардаг. Тэд Бурханы зүрх сэтгэлийг үл анзаарч, өөрсдийн ирээдүй болоод хувь заяандаа машид санаа зовдог.

Үг нь махбодоор илэрсэн номын “Хүн зөвхөн Бурханы удирдлага дунд аврагдаж чадна”-аас

15. Хүмүүсийн амьдралын туршлагаас харвал, би гэр бүл, ажил мэргэжлээ Бурханы төлөө хаясан гэтэл Тэр надад юу өгсөн юм бэ? Би үүнийг базаж дүгнээд батлах ёстой—би саяхан ямар нэг ерөөл хүртсэн бил үү? Би энэ хугацаанд маш ихийг өгсөн, би гүйж гүйж, бас их зовлоо—хариуд нь Бурхан надад амлалт өгсөн үү? Тэр миний сайн үйлийг санасан уу? Миний төгсгөл ямар байх бол? Би Бурханы ерөөлийг хүртэж чадах болов уу? ... гэж тэд дотроо үргэлж боддог. Хүн бүхэн зүрх сэтгэлдээ байнга, дандаа ийм тооцоо хийж, өөрсдийн учир шалтгаан, хүсэл эрмэлзэл, тохиролцоо агуулсан шаардлагыг Бурханд тавьдаг. Өөрөөр хэлбэл, хүн зүрх сэтгэлдээ үргэлж Бурханыг туршиж, Бурханы талаар байнга төлөвлөгөө зохиож, өөрийнхөө зорилгын төлөө Бурхантай байнга маргалдаж, мөн Бурхан түүнд хүссэн зүйлийг нь өгч чадах эсэхийг харахын тулд Бурханаас үг авах гэж оролддог. Бурханыг эрэлхийлж байхдаа хүн Бурханд Бурхан гэж ханддаггүй. Тэр үргэлж Бурхантай тохиролцох гэж оролдож, Түүнээс тасралтгүй юм шаардаж, тэр ч байтугай алхам бүртээ Түүнийг шахаж, нэг ямхыг өгөхөд нь нэг бээрийг авах гэж оролддог. Бурхантай тохиролцох гэж оролдохын зэрэгцээ хүн мөн Түүнтэй маргадаг бөгөөд тэр ч байтугай өөрсдөд нь шалгалт тулгарч, эсвэл хэцүү байдалд орсноо мэдвэл ихэнхдээ сул дорой, идэвхгүй болж, ажилдаа назгайрч, Бурханы талаар гомдлоор дүүрдэг тийм хүмүүс ч байдаг. Анх Бурханд итгэж эхлэх үеэсээ хүн Бурханыг элбэг дэлбэгийн бэлгэдэл эвэр, Швейцарийн армийн хутга хэмээн үзэж, Бурханаас ерөөл болон амлалт авах гэж оролдох нь түүний төрөлхийн эрх, үүрэг, харин хүнийг хамгаалж, халамжлан, түүнийг хэрэгтэй зүйлээр хангах нь Бурханы хариуцлага юм шиг, өөрийгөө Бурханы хамгийн агуу зээлдүүлэгч гэж үзчихсэн байдаг. Энэ нь Бурханд итгэдэг бүх хүмүүсийн “Бурханд итгэх итгэлийн” талаарх үндсэн ойлголт бөгөөд Бурханд итгэх итгэлийн ухагдахууны талаарх тэдний гүн гүнзгий ойлголт юм. Хүний уг чанарын мөн чанараас түүний хийсвэр мэрийлт хүртэл Бурханаас эмээхтэй холбоотой юу ч байдаггүй. Хүний Бурханд итгэх зорилго нь Бурханыг шүтэн мөргөхтэй ямар ч хамаагүй байж болзошгүй юм. Өөрөөр хэлбэл, Бурханд итгэх итгэл нь Бурханаас эмээж, Бурханыг шүтэн мөргөхийг шаарддаг гэдгийг хүн хэзээ ч авч үзээгүй, мөн ойлгоогүй. Тийм байдалд хүний мөн чанар илэрхий байдаг. Тэгвэл энэ мөн чанар нь юу вэ? Энэ бол хүний зүрх сэтгэл хорлонтой, тэр нь урвалт, заль мэх өвөрлөдөг, шударга ёс, зөвт байдлыг, эсвэл эерэг зүйлийг хайрладаггүй ба жигшмээр бөгөөд шуналтай юм. Хүний зүрх сэтгэл Бурханд үүнээс илүү хаалттай байж чадахгүй; тэр үүнийг Бурханд огтхон ч өгөөгүй.

Үг нь махбодоор илэрсэн номын үргэлжлэл “Бурханы ажил, Бурханы зан чанар ба Бурхан Өөрөө III”-өөс

16. Хүрэх газрыг дурдах бүрт бид түүнийг тусгайлан нухацтай авч үздэг; та бүгд энэ асуудал дээр онцгой мэдрэмтгий ханддаг билээ. Зарим хүмүүс сайхан газар очихын тулд Бурханд зусардахаа хүлээж ядна. Үгээр илэрхийлэх шаардлагагүй та нарын зүтгэлийг Би таньж байна. Та нар бие махбодоо аюулд, тэр дундаа ирээдүйд удаан үргэлжлэх шийтгэлд унахыг огтхон ч хүсэхгүй байгаа. Та нар илүү их эрх чөлөөтэй, хялбар амьдрахыг л хүсэж байгаа. Тиймээс, хүрэх газрын тухай дурдагдах бүрт та нар сайн анхаарахгүй бол Бурханыг уурлуулж, зохих шийтгэлээ хүлээх вий гэхээс ялангуяа түгшинэ. Хүрэх газрынхаа төлөө та нар буулт хийхээсээ татгалзаагүй бөгөөд та нараас нэгэн цагт мэхэлж, хөнгөмсөг явсан олон хүн гэнэт маш эелдэг, чин үнэнч болсон; та нарын үнэнч сэтгэл нэг л айдас хүргэм. Тэгсэн хэдий ч та бүгдийн сэтгэл чин шударга байж, эхнээсээ авахуулаад дуусталаа сэтгэлийнхээ нууцыг буруутгал, хууралт, сүсэг бишрэл аль нэгнээр нь Надад нээсэн билээ. Ерөнхийдөө, та нар Надад үнэхээр үнэн сэтгэлээсээ хамгийн гүн мухартаа нуусан эдгээр амин чухал зүйлсээ “улайсан”. Мэдээж, эдгээр нь Миний хувьд энгийн зүйл учраас Би ийм зүйлээс хэзээ ч зайлсхийж байгаагүй билээ.

Үг нь махбодоор илэрсэн номын “Хүрэх газрын тухай”-аас

17. Та нар Бурханы зөвшөөрлийг авахын тулд сүүлчийн ширхэг үсээ алдахаасаа илүү эцсийн хүрэх газрынхаа төлөө их гал руу орох байсан биз. Энэ бол Би та нартай хэт ягшмал байгаа хэрэг бус; энэ бол та нарын сүсэг бишрэлийн сэтгэл Миний хийж байгаа бүхэнтэй учрахад огт хангалтгүй байгаа хэрэг юм. Та нар Миний юу хэлж байгааг ойлгохгүй байж магад учраас Би та нарт энгийн жишээ хэлье: Та нарт хэрэгтэй байгаа зүйл үнэн ба амь биш; энэ нь биеэ хэрхэн авч явах зарчим ч биш, тэр дундаа Миний уйгагүй ажил ч биш билээ. Та нарт хэрэгтэй зүйл бол эд баялаг, байр суурь, гэр бүл, гэрлэлт зэрэг та нарын бие махбодоороо эзэмшдэг бүхэн билээ. Та нар Миний үг болон ажлыг хэрэггүй гэж үзэж байна, тиймээс та нарын итгэлийг хайнга гэсэн нэг үгээр дүгнэх байна. Та нар зорьсан зүйлдээ хүрэхийн тулд юуг ч хийдэг, гэхдээ Бурханд итгэх итгэлийн тухайд та нарыг тийм ч тууштай биш болохыг Би олж мэдсэн. Та нар зүгээр л харьцангуй үнэнч бас харьцангуй нухацтай юм билээ. Ийм л учраас Би сэтгэлд нь туйлын үнэнч чанар дутагддаг хүмүүс Бурханд итгэх итгэлдээ амжилтанд хүрдэггүй гээд байгаа юм. Сайн бодоорой—та нарын дунд бүтэлгүйтэл их байна уу?

Үг нь махбодоор илэрсэн номын “Хүрэх газрын тухай”-аас

18. Энэхүү уудам дэлхийд хэн өөрийн биеэр Надад шалгуулсан бэ? Хэн өөрийн биеэр Миний Сүнсний үгийг сонссон бэ? Маш олон хүн харанхуйд хаа сайгүй тэмтчин явж, маш олон хүн гай зовлонгийн дунд залбирч, маш олон хүн өлсөж даарах зуураа горьдлоготойгоор харж, маш олон хүн Сатанд баригддаг ч маш олон хүн хаашаа эргэхээ мэддэггүй, маш олон хүн аз жаргалын дунд Надаас урваж, маш олон хүн талархалгүй байдаг ба маш олон хүн Сатаны зальхай арга мэхэнд үнэнч байдаг. Та нарын дундаас хэн Иов бэ? Хэн Петр вэ? Яагаад Би Иовыг дахин давтан дурдаж байна вэ? Яагаад Би Петрийн тухай олон удаа хэлж байна вэ? Та нарын төлөөх Миний итгэл найдварыг та нар ер нь ухамсарласан уу? Та нар ийм зүйлсийг эргэцүүлэн бодоход илүү их цаг зарцуулах хэрэгтэй.

Үг нь махбодоор илэрсэн номын Бүх орчлон ертөнцөд хандсан Бурханы айлдварууд дэх “Найм дахь айлдвар”-аас

19. Хүн Намайг зовлон шаналал дунд хайдаг ба шалгалтан дунд Намайг бишрэн хардаг. Амар тайван цаг үед тэр Намайг таашаадаг, аюул осолд тэр Намайг үгүйсгэдэг, завгүй байх үедээ тэр Намайг мартдаг ба завтай үедээ тэр Миний төлөө хийсэн дүр үзүүлдэг—гэсэн ч хэзээ ч, хэн ч Намайг бүх насаараа хайрлаж байгаагүй. Хүн Миний өмнө үнэн сэтгэлээсээ байхыг Би хүсдэг: Би түүнээс ямар нэгэн зүйл Надад өгөхийг гуйдаггүй, харин зөвхөн бүх хүмүүс Намайг ноцтойгоор авч үзэж, Намайг төөрөлдүүлэхийн оронд хүний чин сэтгэлийг буцаан авчрах боломжийг Надад олгохыг гуйдаг. Миний гэгээрэл, гэрэлтүүлэлт болон Миний хүчин чармайлтын үнэ цэнэ бүх хүмүүсийн дунд нэвтэрдэг, гэвч хүний үйлдэл болгоны үнэн бодит байдал ч бас бүх хүмүүсийн дунд нэвтэрч, Намайг хуурах тэдний хууралтыг нэвтэрдэг. Энэ нь хүний хууран мэхлэлтийн орц найрлагууд нь эхийн хэвлийд байхаас нь түүнд байсан мэт, тэр төрсөн цагаасаа хойш эдгээр онцгой ов мэхний чадваруудыг эзэмшсэн мэт байдаг. Үүнээс ч илүүтэйгээр тэр хэзээ ч энэ тоглоомд бууж өгөөгүй; эдгээр зальжин ур чадварын эх үүсвэрийг хэн ч, хэзээ ч олж хараагүй. Үүний үр дүнд хүн үүнийг ухааралгүйгээр заль мэхэн дунд амьдардаг ба тэр өөрийгөө уучилдаг юм шиг, Намайг зориуд хуурах хууралт гэхээсээ илүү энэ нь Бурханы зохицуулалт юм шиг байдаг. Энэ нь Намайг мэхлэх хүний заль мэхний жинхэнэ эх үүсвэр нь биш гэж үү? Энэ нь түүний зальт арга ухаан биш гэж үү? Би хүний ов заль болон бялдуучлалд хэзээ ч будилаагүй, учир нь Би олон жилийн өмнө түүний мөн чанарыг ойлгож авсан юм. Түүний цусанд хэр их бохир байдал байдгийг болон түүний чөмгөн дотор Сатаны хор хэр их байгааг хэн мэдэх вэ? Хүн Сатаны шаналгааг мэдрэхээ болих хүртлээ өдөр ирэх тусам үүнд дасдаг, тиймээс “эрүүл оршин тогтнох урлагийг” олж мэдэх ямар ч сонирхолгүй байдаг.

Үг нь махбодоор илэрсэн номын Бүх орчлон ертөнцөд хандсан Бурханы айлдварууд дэх “Хорин нэг дэх айлдвар”-аас

20. Хаанчлалд Би бол Хаан—гэхдээ Надад Хаан шиг хандахын оронд хүн Надтай тэнгэрээс бууж ирсэн Аврагч шиг харьцдаг. Үүний үр дүнд түүнд өргөл барьц өгөхийг тэр Надаас хүсэн хүлээдэг ба Миний талаарх мэдлэгийг эрж хайдаггүй. Маш олон хүмүүс Миний өмнө гуйлгачин шиг хашхиран уйлсан; маш олон хүмүүс өөрсдийн “хүүдийг” Надад нээж тэдэнд амь зуух хоол өгөхийг гуйсан; маш олон хүмүүс, Намайг хурдан идэж гэдсээ дүүргэхийг хүсэж буй өлсгөлөн чонотой адилаар өөрсдийн шунахай харцаа Над дээр тогтоосон; маш олон хүмүүс Миний өрөвч зөөлөн байдлын төлөө залбирч эсвэл Миний гэсгээлтийг дуртайяа хүлээн зөвшөөрч өөрсдийн алдаа зөрчлийн улмаас толгой бөхийн ичсэн. Намайг ярих үед хүний янз бүрийн тэнэг зан учир утгагүй гарч ирдэг ба түүний жинхэнэ дүр төрх гэрлийн дунд илчлэгддэг, тэгээд гялалзсан гэрэлд хүн өөрийгөө уучилж чаддаггүй. Тиймээс тэр Миний өмнө яаран ирж өвдөг сөгдөн өөрийн нүглийг улайдаг. Хүний “шударга зангийн” улмаас Би түүнийг авралын тэргэн дээр дахин нэг удаа татан гаргасан, тиймээс хүн Надад талархаж, Над руу хайрласан харц чулууддаг. Гэсэн ч тэр үнэхээр Надаас орогнол авах дургүй хэвээр байдаг бөгөөд зүрх сэтгэлээ Надад бүрэн дүүрэн өгч байгаагүй. Тэр зүгээр л Надаар бардамнан сайрхдаг ч Намайг үнэхээр хайрладаггүй, учир нь тэр оюун ухаанаа Над руу эргүүлээгүй; түүний бие Миний өмнө байсан ч зүрх сэтгэл нь Миний ард байдаг.

Үг нь махбодоор илэрсэн номын Бүх орчлон ертөнцөд хандсан Бурханы айлдварууд дэх “Хорин хоёр дахь айлдвар”-аас

21. Хүний завгүй цагт Би Өөрийгөө нуудаг ба зав чөлөөтэй цагт нь Өөрийгөө илчилдэг. Хүн төрөлхтөн Намайг бүхнийг мэдэгч бөгөөд бүх гуйлтыг биелүүлдэг Бурхан Өөрөө гэж төсөөлдөг. Тиймээс дийлэнх нь Намайг мэдье гэсэн хүсэлгүйгээр, зөвхөн Бурханы тусламж эрж л Миний өмнө ирдэг. Өвдөж шаналах үедээ хүмүүс Миний тусламжийг шаргуу гуйдаг. Гай зовлон тохиолдсон үед тэд зовлонгоосоо салах замыг бүх чадлаараа сайжруулахын тулд өөрсдийн бэрхшээлийг Надад аминчлан хэлдэг. Гэтэл тав тухтай байхдаа нэг ч хүн Намайг бас л хайрлаж чадаагүй. Амар амгалан, аз жаргалтай байх үедээ өөрсдийн баяр баясгаланг Надтай хуваалцахаар хэн ч хандаагүй. Ойрын гэр бүлийнхэн нь аз жаргалтай, сайн сайхан байх үед хүмүүс Намайг аль хэдийн мартаж, эсвэл тэднийд ороод гэр бүлийнх нь ерөөгдсөн аз жаргалд баярлахыг минь хориглон Миний өөдөөс хаалгаа хаадаг. Хүний санаа хэтэрхий явцуу, Над шиг элэгсэг, өршөөнгүй, хүрч мэдэрч болох Бурханыг ч багтаахааргүй явцуу юм. Хүмүүс баяр баясалтайгаар инээж байх үедээ Намайг хэчнээн удаа эс тоосон билээ; хүмүүсийг төөрөлдөн бүдчиж явахад нь Би хэчнээн удаа тэдний тулдаг таяг болсон билээ; хэчнээн удаа Би өвчинд шаналж байгаа хүний өмнө эмчийн үүрэг гүйцэтгэхэд хүрсэн билээ. Хүн төрөлхтөн хэчнээн харгис юм бэ! Туйлын ухаангүй ба ёс суртахуунгүй. Хүнд байх учиртай мэдрэмжүүд нь хүртэл тэднээс ажиглагдахгүй. Тэдэнд хүний шинж бараг байдаггүй.

Үг нь махбодоор илэрсэн номын Бүх орчлон ертөнцөд хандсан Бурханы айлдварууд дэх “Арван дөрөв дэх айлдвар”-аас

22. Хүн чанаргүй хүмүүс Бурханыг үнэхээр хайрлах чадваргүй. Орчин нөхцөл нь амар тайван, аюулгүй, эсвэл ашигтай байгаа үед тэд Бурханд бүрэн дуулгавартай байдаг боловч хүссэн зүйлээ алдвал эсвэл эцэстээ няцаагдвал тэр даруй бослого гаргадаг. Ердөө нэгхэн шөнийн хооронд тэд инээмсэглэсэн, “сайхан сэтгэлтэй” хүн байснаа муухай царайтай, хэрцгий алуурчин болж, өчигдрийн өглөгийн эзэнтэйгээ ямар ч шалтаг, шалтгаангүйгээр гэнэт мөнхийн дайсан мэт харьцдаг. Хэрвээ эдгээр чөтгөрийг буюу нүд цавчихын төдийд хөнөөж мэдэх чөтгөрүүдийг хөөхгүй бол тэд цаашдын зовлонгийн эх сурвалж болохгүй гэж үү?

Үг нь махбодоор илэрсэн номын “Бурханы ажил ба хүний хэрэгжүүлэлт”-ээс

23. Өнөөдөр хүмүүс махан биеийн зүйлүүдээс салж чаддаггүй; тэд махан биеийн зугаа цэнгэлийг орхиж чаддаггүй, мөн дэлхий ертөнц, мөнгө эсвэл ялзарсан зан чанараа орхиж чаддаггүй. Ихэнх хүмүүс хааш яаш байдлаар эрэлхийлдэг. Үнэндээ тэдний зүрх сэтгэлд Бурхан ерөөсөө ч байдаггүй; үүнээс ч илүүтэйгээр тэд Бурханаас айдаггүй. Тэдний зүрх сэтгэлд Бурхан байхгүй учир тэд Бурханы хийдэг бүхнийг ойлгож чаддаггүй ба Түүний Өөрийнхөө амаар хэлсэн үгэнд бүр ч итгэж чаддаггүй. Энэ хүмүүс хэтэрхий материаллаг; тэд хэтэрхий гүн ялзралд орсон ба үнэнээр дутсан, түүнээс гадна тэд Бурхан бие махбодтой болж чадна гэдэгт итгэдэггүй. Бие махбодтой болсон Бурханд итгэдэггүй хэний ч, өөрөөр хэлбэл, нүдэнд үзэгддэг Бурханы ажил болон үгэнд итгэдэггүй, нүдэнд үзэгддэг Бурханд итгэдэггүй харин оронд нь тэнгэр дэх үл үзэгдэх Бурханыг шүтэн мөргөдөг хэний ч зүрх сэтгэлд Бурхан байдаггүй. Тэд бол дуулгаваргүй агаад Бурханыг эсэргүүцдэг хүмүүс юм. Энэ хүмүүст хүн чанар, эрүүл ухаан дутагддаг, үнэний тухайд бол ярихын ч хэрэггүй. Энэ хүмүүсийн хувьд, харагдаж буй, бодит Бурхан итгэхийн аргагүй мөртлөө үл үзэгдэх, бодит бус Бурхан хамгийн үнэмшилтэй байдаг бөгөөд тэдний зүрх сэтгэлийг хамгийн их баясгадаг. Тэдний эрж хайж буй зүйл нь бодит байдлын үнэн биш, амьдралын жинхэнэ мөн чанар ч биш, тэр ч байтугай, Бурханы санаа зорилго ч биш; харин ч тэд зүгээр л сэтгэлийн хөөрлийг эрэлхийлдэг. Тэднийг хүсэлд нь хүргэж чадах хамгийн хүчтэй зүйл бол эргэлзээгүйгээр тэдний итгэл болон эрэл хайгуул юм. Тэд үнэнийг эрж хайхын төлөө биш, өөрсдийнхөө хүслийг хангахын төлөө л Бурханд итгэдэг. Энэ хүмүүс мууг үйлдэгчид биш гэж үү? Тэд өөрсдөдөө туйлын итгэлтэй байдаг бөгөөд тэнгэр дэх Бурхан “сайн хүмүүс” болох тэднийг устгана гэдэгт итгэдэггүй. Харин ч Бурхан тэдэнд үлдэхийг зөвшөөрөхөөс гадна Бурханы төлөө олон зүйл хийж, “үнэнч” байдлаа харуулсных нь төлөө өгөөмрөөр шагнана гэдэгт тэд итгэдэг. Хэрвээ тэд нүдэнд үзэгдэх Бурханыг эрэлхийлэх байсан бол өөрсдийнх нь хүсэл нуран унамагц Бурханы эсрэг нэн даруй хариу довтолж эсвэл хилэгнэх байлаа. Тэд бол өөрсдийнхөө хүслийг хангахаар зорьдог зэвүүн хүмүүс юм; тэд үнэнийг эрэлхийлж буй шулуун шударга хүмүүс биш. Ийм төрлийн хүмүүс бол Христийг дагадаг, хорон муу хүмүүс гэж нэрлэгддэг хүмүүс юм.

Үг нь махбодоор илэрсэн номын “Бурхан хүн хоёр амралтанд хамт орох болно”-оос

24. Хүмүүс үргэлж дэлхий ертөнцөд анхаарлаа хандуулж, хэтэрхий их итгэл найдвар тавьж, ирээдүйнхээ төлөө хэтэрхий ихийг хүсч, хэмжээ хязгааргүй маш олон шаардлага тавьдаг. Тэд үргэлж өөрсдийнхөө махан биеийн талаар бодож, төлөвлөдөг бөгөөд Бурханд итгэх замыг эрж хайхыг хэзээ ч сонирхдоггүй. Тэдний зүрх сэтгэл Сатанд олзлогдож тэд Бурханыг хүндлэх хүндлэлээ алдсан ба өөрсдийн зүрх сэтгэлээ Сатанд зориулж байгаа. Гэхдээ хүн Бурханаар бүтээгдсэн. Тиймээс хүн гэрчлэлээ алдсан гэдэг нь тэр Бурханы алдрыг алдсан гэсэн үг юм. Хүн төрөлхтнийг байлдан дагуулахын зорилго нь Бурханыг хүндлэх хүний хүндлэлийн алдрыг эргүүлэн авах явдал юм. Үүнийг ингэж хэлж болно: Амийг эрж хайдаггүй хүмүүс олон байдаг; зарим нэг хүмүүс байсан ч гэсэн тэдний тоо гарын арван хуруунд багтана. Хүмүүс өөрсдийнхөө ирээдүйн талаар хамгийн их санаа зовдог бөгөөд аминд ямар ч анхаарал хандуулдаггүй. Зарим хүмүүс Бурханы эсрэг тэрсэлж, эсэргүүцэж, Түүний нүднээс далдуур Түүнийг шүүдэг ба үнэнийг хэрэгжүүлдэггүй. Одоогоор Би энэ хүмүүсийг үл ойшоож, ийм төрлийн тэрслүү хөвгүүдийг зохицуулахаас одоохондоо түдгэлздэг. Ирээдүйд чи харанхуйд амьдарч, мэгшин уйлж, шүдээ хавирах болно.

Үг нь махбодоор илэрсэн номын “Байлдан дагуулах ажлын дотоод үнэн (1)”-ээс

25. Хүн өөрийн бузар муугаас болж Миний алдрыг үзэхэд тохирдоггүй, учир нь олон мянган жилийн турш Би хэзээ ч ил гараагүй, харин нуугдмал байсан; энэ шалтгааны улмаас Миний алдар хэзээ ч хүн төрөлхтний өмнө ил гараагүй, хүн байнга нүгэлт гүн хавцалд живсэн байсан. Би хүн төрөлхтний зөв шударга бус байдлыг өршөөсөн, гэвч хүн төрөлхтөн хэрхэн өөрсдийгөө хадгалж үлдэхээ мэддэггүй, оронд нь нүгэл хилэнцэд өөрсдийгөө үргэлж ил тавьж өгч, гэм нүгэлд өөрсдийг нь гэмтээх боломжийг олгосон. Энэ нь хүний өөрийгөө хайрлах, өөрийгөө хүндлэх сэтгэл дутмагийн шинж биш гэж үү? Хүн төрөлхтний дунд, жинхэнээсээ хайрладаг хүн байна уу? Хүний үнэнч байдал хэдэн унцтай тэнцэх вэ? Тэнд түүний жинхэнэ гэж нэрлэдэг зүйлтэй холилдсон хуурмаг бараа байдаггүй гэж үү? Түүний үнэнч байдал бүхэлдээ холилдсон нухаш биш гэж үү? Миний шаардаж байгаа зүйл бол хүний хуваагдашгүй хайр. Хүн Намайг мэддэггүй ба хэдий тэр Намайг мэдэхээр эрж хайж болох ч тэр хэзээ ч Надад өөрийн чин үнэн сэтгэлийг өгөхгүй.

Үг нь махбодоор илэрсэн номын Бүх орчлон ертөнцөд хандсан Бурханы айлдварууд дэх “Арван ес дэх айлдвар”-аас

26. гэдэг шиг юм. Хүн Намайг “хайрладаг”; Миний төлөөх тэдний хайр төрөлхийн учраас биш харин тэд гэсгээлтээс айдаг учраас тэгдэг. Хүмүүсийн дундаас хэн Намайг хайрладаг төрсөн бэ? Хэн Надад, Би өөрсдийнх нь зүрх сэтгэл мэт хандсан бэ? Иймээс Би үүнийг хүний ертөнцийн зарчмаар дүгнэсэн: Хүмүүсийн дунд Намайг хайрладаг хэн ч үгүй.

Үг нь махбодоор илэрсэн номын Бүх орчлон ертөнцөд хандсан Бурханы айлдварууд дэх “Гучин найм дахь айлдвар”-аас

27. Би хэтрүүлэн яриагүй, тэр ч бүү хэл хүнийг дорд үзээгүй байна. Би хүнийг үүрд мөнхөд хайрлаж чадна, Би бас түүнийг үүрд мөнхөд үзэн ядаж чадна, энэ нь хэзээ ч өөрчлөгдөхгүй, учир нь Надад цөхрөлтгүй зан бий. Гэсэн ч хүнд ийм цөхрөлтгүй зан байдаггүй, тэр үргэлж Над руу халуун, хүйтнээр үлээж байдаг ба Намайг ам нээх үед тэр бага зэргийн анхаарал хандуулж, Намайг амаа хамхин юу ч хэлэхгүй байх үед тэр агуу ертөнцийн давалгаан дунд төөрч алга болдог. Тиймээс Би үүнийг өөр нэг онч мэргэн үгээр товч илэрхийлдэг: Хүмүүст цөхрөлтгүй зан дутагддаг ба тиймээс тэд Миний зүрх сэтгэлийг хангах чадваргүй.

Үг нь махбодоор илэрсэн номын Бүх орчлон ертөнцөд хандсан Бурханы айлдварууд дэх “Дөч дэх айлдвар”-аас

28. Өнөөдөр хүн яагаад өөрийн үүргээ мөрддөггүйг, өөрийнх нь биеийн өндөр хэр агуу болохыг тэр яагаад мэддэггүйг Би мэдэхгүй хэвээр л байна. Энэ нь хэдэн грамм уу эсвэл хэдэн лиан[a] уу гэдгийг ч хүмүүс мэддэггүй. Тиймээс тэд Намайг мэхэлсээр байдаг. Миний бүх ажил талаар болсон мэт, Миний үгс аварга том уулан дахь цуурай мэт байдаг бөгөөд Миний үгс болон айлдваруудын үндсийг хэн ч хэзээ ч ухамсарлаагүй. Иймээс Би гурав дахь онч мэргэн үгийг товч илэрхийлэхдээ үүнийг суурь болгон ашигладаг: Хүмүүс Намайг мэддэггүй, учир нь тэд Намайг хардаггүй.

Үг нь махбодоор илэрсэн номын Бүх орчлон ертөнцөд хандсан Бурханы айлдварууд дэх “Дөчин хоёр дахь айлдвар”-аас

29. Тийм үед тэд гомдоллох ажлаа дахин эхэлсэн учраас хүмүүсийн зүрх сэтгэл дэх Надад хандах үзэн ядалт дахин нэгэнтээ ихэссэнийг Би хардаг. Тэд үргэлж газрыг буруушааж, Тэнгэрийг хараан зүхдэг. Гэсэн ч, өөрсдийгөө хайрлах тэдний хайр асар их учраас тэдний үгнээс Би өөрсдийгөө харааж буй юуг ч олдоггүй. Тиймээс Би хүний амьдралын утга учрыг нэгтгэн дүгнэсэн: Хүмүүс өөрсдийгөө хэтэрхий их хайрладаг болохоор тэдний бүхий л амьдрал зовж шаналсан агаад хий хоосон байдаг, Надад хандах үзэн ядалтынхаа улмаас тэд цаг ямагт өөрсдийнхөө учруулсан сүйрлийг амсдаг.

Үг нь махбодоор илэрсэн номын Бүх орчлон ертөнцөд хандсан Бурханы айлдварууд дэх “Дөчин зургаа дахь айлдвар”-аас

30. Хүмүүс Миний үгнээс болж чанга орилдог ба тэд гуйж гувшихдаа Намайг хуншгүй хэмээн үргэлж гомдоллодог. Тэд бүгдээрээ л хүнийг хайрлах Миний жинхэнэ “хайрыг” хайж буй мэт байдаг—гэвч тэд Миний хайрыг Миний хатуу үгнээс хэрхэн олж чадах билээ? Тэгээд Миний үгнээс болж тэд дандаа л горьдлого нь тасраад дуусдаг. Яадаг гэхээр тэд Миний үгийг уншмагцаа “үхэл” харчихсан мэт айсандаа дагжин чичирдэг. Энэ байдал Намайг гонсойлгодог. Юу гэвэл, үхлийн дунд амьдарч яваа махан биет хүмүүс яагаад дандаа үхлээс айдаг юм бэ? Хүн, үхэл хоёр атаат дайснууд гэж үү дээ? Үхлийн айдас яагаад хүмүүсийг дандаа зовоодог юм бэ? Амьдралынхаа “ер бусын” тохиолдлуудын турш тэд үхлийг багахан л амсана биз дээ? Хүмүүс хэл үгэндээ яагаад Миний талаар үргэлж гомдоллодог вэ? Тэгэхээр Би хүний амьдралд хэрэгтэй дөрөв дэх сургаалыг дүгнэе: Хүмүүс Миний үгийг дагах нь өчүүхэн төдий, тиймээс Намайг дандаа үзэн яддаг.

Үг нь махбодоор илэрсэн номын Бүх орчлон ертөнцөд хандсан Бурханы айлдварууд дэх “Дөчин тав дахь айлдвар”-аас

31. Хүн ердөө бие махбодтой байгаа Намайг мэддэггүй биш; үүнээс ч дор нь тэр махан биед оршдог өөрийгөө хүртэл ойлгож чадаагүй. Энэ бүх хугацаанд хүн төрөлтөн Намайг гадны зочин шиг үзэж, Намайг хуурч хэчнээн олон жил болов? Хэчнээн олон удаа тэд Намайг гэртээ оруулалгүй хаалгаа хаав? Хэчнээн удаа Миний өмнө зогсохдоо тэд Надад ямар ч анхаарал хандуулсангүй вэ? Хэчнээн удаа тэд бусад хүний дунд Надаас татгалзлаа? Хэчнээн удаа тэд Намайг диаволын өмнө үгүйсгэв? Мөн хэчнээн удаа тэд өөрсдийн хэрүүлч амаар Над руу дайрсан билээ? Гэсэн ч Би хүний сул талуудыг бүртгэж тооцоо хөтөлдөг ч үгүй, түүний дуулгаваргүй байдлын улмаас шүдний оронд шүд өг гэж Би шаарддаг ч үгүй. Миний хийсэн бүхэн бол түүний эдгэшгүй өвчнийг эдгээхийн тулд өвчинд нь эм хэрэглэх, тэгснээрээ түүнийг эрүүл саруул болгох бөгөөд ингэвэл тэр эцэстээ Намайг мэдэж авч магадгүй юм.

Үг нь махбодоор илэрсэн номын Бүх орчлон ертөнцөд хандсан Бурханы айлдварууд дэх “Арван хоёр дахь айлдвар”-аас

32. Өнөө үед хүмүүс хэзээ ч Намайг эрхэмлээгүй, тэдний зүрх сэтгэлд Би зай эзэлдэггүй. Тэд ирж буй зовлонгийн өдрүүдэд Намайг гэсэн жинхэнэ хайрыг харуулж чадах уу? Хүний зөв шударга ямар ч хэлбэр дүрсгүй зүйл буюу харж эсвэл хүрч болохгүй зүйл хэвээр үлдсэн. Миний хүсдэг зүйл бол хүний зүрх сэтгэл, учир нь хүний бие дотроос зүрх хамгийн эрхэм нандин нь билээ. Миний үйл хэргийг хүний зүрх сэтгэлээр хариулахад тохирохгүй юу? Яагаад хүмүүс Надад зүрх сэтгэлээ өгдөггүй юм бэ? Яагаад тэд үргэлж тэдгээрийгээ цээжиндээ тэвэрч, тэдгээрийг тавьж явуулах дургүй байдаг юм бэ? Хүний зүрх сэтгэл бүхий л хүмүүсийн амьдрал дахь амар тайван, аз жаргалыг баталгаажуулж чадах уу? Намайг хүмүүсээс юм гуйх үед тэд яагаад үргэлж газраас атга шороо шүүрч аваад Над руу шиддэг юм бэ? Энэ нь хүний зальжин арга мэх үү?

Үг нь махбодоор илэрсэн номын Бүх орчлон ертөнцөд хандсан Бурханы айлдварууд дэх “Гучин зургаа дахь айлдвар”-аас

33. Олон удаа Би Өөрийн Сүнсээр хүмүүсийг дуудсан, гэвч хүн, Би түүнийг өөр ертөнц рүү хөтлөх болно гэсэн их айдастайгаар Намайг холоос ажиглаж, Надаар хутгалуулсан мэт аашилдаг. Олон удаа Би хүний сүнсийг шинжилж шалгасан, гэвч тэр үнэхээр хайхрамжгүй хэвээр үлдэж, Намайг түүний гэрт нь ороод бүх эд зүйлийг нь хураан авах боломжийг ашиглахаас ихэд айж байдаг. Тиймээс, тэр Намайг хүйтнээс өөр юу ч үгүй гадаа үлдээж, хаалгаа бүрэн хаасан. Олон удаа хүн унаж Би түүнийг аварсан, гэвч сэрснийхээ дараа тэр нэн даруй Намайг орхидог бөгөөд Миний хайрыг үл тоомсорлон, Над руу биеэ барьсан харц чулууддаг; хэзээ ч Би хүний зүрх сэтгэлийг дулаацуулж байгаагүй. Хүн бол сэтгэл хөдлөлгүй, хүйтэн цуст амьтан. Хэдийгээр Миний тэврэлтэнд дулаацдаг ч тэр хэзээ ч үүнд сэтгэл нь хөдөлж байгаагүй. Хүн яг л уулын зэрлэг хүн шиг. Би хүн төрөлхтнийг энхрийлэн хайрладгийг тэр хэзээ ч үнэлдэггүй. Тэр Надад ойртож ирэхийг хүсдэггүй, харин зэрлэг араатны аюулыг тэсвэрлэн уулсын дунд оршихыг илүүд үздэг—гэхдээ тэр одоо ч Миний дотор хоргодохыг хүсдэггүй

Үг нь махбодоор илэрсэн номын Бүх орчлон ертөнцөд хандсан Бурханы айлдварууд дэх “Хорь дахь айлдвар”-аас

34. Та нарын зүрх сэтгэл дотор байгаа хуурмаг занг Би гүнээ ойлгодог; та нарын ихэнх нь Намайг сониуч зангаасаа болж дагадаг бөгөөд хоосон байдлынхаа улмаас Намайг эрж хайхаар ирсэн. Амар амгалан, аз жаргалтай амьдралын төлөөх та нарын гурав дахь хүсэл сүйрэх үед та нарын сониуч зан мөн сарнидаг. Та бүхний зүрх сэтгэлд оршиж байгаа хуурмаг зан та нарын үг болон үйл хэргээр дамжуулан илчлэгддэг. Шулуухан хэлэхэд, та нар зүгээр л Миний талаар сонирхдог ба айдаггүй; та нар хэл яриагаа тоодоггүй ба өөрсдийн зан байдлаа бүр ч бага хазаарладаг. Тэгвэл та нарын итгэл үнэндээ ямар вэ? Энэ нь жинхэнэ үү? Та нар өөрсдийн санаа зовнилоо сарниулж, уйтгар гунигаа нимгэлж, өөрсдийн амьдрал дахь үлдсэн хоосон зайгаа дүүргэхийн тулд л Миний үгийг ашигладаг. Та нарын дундаас хэн тэдгээрийг хэрэгжүүлсэн бэ? Хэнд жинхэнэ итгэл байгаа вэ? Та нар Бурхан бол хүмүүсийн зүрх сэтгэлийн гүн рүү хардаг Бурхан гэж хашхирсаар байдаг боловч та нарын зүрх сэтгэлдээ дууддаг Бурхан яаж Надтай зохицож чадах юм бэ? Нэгэнт та нар ингэж хашхирдаг юм чинь яагаад тийм байдлаар үйлддэггүй юм бэ? Та нар Миний ачийг энэ хайраар хариулахыг хүсэж байгаа юм уу? Та нарын уруул дээр багагүй хэмжээний зориулалт байдаг боловч та нарын тахил, та нарын сайн үйл хаана байна вэ? Та нарын үгс Миний чихэнд хүрээгүй байсан бол Би та нарыг хэрхэн ийм их үзэн ядах юм бэ?

Үг нь махбодоор илэрсэн номын “Хөгшин залуу хүмүүст хэлэх үг”-ээс

35. Та нарын итгэл маш сайхан; та нар өөрийнхөө амьдралыг Миний ажилд зориулж, үүний төлөө ямар нэг зүйлийг, бүх зүйлийг хийхэд бэлэн гэж хэлдэг боловч та нарын зан чанар тийм ч их өөрчлөгдөөгүй. Зөвхөн бардам үгс л байсан бөгөөд та нарын бодит үйлдэл тун өөдгүй. Хүний ам болон уруул тэнгэрт байдаг боловч хөл нь хаа хол газар дээр байгаа мэт санагддаг, иймээс түүний үг, үйл хэрэг болон нэр төр нь аймаар нөхцөл байдалд байсаар байдаг. Та нарын нэр төр сүйрсэн, та нарын намба төрх доройтож байгаа, та нарын ярьж байгаа байдал дорд, амьдрал чинь жигшүүртэй, тэр ч бүү хэл та нарын хүн чанар чинь дорд. Та нар хүмүүст явцуу бодлоор ханддаг бөгөөд бүхий л жижиг сажиг зүйл дээр маргалддаг. Та нар өөрсдийн нэр төр, байр сууриас болж там руу, галан нуур луу унахад бэлэн байх хэмжээнд хүртлээ хэрэлддэг. Та нарын одоогийн үг болон үйл хэрэг Би та нарыг нүгэлтэй гэж тодорхойлоход хангалттай. Миний ажилд хандах та нарын хандлага Миний хувьд та нарыг зөвт бус гэж тодорхойлоход хангалттай бөгөөд зан чанар чинь та нарыг жигшил зэвүүцлээр дүүрэн бузар сүнснүүд гэж хэлэхэд хангалттай. Та нарын илрэл болон илчилдэг зүйл чинь та нарыг бузар сүнсний цусыг хангалттай уусан хүмүүс гэж хэлэхэд хангалттай байдаг.

Үг нь махбодоор илэрсэн номын “Та нарын зан араншин маш дорд!”-оос

36. Би та нарын дунд байж, та нартай хамт хэд хэдэн хавар, намрын турш хамтран ажилласан, Би та нарын дунд удаан хугацаанд амьдарч, та нартай хамт амьдарсан—та нарын жигшүүртэй зан авирын хэр их нь яг Миний нүдний өмнүүр бултсан бэ? Та нарын үнэн сэтгэлийн үгс Миний чихэнд тасралтгүй цуурайтаж байгаа; та нарын сая сая хүсэл эрмэлзэл Миний тахилын ширээн дээр тавигдсан—тэдгээрийг бүр тоолохын ч аргагүй. Гэсэн ч та нарын зориулалт болон та нар юу зарцуулсан тухайд гэвэл өчүүхэн төдий ч байдаггүй. Миний тахилын ширээн дээр та нарын чин сэтгэлийн жаахан дусал ч байдаггүй. Та нарын Надад итгэх итгэлийн үр жимс хаана байна вэ? Та нар Надаас эцэс төгсгөлгүй нигүүлсэл хүлээн авсан бөгөөд та нар тэнгэрийн эцэс төгсгөлгүй нууцуудыг харсан, тэр ч байтугай Би та нарт тэнгэрийн гал дөлийг харуулсан боловч та нарыг шатаах зүрх сэтгэл Надад байгаагүй, гэтэл хариуд нь та нар Надад хэр ихийг өгсөн бэ? Та нар Надад хэр ихийг өгөхөд бэлэн байна вэ? Миний чамд өгсөн хоолыг бариад чи эргэж үүнийгээ Надад өргөдөг, тэр ч бүү хэл шаргуу ажлынхаа хөлсний хариуд чиний олсон зүйл энэ бөгөөд чи өөрийгөө бүхэлд нь Надад өгч байна гэж хэлдэг. Чиний Надад өгч буй “хувь нэмэр” чинь бүгд Миний тахилын ширээнээс хулгайлагдсан зүйл гэдгийг чи яаж мэдэхгүй байх юм бэ? Тэгээд одоо чи түүнийг Надад өргөн барьж байгаа—чи Намайг мэхлэхгүй байна гэж үү? Миний өнөөдөр эдэлж буй зүйл бол Миний тахилын ширээн дээрх бүх тахил бөгөөд шаргуу ажлынхаа хариуд чиний олж, Надад өргөсөн зүйл биш гэдгийг чи яаж мэдэхгүй байх юм бэ? Та нар үнэндээ ийм байдлаар Намайг хуурч зүрхэлдэг, иймээс Би яаж та нарыг өршөөж чадах юм бэ? Би үүнийг цаашид яаж тэвчиж чадах юм бэ?

Үг нь махбодоор илэрсэн номын “Та нарын зан араншин маш дорд!”-оос

37. Би орчлон ертөнцийн дээр өдөр өнжилгүй ажиглан зогсдог ба хүний үйл хэрэг бүрийг сайтар судалж, хүний амьдралыг туулахын тулд Өөрийн амьдран суудаг газартаа даруухнаар нуугддаг. Хэн ч, хэзээ ч Надад өөрийгөө үнэхээр өгөөгүй. Хэн ч хэзээ ч үнэнийг эрж хайгаагүй. Нэг ч хүн Миний төлөө ухамсартай байсангүй. Хэн ч Миний өмнө шийдвэр гаргаж, үүргээ биелүүлсэнгүй. Хэн ч Намайг дотроо оршихыг зөвшөөрч байсангүй. Хэн ч Намайг өөрийнхөө амийг үнэлдэг шигээ үнэлж байсангүй. Хэн ч Миний бурханлаг чанарын бүхий л оршихуйг бодит байдалд харсангүй. Хэн ч практик Бурхантай Өөртэй нь холбоотой байхыг хүссэнгүй.

Үг нь махбодоор илэрсэн номын Бүх орчлон ертөнцөд хандсан Бурханы айлдварууд дэх “Арван дөрөв дэх айлдвар”-аас

38. Би тоо томшгүй олон үгийг хэлсэн, мөн дээр нь маш олон тооны ажлыг хийсэн. Өдөр бүр Би хүн бүрийг байгалиас заяасан угийн чанарын дагуу хийх ёстой зүйлээ хийж, хэрхэн хөгжиж байгааг харж байдаг. Өөрсдөө ч мэдэлгүйгээр олон хүмүүс “зөв замдаа” явж байдаг бөгөөд Би үүнийг төрөл бүрийн хүний илчлэлтэнд зориулан тогтоосон. Би төрөл бүрийн хүнийг өөр өөр орчинд хэдийн байрлуулсан ба тэд өөрсдийн байрандаа дотроо байгаа шинж чанаруудаа илэрхийлж байдаг. Тэнд тэднийг холбох хэн ч байхгүй ба тэднийг уруу татах хэн ч байхгүй. Тэд бүрэн байдалдаа чөлөөтэй,тэдний илэрхийлэл нь ч жам ёсоороо явагддаг. Тэднийг суллагдуулахгүй ганц зүйл нь Миний үгс юм. Иймд зарим хүмүүс Миний үгсийг дуртай дургүй, зөвхөн үхлээр төгсөхгүйн тулд унших боловч Миний үгсийг бодит байдал дээр хэзээ ч хэрэглэдэггүй. Нөгөө талаас зарим хүмүүст өдрийг Миний үггүйгээр, зааварчилгаа дэмжлэггүйгээр өнгөрүүлэх нь хэцүү байдаг тул тэд Миний үгсийг үргэлж барьж явдаг. Цаг хугацаа өнгөрөх тусам тэд хүний амьдралын нууцыг нээж, хүн төрөлхтний хүрэх газрыг мэдэн, хүн байхын үнэ цэнийг олдог. Хүн төрөлхтөн Миний үгний хажууд үүнээс хэтрэхгүй ба Би зүгээр л юмсыг өөрсдийнх нь жамаар явуулдаг. Би хүнийг Миний үгсийг өөрсдийн оршихуйн үндэс болгон хэрэглэж амьдар гэж хүчлэх зүйл хийдэггүй.

Үг нь махбодоор илэрсэн номын “Та нар өөрсдийн үйл хэргийг анхаарах хэрэгтэй”-ээс

39. Хүн төрөлхтөн Намайг мэддэггүй, ийм учраас, өөрийн амийг Надад өгч солилцоо хийхийн оронд, түүний хийдэг бүхэн нь Надад сэтгэл ханамж өгөхийг хичээн, гартаа хог новш барин Миний урдуур алхах явдал. Гэвч, тэдгээр зүйлсэд сэтгэл ханахын оронд Би хүн төрөлхтөнд үргэлжлүүлэн шаардлага тавьсаар байдаг. Би хүний хувь нэмрийг хайрладаг боловч түүний шаардлагыг үзэн яддаг. Бүх хүн шуналаар дүүрсэн зүрх сэтгэлтэй; яг л зүрх сэтгэл нь чөтгөрт олзлогдсон мэт, тэр зүрх сэтгэлээ чөлөөлж Надад өргөн барьж чаддаггүй. Намайг ярих үед, хүн Миний дуу хоолойд ихэд төвлөрч анхааран сонсдог; гэвч Намайг ярихаа болиход, Миний үгс түүний “ажил хэргийн” хавсралт байсан мэт Миний үгсийг огт анхаарахаа больж өөрийн “ажил хэргээ” эхлүүлдэг. Би хүн төрөлхтөнд хэзээ ч хайнга хандаж байгаагүй, харин ч Би урт удаан хугацаанд зовж шаналан, уужим сэтгэлээр хүн төрөлхтөнд хандаж байгаа. Иймдээ ч Миний зөөлөн чанараас болоод хүн төрөлхтөн цөм өөртөө хэт бардаж, өөрийгөө танин мэдэж, өөрийгөө эргэцүүлэх чадваргүй болсон бөгөөд Миний хүлцэнгүй байдлыг ашиглан Намайг хуурч мэхэлдэг. Тэдний дундаас нэг нь ч Намайг чин сэтгэлээсээ анхаардаггүй, мөн хэн нь ч Намайг зүрх сэтгэлдээ эрхэмлэн нандигнадаггүй; зөвхөн завтай үедээ л тэд Надад хааш яаш анхаарал хандуулдаг.

Үг нь махбодоор илэрсэн номын Бүх орчлон ертөнцөд хандсан Бурханы айлдварууд дэх “Арван ес дэх айлдвар”-аас

40. Тиймээс хүмүүс Бурханы үгийг хэрэгжүүлж чаддаггүй—тэд үнэнийг мэддэг боловч амьдралд хэрэгжүүлдэггүй өрөвдмөөр өөдгүй амьтад болсон. Тиймээс хүний энэхүү алдаа нь дангаараа урт удаан хугацаанд Бурханы зэвүүцлийг төрүүлэхэд хангалттай байдаг, иймээс Тэр хүмүүс Түүний үгэнд ямар ч анхаарал хандуулдаггүй гэдгийг олон удаа хэлсэн билээ. Гэсэн хэдий ч өөрсдийн үзэлдээ хүмүүс дараах зүйлийг боддог: “Бид өдөр бүр Бурханы үгийг судалж, шинжилдэг байтал биднийг тэдгээрт анхаарал хандуулдаггүй гэж яагаад хэлдэг юм бэ? Энэ нь бидэнд шударга бус хандаж байгаа хэрэг биш гэж үү?” Гэхдээ Би чамд бага зэрэг задлаж өгье—хүмүүсийн царай улайх болно. Бурханы үгийг унших үедээ тэд бээжин хав эзнийхээ үгэнд шүлсээ гоожуулж байгаатай адилаар толгой дохиж, мэхийн ёсолдог. Тиймээс энэ мөчид хүмүүст тохирохгүй мэт санагдаж, нүүрийг нь даган нулимс урсдаг ба тэд гэмшиж, шинээр эхлэхийг хүсэж байгаа мэт байдаг—гэхдээ нэгэнт энэ цаг өнгөрчихвөл тэдний хонь шиг байдал даруй алга болж, чонынх шиг байдлаар солигдон, Бурханы үгийг нэг тийш тавиад тэд өөрсдийнх нь хувийн хэрэг явдал эн тэргүүнд байж, Бурханы хэрэг явдал хамгийн сүүлд орно гэж итгэдэг бөгөөд өөрсдийн эдгээр үйлдлийнхээ улмаас тэд Бурханы үгийг үйл хэрэг болгож хэзээ ч чаддаггүй. Баримтууд гарч ирэх үед тэд тохойгоо гадагш сунгадаг[a]—энэ нь өөрсдийнхөө хүмүүсээс урвах явдал бөгөөд—“хоол тэжээлийнхээ төлөө Надад найдангаа ‘тэр өөр тийшээ гүйдэг’” гэж Бурхан хэлдэгт гайхах юмгүй. Бурханы үгэнд өчүүхэн төдий ч худал хуурмаг байдаггүй, тэдгээр нь бүхэлдээ үнэн бөгөөд өчүүхэн төдий ч хэтрүүлэг агуулдаггүй гэдгийг зөвхөн үүнээс харж болох ч тэдгээрийг тодорхой хэмжээгээр багаар үнэлсэн юм шиг санагддаг, учир нь хүний сүнсний өндөр хэтэрхий жаахан, тэр хүлээн зөвшөөрөх чадваргүй.

Үг нь махбодоор илэрсэн номын “Гучин зургаа дахь айлдварын тайлбар”-аас

42. Олон хүн Бурханы үгсийг барьж өдөр бүр уншдаг, тэнд байгаа бүх сонгодог ишлэлүүдийг өөрсдийн хамгийн эрхэм эзэмшил шиг анхааралтай цээжлэх хүртлээ уншдаг бөгөөд цаашлаад Бурханы үгийг хаа сайгүй номлож, Түүний үгийн тусламжтайгаар бусдыг хангаж туслаж байдаг. Үүнийг хийх нь Бурханыг гэрчлэхийн төлөө, Түүнийг үгийг гэрчлэхийн төлөө бөгөөд үүнийг хийх нь Бурханы үгийг дагахын төлөө гэж тэд боддог; үүнийг хийх нь Бурханы үгээр амьдрахын төлөө, үүнийг хийх нь Түүний үгийг өөрсдийн бодит амьдралдаа авчрахын төлөө бөгөөд үүнийг хийх нь Бурханы сайшаалыг хүлээн авч, аврагдаж, төгс болгуулах боломжийг олгох болно гэж тэд боддог. Гэвч, тэд Бурханы үгсийг номлодог ч, хэзээ ч Бурханы үгээр хэрэгжүүлдэггүй эсвэл Бурханы үгэнд илчлэгдсэн зүйлтэй өөрсдийгөө нийцүүлэхээр хичээдэггүй. Үүний оронд тэд өөрсдийн удирдлагад орохын тулд мөн Бурханы алдрыг завшин, хулгайлахын тулд хууран мэхэлснээр бусдын бишрэл хүндэтгэл, итгэлийг олж авахын төлөө Бурханы үгийг ашигладаг. Тэд Бурханы ажил болон сайшаалыг хүртэхийн тулд Бурханы үгийг тарааж олдсон боломжийг ашиглахаар хий дэмий найддаг.…

Бурханы үгсийн өнгөц мэдлэгт автан, тэдний итгэл өсөж, зовлонг туулах тэдний шийдэмгий байдал батжиж, Бурханы талаарх тэдний мэдлэг гүнзгийрсэн мэт харагддаг. Тэд Бурханы үгийг үнэхээр мэдрэхээс нааш Бурханы талаарх тэдний бүх мэдлэг болон Түүний талаарх тэдний үзэл санаа нь өөрсдийнх нь хүссэн төсөөлөл, таамаглалаас гарч ирдэг гэдгийг тэд хэрхэн мэдэх билээ. Тэдний итгэл Бурханаас ирсэн ямар ч шалгалтанд тэсэхгүй, тэдний сүнслэг байдал болон биеийн хэмжээ гэж нэрлэдэг зүйл нь зүгээр л Бурханы шалгалт эсвэл үзлэгийг даахгүй, тэдний шийдвэр нь элсэн дээр баригдсан цайзтай адил бөгөөд тэдний хэлдэг Бурханы талаарх мэдлэг нь өөрсдийн санаанаасаа зохиосон төсөөллөөс өөрцгүй.

Үг нь махбодоор илэрсэн номын үргэлжлэл “Удиртгал”-аас

43. Үнэндээ, эдгээр хүмүүс, Бурханы үгэнд их хэмжээний хүчин чармайлт гаргадаг ч, жинхэнэ итгэл юу вэ, жинхэнэ хүлцэнгүй байдал гэж юу вэ, жинхэнэ анхаарал халамж гэж юу вэ, Бурханы талаарх жинхэнэ мэдлэг юу вэ гэдгийг хэзээ ч ухаарч байгаагүй байдаг. Тэд онол, төсөөлөл, мэдлэг, авьяас билэг, уламжлал, мухар сүсэг, хүн төрөлхтний ёс суртахууны үнэт зүйлсийг хүртэл аваад тэдгээрийг Бурханд итгэх болон Түүнийг эрж хайх “хөрөнгө оруулалтын капитал” болон “цэргийн зэр зэвсэг” болгон, тэр ч байтугай тэдгээрийг Бурханд итгэх өөрсдийн итгэл болон Түүнийг гэсэн өөрсдийн эрэл хайгуулын үндэс суурь болгодог. Үүний зэрэгцээ, тэд мөн энэ капитал болон байлдааны зэвсгийг авч, тэдгээрийг Бурханыг мэдэж, Бурханы хяналт, шалгалт, гэсгээлт, шүүлтэнд тэнцэж, тэмцэх шидэт сахиус болгодог. Эцэст нь, тэдний цуглуулсан зүйлс нь шашны нэмэлт утга, феодалын мухар сүсэг, романтик, дэмий, учир битүүлэг бүхэн шингэсэн Бурханы талаарх дүгнэлтээс өөрцгүй зүйлсээс бүрддэг бөгөөд Бурханыг мэдэж, тодорхойлох тэдний арга зам нь зөвхөн Дээд Тэнгэр эсвэл Тэнгэр эцэгт итгэдэг хүмүүсийнхтэй адилхан хэвд цутгагдсан байдаг байхад Бурханы бодитой байдал, Түүний мөн чанар, Түүний зан чанар, Түүний эзэмшил болон оршихуй гэх зэрэг бодитой Бурхантай хамаатай юм бүхэн нь тэдний ухаарч ойлгож чадаагүй зүйлс бөгөөд энэ нь бүрмөсөн хамааралгүй бүр хоёр өөр туйл шиг байдаг. Ийм байдлаар, хэдий тэд Бурханы үгийн хангамж, шим тэжээл дор амьдардаг ч гэсэн тэд Бурханаас эмээж муугаас зайлах замаар алхаж үнэхээр чаддаггүй. Үүний жинхэнэ шалтгаан нь тэд хэзээ ч Бурхантай танил болоогүй мөн тэд хэзээ ч Түүнтэй жинхэнээсээ холбогдож эсвэл харилцаж байгаагүй иймээс тэдний хувьд Бурхантай харилцан ойлголцолд хүрч, өөрсөд дотроо Бурханд итгэх жинхэнэ итгэл, эрэл хайгуул эсвэл шүтлэгийг сэрээх нь боломжгүй юм. Тэдний Бурханы үгэнд ба Бурханд хандах энэ үзэл болон хандлага нь тэднийг өөрсдийн хичээл зүтгэлээсээ гар хоосон буцахад хүргэсэн бөгөөд Бурханаас эмээж, муугаас зайлах замаар үүрд мөнхөд алхаж чадахааргүй болоход тэднийг хүргэсэн. Тэдний зорьж байгаа зорилго болон тэдний явж байгаа чиглэл нь тэд бол мөнхөд Бурханы дайсан юм гэдгийг илэрхийлж байгаа ба тэд үүрд мөнхөд авралыг хүртэж чадахгүй байх болно.

Үг нь махбодоор илэрсэн номын үргэлжлэл “Удиртгал”-аас

44. Иймд тэдгээр жудаггүй, оршин амьдрахын үнэ цэнэгүй хүмүүс юмс үзэгдлийг чимээгүй ажиглаж байгаад Миний үгсийг зоригтойгоор орхиж өөрсдийн хүссэнээр хийдэг. Тэд үнэн болон Надаас гарах бүх юмнаас залхаж эхэлдэг. Түүнчлэн Миний гэрт байхаас залхдаг. Эдгээр хүмүүс үйлчилгээ хийж байсан ч Миний гэрт хүрэх газрынхаа өмнө зөвхөн шийтгэлээс зугтахын тулд түр байрладаг. Гэвч тэдний бодол болон үйлдэл нь хэзээ ч өөрчлөгддөггүй. Энэ нь тэдний адислалын тухай, хаант улсад нэг ороод тэнд үүр үлдэх тухай болон бүр мөнхийн диваажингийн тухай хүслийг бадраадаг. Тэд Миний өдрийг хурдан ирээсэй гэж хүсэх тусам үнэн тэдний зам дахь саад, тээг болж байгааг илүү мэдэрдэг. Тэд хаант улс руу алхан орж үнэнийг хайж эсвэл шүүлт, гэсгээлтийг хүлээн авалгүйгээр, хамгийн гол нь Миний гэрт ирж Миний хэлсэн зүйлийг дуулгавартай хийлгүйгээр тэнгэрийн хаант улсын адислалыг үүрд хүртэхийг тэсэн ядан хүлээж байдаг. Эдгээр хүмүүс Миний гэрт үнэнийг хайж байгаа зүрхээ баярлуулах эсвэл Миний эзэгнэлттэй хамт ажиллах гэж ирдэггүй. Тэд зүгээр л дараагийн үед устгагдахгүй байх хүмүүсийн нэг болохыг зорьдог. Иймд тэдний зүрх нь үнэн гэж юу байдгийг хэзээ ч мэдээгүй байдаг ба үнэнийг яаж хүлээж авахыг мэддэггүй. Ийм учраас тийм хүмүүс үнэнийг хэзээ ч хэрэгжүүлээгүй эсвэл өөрсдийн ялзралын асар гүнийг мэдрээгүй байдаг боловч Миний гэрт үүрд “үйлчлэгчээр” суурьшсан байдаг. Тэд Миний өдрийг ирэхийг “тэвчээртэйгээр” хүлээж, Миний ажлын арга барилд цуцахаа мэдэхгүй ийш тийш шидэгдэж байдаг. Тэд хичнээн ч хүчин чармайлт гаргасан, ямар ч үнэ төлсөн тэднийг хэн ч үнэний төлөө зовсон эсвэл Надад золиослогдсон гэж харахгүй. Зүрхэндээ тэд Намайг хуучин эринийг төгсгөл болгохыг хүлээж эс чадна, цаашлаад Миний хүч чадал, эрх мэдэл хэр агуу болохыг мэдэхийг маш их хүсдэг. Гэсэн атал тэд өөрсдийгөө өөрчилж, үнэнийг хайхад хэзээ ч яардаггүй. Тэд Миний залхсан зүйлд дуртай ба Миний дуртай зүйлээс залхдаг. Тэд Миний үзэн яддаг зүйлийг хүсдэг ба үүнийг нь Би устгахвий гэхээс маш их айдаг. Тэд энэ нүгэлт ертөнцөд амьдардаг бөгөөд түүнийгээ хэзээ ч үзэн ядаж байгаагүй тул Намайг түүнийг нь устгах вий гэхээс ихэд айдаг. Тэдний бодлууд нь зөрчилддөг: Тэдэнд Миний татгалзсан энэ ертөнц таалагддаг боловч мөн үүний зэрэгцээ тэд Намайг удахгүй энэ ертөнцийг устгахыг хүсдэг. Ингэснээр тэд сөнөөлтийн зовлонгоос ангижирч, дараагийн эринд үнэнээс хазайхаасаа өмнө эзэд болон хувирах юм. Учир нь тэд үнэнээс залхсан ба Надаас ирдэг бүх зүйлээс залхсан. Магадгүй тэд богино хугацаанд адислалаа алдахгүйн тулд “дуулгавартай хүмүүс” болж болох ч тэдний адислалд санаа зовдог сэтгэхүй болон галан нууранд унахаас айх айдсыг нуух боломжгүй юм. Миний өдөр ойртоход тэдний хүсэл улам хүчтэй болсоор байдаг. Уг сүйрэл агуу байх тусам тэднийг тулгамдуу болгох ба тэд Намайг баярлуулж, удаан хүлээсэн адислалаа алдахаас зайлсхийхийн тулд юунаас эхлэхээ мэдэхгүй болдог, Миний гар ажлаа хийж эхлэнгүүт эдгээр хүмүүс хошуучлагч болохыг хүсэж байдаг. Тэд Намайг өөрсдийг нь харахгүй байх гэдгээс айдаг тул цэргийн шугамын түрүүнд гарахыг л боддог. Тэд өөрсдийнхөө зөв гэж бодсон зүйлийг хэлж, хийдэг ба тэдний үйл болон үйлдлүүд нь үнэнтэй ямар ч холбоогүй болохыг мэддэггүй тул зөвхөн Миний төлөвлөгөөг тасалдуулж, саад болдог. Тэд маш их чармайлт гаргасан бөгөөд хүнд бэрхийг давах бодол, хүсэлдээ үнэнч байж болох ч тэдний хийсэн бүх зүйл Надад хамаагүй юм. Учир нь Би тэдний зөв бодлоор хийсэн үйлийг хараагүй, Миний тахилын ширээн дээр юм тавихыг нь бол бүр ч хараагүй. Энэ олон жилийн турш тэдний Миний өмнө хийсэн үйл нь энэ юм.

Үг нь махбодоор илэрсэн номын “Та нар өөрсдийн үйл хэргийг анхаарах хэрэгтэй”-ээс

45. Миний өмнө үйлдсэн та нарын олон жилийн үйлдэл нь Надад Өмнө нь хүлээн авч байгаагүй тийм хариултыг өгсөн. Энэ хариултын асуулт нь: “Үнэн болоод үнэн Бурханы өмнөх хүний хандлага нь юу вэ?” Хүнд зарцуулсан Миний чармайлт нь Миний хүнийг хайрлах мөн чанарыг баталсан бол Миний өмнө хүний хийсэн үйлдэл болон үйл нь хүний үнэнийг үзэн ядах болон Намайг эсэргүүцэх мөн чанарыг бас баталсан. Бүх л хугацааны туршид Би Намайг дагагсдад анхаарлаа хандуулсаар ирсэн боловч Намайг дагагсдын хэн нь ч энэ хугацаанд Миний үгийг хүлээж авах чадваргүй байсан. Тэдэнд Миний ямар ч зөвлөгөөг хүлээн авах чадвар байхгүй. Энэ л Намайг бүхнээс илүү гунигтай болгодог. Миний хандлага чин сэтгэлийнх, Миний үгс зөөлөн байсан боловч хэн ч хэзээ ч Намайг ойлгох чадваргүй, хэн ч Намайг хүлээн зөвшөөрөх чадваргүй байсан. Бүгд Миний даалгасан ажлыг өөрсдийн анхны зорилгын дагуу хийж байсан. Тэд Миний бодлыг хайгаагүй ба Миний хүсэлтийг бол бүр ч асуугаагүй. Тэд Миний эсрэг тэмцсээр байгаа хэрнээ Надад үнэнчээр зүтгэдэг гэж хэлсээр байдаг. Олон хүмүүс тэдний хүлээн авч чадахгүй байгаа үнэнийг эсвэл тэдний хэрэгжүүлж чадахгүй байгаа үнэнийг үнэн биш гэж боддог. Ийм хүмүүсийн хувьд Миний үнэн үгүйсгэгдэж, хаягдах зүйл болдог. Мөн түүнчлэн Би тэгээд хүмүүст зөвхөн үгээр л Бурхан гэж хүлээн зөвшөөрөгдсөн нэгэн болж, үнэн, зам эсвэл амь биш харин гадны хүн гэж тооцогддог.

Үг нь махбодоор илэрсэн номын “Та нар өөрсдийн үйл хэргийг анхаарах хэрэгтэй”-ээс

46. Та нар үгээрээ л үнэнч байдаг, та нарын мэдлэг зүгээр л оюунлаг агаад тодорхой үзэлтэй, та нарын хөдөлмөр тэнгэрийн ерөөлийг олохын төлөө байдаг, харин та нарын итгэл үнэмшил ямар байх хэрэгтэй вэ? Өнөөдөр ч гэсэн та нар үнэний үг нэг бүрийг чихнийхээ хажуугаар өнгөрөөдөг. Та нар Бурхан гэж юу болохыг, Христ гэж хэн болохыг мэдэхгүй, Еховаг хэрхэн хүндэтгэхийг мэдэхгүй, Ариун Сүнсний ажилд хэрхэн орохыг мэдэхгүй, Бурханы ажил болон хүний заль мэхийг хооронд нь хэрхэн ялгахаа мэдэхгүй. Чи Бурханы илэрхийлсэн, чиний бодолтой нийцэхгүй байгаа үнэний үгийг яллахаа л мэднэ. Чиний даруу байдал хаана байна вэ? Чиний дуулгавартай байдал хаана байна вэ? Чиний үнэнч сэтгэл хаана байна вэ? Үнэнийг эрэлхийлэх хүсэл чинь хаана байна вэ? Чиний Бурханыг хүндэтгэх хүндлэл хаана байна вэ? Би та нарт хэлье, тэмдгийн улмаас Бурханд итгэгчид бол гарцаагүй устгагдах ангилалд хамаарна. Махан биед эргэн ирсэн Есүсийн үгийг хүлээн зөвшөөрөх чадваргүй хүмүүс бол мэдээж тамын үр удам, тэргүүн тэнгэрэлчийн үр хойч, мөнхийн устгалаар устгагдах ангилалд хамаарна.… Үнэнийг хүлээн зөвшөөрдөг, тэмдгийг эрж хайдаггүй хүмүүс ариусаж Бурханы сэнтийн өмнө Бүтээгчийн тэвэрт эргэн ирнэ. Тэмдэг үзүүлдэг Есүст итгэж, харин шүүлтийг зарлан, амийн үнэн замыг нээх Есүсийг зөвшөөрдөггүй учраас “Цагаан үүлэн дундаас ирээгүй Есүс бол хуурамч Христ” гэдэгт итгэдэг хүмүүс мөнхийн шийтгэл хүртэнэ. Иймээс Есүс цагаан үүлэн дундаас эргэж ирэх үедээ л Тэр тэднийг шийдвэрлэх болно. Тэд хэтэрхий зөрүүд, өөртөө итгэлтэй, биеэ тоосон. Эдгээр доройтсон хүмүүсийг Есүс хэрхэн шагнана гэж?

Үг нь махбодоор илэрсэн номын “Чи Есүсийн сүнслэг биеийг олж харах үед Бурхан тэнгэр, газрыг шинээр бүтээсэн байх болно”-оос

47. Итгэл нь Бурханы зүрх сэтгэлд хүлээн зөвшөөрөгдөөгүй зарим хүмүүс байдаг. Өөрөөр хэлбэл, Бурхан эдгээр хүмүүсийг Өөрийн дагалдагчид гэж зөвшөөрдөггүй, учир нь Бурхан тэдний итгэлийг магтдаггүй. Эдгээр хүмүүсийн хувьд, тэд Бурханыг хэдэн жил дагаснаас үл хамааран, тэдний бодол санаа ба үзэл бодол хэзээ ч өөрчлөгдөөгүй. Тэд үл итгэгчид шиг, үл итгэгчдийн зарчим, аливааг хийх арга замыг баримталж, тэдний амьд үлдэх хууль болон итгэлийг баримталдаг. Тэд Бурханы үгийг хэзээ ч өөрсдийн амьдралаа гэж хүлээн аваагүй, Бурханы үг бол үнэн гэж хэзээ ч итгээгүй, хэзээ ч Бурханы авралыг хүлээн авахаар зориогүй, Бурханыг хэзээ ч өөрсдийн Бурхан гэж хүлээн зөвшөөрөөгүй. Тэд Бурханд итгэхийг тодорхой төрлийн сонирхогчдын хоббитой адил үзэж, Бурханд ердөө л оршин тогтнох сүнслэг арга хэрэгсэл мэт ханддаг, иймээс тэд Бурханы зан чанарыг эсвэл Бурханы мөн чанарыг ойлгохоор оролдох нь үнэ цэнэтэй гэж боддоггүй. Жинхэнэ Бурхантай холбоотой бүхэн нь эдгээр хүмүүстэй ямар ч хамаагүй гэж хэлж болно. Тэд сонирхдоггүй бөгөөд хариу үзүүлж төвддөггүй. Яагаад гэвэл тэдний зүрх сэтгэлийн гүнд үргэлж тэдэнд ингэж хэлж байдаг хүчтэй дуу хоолой байдаг: Бурхан бол харагдахгүй бас хүршгүй бөгөөд Бурхан оршдоггүй. Ийм Бурханыг ойлгохоор оролдоход хүчин чармайлт гаргууштай биш гэж тэд итгэдэг; энэ нь өөрсдийгөө хуурч байгаа юм. Тэд зүгээр үгээрээ л Бурханыг зөвшөөрдөг ба ямар нэг бодит гэрчлэл хийдэггүй. Тэд мөн бодит байдал юу ч хийдэггүй, өөрсдийгөө нилээд ухаалаг гэж бодож байдаг. Бурхан эдгээр хүмүүсийг хэрхэн хардаг вэ? Тэр тэднийг үл итгэгчид гэж хардаг.

Үг нь махбодоор илэрсэн номын үргэлжлэл “Бурханы зан чанар болон Түүний ажлын үр дүнг хэрхэн мэдэх вэ”-ээс

48. Хүн Бурханыг эсэргүүцдэгийн шалтгаан нь нэг талаар хүний ялзарсан зан чанараас, нөгөө талаар Бурханыг мэдэхгүйгээс мөн Бурханы ажлын зарчим, хүнд хандах Түүний хүслийн талаарх ойлголт дутмагаас болдог. Энэ хоёр тал нь Бурханыг эсэргүүцэх хүний эсэргүүцлийн түүхэнд шингэсэн байдаг.

Үг нь махбодоор илэрсэн номын “Бурханыг мэддэггүй бүхэн нь Бурханыг эсэргүүцдэг хүмүүс юм”-аас

49. Бурханы ажил үргэлж шинэ байдаг, хэзээ ч хуучин байдаггүй ба энэ нь хэзээ ч сургаал номлолыг бий болгодоггүй, харин үүний оронд их бага хэмжээгээр тасралтгүй өөрчлөгдөн, шинэчлэгдэж байдаг. Энэ ажил бол Бурханы Өөрийн төрөлхийн зан чанарын илэрхийлэл билээ. Энэ нь мөн Бурханы ажлын угийн зарчим ба Бурхан Өөрийн удирдлагаа хэрэгжүүлдэг арга барилын нэг юм. Хэрвээ Бурхан ийм байдлаар ажиллаагүй бол, хүн өөрчлөгдөхгүй эсвэл Бурханыг мэдэж чадахгүй ба Сатан ялагдахгүй. Тиймээс, Түүний ажилд тасралтгүй өөрчлөлт гарч байдаг ба тэдгээр нь замбараагүй мэт харагддаг ч үнэндээ тогтмол мөчлөгтэй байдаг. Гэсэн хэдий ч хүний Бурханд итгэдэг байдал нь нэлээд өөр: Тэр хуучин, өөрийн мэддэг сургаал номлол системтэй зууралддаг бөгөөд тэдгээр нь хэдийчинээ хуучин байна, түүнд төдийчинээ таатай байдаг. Хүний тэнэг сэтгэл, өөрчлөгдөшгүй чулуу шиг сэтгэл, Бурханы ойлгохын аргагүй шинэ ажил болоод үгийг хэрхэн хүлээн зөвшөөрч чадах юм бэ? Үргэлж шинэлэг, хэзээ ч хуучин байдаггүй Бурханыг хүн жигшин зэвүүцдэг; тэр зөвхөн цагаан-үстэй, хөдөлгөөнгүй эртний хуучин Бурхандаа л дуртай байдаг. Тиймээс, Бурхан болон хүнд аль алинд нь өөрсдийн гэсэн дуртай зүйл байдаг учраас хүн Бурханы дайсан болсон. Эдгээр олон зөрчилдөөнүүд нь өнөөдөр ч гэсэн, Бурхан шинэ ажлаа бараг зургаан мянган жил хийсээр байхад ч гэсэн оршин байгаа. Тэдгээр нь тиймээс эмчлэгдэх аргагүй. Магадгүй энэ нь хүний зөрүүд зангийн улмаас эсвэл Бурханы засаг захиргааг ямар ч хүн зөрчиж боломгүйн улмаас болдог байх—гэхдээ тэдгээр санваартан, шүтлэгтнүүдийг ялзарч хуучирсан ном, бичиг цаастайгаа зууралдсаар байх зуур хэн ч Түүний хажууд байхгүй байсан ч Бурхан Өөрийн дуусаагүй удирдлагын ажлаа хийсээр л байна. Эдгээр зөрчилдөөн нь Бурхан ба хүнийг дайснууд болгодог ба эвлэрэхийн аргагүй байдаг ч гэсэн, Бурхан тэдгээрт өчүүхэн ч анхаарлаа хандуулдаггүй, тийм зүйл байсан ч байгаагүй мэт ханддаг. Гэхдээ хүн өөрийн итгэл бишрэл, үзэлтэйгээ одоо ч зууралдаж, хэзээ ч эдгээрийгээ орхидоггүй. Гэхдээ нэг зүйл илэрхий байдаг: Хэдий хүн өөрийн зогсолтоосоо хазайдаггүй ч, Бурханы хөл үргэлж хөдөлж байдаг ба Тэр нөхцөл байдлаас хамааран Өөрийн зогсолтоо үргэлж өөрчилж байдаг бөгөөд эцэст нь хүн ямар ч тэмцэлгүйгээр ялагдах болно. Энэ зуур, Өөрт нь ялагдсан дайснуудынхаа хамгийн том дайсан нь Бурхан бөгөөд Тэр мөн аль хэдийн ялагдсан болон хараахан ялагдаагүй байгаа тэдгээр хүн төрөлхтний аварга нь юм.

Үг нь махбодоор илэрсэн номын “Бурханы өнөөдрийн ажлыг мэдэж байгаа хүмүүс л Бурханд үйлчилж чадна”-аас

51. Бурхан хүн төрөлхтнийг хайрладгийг мэдмэгцээ тэд Бурханыг хайрын бэлгэ тэмдэг гэж тодорхойлдог: Хүмүүс юу хийх нь хамаагүй, тэд хэрхэн авирлах нь хамаагүй, тэд Бурханд хэрхэн хандах нь хамаагүй, тэд хичнээн дуулгаваргүй нь хамаагүй, Бурханд хайр байдаг учраас мөн Бурханы хайр хязгааргүй бөгөөд хэмжээлшгүй учраас эдгээрийн аль нь ч хамаагүй. Бурханд хайр бий, иймээс Тэр хүмүүст хүлээцтэй хандаж чаддаг; Бурханд хайр бий, иймээс Тэр хүмүүст өршөөлтэй хандаж, тэдний боловсорч гүйцээгүй байдалд өршөөлтэй хандаж, тэдний мэдлэггүй байдалд өршөөлтэй хандаж, тэдний дуулгаваргүй байдалд өршөөлтэй хандаж чаддаг. Энэ нь үнэхээр ийм байдаг уу? Зарим хүмүүсийн хувьд, тэд Бурханы тэвчээрийг нэг удаа эсвэл хэдэн удаа мэдэрснийхээ дараа өөрсдийн Бурханы талаарх ойлголт дахь хөрөнгө мэт үүнд ханддаг бөгөөд Бурханы нэг удаа мөн үүрд тэдэнд хүлээцтэй хандаж, тэдэнд өршөөлтэй хандах болно гэж итгэдэг ба амьдралынхаа явцад тэд Бурханы тэвчээрийг хүлээн авч үүнийг Бурхан хэрхэн тэдэнд ханддагийн стандарт гэж үзэх болно. Бурханы тэвчээрийг нэгэнтээ мэдэрснийхээ дараа Бурханыг үүрд тэвчээр хэмээн тодорхойлж, энэ тэвчээр нь хязгааргүй, нөхцөлгүй бөгөөд үндсэндээ зарчимгүй гэж тодорхойлдог. Эдгээр итгэл нь зөв үү? Бурханы мөн чанар эсвэл Бурханы зан чанарын тухай асуудлыг хэлэлцэх бүрд та нар цөхөрсөн мэт харагддаг. Та нарын ийм байгааг харах нь Намайг бага зэрэг ууртай болгодог. Та нар Бурханы мөн чанартай холбоотой олон үнэнийг сонссон; та нар мөн Бурханы зан чанартай холбоотой олон сэдвийг сонссон. Гэсэн хэдий ч, та нарын сэтгэлд эдгээр асуудал болон эдгээр талуудын үнэн нь зүгээр л онол болон бичигдсэн үгс дээр үндэслэсэн дурсамжууд юм. Та нарын хэн нь ч, Бурханы зан чанар яг юу болохыг өөрсдийн амьдралдаа хэзээ ч мэдэрч чадахгүй мөн Бурханы зан чанар яг юу болохыг та нар харж чадахгүй. Тиймээс, та нар өөрсдийн итгэл үнэмшилдээ мунгинаж, Бурханд хандах хүндэтгэлгүй хандлагатай болж, Түүнийг үл тоох хүртлээ та нар бүгд сохроор итгэдэг. Та нар Бурханд хандах ийм хандлагатай байх нь юунд хүргэх вэ? Энэ нь та нарыг үргэлж Бурханы талаар дүгнэлт гаргахад хүргэдэг. Та нар өчүүхэн төдий мэдлэг олж авангуутаа маш их сэтгэл хангалуун болж, Бурханыг бүхэлд нь олж авсан мэт та нарт санагддаг. Дараа нь та нар Бурхан ийм л байдаг гэж дүгнэх бөгөөд Түүнийг чөлөөтэй хөдөлгөдөггүй. Тэгээд Бурхан ямар нэг шинэ зүйлийг хийх болгонд та нар Тэр бол Бурхан гэж хүлээн зөвшөөрч чаддаггүй. Нэг л өдөр, Бурхан: “Би хүнийг дахиж хайрлахгүй; Би цаашид хүнд өршөөл үзүүлэхгүй; Надад цаашид хүнийг гэх ямар ч тэсвэр, тэвчээр байхгүй; Би хүний эсрэг туйлын жигшил зэвүүцэл, дургүйцлээр дүүрэн байна” гэж хэлэх үед хүмүүс ийм төрлийн мэдэгдэлтэй зүрх сэтгэлийнхээ гүнээс зөрөлдөх болно. Тэдний зарим нь бүр: “Та миний Бурхан байхаа больсон; Та миний дагахыг хүссэн Бурхан байхаа хэдийнээ больсон. Хэрвээ та ингэж хэлж байгаа бол, Та цаашид миний Бурхан байх эрхгүй бөгөөд би Таныг цаашид дагах хэрэггүй. Хэрвээ Та надад өршөөл үзүүлэхгүй, намайг хайрлахгүй, надад хүлээцтэй хандахгүй бол би Таныг цаашид дагахгүй. Хэрвээ Та намайг хязгааргүйгээр тэвчиж, надад үргэлж хүлээцтэй хандаж, Та бол хайр, Та бол тэвчээр, Та бол тэсвэр гэдгээ надад харуулах юм бол би Таныг дагаж чадна, зөвхөн тэр үед л би эцсээ хүртэл дагах итгэлтэй болох болно. Нэгэнт би Таны тэвчээр болон өршөөлийг хүртсэнээс хойш, миний дуулгаваргүй байдал болон гэм нүглийг үүрд өршөөгдөж, үүрд уучлагдаж байх ба би хэзээ ч, хаана ч нүгэл үйлдэж, хэзээ ч, хаана ч улайж өршөөгдөж мөн Таныг хэзээ ч хаана ч уурлуулж болно. Танд миний талаар өөрийн гэсэн санаа бодол эсвэл дүгнэлт байх ёсгүй” гэж хэлэх нь ч бий. Хэдийгээр чи ийм асуултын талаар тийм субьектив болон ухамсарт байдлаар бодохгүй ч гэсэн, Бурханыг чи өөрийн гэм нүглийг уучлуулах хэрэгсэл, сайхан хүрэх газрыг олж авахад ашиглагдах обьект мэтээр үзэх тоолондоо чи амьд өөрийн мэдэлгүйгээр Бурханыг аль хэдийн өөрсдийн эсрэг, өөрсдийн дайсан болгон тавьсан байдаг.

Үг нь махбодоор илэрсэн номын үргэлжлэл “Бурханы зан чанар болон Түүний ажлын үр дүнг хэрхэн мэдэх вэ”-ээс

52. Бурханы илрэлт ямар ч хэлбэр эсвэл улс орноор хязгаарлагдаагүй байдгийн зорилго нь Тэр Өөрийн төлөвлөгөөг хэрэгжүүлэх боломжтой байхын тулд юм. Жишээлбэл, Бурхан Иудейд бие махбодтой болсон үед, Түүний зорилго нь, бүх хүн төрөлхтнийг золин аврахын төлөө цовдлолын ажлыг биелүүлэх явдал байсан. Гэсэн ч, Бурхан үүнийг хийх боломжгүй гэж иудейчүүд итгэсэн ба, Бурхан бие махбодтой болж Эзэн Есүсийн хэлбэрийг олох нь боломжгүй зүйл гэж тэд бодсон. Тэдний “боломжгүй” гэсэн нь, тэд Бурханыг эсэргүүцэн, яллах суурь болсон ба эцэст нь Израилийг сүйрэлд хүргэсэн. Өнөөдөр олон хүн адилхан алдаа гаргаж байгаа. Тэд Бурханы илрэлтийг шалтгаангүйгээр тунхагладаг ч Түүний илрэлтийг мөн буруушаан зэмлэдэг; тэдний “боломжгүй” нь Бурханы илрэлтийг өөрсдийн төсөөллийн хязгаартаа дахин нэг удаа хорьдог. Ингээд, олон хүн Бурханы үгийг сонссоныхоо дараа шоолон инээхийг Би бас харсан. Энэхүү инээд тохуу нь иудейчүүдийн буруушаалт, доромжлолоос өөрцгүй биш гэж үү? Та нар үнэнтэй нүүр тулахдаа сүсэгтэй биш, тэр ч байтугай үнэнийг хүсэн хүлээдэггүй. Та нар зүгээр л сохроор судалж, хайхрамжгүйгээр хүлээдэг. Та нар ингэж судалж, хүлээснээр юу олж авч чадах юм бэ? Та нар Бурханы хувийн удирдамжийг хүлээн авч чадах уу? Хэрвээ чи Бурханы айлдварыг ялгаж таньж чадахгүй юм бол, хэрхэн Бурханыг илрэхэд нь нүдээр харах эрхтэй байх юм бэ?

Үг нь махбодоор илэрсэн номын “Бурханы илрэлт шинэ эрин үеийг авчирсан”-аас

53. Бурханы ажлын зарчмыг мэддэггүй учраас мөн Ариун Сүнсний ажлыг хангалттай ноцтойгоор авч үздэггүй учраас та нар Бурханы ажлыг эсэргүүцдэг эсвэл өнөөдрийн ажлыг хэмжихийн тулд өөрсдийн үзлээ ашигладаг гэдгээ мэдэж ав. Та нарын Бурханыг эсэргүүцэх эсэргүүцэл болон Ариун Сүнсний ажилд саад болдог чинь та нарын үзэл болон төрөлхийн их зангаас үүсдэг. Энэ нь Бурханы ажил буруу учраас биш, харин та нар угаасаа хэтэрхий дуулгаваргүй юм. Бурханд итгэх итгэлээ олсны дараа зарим хүмүүс, хүн хаанаас бий болсныг ч итгэлтэйгээр хэлж чаддаггүй, гэхдээ тэд Ариун Сүнсний ажлын зөв, бурууг үнэлж олон нийтийн өмнө үг хэлж зүрхэлдэг. Тэр ч байтугай тэд Ариун Сүнсний шинэ ажлыг авсан элч нарт хүртэл сургаал айлдаж, тайлбар тавьж, ээлж дараалалгүй ярьдаг; тэдний хүн чанар хэтэрхий доорд бөгөөд тэдэнд өчүүхэн төдий ч мэдрэмж байдаггүй. Тийм хүмүүс Ариун Сүнсний ажлаар гологдож, тамын галд шатаагдах өдөр ирэхгүй гэж үү? Тэд Бурханы ажлыг мэдэхгүй, харин үүний оронд Түүний ажлыг шүүмжилж, түүнчлэн хэрхэн ажиллахыг Бурханд заахаар оролддог. Тийм бодлогогүй хүмүүс Бурханыг хэрхэн мэдэж чадах юм бэ?

Үг нь махбодоор илэрсэн номын “Бурханы ажлын гурван үе шатыг мэдэх нь Бурханыг мэдэх зам юм”-аас

54. Олон жилийн турш, Би Бурханд итгэдэг олон хүмүүсийг харсан. Энэ итгэл нь ямар хэлбэртэй байдаг вэ? Зарим хүмүүс Бурханыг хоосон агаар мэтээр Түүнд итгэдэг. Эдгээр хүмүүст Бурханы оршин тогтнолын талаарх асуултанд өгөх хариулт байдаггүй учир нь тэд Бурханы байгааг эсвэл байхгүйг мэдэрч, мэдэж чаддаггүй, тэр ч бүү хэл тодорхой харж эсвэл үүнийг ойлгож чаддаггүй. Дотоод ухамсартаа эдгээр хүмүүс Бурханыг оршдоггүй гэж боддог. Зарим хүмүүс Бурханыг эрэгтэй хүн байгаа мэтээр Түүнд итгэдэг. Эдгээр хүмүүс, тэдний хийж чаддаггүй бүх зүйлсийг Бурхан хийж чадахгүй бөгөөд тэдний бодож байгааг Бурхан бодох ёстой гэж итгэдэг. Бурханы талаарх энэ хүний тодорхойлолт нь “үл үзэгдэх бөгөөд хүрэхийн аргагүй хүн” юм. Бурханыг хүүхэлдэй байгаа мэтээр Түүнд итгэдэг бүлэг хүмүүс бас байдаг. Эдгээр хүмүүс, Бурханд ямар ч сэтгэл хөдлөл байхгүй, Бурхан бол хөшөө гэж итгэдэг. Асуудалтай тулгарах үедээ Бурханд ямар ч хандлага, ямар ч үзэл бодол, ямар ч санаа байдаггүй; Тэр хүний зохицуулга дор байдаг. Хүмүүс өөрсдийн итгэхийг хүссэн зүйлдээ итгэдэг. Хэрвээ тэд Түүнийг агуу болговол, Тэр агуу; хэрвээ тэд Түүнийг жижиг болговол Тэр жижиг. Хүмүүс нүгэл үйлдээд, тэдэнд Бурханы өршөөл хэрэгтэй, Бурханы тэвчээр хэрэгтэй, Бурханы хайр хэрэгтэй болсон үед Бурхан өршөөлөө үзүүлэх ёстой. Эдгээр хүмүүс Бурханыг өөрсдийн оюун санаанаасаа зохиож, энэ Бурханаар өөрсдийн хэрэгцээг гүйцэлдүүлж, өөрсдийн бүх хүслээ хангуулдаг. Хаана, хэзээ гэдэг нь хамаагүй, мөн энэ хүн юу хийдэг нь хамаагүй тэд Бурханд хандахдаа болон Бурханд итгэх итгэлдээ хий мөрөөдлөө хэрэглэдэг. … Үнэндээ, хэн нэгэн хүн Бурхан хичнээн итгэдэг нь хамаагүй, тэд үнэнийг эрж хайхгүй байсаар байгаа цагт тэдэнд хандах Бурханы хандлага сөрөг байна. Яагаад гэвэл чи Бурханд итгэх зуураа магадгүй чи Бурханы үгийн номыг дээдэлж, чи үүнийг өдөр бүр судалж, чи үүнийг өдөр бүр уншдаг боловч чи жинхэнэ Бурханыг үл тоомсорлон,Түүнийг хоосон агаар мэт үзэж, Түүнийг хүн шиг үздэг ба та нарын зарим нь Түүнийг зүгээр л хүүхэлдэй мэт үздэг. Би яагаад ингэж хэлж байна вэ? Учир нь Миний харж байгаагаар, та нарт асуудал тулгарсан эсвэл нөхцөл байдал тохиолдсон эсэхээс үл хамааран чиний дотоод ухамсарт оршиж байгаа тэдгээр зүйл, чиний дотор хөгжсөн тэдгээр зүйлс нь—тэдгээрийн аль нь ч Бурханы үгтэй эсвэл үнэнийг эрж хайхтай ямар ч холбоогүй.Чи зөвхөн өөрийн юу бодож байгааг, чиний үзэл бодол юу болохыг л мэдэх бөгөөд чи өөрийн санаа бодол, өөрийн үзэл бодлыг Бурханд хүчээр тулгадаг. Тэдгээр нь Бурханы үзэл бодол болдог ба тэдгээр нь хатуу чанд баримтлах учиртай стандарт адил ашиглагддаг. Цаг хугацаа өнгөрөхийн хирээр, ийм байдлаар хийх нь чамайг Бурханаас улам бүр холдуулдаг.

Үг нь махбодоор илэрсэн номын үргэлжлэл “Бурханы зан чанар болон Түүний ажлын үр дүнг хэрхэн мэдэх вэ”-ээс

55. Хэдийгээр хүн Бурханд итгэдэг боловч зүрх сэтгэл нь Бурхангүй байсан, тэр Бурханыг хэрхэн хайрлахаа ч мэддэггүй ба Бурханыг хайрлахыг ч хүсдэггүй, учир нь түүний зүрх сэтгэл хэзээ ч Бурханд ойртоогүй бөгөөд тэр Бурханаас үргэлж зайлсхийдэг билээ. Үр дүнд нь, хүний зүрх сэтгэл Бурханаас хөндий байдаг. Тэгвэл түүний зүрх сэтгэл хаана байна вэ? Үнэн хэрэг дээрээ хүний зүрх сэтгэл хаашаа ч яваагүй: Түүнийг Бурханд өгч, эсвэл Бурханд харуулахаар илчлэхийн оронд өөртөө хадгалсан. Зарим хүмүүс Бурханд ихэвчлэн залбирч, “Өө Бурхан минь, миний зүрх сэтгэлийг хараач, миний бодож байгаа бүхнийг Та мэднэ” гэж хэлдэг ба зарим нь бүр Бурханд өөрсдийгөө харуулж, хэрвээ тангаргаа зөрчвөл тэд шийтгүүлж болно гэж хүртэл амладаг нь үнэн шүү дээ. Хэдийгээр хүн зүрх сэтгэл доторхыг нь харахыг Бурханд зөвшөөрдөг боловч энэ нь тэр Бурханы зохион байгуулалт болон зохицуулалтыг дуулгавартай дагах чадвартай гэсэн үг ч биш, мөн өөрийн хувь заяа болон хэтийн ирээдүйг, бүх зүйлээ Бурханы хяналт дор орхисон гэсэн үг ч биш. Тиймээс Бурханд өргөсөн чиний тангараг, эсвэл Түүнд чи юу амласныг үл харгалзан, Бурханы бодлоор бол чиний зүрх сэтгэл одоо ч Түүнд хаалттай байдаг, учир нь чи зүрх сэтгэлийг чинь харахыг л Бурханд зөвшөөрдөг, харин үүнийг хянахыг Түүнд зөвшөөрдөггүй билээ. Өөрөөр хэлбэл, чи зүрх сэтгэлээ Бурханд огтхон ч өгөөгүй бөгөөд Бурханд сонсгохын тулд сайхан сонсогддог үгсийг л хэлдэг; тэгэх зуураа чи өөрийн олон янзын зальхай санааг, нууц, далд явуулга, төлөвлөгөөнүүдийнхээ хамтаар Бурханаас нуудаг ба өөрийн хэтийн ирээдүй болон хувь заяаг гартаа атгаж, тэдгээрийг Бурхан авахаас гүнээ айж байдаг. Тиймээс Өөрт нь хандах хүний чин сэтгэлийг Бурхан хэзээ ч хардаггүй. Хэдийгээр Бурхан хүний зүрх сэтгэлийн гүнийг ажиглаж, хүн зүрх сэтгэлдээ юу бодож, юу хийхийг хүсэж байгааг харж чаддаг, зүрх сэтгэлдээ юуг хадгалж байгааг харж чаддаг боловч хүний зүрх сэтгэл Бурханд харьяалагддаггүй, тэр үүнийгээ Бурханы хяналтанд шилжүүлээгүй. Өөрөөр хэлбэл, Бурханд ажиглах эрх байдаг боловч Түүнд хянах эрх байдаггүй юм. Хийсвэр ухамсартаа хүн өөрийгөө Бурханы энэрэлд орхихыг хүсдэггүй, эсвэл зорьдоггүй. Хүн өөрийгөө Бурханаас хаасан төдийгүй, хуурамч сэтгэгдэл төрүүлж, Бурханы итгэлийг олж авахын тулд зөөлөн яриа, бялдуучлал ашиглан жинхэнэ дүр төрхөө Бурханы нүднээс нууж, өөрсдийн зүрх сэтгэлийг хааж далдлах арга замыг боддог хүмүүс хүртэл байдаг. Бурханд харуулахгүй байх тэдний зорилго бол тэд үнэндээ хэн бэ гэдгийг ойлгохыг Бурханд зөвшөөрөхгүй байх явдал юм. Тэд өөрсдийн зүрх сэтгэлийг Бурханд өгөхийг хүсдэггүй, харин өөрсдөдөө л хадгалж байхыг хүсдэг. Үүнийг тайлбарлавал, хүн юу хийдэг, юу хүсдэг нь бүгд хүн өөрөө төлөвлөж, тооцоолж, шийдсэн зүйл байдаг; түүнд хөндлөнгийн оролцоо буюу Бурханы оролцоо шаардлагагүй, тэр ч бүү хэл түүнд Бурханы зохион байгуулалт, зохицуулалт хэрэггүй гэсэн үг. Тиймээс Бурханы тушаал, Түүний үүрэг даалгавар ч юм уу, эсвэл хүнд тавьдаг Бурханы шаардлагатай холбоотой хүний шийдвэр нь түүний өөрийн санаархал, сонирхол дээр, тухайн үеийн түүний өөрийн байдал, орчин нөхцөл дээр тулгуурладаг. Хүн өөрийн явах ёстой замыг дүгнэж, сонгохын тулд өөрийн сурсан мэдлэг, зөн билиг болон өөрийн оюун ухааныг үргэлж ашигладаг бөгөөд Бурханы хөндлөнгийн оролцоо, эсвэл хяналтыг зөвшөөрдөггүй. Энэ бол Бурханы хардаг хүний зүрх сэтгэл билээ.

Үг нь махбодоор илэрсэн номын үргэлжлэл “Бурханы ажил, Бурханы зан чанар ба Бурхан Өөрөө II”-өөс

56. (Матай 12:6-8) Гэвч Би та нарт хэлье, энэ газарт сүмээс ч илүү аугаа Нэгэн байна. Хэрэв та нар Би тахилыг бус, өршөөлийг хүсдэг гэсэн нь ямар утгатай болохыг ойлгосон бол гэмгүй нэгэнийг буруутгахгүй байх байсан. Учир нь Хүний Хүү Амралтын өдрийн ч Эзэн мөн.……

Эзэн Есүс үүнийг хэлсний цаад шалтгаан нь хуулийн дор хүмүүс сүмийг Бурханаас Өөрөөс нь илүү агуу зүйл гэж үзэж эхэлсэн байсан. Өөрөөр хэлбэл, хүмүүс Бурханд шүтэн мөргөхөөс илүү сүмд шүтэн мөргөж байсан, иймээс Эзэн Есүс шүтээнийг шүтэхгүйгээр харин Бурханыг шүтэн мөргөхийг тэдэнд анхааруулсан, учир нь Тэр бол эрхэм дээд билээ. … Хэдийгээр өнөөдөр хүмүүс Хуулийн эрин үеийн хүмүүсийнхээс өөр ажлыг мэдэрч туулдаг боловч тэдний уг чанарын мөн чанар нь адилхан. Өнөөдрийн ажлын орчин нөхцөлд, хүмүүс “сүм бол Бурханаас илүү агуу” гэсэнтэй адил төрлийн зүйлийг хийсээр байна. Жишээ нь хүмүүс өөрсдийн үүргийг гүйцэтгэхийг өөрсдийн ажил мэт үздэг; Бурханд гэрчлэл хийж, агуу улаан луутай тулалдахыг тэд хүний эрхийг хамгаалсан, ардчилал, эрх чөлөөний төлөөх улс төрийн хөдөлгөөн мэтээр үздэг; тэд ур чадвараа мэргэжил болгон ашиглахад өөрсдийн үүргийг чиглүүлсэн боловч Бурханаас эмээж, муугаас зайлах явдалд зүгээр л дагаж мөрдөж ёстой шашны номлолын хэсэг мэтээр ханддаг; гэх мэт. Эдгээр нь мөн чанартаа “сүм бол Бурханаас илүү агуу” гэсэнтэй адил хүмүүсийн илэрхийлэл биш гэж үү? Хоёр мянган жилийн өмнө хүмүүс өөрсдийн хувийн ажил хэргийг бодит сүмд явуулж байсныг эс тооцвол өнөөдөр хүмүүс өөрсдийн хувийн ажил хэргийг биет бус сүмд явуулж байна. Дүрэм журмыг эрхэмлэдэг эдгээр хүмүүс дүрэм журмыг Бурханаас илүү агуу гэж үздэг, байр сууринд хайртай хүмүүс байр суурийг Бурханаас илүү агуу гэж үздэг, өөрсдийн ажил мэргэжилдээ хайртай хүмүүс ажил мэргэжлээ Бурханаас илүү агуу гэж үздэг гэх мэт—тэдний бүхий л илэрхийлэл нь Намайг: “Хүмүүс үгээрээ Бурханыг хамгийн агуу гэж магтдаг боловч тэдний нүдээр бүх зүйл Бурханаас илүү агуу байдаг” гэж хэлэхэд хүргэж байна. Учир нь хүмүүс Бурханыг дагах замдаа өөрсдийн авьяасыг харуулах эсвэл өөрсдийн бизнес эсвэл өөрсдийн ажил мэргэжлийг гүйцэтгэх боломжийг олонгуутаа Бурханаас холдож, өөрсдийн хайртай ажил мэргэжилд өөрсдийгөө зориулдаг. Бурханы тэдэнд хариуцуулсан зүйл, Түүний хүслийн тухайд бол тэдгээр зүйлс нь аль хэдийн хаягдсан байдаг. Энэ тохиолдолд, эдгээр хүмүүс болон хоёр мянган жилийн өмнө өөрсдийн ажил хэргийг сүмд явуулж байсан хүмүүсийн хооронд ямар ялгаа байна вэ?

Үг нь махбодоор илэрсэн номын үргэлжлэл “Бурханы ажил, Бурханы зан чанар ба Бурхан Өөрөө III”-өөс

57. Библи дэх Фарисайчуудын Есүсийн Өөрийнх нь талаар болон Түүний хийсэн зүйлийн талаарх үнэлгээ ийм байсан: “Тэр галзуу болжээ. ... Тэр чөтгөрүүдийн захирагчаар шулмуудыг хөөн зайлуулдаг.” (Марк 3:21-22). Эзэн Есүсийн талаарх хуулийн багш нар болон Фарисайчуудын шүүлт нь юмыг тоть шиг давтаагүй эсвэл хий хоосноос бодож олсон зүйл биш—энэ нь Эзэн Есүсийн үйлдлээс харсан болон сонссон зүйлээсээ хийсэн, Түүний талаарх тэдний дүгнэлт юм. Хэдийгээр тэдний дүгнэлт нь харваас шударга ёсны нэрийн өмнөөс хийгдсэн бөгөөд үндэслэл сайтай мэт хүмүүст харагдаж байсан боловч Эзэн Есүсийг шүүсэн тэдний их зан нь бүр тэдний хувьд ч барихад хэцүү байсан. Тэдний Эзэн Есүсийг үзэн ядсан галзуурсан мэт энерги нь өөрсдийнх нь зэрлэг хүсэл эрмэлзэл болон тэдний хорон муу сатаны төрх байдал, түүнчлэн Бурханыг эсэргүүцдэг хорсолтой уг чанарыг нь илчилсэн юм. Тэдний Эзэн Есүсийг шүүн хэлсэн зүйлс нь өөрсдийнх нь зэрлэг хүсэл эрмэлзэл, атаархал болон Бурхан болон үнэнд дайсагнасан балиар, хорсолтой уг чанараас үүсэн гарсан юм. Тэд Эзэн Есүсийн үйлдлийн эх үүсвэрийг шалгаагүй, мөн тэд Түүний хэлсэн эсвэл хийсэн зүйлийн мөн чанарыг шалгаагүй. Харин тэд сохроор, тэвчээргүйгээр, солиотойгоор, зориудын өс хонзонтойгоор Түүний хийсэн зүйлийг дайран давшилж, гутаасан. Энэ нь бүр эмх замбараагүйгээр Түүний Сүнсийг өөрөөр хэлбэл, Ариун Сүнсийг, Бурханы Сүнсийг гутаах хэмжээнд хүрсэн. Тэдний “Тэр галзуу болжээ”, “Беелзебүл ба чөтгөрүүдийн захирагч” гэж хэлсэн нь ийм учиртай юм. Өөрөөр хэлбэл, Бурханы Сүнс нь Беелзебүл буюу чөтгөрүүдийн захирагч байсан гэж тэд хэлсэн. Тэд Бурханы Сүнсний өмссөн махан биеийн ажлыг галзуу хэмээн тодорхойлсон. Тэд Бурханы Сүнсийг Беелзебүб болон чөтгөрүүдийн захирагч гэж доромжлоод зогсохгүй мөн Бурханы ажлыг ялласан. Тэд Эзэн Есүс Христийг яллаж, доромжилсон. Тэдний эсэргүүцэл болон Бурханыг доромжилсны мөн чанар нь бүхэлдээ Сатаны мөн чанар болон Бурханы эсрэг чөтгөрийн эсэргүүцэл, доромжлолтой адилхан байсан. Тэд ялзруулагдсан хүмүүсийг төлөөлснөөр барахгүй, үүнээс ч илүүтэйгээр тэд Сатаны биелэл болж байсан. Тэд хүн төрөлхтний дундах Сатаны суваг байсан ба тэд Сатаны хамсаатан, элч нар байсан. Тэдний доромжлол болон Эзэн Есүс Христийг гүтгэсний мөн чанар нь байр суурины төлөө Бурхантай хийсэн тэдний тулаан, Бурхантай хийсэн тэдний тэмцэл, Бурханыг эцэс төгсгөлгүй туршсан явдал байсан юм. Бурханыг эсэргүүцсэн тэдний байдал болон Түүнд хандах дайсагнасан хандлагын мөн чанар, түүнчлэн тэдний үг, тэдний бодол нь шууд Бурханы Сүнсийг доромжилж, хилэгнүүлсэн. Тиймээс Бурхан тэдний хэлсэн болон хийсэн зүйлд үндэслэлтэй шүүлт хийж, тэдний үйл хэргийг Ариун Сүнсний эсрэг доромжлол үйлдсэн нүгэл гэж тодорхойлсон. Энэ нүгэл нь доорх ишлэл дээр хэлсэнчлэн энэ ба ирэх үед ч эс уучлагдах зүйл юм: “Ариун Сүнснийг доромжилсон гэм нүгэл уучлагдахгүй” ба “Ариун Сүнсний эсрэг ярьсан бүхэн энэ үед ч, мөн ирэх үед ч уучлагдах боломжгүй.”

Үг нь махбодоор илэрсэн номын үргэлжлэл “Бурханы ажил, Бурханы зан чанар ба Бурхан Өөрөө III”-өөс

58. Фарисайчууд яагаад Есүсийг эсэргүүцсэнийг та нар мэдэхийг хүсэж байна уу? Фарисайчуудын мөн чанарыг та нар мэдэхийг хүсэж байна уу? Тэд Мессиагийн талаарх уран зөгнөлөөр дүүрэн байдаг. Түүнээс гадна тэд Мессиаг л ирнэ гэдэгт итгэсэн ч амь үнэнийг эрж хайгаагүй. Тиймээс өнөөдөр ч гэсэн тэд Мессиаг ирэхийг хүлээж байдаг, учир нь тэдэнд амийн замын талаар ямар ч мэдлэг байдаггүй, мөн үнэний замыг мэддэггүй. Ийм тэнэг, зөрүүд хүмүүс Бурханы ерөөлийг хэрхэн олж авах вэ? Тэд Мессиаг хэрхэн олж харах вэ? Тэд Ариун Сүнсний ажлын чиглэлийг ойлгоогүй, Есүсийн хэлсэн үнэний замыг мэдээгүй цаашлаад Мессиаг ойлгоогүй учраас л Есүсийг эсэргүүцсэн. Тэд Мессиаг хэзээ ч харж байгаагүй, Мессиатай хэзээ ч хамт байгаагүй болохоор ямар нэгэн байдлаар Мессиагийн мөн чанарыг эсэргүүцэх зуураа Мессиагийн нэрэнд хоосон хүндэтгэл үзүүлэх алдаа гаргасан. Эдгээр фарисайчууд мөн чанарын хувьд зөрүүд, биеэ тоосон ба үнэнийг дагаагүй. Тэдний Бурханд итгэх зарчим нь энэ: Таны номлол хэр гүнзгий, Таны эрх мэдэл хэр өндөр байсан ч Мессиа гэж нэрлэгдээгүй л бол Та Христ биш. Эдгээр үзэл бодол нь утга учиргүй, хөгийн биш гэж үү?

Үг нь махбодоор илэрсэн номын “Чи Есүсийн сүнслэг биеийг олж харах үед Бурхан тэнгэр, газрыг шинээр бүтээсэн байх болно”-оос

59. Олон хүмүүс Бурханы янз бүрийн, өөр өөр ажлыг мэддэггүй учраас, цаашлаад тэд Ариун Сүнсний ажлыг хэмждэг дуслын төдий мэдлэг, хоосон сургаалыг эзэмшдэг учраас Бурханыг эсэргүүцэж Ариун Сүнсний ажилд саад болдоггүй гэж үү? Тийм хүмүүсийн дадлага туршлага нь өнгөцхөн байдаг хэдий ч тэд уг чанартаа биеэ тоосон, өөрсдийгөө өөгшүүлсэн байдаг бөгөөд тэд Ариун Сүнсний ажлыг үл хүндэтгэн үзэж, Ариун Сүнсний сахилга батыг үл ойшоож, цаашлаад Ариун Сүнсний ажлыг баталгаажуулахын тулд өөрсдийн хуучирсан ялихгүй нотолгоог ашигладаг. Тэд түүнчлэн дүр эсгэж, өөрсдийн эрдэм мэдлэг болоод дэлхийг хөндлөн гулд туулан аялах чадвартай гэдэгтээ бүрэн итгэлтэй байдаг. Тийм хүмүүс нь Ариун Сүнсээр жигшигдэн гологдох хүмүүс биш гэж үү, мөн тэд шинэ эрин үеэр таягдагдахгүй гэж үү? Бурханы өмнө ирж, Түүнийг илт эсэргүүцдэг өчүүхэн харалган тэдгээр хүмүүс зүгээр л хэчнээн ухаантайгаа үзүүлэхээр оролдож байгаа биш үү? Библийн хомс мэдлэгээрээ тэд дэлхийн “академийг” туулахыг хичээж, хүмүүст заах өнгөц сургаалаараа тэд Ариун Сүнсний ажлыг урвуулахыг хичээж, үүнийг өөрсдийнхөө бодлын үйл явцыг тойрон эргэлдүүлэхээр оролддог бөгөөд алсын хараагүй тэдгээр хүмүүс Бурханы 6,000 жилийн ажлыг нэг удаа хальт харахаар хичээдэг. Эдгээр хүмүүст ямар нэг эрүүл ухаан байна уу? Үнэндээ Бурханы талаарх хүмүүсийн мэдлэг хэдий чинээ их байна, тэд Түүний ажлыг шүүхдээ төдий чинээ алгуур байдаг. Цаашлаад тэд өнөөдрийн Бурханы ажлын талаарх өөрсдийн мэдлэгийн өчүүхнийг ярьдаг боловч өөрсдийн шүүмжинд яардаггүй. Хүмүүс Бурханыг хэдий чинээ бага мэднэ, тэд төдий чинээ биеэ тоосон, өөртөө хэт итгэлтэй байдаг ба төдий чинээ тэсгэлгүйгээр тэд Бурханы оршихуйг тунхагладаг-гэвч тэд зөвхөн онол ярьж, ямар ч бодит баримтыг санал болгодоггүй. Тийм хүмүүс бол ямар ч үнэ цэнэгүй юм.

Үг нь махбодоор илэрсэн номын “Бурханы ажлын гурван үе шатыг мэдэх нь Бурханыг мэдэх зам юм”-аас

60. Ариун Сүнсний ажлыг тоглоом шиг үздэг хүмүүс бол хөнгөн хийсвэр! Ариун Сүнсний шинэ ажилтай тулгарах үедээ хянуур байдаггүй хүмүүс, ам хуурайгүй чалчиж, хурдан шүүдэг хүмүүс, Ариун Сүнсний ажлын шударга явдлыг үгүйсгэх өөрсдийн төрөлхийн араншингаа сул тавьдаг, мөн үүнийг доромжилж гүтгэдэг хүмүүс нь Ариун Сүнсний ажлыг мэддэггүй бүдүүлэг хүмүүс биш гэж үү? Цаашлаад тэд их зантай, угийн бардам, дийлдэшгүй хүмүүс биш гэж үү? Тийм хүмүүс Ариун Сүнсний шинэ ажлыг хүлээн зөвшөөрөх өдөр ирлээ ч гэсэн Бурхан тэднийг тэвчихгүй юм. Тэд Бурханы төлөө ажилладаг хүмүүсийг дорд үзээд зогсохгүй мөн Бурханыг Өөрийг нь доромжилдог. Тийм муйхар хүмүүс өршөөгдөхгүй, энэ эрин үед ч эсвэл дараагийн ирэх эрин үед ч гэсэн тэд тамд үүрд мөхөх болно! Тийм бүдүүлэг, дураараа хүмүүс Бурханд итгэж байгаа мэт дүр үзүүлдэг ба тэд хэдий чинээ тэгж хийнэ, Бурханы захиргааны зарлигийг төдий чинээ зөрчдөг. Төрөлхийн сул задгай, хэзээ ч хэнд дуулгавартай байгаагүй тэдгээр их зантай хүмүүс бүгд энэ замаар алхдаггүй гэж үү?

Үг нь махбодоор илэрсэн номын “Бурханы ажлын гурван үе шатыг мэдэх нь Бурханыг мэдэх зам юм”-аас

61. Хэрвээ чи Бурханд олон жилийн туршид итгэсэн боловч хэзээ ч Түүнд дуулгавартай байгаагүй эсвэл Түүний бүх үгийг хүлээж аваагүй, харин оронд нь чамд захирагдаж, чиний үзлийн дагуу байхыг Бурханаас гуйсан бол чи хамгийн тэрслүү нэгэн бөгөөд үл итгэгч юм. Хүний үзэлтэй нийцдэггүй Бурханы үг болон ажилд ийм хүн яаж дуулгавартай байж чадах юм бэ? Хамгийн тэрслүү нэгэн бол Бурханыг санаатайгаар эсэргүүцэж, үл ойшоодог хүн юм. Тэр бол Бурханы дайсан бөгөөд антихрист билээ. Ийм хүн Бурханы шинэ ажилд байнга дайсагнасан хандлагатай байж, захирагдах өчүүхэн ч санаагүй байдаг бөгөөд хэзээ ч дуртайяа захирагдаж эсвэл өөрийгөө дорд болгож байгаагүй. Тэр бусдын өмнө өөрийгөө өргөмжилдөг ба бусдад хэзээ ч захирагддаггүй. Бурханы өмнө тэр өөрийгөө, үгийг номлохдоо хамгийн гаргууд бөгөөд бусад дээр ажиллахдаа хамгийн авьяастай нь гэж үздэг. Тэрээр аль хэдийн өөрт нь байгаа үнэт зүйлсээ хэзээ ч хаядаггүй, харин шүтэж байх ёстой, бусдад номлох ёстой үе дамжсан үнэт зүйл мэтээр тэдгээрт ханддаг бөгөөд өөрийг нь биширдэг тэнэг мунхаг хүмүүст сургаал айлдахдаа тэдгээрийгээ ашигладаг. Үнэндээ чуулганд ч гэсэн ийм хүмүүс нэлээд хэд байдаг. Тэднийг үеэс үед Бурханы гэрт түр амьдарч байгаа “номхоршгүй баатрууд” гэж хэлж болно. Тэд үг (хоосон сургаал)-ийг номлоно гэдэг нь өөрсдийнх нь хамгийн чухал үүрэг гэж боддог. Жилээс жилд, үеэс үед тэд өөрсдийн “ариун, халдашгүй” үүргийг биелүүлэн эрч хүчтэй явдаг. Хэн ч тэдэнд хүрч зүрхэлдэггүй бөгөөд нэг ч хүн тэднийг ил тод зэмлэж зүрхэлдэггүй. Тэд Бурханы гэрт “хаан” болж, үеэс үед бусдыг дарангуйлангаа дураараа авирладаг. Энэ сүрэг чөтгөрүүд гар нийлэн Миний ажлыг устгахаар зорьж байдаг; Би яаж энэ амьд чөтгөрүүдэд Миний өмнө оршин байхыг зөвшөөрч чадах билээ?

Үг нь махбодоор илэрсэн номын “Үнэн сэтгэлээр Бурханыг дуулгавартай дагадаг нэгнийг Бурхан гарцаагүй олж авах болно”-оос

62. Бурхан болон хүний талаар адил мэт ярьж болохгүй. Түүний мөн чанар болон Түүний ажил нь хүний хувьд хамгийн ойлгошгүй, мэдэхэд бэрхтэй юм. Хэрвээ Бурхан Өөрийн ажлыг биечлэн хийж, Өөрийн үгийг хүний ертөнцөд хэлээгүй бол хүн Бурханы хүслийг хэзээ ч ойлгож чадахгүй байх байсан, ингэснээр өөрсдийн бүхий л амьдралаа Бурханд зориулсан хүмүүс хүртэл Түүний зөвшөөрлийг олж авч чадахгүй байх болно. Бурханы ажилгүйгээр, хүний хийж байгаа зүйл хичнээн сайн байсан ч хамаагүй энэ нь юу ч биш болно, учир нь Бурханы бодол санаа нь үргэлж хүний бодол санаанаас дээгүүр байдаг ба Бурханы мэргэн ухаан нь хүн ойлгошгүй билээ. Иймээс Бурханыг болон Түүний ажлыг “нэвт харсан” хүмүүс нь үр дүнгүй гэж Би хэлдэг ба тэд бүгд биеэ тоосон, боловсрол мэдлэггүй юм. Хүн Бурханы ажлыг тогтоох ёсгүй; цаашлаад хүн Бурханы ажлыг тогтоож чадахгүй. Бурханы нүдээр хүн бол шоргоолжноос ч жижигхэн, иймд хүн Бурханы ажлыг хэрхэн ойлгож чадах юм бэ? “Бурхан ингэж эсвэл тэгж ажилладаггүй” эсвэл “Бурхан ийм эсвэл тийм” хэмээн үргэлж хэлдэг хүмүүс байдаг, тэдгээр нь бүгд биеэ тоосон биш гэж үү? Махан биетэй хүмүүс бүгд Сатанаар ялзруулагдсан гэдгийг бид бүгдээрээ мэдэх ёстой. Бурханыг эсэргүүцэх нь тэдний угийн чанар бөгөөд тэд Бурханы ажлын талаар зөвлөгөө өгч чадах нь бүү хэл, тэд Бурхантай эн тэнцүү биш. Бурхан хүнийг хэрхэн удирдан чиглүүлдэг нь Бурханы Өөрийн ажил юм. Хүн захирагдах ёстой ба ийм, тийм үзэл санаатай байх ёсгүй, учир нь хүн бол тоос шороо билээ. Нэгэнт бид Бурханыг эрж хайхаар оролдож байгаа учраас бид Бурханаар анхааруулахын тулд Бурханы ажилд өөрсдийн үзхүйгээ нэмэх ёсгүй, ядаж бид Бурханы ажлыг санаатайгаар эсэргүүцэхээр оролдохдоо өөрсдийн ялзармал зан чанараа ашиглах ёсгүй. Тэр нь биднийг антихристүүд болгохгүй гэж үү? Тийм хүмүүс, бид Бурханд итгэдэг гэж хэрхэн хэлж чадах юм бэ? Бурхан байдаг гэж бид итгэдэг учраас, Түүний сэтгэлд нийцэж, Түүнийг харахыг хүсдэг учраас бид үнэний замыг эрж хайх ёстой ба Бурхантай зохицолтой байх замыг хайх ёстой. Бид Бурханыг эсэргүүцэн зөрүүдлэн зогсох ёсгүй; тийм үйлдлээс ямар сайн зүйл гарах юм бэ?

Үг нь махбодоор илэрсэн номын үргэлжлэл “Удиртгал”-аас

63. Тэнэг, мэдлэггүй хүмүүс, Христийн энгийн хүн чанарыг өө сэв гэж үздэг. Тэр Өөрийн бурханлаг чанараа хэрхэн илэрхийлж, илчлэх нь хамаагүй, хүн Түүнийг Христ гэж хүлээн зөвшөөрөх чадваргүй байдаг. Христ Өөрийн дуулгавартай байдал, номхон даруу байдлыг хэдий чинээ их харуулна, тэнэг хүмүүс Христийг төдий чинээ дорд үздэг. Тэр ч байтугай Түүнд гадуурхсан ба доромжилсон хандлагаар ханддаг хүмүүс байдаг, гэсэн ч тэд шүтэн бишрэхийн тулд ширээн дээрээ ихэмсэг төрхтэй “агуу хүмүүсийн” зургийг тавьдаг.Хүний Бурханд хандах дуулгаваргүй байдал ба эсэргүүцэл нь, бие махбодтой болсон Бурханы мөн чанар Бурханы хүсэлд захирагддаг байдлаас, мөн түүнчлэн Христийн энгийн хүн чанараас үүсдэг; энд л хүн Бурханыг эсэргүүцэж, дуулгавартай дагадаггүйн эх үүсвэр оршиж байгаа юм. Хэрвээ Христэд хүн чанарын гадаад төрх байдаггүй, мөн бүтээгдсэн хүний өнцгөөс Бурхан Эцгийн хүслийг эрж хайдаггүй,харин үүний оронд Тэр супер хүний чанарыг эзэмшсэн байсан бол ямар ч хүн дуулгаваргүй хандахгүй байх байсан юм. Хүн тэнгэр дэх үл үзэгдэх Бурханд итгэхэд үргэлж бэлэн байдгийн шалтгаан нь, тэнгэр дэх Бурханд хүн чанар байхгүй ба Түүнд бүтээгдсэн зүйлийн нэг ч чанар байхгүйгээс болдог билээ. Иймээс хүн Түүнд үргэлж хамгийн их хүндэтгэлтэйгээр ханддаг, харин Христэд үл хүндэтгэсэн хандлага гаргадаг.

Үг нь махбодоор илэрсэн номын “Христийн мөн чанар бол тэнгэрлэг Эцгийн хүсэлд дуулгавартай байх юм”-аас

64. Хүний хамгийн том асуудал бол тэр өөрийн харж, хүрч чадахгүй зүйлсийг, асар нууцлаг, гайхалтай зүйлсийг мөн хүмүүсийн төсөөлшгүй зүйлийг, үхэх тавилантай жирийн хүмүүсийн хүрч чадахааргүй зүйлсийг л хайрладаг. Эдгээр зүйл хэдий чинээ бодит бус байна, хүн төдий чинээ тэдгээрийг шинжлэн судалж, бусад зүйлсийг үл анзааран тэдгээрийг л эрж хайж, тэдгээрийг олж авах боломжтой гэж өөрийгөө төөрөгдүүлдэг. Тэдгээр нь хэдий чинээ бодит бус байна, хүн төдий чинээ нарийвчлан судалж, шинжилдэг ба тэр ч байтугай тэдгээрийн талаар нарийн сэтгэмжилдэг. Үүний эсрэгээр нь, аливаа зүйлс хэдий чинээ бодит байна, хүн тэдгээрийг төдий чинээ үл тоодог; тэр тэдгээрийг үл ойшоосон байдлаар хардаг ба тэр ч байтугай тэдгээрийг үл тоомсорлодог. Өнөөдөр Миний хийж буй бодит ажилд ханддаг та нарын хандлага яг энэ биш гэж үү? Тэдгээр зүйл хэдий чинээ бодитой байна, та нар тэдгээрийг төдий чинээ гадуурхдаг. Тэдгээрийг судалж шинжлэх цагийг та нар огт гаргадаггүй, харин зүгээр л үл тоодог; эдгээр бодитой, амархан шаардлагыг үл ойшоон хардаг ба тэр ч байтугай хамгийн бодит энэ Бурханы талаар тоо томшгүй их үзлийг өвөрлөдөг бөгөөд Түүний бодит байдал, энгийн байдлыг хүлээн зөвшөөрөх чадваргүй байдаг. Ийм байдлаар та нар тодорхой бус байдлын дунд л итгэдэггүй гэж үү? Та нар өнгөрсөн үеийн бүдэг бадаг Бурханд тууштай итгэдэг ба өнөөдрийн бодит Бурханыг сонирхдоггүй. Өчигдрийн Бурхан ба өнөөдрийн Бурхан нь хоёр өөр эрин үеийнх болохоор ингэдэггүй гэж үү? Бас өчигдрийн Бурхан нь тэнгэр дэх агуу Бурхан, харин өнөөдрийн Бурхан нь газар дээрх өчүүхэн хүн болохоор ингэдэггүй гэж үү? Цаашлаад, хүний тахин шүтэж байгаа Бурхан нь түүний үзлээс бий болсон, харин өнөөдрийн Бурхан нь газар дээр бий болсон бодит биетэй учраас биш гэж үү? Бүхнийг хийж, хэлж байгаагаараа өнөөдрийн Бурхан хэтэрхий бодитой учраас хүн Түүнийг эрж хайхгүй байгаа биш гэж үү? Өнөөдрийн Бурханы хүнээр хийлгэж байгаа зүйл бол хүний хийх хамгийн дургүй байгаа зүйл буюу түүнийг ичихэд хүргэх зүйл юм. Энэ нь аливаа зүйлсийг хүмүүсийн хувьд хэцүү болгож байгаа биш гэж үү? Энэ нь түүний шарх сорвийг ил гаргахгүй гэж үү? Ингэснээр, бодит байдлыг эрж хайдаггүй олон хүмүүс бие махбодтой болсон Бурханы дайсан болно, антихрист болно. Энэ нь илэрхий зүйл биш гэж үү?

Үг нь махбодоор илэрсэн номын “Бурханыг болон Түүний ажлыг мэддэг хүмүүс л Бурханыг сэтгэл хангалуун байлгаж чадна”-аас

65. Одоог хүртэл Миний хэлсэн зүйл болон Миний хийсэн зүйлийн талаар чи үнэндээ хэр их ойлголттой вэ? Чи өөрийгөө тэнгэрээс бага зэрэг дутуу агаад газар даяар сүндэрлэсэн төрөлхийн суу билигтэн гэж бүү бод. Чи бусад хүмүүсээс илүү ухаантай биш бөгөөд өөрийгөө хэтэрхий өндрөөр хардаг учраас чи газар дээрх өөр ямар ч хэрсүү хүнээс илүү эгдүүтэй тэнэг гэж хэлж ч болох юм; бусдаас илүү дор байдлын мэдрэмж чамд хэзээ ч байгаагүй. Чи Миний хийсэн бүхнийг болор мэт тов тодорхой хардаг мэт санагддаг. Үнэндээ чи жаахан ч гэсэн хэрсүү хүн биш. Учир нь Миний хийх гэж байгаа зүйлийн талаар чи огтхон ч мэддэггүй ба Би одоогоор юу хийж байгаа талаар чи бүр ч бага мэддэг. Тийм учраас, хүмүүний амьдралын талаар ямар ч мэдлэггүй боловч газар тариалан эрхлэхдээ Тэнгэрийн ерөөлд найддаг ахмад тариачинтай чамайг харьцуулж болохгүй гэж Би хэлдэг. Чи өөрийнхөө амьдралын талаар үл тоомсорлодог бөгөөд чи өөрийнхөө нэр хүндийг мэддэггүй, өөрийнхөө талаар бүр ч бага мэдлэгтэй байдаг. Чи хэтэрхий “өндөр дээд агаад сүр хүчтэй”!

Үг нь махбодоор илэрсэн номын “Суралцдаггүй агаад юу ч мэддэггүй хүмүүс араатнаас өөрцгүй биш гэж үү?”-ээс

67. Өөрсдийн хувийн байр суурь, нэр хүндээ хамгаалахын тулд ялзармал хүн төрөлхтөн өөрсдийн сэтгэл хөдлөлөө олон дахин гаргаж, өөрсдийн ихэмсэг уг чанараа илчлэх болно. Нүглийн оршин тогтнолыг хадгалан хамгаалахын тулд хүн уурлан дүрэлзэж, өөрийн сэтгэл хөдлөлөө гаргах ба эдгээр үйлдлүүд нь сэтгэл ханамжгүй байдлаа илэрхийлэх хүний арга зам юм. Эдгээр үйлдлүүд нь доромжлолоор бялхдаг; тэдгээр нь заль мэх, далд явуулгаар бялхдаг; тэдгээр нь хүний ялзрал, хорон муугаар бялхдаг; үүнээс ч илүүтэйгээр тэдгээр нь хүний зэрлэг хүсэл зорилгоор бялхаж байдаг. Шударга ёс гэмт муу явдалтай тэмцэлдэх үед хүн шударга ёсны оршин тогтнолыг хамгаалахын тулд дүрэлзэн уурладаггүй; эсрэгээр нь шударга ёсны хүчийг аюул заналхийлж, хавчин шахаж, дайрч довтлох үед хүн үл ойшоосон, зайлсхийсэн, хойш суусан хандлагатай байдаг. Гэсэн хэдий ч хорон муугийн хүчтэй тулгарах үедээ хүн аядан дагасан, мэхийн ёсолж, бөхөлзсөн хандлагатай байдаг. Тиймээс хүн уурлах нь хорон муугийн хүчний зугталт, бие махбодтой хүний галзуурсан, зогсоохын аргагүй хорон муу зан байдлын илэрхийлэл юм.

Үг нь махбодоор илэрсэн номын үргэлжлэл “Цор ганц Бурхан Өөрөө II”-өөс

68. Та нар бүгд үй олон хүмүүсээс хамгийн өндөрт дээшилсэн; та нар үй олон хүмүүсийн өвөг дээдэс байхаар дээшилсэн. Та нар туйлын дур зоргоороо бөгөөд амар тайван газар эрж хайж байгаа бүх өтнүүдийн дунд та нар галзууран гүйж, өөрсдөөсөө жаахан өтнүүдийг залгихаар оролдож байгаа. Та нар зүрх сэтгэлдээ хорлонтой, зэвүүн байдаг бөгөөд далайн ёроолд живсэн хий үзэгдлүүдийнхээс даван гардаг. Та нар өтөг баасны ёроолд амьдарч, дээрээсээ эхлээд доошоо хүртэлх өтнүүдийг үймүүлдэг болохоор тэд амар тайван байж чаддаггүй, өөр хоорондоо хэсэг зуур тэмцэлдээд дараа нь тайвширдаг. Та нар өөрсдийн байр сууриа мэддэггүй ч өтөг баасан дотор бие биетэйгээ тэмцэлдсээр байдаг. Тэр тэмцэлдээнээс та нар юу олж авч чадах юм бэ? Хэрвээ та нарт Намайг хүндлэх зүрх сэтгэл үнэхээр байсан бол та нар Миний нүднээс далдуур хэрхэн бие биетэйгээ тэмцэлдэж чадах юм бэ? Чиний байр суурь хэчнээн өндөр байх нь хамаагүй чи бол өтөг баасан доторх өмхий үнэртэй өчүүхэн өт биш гэж үү? Чи далавчаа ургуулан тэнгэр дэх тагтаа болж чадах уу?

Үг нь махбодоор илэрсэн номын “Унаж буй навчис үндэс рүүгээ буцахад чи өөрийн хийсэн ёрын муу бүхэндээ харамсах болно”-оос

70. Чи Христтэй хамт байх үед, магадгүй чи Түүнд өдөрт гурван хоолоор үйлчилж, магадгүй Түүнд цайгаар үйлчилж, Түүний амьдралын хэрэгцээнд санаа тавьж, харваас Христэд Бурхан шиг ханддаг. Ямар нэг зүйл тохиолдох болгонд хүмүүсийн үзэл бодол нь үргэлж Бурханы үзлийн эсрэг байдаг. Тэд үргэлж Бурханы үзэл бодлыг ойлгож чаддаггүй, үүнийг хүлээн зөвшөөрч чаддаггүй. Хэдий хүмүүс гадна талдаа Бурхантай сайн харьцаатай байдаг ч, энэ нь тэд Түүнтэй зохицолтой байдаг гэсэн үг биш. Ямар нэгэн зүйл тохиолдонгуут хүний дуулгаваргүй байдлын үнэн гарч ирэн, хүн болон Бурханы хооронд оршдог дайсагналыг баталдаг. Энэ дайсагнал нь Бурхан хүнийг эсэргүүцэж байгаа явдал биш; энэ нь Бурхан хүнд дайсагнахыг хүссэндээ биш бөгөөд Бурхан хүнийг эсрэг талд тавьж, хүнд ингэж хандаж байгаа биш юм. Харин ч, энэ бол Бурханд хандах энэхүү эсрэг талын мөн чанар нь хүний субъектив хүсэлд, хүний дотоод сэтгэлд нууцаар байдаг тохиолдол юм. Хүн Бурханаас ирсэн бүхнийг өөрийн судалгааны объект болгодог болохоор Бурханаас ирсэн зүйлд болон Бурхантай хамаатай зүйлд хандах түүний хариу үйлдэл нь юун түрүүнд таамаглах, эргэлзэх бөгөөд дараа нь Бурхантай зөрчилддөг хандлагыг сонгож, Бурханыг эсэргүүцэх явдал байдаг. Үүний дараагаар, хүн эдгээр идэвхгүй ааш занг эзэмшиж, ийм төрлийн Бурханыг дагах нь түүнд хэрэгтэй эсэх талаар эргэлзэх түвшинд хүртэл Бурхантай маргалдаж эсвэл Бурхантай тэмцэлддэг. Хүний ухаалаг байдал нь ингэж үргэлжлүүлж болохгүй гэдгийг хүнд хэлдгийг үл харгалзан тэр өөрийгөө үл хайхран ингэж хийхээр сонгох ба эцсээ хүртэл ямар ч эргэлзээгүйгээр үргэлжлүүлэх болно. … Энэ нь юуг хэлж байна вэ? Энэ нь хүн ба Бурхан хоёр бол эсрэг тэсрэг гэдгийг хэлж байна. Бурхан хүнийг дайснаа гэж үздэг биш, харин хүний өөрийн мөн чанар нь Бурханд дайсагнасан байдаг.

Үг нь махбодоор илэрсэн номын үргэлжлэл “Бурханы зан чанар болон Түүний ажлын үр дүнг хэрхэн мэдэх вэ”-ээс

71. Чи Христийг үхэшгүй мөнхийн мэргэн хүн гэж хүндэтгэн үздэг, харин хэн ч Христийг бурханлаг мөн чанартай энгийн хүн гэж үздэггүй. Иймээс, Бурханыг харах гэж өдөржин шөнөжин хүсэмжлэн харуулддаг хүмүүс үнэндээ Бурхантай нийцэхгүй бөгөөд Бурханы дайсан юм. Хүний зүгээс энэ нь буруу зүйл биш гэж үү? Одоо ч гэсэн та нарын итгэл, үнэнч байдал чинь Христийн дүр төрхийг харахад зохистой гэж та нар бодож байгаа, гэхдээ Би та нарыг бодитой барьцтай зүйлээр өөрсдийгөө зэвсэглээсэй гэж ятгах байна! Учир нь өнгөрсөн, одоо, ирээдүйд Христтэй холбоотой байсан хүмүүсийн олонх нь бүтэлгүйтсэн; тэд бүгдээрээ фарисайчуудын дүрд тоглодог. Та нарын бүтэлгүйтлийн шалтгаан юу вэ? Чухамдаа энэ нь, та нарын үзэлд эрхэм дээд, хүндлүүштэй Бурхан байдагт оршино. Гэхдээ үнэн бол хүний хүссэнээр байдаггүй. Христ эрхэм дээд бишээр зогсохгүй харин ч Тэр нэн өчүүхэн; Тэр хүн байгаад зогсохгүй жирийн л нэг хүн; Тэр тэнгэр лүү дээш одож чадахгүйгээс гадна, газар дээр ч чөлөөтэй хөдөлж чадахгүй. Иймээс хүмүүс Түүнийг жирийн нэг хүн гэж ханддаг; тэд Түүнтэй хамт байхдаа өөрсдийн дураар хийж, Түүнтэй хайхрамжгүй ярилцаж, тэр зуураа “жинхэнэ Христийн” ирэлтийг хүлээсээр байдаг. Та нар аль хэдийн ирсэн Христийг энгийн хүн мэт үзэж, Түүний үгийг жирийн хүнийх шиг үздэг. Иймээс, үнэндээ Та нар Христээс юу ч аваагүй, харин ч эсрэгээрээ гэрэлд хамаг муу муухайгаа ил гаргасан.

Үг нь махбодоор илэрсэн номын “Христтэй нийцэхгүй хүмүүс гарцаагүй Бурханы дайсан юм”-аас

72. Христтэй холбогдохоосоо өмнө чиний зан чанар бүхэлдээ өөрчлөгдсөн гэж чи итгэж байж болох юм, чи өөрийгөө Христийн үнэнч дагалдагч гэж итгэж байж болох юм, чи мөн Христээс ерөөл авах хамгийн зохистой нэгэн хэмээн итгэж байж болох юм. Учир нь чи олон замаар аялж, ихээхэн ажил хийж, арвин их үр жимс гаргасан, иймээс чи эцэст нь титмийг авах нэгэн байх учиртай. Гэсэн ч чиний мэдэхгүй нэг үнэн байгаа: Хүний ялзарсан зан чанар, тэрслүү байдал, эсэргүүцэл нь Христийг харах үед ил болдог ба ийм үед илэрсэн тэрслүү байдал, эсэргүүцэл нь юу юунаас илүү бүрэн дүүрэн, туйлын байдаг. Учир нь Христ хүний Хүү бөгөөд энгийн хүн чанартай тул хүн Түүнийг хүндэлж дээдэлдэггүй. Бурхан махан биед амьдардаг тул хүний тэрслүү байдал гэрэлд бүрэн дүүрэн тод томруунаар гарч ирдэг. Иймд Христийн ирэлт нь хүн төрөлхтний бүх тэрслүү зан чанарыг ил гаргаж хүний уг чанарыг илчилсэн юм гэж Би хэлдэг. Үүнийг “барыг уулнаас буулгах” ба “чоныг үүрнээс нь гаргах” гэж хэлдэг.

Үг нь махбодоор илэрсэн номын “Христтэй нийцэхгүй хүмүүс гарцаагүй Бурханы дайсан юм”-аас

73. Үнэхээр Христтэй хамт амьдрах үед чиний өөрийгөө зөвтгөх байдал, өөрийгөө чухалд тооцох явдал үг, үйлдлээр чинь аажмаар ил гарч ирнэ, иймээс чиний хэмжээлшгүй их хүсэл, дуулгаваргүй байдал, сэтгэл дундуур байдал аяндаа илчлэгдэнэ. Эцэст нь, чиний биеэ тоосон байдал улам их болох ба чи Христтэй ус гал хоёр шиг нийцэлгүй болох үед чиний уг чанар бүхэлдээ ил болно. Тэр үед чиний үзэл халхлагдаж, далдлагдахаа болино. Чиний гомдол ч гэсэн аяндаа илэрхийлэгдэх ба чиний өөдгүй олиггүй хүн чанар бүхэлдээ ил гарна. Гэсэн хэдий ч, чи өөрийнхөө тэрслүү байдлыг үргэлжлүүлэн хүлээн зөвшөөрөхгүй. Тэгээд чи, ийм Христийг хүлээн зөвшөөрөхөд амаргүй, Тэр хүнд хэт хатуу чанга ханддаг бөгөөд хэрвээ Тэр арай өөр, илүү эелдэг Христ байсан бол Түүнд бүрэн захирагдах байсан гэж итгэдэг. Тэрслүү байдалд чинь шалтгаан байгаа ба Христ та нарыг тодорхой хэмжээнд хүртэл шахамдуулсан үед л Түүний эсрэг тэрсэлдэг гэж та нар итгэдэг. Та нар Христийг Бурхан гэж үздэггүй, мөн Түүнд дуулгавартай байх огтхон ч бодолгүй гэдгээ хэзээ ч ухаарч байгаагүй. Эсрэгээрээ, чи Христээс оюун санааны чинь дагуу ажиллахыг зөрүүдлэн шаарддаг бөгөөд тийнхүү хийгдээгүй ямар ч ажлын тухайд чи Тэр бол Бурхан биш, харин хүн гэж итгэдэг. Та нарын олонх чинь Түүнтэй ийм маягаар тэмцэлдээгүй гэж үү? Та нарын итгэдэг нэгэн хэн юм бэ? Та нар хэрхэн эрж хайдаг вэ?

Үг нь махбодоор илэрсэн номын “Христтэй нийцэхгүй хүмүүс гарцаагүй Бурханы дайсан юм”-аас

74. Өдөр бүр, хором бүрд чи үнэхээр Түүнд Бурхан шиг хандаж чадах уу? Чи үнэхээр Бурханд дуулгавартай байх бодит байдалтай байх уу? Та нар зүрх сэтгэл доторх эрхэмсэг дээд Бурханыг Ехова хэмээн шүтэн мөргөдөг боловч нүдэнд үзэгдэх Христийг хүн гэж үздэг. Та нарын мэдрэхүй хэт доогуур, хүн чанар чинь хэт дорд! Та нар Христийг үүрд Бурхан гэж үзэх чадваргүй; эсрэгээрээ, та нарт таатай санагдах үед Түүнийг зүгээр л өөр лүүгээ татаж авчраад Бурхан хэмээн шүтэн мөргөдөг. Ийм учраас Би та нарыг Бурханд итгэгчид биш, харин Христтэй тэмцэлддэг хүмүүсийн хамсаатан гэж хэлдэг. Бусдад сайхан сэтгэл гаргадаг хүн хүртэл хариугаа авдаг, гэтэл та нарын дунд ийм ажил хийдэг Христ хүнээр хайрлагддаг ч үгүй, хариу шагнал авдаг ч үгүй, мөн Тэр хүний дуулгавартай байдлыг ч хүртдэггүй. Хамгийн гунигтай зүйл энэ биш гэж үү?

Үг нь махбодоор илэрсэн номын “Христтэй нийцэхгүй хүмүүс гарцаагүй Бурханы дайсан юм”-аас

75. Итгэлийн тухайд гэвэл зарим хүмүүс, өөрсдөд нь итгэл байгаа учраас Бурханыг дагадаг, эс бөгөөс тэд ийм зовлонг үүрэхгүй байсан гэж боддог. Тэгвэл Би чамаас үүнийг асууя: Чи Түүний оршин байгаад итгэдэг мөртлөө яагаад Бурханыг хэзээ ч хүндэтгэдэггүй юм бэ? Хэрвээ чи Түүний оршин байгаад итгэдэг юм бол яагаад зүрх сэтгэлдээ Бурханаас айдаггүй юм бэ? Чи Христийг бие махбодтой болсон Бурхан гэж хүлээн зөвшөөрдөг мөртлөө яагаад ийм басамжлалыг агуулж, Түүнд ийм хүндэтгэлгүйгээр ханддаг юм бэ? Чи яагаад Түүнийг илтэд шүүдэг юм бэ? Чи яагаад үргэлж Түүний хөдөлгөөнийг ажигладаг юм бэ? Чи яагаад Түүний зохицуулалтуудад захирагддаггүй юм бэ? Чи яагаад Түүний үгсийн дагуу үйлддэггүй юм бэ? Чи яагаад Түүнийг сүрдүүлж тахилыг нь хулгайлдаг юм бэ? Чи яагаад Христийн өмнөөс ярьдаг юм бэ? Чи яагаад Түүний ажил болон Түүний үг зөв эсэхийг шүүдэг юм бэ? Чи яагаад Түүний араар Түүнийг доромжилж зүрхэлдэг юм бэ? Эдгээр болон бусад зүйлээс та нарын итгэл бүрэлддэг юм гэж үү?

Үг нь махбодоор илэрсэн номын “Чи Бурханы жинхэнэ итгэгч мөн үү?”-ээс

76. Та нарын яриа болон зан авирын хэсэг бүр та нарын дотор байгаа Христэд үл итгэх байдлын элементүүдийг илчилдэг. Та нарын хийж байгаа зүйлийн сэдэл болон зорилгод итгэлгүй байдал нэвчсэн байдаг; та нарын харж байгаа харц болон амьсгалж байгаа амьсгаа хүртэл ийм элементүүдээр бохирдсон байдаг. Өөрөөр хэлбэл та нар бүгдээрээ өдрийн минут бүрд үл итгэх байдлын элементийг өөртөө агуулж байдаг. Энэ нь мөч бүрд та нар Христээс урвах аюулд байдаг гэсэн үг юм, учир нь та нарын биеэр гүйж байгаа цусанд бие махбодтой болсон Бурханд үл итгэх байдал шингэсэн байдаг. Тиймээс Би, та нарын Бурханд итгэх итгэлийн замдаа үлдээсэн мөрүүд бодитой бус гэж хэлдэг. Бурханд итгэх итгэлийн зам дээрх та нарын аян сайтар үндэслэгдээгүй ба оронд нь та нар зүгээр л дүр үзүүлдэг. Та нар Христийн үгийн талаар үргэлж эргэлзэж байдаг бөгөөд үүнийг шууд хэрэгжүүлж чаддаггүй. Энэ бол та нарт Христэд итгэх итгэл байдаггүйн шалтгаан бөгөөд үргэлж Түүний талаар үзэлтэй байдаг нь та нар Христэд итгэдэггүйн өөр нэг шалтгаан юм. Христийн ажлын талаарх үл итгэх байдлаа үргэлж хадгалах, Христийн үгийг чихнийхээ хажуугаар өнгөрөөх, Христийн хийсэн ажил бүрийн талаар санал бодолтой байх, үүнийг зөвөөр ойлгох чадваргүй байх, ямар ч тайлбар хүлээж авсан үзлээ орхиход хэцүү байх гэх мэт нь бүгдээрээ та нарын зүрх сэтгэлд холилдсон үл итгэх байдлын элементүүд юм.

Үг нь махбодоор илэрсэн номын “Чи Бурханы жинхэнэ итгэгч мөн үү?”-ээс

77. Гадна талаараа та нар бүгд газар дээрх энэ Христэд маш дуулгавартай мэт харагддаг боловч мөн чанартаа та нар Түүнд итгэдэггүй ба Түүнийг хайрладаггүй. Би юу гэж байна вэ гэвэл, та нарын үнэхээр итгэдэг нэгэн чинь та нарын мэдрэмжинд байдаг тэр тодорхойгүй Бурхан бөгөөд та нарын үнэхээр хайрладаг нэгэн чинь та нар хэзээ ч биечлэн хараагүй мөртлөө өдөр, шөнөгүй хүсэн тэмүүлдэг Бурхан юм. Энэ Христийн тухайд гэвэл, та нарын итгэл бол ердөө л өчүүхэн хэсэг төдий ба Түүнийг гэсэн та нарын хайр бол юу ч биш.

Үг нь махбодоор илэрсэн номын “Газар дээрх Бурханыг хэрхэн мэдэх вэ”-ээс

78. Одоогоор та нарын итгэл зүрх сэтгэлийн чинь ердөө гучин хувь нь байдаг бөгөөд далан хувь нь эргэлзээнд эзэмдүүлсэн байдаг. Христийн хийсэн үйл болон хэлсэн өгүүлбэр бүр нь та нарыг Түүний тухай үзэл болон саналыг бий болгоход хүргэж болно. Эдгээр үзэл болон саналууд нь та нарын Түүнд огт итгэдэггүй байдлаас урган гардаг. Та нар зөвхөн тэнгэр дэх нүдэнд харагддаггүй Бурханыг л гайхан биширч, Түүнээс айдаг бөгөөд харин газар дээр амьдарч байгаа Христийг огт авч үздэггүй. Энэ нь мөн л та нарын итгэлгүй байдал биш үү? Та нар өнгөрсөнд ажил хийсэн Бурханыг л санагалзахаас биш өнөөдрийн Христтэй нүүр тулдаггүй. Эдгээр нь өнөөдрийн Христэд итгэдэггүй та нарын зүрх сэтгэлд үргэлж холилдож байдаг “итгэл” юм. Би та нарыг дутуу үнэлдэггүй, учир нь та нарын дотор хэтэрхий их үл итгэх байдал байдаг ба та нарын хэтэрхий олон нь бохир бөгөөд задлан шинжлэгдэх ёстой. Эдгээр бохир байдал нь та нарт огт итгэл байхгүй гэдгийн тэмдэг юм; эдгээр нь та нар Христээс татгалзсаны тэмдэг бөгөөд та нарыг Христээс урвагч гэж тамгалдаг. Эдгээр нь та нарын Христийн тухай мэдлэгийг хаадаг зүйл, та нарыг Христ авахад саад болж байгаа зүйл, Христтэй нийцэлтэй байхад чинь саад болж байгаа зүйл, мөн Христ та нарыг зөвшөөрдөггүйнн нотолгоо билээ.

Үг нь махбодоор илэрсэн номын “Чи Бурханы жинхэнэ итгэгч мөн үү?”-ээс

79. Бурханд итгэсэн энэ бүх он жилүүддээ чи хэнийг ч харааж, муу зүйл хийж байгаагүй байж болох ч Христтэй харилцахдаа чи үнэнийг хэлж, чин сэтгэлээсээ үйлдэж, эсвэл Христийн үгийг дуулгавартай дагаж чаддаггүй; иймээс Би чамайг дэлхийн хамгийн бузар, хортой нэгэн гэж хэлдэг. Хэрэв чи ялангуяа садан төрөл, найз нөхөд, эхнэр (эсвэл нөхөр), охид хөвгүүд, эцэг эхдээ эелдэг зөөлөн, үнэнч байгаад бусдыг хэзээ ч буруугаар ашигладаггүй боловч Христтэй нийцэлтэй эвтэй байж чаддаггүй бол хэдий чи бүх хөршөө туслан дэмжиж, аав ээжийгээ сайн асарч, гэр орноо гайгүй сайн авч явсан ч Би чамайг хорон муу бас зальжин гэж хэлсээр л байдаг. Чи хүнтэй нийцэлтэй байж, зарим нэг сайн үйл хийдэг ч өөрийгөө Христтэй нийцэлтэй гэж бүү бод. Чиний сайхан сэтгэл Тэнгэрийн ерөөлийг хулгайлж чадна гэж чи итгэж байна уу? Сайн үйлс чиний дуулгавартай байдлыг орлоно гэж чи бодож байна уу? Та нарын хэн нь ч харьцалт, засалтыг хүлээн зөвшөөрдөггүй бөгөөд бүгдэд чинь Христийн энгийн хүн чанарыг хүлээн зөвшөөрөхөд хэцүү санагддаг. Тэгсэн хэрнээ та нар Бурханд дуулгавартай байдаг гэж байнга зарладаг. Та нарынх шиг ийм итгэлд тохирох цээрлүүлэлт ирэх болно.

Үг нь махбодоор илэрсэн номын “Христтэй нийцэхгүй хүмүүс гарцаагүй Бурханы дайсан юм”-аас

80. Та нарын зүрх муу зүйл, урвалт, заль мэхээр дүүрэн. Та нарын хайр хэр их ариун бус вэ? Та нар Миний төлөө хангалттай зүйлсээ орхисон хэмээн итгэж байгаа; та нар Миний төлөө өгсөн хайраа хангалттай хэмээн итгэж байгаа, гэвч та нарын үгс болон үйлдлүүд яагаад үргэлж эсэргүүцэл болон мэхлэлт тээнэ вэ? Та нар Намайг дагадаг ч Миний үгийг хүлээн зөвшөөрдөггүй. Үүнийг хайр гэж үзэх үү? Та нар Намайг дагадаг гэхдээ Намайг голдог. Үүнийг хайр гэж үзэх үү? Та нар Намайг дагадаг, гэтэл Надад итгэдэггүй. Үүнийг хайр гэж үзэх үү? Та нар Намайг дагадаг, гэтэл Миний оршиж байгааг хүлээн зөвшөөрдөггүй. Үүнийг хайр гэж үзэх үү? Та нар Намайг дагадаг, гэтэл та нар Надтай ялгамж чанараар минь харьцдаггүй, алхам тутамдаа Надад хүндрэл учруулдаг. Үүнийг хайр гэж үзэх үү? Та нар Намайг дагадаг, гэтэл та нар Намайг тэнэг гэж бодон бүхий л аргаар хуурахыг оролддог. Үүнийг хайр гэж үзэх үү? Та нар Надад үйлчилдэг, гэтэл та нар Надаас айдаггүй. Үүнийг хайр гэж үзэх үү? Та нар бүхий л зүйлд Надтай дайсагнадаг. Энэ бүгдийг хайр гэж үзэх үү? Та нар их зүйлийг золиослодог, энэ бол үнэн, гэтэл та нар Миний шаардсан зүйлсийг хэзээ ч хэрэгжүүлдэггүй. Үүнийг хайр гэж үзэх үү? Болгоомжтой тооцоолох нь та нарын дотор Намайг хайрлах хайрыг багаар ч гэсэн үзүүлж чадахгүй. Энэ олон жилийн турш ажлын дараа ийм их үгсээр та нарыг хангасаны дараа, та нар хэр ихийг хүлээн авсан бэ? Үүнийг нарийн эргэцүүлэх чухалгүй гэж үү?

Үг нь махбодоор илэрсэн номын “Дуудагдсан нь олон ч сонгогдсон нь цөөхөн”-өөс

81. Та нарын ам хуурмаг болон бузар зүйлс, урвалт болон омогтой үгсээр дүүрэн. Та нар хэзээ ч Надтай үнэн сэтгэлийн болон ариун үгсээр ярьж, мөн Миний үгсэнд дадлагажих болоод Надад дуулгавартай байх үгсийг ярьж байгаагүй. Энэ ямар итгэл бэ? Та нарын зүрх шунал болон эд баялагаар дүүрч; та нарын бодол материаллаг зүйлсээр дүүрсэн. Өдөр болгон, та нар Надаас юу авах талаар, Надаас хэр их хэмжээний эд баялаг хэр их материаллаг зүйлс авснаа тооцдог. Өдөр болгон, та нар өөрсөд дээрээ илүү их ерөөл хүртэж тиймээс илүү их эдлэх зүйлсийг авах боломжтой талаар хүлээдэг.

Үг нь махбодоор илэрсэн номын “Дуудагдсан нь олон ч сонгогдсон нь цөөхөн”-өөс

82. Та нарын хууралт, та нарын их зан, та нарын шунал, та нарын туйлширсан хүсэл, та нарын урвалт, та нарын дуулгаваргүй байдал—эдгээрийн аль нь Надад мэдэгдэлгүй өнгөрөх юм бэ? Та нар Намайг мэхэлж, Намайг хуурч, Намайг гутааж, Намайг залилж, Надаас нэхэж, Намайг сүрдүүлж тахилыг авдаг—ийм хорлонтой арга хэрхэн Миний шийтгэлээс зайлсхийх юм бэ? Та нарын мууг үйлдэж байгаа чинь Миний дайсан гэдгийн баталгаа ба энэ нь Надтай үл нийцдэгийн чинь баталгаа юм. Та нар бүгд өөрсдийгөө Надтай маш их нийцэлтэй гэж итгэдэг, гэхдээ хэрвээ тийм байсан бол ийм маргашгүй нотлох баримт нь хэнд хамаарах юм бэ? Та нар өөрсдийгөө, Надад туйлын чин, үнэнч сэтгэлээр ханддаг гэж итгэдэг. Та нар өөрсдийгөө маш сайхан сэтгэлтэй, маш өр нимгэн бөгөөд Надад маш ихийг зориулсан гэж боддог. Миний төлөө хангалттай ихийг хийсэн гэж та нар боддог. Гэхдээ хэзээ нэгэн цагт та нар эдгээр итгэлээ өөрсдийнхөө үйлдэлтэй жишиж үзсэн үү? Та нар бол ихээхэн биеэ тоосон, ихээхэн шуналтай, ихээхэн хайхрамжгүй гэж Би хэлнэ; та нарын Намайг хуурдаг арга залиуд ихээхэн ухаантай бөгөөд та нарт, зэвүүцмээр санаа болон арга барил ихээхэн байдаг. Та нарын үнэнч байдал хэтэрхий хомс, та нарын буурь суурь хэтэрхий өчүүхэн ба та нарын мөс чанар бүр ч илүү дутмаг. Та нарын зүрх сэтгэлд хэтэрхий их муу санаа байдаг ба хэн ч үүнээс чөлөөлөгдөхгүй, бүр Би хүртэл.

Үг нь махбодоор илэрсэн номын “Чи Христтэй нийцэлтэй байх замыг эрж хайх ёстой”-оос

83. Өчүүхэн үнэнч зангийнхаа төлөө та нар өөрсдийгөө магтаж, өчүүхэн золиос гаргасныхаа төлөө шагнал хүсдэг; яльгүй дуулгавартай байсныхаа төлөө бусдыг дорд үзэж, ядуухан ажил хийснийхээ төлөө Бурханд дээрэнгүй ханддаг. Бурханыг хүлээж авсныхаа төлөө эд баялаг, бэлэг сэлт, магтаал сайшаал авахыг хүсдэг. Ганц хоёрхон зоос өгөхдөө сэтгэл чинь өвддөг; арвыг өгөхдөө та нар ерөөл хүртэж, бусдаас онцгойрохыг хүсдэг. Та нарынх шиг хүн чанарын талаар ярих бүү хэл сонсох ч эвгүй юм. Та нарын үг, үйлдлээс магтууштай зүйл юу байна вэ? Үүрэг даалгавараа биелүүлдэг ба биелүүлдэггүй хүмүүс; удирддаг ба дагадаг хүмүүс; Бурханыг хүлээж авдаг бас авдаггүй хүмүүс; өгдөг ба өгдөггүй хүмүүс; номлодог ба үгийг хүлээн авдаг хүмүүс гэх мэт; ийм бүх хүмүүс өөрсдийгөө магтдаг. Энэ нь та нарт инээдэмтэй санагдахгүй байна гэж үү? Бурханд итгэдэг гэдгээ та нар гарцаагүй мэддэг хэдий ч Бурхантай нийцэлтэй байж чаддаггүй. Та нар үнэ цэнэгүй гэдгээ гарцаагүй мэдэж байдаг ч сайрхуу хэвээр байдаг. Өөрийгөө хянаж чадахаа больтол мэдрэмж чинь тийм болсон гэдгээ та нар мэдрэхгүй байна гэж үү? Ийм мэдрэмжтэй байж та нар Бурхантай харилцахад яаж тохирох юм бэ? Одоо та нар өөрсдөөсөө айхгүй байна уу? Та нарын зан чанар аль хэдийн Бурхантай нийцэж чадахааргүй болсон. Та нарын итгэл утгагүй биш гэж үү? Та нарын итгэл хөгийн биш гэж үү?

Үг нь махбодоор илэрсэн номын “Христтэй нийцэхгүй хүмүүс гарцаагүй Бурханы дайсан юм”-аас

84. Миний олон жилийн ажлын турш, хүмүүс маш их зүйл хүлээн авч, өөрийн маш их зүйлээ орхисон, хэдий ч Би одоог хүртэл хүмүүс Надад үнэн итгэдэг гэж боддоггүй. Хүн нүүрэн дээрээ Намайг Бурхан хэмээн хүлээн зөвшөөрдөг ч Миний хэлсэн үнэнтэй санал нийлэхгүйн дээр Миний тэднээс шаарддаг үнэнийг хэрэгжүүлдэггүй. Өөрөөр хэлбэл, хүн зөвхөн Бурхан оршин байгааг хүлээн зөвшөөрдөг, гэвч үнэн хэмээн хүлээн зөвшөөрдөггүй; хүн зөвхөн Бурхан байгааг хүлээн зөвшөөрдөг ч, амийг хүлээн зөвшөөрдөггүй; хүн Бурханы нэрийг хүлээн зөвшөөрдөг гэвч Түүний мөн чанарыг хүлээн зөвшөөрдөггүй. Тэдний халуун сэтгэлд нь Би жигшдэг, учир нь хүн зөвхөн чихэндээ таалагдсан үгсийг ашиглаж Намайг мэхэлнэ, хэн ч жинхэнэ зүрхээрээ Намайг шүтдэггүй. Та нарын үгс могойн уруу таталтыг тээдэг. Та нарын үг хэт ихэрхүү, тэргүүн тэнгэрэлч хэлсэн мэт байдаг. Мөн, та нарын үйлдлүүд тамтаг болсон, та нарын хэрээс хэтэрсэн, шуналтай хүсэл сонсоход төвөгтэй. Та бүхэн Миний гэрт цагаан эрвээхэй болсон ба Миний жигшин зэвүүцэх зүйл болсон. Та бүхэн үнэнд хайртай биш, зөвхөн ерөөлд дуртай, диваажинд л очих сонирхолтой ба Христийг Өөрийн хүчээ дэлхий дээр харуулах үед л баясдаг.

Үг нь махбодоор илэрсэн номын “Дуудагдсан нь олон ч сонгогдсон нь цөөхөн”-өөс

85. Чиний гайхан биширдэг зүйл бол Христийн даруу зан биш, харин алдартай байр суурин дээр байгаа тэдгээр хуурамч хоньчид юм. Чи Христийн хайр татам байдал эсвэл мэргэн ухааныг хайрладаггүй, харин бузар булай ертөнцтэй холбогддог эдгээр завхай зайдан амьтдыг хайрладаг. Чи толгой хоргодох газаргүй Христийн өвдөлт шаналлыг харан инээдэг боловч тахилыг цөлмөж, завхайрч амьдардаг тэрхүү амьд үхдлүүдийг гайхан биширдэг. Чи Христийн хажууд зовохыг хүсэхгүй байгаа боловч чамайг зөвхөн махан бие, бичиг үсэг, хяналтаар хангадаг эдгээр бодлогогүй антихристүүдийн гар луу баяртайгаар очдог. Бүр одоо ч гэсэн чиний зүрх сэтгэл тэдний зүг, тэдний нэр хүнд, бүх Сатаны зүрх сэтгэл дэх тэдний байр суурь, тэдний нөлөө, тэдний эрх мэдэл рүү эргэсэн хэвээр байгаа, гэсэн ч чи Христийн ажлыг хүлээж авахаас татгалзах, эсэргүүцэх хандлагыг агуулсаар байна. Ийм учраас чамд Христийг хүлээн зөвшөөрөх итгэл байдаггүй гэж Би хэлдэг.

Үг нь махбодоор илэрсэн номын “Чи Бурханы жинхэнэ итгэгч мөн үү?”-ээс

86. Зарим хүмүүс үнэнд баясдаггүй ба шүүлтэнд бол бүр баясдаггүй. Үүний оронд тэд харин хүч чадал, эд баялагт баясдаг; ийм хүмүүсийг дээдсийг дуурайгч гэдэг. Тэд дэлхийд нөлөө бүхий урсгалуудыг, шашны академиас ирсэн пастор болон багш нарыг онцгойлон хайдаг. Үнэний замыг хүлээн авсныг үл харгалзан тэд эргэлзсэн хэвээр байдаг бөгөөд өөрсдийгөө бүрэн зориулах чадваргүй байдаг. Тэд Бурханы төлөө зориослох тухай ярьдаг боловч нүд нь агуу пастор болон багш нар дээр байх тул Христийг үл тоодог. Тэдний зүрх сэтгэл нэр алдар, ашиг, алдар суугаар дүүрсэн байдаг. Тэд, ийм туранхай хүн тийм олон хүнийг байлдан дагуулах чадвартай гэдэгт, энэхүү бусдаас ялгарах юмгүй хүн хүмүүсийг төгс болгох чадвартай гэдэгт итгэдэггүй. Тэд эдгээр тоос шороонд дарагдсан хэн ч биш хүмүүс нь Бурханы сонгосон хүмүүс гэдэгт огт итгэдэггүй. Хэрэв ийм хүмүүс Бурханы авралын бай байх юм бол тэнгэр газар хөмөрч, бүх хүн толгойгоо тасартал инээх байсан гэж тэд итгэдэг. Хэрэв Бурхан эдгээр хэн ч биш хүмүүсийг төгс болгохоор сонгож авсан юм бол эдгээр агуу хүмүүс Бурхан Өөрөө болох байсан гэж тэд итгэдэг. Тэдний өнцөг нь үл итгэх байдлаар бохирдсон байдаг; тэд нар үнэндээ үл итгэх байдлаас ч дор өөрийн ухаангүй араатнууд юм. Учир нь тэд зөвхөн албан тушаал, нэр хүнд, хүч чадлыг үнэлдэг; тэдний өндрөөр үнэлдэг зүйл нь зөвхөн том бүлэглэл, урсгалууд байдаг. Тэд Христээр удирдуулж байгаа хүмүүсийг огт хүндэтгэдэггүй; тэд зүгээр л Христийг, үнэнийг, амийг орхисон урвагчид юм.

Үг нь махбодоор илэрсэн номын “Чи Бурханы жинхэнэ итгэгч мөн үү?”-ээс

87. Бүхий л шашны урсгал болон бүлэглэлийн удирдагчдыг хар. Тэд бүгд их зантай агаад өөрсдийгөө зөвтгөдөг, тэд өөрсдийнхөө төсөөллийн дагуу, хам сэдвээс нь Библийг тайлбарладаг. Ажлаа хийхийн тулд тэд нар бүгдээрээ авьяас билиг, эрдэм мэдлэгт найддаг. Хэрвээ тэд ямар нэгэн зүйлийг номлох чадваргүй байсан бол тэр хүмүүс тэднийг дагах уу? Эцсийн эцэст тэд зарим нэг эрдмийг эзэмшдэг бөгөөд бага зэрэг сургаал хэлж чаддаг эсвэл бусдыг хэрхэн ятгаж, зарим нэг арга чаргыг хэрхэн ашиглахаа мэддэг, тэдгээрээр дамжуулан тэд хүмүүсийг өөрсдийнхөө өмнө аваачиж, тэднийг хуурсан. Энэ хүмүүс Бурханд нэр төдий итгэдэг-гэхдээ бодит байдал дээр тэд удирдагчдаа дагадаг. Хэрвээ тэд жинхэнэ замыг номлодог хүмүүстэй уулзвал тэдний зарим нь “Бид Бурханд итгэх итгэлийнхээ талаар түүнтэй зөвшилцөх хэрэгтэй” гэж хэлэх болно. Бурханд итгэхийн тулд тэд хэн нэгний зөвшөөрлийг хэрхэн шаардаж байгааг хар; энэ нь асуудал биш гэж үү? Тэгвэл тэр удирдагчид юу болох вэ? Хүмүүс жинхэнэ замыг хүлээн зөвшөөрөхөд тэд Фарисайчууд, хуурамч хоньчид, антихристүүд, мөн саад тээг болсон биш гэж үү? Ийм төрлийн хүмүүс Паултай адил төрлийнхөд харьяалагддаг.

Христийн ярианы тэмдэглэл номын “Үнэний эрэл хайгуул л Бурханд итгэх жинхэнэ итгэл юм”-аас

88. Хэрвээ та нар маш зальтай бол, та нар хаалттай зүрх сэтгэлтэй бөгөөд бүх зүйлс, бүх хүмүүсийн талаар эргэлзсэн бодолтой байдаг. Энэ учир шалтгааны улмаас, Надад итгэх та нарын итгэл чинь хардлагын суурин дээр бий болдог. Ийм итгэл нь Миний хэзээ ч хүлээн зөвшөөрөхгүй зүйл юм. Жинхэнэ итгэлгүйгээр та нарын хайр, жинхэнэ хайраас хамаагүй хол байна. Тэгээд хэрвээ та нар Бурханд эргэлзэж, Түүний талаар төсөөлөн бодож байвал, та нар гарцаагүй хамгийн зальтай хүмүүс юм. Бурхан хүнтэй адил байж чадах эсэхийг та нар төсөөлөн боддог: уучлашгүй нүгэлтэй, явцуу зан авиртай, шударга байдал ёс зүйгүй, зөвт байдлын мэдрэмж дутмаг, муу санаа, урвалт, заль мэх хэрэглэдэг, түүнчлэн муу, харанхуйн таалалд нийцдэг гэх мэт. Хүнд ийм бодол байдгийн шалтгаан нь Бурханы талаарх өчүүхэн төдий ч мэдлэг хүнд байдаггүй учраас биш гэж үү? Тийм итгэл нь нүглээс өөрцгүй! Цаашлаад, Би Надад бялдуучилж, зусарддаг хүмүүсээс өөр хэнийг ч таашаадаггүй ба тиймэрхүү зүйл огт мэддэггүй хүмүүс олонд алдаршихгүй бөгөөд Бурханы гэрт өөрсдийн орон зайгаа хадгалж чадахгүй байх болно гэж итгэдэг хүмүүс хүртэл байдаг. Энэ олон жилүүдийн туршид та нарын хүлээн авсан мэдлэг энэ гэж үү? Та нарын олж авсан зүйл энэ үү? Миний талаарх та нарын мэдлэг зөвхөн тийм үл ойлголцлоос хол байгаад зогсохгүй; түүнээс ч илүүтэйгээр Бурханы Сүнсний эсрэг та нарын доромжлол, Тэнгэрийг гутаах явдал байдаг. Ийм учраас, та нарынх шиг ийм итгэл нь та нарыг Надаас цаашид холдон явахад хүргэж, Намайг илүү их эсэргүүцэхэд хүргэнэ гэдгийг Би та нарт хэлж байна.

Үг нь махбодоор илэрсэн номын “Газар дээрх Бурханыг хэрхэн мэдэх вэ”-ээс

89. Та нарын зүрх сэтгэл дотор оршин байгаа бүхэн нь гэм буруу бөгөөд тиймээс та нар хэн ч байсан хамаагүй бүх хүнийг зальтай, шулуун бус гэж итгэдэг. Тэр ч байтугай та нар бие махбодтой болсон Бурхан нь энгийн хүнтэй адил: нинжин сэтгэлгүй буюу өгөөмөр хайргүй байх болно гэж итгэдэг. Түүнчлэн эрхэм зан ааш, өршөөнгүй, өгөөмөр шинж чанар нь зөвхөн тэнгэр дэх Бурханд л оршдог гэж та нар итгэдэг. Тийм ариун хүн оршин байдаггүй ба зөвхөн харанхуй, хорон муу л газар дээр ноёлдог, харин Бурхан бол ердөө хүний итгэл найдвараа тавьдаг цог жавхлант зорилго бөгөөд хүний зохиосон домгийн биет юм гэж та нар итгэдэг. Та нарын зүрх сэтгэлд, тэнгэр дэх Бурхан бол маш шударга, зөвт, агуу, тахин шүтэж, хүндлэхүйц байдаг боловч газар дээрх энэ Бурхан нь ердөө л тэнгэр дэх Бурханы орлогч, багаж хэрэгсэл байдаг. Энэ Бурхан нь тэнгэр дэх Бурхантай эн тэнцүү байж чадахгүй, тэр ч байтугай Түүнтэй зэргэцүүлэн үзэж ч болохгүй гэж та нар итгэдэг. Бурханы агуу байдал, хүндлэлийн тухайд гэвэл тэдгээр нь тэнгэр дэх Бурханы алдар сууд хамаардаг ч, хүний уг чанар, ялзралын хувьд тэдгээр нь газар дээрх Бурханд хамаардаг. Тэнгэр дэх Бурхан нь мөнхөд ихэмсэг байхад газар дээрх Бурхан нь мөнхөд өчүүхэн, сул дорой, чадваргүй байдаг. Тэнгэр дэх Бурханд сэтгэл хөдлөл өгөгдөөгүй, зөвхөн зөвт байдал байдаг, харин газар дээрх Бурханд зөвхөн хувиа хичээсэн сэдэл байдаг ба энэ нь ямар ч шударга байдал, ёс зүйгүй байдаг. Тэнгэр дэх Бурханд өчүүхэн төдий ч шударга бус зан байдаггүй мөнхөд итгэл даахуйц байдаг бол газар дээрх Бурханд шударга бус тал үргэлж байдаг. Тэнгэр дэх Бурхан хүнийг халуун дотноор хайрладаг байхад газар дээрх Бурхан хүнийг хангалтгүй халамжилдаг, тэр ч бүү хэл хүнийг бүрмөсөн үл ойшоодог. Ийм ташаа мэдлэг нь та нарын зүрх сэтгэлд удаан хадгалагдсан ба ирээдүйд ч гэсэн мөнх хадгалагдаж болох юм.

Үг нь махбодоор илэрсэн номын “Газар дээрх Бурханыг хэрхэн мэдэх вэ”-ээс

90. Та нар сүрхий алдаа гаргасан ба та нараас өмнө хэн ч хэзээ ч хийж байгаагүй зүйлийг хийсэн. Тиймээс та нар тэргүүндээ титэмтэй тэнгэр дэх ихэмсэг Бурханд л зөвхөн үйлчилдэг бөгөөд үл үзэгдэхийн төдий, өчүүхэн хэмээн үздэг Бурханд хэзээ ч санаа тавьдаггүй. Энэ нь та нарын нүгэл биш гэж үү? Энэ нь Бурханы зан чанарын эсрэг та нарын зөрчлийн энгийн жишээ биш гэж үү? Та нар тэнгэр дэх Бурханыг маш их тахин шүтдэг. Та нар ихэмсэг хүмүүсийг маш ихэд эрхэмлэж, агуу уран үгтэй хүмүүсийг хүндэлдэг. Та нарт эд баялаг өгсөн Бурханд та нар баяртайгаар захирагдаж, бүх хүслийг чинь биелүүлэх Бурханыг та нар ихэд хүлээдэг. Та нарын тахин шүтдэггүй цорын ганц зүйл бол ихэмсэг биш энэ Бурхан; та нарын үзэн ядалтын цорын ганц объект нь хэн ч өндрөөр үнэлдэггүй энэ Бурхантай холбоотой байдаг. Та нарын хийхийг хүсэхгүй байгаа цорын ганц зүйл бол та нарт нэг ч цент өгч байгаагүй энэ Бурханд үйлчлэх бөгөөд та нарын хүсэн эрмэлздэггүй цорын ганц хүн бол энэ тааламжит бус Бурхан билээ. Тийм Бурхан нь та нарын хүсэж буйг биелүүлэх нь байтугай, үнэт эрдэнэс олсон мэт мэдэрч өөрсдийн хүрээгээ тэлэх боломжийг та нарт өгч чадахгүй. Тэгвэл яагаад та нар Түүнийг дагадаг вэ? Та нар энэ асуултыг бодож үзэж байсан үү?

Үг нь махбодоор илэрсэн номын “Газар дээрх Бурханыг хэрхэн мэдэх вэ”-ээс

91. Та нарын хийж буй зүйл чинь ердөө энэ Христийг гомдоогоод зогсохгүй хамгийн чухал нь тэнгэр дэх Бурханыг гомдоодог. Энэ нь Бурханд итгэх та нарын итгэлийн зорилго биш гэж Би бодож байна! Та нар Бурханыг баярлуулахыг ихэд хүсдэг боловч та нар Бурханаас маш хол байдаг. Энд ямар асуудал байна вэ? Та нар зөвхөн Түүний үгийг хүлээн зөвшөөрдөг боловч Түүний зохицуулга бүрийг байтугай, Түүний харьцалт, засалтыг хүлээн зөвшөөрдөггүй. Цаашлаад, та нар Түүнд төгс итгэлтэй байж чаддаггүй. Тэгвэл энд ямар асуудал байна вэ? Үндсэндээ, та нарын итгэл бол хэзээ ч дэгдээхий өсгөж чадахааргүй хоосон өндөгний хальс юм. Учир нь та нарын итгэл та нарт үнэнийг авчраагүй мөн амийг олоогүй харин үүний оронд итгэл найдвар, тус дэмжлэгийн хуурмаг мэдрэмжийг та нарт авчирсан. Бурханд итгэх та нарын итгэлийн зорилго нь үнэн ба амиас илүү энэ найдвар, тус дэмжлэгийн төлөө юм. Тиймээс, та нарын Бурханд итгэх итгэлийн замнал чинь бялдууч зан, ичгүүргүй байдлаар дамжуулан Бурханы тааллыг олохоор хичээдгээс өөр юу ч биш бөгөөд үүнийг яавч жинхэнэ итгэл хэмээн үзэхгүй гэж Би хэлдэг. Ийм итгэлээс хэрхэн дэгдээхий гарч ирэх юм бэ? Өөрөөр хэлбэл, ийм итгэлээс ямар үр жимс ургах вэ? Бурханд итгэх та нарын итгэлийн зорилго чинь Бурханыг ашигласнаар өөрсдийн сэдлийг биелүүлэх юм. Энэ нь Бурханы зан чанарын эсрэг та нарын зөрчлийг харуулах дараагийн баримт биш гэж үү? Та нар тэнгэр дэх Бурханы оршин тогтнолд итгэдэг боловч газар дээрх Бурханы оршин тогтнолыг үгүйсгэдэг. Гэсэн ч, Би та нарыг үзэл бодлыг зөвшөөрөхгүй. Харин Би хөлөө газарт бат тавьж, газар дээрх Бурханд үйлчилдэг тэдгээр хүмүүсийг л сайшаана, газар дээрх Христийг хэзээ ч хүлээн зөвшөөрдөггүй хүмүүсийг хэзээ ч сайшаахгүй. Тэдгээр хүмүүс нь тэнгэр дэх Бурханд хичнээн үнэнч байх нь хамаагүй эцэстээ хар санаатныг шийтгэдэг Миний гараас тэд зугтаж чадахгүй. Тийм хүмүүс бол хар санаатнууд; тэд бол Бурханыг эсэргүүцдэг бөгөөд хэзээ ч Христийг баяртайгаар дагадаггүй хорон санаатнууд юм. Мэдээж тэдгээрийн тоонд Христийг мэддэггүй, цаашлаад хүлээн зөвшөөрдөггүй хүмүүс орно.

Үг нь махбодоор илэрсэн номын “Газар дээрх Бурханыг хэрхэн мэдэх вэ”-ээс

92. Олон хүн шударгаар ярьж, үйлдсэний оронд тамд унасан нь дээр гэж үздэг. Надад шударга бус хүмүүст зориулсан өөр шийдвэр байдаг нь гайхах зүйл биш юм. Мэдээж та нарыг үнэнч байхаар хичээхэд асар их саад тулгарч байгааг Би сайн ойлгодог. Та нар бүгд маш ухаалаг бөгөөд юмыг өөрийн өнцгөөс шүүн хэлэлцэхдээ дадамгай … Зарим хүн ёсорхуу, зүй зохистой байдлаар авирлаж, Бурханы өмнө нэн “сайн хүмүүжилтэй” байдаг боловч Сүнсний өмнө увайгүй болж, бүх эрээ цээрээ алддаг. Та нар ийм хүнийг үнэнч шударга хүмүүсийн тоонд оруулах уу? Хэрвээ чи хоёр нүүртэн агаад хүмүүстэй харьцахдаа чадамгай бол Би чамайг гарцаагүй Бурханаар даажигнадаг хүн байна гэж хэлнэ. Хэрвээ чиний үгс шалтаг тайлбар болон өөрийгөө зөвтгөсөн хэрэггүй зөвтгөлөөр дүүрэн бол Би чамайг үнэнийг хэрэгжүүлэх туйлын дургүй хүн гэж хэлнэ. Хэрвээ чамд хуваалцахыг хүсдэггүй олон нууц зүйл байгаа бол, хэрвээ чи гэрлийн замыг эрж хайхын тулд өөрийнхөө нууцыг—өөрөөр хэлбэл өөрийнхөө бэрхшээлийг бусдын өмнө илчлэх маш дургүй бол Би чамайг авралыг хялбархан олж авч чадахгүй бөгөөд харанхуйгаас хялбархан гарч чадахгүй хүн байна гэж хэлнэ.

Үг нь махбодоор илэрсэн номын “Гурван сануулга”-аас

93. Чиний уруул тагтааныхаас илүү зөөлөн боловч зүрх сэтгэл чинь эртний могойныхоос ч илүү өөдгүй муу, уруул чинь Ливан эмэгтэйнх шиг сайхан боловч зүрх сэтгэл чинь Ливан эмэгтэйнх шиг эелдэг зөөлөн биш бөгөөд үүнийг мэдээж Канаанчуудын гоо үзэсгэлэнтэй харьцуулахын аргагүй. Чиний зүрх сэтгэл хэтэрхий овжин.

Үг нь махбодоор илэрсэн номын “Та нарын зан араншин маш дорд!”-оос

94. Зарим хүмүүс тэд юу хийдэг нь хамаагүй сүмийн тугийг үргэлжид намируулдаг, үнэн гэвэл энэ нь тэдний өөрсдийнх нь ашиг тусын төлөө юм. Ийм хүнд зөв сэдэл байдаггүй. Тэр бол гажуудсан, зальжин ба түүний хийдэг ихэнх зүйлс нь хувийн ашиг хонжоог хайх юм. Ийм хүн Бурханыг хайрлахыг эрэлхийлдэггүй; түүний зүрх сэтгэл Сатанд хамаарах ба Бурхан руу эргэж чаддаггүй. Бурхан ийм хүнийг олж авах ямар ч арга зам байхгүй.

Үг нь махбодоор илэрсэн номын “Бурханыг хайрлах жинхэнэ хайр аяндаа гарч ирдэг”-ээс

96. Миний ард талд байгаа олон хүмүүс байр суурийн ерөөлд шунахайрдаг, тэд хоолоор өөрсдийгөө цатгадаг, унтах дуртай ба махан биедээ бүх анхаарлаа хандуулдаг, махан бие гарах гарцгүй болохоос үргэлж айдаг. Тэд өөрсдийнхөө жирийн үйлдлийг чуулган дээр хийдэггүй, үнэгүй идэж, эсвэл ах эгч нарыг Миний үгсээр сургадаг, тэд өндөрт зогсоод бусдыгаа захирдаг. Эдгээр хүмүүс үүнийгээ Бурханы хүслийг гүйцэлдүүлж байна гэж хэлсээр байдаг, тэд үргэлж өөрсдийгөө Бурханы ойр дотнын хүн гэж хэлдэг,энэ нь утгагүй хэрэг биш гэж үү? Хэрвээ чи зөв санаа зорилготой атлаа Бурханы хүсэлд үйлчлэх чадваргүй бол чи мулгуу юм; харин чиний санаа зорилго буруу атал чи өөрийгөө Бурханд үйлчилж байна гэж хэлсээр байвал чи Бурханыг эсэргүүцдэг нэгэн тул Бурханаар шийтгэгдэх учиртай! Би ийм хүмүүсийг огт өрөвдөхгүй! Бурханы гэрт тэд үнэгүй идэж, мөн үргэлж махан биеийн тав туханд шунаж, Бурханы хүсэл сонирхолыг хайхардаггүй; тэд үргэлж өөрсдөдөө сайн зүйлсийг эрж хайж, Бурханы хүсэлд ямар ч анхаарал хандуулдаггүй ба тэдний хийдэг бүхэн нь Бурханы Сүнсээр ажиглуулахгүй байх явдал, тэд үргэлж ах эгч нарын эсрэг явуулга болон хуйвалдаан хийдэг, хоёр нүүртэй, яг л усан үзмийн тариалан дээр үргэлж гишгэчиж усан үзэм хулгайлдаг усан үзмийн тариалангийн үнэг шиг. Ийм хүмүүс Бурханы ойр дотны хүн байж чадах уу?Чи Бурханы ерөөлийг хүлээн авахад тохирох уу? Чи өөрийн амь болон чуулганд ямар ч хариуцлага хүлээдэггүй, чи Бурханы үүрэг даалгаврыг хүлээн авахад тохирох уу? Та нар шиг хүнд хэн итгэж зүрхлэх вэ? Чамайг ингэж үйлчлэхэд Бурхан чамд илүү их ажил даалгах уу? Чи аливаа зүйлсийг саатуулаагүй юу?

Үг нь махбодоор илэрсэн номын “Хэрхэн Бурханы хүсэлд нийцүүлэн үйлчлэх вэ”-ээс

97. Хэрвээ хүн, үйлчилгээний үеэр өөрийн илэрхийлэх ёстой зүйлээ илэрхийлж чадахгүй эсвэл түүний хувьд төрөлхөөсөө боломжтой зүйлийг биелүүлж чадахгүй, харин үүний оронд үйл явцын дунд тэнэглэж өнгөрөөвөл, тэр бүтээгдсэн хүний биелүүлэх ёстой чиг үүргээ алдана. Ийм төрлийн хүнийг өчүүхэн мөхөс оршин тогтнол, ямар ч хэрэггүй хог гэж үздэг; иймэрхүү хүн яаж, бүтээгдсэн хүн гэсэн нэртэйгээр хүндлэгдэж болох юм бэ?… Хэрвээ хүн өөрийн үүргээ биелүүлэхдээ бүтэлгүйтвэл, түүнд гэм буруутай мэт, өртэй мэт санагдах ёстой; тэр өөрийн сул дорой байдал ба нэмэргүй байдлыг, өөрийн тэрслүү чанар ба бохир байдлыг голох ёстой цаашлаад өөрийн амьдрал болоод цусаа Бурханы төлөө золиослох ёстой. Зөвхөн тэр үед л, тэрээр Бурханыг үнэхээр хайрладаг бүтээгдсэн хүн мөн бөгөөд зөвхөн тийм төрлийн хүмүүс л Бурханы ерөөлл, амлалтыг эдэлж, Түүгээр төгс болгуулах эрхтэй. Тэгвэл та нарын ихэнх нь ямар вэ? Та нарын дотор амьдардаг Бурханд та нар хэрхэн ханддаг вэ? Та нар Түүний өмнө өөрсдийн үүргээ хэрхэн биелүүлсэн бэ? Та нар амьдралаа золиослоод ч хамаагүй, өөрсдийн хийхээр дуудагдсан бүхнээ хийсэн үү?Та нар юу золиослосон бэ? Та нар Надаас ихийг хүлээн аваагүй гэж үү? Та нар ялган салгаж чадах уу? Та нар Надад хэр үнэнч вэ? Та нар Надад хэрхэн үйлчилсэн бэ? Би та нарт юуг өгсөн бэ бас Би та нарын төлөө юу хийсэн бэ? Та нар энэ бүгдийг хэмжиж үзсэн үү? Та нар бүгдээрээ үүнийг, өөрсдийн дотор байгаа өчүүхэн ухамсартай жишиж, шүүж үзсэн үү? Өөрсдийн үг ба үйлдлээрээ та нар хэрхэн зөвийг хийж чадах вэ? Та нарын тийм өчүүхэн золиослол нь Миний та нарт өгсөн бүхнийг хүртэх эрхтэй байсан байх уу? Надад өөр сонголт байгаагүй, Би та нарын төлөө үнэн сэтгэлээсээ зүтгэсэн боловч та нар Миний талаар хорон муу сэжиг өвөрлөдөг ба зориг зүрхгүй. Тэр нь та нарын цорын ганц чиг үүрэг буюу та нарын үүргийн хэмжээ юм. Энэ нь тийм биш гэж үү?Та нар бүтээгдсэн хүний үүргээ огтхон ч биелүүлээгүй гэдгээ мэдэхгүй гэж үү? Та нарыг хэрхэн бүтээгдсэн хүн гэж үзэх юм бэ? Өөрсдийгөө илэрхийлж, амьдран харуулж байгаа чинь ямар вэ гэдгээ та нар тодорхой мэдэх үү? Та нар өөрсдийн үүргээ биелүүлэхдээ бүтэлгүйтсэн боловч та нар Бурханы өршөөл энэрэл, хязгааргүй нигүүлслийг авахаар эрж хайдаг. Тийм нигүүлсэл нь та нар шиг үнэ цэнэгүй, олиггүй хүмүүст зориулан бэлтгэгдээгүй, харин юу ч гуйлгүйгээр, баяртайгаар золиослодог хүмүүст зориулагдсан. Та нар шиг тийм хүмүүс, тийм өчүүхэн мөхөс оршин тогтнолууд нь огтхон ч, тэнгэрийн хишгийг эдлэх үнэ цэнэгүй юм. Зөвхөн зовлон зүдгүүр болон эцэс төгсгөлгүй шийтгэл л та нарын амьдралыг дагах болно!

Үг нь махбодоор илэрсэн номын “Бие махбод болсон Бурханы үйлчлэл ба хүний үүргийн хоорондын ялгаа”-аас

98. Бурхан хүнээс их юм гуйдаггүй. Бурханы хүнээс гуйдаг бүхэн нь амархнаар, аз жаргалтайгаар бүтэх учиртай байсан; хүн л зовлон бэрхшээл туулах хүсэлгүй байдаг. Хүүхдүүдтэй адилаар тэд эцэг эхээ хүндэлж, өөрсдийн биелүүлэх ёстой үүргээ биелүүлэхийн тулд цөөн хэдэн зоос олохын төлөө арвич хямгач амьдардаг. Гэсэн ч тэд хангалттай сайн идэж чадахгүй байхаас, хувцас нь хэтэрхий энгийн байхаас айдаг, иймд хэд хэдэн шалтгааны улмаас тэд эцэг эхийнхээ хайр, халамжийг аваад, үүнийг холын хол үүлс рүү шиддэг ба тэд асар их мөнгө олсныхоо дараа үүнийг хийж эхлэх юм шиг байдаг. Гэхдээ хүнд өөрсдийн эцэг эхээ хайрлах ачлал элбэрэл байдаггүй гэдгийг Би үүнээс хардаг—тэд бол ачлалгүй хүүхдүүд.

Үг нь махбодоор илэрсэн номын “Гучин найм дахь айлдварын тайлбар”-аас

101. Та нар хүүхдүүдийнхээ төлөө, эсвэл нөхрийнхөө төлөө эсвэл өөрийгөө хамгаалахын тулд Намайг гэртээ оруулдаггүй. Намайг анхаарахын оронд та нар өөрсдийнхөө гэр бүл, өөрсдийн хүүхдүүд, өөрсдийн байр суурь, өөрсдийн ирээдүй болоод өөрсдийн жаргал цэнгэлийн талаар анхаардаг. Та нар ярих эсвэл үйлдэл хийх үедээ хэзээ Миний талаар бодож байсан бэ? Цаг агаар хүйтэн байх үед, та нарын бодол хүүхдүүд рүүгээ, нөхөр лүүгээ, эхнэр лүүгээ эсвэл эцэг эх рүүгээ л чиглэдэг. Цаг агаар халуун байх үед, Би та нарын бодолд мөн л ямар ч байр эзэлдэггүй. Өөрийн үүргийг биелүүлэхдээ чи хувийн ашиг сонирхлоо, хувийн аюулгүй байдлаа, гэр бүлийн гишүүдээ л боддог. Чи Миний төлөө юу хийсэн юм бэ? Хэзээ чи Миний талаар бодож байсан бэ? Хэзээ чи Миний болон Миний хүслийн төлөө ямар ч үнээр хамаагүй өөрийгөө зориулж байсан бэ? Чи Надтай нийцэлтэй байгаагийн баталгаа хаана байна вэ? Чиний Надад үнэнч хандах зангийн бодит байдал хаана байна? Чиний дуулгавартай байдлын бодит байдал хаана байна вэ? Чиний санаа зорилго чинь хэзээ Миний ерөөлийг олж авахын төлөө байгаагүй вэ?

Үг нь махбодоор илэрсэн номын “Чи Христтэй нийцэлтэй байх замыг эрж хайх ёстой”-оос

102. Та нарын сүсэг бишрэл, үнэнч сэтгэл хэтэрхий түр зуурын гэдгийг Би мэднэ; та нарын гаргаж байгаа тэмүүлэл, төлж байгаа төлөөс хожмын төлөө биш зөвхөн өнөөдрийн төлөө гэж үү? Та нар сайхан газар очихын төлөө ганцхан шийдвэрлэх зүтгэл гаргахыг хүсээд байна. Та нарын зорилго үнэнд хүрэхийн төлөө биш, тэр дундаа Миний төлсөн төлөөсийг хариулах ч биш харин зөвхөн ашигтай худалдаа хийх явдал юм. Нэг үгээр бол та нар зөвхөн оюун ухаанаа ашиглахад бэлэн байгаа ч түүнийхээ төлөө хичээх хүсэлгүй байна гэсэн үг. Энэ та нарын чин хүсэл гэж үү? Та нар дүр эсгэх гээд, ялангуяа унтаж, идэж чадахгүй болтлоо эцсийн хүрэх газрынхаа төлөө тэгтлээ толгойгоо гашилгах хэрэггүй ээ. Таны эцсийн хүрэх газар амьдралын төгсөлд л тодорхой болно биз дээ?

Үг нь махбодоор илэрсэн номын “Хүрэх газрын тухай”-аас

103. Та нар Намайг ийм олон жил дагасан ч үнэнч байдлынхаа өчүүхэн хэсгийг ч Надад өгөөгүй. Үүнээс илүүтэйгээр та нар өөрсдийн эргэн тойронд байх хайртай хүмүүсээ болон өөрт таалагддаг зүйлсийг боддог. Тэд бүгд та нарын зүрх сэтгэлтэй маш ойрхон байдаг ба үүнийг хэзээ ч хаана ч орхиж байгаагүй. Та нар хайртай ямар нэг зүйлээ маш их хүсэмжилж, тэмүүлж байгаа үедээ, үргэлж Намайг дагаж эсвэл Миний үгийг сонсож байдаг. Тиймээс та нар өөрсдийн хайртай зүйлсийг нандигнаж түүндээ үнэнч байхын оронд Миний та нараас хүсэж буй үнэнч байдлыг ашиглаж байна гэж Би хэлнэ. Та нар өөрсдийн нэг эсвэл хоёр зүйлийг Миний төлөө тахил болгон өргөсөн байх, гэвч энэ нь та нарын бүх зүйлийг төлөөлөхгүй, мөн та нар Надад үнэхээр үнэнч байдаг гэдгийг харуулахгүй. Та нар өөрийн дуртай ажил үйлсдээ өөрийгөө татан оролцуулдаг: Зарим нь хөвгүүд болон охиддоо үнэнч байдаг бол бусад нь нөхөртөө, эхнэртээ, эд баялагтаа, ажилдаа, албан тушаалтнууддаа, байр сууриндаа эсвэл эмэгтэйчүүдэд үнэнч байдаг. Та нар өөрсдийн үнэнч зүйлсээс хэзээ ч залхаж, ядардаггүй; үүнээс ч илүүтэйгээр та нар өөрсдийн үнэнч байх зүйлсийн тоог болон чанарыг илүү ихээр улам нэмж, хэзээ ч цөхөрдөггүй. Би болон Миний үгс чиний хайрлаж хүндэлдэг зүйлсүүдийн хамгийн сүүлийн байранд байдаг. Гэхдээ та нарт тэдгээрийг хамгийн сүүлд эрэмбэлэхээс өөр сонголт байдаггүй; зарим нь өөрсдийнхөө хараахан бүрэн нээж таньж амжаагүй зүйлсэд өөрийн үнэнч байх хамгийн сүүлийн байрыг орхидог. Тэд зүрх сэтгэлдээ Миний өчүүхэн ч зүйлсийг тээдэггүй. Магадгүй Би та нараас хэтэрхий ихийг шаардаж байна, эсвэл та нарыг буруугаар зэмлэж байна гэж та нар бодох байх.

Үг нь махбодоор илэрсэн номын “Чи хэнд үнэнч вэ?”-ээс

104. Гэвч та нар гэр бүлтэйгээ хамт цагийг аз жаргалтай өнгөрөөж байх үедээ Надад нэг удаа ч болов үнэнч байж үзсэн билүү гэдгээ бодож байсан уу? Иймэрхүү цаг хугацаа та нарыг шаналгадаггүй юү? Хөдөлмөрийнхөө шанд цалингаа аваад зүрх сэтгэл чинь баяр баяслаар дүүрэх үед та нар өөрсдийгөө хангалттай үнэнээр хангаагүй байгаадаа гутардаггүй гэж үү? Та нар Миний сайшаалыг авахгүй байгаадаа гутардаг уу? Та нар тархиа гашилгаж, өөрсдийн хөвгүүд болон охидын төлөө зовж шаналдаг, гэсэн ч та нар одоо болтол сэтгэл ханаагүй, мөн та нар тэдний төлөө мэрийгээгүй, бүх хүчин чармайлтаа зориулаагүй гэж итгэдэг. Гэвч Надад та нар үргэлж анхааралгүй хайнга хандаж, зүрх сэтгэлдээ тээлгүйгээр зөвхөн дурсамжууддаа Намайг хадгалдаг. Миний зүтгэл болон хүчин чармайлтуудыг та нар ерөөсөө ч мэдэрдэггүй, мөн та нар хэзээ ч ойлгохоор оролдож байгаагүй. Та нар ердөө л товчхон эргэцүүлдэг ба энэ нь хангалттай гэж итгэдэг. Ийм хэлбэрийн “үнэнч байдал” нь Миний удаан хүсэн хүлээсэн зүйл биш Надад удаан хугацаанд дургүйцэл төрүүлсэн зүйл байсан.

Үг нь махбодоор илэрсэн номын “Чи хэнд үнэнч вэ?”-ээс

105. Хэрвээ Би та нарын өмнө зарим эд баялаг байрлуулаад Би та нарыг яллахгүй гэдгийг мэдээд[a]чөлөөтэйгээр аль нэгнийг нь сонгохыг гуйвал та нарын ихэнх нь үнэнийг хаяж эд баялгийг сонгох байсан байх. Та нарын дундаас арай дээр нь эд баялгийг дурамжхан орхиж үнэнийг сонгох байсан байх. Харин дунд нь орших хүмүүс нэг гараараа эд баялгийг нөгөө гараараа үнэнийг авна. Үүгээрээ та нар өөрсдийн жинхэнэ өнгийг ил гаргахгүй гэж үү? Үнэн болоод та нарын үнэнч байдаг аль нэг зүйлийг сонгоход хүрвэл та нар яг л ийм шийдвэр гаргаж, хандлага чинь хэвээрээ үлдэх болно. Тэгэхгүй гэж үү? Та нарын дунд олон хүмүүс үнэн болоод худлын дунд хэлбэлзэж байдаггүй гэж үү? Эерэг ба сөрөг, хар ба цагааны хоорондын тэмцэлд, гэр бүл болон Бурхан, хүүхдүүд болон Бурхан, энх тайван болоод үймээн самуун, баяжих болон ядуурах, өндөр байр суурь ба эгэл хүний амьдрал, дэмжигдэх болон хаягдах зэргийн тухайд та нар өөрсдийн хийсэн сонголтуудаа мэдэж байгаа байх. Амар тайван гэр бүл болон салсан гэр бүл хоёроос та нар ямар ч эргэлзээгүйгээр эхнийхийг нь сонгоно; эд баялаг болон үүрэг даалгавар хоёроос та нар дахиад л эхнийхийг сонгох ба бүр эргэж буцах[b] хүсэлгүйгээр сонгоно; тансаг байдал болон ядуу байдал хоёроос та нар эхнийхийг сонгоно; хөвгүүд, охид, эхнэр, нөхрүүд болон Надаас та нар эхнийхийг л сонгоно; үзэл болон үнэн хоёроос та нар дахиад л эхнийхийг л сонгоно. Та нарын бүх төрлийн муу ёрын үйл хэрэгтэй тулгарсны дараа Надад та нарт итгэх итгэлээ алдахаас өөр зүйл үлдээгүй. Би та нарын зүрх сэтгэл зөөлрөхөөргүй хатуу байгаад үнэхээр их гайхдаг. Олон жилийн үнэнч шударга зан болон хүчин чармайлт Надад зөвхөн цөхрөл, хүлцэнгүй байдлыг л авчирсан. Гэвч Миний та нарт итгэх итгэл өдөр хоног өнгөрөх бүрд өсөж байдаг. Учир нь Миний өдөр хүн болгоны өмнө аль хэдийн бүрэн нээлттэй болсон. Гэсэн хэдий ч та нар харанхуй болон муу ёрын зүйлсэд хамаардаг зүйлийг үргэлжлүүлэн эрж хайдаг бөгөөд барьж буй зүйлсээ сул тавихыг хүсдэггүй. Тэгвэл та нарын үр дүн ямар байх вэ?

Үг нь махбодоор илэрсэн номын “Чи хэнд үнэнч вэ?”-ээс

106. үргэлж Миний эсрэг үйлддэг ба та нар хэзээ ч Миний үгийг мөрддөггүй. Би Өөрийн ажлыг хийдэг ба чи өөрийн хувийн ажлыг хийж өөрийн жаахан хаанчлалаа байгуулдаг—сүрэг үнэг, нохой та нарын хийж байгаа бүхэн чинь Миний эсрэг байдаг! Зөвхөн өөрсдийг чинь хайрладаг хүмүүсийг л та нар үргэлж тэвэртээ оруулахаар хичээдэг—та нарын хүндлэл хаана байна вэ? Та нарын хийдэг бүхэн чинь бусармаг! Та нарт ямар ч дуулгавартай байдал эсвэл хүндлэл байхгүй, хийдэг бүхэн чинь бусармаг агаад гүтгэн доромжилсон байдаг! Тийм хүмүүс аврагдаж чадах уу? Бэлгийн ёс суртахуунгүй, садар самуун эрчүүд өөрсдийн зугаа цэнгэлийн төлөө сээтэгнэсэн янхнуудыг өөрсөддөө татахыг үргэлж хүсэж байдаг. Би тийм бэлгийн ёс суртахуунгүй чөтгөрүүдийг аврахгүй, Би бузар чөтгөрүүд та нарыг үзэн яддаг ба хуял тачаал, сээтэгнүүр зан чинь та нарыг там руу умбуулсан—та нарт өөрсдийгөө өмөөрөх зүйл юу байгаа юм бэ? Бузар чөтгөрүүд болон муу ёрын сүнснүүд та нар маш зэвүүн! Та нар жигшүүртэй! Тийм хог хаягдлууд хэрхэн аврагдаж чадах юм бэ? Нүгэлд урхидуулсан хүмүүс мөн л аврагдаж чадна гэж үү? Эдгээр үнэн, энэ зам болон энэ амь та нарын сэтгэлийг татдаггүй; та нар нүгэлтэй байдал, мөнгө, зэрэг зиндаа, алдар хүнд, олз ашиг, махан биеийн зугаа цэнгэл, эрчүүдийн царайлаг байдал болон эмэгтэйчүүдийн сээтэгнүүр занд сэтгэл татагддаг. Юу та нарыг Миний хаанчлалд орох эрхтэй болгож байгаа юм бэ? Та нарын дүр зураг бүр Бурханыхаас ч илүү их, та нарын байр суурь Бурханыхаас ч өндөр бөгөөд хүмүүсийн дундах та нарын нэр хүндийн талаар ярихын ч хэрэггүй—та нар хүмүүсийн шүтэн мөргөдөг шүтээн болсон. Чи тэргүүн тэнгэрэлч болоогүй гэж үү?

Үг нь махбодоор илэрсэн номын “Хэрэгжүүлэлт (7)”-ээс

107. Тэд өөрсдийгөө эрхэмлэдэггүй учраас хүмүүс бол ямар ч үнэ цэнэгүй амьтад гэж хэлж болох юм. Хэрвээ тэд өөрсдийгөө ч хайрладаггүй, харин өөрсөд дээрээ гишгэлдэг бол тэд үнэ цэнэгүй гэдгийг энэ нь харуулахгүй гэж үү? Хүн төрөлхтөн бол өөрөөрөө тоглож, доромжлуулахын тулд өөрийгөө бусдад сайн дураараа өгдөг завхай зайдан эмэгтэйтэй адилхан. Тэгсэн ч гэсэн тэд өөрсдийгөө хэчнээн дорд болохыг мэддэггүй. Өөрсдийгөө бусдын хяналтан дор тавин бусдын төлөө ажиллах нь эсвэл бусадтай ярилцах нь тэдэнд таатай байдаг; энэ нь үнэхээр хүн төрөлхтний бузар заваан байдал биш гэж үү? … Хүн төрөлхтөн өөрсдийгөө мэддэггүй учраас тэдний хамгийн том алдаа дутагдал нь өөрсдийнхөө муухай зүс царайг харуулан бусдын өмнө өөрсдийнхөө увдисыг сайн дураараа харуулдаг явдал; энэ нь Бурханы хамгийн их жигшдэг зүйл юм. Хүмүүсийн хоорондох харилцан хамаарал хэвийн бус байдаг учраас тэд Бурхантай хэвийн[d] харилцаатай байх нь бүү хэл, хүмүүсийн хооронд ямар ч хэвийн харилцаа байдаггүй.

Үг нь махбодоор илэрсэн номын “Арван дөрөв дэх айлдварын тайлбар”-аас

Тайлбар:

d. Эх бичвэрт “хэвийн” гэдгийг орхигдуулсан.

108. Та нар шавар шавхайнаас салсан бөгөөд ямартай ч бузар заваан агаад Бурханаар үзэн ядагдсан шаар шавхруунаас сонгогдсон. Та нар Сатанд[a]харъяалагдаж байсан бөгөөд нэгэнтээ түүгээр гишгэлүүлж, гутаагдсан билээ. Тийм учраас та нарыг шавар шавхайнаас салсан гэж хэлсэн бөгөөд та нар ариун биш харин оронд нь Сатаны аль эртнээс мунхаг болгосон хүмүүн-бус зүйлс юм. Энэ нь та нарт хамгийн их тохирох тодорхойлолт мөн. Та нар бол загас, сам хорхой зэрэг хорхой хүргэм олзтой харьцуулбал тогтоол ус, шавар шавхайнаас олдсон бохир заваан зүйлс юм, учир нь та нараас ямар ч таашаал гарган авч болдоггүй. Шуудхан хэлэхэд та нар бол нийгмийн хамгийн доод давхаргын гишүүд, гахай нохойноос доор амьтад. Ний нуугүй ярихад та нарт ийм байдлаар хандах нь хэтрүүлэг, дэгсдүүлэг биш харин энэ нь асуудлыг хялбарчлах арга зам юм. Та нарт ийм байдлаар хандах нь үнэндээ та нарт хүндлэл үзүүлэх арга юм. “Хүн” болохын хувьд та нарын мэдлэг ухаан, үг яриа, зан авир болон та нарын амьдралын бүх зүйлс—шавар шавхай доторх та нарын байр суурийг оролцуулаад—бүгд та нарын ялгамж чанар “ер бусын” гэдгийг батлахад хангалттай юм.

Үг нь махбодоор илэрсэн номын “Хүний төрөлхийн ялгамж чанар болон тэдний үнэ цэнэ юу вэ”-ээс

109. Миний хийж буй бүхэн та нарын төлөө биш гэж үү? Гэсэн хэдий ч та нар Ехова Надад үргэлж ингэж ханддаг: Миний золиослолыг хулгайлж, чонын үүрэн дэх бэлтрэг, зулзагануудыг тэжээхийн тулд Миний тахилын ширээн дээрх өргөлийг авч; хүмүүс бие биенийхээ эсрэг тэмцэлдэж, ууртай харц, сэлэм жадтайгаар бие биетэйгээ нүүр тулж, баас шиг бохир заваан болохын тулд Төгс хүчит Миний үгийг жорлон руу хаядаг. Та нарын шударга үнэнч байдал хаана байна? Та нарын хүн чанар шившигт явдал болсон! Та нарын зүрх сэтгэл аль хэдийн чулуу болон хувирсан. Миний уур хилэнгийн өдөр ирэх үед, өнөөдөр Төгс хүчит Миний эсрэг хийсэн нүглийг чинь шүүх үед ямар байхыг та нар мэдэхгүй байна уу? Намайг ингэж хуурснаар, Миний үгийг шавар шавхайд хаяж, тэдгээрийг сонсохгүй байснаар-Миний ардуур ингэж авирласнаар Миний хилэнт харцнаас зайлсхийж чадна гэж та нар бодож байна уу? Миний тахилыг хулгайлж, Миний эзэмшилд санаархахдаа та нар Ехова Миний нүдэнд аль хэдийн харагдсан гэдгээ мэдэхгүй байна уу? Миний тахилыг хулгайлах үедээ, тухайн тахилыг өргөсөн тахилын ширээний өмнө байсан гэдгээ та нар мэдэхгүй байна уу? Намайг ийм байдлаар хуурч чадахуйц ухаалаг гэдэгтээ та нар яаж итгэж чадаж байна вэ?

Үг нь махбодоор илэрсэн номын “Бие махбодтой хэн ч уур хилэнгийн өдрөөс зугтаж чадахгүй”-ээс

110. Ехова Миний тахилын ширээнээс тахилуудыг хулгайлдаг, өмхий үнэртэй өчүүхэн жаахан өтнүүд та нар Израилийн сонгогдсон ардууд болохын тулд өөрсдийн сүйрч, бүтэлгүйтсэн нэрээ аварч чадах уу? Та нар бол ичгүүргүй өөдгүй амьтад! Тахилын ширээн дээрх тэдгээр тахилуудыг хүмүүс Надад өргөсөн ба тэдгээр нь Надаас эмээдэг хүмүүсийн сайхан сэтгэлийн мэдрэмжийг илэрхийлж байгаа.Тэдгээр нь Миний хяналт болон Миний хэрэглээний төлөө юм, иймээс чи хүмүүсийн өгсөн жаахан зэрлэг тагтааг Надаас дээрэмдэж хэрхэн болох юм бэ? Чи Иудас байхаас айхгүй байна уу? Чиний газар нутаг цусан талбар болохоор чи айхгүй байна уу? Ичгүүргүй амьтан! Хүмүүсийн өргөн барьсан зэрлэг тагтаанууд нь бүгд өт чиний ходоодыг тэжээхийн төлөө гэж чи бодож байна уу? Миний чамд өгсөн зүйл бол Би аз жаргалтай байж, чамд өгөхөд бэлэн байсан зүйл юм; Миний чамд өгөөгүй зүйл Надаар хэрэглэгдэхэд бэлэн байгаа бөгөөд чи Миний тахилуудыг зүгээр л хулгайлж болохгүй. Ажиллаж буй Нэгэн бол Ехова,Би—бүтээлийн Эзэн бөгөөд хүмүүс тахил өргөж байгаа нь Надаас болж байгаа юм. Энэ нь чиний ийш тийш гүйсний төлөөс гэж чи бодож байна уу? Чи үнэхээр ичгүүргүй юм! Чи хэний төлөө ийш тийш гүйж байгаа юм бэ? Өөрийнхөө төлөө биш гэж үү? Чи яагаад Миний тахилуудыг хулгайлдаг юм бэ?Яагаад чи Миний түрийвчнээс мөнгө хулгайлдаг юм бэ? Чи Искариотын Иудасын хүү биш гэж үү? Ехова Миний тахилуудыг тахилчид эдлэх учиртай. Чи тахилч мөн үү?Чи Миний тахилуудыг хулгайлан идэж зүрхэлдэг ба чи бүр тэдгээрийг ширээн дээр тавьдаг; чи ямар ч үнэ цэнэгүй! Чи бол үнэ цэнэгүй өөдгүй амьтан! Ехова Миний гал чамайг үнс нурам болгох болно!

Үг нь махбодоор илэрсэн номын “Унаж буй навчис үндэс рүүгээ буцахад чи өөрийн хийсэн ёрын муу бүхэндээ харамсах болно”-оос

111. Та нар Бурханд итгэдэг ч Түүний хүслийг мэддэггүй; та нар Бурханы үгийг идэж, уудаг ч Бурханы шаардлагыг биелүүлж чаддаггүй. Та нар Бурханд итгэдэг ч Түүнийг мэддэггүй ба ямар ч зорьсон зорилгогүй мэт амьдардаг. Та нарт ямар ч үнэ цэнэ, ямар ч зорилго байхгүй. Та нар хүн шиг амьдардаг ч ямар ч мөс чанар, шулуун шударга байдал эсвэл өчүүхэн төдий ч найдвартай байдал байдаггүй.Та нарыг хэрхэн хүн гэж үзэх юм бэ? Та нар Бурханд итгэдэг ч Түүнийг хуурдаг. Цаашлаад, та нар Бурханы мөнгийг авч, Түүний тахилыг иддэг, гэхдээ эцэст нь Бурханы мэдрэмжид огт анхаардаггүй ба Бурханыг гэсэн мөс чанарыг огт харуулдаггүй. Бурханы хамгийн өчүүхэн шаардлагад ч та нар нийцэж чадахгүй. Та нарыг хэрхэн хүн гэж үзэх юм бэ?Та нарын идэж буй хоол, амьсгалж буй агаар Бурханаас ирдэг, та нар Түүний нигүүлслийг эдэлдэг ч эцэст нь та нарт Бурханы талаарх өчүүхэн төдий ч мэдлэг байдаггүй. Харин ч та нар Бурханыг эсэргүүцдэг ямар ч хэрэггүй хүмүүс болсон. Тэгвэл та нар нохойноос өөрцгүй араатан биш гэж үү? Та нараас илүү хорлонтой амьтан амьтдын дунд ч байгаа гэж үү?

Үг нь махбодоор илэрсэн номын “Бурханыг мэддэггүй бүхэн нь Бурханыг эсэргүүцдэг хүмүүс юм”-аас

112. Түүний бүхий л амьдрал нь шаналгаатай, яарч сандарсан, хоосон байдалд зугаа цэнгэл нэмсэн зүйл болсон ба түүний бүхий л амьдралд ямар ч шинэ ололт, бүтээл байхгүй. Хэн ч энэ хоосон хөндий амьдралаас өөрийгөө чөлөөлж чадахгүй, хэн ч амьдралын утга учрыг олж илрүүлээгүй ба хэн ч жинхэнэ амьдралыг туулаагүй.

Үг нь махбодоор илэрсэн номын Бүх орчлон ертөнцөд хандсан Бурханы айлдварууд дэх “Хорин тав дахь айлдвар”-аас

113. Би бүх зүйлийг бий болгосон, Би хүн төрөлхтөнийг бүтээсэн бөгөөд өнөөдөр Би хүмүүсийн дунд бууж ирсэн. Гэсэн хэдий ч хүн Намайг няцааж, Надаас өшөө авдаг. Хүний төлөө Миний хийдэг ажил түүнд хэрэггүй гэж үү? Би үнэхээр хүний сэтгэлд хангалуун байлгах чадваргүй юу? Яагаад хүн Намайг голдог вэ? Яагаад хүн Надад маш хүйтэн, хайхрамжгүй ханддаг вэ? Газар дэлхий яагаад үхдлүүдээр бүрхэгдсэн бэ? Хүний төлөө Миний бүтээсэн ертөнцийн байдал үнэхээр энэ гэж үү? Би хүнд юутай ч харьцуулшгүй баялгийг өгсөн байхад хүн яагаад Надад эргүүлээд хоосон гараа өгдөг вэ? Яагаад хүн Намайг үнэхээр хайрладаггүй вэ? Тэр яагаад хэзээ ч Миний өмнө ирдэггүй вэ? Миний бүх үг үнэхээр юуны ч төлөө биш байсан юм уу? Миний үг усны уур шиг алга болсон уу? Хүн яагаад Надтай хамтран ажиллах дургүй байдаг вэ? Миний өдөр ирэх нь үнэхээр хүний үхэх мөч байх юм уу? Миний хаанчлал бий болсон үед Би үнэхээр хүнийг устгаж чадах уу? Миний бүхий л удирдлагын төлөвлөгөөний туршид яагаад хэн ч Миний цаад санааг ойлгож байгаагүй вэ?Миний амнаас гарсан айлдваруудыг нандигнахын оронд, хүн яагаад тэдгээрийг зэвүүцэж, голдог вэ? Би хэнийг ч ялладаггүй, харин зүгээр л хүмүүсийг тайвшруулж, тэднийг өөрсдийгөө-эргэцүүлэх ажил хийхэд хүргэнэ.

Үг нь махбодоор илэрсэн номын Бүх орчлон ертөнцөд хандсан Бурханы айлдварууд дэх “Хорин тав дахь айлдвар”-аас

114. Бидний мэндэлсэн улс орон бол олон бузар сүнснүүдийн цуглардаг газар бөгөөд тиймээс тэд галзууран гүйж, энэ газарт давамгайлахыг зорьдог. Энэ нь энд төрсөн хүмүүсийг бохирдуулахад хүргэсэн. Хүмүүсийн зуршил, ёс заншил, санаа, ухагдахуун нь хоцрогдмол агаад хуучинсаг, иймээс тэд Бурханы тухай бүх төрлийн үзлийг бий болгосон бөгөөд одоо болтол тэд үүнээсээ салж чадахгүй байгаа. Ялангуяа тэд Сатанд сүсэглэхийг Бурханд үйлчлэхтэй андууран Бурханы өмнө нэг янзаар үйлдэж, Түүний нүднээс далдуур өөр байдлаар үйлддэг. Энэ нь хамгийн хоцрогдмол байгаагийн илэрхийлэл юм.

Үг нь махбодоор илэрсэн номын “Зам… (2)”-аас

115. Хэдэн мянган жилийн туршид Сатанаар хүлэгдсэн хүмүүс түүний нөлөөн дор үргэлжлүүлэн амьдарсан бөгөөд түүнээс ангижраагүй. Тэд гашуунаар бэдэрч, үргэлжлүүлэн тэмцэлдсэн. Өнгөрсөнд тэд сан тавьж, Сатанд мэхийн ёсолж, сүсэглэдэг байсан бөгөөд тэд гэр бүл, энэ дэлхийн ээдрээт байдал, мөн түүнчлэн нийгмийн харилцаанд ягштал хүлэгдсэн юм. Тэд тэдгээрээс ангижрах чадваргүй байсан. Ийм хүн хүндээ чоно болсон нийгэмд хүн хаанаас утга учиртай амьдралыг олох вэ?

Үг нь махбодоор илэрсэн номын “Зам… (2)”-аас

116. Бурхан Өөрийн хүмүүсийг аврахын тулд унтаж байгаа тэднийг дуудан хашхирахгүйгээр нэг ч өдөр өнгөрдөггүй боловч тэд нар бүгдээрээ нойрны эм уучихсан юм шиг назгай хойрго байдалд байгаа. Хэрвээ Тэр тэднийг хормын төдийд ч гэсэн сэрээхгүй бол тэд юу ч мэдэхгүй, унталтын байдалдаа буцан орох болно. Түүний бүх хүмүүс биеийнх нь гуравны хоёр мэдээгүй болсон мэт санагддаг. Тэд өөрсдийнхөө хэрэгцээг эсвэл өөрсдийнхөө дутагдлыг мэддэггүй эсвэл бүр юу өмсөх ёстойгоо, юу идэх ёстойгоо мэддэггүй. Агуу улаан луу хүмүүсийг завхруулахын тулд асар их хичээл чармайлт гаргасныг энэ нь харуулдаг. Үүний муу муухай байдал нь Хятадын бүх бүс нутаг даяар түгдэг. Тэр ч бүү хэл энэ нь хүмүүсийг дургүйцүүлж, энэхүү доройтсон, бүдүүлэг улс оронд цаашид байх хүсэлгүй болгодог. Бурханы хамгийн их үзэн яддаг зүйл нь агуу улаан луугийн мөн чанар юм, ийм учраас Тэр хүмүүст өдөр болгон Өөрийнхөө уур хилэнг сануулдаг ба хүмүүс Түүний хилэнт нүдний дор өдөр бүр амьдардаг. Тэгсэн ч гэсэн, хүмүүсийн дийлэнх нь Бурханыг эрж хайхаа мэддэггүй, харин тэд зүгээр л ажиглан сууж, хооллуулахыг хүлээж байдаг. Тэд өлбөрч үхэх гэж байсан ч гэсэн өөрсдөө хоол олохыг хүсэхгүй байх байв. Хүмүүсийн мөс чанар аль хэдийн Сатанаар завхруулагдсан бөгөөд мөн чанартаа цэвдэг сэтгэлтэй болж өөрчлөгдсөн. Бурхан: “Хэрвээ Би та нарт сануулаагүй бол, та нар одоо ч гэсэн сэрээгүй, харин хөлдүү байдалд, яг л ичээндээ орсон мэт хэвээр байх байсан” гэж хэлсэнд гайхах юмгүй. Хүмүүс өвлийг өнгөрөөж буй ичээлсэн амьтад шиг, идэж, уухыг гуйгаагүй юм шиг байдаг; энэ нь яг Бурханы ардуудын одоогийн нөхцөл байдал юм …

Үг нь махбодоор илэрсэн номын “Арван гурав дахь айлдварын тайлбар”-аас

117 人不愿追求神,不愿为神花费自己的财物,不愿为神花费自己毕生的精力,反而说神作得太过分了,说神不合人观念的地方太多了,就你们这样的人性别说是不寻求神,就是使上你们浑身的力量也不能得着神的称许,你们不知道你们都是人类之中的残品吗?不知道你们的人性是最低贱的人性吗?你们不知道你们的“尊称”是什么吗?真正的爱神的人都叫你们是狼爹、狼娘、狼子、狼孙,你们是狼的后裔,你们是狼的民族,你们应知道自己的身份,时时记在心上,别认为自己是什么上等的人物,你们是人类中最毒辣的一班非人类,这些你们都不知道吗?

摘自《话在肉身显现·性情不变化就是与神为敌》

Хүн Бурханыг эрж хайх дургүй байдаг, өөрт хамаатай зүйлээ Бурханы төлөө зориулах дургүй байдаг ба нэг насны амьдралынхаа хичээл чармайлтыг Бурханд зориулах дургүй байдаг, үүний оронд Бурхан хэтэрхий ихийг нэхэж байна гэж хэлдэг, Бурханы талаарх хэтэрхий их зүйл хүний үзэлтэй зөрөлдөж байдаг. Ийм хүн чанартайгаар, хэдий өөрсдийн хичээл чармайлтыг сэтгэл харамгүй гаргасан ч та нар Бурханы зөвшөөрлийг олж авах чадваргүй байх ба Бурханыг эрж хайдаггүй талаар чинь ярихын ч хэрэггүй. Та нар бол хүн төрөлхтний гэмтэлтэй, сэвтэй бараа гэдгээ мэдэхгүй байна уу? Ямар ч хүн чанар та нарынхаас дор биш гэдгийг та нар мэдэхгүй юу? Та нарын “хүндэт цол хэргэм” юу вэ гэдгийг та нар мэдэхгүй юу? Бурханыг үнэхээр хайрладаг хүмүүс та нарыг чонын эцэг, чонын эх, чонын хүү, чонын ач хүү гэж нэрлэдэг; та нар бол чонын үр удам, чонын хүмүүс, та нар өөрсдийн ялгамж чанарыг мэдэх ёстой ба үүнийг хэзээ ч мартах ёсгүй. Чи өөрийгөө хамгийн сайн хүн гэж бүү бод: Та нар бол хүн төрөлхтөн дотроос хамгийн хартай хүн-бусчуудын бүлэг юм. Та нар үүний алийг ч мэдэхгүй юу?

118 你们今天所看到的仅是我口中的利剑,并未看见我手中的刑杖与我焚烧人的焰火,所以你们在我前仍是骄蛮放纵,在我的家中仍是与我争斗,以人之舌还我之口。人并不惧怕我,与我敌对至今仍无一点害怕。你们的口中含着不义之人的舌头与牙齿,你们的言行犹如那引诱夏娃犯罪的毒蛇一样,互相以牙还牙,以眼还眼,在我前争夺自己的地位,争夺自己的名利,却并不知我在暗中观察着你们的言行,在你们未来到我眼前以先,我早已将你们的心底摸透。人总想逃出我的手心,又总想避开我的双眼的鉴察,但我却从未躲开人的言行,而是有意叫人的言行都触及我的双目,以便我能刑罚人的不义,能审判人的悖逆。所以,人的背后的言行却总在我的审判台前,而且从未离开人,因为人的悖逆太多了。

摘自《话在肉身显现·扩展福音的工作也是拯救人的工作》

Өнөөдөр та бүгдийн харж буй зүйл ердөө л Миний амны хурц сэлэм юм. Чи Миний гар дахь савааг эсвэл хүмүүсийг шатаадаг Миний дөлийг хараагүй, тийм учраас та нар Миний өмнө ийм ихэмсэг болоод омголон шазруун байдалтай байна. Ийм учраас чи Миний гэрт, Миний амаар хэлсэн зүйлстэй хүний хэлээр маргалдаж, Надтай тэмцэлдсээр байдаг. Хүн Надаас айдаггүй бөгөөд хэдий өнөөдрийг хүртэл Надтай дайсагнаж байгаа боловч түүнд ямар ч айдас байдаггүй. Та нарын аманд зөвт шударга бусын шүд болоод хэл байдаг. Та нарын үг болон үйл хэрэг Еваг нүгэл үйлдэхэд өдөөн турхирсан могойтой адил. Та нар нэг нэгэндээ нүдийг нүдээр, шүдийг шүдээр төлдөг бөгөөд байр суурь, алдар нэр, болон ашгийг өөртөө авахын тулд Миний өмнө тэмцэлддэг, гэвч Би үг болоод үйл хэргийг чинь нууцаар ажиглаж байгаа гэдгийг та нар мэддэггүй. Та нарыг Миний өмнө ирэхээс өмнө та нарын зүрх сэтгэлийн гүнийг Би мэдсэн байх болно. Хүн үргэлж Миний гараас зугтаж, Миний нүдний ажиглалтаас зайлсхийхийг хүсдэг ч Би түүний үгнээс, эсвэл үйл хэргээс хэзээ ч бултаж байгаагүй. Үүний оронд Би зориудаар тэдгээр үг болон үйл хэргийг Өөрийн нүдэнд орохыг зөвшөөрдөг, ингэснээр Би хүний шударга бус байдлыг гэсгээж, түүний бослогыг шүүж болох юм. Иймээс хүний нууцгай үгс болон үйл хэрэг нь үргэлж Миний шүүх суудлын өмнө байдаг бөгөөд Миний шүүх суудал хүнийг хэзээ ч орхиогүй, учир нь түүний бослого хэтэрхий их.

119 你们可曾知晓你们今天所行的:横行于世、勾心斗角、尔虞我诈、欺骗隐瞒、恬不知耻、不认识真理、弯曲诡诈、阿谀奉承、自是、自高、狂妄,野蛮得犹如山中的野兽,粗暴得犹如兽中之王,哪有人的模样?蛮横不讲理,从未将我的说话当作珍宝,而是采取轻蔑的态度。就这样,成果、真正的人生、美好的盼望从何而来?奢侈的想象真能将你从虎口中救出吗?真能将你从火的焚烧中救出吗?你对我的作工若真能视如无价之宝,你能落到如此地步吗?难道你的命运就真的不能变了吗?你就甘心这样冤屈着死去吗?

摘自《话在肉身显现·人的实质与人的身份》

Та нар өнөөдөр юу хийж байгаагаа хэзээ нэгэн цагт ухаарсан уу—тухайлбал дэлхий ертөнц даяар догшин ширүүн авирлаж, бие биенийхээ эсрэг хуйвалдаж, бие биенээ хууран мэхэлж, урвамтгай, нууцлаг, ичгүүргүйгээр авирлаж, үнэнийг үл мэдэж, шударга бус, зальжин байж, бялдуучлал хэрэглэж, өөрсдийгөө үргэлж зөв, бусдаас илүү сайн гэж тооцон, их зантай байж, уулын зэрлэг амьтад шиг хэрцгий,араатнуудын хаан шиг бүдүүлэг авирлах—энэ нь хүнтэй адилхан байдал гэж үү? Та нар бол бүдүүлэг агаад бодлогогүй. Та нар Миний үгийг хэзээ ч эрдэнэс шиг үзээгүй харин оронд нь та нар тоомсоргүй хандлага баримталсан. Ийм байдлаар амжилт, жинхэнэ хүний амьдрал болон сайхан итгэл найдвар хаанаас ирэх юм бэ?Чиний хэмжээ хязгааргүй төсөөлөл чамайг үнэхээр барын амнаас аварна гэж үү? Энэ нь чамайг шатаж буй галаас үнэхээр аварна гэж үү? Хэрвээ чи Миний ажлыг үнэхээр үнэлж баршгүй эрдэнэс гэж үзсэн бол ийм байдалд орох байсан гэж үү? Чиний хувь заяа үнэхээр өөрчлөгдөшгүй байж таарах уу? Чи тийм харамсалтайгаар насан эцэслэхэд бэлэн гэж үү?

120 残酷的人类啊!勾心斗角、你争我夺、争名夺利、互相厮杀何时到头?尽管神的话语说了千千万,但人无有醒悟的,为家庭为儿女、工作、前途、地位、虚荣、钱财,为吃为穿为肉体,有谁真正为了神?即使是为了神的人也几乎很少有几个是认识神的,有几个不为自己个人的利益?有几个不为维护自己的地位而压制别人、排斥别人?所以说不知多少次神被迫被判为死刑,多少残酷的法官给神定了罪,把神重新钉在十字架上,有几个是真正为了神而能够称为义人的?

摘自《话在肉身显现·恶人必被惩罚》

Харгис, балмад хүн төрөлхтөн! Хуйвалдаан, далүзд явуулга, бие биетэйгээ сөргөлдөх байдал, нэр хүнд эд баялагийн төлөөх тэмцэл, харилцан аллага хядлага энэ бүхэн хэзээ төгсөх вэ? Бурхан хэдэн зуун мянган үг хэлсэн боловч хэн ч ойлгож ухаараагүй. Тэд өөрсдийн гэр бүл, хүү охидын төлөө, өөрсдийн ажил мэргэжил, хэтийн ирээдүй, байр суурь, аминч үзэл, мөнгөний төлөө, мөн хувцас хунар, хоол унд махан биенийхээ төлөө ажилладаг—хэний үйлдэл үнэхээр Бурханы төлөө байдаг вэ? Үйлдэл нь Бурханы төлөө байдаг хүмүүсийн дунд ч гэсэн Бурханыг мэддэг хүн тун цөөхөн байдаг. Өөрсдийн хувийн ашиг сонирхлын төлөө үйлддэггүй хичнээн хүн байдаг вэ? Өөрсдийн байр сууриа хадгалахын тулд бусдыг дарлаж, ялгаварлан гадуурхдаггүй хичнээн хүн байна вэ? Тиймээс, Бурханыг тоо томшгүй олон удаа хүчээр үхэлд хүргэсэн, тоо томшгүй олон зэрлэг бүдүүлэг шүүгчид Бурханыг яллаж, Түүнийг дахин нэг удаа загалмайд цовдолсон. Хичнээн нь үнэхээр Бурханы төлөө үйлддэг учраас зөв шударга гэж нэрлэгдэж болох вэ?

121 神的火热的心、殷切的期望换来的竟是一颗颗冰冷的心,换来的是一双双冷酷无情的眼睛,换来的是人的一次又一次的教训,一次又一次的辱骂,换来的是冷嘲热讽、挖苦、贬低,换来的是人的嗤笑,换来的是人的践踏、人的弃绝,换来的是人的误解、埋怨、远离、躲避,换来的全是欺骗,换来的全是打击,换来的全是苦果。温暖的话语竟然遭受着“横眉冷对千夫指”,神只好忍受着“俯首甘为孺子牛”的痛苦,多少个日月,多少次面对星辰,多少次披星戴月,辗转反侧,忍受着超过与父分别的千倍的痛苦,忍受着人的打击与“破碎”,忍受着人的“对付”与“修理”。神的“卑微隐藏”竟然换来的是人的歧视,人的不公平的看法、待遇;神的默默无闻、忍耐、包容换来的竟是人的贪婪的目光,企图将神一脚踩死,毫不留情,企图将神踏入地缝之中。人对待神的态度竟会是“难得聪明”一次,将人可欺的、将人所看不起的神死死压在万人的脚下,而将自己高高地竖立起来,似乎要“占山为王”,似乎要“独揽大权”“垂帘听政”,让神老老实实、规规矩矩地做“幕后导演”,而且不许反抗、不许乱动,让神装扮着“末代皇帝的角色”充当“傀儡”,毫无一点自由。人的作为不可名状,还哪有资格再向神提出这样、那样的要求?还有何资格向神提出“建议”?还哪有资格再要求神体谅人的软弱?人怎配接受神的怜悯?怎配接受神一次又一次的宽宏大量?怎配接受神一次又一次的赦免?人的良心何在?早将神的心伤透了,早将神的心给打碎了。

摘自《话在肉身显现·作工与进入(九)》

Бурханы дүрэлзсэн зүрх сэтгэл болон оргилуун хүлээлтийг хүйтэн сэтгэлээр, хөндий хэнэггүй нүдээр, хүний олон удаагийн донгодолт, доромжлолоор, зүрх зүссэн үг, егөөдлөөр болон үл ойшоосон байдлаар хариулсан, тэдгээрийг хүний доог тохуугаар, түүний дэвслэлт гололтоор, түүний ойлгохгүй байдлаар, ёололт, хагацал, зайлсхийлтээр болон өөр юугаар ч биш харин хууран мэхлэлт, дайралт, гашуун үрээр хариулсан. Дулаан үгс нь ширүүн хөмсөг болон чичилсэн мянган хурууны хүйтэн хөндий байдалтай тулгарсан. Бурхан зүгээр л тэвчиж, толгой мэхийн хүмүүст үхэр мал шиг үйлчилсэн. [b] Нар, сар хэдэн удаа ээлжилж, хэчнээн удаа Тэр ододтой учирч, хэчнээн удаа Тэр үүрийн гэгээнээр явж, үдшийн бүрийгээр эргэн ирж, Өөрийн Эцгээсээ холдон явсан Өөрийн зовлонгоос хэдэн мянга дахин их тарчлааныг тэвчиж, хүний “эвдрэл”, дайралтуудыг тэвчиж мөн хүний “харьцалт”, “засалтыг” тэвчин нойр нь хүрэлгүй эргэж хөрвөөсөн билээ. Бурханы даруу байдал болон нууцлаг байдлыг хүний ялгаварлал,[c] хүний шударга биш үзэл, хандлагаар хариулсан бөгөөд Түүний нэр цуугүй, хүлцэнгүй байдал болон тэсвэр тэвчээрийг хүний шуналтай харцаар хариулсан; хүн харамсах зүйлгүйгээр Бурханыг үхэлд хүргэхийг оролдож, Бурханыг газар унаган дэвслэхийг оролддог. Бурханд хандах хүний хандлага нь “гоц ухаан” байдаг бөгөөд хүнээр дээрэлхүүлж, басамжлагдсан Бурхан олон арван мянган хүмүүсийн хөл дор нармийтлаа няцлуулж байхад хүн өөрөө өндөрт зогсож, тэр “цайзын хаан” мэт, “хөшигний цаанаас хаан ширээг захирах” “туйлын эрх мэдлийг”[d] авахыг хүсэж байгаа мэт, Бурханыг үнэнч шударга, дүрэм журмыг дагадаг “нүднээс далд захирал”болгохыг хүсэж байгаа мэт байдаг ба эсэргүүцэж, төвөг учруулахыг Түүнд зөвшөөрдөггүй; Бурхан “Сүүлчийн Эзэн Хааны” дүрд тоглох ёстой, Тэр ямар ч эрх чөлөөгүй “утсан хүүхэлдэй”[e] байх ёстой. Хүний үйл хэргийг хэлэхийн аргагүй, тэгвэл тэр Бурханаас энэ тэрийг шаардах ямар эрхтэй вэ? Тэр Бурханд зөвлөгөө өгөх ямар эрхтэй вэ? Тэр, өөрийнх нь сул талыг өрөвдөн хайрлахыг Бурханаас шаардах ямар эрхтэй вэ? Бурханы өршөөлийг хүлээн авахад тэр хэрхэн тохирох вэ? Бурханы уужим сэтгэлийг дахин дахин хүлээн авахад тэр хир тохирох вэ? Тэр Бурханы уучлалыг дахин дахин хүлээн авахад хир тохирох вэ? Түүний мөс чанар хаана байна вэ? Тэр Бурханы зүрх сэтгэлийг аль хэдийн шархлуулсан, тэр аль хэдийн Бурханы зүрх сэтгэлийг хэдэн хэсэг болгон хаясан.

122 人都是将明珠暗投,总是黑白混淆,将正义、真理压下去,将不公、不义高举在半空之中,将光明驱逐出去,而在黑暗之中寻欢作乐。寻求真理、正义的人却将光赶走,寻求神的人却将神踩在脚下,将自己捧在高空,人都如土匪一样,有何理智?谁能明辨是非?谁能持守正义?谁肯为真理受苦?都是穷凶极恶!将神钉在了十字架上便拍手称快,狂呼不止,都是鸡犬之类,拉帮结伙,搞独立王国,搅得四周都沸腾不止,闭着眼睛狂吠不止,鸡鸣犬吠,乌烟瘴气,“好不热闹”,“吠影吠声”的人层出不穷,都高举其祖先的“英名”。这群鸡犬之类早将神抛之脑后,从不理睬神的心会怎么样,难怪神说“人都如鸡犬之类,一犬吠形,百犬吠声”,就这样将神的工作“轰轰烈烈”搞到今天,哪管神的工作如何,哪管有无正义,哪管有无神的落脚之地,哪管明日如何,哪管自身的卑贱,哪管自身的污秽,人从不考虑那么多,从不为明天忧虑,将所有的利益、所有的宝贝全都拢入个人的胸怀中,投给神的只是残羹冷炙,多么凶残的人类!

摘自《话在肉身显现·作工与进入(九)》

Хүн өдөр шөнө шиг ялгаатай зүйлсийг ялган салгаж чаддаггүй,[g] тэр үргэлж хар цагааныг андуурдаг, тэр шударга ёс, үнэнийг нуун дардаг бөгөөд шударга бус, ёс бус байдлыг агаарт өндөр өргөдөг. Тэр гэрлийг хөөн зайлуулж, харанхуйн дунд жарган цэнгэдэг. Үнэн, шударга ёсыг эрж хайдаг хүмүүс гэрлийг хөөж, Түүнийг эрж хайдаг хүмүүс өөрсдийн хөл доороо Түүнийг гишгэлдэг бөгөөд өөрсдийгөө тэнгэрт өргөдөг. Хүн дээрэмчнээс[h] өөрцгүй. Түүний эрүүл ухаан хаана байна вэ? Хэн буруу, зөвийг ялгаж чадах вэ? Хэн шударга ёсыг хадгалан хамгаалж чадах вэ? Хэн үнэний төлөө зовоход бэлэн байна вэ? Хүмүүс муу санаатай бөгөөд хэрцгий догшин!

123 享受着神却抵挡着神,又脚踩着神,而口中却又感谢、赞美着神;祷告着神、依靠着神而又欺骗着神;“高举”着神的名,仰望着神的面容,却又大摇大摆、毫不谦让地坐在神的宝座上,而又“审判”着神的“不义”;口称“亏欠神”,眼望神的话,心却在谩骂着神;“宽容”着神却又压制着神,而口中却说着是“为了神”;手中拿着神的物品,口里嚼着神给的饭食,而眼睛冷酷无情地注视着神,似乎要将其全部吞入腹中;看着真理硬说是“撒但的诡计”,看着“正义”强迫其变为“舍己”;看着“人的作为”硬要说是“神的所是”;看着“人的天资”硬说是“真理”;看着“神的作为”硬说是“狂傲自大”“骄傲自是”;看着“神”硬要给他戴上“人”的帽子,强拉硬拽将其放在与撒但同流合污的“受造席”上;明知是“神的说话”,非得说成是“人的文章”;明知是“灵化成肉身”“神道成肉身”,非得说成是“撒但的后裔”;明知“神卑微隐藏”,非得说成是“撒但蒙羞、神已得胜了”。这帮废物!竟比不上“看家狗”的功用!黑白不分,而且有意将黑白颠倒。

摘自《话在肉身显现·作工与进入(九)》

Тэд яг л тахиа, нохой шиг байдаг, тэд үгсэн хуйвалддаг, тэд өөрсдийн хаанчлалыг байгуулсан, тэдний хөндлөнгийн оролцоо нь тайван газар үлдээгээгүй, тэд нүдээ аньж, галзуу юм шиг улин ульсаар бүгд хамтдаа түгжигдэж, цэцэрхсэн уур амьсгал шингэн, энэ нь чимээ шуугиантай, идэвхтэй байдаг бөгөөд бусдад сохроор наалддаг хүмүүс бүгд өөрсдийн өвөг дээдсийн “алдартай” нэрийг дээш өргөн бий болсоор байдаг. Эдгээр нохой, тахианууд аль хэдийн Бурханыг сэтгэлийнхээ мухарт тавьж, Бурханы зүрх сэтгэлийн байдалд хэзээ ч, ямар ч анхаарал хандуулаагүй. Хүн бол нохой, тахиа шиг бөгөөд хуцаж буй нохой бусад зуун нохойгоо улиулдаг гэж Бурхан хэлдэгт гайхах зүйлгүй; ийм байдлаар, Бурханы ажил ямар вэ гэдгийг, шударга ёс байгаа эсэхийг, Бурханд хөл тавих газар байгаа эсэхийг, маргааш ямар байхыг болон өөрийн дорд байдлыг, өөрийн бохир бузар байдлыг анхаарч үзэлгүйгээр маш их дуулиан шуугиантайгаар тэр Бурханы ажлыг өнөө үед авчирсан. Хүн хэзээ ч аливаа зүйлсийн талаар тийм их бодож байгаагүй, тэр маргаашийн төлөө хэзээ ч санаа зовоогүй бөгөөд үр өгөөжтэй, үнэ цэнэтэй бүхнийг тэр өөрийн тэвэрт цуглуулж, Бурханд хаягдал, шавхруунаас[i] өөр юуг ч үлдээгээгүй. Хүн төрөлхтөн хэчнээн харгис вэ! Тэр Бурханд жаахан ч нүүрчилдэггүй, Бурханы бүх зүйлийг нууцаар залгисныхаа дараа тэр Бурханыг ардаа хол хаяж, Түүний оршин тогтнолд цаашид анхаарал тавьдаггүй. Тэр Бурханыг таашаадаг, гэсэн ч Бурханыг эсэргүүцдэг бөгөөд Түүнийг хөл доороо гишгэлдэг, тэгэнгээ амаараа тэр Бурханд талархаж, магтан дуулдаг; тэр Бурханд залбирдаг ба Бурханд найддаг, тэгэнгээ мөн Бурханыг хуурдаг; тэр Бурханы нэрийг “өргөмжилж”, Бурханы царай руу дээш хардаг, гэсэн ч тэр мөн ичгүүр сонжуургүйгээр, увайгүйгээр Бурханы сэнтий дээр сууж, Бурханы “шударга бус байдлыг” “шүүдэг”; түүний амнаас тэр “Бурханд өртэй” гэдэг үг гарч, Бурханы үгийг шинждэг боловч зүрх сэтгэлдээ тэр Бурхан руу доромжлол чулууддаг; Тэр Бурханд “хүлээцтэй” ханддаг ч Бурханыг хавчин дарамталдаг ба энэ нь “Бурханы төлөө” гэж түүний ам хэлдэг; гартаа тэр Бурханы зүйлсийг барьж, Бурханы өгсөн хоолыг тэр амандаа зажилдаг боловч сэтгэл хөдлөлгүй, хүйтэн нүдээр Бурханыг гөлрөн харж, Түүнийг бүхэлд нь үмхлэн идэхийг хүсэж байгаа мэт байдаг; тэр үнэнийг онцлон үздэг боловч энэ нь Сатаны заль мэх гэж тэр зүтгэсээр байдаг; тэр шударга ёсыг онцлон үздэг боловч үүнийг өөрийгөө бодохгүй байдал болгохоор хүчилдэг; тэр хүний үйл хэргийг онцлон үздэг боловч Бурхан хэн болох нь тэр юм гэж зүтгэдэг; тэр хүний төрөлхийн авъяас билгийг онцлон үздэг боловч тэдгээр нь үнэн гэж зүтгэдэг; тэр Бурханы үйл хэргийг онцлон үздэг боловч тэдгээр нь их зан, биеэ зөв гэх байдал, сагсуурал, маадгар зан гэж зүтгэдэг; хүн Бурханыг авч үзэхдээ Түүнийг хүн гэж ангилан зүтгэдэг бөгөөд Түүнийг Сатантай сүлбэлдсэн бүтээгдсэн зүйлийн байранд тавихаар шаргуу оролддог; тэдгээр нь Бурханы яриа гэж тэр сайн мэддэг боловч тэдгээрийг хүний бичсэн зүйл гэдгээс өөрөөр нэрлэдэггүй; Сүнс махан биед биеллээ олж, Бурхан махан биетэй болсон гэдгийг тэр сайн мэддэг боловч энэ махан бие нь Сатаны үр удам[j] гэж тэр хэлдэг; Бурхан бол даруу бөгөөд нууцлаг гэдгийг тэр мэддэг, гэсэн ч Сатан шившиг болсон ба Бурхан ялсан гэж л хэлдэг. Ямар өөдгүй хүмүүс вэ! Хүн манаач нохой мэт үйлчлэх ч үнэ цэнэгүй! Тэр хар цагааныг хооронд нь ялгадаггүй бөгөөд тэр ч бүү хэл харыг цагаан болгон санаатайгаар мушгидаг.

124 “背叛”就是违背誓言、违背道德规范、违背人间伦理的丧失人性的一种行为。作为一个人,不管你是否记得你有没有做过背叛别人的事情,或是你已经做过很多次背叛别人的事情,总的来说,你们既然都是生在世间上的,那就都做过违背真理的事。你既能背叛父母或朋友,也能背叛其他人,更能背叛我,做我所厌憎的事,也就是说,背叛不仅仅是一种表面的不道德行为,更是一种与真理相抵触的东西,这种东西正是人抵挡我、悖逆我的根源。所以我总结出这样一句话:背叛是人的天性,这个天性是每一个人与我相合的天敌。

摘自《话在肉身显现·一个很严重的问题——背叛(一)》

урвалт бол хүн амлалтаасаа буцаж, ёс суртахууны зарчмыг зөрчих, эсвэл хүний ёс зүйн эсрэг явж, хүн чанараа алдах зан авирын нэг хэлбэр юм. Хүний хувьд хэзээ нэгэн цагт хэн нэгнээс урвах зүйл хийснээ санаж байгаа эсвэл аль хэдийн бусдаас олон удаа урвасан байх нь хамаагүй, ерөнхийд нь ярихад, хэрвээ энэ дэлхийд төрсөн л бол та нар үнэнээс урвах ямар нэгэн зүйл хийсэн байж таараа. Хэрвээ та нар эцэг эх эсвэл найз нөхдөөсөө урваж чадах л бол бусдаас нь урваж чадна, цаашлаад Надаас урваж, Миний үзэн яддаг зүйлсийг хийж чадна. Өөрөөр хэлбэл, урвалт бол гадна талдаа харагддаг зүгээр л нэг ёс суртахуунгүй зан араншингийн хэлбэр биш,энэ бол үнэнтэй зөрчилддөг зүйл юм. Энэ төрлийн зүйл нь Миний эсрэг хүн төрөлхтний эсэргүүцэл ба дуулгаваргүй байдлын тодорхой эх үүсвэр юм. Ийм учраас Би дараах мэдэгдэлд үүнийг нэгтгэн дүгнэлээ: Урвалт бол хүний уг чанар. Энэ уг чанар бол Надтай таарамжтай хүн бүрийн угийн дайсан юм.

125 任何一个人都能用自己的语言与行为来代表自己的本来面目,这个本来面目当然就是人的本性。你是一个说话很弯曲的人,那你的本性就是弯曲的;你的本性很诡诈,那你办事就很圆滑而且让人很容易上当受蒙蔽;你的本性很毒辣,那你的语言或许很动听,但你的行为却掩盖不了你毒辣的手段;你的本性很懒惰,那你的语言都是为你的应付与懒惰而开脱罪责,而你的行为却很迟缓而且很会应付、很善于掩盖事实真相;你的本性很善解人意,那你的语言就很通达,而且行为也很符合真理;你的本性对谁都很忠心,那你的语言一定很诚恳,而且你做事脚踏实地,没有什么会让主人对你不放心的;你的本性很贪恋美色或钱财,那你的心时常被这些充满,不知不觉你就会做出一些越轨的、不道德的事情令人没齿难忘,而且更让人恶心。正如我说的,你有背叛的本性,那你就难辞其咎。你们都不要侥幸认为自己没有做过对不起别人的事情就没有背叛的本性,若你这样想那就让人太恶心了。我所说的每一次话都是针对所有的人的,不是针对一个人或某类人。你在一件事上没有背叛我,不能证明你在每件事上都不能背叛我。有的人在婚姻的挫折中失去了寻求真理的信心,有的人在家庭的破裂中丧失了为我忠心的义务,有的人为了寻求一时的欢乐与刺激离我而去,有的人宁可栽倒在黑暗的悬崖中也不愿活在光明中得到圣灵作工的快慰,有的人为了满足得到钱财的欲望而不顾朋友的劝阻,如今仍不能迷途知返,有的人只为了我的庇护而暂时栖身在我的名下,有的人贪生怕死勉强为我有点奉献,等等这些并不道德更无人格的作法不都是人在心底深处早已背叛我的行为吗?当然,我知道人的背叛并不是早已预谋好的,而是人的本性的自然流露,没有一个人愿意背叛我,更没有一个人做了背叛我的事而高兴快乐,相反则是战战兢兢,不是吗?那你们是否在想,怎样挽回这些背叛,又怎样改变如今的局面呢?

摘自《话在肉身显现·一个很严重的问题——背叛(一)》

Хүн болгон өөрсдийн жинхэнэ дүр төрхөө илтгэхийн тулд өөрсдийн үг, үйлдлээ ашиглаж болно. Энэ жинхэнэ төрх бол мэдээж тэдний уг чанар. Хэрэв чи маш тойруу замаар ярьдаг нэгэн бол, чи шударга бус уг чанартай. Хэрэв чиний уг чанар их зальтай бол, чи юм хийхдээ маш заль мэхтэй ба хүмүүс чамд мэхлүүлэхдээ их амархан байдаг. Хэрэв чиний уг чанар маш хорлонтой бол, чиний үгсийг сонсоход таатай ч чиний үйлдэл муу санааг чинь далдалж чадахгүй. Хэрвээ чиний угийн зан маш залхуу бол, чиний хэлж байгаа бүхэн ажлаас зугтах, өөрийн хайхрамжгүй, залхуу байдалд үүрэг хариуцлага хүлээхээс зайлсхийхэд чиглэгддэг, мөн таны үйлдэл маш удаан, хааш яаш байх төдийгүй үнэнийг нуухдаа маш сайн байдаг. Хэрвээ чиний уг чанар уян зөөлөн бол, чиний үг ухаалаг байх ба чиний үйлдэл мөн үнэнтэй тун нийцэлтэй байдаг. Хэрвээ чиний уг чанар үнэнч бол, чиний үг чин сэтгэлийн, чиний аливааг хийх байдал бодитой, эзэн чинь чамд итгэхээр байх ёстой. Хэрвээ чиний уг чанар тун тачаангуй эсвэл мөнгөнд шунахай бол, чиний зүрх сэтгэл үргэлж эдгээр зүйлээр дүүрэн, чи өөрийн эрхгүй хүмүүс мартахад бэрх, цаашлаад тэднийг зэвүүцүүлэх буруу, ёс суртахуунгүй зүйлс хийнэ. Яг Миний хэлснээр, хэрвээ чи урвагч уг чанартай бол үүнээс чи өөрийгөө гаргаж чадахгүй. Та нар хэнд ч буруу зүйл хийж байгаагүй болохоор урвагч уг чанар өөрт чинь байхгүй гэж бүү бод. Хэрвээ энэ чиний бодож байгаа зүйл бол чи хэт эгдүү хүргэсэн юм. Миний хэлсэн үгс бүр зөвхөн хэн нэгэн хүнд эсвэл ямар нэг төрлийн хүнд бус, харин бүх хүмүүст зориулагдсан. Чи Надаас нэг зүйл дээр урваагүй гэдэг нь бүх зүйл дээр урвахгүй гэдгийг батлахгүй. Зарим хүмүүс гэрлэлт нь бүтэлгүйтэхэд үнэнийг хайх итгэлээ алддаг. Зарим хүмүүс гэр бүл салалтын үеэр надад үнэнч байх үүргээ гээдэг. Зарим хүмүүс баяр баясгалан, сэтгэлийн таашаал олохын тулд Намайг хөсөр хаядаг. Зарим хүмүүс гэрэлд амьдарч Ариун Сүнсний ажлын цэнгэлийг хүртэхээс илүү харанхуй хавцал руу унахыг илүүд үздэг. Зарим хүмүүс өөрсдийн эд хөрөнгөний шуналаа хангахын тулд найз нөхдийн зөвлөгөөг үл ойшоож, алдаагаа хүлээн зөвшөөрөлгүй, бултаж зайлдаг. Зарим хүмүүс зөвхөн Миний хамгаалалтыг хүртэхийн тулд Миний нэрээр түр зуур амьдардаг, харин нөгөө хэсэг нь амьдралаас зуурч, үхлээс эмээхдээ багахан зүтгэдэг. Эдгээр болон бусад ёс суртахуунгүй цаашлаад увайгүй үйлдлүүд зүрхнийхээ гүнд Надаас аль хэдийн урвасан хүмүүст зүгээр л байдаг гэж үү? Мэдээж, хүмүүсийн урвалт урьдчилан төлөвлөсөн зүйл биш гэдгийг Би мэднэ, гэхдээ энэ бол тэдний уг чанарын илрэл юм. Хэн ч Надаас урвахыг хүсдэггүй, мөн тэд Надаас урвах ямар нэгэн зүйл хийсэн учраас аз жаргалтай байдаггүй. Эсрэгээрээ тэд айн чичирч байгаа, тийм биз? Тэгэхээр та нар хэрхэн эдгээр урвалтаас аврагдах, мөн хэрхэн одоогийн байдлыг өөрчлөх талаар бодож байна уу?

126 人的本性与我的实质截然不同,因为人的败坏本性都来源于撒但,人的本性是经过撒但加工过的,是被撒但败坏过的。也就是说,人是在撒但的邪恶、丑陋的熏陶之下生存,不是在真理的世界中成长,也不是在圣洁的环境中长大,更不是在光明中生存,所以,每个人的本性中不可能先天就具备真理,更不可能与生俱来就有敬畏神、顺服神的实质。相反,则是具备了抵挡神、悖逆神、不喜爱真理的本性,这个本性就是我要说的问题——背叛。

摘自《话在肉身显现·一个很严重的问题——背叛(二)》

Хүний уг чанар Миний мөн чанараас тэс өөр; учир нь хүний ялзарсан уг чанар бүхэлдээ Сатанаас үүсэлтэй бөгөөд хүний уг чанарыг Сатан л эвдэж бас ялзруулсан билээ. Өөрөөр хэлбэл хүн түүний хорон санаа, бузар явдлын нөлөөн дор амь зуудаг. Хүн үнэний ертөнц болоод ариун орчинд өсөж торних нь байтугай гэрэл гэгээнд ч амьдрахгүй байна. Тиймээс үнэн хүн нэг бүрийн уг чанарт төрөлхөөс байх боломжгүйгээс гадна, тэд Бурханаас эмээж, Бурханд дуулгавартай байх мөн чанартай мэндэлж чаддаггүй. Эсрэгээрээ тэд Бурханыг эсэргүүцдэг, Бурханд дуулгаваргүй , үнэнийг хайрладаггүй уг чанартай байдаг. Энэ уг чанар бол Миний ярихыг хүсээд байгаа асуудал буюу урвалт юм.

127 人的灵魂都掌握在撒但的手中,这样,人的肉体也就不言而喻地被撒但侵占了,这样的肉体、这样的人类怎能不抵挡神,怎能与生俱来就与神相合呢?撒但被我打到半空的原因就是背叛我,那人类怎能摆脱干系呢?这就是人的本性就是背叛的原因。

摘自《话在肉身显现·一个很严重的问题——背叛(二)》

Хүн төрөлхтний сүнс бүхэлдээ Сатаны атганд байдаг. Тийм болохоор, хүний бие махбод Сатанд эзлэгдсэн болох нь мэдээжийн зүйл юм. Яаж ийм бие махбодтой, ийм хүмүүс Бурханыг эсэргүүцэхгүй, Түүнтэй төрөлхийн нийцэлтэй байж чаддаг юм бэ? Сатан Надаас урвасан учраас Би түүнийг агаар луу доош хаясан билээ, тэгвэл хүмүүс үүнээс өөрсдийгөө яаж чөлөөлж чадах вэ? Хүний уг чанар нь урвалт байдгийн шалтгаан нь энэ юм.

128 不管你是跟随神多久的一个人,你的本性仍旧是背叛神的。就是说,人的本性就是背叛神的本性,因为人没有绝对的生命成熟,只有相对的性情变化。……无论你的生命有多大,无论你的经历有多深,无论你的信心有多大,无论你生在何处或走向何方,你背叛神的本性会随时随地地发泄出来。神是想告诉每一个人:背叛神是每一个人的天性。

摘自《话在肉身显现·第二部分 内容简介》

Чи хэр удаан Түүний дагалдагч байсан нь хамаагүй—чиний угийн чанар Бурханаас урвадаг хэвээрээ байдаг. Өөрөөр хэлбэл хүмүүсийн аминд туйлын төлөвшил байдаггүй, тэдний зан чанарт л харьцангуй өөрчлөлт гарсан байдаг.……чиний амь хэчнээн төлөвшсөн, чиний туршлага хэчнээн гүнзгий, чиний өөртөө итгэх итгэл хэчнээн их байх нь хамаагүй мөн чи хаана төрсөн, хаашаа явж байгаа нь хамаагүй Бурханаас урвах чиний угийн чанар хэдийд ч, хаана ч гарч ирж болно гэдгийг бүх хүмүүст сануулдаг. Бурханы хүн нэг бүрт хэлэхийг хүссэн зүйл бол энэ: Бурханаас урвах урвалт нь хүний угийн чанар юм.

129 不能绝对顺服我的行为是背叛,不能忠心于我的行为是背叛,欺骗我、用谎言来蒙骗我的行为是背叛,观念重重而且四处散布是背叛,不能维护我的见证与我的利益的是背叛,心里远离我而笑脸相送的行为是背叛。这些行为都是你们一贯都能做得到的,而且是你们司空见惯的事情,你们都不以为然,但我却不这样认为,我不能把背叛我的事情当作儿戏,更不能视而不见。如今我在你们中间作工你们尚且如此,若到有一天你们无人关问的时候,那你们不都成了占山为王的响马了吗?到那时你们闯下塌天大祸,残局又由谁来收拾呢?

摘自《话在肉身显现·一个很严重的问题——背叛(一)》

Надад бүрмөсөн дуулгавартай байж чадахгүй зан авир бол урвалт. Надад үнэнч байж чадахгүй зан авир бол урвалт. Намайг хуурч, Намайг мэхлэхийн тулд худал хэлэх нь урвалт. Олон үзэлтэй байж, тэднийгээ хаа сайгүй түгээх нь урвалт. Миний гэрчлэл ба ашиг сонирхлыг хамгаалахгүй байх нь урвалт. Зүрх сэтгэлдээ Намайг орхисон атлаа худал инээмсэглэх нь урвалт. Эдгээр зан авир бол та нарын үргэлж хийж чадах бүх зүйлс ба та нарын дунд байдаг түгээмэл зүйл. Та нарын хэн нь ч үүнийг асуудал гэж бодохгүй байж болох ч Би тэгж бодохгүй байна. Надаас урвахыг ялихгүй асуудал гэж Би үздэггүй, цаашлаад хайхрахгүй орхиж чадахгүй. Би одоо та нарын дунд ажиллаж байгаа ч та нар ийм хэвээрээ л байна. Хэрэв нэг л өдөр анхаарал тавьж, чамайг хамгаалах хэн ч байхгүй болвол, та нар бүгд толгодын хаад[a] болохгүй гэж үү ? Тэр үед хэн та нарын учруулсан том сүйрлийн дараах эмх замбараагүй байдлыг цэгцлэх вэ?

130 那些被撒但败坏过的灵魂都掌握在撒但的权下,只有相信基督的人被分别出来,从撒但的阵营里拯救出来带到了今天的国度中,这些人不再活在撒但的权势下。虽然这样,人的本性还是在人的肉体中扎根,也就是说,虽然你们的灵魂已被拯救出来,但你们的本性仍是旧貌,你们背叛我的可能仍是百分之百,所以我的作工如此长久,就因为你们的本性太不可动摇了。现在你们都在尽本分中尽力吃苦,但不可否认的一个事实就是:你们每个人都有可能背叛我重新回到撒但的权下,回到撒但的阵营里恢复旧的生活,那时的你们就不可能像现在这样有点人味、有点人样了,严重的会灭亡而且更会万劫不复,永世不得超生而受重刑的。这就是摆在你们面前的问题。

摘自《话在肉身显现·一个很严重的问题——背叛(二)》

Сатаны ялзруулсан бүх сүнс Сатаны эзэмшилд захирагдаж байдаг. Зөвхөн Христэд итгэдэг хүмүүс тусгаарлагдаж, Сатаны эзэмшлээс аврагдаж өнөөдрийн хаант улсад хүргэгдсэн. Эдгээр хүмүүс цаашид Сатаны нөлөөн дор амьдрахгүй. Хэдий тийм ч хүний уг чанар хүний бие махбодод үндэслэгдсэн байдаг. Өөрөөр хэлбэл, та нарын сүнс аврагдсан ч та нарын уг чанар хуучин төрхтэйгээ байсаар, та нарын Надаас урвах магадлал зуун хувьтай байх болно. Тийм учраас та нарын уг чанар хэтэрхий гуйвшгүй учраас Миний ажил ийм урт хугацааных байгаа билээ. Одоо та нар үүргээ биелүүлэхдээ чадлынхаа хэрээр зовж байгаа боловч дараах зүйл маргаангүй үнэн юм: Та нар Надаас урваж, Сатаны ноёрхол, эзэмшилд буцаж, хуучин амьдралдаа буцаж чадна. Тэр үед та нар одооных шигээ өчүүхэн төдий ч хүн чанаргүй, хүн төрхгүй болно. Ноцтой тохиолдолд та нарыг устгаж, мөнхөд яллах ба дахин төрлөө олох ямар ч боломжгүйгээр хатуу шийтгэх болно. Энэ бол та нарт тулгарах асуудал.

131 就人的实质就能背叛神,随时随地都能背叛神,不是说有环境能背叛,没有环境没有人逼你就背叛不了,没人逼你也能背叛,这是人的败坏实质的问题,是属于本性的问题。你看现在你只喘气,你什么也没干,你也没动弹,你也没思想什么,你现在背叛神的本性就在里面,这对不对?因为什么?因为人里面有那个背叛的东西,人里面没有神,人的灵里面、魂里面都没有神的成分,所以说,你随时随地都能背叛神。

摘自《基督的座谈纪要·事奉神当走彼得的路》

132 因为整个人类的上空混浊黑暗,毫无一点清晰之感,人间又是漆黑一团,活在人间“伸手不见五指”,抬头不见阳光,脚下之路泥泞坑洼,蜿蜒曲折,到处都遍及死尸;黑暗的角落里尽是死人的尸骨;阴凉的角落里尽是群鬼寄居;人类的中间到处又都有群鬼出没;满是污秽的各种兽的后代互相厮杀、惨斗,厮杀之声令人胆战心惊。就这样的时代,这样的世界,这样的“人间乐园”上哪去寻找人生的乐趣?人又上哪找着人生的归宿?早已被撒但践踏的人类本是撒但形象的扮演者,更是撒但的化身,是为撒但作“响亮见证”的证据,就这样的“人类”,这样的败类,这样的败坏“人类家族”的子孙怎能为神作出见证呢?

摘自《话在肉身显现·真正的“人”指什么》

Харанхуй булангууд нь үхсэн хүний шарилаар дүүрсэн ба хүйтэн, бүүдгэр булангуудад чөтгөрийн сүрэг суурьшжээ. Хүний ертөнцийн хаа сайгүй чөтгөрүүд сүрэг сүргээрээ ирж, явдаг. Бузар булайгаар бүрхэгдсэн бүх төрлийн араатнуудын үр удам, ширүүн тулаан хийж, үүний дуу чимээ зүрх сэтгэлд айдас хуруулна. Тийм цаг үед, тийм дэлхий, тийм “газрын диваажинд” амьдралын жаргал цэнгэлийг эрж хайхын тулд хүн хаашаа явах вэ? Өөрийнхөө амьдралын хүрэх газрыг олохын тулд хүн хаашаа явах вэ? Эрт үед Сатаны хөлд гишгэлэгдсэн хүн төрөлхтөн анхнаасаа Сатаны дүртэй болсон, үүнээс ч илүүтэйгээр Сатаны биелэл болсон жүжигчид байж, Сатанд хангинасан гэрчлэл хийдэг баталгаа болсон. Тийм хүн төрөлхтөн, тийм доройтсон өөдгүй амьтад, энэ завхарсан хүн төрөлхтний тийм үр удам Бурханд хэрхэн гэрчлэл хийж чадах юм бэ?

133 因为人类是我经营的附属物这不假,但说得更确切点,人类,就是我的仇敌;人类,就是抵挡我、悖逆我的恶者;人类,就是被我咒诅的那恶者的后裔;人类,就是那背叛我的天使长的后代;人类,就是那早已叫我厌弃的与我针锋相对的恶魔的遗产。

摘自《话在肉身显现·真正的“人”指什么》

Учир нь хүн төрөлхтөн Миний удирдлагын нэмэлт гэдэг нь үнэн боловч илүү тодорхой хэлэх юм бол, хүн төрөлхтөн Миний дайснаас өөр юу ч биш. Хүн төрөлхтөн бол Намайг эсэргүүцэж, Надад дуулгаваргүй ханддаг нүгэлт хүмүүс юм. Хүн төрөлхтөн нь Надаар хараагдсан муу ёрын нэгний үр удмаас өөр юу ч биш. Хүн төрөлхтөн бол Надаас урвасан тэргүүн тэнгэрэлчийн удам угсаанаас өөр юу ч биш. Хүн төрөлхтөн бол аль хэдийн Надаар гологдож, тэр цагаас хойш Миний эвлэршгүй дайсан болсон диаволын удмаас өөр юу ч биш. Хүмүүн төрөлтний дээрх тэнгэр харанхуйлж, тунгалаг байдлын жаахан ч гялбаагүй, бүрхэг, бүүдгэр болсон бөгөөд хүний ертөнц хав харанхуйд умбадаг, ингэснээр энд амьдарч байгаа хүн өөрийн сунгасан гарыг харж чаддаггүй эсвэл толгойгоо өргөх үедээ нарыг ч харж чаддаггүй. Түүний хөл доорх зам нь намагтай, хонхорхойгоор дүүрэн бөгөөд тахирлан мушгирдаг; газар нутаг даяар цогцоснууд хаягдсан.

134 “在天,撒但是我的天敌,在地,人是我的冤家对头,因着天与地的联合,所以我才将其株连九族”。撒但是神的仇敌,之所以说是神的仇敌是因为它不以神的大恩大德来报答神,而是“逆流而上”,因此它对神没有尽到“孝心”,人不也是如此吗?对自己的“父母”丝毫不孝敬,不报答“父母”的养育之恩,这就足以说明在地的人就是在天上的撒但的亲属,因为人与撒但同心合意地来与神作对……

摘自《话在肉身显现·第三十八篇说话的揭示》

Тэнгэрт Сатан Миний дайсан ба газар дээр хүн Миний өстөн. Тэнгэр, газрын хоорондох нэгдлийн улмаас тэдний есөн үеийг хам хэрэгтэн гэж үзэх ёстой бөгөөд хэн ч өршөөгдөхгүй.” Сатан бол Бурханы дайсан; Би үүнийг хэлж байгаагийн шалтгаан нь, тэр Бурханы агуу ивээл, сайхан сэтгэлийн ачийг хариулдаггүй харин оронд нь “усны урсгалын эсрэг сэлдэг” ба ингэснээр Бурханд өгөх “ачлал элбэрлээ” биелүүлдэггүй. Хүмүүс ч гэсэн ийм биш гэж үү? Тэд “эцэг эхдээ” ямар ч ачлал элбэрэл үзүүлдэггүй ба өөрсдийн “эцэг эхээ” тэжээж, дэмжихээр хэзээ ч эргэн ирдэггүй. Энэ нь газар дээрх хүмүүс бол тэнгэр дэх Сатаны хамаатан садан юм гэдгийг харуулахад хангалттай. Хүн, Сатан хоёр Бурханы эсрэг нэгэн зүрх сэтгэлтэй……

135 在你的心中有一个天大的秘密是你从未觉察到的,因为你活在了没有光明照耀的世界之中。你的心、你的灵被那恶者夺走;你的双目被黑暗遮蔽,看不到天上的太阳,看不到夜空中的那颗闪烁着的星斗;你的双耳被欺骗的言语堵塞,听不到耶和华打雷般的声音,也听不到从宝座之上流出的众水的声音。你失去了本该拥有的一切,失去了全能者赐给你的一切,进入了无边的苦海之中,没有救助的力量,没有生还的希望,只是在挣扎、在奔波……从那一刻开始,你就注定被那恶者苦害,远离全能者的祝福,远离全能者的供应,走上一条不归路。千万声呼唤难以唤醒你的心、你的灵,你沉睡在恶者的手中,被那恶者引诱进入了无边的境地,没有方向、没有路标。从此,你失去了起初的天真、无邪,开始躲避全能者的看顾。那恶者在你的心中指引着你的一切,成了你的生命,你不再害怕他,不再躲避、怀疑他,而是把他当作心中的神,你开始供奉他、朝拜他,与他形影不离,与他相互承诺生死。你全然不知你到底来源于何处,为何而生,为何而“死”。全能者被你看为陌生,你不知其来源,更不知其对你所作过的一切。从他来的一切都被你看为仇视之物,你不知道珍惜,也不知道其价值的所在。你与那恶者同行,起步在你得到全能者供应之日,几千年的风雨,你与那恶者一起走过来,共同“对付”曾是你生命源头的神,不知悔改,更不知自己已到了灭亡的境地。你忘记了恶者曾引诱、苦害你,忘记了你的起初,就这样一步步被那恶者残害到了今天,你的心、你的灵已麻木、腐朽,不再抱怨人世间的苦恼,不再认为人世间的不平,更不在乎全能者的存在与否。因为那恶者早已被你认为是你的生身父亲,你已经不能离开他——这就是你心中的“秘密”。

摘自《话在肉身显现·全能者的叹息》

Чиний зүрх сэтгэлд асар их нууц бий. Гэрэл гардаггүй дэлхийд амьдарсаар ирсэн учраас чи тэнд байдгийг нь мэддэггүй. Чиний зүрх сэтгэл болоод чиний сүнсийг ёрын муу нэгэн хулгайлан одсон. Харанхуй чиний нүдийг халхалсан; чи тэнгэрт байгаа нарыг мөн шөнө гялалзах оддыг харж эс чадна. Чиний чих хуурмаг үгсээр дүүрсэн бөгөөд Еховагийн нижигнэсэн дуу хоолой, сэнтийгээс цутгах усны чимээг ч эс сонсоно. Чи Төгс Хүчит Бурханы өгсөн бүхнийг болон өөрт харъяалагдах ёстой байсан бүхнээ алдсан. Чи ямар ч авралгүй, амьд үлдэх ямар ч найдлагагүй, тэмцэлдэн самгардахаас өөр аргагүй зах хязгааргүй гашуун далайд орсон. ... Тэр мөчөөс хойш чи ёрын муу нэгэнд хорлогдож, Төгс Хүчит Бурханы ерөөлийг хүртэлгүй, Төгс Хүчит Бурханы хангалт үгүй, буцах аргагүй замд орсон. Сая удаа дуудаж байж л чиний зүрх сэтгэл эсвэл сүнс жаахан мэдэрч магадгүй. Чи, ямар ч чиглэлгүй, ямар ч замын тэмдэглэгээгүй хязгааргүй ертөнцөд чамайг хуурч аваачсан ёрын муу нэгний гарт гүн нойрсож байгаа. Энэ үеэс, чи өөрийн ариун байдал, гэнэн цайлган байдлаа алдаж, Төгс Хүчит Бурханы хайр энэрлээс нуугдаж эхэлсэн. Ёрын муу нэгэн бүх хэрэг дээр чиний зүрх сэтгэлийг удирдаж, чиний амь болсон. Чи түүнээс айж, зугтахаа, түүнд эргэлзэхээ больсон. Үүний оронд чи зүрх сэтгэлдээ түүнтэй Бурхан мэт харьцсан. Чи түүнийг сүсэглэж шүтэж эхэлсэн ба түүний сүүдэр мэт салшгүй болж үхэл амьдралынхаа туршид түүнтэй хамт байх болсон. Чи хаанаас гаралтай, яагаад оршин тогтнодог эсвэл яагаад үхдэгээ мэдэхээ больсон. Чи Төгс Хүчит Бурханыг танихгүй хүн шиг үзсэн; чи Түүний гарлыг, тэр ч бүү хэл Тэр чамд юу хийснийг мартсан. Түүнээс ирэх бүх зүйлсийг чи үзэн ядаж эхэлсэн. Чи тэдгээрийг энхрийлэн хайрладаггүй эсвэл тэдгээрийн үнэ цэнийг мэддэггүй. Чи Төгс Хүчит Бурханы хангалтыг хүлээн авч эхэлсэн тэр өдрөөсөө эхлээд ёрын муу нэгэнтэй хамт алхсан. Чи болон ёрын муу нэгэн шуурган дундуур мянга мянган жилийг хамт тууллаа. Чи түүнтэй хамт өөрийн амийн эх сурвалж болох Бурханыг эсэргүүцсэн. Чи гэмшихээ больж, тэр ч бүү хэл мөхлийн цэгт очсон гэдгээ мэдээгүй. Ёрын муу нэгэн чамайг уруу татаж, нөлөөлдөө оруулсан гэдгийг чи мартсан; чи өөрийн гарал үүслийг мартсан. Яг тэрэнтэй адил, ёрын муу нэгэн таныг алхам алхмаар одоог хүртэл хохироож байгаа. Чиний зүрх сэтгэл болон сүнс минчүүрэн ялзарсан. Чи дэлхийн гуниг зовлонгийн талаар гомдоллохоо больж, дэлхий шудрага бус гэдэгт итгэхээ больсон. Чи Төгс хүчит Бурханы оршин тогтнолыг ч ойшоохоо больсон. Учир нь ёрын муу нэгнийг чи өөрийн жинхэнэ аав хэмээн хүлээн зөвшөөрч түүнээс ангид байж чадахаа больсон. Энэ бол чиний зүрх сэтгэл дэх нууц.

136 人在这不同的时期中跟随着神走过来,却不知神主宰着万物生灵的命运,不知神是如何摆布着万物、指挥着万物,这是如今以至于早先的人都未能得知的。究其原因,不是因为神的作为太隐秘,也不是神的计划还未实现,而是人的心、人的灵离神太远,以至于人到了在“跟随神”的同时仍在事奉着撒但的地步,人仍是不觉察。没有人主动寻求神的脚踪与神的显现,没有人愿意在神的看顾与保守之中存活,而是愿意依靠撒但、恶者的侵蚀来适应这个世界,适应这个邪恶人类的生存规律。至此,人的心与人的灵成了人献给撒但的贡品,成了撒但的食物,更成了撒但长住的地方,成了撒但理所应当的游玩场所。这样,人在不知不觉中不再懂得做人的道理,不再懂得人生存的价值与意义所在,神的律法、神与人的约在人的心中逐渐模糊,人也不再去找神,不再搭理神。日久天长,人都不再明白神造人的意义,不明白神口中的话语,不明白从神来的一切,人便开始抵触从神来的律法与典章,人的心、人的灵麻木了……神失去了起初所造的人,而人也失去了原有的根,这就是这个人类的悲哀。

摘自《话在肉身显现·神是人生命的源头》

Хүн Бурхантай хамт он жилүүдийг элээсэн боловч Бурхан бүхий л зүйлс, амьд амьтдын хувь заяаг захирдгийг эсвэл Бурхан хэрхэн бүх зүйлийг зохион байгуулж удирдан чиглүүлдгийг хараахан мэдээгүй. Энэ бол хүн төрөлхтний эрт дээр үеэс өнөөг хүртэл зайлсхийсээр ирсэн зүйл юм. Үүний шалтгааны тухайд гэвэл энэ нь Бурханы арга зам хэтэрхий үл ойлгогдом эсвэл Бурханы төлөвлөгөө хараахан биелэгдээгүйгээс бус харин хүний сүнс болон зүрх сэтгэл Бурханаас дэндүү хол байгаагаас болдог. Тиймээс хүн хэдийгээр Бурханыг дагадаг ч өөрийн мэдэлгүйгээр Сатанд үйлчилсээр байдаг. Бурханы мөр ба илрэлтийг идэвхтэйгээр эрэлхийлдэг, Бурханы хамгаалалт болон халамжинд оршихыг хүсдэг хүн нэг ч үгүй. Үүний оронд тэд энэхүү дэлхий ертөнц ба хорон муу хүн төрөлхтний дагадаг амьдралын жам ёсонд нийцүүлэхийн тулд хорон муу Сатаны муу нөлөөнд найдахад бэлэн байдаг. Энэ үед хүний сүнс хийгээд зүрх сэтгэл Сатанд тахил болон өргөгдөж, Сатаны хоол болдог. Түүнчлэн, хүн төрөлхтний зүрх сэтгэл болоод сүнс нь Сатаны оршин сууж, үйл ажиллагаагаа явуулах орон байр болж байдаг. Хүн ийм маягаар хүн байхын зарчим болоод хүний оршин тогтнолын үнэ цэнэ, зорилгын талаарх ойлголтоо өөрийн мэдэлгүй алддаг. Бурханы хууль болон Бурхан ба хүний хоорондын гэрээ нь хүн Бурханыг эрэлхийлж эсвэл Түүнд анхаарал тавихаа болих хүртэл нь хүний зүрх сэтгэлээс аажмаар бүдэгрэн арилдаг. Цаг хугацаа өнгөрөхийн хэрээр Бурхан хүнийг яагаад бүтээсэн болохыг хүн ойлгохоо больдог, мөн тэр Бурханы амнаас гарах үгийг ойлгодоггүй бөгөөд бүх зүйл Бурханаас ирдэг гэдгийг ухаарахаа больдог. Хүн Бурханы хууль, тогтоолуудыг эсэргүүцэж эхэлдэг; хүний зүрх сэтгэл болон сүнс нь үхмэл болдог байна. … Бурхан Өөрийн жинхэнэ бүтээл болох хүнийг алддаг ба хүн гарал үүслийнхээ үндсийг алддаг. Энэ бол хүн төрөлхтний уй гашуу юм.

Өмнөх:(II) Бурхан Нигүүлслийн эрин үеийн ажлыг илчилсэн тухай сонгодог үгс

Дараах:IV Библийн тухай сонгодог үгс

Танд таалагдаж магадгүй