Төгс Хүчит Бурханы Чуулганы апп

Бурханы дуу хоолойг сонсож, Эзэн Есүсийн эргэн ирэлтийг угтан аваарай!

Бүх үнэнийг эрэлхийлэгчдийг бидэнтэй холбогдохыг урьж байна.

Үг нь махбодоор илэрсэн

Цулгуй өнгө

Загвар

Үсгийн хэв

Үсгийн хэмжээ

Мөр хоорондын зай

Хуудасны өргөн

Хайлтын үр дүн 0

Ямар ч үр дүн олдсонгүй.

ГЭМ БУРУУ НЬ ХҮНИЙГ ТАМ РУУ АВААЧНА

Би та нарт олон анхааруулга өгч, та нарыг байлдан дагуулахын тулд олон үнэнийг хайрласан. Өнөөдөр та нарт өмнөхөөсөө илүү сайжирсан санагддаг ба та нар хүн байхын утга учрын тухай маш ихийг ойлгож, итгэлтэй хүмүүст байх ёстой үндсэн мэдлэгээс тун ихийг эзэмшдэг. Энэ нь та нарын олон жилийн туршид олж авсан зүйл юм. Би та нарын амжилтыг үгүйсгэдэггүй боловч энэ олон жил Миний эсрэг тоо томшгүй олон удаа дуулгаваргүй байж, тэрсэлснийг чинь ч бас үгүйсгэдэггүй гэдгээ шулуухан хэлэх ёстой, учир нь та нарын дунд ариун хүн нэг ч байхгүй, та нар бүгд ялгаагүй Сатаны завхруулсан хүмүүс бөгөөд Христийн дайснууд билээ. Өнөөдрийг хүртэлх та нарын гэм буруу болон дуулгаваргүй байдал тоо томшгүй их, иймээс Би та нарын өмнө үгээ байнга давтдагт бараг л гайхах зүйлгүй. Би та нартай ингэж амьдармааргүй байгаа ч, та нарын ирээдүй болон хүрэх газрын төлөө өмнө нь хэлсэн зүйлээ энд дахин нэг давтъя. Та нар Надад хүлээцтэй хандаж, үүнээс ч илүүтэйгээр хэлсэн үг бүхэнд минь итгэж, үгийн минь гүнзгий утга санааг дүгнэж чадна гэж Би найдаж байна. Хэлдэг зүйлд минь бүү эргэлз, эсвэл бүр Миний үгийг битгий хүссэнээрээ аваад дураараа хая, ингэх нь Надад тэвчихийн аргагүй санагддаг. Миний үгийг бүү шүү, эдгээрийг хөнгөн хуумгай авч үзэж, эсвэл Би та нарыг үргэлж уруу татаж байна гэж бүр битгий ярь, та нарт хэлсэн зүйлд минь үнэн зөв байдал дутагддаг гэж бүр ч хэлж болохгүй. Эдгээр зүйл Надад тэвчихийн аргагүй санагддаг. Та нар Надад болон Миний хэлдэг зүйлд тийм сэжигтэйгээр хандаж, хэзээ ч ойшоодоггүй учраас Би та бүхэнд бүрэн нухацтай байдлаар хэлж байна: Миний хэлдэг зүйлийг гүн ухаантай бүү холбо, зальт этгээдийн худал үгтэй бүү нийлүүл, үүнээс ч илүүтэйгээр Миний үгэнд үзэн ядалтаар бүү хариул. Магадгүй ирээдүйд хэн ч та нарт Миний хэлж байгаа зүйлийг хэлж өгч чадахгүй, та нартай ингэж өр зөөлнөөр ярилцахгүй, тэр ч байтугай та нарыг сайхан сэтгэлээр алхам алхмаар ингэж залж чиглүүлэхгүй. Айсуй өдөр хоногуудыг сайхан цагаа дурсах юм уу чангаар эхэр татан уйлж, эсвэл өвчиндөө ёолж өнгөрөөнө, эсвэл та нар үнэн ба амийн өчүүхэн төдий ч хангалтгүй харанхуй шөнүүдийг аргацааж, эсвэл зүгээр л ямар ч найдваргүйгээр хүлээх юм уу гашуунаар харамссандаа эрүүл ухаанаа алдах болно…. Эдгээр боломжит хувилбараас та нарын дундах хэн ч бай бараг зайлсхийх аргагүй юм. Учир нь та нарын нэг нь ч Бурханыг үнэхээр шүтэн мөргөдөг суудлыг эзэлдэггүй; та нар садар самуун, муу ёрын ертөнцөд автагдаж, амь, үнэнтэй ямар ч хамаагүй, үнэндээ эдгээрийн эсрэг байдаг маш олон зүйлийг өөрсдийн сүнс, сэтгэл болон биедээ хольдог. Иймээс та нарын төлөө Миний найддаг зүйл бол та нар гэрэл гэгээтэй замыг олж авах явдал юм. Миний цорын ганц найдвар бол та нар өөрсдийгөө халамжилж, өөрсдөдөө санаа тавих чадвартай байх явдал бөгөөд хүрэх газартаа хэтэрхий их ач холбогдол өгч, ааш авир, гэм буруугаа ялихгүй зүйл гэж бүү үз.

Бурханд удаан хугацаанд итгэсэн хүмүүс одоо гайхалтай сайхан хүрэх газарт найдсан байдаг, Бурханд итгэдэг бүх хүмүүс, тэдэнд сайн зол завшаан гэнэт тохиох болно гэж найддаг бөгөөд өөрсдөө ч мэдэхээсээ өмнө тэнгэрт хаа нэгтээ тайвнаар сууж байгаагаа олж мэдэх болно гэж бүгд найддаг. Гэхдээ сайхан бодолтой эдгээр хүмүүс, тэнгэрээс унаж ирэх тийм сайн зол завшааныг хүлээн авахад эсвэл тэнгэр дэх суудалд суухад тохирох эсэхээ хэзээ ч мэдээгүй гэж Би хэлдэг. Та нар одоо өөрсдийнхөө талаар сайн мэдлэгтэй байдаг, гэсэн ч та нар эцсийн өдрүүдийн гай гамшгаас болон муу ёрын хүмүүсийг шийтгэж байгаа Төгс Хүчитийн гараас зугтаж чадна гэж найдсаар байдаг. Сайхан мөрөөдөлтэй байж, амар хялбар амьдралыг хүсдэг нь ганц нэг хүний гайхалтай санаа биш харин Сатаны завхруулсан бүх хүмүүсийн нийтлэг онцлог юм шиг санагддаг. Тэгсэн ч гэсэн Би та нарын хэмжээ хязгааргүй их хүсэл болон ерөөл олж авах эрмэлзлийг эцэс болгохыг хүсэж байна. Та нарын гэм буруу тоо томшгүй, мөн дуулгаваргүй байдлын чинь баримтууд тоо томшгүй агаад үргэлжид ихсэж байгаагаас үүдэн эдгээр нь ирээдүйн төлөөх сайхан төлөвлөгөөтэй чинь яаж тохирох юм бэ? Хэрвээ чи буруу зүйл хийж, чамайг хорих юу ч үгүйгээр өөрийнхөө тааллаар үргэлжлүүлэхийг хүсэж байгаа боловч мөрөөдлөө биелүүлэхийг хүссээр байгаа бол Би чамайг мэдээ алдсан хэвээрээ байж, хэзээ ч сэрэхгүй байхыг шаардана, учир нь чинийх бол хий хоосон мөрөөдөл бөгөөд энэ нь зөвт Бурханы өмнө чамайг онцгойлохгүй. Хэрвээ чи зөвхөн мөрөөдлөө биелүүлэхийг хүсэж байгаа бол хэзээ ч бүү мөрөөд, харин мөнхөд үнэнтэй нүүр тулж, баримтуудтай нүүр тул. Зөвхөн энэ нь л чамайг аврах цорын ганц зам юм. Бодит нөхцөлд энэ аргын алхмууд нь юу вэ?

Нэгдүгээрт, өөрийн бүх гэм буруугаа шалга, үнэнтэй нийцдэггүй бүх ааш авир болон бодлуудаа шалга.

Энэ нь та нарын амархан хийж чадах зүйл бөгөөд ухаалаг хүмүүс үүнийг хийж чадна гэж Би итгэж байна. Гэсэн хэдий боловч гэм буруу болон үнэн гэдэг нь юу гэсэн үг болохыг хэзээ ч мэддэггүй хүмүүс үүнд хамаарахгүй, учир нь тэд үндсэндээ ухаалаг хүмүүс биш юм. Би Бурханаар хүлээн зөвшөөрөгдсөн, үнэнч шударга, захиргааны зарлигийг ноцтойгоор зөрчөөгүй бөгөөд өөрсдийн гэм бурууг амархан олж мэддэг хүмүүстэй ярьж байна. Хэдийгээр Миний та нараас шаардаж буй энэ зүйл та нарын хувьд амархан боловч энэ нь та нараас Миний шаарддаг цорын ганц зүйл биш. Ямар ч байсан энэ шаардлагыг та нар нууцаар шоолохгүй, үүнээс ч илүүтэйгээр та нар үүнийг дорд үзэж, хөнгөхнөөр авч үзэхгүй гэж Би найдаж байна. Үүнд ноцтойгоор ханд мөн үүнийг бүү үл хайхар.

Хоёрдугаарт, өөрийн гэм буруу болон дуулгаваргүй байдал болгонд харгалзах үнэнийг эрж хайж, тэдгээрийг шийдвэрлэж, дараа нь өөрийн гэм буруутай үйл хэргийг, дуулгаваргүй бодлууд болон үйл хэргийг үнэний хэрэгжүүлэлтээр орлуул.

Гуравдугаарт, үргэлж сүйхээтэй, овжин нэгэн биш үнэнч хүн бай. (Энд Би та нараас үнэнч хүн байгаач гэж дахин хүсэж байна.)

Хэрвээ энэ гурван зүйлийг бүгдийг нь биелүүлж чадвал чи хувьтай агаад мөрөөдөл нь биелдэг, сайн зол завшааныг хүртдэг хүн юм. Магадгүй та нар энэ гурван таагүй хүсэлтэнд хянуур хандах байх эсвэл магадгүй тэдгээрт хариуцлагагүй хандах байх. Аль нь ч бай Миний зорилго бол та нарын мөрөөдөл болон туйлын зорилгыг биелүүлэхийн төлөө юм, харин та нараар даажигнах эсвэл та нараар тоглох явдал биш юм.

Миний шаардлагууд энгийн байж болох боловч Миний та нарт хэлж байгаа зүйл нэг дээр нэмэх нь нэг тэнцүү хоёр гэдэг шиг тийм ч энгийн биш. Хэрвээ та нар, энэ тухай таамгаар ярьж, хий дэмий ихэрхүү үг чалчихаас өөрийг хийдэггүй бол та нарын төлөвлөгөө, та нарын хүсэл чинь үүрд хоосон хуудас байх болно. Олон жилийн турш зовж, харуулах ямар ч зүйлгүйгээр шаргуу ажилласан та нарыг өрөвдөх мэдрэмж Надад байхгүй байх болно. Эсрэгээр нь Миний шаардлагад нийцээгүй хүмүүсийг Би өрөвдөх нь байтугай ямар нэгэн шагналтайгаар биш харин шийтгэлтэйгээр хандана. Та нар, олон жилийн турш дагалдагч байснаараа ямар ч байсан шаргуу ажилласан, иймээс ямар ч тохиолдолд та нар үйлчлэл үзүүлэгч байсныхаа төлөө Бурханы гэрт аяга будаа хүртэж чадна гэж төсөөлж байж магадгүй. Та нар одоог хүртэл үргэлж ямар нэгэн зүйлийг хэрхэн ашиглаж, өөрийгөө ашиглуулахгүй байх тухай зарчмыг эрэлхийлсээр ирсэн учраас та нарын дийлэнх нь ингэж боддог гэж Би хэлнэ. Иймээс Би та нарт одоо албан ёсоор хэлж байна: Чиний шаргуу ажил хэр гавьяатайг, чиний эрдэм чадал хэр үлэмж байхыг, чи Намайг хэр ойрхон дагадагийг, чи хэр алдартайг эсвэл чиний хандлага хэр сайжирснийг Би тоодоггүй; иймээс Миний шаардлагын дагуу хийгээгүй л бол чи хэзээ ч Миний сайшаалыг олж авч чадахгүй байх болно. Өөрсдийн тэр бүх санаа, тооцооллуудаа аль болох эртхэн арилгаад Миний шаардлагуудад хянуур хандаж эхэл. Эс бөгөөс Би Өөрийн ажлыг дуусгахын тулд бүх хүмүүсийг үнс нурам болгон хувиргах ба сайндаа л Өөрийн олон жилийн ажил болон зовлонгоо юу ч биш болгоно, учир нь Өөрийн дайснуудаа болон Сатаны загвараар хорон муу үнэртсэн хүмүүсийг Би Өөрийн хаанчлалд буюу дараагийн эрин үед аваачиж чадахгүй билээ.

Надад маш олон хүсэл бий. Та нар биеэ зүй зохистой, хүмүүжилтэй байдлаар авч явж, өөрийн үүргээ биелүүлэхдээ үнэнч байж, үнэн болон хүн чанартай байж, бүх зүйлийг орхиод өөрсдийн амийг Бурханы төлөө өгч чаддаг гэх мэт байгаасай гэж Би хүсдэг. Энэ бүх итгэл найдвар нь та нарын дутагдал, та нарын завхрал болон дуулгаваргүй байдлаас үүсэн гардаг. Миний та нартай ярилцсан яриа бүр та нарын анхаарлыг татахуйц хангалттай байгаагүй бол, магадгүй Миний хийж чадах бүхэн нь цаашид ярихаа болих. Гэсэн хэдий ч та нар түүний үр дүнг ойлгож байгаа. Би хэзээ ч амардаггүй, иймээс хэрвээ ярихгүй бол Би хүмүүсийн харах ямар нэгэн зүйлийг хийх болно. Би хэн нэгний хэлийг илжрүүлж эсвэл хэн нэгнийг мөчлүүлэн үхүүлж эсвэл хэн нэгэнд сэтгэцийн гажиг өгч, тэднийг галзууруулж чадна. Эсвэл мөн, тэдэнд зориулж Өөрийнхөө исгэсэн тарчлааныг Би зарим хүмүүст амсуулж чадна. Ийм маягаар Би баяртай, тун аз жаргалтай, ихэд тааламжтай байх болно. Өмнө нь үргэлж “Сайн нь сайнаар, муу нь муугаар хариулагддаг” гэдэг байсан, тэгвэл яагаад одоо ийм биш байна вэ? Хэрвээ чи Намайг эсэргүүцэж, Миний талаар шүүлт хийхийг хүсэж байвал Би чиний амыг илжрүүлэх бөгөөд тэр нь Намайг маш ихээр баярлуулах болно. Учир нь эцэстээ чи амьтай байтугай үнэнтэй холбоотой юу ч хийгээгүй, харин тэгэхэд Миний хийдэг бүхэн үнэн бөгөөд бүгд Миний ажлын зарчмууд болон Миний тогтоосон захиргааны зарлигтай хамаатай байдаг. Тиймээс зарим нэг сайн чанарыг хуримтлуулж, маш их хорон мууг хийхээ больж, завтай цагтаа Миний шаардлагуудыг анхаарахыг Би та нараас шаардаж байна. Тэгвэл Би баяр хөөртэй байх болно. Хэрвээ та нар махан биедээ зориулж байгаа хичээл чармайлтынхаа мянганы нэгийг үнэнд нэмэрлэдэг (эсвэл хандивладаг) байсан бол чи үргэлжийн гэм буруутай, илжирсэн амтай байхгүй байх байсан гэдгийг Би хэлж байна. Энэ нь илэрхий биш гэж үү?

Чиний гэм буруу хэдийчинээ их байна, сайн хүрэх газрыг олж авах чиний боломж төдийчинээ бага байдаг. Үүний эсрэгээр чиний гэм буруу хэдийчинээ цөөн байна, Бурханаар магтагдах боломж чинь төдийчинээ их байна. Миний хувьд чамайг уучлах боломжгүй хэмжээнд хүртэл гэм буруу чинь хэрвээ ихэссэн бол чи уучлагдах боломжоо бүрмөсөн алдсан байх болно. Тэр тохиолдолд чиний хүрэх газар дээр биш харин доор байх болно. Хэрвээ чи Надад итгэхгүй бол зоригтой байж, бурууг хий, тэгээд энэ нь чамайг юунд хүргэхийг хар. Хэрвээ чи үнэнийг хэрэгжүүлдэг хичээнгүй хүн бол гарцаагүй гэм буруугаа уучлуулах боломжтой байх бөгөөд чиний дуулгаваргүй байдлын хэмжээ улам бүр цөөрсөөр байх болно. Хэрвээ чи үнэнийг хэрэгжүүлэхийг хүсдэггүй хүн бол Бурханы өмнөх чиний гэм буруу гарцаагүй ихсэж, чиний дуулгаваргүй байдлын хэмжээ нь, бүрмөсөн устгагдах эцсийн хором хүртэл чинь улам бүр их болох бөгөөд тэр нь ерөөлийг хүлээн авах гэсэн чиний таатай мөрөөдөл сүйрэх үе байх юм. Өөрийн гэм бурууг томоогүй эсвэл тэнэг хүний алдаа гэж бүү үз, мөн чиний дорд хэв чанар чинь хэрэгжүүлэх боломжгүй болгосон болгохоор үнэнийг хэрэгжүүлж чадаагүй гэсэн шалтаг бүү тооч, үүнээс ч илүүтэйгээр өөрийн үйлдсэн гэм бурууг, тэрнээс илүү дээрийг мэдэхгүй хэн нэгний үйлдэл гэж бүү үз. Хэрвээ чи өөрийгөө уучлахдаа сайн агаад өөртөө өгөөмөр хандахдаа сайн бол, Би чамайг хэзээ ч үнэнийг олж авахгүй хулчгар гэж хэлэх бөгөөд гэм буруу чинь чамайг зовоохоо хэзээ ч болихгүй, харин чамайг хэзээ ч үнэний шаардлагад нийцүүлэхгүй байж, чамайг үүрд Сатаны үнэнч хамтрагч болгох болно. Чамд өгөх Миний зөвлөгөө бол мөн л энэ: Зөвхөн өөрийнхөө хүрэх газарт бүү анхаарал хандуул мөн далд гэм буруугаа бүү орхигдуул; өөрийн гэм бурууг ноцтойгоор авч үз, хүрэх газартаа санаа зовсноосоо болж бүх гэм буруугаа бүү орхигдуул.

Өмнөх:ГУРВАН САНУУЛГА

Дараах:БУРХАНЫ ЗАН ЧАНАРЫГ ОЙЛГОХ НЬ МАШ ЧУХАЛ